॥ ಶ್ರೀ ವಿಷ್ಣೋರ್ದಿವ್ಯಸ್ಥಲ ಸ್ತೋತ್ರಮ್ ॥
ಅರ್ಜುನ ಉವಾಚ।
ಕ್ಷೇತ್ರೇಷು ಯೇಷು ಯೇಷು ತ್ವಂ ಚಿನ್ತನೀಯೋ ಮಯಾಚ್ಯುತ ।
ಚೇತಸಃ ಪ್ರಣಿಧಾನಾರ್ಥಂ ತನ್ಮಮಾಖ್ಯಾತುಮರ್ಹಸಿ ॥ ೧ ॥
ಚೇತಸಃ ಪ್ರಣಿಧಾನಾರ್ಥಂ ತನ್ಮಮಾಖ್ಯಾತುಮರ್ಹಸಿ ॥ ೧ ॥
ಯತ್ರ ಯತ್ರ ಚ ಯನ್ನಾಮ ಪ್ರೀತಯೇ ಭವತಃ ಸ್ತುತೌ ।
ಪ್ರಸಾದಸುಮುಖೋ ನಾಥ ತನ್ಮಮಾಶೇಷತೋ ವದ ॥ ೨ ॥
ಪ್ರಸಾದಸುಮುಖೋ ನಾಥ ತನ್ಮಮಾಶೇಷತೋ ವದ ॥ ೨ ॥
ಭಗವಾನುವಾಚ ।
ಸರ್ವಗಃ ಸರ್ವಭೂತೋಂಽಹಂ ನ ಹಿ ಕಿಞ್ಚಿನ್ಮಯಾ ವಿನಾ ।
ಚರಾಚರೇ ಜಗತ್ಯಸ್ಮಿನ್ ವಿದ್ಯತೇ ಕುರುಸತ್ತಮ ॥ ೩ ॥
ಚರಾಚರೇ ಜಗತ್ಯಸ್ಮಿನ್ ವಿದ್ಯತೇ ಕುರುಸತ್ತಮ ॥ ೩ ॥
ತಥಾಪಿ ಯೇಷು ಸ್ಥಾನೇಷು ಚಿನ್ತನೀಯೋಽಹಮರ್ಜುನ ।
ಸ್ತೋತವ್ಯೋ ನಾಮಭಿರ್ಯೈಶ್ಚ ಶ್ರೂಯತಾಂ ತದ್ವದಾಮಿ ತೇ ॥ ೪ ॥
ಸ್ತೋತವ್ಯೋ ನಾಮಭಿರ್ಯೈಶ್ಚ ಶ್ರೂಯತಾಂ ತದ್ವದಾಮಿ ತೇ ॥ ೪ ॥
ಪುಷ್ಕರೇ ಪುಣ್ಡರೀಕಾಕ್ಷಂ ಗಯಾಯಾಂ ಚ ಗದಾಧರಮ್ ।
ಲೋಹದಣ್ಡೇ ತಥಾ ವಿಷ್ಣುಂ ಸ್ತುವಂಸ್ತರತಿ ದುಷ್ಕೃತಮ್ ॥ ೫ ॥
ಲೋಹದಣ್ಡೇ ತಥಾ ವಿಷ್ಣುಂ ಸ್ತುವಂಸ್ತರತಿ ದುಷ್ಕೃತಮ್ ॥ ೫ ॥
ರಾಘವಂ ಚಿತ್ರಕೂಟೇ ತು ಪ್ರಭಾಸೇ ದೈತ್ಯಸೂದನಮ್ ।
ಬೃನ್ದಾವನೇ ಚ ಗೋವಿನ್ದಂ ಮಾಂ ಸ್ತುವನ್ ಪುಣ್ಯಭಾಗ್ಭವೇತ್ ॥ ೬ ॥
ಬೃನ್ದಾವನೇ ಚ ಗೋವಿನ್ದಂ ಮಾಂ ಸ್ತುವನ್ ಪುಣ್ಯಭಾಗ್ಭವೇತ್ ॥ ೬ ॥
ಜಯಂ ಜಯನ್ತ್ಯಾಂ ತದ್ವಚ್ಚ ಜಯನ್ತಂ ಹಸ್ತಿನಾಪುರೇ ।
ವರಾಹಂ ಕರ್ದಮಾಲೇ ತು ಕಾಶ್ಮೀರೇ ಚಕ್ರಪಾಣಿನಮ್ ॥ ೭ ॥
ವರಾಹಂ ಕರ್ದಮಾಲೇ ತು ಕಾಶ್ಮೀರೇ ಚಕ್ರಪಾಣಿನಮ್ ॥ ೭ ॥
ಜನಾರ್ದನಂ ಚ ಕುಬ್ಜಾಮ್ರೇ ಮಥುರಾಯಾಂ ಚ ಕೇಶವಮ್ ।
ಕುಬ್ಜಕೇ ಶ್ರೀಧರಂ ತದ್ವದ್ಗಙ್ಗಾದ್ವಾರೇ ಸುರೋತ್ತಮಮ್ ॥ ೮ ॥
ಕುಬ್ಜಕೇ ಶ್ರೀಧರಂ ತದ್ವದ್ಗಙ್ಗಾದ್ವಾರೇ ಸುರೋತ್ತಮಮ್ ॥ ೮ ॥
ಸಾಲಗ್ರಾಮೇ ಮಹಾಯೋಗಿಂ ಹರಿಂ ಗೋವರ್ಧನಾಚಲೇ ।
ಪಿಣ್ಡಾರಕೇ ಚತುರ್ಬಾಹುಂ ಶಙ್ಖೋದ್ಧಾರೇ ಚ ಶಙ್ಖಿನಮ್ ॥ ೯ ॥
ಪಿಣ್ಡಾರಕೇ ಚತುರ್ಬಾಹುಂ ಶಙ್ಖೋದ್ಧಾರೇ ಚ ಶಙ್ಖಿನಮ್ ॥ ೯ ॥
ವಾಮನಂ ತು ಕುರುಕ್ಷೇತ್ರೇ ಯಮುನಾಯಾಂ ತ್ರಿವಿಕ್ರಮಮ್ ।
ವಿಶ್ವೇಶ್ವರಂ ತಥಾ ಶೋಣೇ ಕಪಿಲಂ ಪೂರ್ವಸಾಗರೇ ॥ ೧೦ ॥
ವಿಶ್ವೇಶ್ವರಂ ತಥಾ ಶೋಣೇ ಕಪಿಲಂ ಪೂರ್ವಸಾಗರೇ ॥ ೧೦ ॥
ಶ್ವೇತದ್ವೀಪಪತಿಂ ಚಾಪಿ ಗಙ್ಗಾಸಾಗರಸಙ್ಗಮೇ ।
ಭೂಧರಂ ದೇವಿಕಾನದ್ಯಾಂ ಪ್ರಯಾಗೇ ಚೈವ ಮಾಧವಮ್ ॥ ೧೧ ॥
ಭೂಧರಂ ದೇವಿಕಾನದ್ಯಾಂ ಪ್ರಯಾಗೇ ಚೈವ ಮಾಧವಮ್ ॥ ೧೧ ॥
ನರನಾರಾಯಣಾಖ್ಯಂ ಚ ತಥಾ ಬದರಿಕಾಶ್ರಮೇ ।
ಸಮುದ್ರೇ ದಕ್ಷಿಣೇ ಸ್ತವ್ಯಂ ಪದ್ಮನಾಭೇತಿ ಫಾಲ್ಗುನ ॥ ೧೨ ॥
ಸಮುದ್ರೇ ದಕ್ಷಿಣೇ ಸ್ತವ್ಯಂ ಪದ್ಮನಾಭೇತಿ ಫಾಲ್ಗುನ ॥ ೧೨ ॥
ದ್ವಾರಕಾಯಾಂ ತಥಾ ಕೃಷ್ಣಂ ಸ್ತುವಂಸ್ತರತಿ ದುರ್ಗತಿಮ್ ।
ರಾಮಂ ನಾಮ ಮಹೇನ್ದ್ರಾದ್ರೌ ಹೃಷೀಕೇಶಂ ತಥಾರ್ಬುದೇ ॥ ೧೩ ॥
ರಾಮಂ ನಾಮ ಮಹೇನ್ದ್ರಾದ್ರೌ ಹೃಷೀಕೇಶಂ ತಥಾರ್ಬುದೇ ॥ ೧೩ ॥
ಅಶ್ವತೀರ್ಥೇ ಹಯಗ್ರೀವಂ ವಿಶ್ವರೂಪಂ ಹಿಮಾಚಲೇ ।
ನೃಸಿಂಹಂ ಕೃತಸೌಚೇ ಚ ವಿಪಾಶಾಯಾಂ ದ್ವಿಜಪ್ರಿಯಮ್ ॥ ೧೪ ॥
ನೃಸಿಂಹಂ ಕೃತಸೌಚೇ ಚ ವಿಪಾಶಾಯಾಂ ದ್ವಿಜಪ್ರಿಯಮ್ ॥ ೧೪ ॥
ನೈಮಿಷೇ ಯಜ್ಞಪುರುಷಂ ಜಮ್ಬೂಮಾರ್ಗೇ ತಥಾಚ್ಯುತಮ್ ।
ಅನನ್ತಂ ಸೈನ್ಧವಾರಣ್ಯೇ ದಣ್ಡಕೇ ಶಾರ್ಙ್ಗಧಾರಿಣಮ್ ॥ ೧೫ ॥
ಅನನ್ತಂ ಸೈನ್ಧವಾರಣ್ಯೇ ದಣ್ಡಕೇ ಶಾರ್ಙ್ಗಧಾರಿಣಮ್ ॥ ೧೫ ॥
ಉತ್ಪಲಾವರ್ತಕೇ ಶೌರಿಂ ನರ್ಮದಾಯಾಂ ಶ್ರಿಯಃ ಪತಿಮ್ ।
ದಾಮೋದರಂ ರೈವತಕೇ ನನ್ದಾಯಾಂ ಜಲಶಾಯಿನಮ್ ॥ ೧೬ ॥
ದಾಮೋದರಂ ರೈವತಕೇ ನನ್ದಾಯಾಂ ಜಲಶಾಯಿನಮ್ ॥ ೧೬ ॥
ಸರ್ವಯೋಗೇಶ್ವರಂ ಚೈವ ಸಿನ್ಧುಸಾಗರಸಙ್ಗಮೇ ।
ಸಹ್ಯಾದ್ರೌ ದೇವದೇವೇಶಂ ವೈಕುಣ್ಠಂ ಮಾಗಧೇ ವನೇ ॥ ೧೭ ॥
ಸಹ್ಯಾದ್ರೌ ದೇವದೇವೇಶಂ ವೈಕುಣ್ಠಂ ಮಾಗಧೇ ವನೇ ॥ ೧೭ ॥
ಸರ್ವಪಾಪಹರಂ ವಿನ್ಧ್ಯೇ ಚೋಡ್ರೇಷು ಪುರುಷೋತ್ತಮಮ್ ।
ಹೃದಯೇ ಚಾಪಿ ಕೌನ್ತೇಯ ಪರಮಾತ್ಮಾನಮಾತ್ಮನಃ ॥ ೧೮ ॥
ಹೃದಯೇ ಚಾಪಿ ಕೌನ್ತೇಯ ಪರಮಾತ್ಮಾನಮಾತ್ಮನಃ ॥ ೧೮ ॥
ವಟೇ ವಟೇ ವೈಶ್ರವಣಂ ಚತ್ವರೇ ಚತ್ವರೇ ಶಿವಮ್ ।
ಪರ್ವತೇ ಪರ್ವತೇ ರಾಮಂ ಸರ್ವತ್ರ ಮಧುಸೂದನಮ್ ॥ ೧೯ ॥
ಪರ್ವತೇ ಪರ್ವತೇ ರಾಮಂ ಸರ್ವತ್ರ ಮಧುಸೂದನಮ್ ॥ ೧೯ ॥
ನರಂ ಭೂಮೌ ತಥಾ ವ್ಯೋಮ್ನಿ ಕೌನ್ತೇಯ ಗರುಡಧ್ವಜಮ್ ।
ವಾಸುದೇವಂ ಚ ಸರ್ವತ್ರ ಸಂಸ್ಮರೇಜ್ಜ್ಯೋತಿಷಾಂ ಪತಿಮ್ ॥ ೨೦ ॥
ವಾಸುದೇವಂ ಚ ಸರ್ವತ್ರ ಸಂಸ್ಮರೇಜ್ಜ್ಯೋತಿಷಾಂ ಪತಿಮ್ ॥ ೨೦ ॥
ಅರ್ಚಯನ್ ಪ್ರಣಮನ್ ಸ್ತುನ್ವನ್ ಸಂಸ್ಮರೇಶ್ಚ ಧನಞ್ಜಯ ।
ಏತೇಷ್ವೇತಾನಿ ನಾಮಾನಿ ನರಃ ಪಾಪಾತ್ ಪ್ರಮುಚ್ಯತೇ ॥ ೨೧ ॥
ಏತೇಷ್ವೇತಾನಿ ನಾಮಾನಿ ನರಃ ಪಾಪಾತ್ ಪ್ರಮುಚ್ಯತೇ ॥ ೨೧ ॥
ಸ್ಥಾನೇಷ್ವೇತೇಷು ಮನ್ನಾಮ್ನಾಮೇತೇಷಾಂ ಪ್ರೀಣನಂ ನರಃ ।
ದ್ವಿಜಾನಾಂ ಪ್ರೀಣನಂ ಕೃತ್ವಾ ಸ್ವರ್ಗಲೋಕೇಽಭಿಜಾಯತೇ ॥ ೨೨ ॥
ದ್ವಿಜಾನಾಂ ಪ್ರೀಣನಂ ಕೃತ್ವಾ ಸ್ವರ್ಗಲೋಕೇಽಭಿಜಾಯತೇ ॥ ೨೨ ॥
ನಾಮಾನ್ಯೇತಾನಿ ಕೌನ್ತೇಯ ಸ್ಥಾನಾನ್ಯೇತಾನಿ ಚಾತ್ಮವಾನ್ ।
ಜಪನ್ ವೈ ಪಞ್ಚಪಞ್ಚಾಶತ್ ತ್ರಿಸನ್ಧ್ಯಂ ಮತ್ಪರಾಯಣಃ ॥ ೨೩ ॥
ಜಪನ್ ವೈ ಪಞ್ಚಪಞ್ಚಾಶತ್ ತ್ರಿಸನ್ಧ್ಯಂ ಮತ್ಪರಾಯಣಃ ॥ ೨೩ ॥
ತ್ರೀಣಿ ಜನ್ಮಾನಿ ಯತ್ಪಾಪಮವಸ್ಥಾತ್ರಿತಯೇ ಕೃತಮ್ ।
ತತ್ಕ್ಷಾಲಯತ್ಯಸನ್ದಿಗ್ಧಂ ಜಾಯತೇ ಚ ಸತಾಂ ಕುಲೇ ॥ ೨೪ ॥
ತತ್ಕ್ಷಾಲಯತ್ಯಸನ್ದಿಗ್ಧಂ ಜಾಯತೇ ಚ ಸತಾಂ ಕುಲೇ ॥ ೨೪ ॥
ದ್ವಿಕಾಲಂ ವಾ ಜಪನ್ವೈತದ್ದಿವಾರಾತ್ರೌ ಚ ಯತ್ಕೃತಮ್ ।
ತಸ್ಮಾದ್ವಿಮುಚ್ಯತೇ ಪಾಪಾತ್ ಸಂಸ್ತುವನ್ಪರಮೋ ನರಃ ॥ ೨೫ ॥
ತಸ್ಮಾದ್ವಿಮುಚ್ಯತೇ ಪಾಪಾತ್ ಸಂಸ್ತುವನ್ಪರಮೋ ನರಃ ॥ ೨೫ ॥
ಜಪ್ತಾನ್ಯೇತಾನಿ ಕೌನ್ತೇಯ ಸಕೃಚ್ಛ್ರದ್ಧಾಸಮನ್ವಿತಮ್ ।
ಮೋಚಯನ್ತಿ ನರಂ ಪಾಪಾದ್ಯತ್ತತ್ರೈವ ದಿನೇ ಕೃತಮ್ ॥ ೨೬ ॥
ಮೋಚಯನ್ತಿ ನರಂ ಪಾಪಾದ್ಯತ್ತತ್ರೈವ ದಿನೇ ಕೃತಮ್ ॥ ೨೬ ॥
ಧನ್ಯಂ ಯಶಸ್ಯಮಾಯುಷ್ಯಂ ಜಯಂ ಕುರು ಕುಲೋದ್ವಹ ।
ಗ್ರಹಾನುಕೂಲತಾಂ ಚೈವ ಕರೋತ್ಯಾಶು ನ ಸಂಶಯಃ ॥ ೨೭ ॥
ಗ್ರಹಾನುಕೂಲತಾಂ ಚೈವ ಕರೋತ್ಯಾಶು ನ ಸಂಶಯಃ ॥ ೨೭ ॥
ಉಪೋಷಿತೋ ಮತ್ಪರಮಃ ಸ್ಥಾನೇಷ್ವೇತೇಷು ಮಾನವಃ ।
ಕೃತಾಯತನವಾಸಶ್ಚ ಪ್ರಾಪ್ನೋತ್ಯಭಿಮತಂ ಫಲಮ್ ॥ ೨೮ ॥
ಕೃತಾಯತನವಾಸಶ್ಚ ಪ್ರಾಪ್ನೋತ್ಯಭಿಮತಂ ಫಲಮ್ ॥ ೨೮ ॥
ಉತ್ಕ್ರಾನ್ತಿರಪ್ಯಶೇಷೇಷು ಸ್ಥಾನೇಷ್ವೇತೇಷು ಶಸ್ಯತೇ ।
ಅನ್ಯಸ್ಥಾನಾಚ್ಛತಗುಣಮೇತೇಷ್ವನಶನಾದಿಕಮ್ ॥ ೨೯ ॥
ಅನ್ಯಸ್ಥಾನಾಚ್ಛತಗುಣಮೇತೇಷ್ವನಶನಾದಿಕಮ್ ॥ ೨೯ ॥
ಯಸ್ತು ಮತ್ಪರಮಃ ಕಾಲಂ ಕರೋತ್ಯೇತೇಷು ಮಾನವಃ ।
ದೇವಾನಾಮಪಿ ಪೂಜ್ಯೋಽಸೌ ಮಮ ಲೋಕೇ ಮಹೀಯತೇ ॥ ೩೦ ॥
ದೇವಾನಾಮಪಿ ಪೂಜ್ಯೋಽಸೌ ಮಮ ಲೋಕೇ ಮಹೀಯತೇ ॥ ೩೦ ॥
ಸ್ಥಾನೇಷ್ವಥೈತೇಷು ಚ ಯೇ ವಸನ್ತಿ
ಸಮ್ಪೂಜಯನ್ತೇ ಮಮ ಸರ್ವಕಾಲಮ್ ।
ತದೇಹ ಚಾನ್ತೇ ತ್ರಿದಿವಂ ಪ್ರಯಾನ್ತಿ
ನಾಕಂ ಚ ಲೋಕಂ ಸಮವಾಪ್ನುವನ್ತಿ ॥ ೩೧ ॥
ಸಮ್ಪೂಜಯನ್ತೇ ಮಮ ಸರ್ವಕಾಲಮ್ ।
ತದೇಹ ಚಾನ್ತೇ ತ್ರಿದಿವಂ ಪ್ರಯಾನ್ತಿ
ನಾಕಂ ಚ ಲೋಕಂ ಸಮವಾಪ್ನುವನ್ತಿ ॥ ೩೧ ॥
॥ ಇತಿ ಶ್ರೀವಿಷ್ಣುಧರ್ಮೋತ್ತರೇ ಅರ್ಜುನಂ ಪ್ರತಿ ಕೃಷ್ಣೋಪದೇಶೇ ಸ್ಥಾನವಿಶೇಷಕೀರ್ತನಮಾಹಾತ್ಮ್ಯವರ್ಣನೋ ನಾಮ ಪಞ್ಚವಿಂಶತ್ಯುತ್ತರಶತತಮೋಽಧ್ಯಾಯಃ ಸಮ್ಪೂರ್ಣಮ್ ॥