॥ ശ്രീ വിഷ്ണോര്ദിവ്യസ്ഥല സ്തോത്രമ് ॥
അര്ജുന ഉവാച।
ക്ഷേത്രേഷു യേഷു യേഷു ത്വം ചിന്തനീയോ മയാച്യുത ।
ചേതസഃ പ്രണിധാനാര്ഥം തന്മമാഖ്യാതുമര്ഹസി ॥ ൧ ॥
ചേതസഃ പ്രണിധാനാര്ഥം തന്മമാഖ്യാതുമര്ഹസി ॥ ൧ ॥
യത്ര യത്ര ച യന്നാമ പ്രീതയേ ഭവതഃ സ്തുതൌ ।
പ്രസാദസുമുഖോ നാഥ തന്മമാശേഷതോ വദ ॥ ൨ ॥
പ്രസാദസുമുഖോ നാഥ തന്മമാശേഷതോ വദ ॥ ൨ ॥
ഭഗവാനുവാച ।
സര്വഗഃ സര്വഭൂതോംഽഹം ന ഹി കിഞ്ചിന്മയാ വിനാ ।
ചരാചരേ ജഗത്യസ്മിന് വിദ്യതേ കുരുസത്തമ ॥ ൩ ॥
ചരാചരേ ജഗത്യസ്മിന് വിദ്യതേ കുരുസത്തമ ॥ ൩ ॥
തഥാപി യേഷു സ്ഥാനേഷു ചിന്തനീയോഽഹമര്ജുന ।
സ്തോതവ്യോ നാമഭിര്യൈശ്ച ശ്രൂയതാം തദ്വദാമി തേ ॥ ൪ ॥
സ്തോതവ്യോ നാമഭിര്യൈശ്ച ശ്രൂയതാം തദ്വദാമി തേ ॥ ൪ ॥
പുഷ്കരേ പുണ്ഡരീകാക്ഷം ഗയായാം ച ഗദാധരമ് ।
ലോഹദണ്ഡേ തഥാ വിഷ്ണും സ്തുവംസ്തരതി ദുഷ്കൃതമ് ॥ ൫ ॥
ലോഹദണ്ഡേ തഥാ വിഷ്ണും സ്തുവംസ്തരതി ദുഷ്കൃതമ് ॥ ൫ ॥
രാഘവം ചിത്രകൂടേ തു പ്രഭാസേ ദൈത്യസൂദനമ് ।
ബൃന്ദാവനേ ച ഗോവിന്ദം മാം സ്തുവന് പുണ്യഭാഗ്ഭവേത് ॥ ൬ ॥
ബൃന്ദാവനേ ച ഗോവിന്ദം മാം സ്തുവന് പുണ്യഭാഗ്ഭവേത് ॥ ൬ ॥
ജയം ജയന്ത്യാം തദ്വച്ച ജയന്തം ഹസ്തിനാപുരേ ।
വരാഹം കര്ദമാലേ തു കാശ്മീരേ ചക്രപാണിനമ് ॥ ൭ ॥
വരാഹം കര്ദമാലേ തു കാശ്മീരേ ചക്രപാണിനമ് ॥ ൭ ॥
ജനാര്ദനം ച കുബ്ജാമ്രേ മഥുരായാം ച കേശവമ് ।
കുബ്ജകേ ശ്രീധരം തദ്വദ്ഗങ്ഗാദ്വാരേ സുരോത്തമമ് ॥ ൮ ॥
കുബ്ജകേ ശ്രീധരം തദ്വദ്ഗങ്ഗാദ്വാരേ സുരോത്തമമ് ॥ ൮ ॥
സാലഗ്രാമേ മഹായോഗിം ഹരിം ഗോവര്ധനാചലേ ।
പിണ്ഡാരകേ ചതുര്ബാഹും ശങ്ഖോദ്ധാരേ ച ശങ്ഖിനമ് ॥ ൯ ॥
പിണ്ഡാരകേ ചതുര്ബാഹും ശങ്ഖോദ്ധാരേ ച ശങ്ഖിനമ് ॥ ൯ ॥
വാമനം തു കുരുക്ഷേത്രേ യമുനായാം ത്രിവിക്രമമ് ।
വിശ്വേശ്വരം തഥാ ശോണേ കപിലം പൂര്വസാഗരേ ॥ ൧൦ ॥
വിശ്വേശ്വരം തഥാ ശോണേ കപിലം പൂര്വസാഗരേ ॥ ൧൦ ॥
ശ്വേതദ്വീപപതിം ചാപി ഗങ്ഗാസാഗരസങ്ഗമേ ।
ഭൂധരം ദേവികാനദ്യാം പ്രയാഗേ ചൈവ മാധവമ് ॥ ൧൧ ॥
ഭൂധരം ദേവികാനദ്യാം പ്രയാഗേ ചൈവ മാധവമ് ॥ ൧൧ ॥
നരനാരായണാഖ്യം ച തഥാ ബദരികാശ്രമേ ।
സമുദ്രേ ദക്ഷിണേ സ്തവ്യം പദ്മനാഭേതി ഫാല്ഗുന ॥ ൧൨ ॥
സമുദ്രേ ദക്ഷിണേ സ്തവ്യം പദ്മനാഭേതി ഫാല്ഗുന ॥ ൧൨ ॥
ദ്വാരകായാം തഥാ കൃഷ്ണം സ്തുവംസ്തരതി ദുര്ഗതിമ് ।
രാമം നാമ മഹേന്ദ്രാദ്രൌ ഹൃഷീകേശം തഥാര്ബുദേ ॥ ൧൩ ॥
രാമം നാമ മഹേന്ദ്രാദ്രൌ ഹൃഷീകേശം തഥാര്ബുദേ ॥ ൧൩ ॥
അശ്വതീര്ഥേ ഹയഗ്രീവം വിശ്വരൂപം ഹിമാചലേ ।
നൃസിംഹം കൃതസൌചേ ച വിപാശായാം ദ്വിജപ്രിയമ് ॥ ൧൪ ॥
നൃസിംഹം കൃതസൌചേ ച വിപാശായാം ദ്വിജപ്രിയമ് ॥ ൧൪ ॥
നൈമിഷേ യജ്ഞപുരുഷം ജമ്ബൂമാര്ഗേ തഥാച്യുതമ് ।
അനന്തം സൈന്ധവാരണ്യേ ദണ്ഡകേ ശാര്ങ്ഗധാരിണമ് ॥ ൧൫ ॥
അനന്തം സൈന്ധവാരണ്യേ ദണ്ഡകേ ശാര്ങ്ഗധാരിണമ് ॥ ൧൫ ॥
ഉത്പലാവര്തകേ ശൌരിം നര്മദായാം ശ്രിയഃ പതിമ് ।
ദാമോദരം രൈവതകേ നന്ദായാം ജലശായിനമ് ॥ ൧൬ ॥
ദാമോദരം രൈവതകേ നന്ദായാം ജലശായിനമ് ॥ ൧൬ ॥
സര്വയോഗേശ്വരം ചൈവ സിന്ധുസാഗരസങ്ഗമേ ।
സഹ്യാദ്രൌ ദേവദേവേശം വൈകുണ്ഠം മാഗധേ വനേ ॥ ൧൭ ॥
സഹ്യാദ്രൌ ദേവദേവേശം വൈകുണ്ഠം മാഗധേ വനേ ॥ ൧൭ ॥
സര്വപാപഹരം വിന്ധ്യേ ചോഡ്രേഷു പുരുഷോത്തമമ് ।
ഹൃദയേ ചാപി കൌന്തേയ പരമാത്മാനമാത്മനഃ ॥ ൧൮ ॥
ഹൃദയേ ചാപി കൌന്തേയ പരമാത്മാനമാത്മനഃ ॥ ൧൮ ॥
വടേ വടേ വൈശ്രവണം ചത്വരേ ചത്വരേ ശിവമ് ।
പര്വതേ പര്വതേ രാമം സര്വത്ര മധുസൂദനമ് ॥ ൧൯ ॥
പര്വതേ പര്വതേ രാമം സര്വത്ര മധുസൂദനമ് ॥ ൧൯ ॥
നരം ഭൂമൌ തഥാ വ്യോമ്നി കൌന്തേയ ഗരുഡധ്വജമ് ।
വാസുദേവം ച സര്വത്ര സംസ്മരേജ്ജ്യോതിഷാം പതിമ് ॥ ൨൦ ॥
വാസുദേവം ച സര്വത്ര സംസ്മരേജ്ജ്യോതിഷാം പതിമ് ॥ ൨൦ ॥
അര്ചയന് പ്രണമന് സ്തുന്വന് സംസ്മരേശ്ച ധനഞ്ജയ ।
ഏതേഷ്വേതാനി നാമാനി നരഃ പാപാത് പ്രമുച്യതേ ॥ ൨൧ ॥
ഏതേഷ്വേതാനി നാമാനി നരഃ പാപാത് പ്രമുച്യതേ ॥ ൨൧ ॥
സ്ഥാനേഷ്വേതേഷു മന്നാമ്നാമേതേഷാം പ്രീണനം നരഃ ।
ദ്വിജാനാം പ്രീണനം കൃത്വാ സ്വര്ഗലോകേഽഭിജായതേ ॥ ൨൨ ॥
ദ്വിജാനാം പ്രീണനം കൃത്വാ സ്വര്ഗലോകേഽഭിജായതേ ॥ ൨൨ ॥
നാമാന്യേതാനി കൌന്തേയ സ്ഥാനാന്യേതാനി ചാത്മവാന് ।
ജപന് വൈ പഞ്ചപഞ്ചാശത് ത്രിസന്ധ്യം മത്പരായണഃ ॥ ൨൩ ॥
ജപന് വൈ പഞ്ചപഞ്ചാശത് ത്രിസന്ധ്യം മത്പരായണഃ ॥ ൨൩ ॥
ത്രീണി ജന്മാനി യത്പാപമവസ്ഥാത്രിതയേ കൃതമ് ।
തത്ക്ഷാലയത്യസന്ദിഗ്ധം ജായതേ ച സതാം കുലേ ॥ ൨൪ ॥
തത്ക്ഷാലയത്യസന്ദിഗ്ധം ജായതേ ച സതാം കുലേ ॥ ൨൪ ॥
ദ്വികാലം വാ ജപന്വൈതദ്ദിവാരാത്രൌ ച യത്കൃതമ് ।
തസ്മാദ്വിമുച്യതേ പാപാത് സംസ്തുവന്പരമോ നരഃ ॥ ൨൫ ॥
തസ്മാദ്വിമുച്യതേ പാപാത് സംസ്തുവന്പരമോ നരഃ ॥ ൨൫ ॥
ജപ്താന്യേതാനി കൌന്തേയ സകൃച്ഛ്രദ്ധാസമന്വിതമ് ।
മോചയന്തി നരം പാപാദ്യത്തത്രൈവ ദിനേ കൃതമ് ॥ ൨൬ ॥
മോചയന്തി നരം പാപാദ്യത്തത്രൈവ ദിനേ കൃതമ് ॥ ൨൬ ॥
ധന്യം യശസ്യമായുഷ്യം ജയം കുരു കുലോദ്വഹ ।
ഗ്രഹാനുകൂലതാം ചൈവ കരോത്യാശു ന സംശയഃ ॥ ൨൭ ॥
ഗ്രഹാനുകൂലതാം ചൈവ കരോത്യാശു ന സംശയഃ ॥ ൨൭ ॥
ഉപോഷിതോ മത്പരമഃ സ്ഥാനേഷ്വേതേഷു മാനവഃ ।
കൃതായതനവാസശ്ച പ്രാപ്നോത്യഭിമതം ഫലമ് ॥ ൨൮ ॥
കൃതായതനവാസശ്ച പ്രാപ്നോത്യഭിമതം ഫലമ് ॥ ൨൮ ॥
ഉത്ക്രാന്തിരപ്യശേഷേഷു സ്ഥാനേഷ്വേതേഷു ശസ്യതേ ।
അന്യസ്ഥാനാച്ഛതഗുണമേതേഷ്വനശനാദികമ് ॥ ൨൯ ॥
അന്യസ്ഥാനാച്ഛതഗുണമേതേഷ്വനശനാദികമ് ॥ ൨൯ ॥
യസ്തു മത്പരമഃ കാലം കരോത്യേതേഷു മാനവഃ ।
ദേവാനാമപി പൂജ്യോഽസൌ മമ ലോകേ മഹീയതേ ॥ ൩൦ ॥
ദേവാനാമപി പൂജ്യോഽസൌ മമ ലോകേ മഹീയതേ ॥ ൩൦ ॥
സ്ഥാനേഷ്വഥൈതേഷു ച യേ വസന്തി
സമ്പൂജയന്തേ മമ സര്വകാലമ് ।
തദേഹ ചാന്തേ ത്രിദിവം പ്രയാന്തി
നാകം ച ലോകം സമവാപ്നുവന്തി ॥ ൩൧ ॥
സമ്പൂജയന്തേ മമ സര്വകാലമ് ।
തദേഹ ചാന്തേ ത്രിദിവം പ്രയാന്തി
നാകം ച ലോകം സമവാപ്നുവന്തി ॥ ൩൧ ॥
॥ ഇതി ശ്രീവിഷ്ണുധര്മോത്തരേ അര്ജുനം പ്രതി കൃഷ്ണോപദേശേ സ്ഥാനവിശേഷകീര്തനമാഹാത്മ്യവര്ണനോ നാമ പഞ്ചവിംശത്യുത്തരശതതമോഽധ്യായഃ സമ്പൂര്ണമ് ॥