শৌনক উবাচ
হত্বা স্বরিক্থস্পৃধ আততাযিনো
যুধিষ্ঠিরো ধর্মভৃতাং বরিষ্ঠঃ ।
সহানুজৈঃ প্রত্যবরুদ্ধভোজনঃ
কথং প্রবৃত্তঃ কিমকারষীত্ততঃ ॥ ১ ॥
হত্বা স্বরিক্থস্পৃধ আততাযিনো
যুধিষ্ঠিরো ধর্মভৃতাং বরিষ্ঠঃ ।
সহানুজৈঃ প্রত্যবরুদ্ধভোজনঃ
কথং প্রবৃত্তঃ কিমকারষীত্ততঃ ॥ ১ ॥
সূত উবাচ
বংশং কুরোর্বংশদবাগ্নিনির্হৃতং
সংরোহযিত্বা ভবভাবনো হরিঃ ।
নিবেশযিত্বা নিজরাজ্য ঈশ্বরো
যুধিষ্ঠিরং প্রীতমনা বভূব হ ॥ ২ ॥
বংশং কুরোর্বংশদবাগ্নিনির্হৃতং
সংরোহযিত্বা ভবভাবনো হরিঃ ।
নিবেশযিত্বা নিজরাজ্য ঈশ্বরো
যুধিষ্ঠিরং প্রীতমনা বভূব হ ॥ ২ ॥
নিশম্য ভীষ্মোক্তমথাচ্যুতোক্তং
প্রবৃত্তবিজ্ঞানবিধূতবিভ্রমঃ ।
শশাস গামিন্দ্র ইবাজিতাশ্রযঃ
পরিধ্যুপান্তামনুজানুবর্তিতঃ ॥ ৩ ॥
প্রবৃত্তবিজ্ঞানবিধূতবিভ্রমঃ ।
শশাস গামিন্দ্র ইবাজিতাশ্রযঃ
পরিধ্যুপান্তামনুজানুবর্তিতঃ ॥ ৩ ॥
কামং ববর্ষ পর্জন্যঃ সর্বকামদুঘা মহী ।
সিষিচুঃ স্ম ব্রজান্ গাবঃ পযসোধস্বতীর্মুদা ॥ ৪ ॥
সিষিচুঃ স্ম ব্রজান্ গাবঃ পযসোধস্বতীর্মুদা ॥ ৪ ॥
নদ্যঃ সমুদ্রা গিরযঃ সবনস্পতিবীরুধঃ ।
ফলন্ত্যোষধযঃ সর্বাঃ কামমন্বৃতু তস্য বৈ ॥ ৫ ॥
ফলন্ত্যোষধযঃ সর্বাঃ কামমন্বৃতু তস্য বৈ ॥ ৫ ॥
নাধযো ব্যাধযঃ ক্লেশা দৈবভূতাত্মহেতবঃ ।
অজাতশত্রাবভবন্ জন্তূনাং রাজ্ঞি কর্হিচিত্ ॥ ৬ ॥
অজাতশত্রাবভবন্ জন্তূনাং রাজ্ঞি কর্হিচিত্ ॥ ৬ ॥
উষিত্বা হাস্তিনপুরে মাসান্ কতিপযান্ হরিঃ ।
সুহৃদাং চ বিশোকায স্বসুশ্চ প্রিযকাম্যযা ॥ ৭ ॥
সুহৃদাং চ বিশোকায স্বসুশ্চ প্রিযকাম্যযা ॥ ৭ ॥
আমন্ত্র্য চাভ্যনুজ্ঞাতঃ পরিষ্বজ্যাভিবাদ্য তম্ ।
আরুরোহ রথং কৈশ্চিত্পরিষ্বক্তোঽভিবাদিতঃ ॥ ৮ ॥
আরুরোহ রথং কৈশ্চিত্পরিষ্বক্তোঽভিবাদিতঃ ॥ ৮ ॥
সুভদ্রা দ্রৌপদী কুন্তী বিরাটতনযা তথা ।
গান্ধারী ধৃতরাষ্ট্রশ্চ যুযুত্সুর্গৌতমো যমৌ ॥ ৯ ॥
গান্ধারী ধৃতরাষ্ট্রশ্চ যুযুত্সুর্গৌতমো যমৌ ॥ ৯ ॥
বৃকোদরশ্চ ধৌম্যশ্চ স্ত্রিযো মত্স্যসুতাদযঃ ।
ন সেহিরে বিমুহ্যন্তো বিরহং শার্ঙ্গধন্বনঃ ॥ ১০ ॥
ন সেহিরে বিমুহ্যন্তো বিরহং শার্ঙ্গধন্বনঃ ॥ ১০ ॥
সত্সঙ্গান্মুক্তদুঃসঙ্গো হাতুং নোত্সহতে বুধঃ ।
কীর্ত্যমানং যশো যস্য সকৃদাকর্ণ্য রোচনম্ ॥ ১১ ॥
কীর্ত্যমানং যশো যস্য সকৃদাকর্ণ্য রোচনম্ ॥ ১১ ॥
তস্মিন্ন্যস্তধিযঃ পার্থাঃ সহেরন্ বিরহং কথম্ ।
দর্শনস্পর্শসংলাপশযনাসনভোজনৈঃ ॥ ১২ ॥
দর্শনস্পর্শসংলাপশযনাসনভোজনৈঃ ॥ ১২ ॥
সর্বে তেঽনিমিষৈরক্ষৈস্তমনুদ্রুতচেতসঃ ।
বীক্ষন্তঃ স্নেহসম্বদ্ধা বিচেলুস্তত্র তত্র হ ॥ ১৩ ॥
বীক্ষন্তঃ স্নেহসম্বদ্ধা বিচেলুস্তত্র তত্র হ ॥ ১৩ ॥
ন্যরুন্ধন্নুদ্গলদ্বাষ্পমৌত্কণ্ঠ্যাদ্দেবকীসুতে ।
নির্যাত্যগারান্নোঽভদ্রমিতি স্যাদ্বান্ধবস্ত্রিযঃ ॥ ১৪ ॥
নির্যাত্যগারান্নোঽভদ্রমিতি স্যাদ্বান্ধবস্ত্রিযঃ ॥ ১৪ ॥
মৃদঙ্গশঙ্খভের্যশ্চ বীণাপণবগোমুখাঃ ।
ধুন্ধুর্যানকঘণ্টাদ্যা নেদুর্দুন্দুভযস্তথা ॥ ১৫ ॥
ধুন্ধুর্যানকঘণ্টাদ্যা নেদুর্দুন্দুভযস্তথা ॥ ১৫ ॥
প্রাসাদশিখরারূঢাঃ কুরুনার্যো দিদৃক্ষযা ।
ববৃষুঃ কুসুমৈঃ কৃষ্ণং প্রেমব্রীডাস্মিতেক্ষণাঃ ॥ ১৬ ॥
ববৃষুঃ কুসুমৈঃ কৃষ্ণং প্রেমব্রীডাস্মিতেক্ষণাঃ ॥ ১৬ ॥
সিতাতপত্রং জগ্রাহ মুক্তাদামবিভূষিতম্ ।
রত্নদণ্ডং গুডাকেশঃ প্রিযঃ প্রিযতমস্য হ ॥ ১৭ ॥
রত্নদণ্ডং গুডাকেশঃ প্রিযঃ প্রিযতমস্য হ ॥ ১৭ ॥
উদ্ধবঃ সাত্যকিশ্চৈব ব্যজনে পরমাদ্ভুতে ।
বিকীর্যমাণঃ কুসুমৈ রেজে মধুপতিঃ পথি ॥ ১৮ ॥
বিকীর্যমাণঃ কুসুমৈ রেজে মধুপতিঃ পথি ॥ ১৮ ॥
অশ্রূযন্তাশিষঃ সত্যাস্তত্র তত্র দ্বিজেরিতাঃ ।
নানুরূপানুরূপাশ্চ নির্গুণস্য গুণাত্মনঃ ॥ ১৯ ॥
নানুরূপানুরূপাশ্চ নির্গুণস্য গুণাত্মনঃ ॥ ১৯ ॥
অন্যোন্যমাসীত্সঞ্জল্প উত্তমশ্লোকচেতসাম্ ।
কৌরবেন্দ্রপুরস্ত্রীণাং সর্বশ্রুতিমনোহরঃ ॥ ২০ ॥
কৌরবেন্দ্রপুরস্ত্রীণাং সর্বশ্রুতিমনোহরঃ ॥ ২০ ॥
স বৈ কিলাযং পুরুষঃ পুরাতনো
য এক আসীদবিশেষ আত্মনি ।
অগ্রে গুণেভ্যো জগদাত্মনীশ্বরে
নিমীলিতাত্মন্নিশি সুপ্তশক্তিষু ॥ ২১ ॥
য এক আসীদবিশেষ আত্মনি ।
অগ্রে গুণেভ্যো জগদাত্মনীশ্বরে
নিমীলিতাত্মন্নিশি সুপ্তশক্তিষু ॥ ২১ ॥
স এব ভূযো নিজবীর্যচোদিতাং
স্বজীবমাযাং প্রকৃতিং সিসৃক্ষতীম্ ।
অনামরূপাত্মনি রূপনামনী
বিধিত্সমানোঽনুসসার শাস্ত্রকৃত্ ॥ ২২ ॥
স্বজীবমাযাং প্রকৃতিং সিসৃক্ষতীম্ ।
অনামরূপাত্মনি রূপনামনী
বিধিত্সমানোঽনুসসার শাস্ত্রকৃত্ ॥ ২২ ॥
স বা অযং যত্পদমত্র সূরযো
জিতেন্দ্রিযা নির্জিতমাতরিশ্বনঃ ।
পশ্যন্তি ভক্ত্যুত্কলিতামলাত্মনা
নন্বেষ সত্ত্বং পরিমার্ষ্টুমর্হতি ॥ ২৩ ॥
জিতেন্দ্রিযা নির্জিতমাতরিশ্বনঃ ।
পশ্যন্তি ভক্ত্যুত্কলিতামলাত্মনা
নন্বেষ সত্ত্বং পরিমার্ষ্টুমর্হতি ॥ ২৩ ॥
স বা অযং সখ্যনুগীতসত্কথো
বেদেষু গুহ্যেষু চ গুহ্যবাদিভিঃ ।
য এক ঈশো জগদাত্মলীলযা
সৃজত্যবত্যত্তি ন তত্র সজ্জতে ॥ ২৪ ॥
বেদেষু গুহ্যেষু চ গুহ্যবাদিভিঃ ।
য এক ঈশো জগদাত্মলীলযা
সৃজত্যবত্যত্তি ন তত্র সজ্জতে ॥ ২৪ ॥
যদা হ্যধর্মেণ তমোধিযো নৃপা
জীবন্তি তত্রৈষ হি সত্ত্বতঃ কিল ।
ধত্তে ভগং সত্যমৃতং দযাং যশো
ভবায রূপাণি দধদ্যুগে যুগে ॥ ২৫ ॥
জীবন্তি তত্রৈষ হি সত্ত্বতঃ কিল ।
ধত্তে ভগং সত্যমৃতং দযাং যশো
ভবায রূপাণি দধদ্যুগে যুগে ॥ ২৫ ॥
অহো অলং শ্লাঘ্যতমং যদোঃ কুল-
মহো অলং পুণ্যতমং মধোর্বনম্ ।
যদেষ পুংসামৃষভঃ শ্রিযঃ পতিঃ
স্বজন্মনা চঙ্ক্রমণেন চাঞ্চতি ॥ ২৬ ॥
মহো অলং পুণ্যতমং মধোর্বনম্ ।
যদেষ পুংসামৃষভঃ শ্রিযঃ পতিঃ
স্বজন্মনা চঙ্ক্রমণেন চাঞ্চতি ॥ ২৬ ॥
অহো বত স্বর্যশসস্তিরস্করী
কুশস্থলী পুণ্যযশস্করী ভুবঃ ।
পশ্যন্তি নিত্যং যদনুগ্রহেষিতং
স্মিতাবলোকং স্বপতিং স্ম যত্প্রজাঃ ॥ ২৭ ॥
কুশস্থলী পুণ্যযশস্করী ভুবঃ ।
পশ্যন্তি নিত্যং যদনুগ্রহেষিতং
স্মিতাবলোকং স্বপতিং স্ম যত্প্রজাঃ ॥ ২৭ ॥
নূনং ব্রতস্নানহুতাদিনেশ্বরঃ
সমর্চিতো হ্যস্য গৃহীতপাণিভিঃ ।
পিবন্তি যাঃ সখ্যধরামৃতং মুহু-
র্ব্রজস্ত্রিযঃ সম্মুমুহুর্যদাশযাঃ ॥ ২৮ ॥
সমর্চিতো হ্যস্য গৃহীতপাণিভিঃ ।
পিবন্তি যাঃ সখ্যধরামৃতং মুহু-
র্ব্রজস্ত্রিযঃ সম্মুমুহুর্যদাশযাঃ ॥ ২৮ ॥
যা বীর্যশুল্কেন হৃতাঃ স্বযংবরে
প্রমথ্য চৈদ্যপ্রমুখান্ হি শুষ্মিণঃ ।
প্রদ্যুম্নসাম্বাম্বসুতাদযোঽপরা
যাশ্চাহৃতা ভৌমবধে সহস্রশঃ ॥ ২৯ ॥
প্রমথ্য চৈদ্যপ্রমুখান্ হি শুষ্মিণঃ ।
প্রদ্যুম্নসাম্বাম্বসুতাদযোঽপরা
যাশ্চাহৃতা ভৌমবধে সহস্রশঃ ॥ ২৯ ॥
এতাঃ পরং স্ত্রীত্বমপাস্তপেশলং
নিরস্তশৌচং বত সাধু কুর্বতে ।
যাসাং গৃহাত্পুষ্করলোচনঃ পতি-
র্ন জাত্বপৈত্যাহৃতিভির্হৃদি স্পৃশন্ ॥ ৩০ ॥
নিরস্তশৌচং বত সাধু কুর্বতে ।
যাসাং গৃহাত্পুষ্করলোচনঃ পতি-
র্ন জাত্বপৈত্যাহৃতিভির্হৃদি স্পৃশন্ ॥ ৩০ ॥
এবংবিধা গদন্তীনাং স গিরঃ পুরযোষিতাম্ ।
নিরীক্ষণেনাভিনন্দন্ সস্মিতেন যযৌ হরিঃ ॥ ৩১ ॥
নিরীক্ষণেনাভিনন্দন্ সস্মিতেন যযৌ হরিঃ ॥ ৩১ ॥
অজাতশত্রুঃ পৃতনাং গোপীথায মধুদ্বিষঃ ।
পরেভ্যঃ শঙ্কিতঃ স্নেহাত্প্রাযুঙ্ক্ত চতুরঙ্গিণীম্ ॥ ৩২ ॥
পরেভ্যঃ শঙ্কিতঃ স্নেহাত্প্রাযুঙ্ক্ত চতুরঙ্গিণীম্ ॥ ৩২ ॥
অথ দূরাগতান্ শৌরিঃ কৌরবান্ বিরহাতুরান্ ।
সন্নিবর্ত্য দৃঢং স্নিগ্ধান্ প্রাযাত্স্বনগরীং প্রিযৈঃ ॥ ৩৩ ॥
সন্নিবর্ত্য দৃঢং স্নিগ্ধান্ প্রাযাত্স্বনগরীং প্রিযৈঃ ॥ ৩৩ ॥
কুরুজাঙ্গলপাঞ্চালান্ শূরসেনান্ সযামুনান্ ।
ব্রহ্মাবর্তং কুরুক্ষেত্রং মত্স্যান্ সারস্বতানথ ॥ ৩৪ ॥
ব্রহ্মাবর্তং কুরুক্ষেত্রং মত্স্যান্ সারস্বতানথ ॥ ৩৪ ॥
মরুধন্বমতিক্রম্য সৌবীরাভীরযোঃ পরান্ ।
আনর্তান্ ভার্গবোপাগাচ্ছ্রান্তবাহো মনাগ্বিভুঃ ॥ ৩৫ ॥
আনর্তান্ ভার্গবোপাগাচ্ছ্রান্তবাহো মনাগ্বিভুঃ ॥ ৩৫ ॥
তত্র তত্র হ তত্রত্যৈর্হরিঃ প্রত্যুদ্যতার্হণঃ ।
সাযং ভেজে দিশং পশ্চাদ্গবিষ্ঠো গাং গতস্তদা ॥ ৩৬ ॥
সাযং ভেজে দিশং পশ্চাদ্গবিষ্ঠো গাং গতস্তদা ॥ ৩৬ ॥