॥ শ্রী বিষ্ণোর্দিব্যস্থল স্তোত্রম্ ॥
অর্জুন উবাচ।
ক্ষেত্রেষু যেষু যেষু ত্বং চিন্তনীযো মযাচ্যুত ।
চেতসঃ প্রণিধানার্থং তন্মমাখ্যাতুমর্হসি ॥ ১ ॥
চেতসঃ প্রণিধানার্থং তন্মমাখ্যাতুমর্হসি ॥ ১ ॥
যত্র যত্র চ যন্নাম প্রীতযে ভবতঃ স্তুতৌ ।
প্রসাদসুমুখো নাথ তন্মমাশেষতো বদ ॥ ২ ॥
প্রসাদসুমুখো নাথ তন্মমাশেষতো বদ ॥ ২ ॥
ভগবানুবাচ ।
সর্বগঃ সর্বভূতোংঽহং ন হি কিঞ্চিন্মযা বিনা ।
চরাচরে জগত্যস্মিন্ বিদ্যতে কুরুসত্তম ॥ ৩ ॥
চরাচরে জগত্যস্মিন্ বিদ্যতে কুরুসত্তম ॥ ৩ ॥
তথাপি যেষু স্থানেষু চিন্তনীযোঽহমর্জুন ।
স্তোতব্যো নামভির্যৈশ্চ শ্রূযতাং তদ্বদামি তে ॥ ৪ ॥
স্তোতব্যো নামভির্যৈশ্চ শ্রূযতাং তদ্বদামি তে ॥ ৪ ॥
পুষ্করে পুণ্ডরীকাক্ষং গযাযাং চ গদাধরম্ ।
লোহদণ্ডে তথা বিষ্ণুং স্তুবংস্তরতি দুষ্কৃতম্ ॥ ৫ ॥
লোহদণ্ডে তথা বিষ্ণুং স্তুবংস্তরতি দুষ্কৃতম্ ॥ ৫ ॥
রাঘবং চিত্রকূটে তু প্রভাসে দৈত্যসূদনম্ ।
বৃন্দাবনে চ গোবিন্দং মাং স্তুবন্ পুণ্যভাগ্ভবেত্ ॥ ৬ ॥
বৃন্দাবনে চ গোবিন্দং মাং স্তুবন্ পুণ্যভাগ্ভবেত্ ॥ ৬ ॥
জযং জযন্ত্যাং তদ্বচ্চ জযন্তং হস্তিনাপুরে ।
বরাহং কর্দমালে তু কাশ্মীরে চক্রপাণিনম্ ॥ ৭ ॥
বরাহং কর্দমালে তু কাশ্মীরে চক্রপাণিনম্ ॥ ৭ ॥
জনার্দনং চ কুব্জাম্রে মথুরাযাং চ কেশবম্ ।
কুব্জকে শ্রীধরং তদ্বদ্গঙ্গাদ্বারে সুরোত্তমম্ ॥ ৮ ॥
কুব্জকে শ্রীধরং তদ্বদ্গঙ্গাদ্বারে সুরোত্তমম্ ॥ ৮ ॥
সালগ্রামে মহাযোগিং হরিং গোবর্ধনাচলে ।
পিণ্ডারকে চতুর্বাহুং শঙ্খোদ্ধারে চ শঙ্খিনম্ ॥ ৯ ॥
পিণ্ডারকে চতুর্বাহুং শঙ্খোদ্ধারে চ শঙ্খিনম্ ॥ ৯ ॥
বামনং তু কুরুক্ষেত্রে যমুনাযাং ত্রিবিক্রমম্ ।
বিশ্বেশ্বরং তথা শোণে কপিলং পূর্বসাগরে ॥ ১০ ॥
বিশ্বেশ্বরং তথা শোণে কপিলং পূর্বসাগরে ॥ ১০ ॥
শ্বেতদ্বীপপতিং চাপি গঙ্গাসাগরসঙ্গমে ।
ভূধরং দেবিকানদ্যাং প্রযাগে চৈব মাধবম্ ॥ ১১ ॥
ভূধরং দেবিকানদ্যাং প্রযাগে চৈব মাধবম্ ॥ ১১ ॥
নরনারাযণাখ্যং চ তথা বদরিকাশ্রমে ।
সমুদ্রে দক্ষিণে স্তব্যং পদ্মনাভেতি ফাল্গুন ॥ ১২ ॥
সমুদ্রে দক্ষিণে স্তব্যং পদ্মনাভেতি ফাল্গুন ॥ ১২ ॥
দ্বারকাযাং তথা কৃষ্ণং স্তুবংস্তরতি দুর্গতিম্ ।
রামং নাম মহেন্দ্রাদ্রৌ হৃষীকেশং তথার্বুদে ॥ ১৩ ॥
রামং নাম মহেন্দ্রাদ্রৌ হৃষীকেশং তথার্বুদে ॥ ১৩ ॥
অশ্বতীর্থে হযগ্রীবং বিশ্বরূপং হিমাচলে ।
নৃসিংহং কৃতসৌচে চ বিপাশাযাং দ্বিজপ্রিযম্ ॥ ১৪ ॥
নৃসিংহং কৃতসৌচে চ বিপাশাযাং দ্বিজপ্রিযম্ ॥ ১৪ ॥
নৈমিষে যজ্ঞপুরুষং জম্বূমার্গে তথাচ্যুতম্ ।
অনন্তং সৈন্ধবারণ্যে দণ্ডকে শার্ঙ্গধারিণম্ ॥ ১৫ ॥
অনন্তং সৈন্ধবারণ্যে দণ্ডকে শার্ঙ্গধারিণম্ ॥ ১৫ ॥
উত্পলাবর্তকে শৌরিং নর্মদাযাং শ্রিযঃ পতিম্ ।
দামোদরং রৈবতকে নন্দাযাং জলশাযিনম্ ॥ ১৬ ॥
দামোদরং রৈবতকে নন্দাযাং জলশাযিনম্ ॥ ১৬ ॥
সর্বযোগেশ্বরং চৈব সিন্ধুসাগরসঙ্গমে ।
সহ্যাদ্রৌ দেবদেবেশং বৈকুণ্ঠং মাগধে বনে ॥ ১৭ ॥
সহ্যাদ্রৌ দেবদেবেশং বৈকুণ্ঠং মাগধে বনে ॥ ১৭ ॥
সর্বপাপহরং বিন্ধ্যে চোড্রেষু পুরুষোত্তমম্ ।
হৃদযে চাপি কৌন্তেয পরমাত্মানমাত্মনঃ ॥ ১৮ ॥
হৃদযে চাপি কৌন্তেয পরমাত্মানমাত্মনঃ ॥ ১৮ ॥
বটে বটে বৈশ্রবণং চত্বরে চত্বরে শিবম্ ।
পর্বতে পর্বতে রামং সর্বত্র মধুসূদনম্ ॥ ১৯ ॥
পর্বতে পর্বতে রামং সর্বত্র মধুসূদনম্ ॥ ১৯ ॥
নরং ভূমৌ তথা ব্যোম্নি কৌন্তেয গরুডধ্বজম্ ।
বাসুদেবং চ সর্বত্র সংস্মরেজ্জ্যোতিষাং পতিম্ ॥ ২০ ॥
বাসুদেবং চ সর্বত্র সংস্মরেজ্জ্যোতিষাং পতিম্ ॥ ২০ ॥
অর্চযন্ প্রণমন্ স্তুন্বন্ সংস্মরেশ্চ ধনঞ্জয ।
এতেষ্বেতানি নামানি নরঃ পাপাত্ প্রমুচ্যতে ॥ ২১ ॥
এতেষ্বেতানি নামানি নরঃ পাপাত্ প্রমুচ্যতে ॥ ২১ ॥
স্থানেষ্বেতেষু মন্নাম্নামেতেষাং প্রীণনং নরঃ ।
দ্বিজানাং প্রীণনং কৃত্বা স্বর্গলোকেঽভিজাযতে ॥ ২২ ॥
দ্বিজানাং প্রীণনং কৃত্বা স্বর্গলোকেঽভিজাযতে ॥ ২২ ॥
নামান্যেতানি কৌন্তেয স্থানান্যেতানি চাত্মবান্ ।
জপন্ বৈ পঞ্চপঞ্চাশত্ ত্রিসন্ধ্যং মত্পরাযণঃ ॥ ২৩ ॥
জপন্ বৈ পঞ্চপঞ্চাশত্ ত্রিসন্ধ্যং মত্পরাযণঃ ॥ ২৩ ॥
ত্রীণি জন্মানি যত্পাপমবস্থাত্রিতযে কৃতম্ ।
তত্ক্ষালযত্যসন্দিগ্ধং জাযতে চ সতাং কুলে ॥ ২৪ ॥
তত্ক্ষালযত্যসন্দিগ্ধং জাযতে চ সতাং কুলে ॥ ২৪ ॥
দ্বিকালং বা জপন্বৈতদ্দিবারাত্রৌ চ যত্কৃতম্ ।
তস্মাদ্বিমুচ্যতে পাপাত্ সংস্তুবন্পরমো নরঃ ॥ ২৫ ॥
তস্মাদ্বিমুচ্যতে পাপাত্ সংস্তুবন্পরমো নরঃ ॥ ২৫ ॥
জপ্তান্যেতানি কৌন্তেয সকৃচ্ছ্রদ্ধাসমন্বিতম্ ।
মোচযন্তি নরং পাপাদ্যত্তত্রৈব দিনে কৃতম্ ॥ ২৬ ॥
মোচযন্তি নরং পাপাদ্যত্তত্রৈব দিনে কৃতম্ ॥ ২৬ ॥
ধন্যং যশস্যমাযুষ্যং জযং কুরু কুলোদ্বহ ।
গ্রহানুকূলতাং চৈব করোত্যাশু ন সংশযঃ ॥ ২৭ ॥
গ্রহানুকূলতাং চৈব করোত্যাশু ন সংশযঃ ॥ ২৭ ॥
উপোষিতো মত্পরমঃ স্থানেষ্বেতেষু মানবঃ ।
কৃতাযতনবাসশ্চ প্রাপ্নোত্যভিমতং ফলম্ ॥ ২৮ ॥
কৃতাযতনবাসশ্চ প্রাপ্নোত্যভিমতং ফলম্ ॥ ২৮ ॥
উত্ক্রান্তিরপ্যশেষেষু স্থানেষ্বেতেষু শস্যতে ।
অন্যস্থানাচ্ছতগুণমেতেষ্বনশনাদিকম্ ॥ ২৯ ॥
অন্যস্থানাচ্ছতগুণমেতেষ্বনশনাদিকম্ ॥ ২৯ ॥
যস্তু মত্পরমঃ কালং করোত্যেতেষু মানবঃ ।
দেবানামপি পূজ্যোঽসৌ মম লোকে মহীযতে ॥ ৩০ ॥
দেবানামপি পূজ্যোঽসৌ মম লোকে মহীযতে ॥ ৩০ ॥
স্থানেষ্বথৈতেষু চ যে বসন্তি
সম্পূজযন্তে মম সর্বকালম্ ।
তদেহ চান্তে ত্রিদিবং প্রযান্তি
নাকং চ লোকং সমবাপ্নুবন্তি ॥ ৩১ ॥
সম্পূজযন্তে মম সর্বকালম্ ।
তদেহ চান্তে ত্রিদিবং প্রযান্তি
নাকং চ লোকং সমবাপ্নুবন্তি ॥ ৩১ ॥
॥ ইতি শ্রীবিষ্ণুধর্মোত্তরে অর্জুনং প্রতি কৃষ্ণোপদেশে স্থানবিশেষকীর্তনমাহাত্ম্যবর্ণনো নাম পঞ্চবিংশত্যুত্তরশততমোঽধ্যাযঃ সম্পূর্ণম্ ॥