ଶୌନକ ଉଵାଚ
ହତ୍ଵା ସ୍ଵରିକ୍ଥସ୍ପୃଧ ଆତତାଯିନୋ
ଯୁଧିଷ୍ଠିରୋ ଧର୍ମଭୃତାଂ ଵରିଷ୍ଠଃ ।
ସହାନୁଜୈଃ ପ୍ରତ୍ଯଵରୁଦ୍ଧଭୋଜନଃ
କଥଂ ପ୍ରଵୃତ୍ତଃ କିମକାରଷୀତ୍ତତଃ ॥ ୧ ॥
ହତ୍ଵା ସ୍ଵରିକ୍ଥସ୍ପୃଧ ଆତତାଯିନୋ
ଯୁଧିଷ୍ଠିରୋ ଧର୍ମଭୃତାଂ ଵରିଷ୍ଠଃ ।
ସହାନୁଜୈଃ ପ୍ରତ୍ଯଵରୁଦ୍ଧଭୋଜନଃ
କଥଂ ପ୍ରଵୃତ୍ତଃ କିମକାରଷୀତ୍ତତଃ ॥ ୧ ॥
ସୂତ ଉଵାଚ
ଵଂଶଂ କୁରୋର୍ଵଂଶଦଵାଗ୍ନିନିର୍ହୃତଂ
ସଂରୋହଯିତ୍ଵା ଭଵଭାଵନୋ ହରିଃ ।
ନିଵେଶଯିତ୍ଵା ନିଜରାଜ୍ଯ ଈଶ୍ଵରୋ
ଯୁଧିଷ୍ଠିରଂ ପ୍ରୀତମନା ବଭୂଵ ହ ॥ ୨ ॥
ଵଂଶଂ କୁରୋର୍ଵଂଶଦଵାଗ୍ନିନିର୍ହୃତଂ
ସଂରୋହଯିତ୍ଵା ଭଵଭାଵନୋ ହରିଃ ।
ନିଵେଶଯିତ୍ଵା ନିଜରାଜ୍ଯ ଈଶ୍ଵରୋ
ଯୁଧିଷ୍ଠିରଂ ପ୍ରୀତମନା ବଭୂଵ ହ ॥ ୨ ॥
ନିଶମ୍ଯ ଭୀଷ୍ମୋକ୍ତମଥାଚ୍ଯୁତୋକ୍ତଂ
ପ୍ରଵୃତ୍ତଵିଜ୍ଞାନଵିଧୂତଵିଭ୍ରମଃ ।
ଶଶାସ ଗାମିନ୍ଦ୍ର ଇଵାଜିତାଶ୍ରଯଃ
ପରିଧ୍ଯୁପାନ୍ତାମନୁଜାନୁଵର୍ତିତଃ ॥ ୩ ॥
ପ୍ରଵୃତ୍ତଵିଜ୍ଞାନଵିଧୂତଵିଭ୍ରମଃ ।
ଶଶାସ ଗାମିନ୍ଦ୍ର ଇଵାଜିତାଶ୍ରଯଃ
ପରିଧ୍ଯୁପାନ୍ତାମନୁଜାନୁଵର୍ତିତଃ ॥ ୩ ॥
କାମଂ ଵଵର୍ଷ ପର୍ଜନ୍ଯଃ ସର୍ଵକାମଦୁଘା ମହୀ ।
ସିଷିଚୁଃ ସ୍ମ ଵ୍ରଜାନ୍ ଗାଵଃ ପଯସୋଧସ୍ଵତୀର୍ମୁଦା ॥ ୪ ॥
ସିଷିଚୁଃ ସ୍ମ ଵ୍ରଜାନ୍ ଗାଵଃ ପଯସୋଧସ୍ଵତୀର୍ମୁଦା ॥ ୪ ॥
ନଦ୍ଯଃ ସମୁଦ୍ରା ଗିରଯଃ ସଵନସ୍ପତିଵୀରୁଧଃ ।
ଫଲନ୍ତ୍ଯୋଷଧଯଃ ସର୍ଵାଃ କାମମନ୍ଵୃତୁ ତସ୍ଯ ଵୈ ॥ ୫ ॥
ଫଲନ୍ତ୍ଯୋଷଧଯଃ ସର୍ଵାଃ କାମମନ୍ଵୃତୁ ତସ୍ଯ ଵୈ ॥ ୫ ॥
ନାଧଯୋ ଵ୍ଯାଧଯଃ କ୍ଲେଶା ଦୈଵଭୂତାତ୍ମହେତଵଃ ।
ଅଜାତଶତ୍ରାଵଭଵନ୍ ଜନ୍ତୂନାଂ ରାଜ୍ଞି କର୍ହିଚିତ୍ ॥ ୬ ॥
ଅଜାତଶତ୍ରାଵଭଵନ୍ ଜନ୍ତୂନାଂ ରାଜ୍ଞି କର୍ହିଚିତ୍ ॥ ୬ ॥
ଉଷିତ୍ଵା ହାସ୍ତିନପୁରେ ମାସାନ୍ କତିପଯାନ୍ ହରିଃ ।
ସୁହୃଦାଂ ଚ ଵିଶୋକାଯ ସ୍ଵସୁଶ୍ଚ ପ୍ରିଯକାମ୍ଯଯା ॥ ୭ ॥
ସୁହୃଦାଂ ଚ ଵିଶୋକାଯ ସ୍ଵସୁଶ୍ଚ ପ୍ରିଯକାମ୍ଯଯା ॥ ୭ ॥
ଆମନ୍ତ୍ର୍ଯ ଚାଭ୍ଯନୁଜ୍ଞାତଃ ପରିଷ୍ଵଜ୍ଯାଭିଵାଦ୍ଯ ତମ୍ ।
ଆରୁରୋହ ରଥଂ କୈଶ୍ଚିତ୍ପରିଷ୍ଵକ୍ତୋଽଭିଵାଦିତଃ ॥ ୮ ॥
ଆରୁରୋହ ରଥଂ କୈଶ୍ଚିତ୍ପରିଷ୍ଵକ୍ତୋଽଭିଵାଦିତଃ ॥ ୮ ॥
ସୁଭଦ୍ରା ଦ୍ରୌପଦୀ କୁନ୍ତୀ ଵିରାଟତନଯା ତଥା ।
ଗାନ୍ଧାରୀ ଧୃତରାଷ୍ଟ୍ରଶ୍ଚ ଯୁଯୁତ୍ସୁର୍ଗୌତମୋ ଯମୌ ॥ ୯ ॥
ଗାନ୍ଧାରୀ ଧୃତରାଷ୍ଟ୍ରଶ୍ଚ ଯୁଯୁତ୍ସୁର୍ଗୌତମୋ ଯମୌ ॥ ୯ ॥
ଵୃକୋଦରଶ୍ଚ ଧୌମ୍ଯଶ୍ଚ ସ୍ତ୍ରିଯୋ ମତ୍ସ୍ଯସୁତାଦଯଃ ।
ନ ସେହିରେ ଵିମୁହ୍ଯନ୍ତୋ ଵିରହଂ ଶାର୍ଙ୍ଗଧନ୍ଵନଃ ॥ ୧୦ ॥
ନ ସେହିରେ ଵିମୁହ୍ଯନ୍ତୋ ଵିରହଂ ଶାର୍ଙ୍ଗଧନ୍ଵନଃ ॥ ୧୦ ॥
ସତ୍ସଙ୍ଗାନ୍ମୁକ୍ତଦୁଃସଙ୍ଗୋ ହାତୁଂ ନୋତ୍ସହତେ ବୁଧଃ ।
କୀର୍ତ୍ଯମାନଂ ଯଶୋ ଯସ୍ଯ ସକୃଦାକର୍ଣ୍ଯ ରୋଚନମ୍ ॥ ୧୧ ॥
କୀର୍ତ୍ଯମାନଂ ଯଶୋ ଯସ୍ଯ ସକୃଦାକର୍ଣ୍ଯ ରୋଚନମ୍ ॥ ୧୧ ॥
ତସ୍ମିନ୍ନ୍ଯସ୍ତଧିଯଃ ପାର୍ଥାଃ ସହେରନ୍ ଵିରହଂ କଥମ୍ ।
ଦର୍ଶନସ୍ପର୍ଶସଂଲାପଶଯନାସନଭୋଜନୈଃ ॥ ୧୨ ॥
ଦର୍ଶନସ୍ପର୍ଶସଂଲାପଶଯନାସନଭୋଜନୈଃ ॥ ୧୨ ॥
ସର୍ଵେ ତେଽନିମିଷୈରକ୍ଷୈସ୍ତମନୁଦ୍ରୁତଚେତସଃ ।
ଵୀକ୍ଷନ୍ତଃ ସ୍ନେହସମ୍ବଦ୍ଧା ଵିଚେଲୁସ୍ତତ୍ର ତତ୍ର ହ ॥ ୧୩ ॥
ଵୀକ୍ଷନ୍ତଃ ସ୍ନେହସମ୍ବଦ୍ଧା ଵିଚେଲୁସ୍ତତ୍ର ତତ୍ର ହ ॥ ୧୩ ॥
ନ୍ଯରୁନ୍ଧନ୍ନୁଦ୍ଗଲଦ୍ବାଷ୍ପମୌତ୍କଣ୍ଠ୍ଯାଦ୍ଦେଵକୀସୁତେ ।
ନିର୍ଯାତ୍ଯଗାରାନ୍ନୋଽଭଦ୍ରମିତି ସ୍ଯାଦ୍ବାନ୍ଧଵସ୍ତ୍ରିଯଃ ॥ ୧୪ ॥
ନିର୍ଯାତ୍ଯଗାରାନ୍ନୋଽଭଦ୍ରମିତି ସ୍ଯାଦ୍ବାନ୍ଧଵସ୍ତ୍ରିଯଃ ॥ ୧୪ ॥
ମୃଦଙ୍ଗଶଙ୍ଖଭେର୍ଯଶ୍ଚ ଵୀଣାପଣଵଗୋମୁଖାଃ ।
ଧୁନ୍ଧୁର୍ଯାନକଘଣ୍ଟାଦ୍ଯା ନେଦୁର୍ଦୁନ୍ଦୁଭଯସ୍ତଥା ॥ ୧୫ ॥
ଧୁନ୍ଧୁର୍ଯାନକଘଣ୍ଟାଦ୍ଯା ନେଦୁର୍ଦୁନ୍ଦୁଭଯସ୍ତଥା ॥ ୧୫ ॥
ପ୍ରାସାଦଶିଖରାରୂଢାଃ କୁରୁନାର୍ଯୋ ଦିଦୃକ୍ଷଯା ।
ଵଵୃଷୁଃ କୁସୁମୈଃ କୃଷ୍ଣଂ ପ୍ରେମଵ୍ରୀଡାସ୍ମିତେକ୍ଷଣାଃ ॥ ୧୬ ॥
ଵଵୃଷୁଃ କୁସୁମୈଃ କୃଷ୍ଣଂ ପ୍ରେମଵ୍ରୀଡାସ୍ମିତେକ୍ଷଣାଃ ॥ ୧୬ ॥
ସିତାତପତ୍ରଂ ଜଗ୍ରାହ ମୁକ୍ତାଦାମଵିଭୂଷିତମ୍ ।
ରତ୍ନଦଣ୍ଡଂ ଗୁଡାକେଶଃ ପ୍ରିଯଃ ପ୍ରିଯତମସ୍ଯ ହ ॥ ୧୭ ॥
ରତ୍ନଦଣ୍ଡଂ ଗୁଡାକେଶଃ ପ୍ରିଯଃ ପ୍ରିଯତମସ୍ଯ ହ ॥ ୧୭ ॥
ଉଦ୍ଧଵଃ ସାତ୍ଯକିଶ୍ଚୈଵ ଵ୍ଯଜନେ ପରମାଦ୍ଭୁତେ ।
ଵିକୀର୍ଯମାଣଃ କୁସୁମୈ ରେଜେ ମଧୁପତିଃ ପଥି ॥ ୧୮ ॥
ଵିକୀର୍ଯମାଣଃ କୁସୁମୈ ରେଜେ ମଧୁପତିଃ ପଥି ॥ ୧୮ ॥
ଅଶ୍ରୂଯନ୍ତାଶିଷଃ ସତ୍ଯାସ୍ତତ୍ର ତତ୍ର ଦ୍ଵିଜେରିତାଃ ।
ନାନୁରୂପାନୁରୂପାଶ୍ଚ ନିର୍ଗୁଣସ୍ଯ ଗୁଣାତ୍ମନଃ ॥ ୧୯ ॥
ନାନୁରୂପାନୁରୂପାଶ୍ଚ ନିର୍ଗୁଣସ୍ଯ ଗୁଣାତ୍ମନଃ ॥ ୧୯ ॥
ଅନ୍ଯୋନ୍ଯମାସୀତ୍ସଞ୍ଜଲ୍ପ ଉତ୍ତମଶ୍ଲୋକଚେତସାମ୍ ।
କୌରଵେନ୍ଦ୍ରପୁରସ୍ତ୍ରୀଣାଂ ସର୍ଵଶ୍ରୁତିମନୋହରଃ ॥ ୨୦ ॥
କୌରଵେନ୍ଦ୍ରପୁରସ୍ତ୍ରୀଣାଂ ସର୍ଵଶ୍ରୁତିମନୋହରଃ ॥ ୨୦ ॥
ସ ଵୈ କିଲାଯଂ ପୁରୁଷଃ ପୁରାତନୋ
ଯ ଏକ ଆସୀଦଵିଶେଷ ଆତ୍ମନି ।
ଅଗ୍ରେ ଗୁଣେଭ୍ଯୋ ଜଗଦାତ୍ମନୀଶ୍ଵରେ
ନିମୀଲିତାତ୍ମନ୍ନିଶି ସୁପ୍ତଶକ୍ତିଷୁ ॥ ୨୧ ॥
ଯ ଏକ ଆସୀଦଵିଶେଷ ଆତ୍ମନି ।
ଅଗ୍ରେ ଗୁଣେଭ୍ଯୋ ଜଗଦାତ୍ମନୀଶ୍ଵରେ
ନିମୀଲିତାତ୍ମନ୍ନିଶି ସୁପ୍ତଶକ୍ତିଷୁ ॥ ୨୧ ॥
ସ ଏଵ ଭୂଯୋ ନିଜଵୀର୍ଯଚୋଦିତାଂ
ସ୍ଵଜୀଵମାଯାଂ ପ୍ରକୃତିଂ ସିସୃକ୍ଷତୀମ୍ ।
ଅନାମରୂପାତ୍ମନି ରୂପନାମନୀ
ଵିଧିତ୍ସମାନୋଽନୁସସାର ଶାସ୍ତ୍ରକୃତ୍ ॥ ୨୨ ॥
ସ୍ଵଜୀଵମାଯାଂ ପ୍ରକୃତିଂ ସିସୃକ୍ଷତୀମ୍ ।
ଅନାମରୂପାତ୍ମନି ରୂପନାମନୀ
ଵିଧିତ୍ସମାନୋଽନୁସସାର ଶାସ୍ତ୍ରକୃତ୍ ॥ ୨୨ ॥
ସ ଵା ଅଯଂ ଯତ୍ପଦମତ୍ର ସୂରଯୋ
ଜିତେନ୍ଦ୍ରିଯା ନିର୍ଜିତମାତରିଶ୍ଵନଃ ।
ପଶ୍ଯନ୍ତି ଭକ୍ତ୍ଯୁତ୍କଲିତାମଲାତ୍ମନା
ନନ୍ଵେଷ ସତ୍ତ୍ଵଂ ପରିମାର୍ଷ୍ଟୁମର୍ହତି ॥ ୨୩ ॥
ଜିତେନ୍ଦ୍ରିଯା ନିର୍ଜିତମାତରିଶ୍ଵନଃ ।
ପଶ୍ଯନ୍ତି ଭକ୍ତ୍ଯୁତ୍କଲିତାମଲାତ୍ମନା
ନନ୍ଵେଷ ସତ୍ତ୍ଵଂ ପରିମାର୍ଷ୍ଟୁମର୍ହତି ॥ ୨୩ ॥
ସ ଵା ଅଯଂ ସଖ୍ଯନୁଗୀତସତ୍କଥୋ
ଵେଦେଷୁ ଗୁହ୍ଯେଷୁ ଚ ଗୁହ୍ଯଵାଦିଭିଃ ।
ଯ ଏକ ଈଶୋ ଜଗଦାତ୍ମଲୀଲଯା
ସୃଜତ୍ଯଵତ୍ଯତ୍ତି ନ ତତ୍ର ସଜ୍ଜତେ ॥ ୨୪ ॥
ଵେଦେଷୁ ଗୁହ୍ଯେଷୁ ଚ ଗୁହ୍ଯଵାଦିଭିଃ ।
ଯ ଏକ ଈଶୋ ଜଗଦାତ୍ମଲୀଲଯା
ସୃଜତ୍ଯଵତ୍ଯତ୍ତି ନ ତତ୍ର ସଜ୍ଜତେ ॥ ୨୪ ॥
ଯଦା ହ୍ଯଧର୍ମେଣ ତମୋଧିଯୋ ନୃପା
ଜୀଵନ୍ତି ତତ୍ରୈଷ ହି ସତ୍ତ୍ଵତଃ କିଲ ।
ଧତ୍ତେ ଭଗଂ ସତ୍ଯମୃତଂ ଦଯାଂ ଯଶୋ
ଭଵାଯ ରୂପାଣି ଦଧଦ୍ଯୁଗେ ଯୁଗେ ॥ ୨୫ ॥
ଜୀଵନ୍ତି ତତ୍ରୈଷ ହି ସତ୍ତ୍ଵତଃ କିଲ ।
ଧତ୍ତେ ଭଗଂ ସତ୍ଯମୃତଂ ଦଯାଂ ଯଶୋ
ଭଵାଯ ରୂପାଣି ଦଧଦ୍ଯୁଗେ ଯୁଗେ ॥ ୨୫ ॥
ଅହୋ ଅଲଂ ଶ୍ଲାଘ୍ଯତମଂ ଯଦୋଃ କୁଲ-
ମହୋ ଅଲଂ ପୁଣ୍ଯତମଂ ମଧୋର୍ଵନମ୍ ।
ଯଦେଷ ପୁଂସାମୃଷଭଃ ଶ୍ରିଯଃ ପତିଃ
ସ୍ଵଜନ୍ମନା ଚଙ୍କ୍ରମଣେନ ଚାଞ୍ଚତି ॥ ୨୬ ॥
ମହୋ ଅଲଂ ପୁଣ୍ଯତମଂ ମଧୋର୍ଵନମ୍ ।
ଯଦେଷ ପୁଂସାମୃଷଭଃ ଶ୍ରିଯଃ ପତିଃ
ସ୍ଵଜନ୍ମନା ଚଙ୍କ୍ରମଣେନ ଚାଞ୍ଚତି ॥ ୨୬ ॥
ଅହୋ ବତ ସ୍ଵର୍ଯଶସସ୍ତିରସ୍କରୀ
କୁଶସ୍ଥଲୀ ପୁଣ୍ଯଯଶସ୍କରୀ ଭୁଵଃ ।
ପଶ୍ଯନ୍ତି ନିତ୍ଯଂ ଯଦନୁଗ୍ରହେଷିତଂ
ସ୍ମିତାଵଲୋକଂ ସ୍ଵପତିଂ ସ୍ମ ଯତ୍ପ୍ରଜାଃ ॥ ୨୭ ॥
କୁଶସ୍ଥଲୀ ପୁଣ୍ଯଯଶସ୍କରୀ ଭୁଵଃ ।
ପଶ୍ଯନ୍ତି ନିତ୍ଯଂ ଯଦନୁଗ୍ରହେଷିତଂ
ସ୍ମିତାଵଲୋକଂ ସ୍ଵପତିଂ ସ୍ମ ଯତ୍ପ୍ରଜାଃ ॥ ୨୭ ॥
ନୂନଂ ଵ୍ରତସ୍ନାନହୁତାଦିନେଶ୍ଵରଃ
ସମର୍ଚିତୋ ହ୍ଯସ୍ଯ ଗୃହୀତପାଣିଭିଃ ।
ପିବନ୍ତି ଯାଃ ସଖ୍ଯଧରାମୃତଂ ମୁହୁ-
ର୍ଵ୍ରଜସ୍ତ୍ରିଯଃ ସମ୍ମୁମୁହୁର୍ଯଦାଶଯାଃ ॥ ୨୮ ॥
ସମର୍ଚିତୋ ହ୍ଯସ୍ଯ ଗୃହୀତପାଣିଭିଃ ।
ପିବନ୍ତି ଯାଃ ସଖ୍ଯଧରାମୃତଂ ମୁହୁ-
ର୍ଵ୍ରଜସ୍ତ୍ରିଯଃ ସମ୍ମୁମୁହୁର୍ଯଦାଶଯାଃ ॥ ୨୮ ॥
ଯା ଵୀର୍ଯଶୁଲ୍କେନ ହୃତାଃ ସ୍ଵଯଂଵରେ
ପ୍ରମଥ୍ଯ ଚୈଦ୍ଯପ୍ରମୁଖାନ୍ ହି ଶୁଷ୍ମିଣଃ ।
ପ୍ରଦ୍ଯୁମ୍ନସାମ୍ବାମ୍ବସୁତାଦଯୋଽପରା
ଯାଶ୍ଚାହୃତା ଭୌମଵଧେ ସହସ୍ରଶଃ ॥ ୨୯ ॥
ପ୍ରମଥ୍ଯ ଚୈଦ୍ଯପ୍ରମୁଖାନ୍ ହି ଶୁଷ୍ମିଣଃ ।
ପ୍ରଦ୍ଯୁମ୍ନସାମ୍ବାମ୍ବସୁତାଦଯୋଽପରା
ଯାଶ୍ଚାହୃତା ଭୌମଵଧେ ସହସ୍ରଶଃ ॥ ୨୯ ॥
ଏତାଃ ପରଂ ସ୍ତ୍ରୀତ୍ଵମପାସ୍ତପେଶଲଂ
ନିରସ୍ତଶୌଚଂ ବତ ସାଧୁ କୁର୍ଵତେ ।
ଯାସାଂ ଗୃହାତ୍ପୁଷ୍କରଲୋଚନଃ ପତି-
ର୍ନ ଜାତ୍ଵପୈତ୍ଯାହୃତିଭିର୍ହୃଦି ସ୍ପୃଶନ୍ ॥ ୩୦ ॥
ନିରସ୍ତଶୌଚଂ ବତ ସାଧୁ କୁର୍ଵତେ ।
ଯାସାଂ ଗୃହାତ୍ପୁଷ୍କରଲୋଚନଃ ପତି-
ର୍ନ ଜାତ୍ଵପୈତ୍ଯାହୃତିଭିର୍ହୃଦି ସ୍ପୃଶନ୍ ॥ ୩୦ ॥
ଏଵଂଵିଧା ଗଦନ୍ତୀନାଂ ସ ଗିରଃ ପୁରଯୋଷିତାମ୍ ।
ନିରୀକ୍ଷଣେନାଭିନନ୍ଦନ୍ ସସ୍ମିତେନ ଯଯୌ ହରିଃ ॥ ୩୧ ॥
ନିରୀକ୍ଷଣେନାଭିନନ୍ଦନ୍ ସସ୍ମିତେନ ଯଯୌ ହରିଃ ॥ ୩୧ ॥
ଅଜାତଶତ୍ରୁଃ ପୃତନାଂ ଗୋପୀଥାଯ ମଧୁଦ୍ଵିଷଃ ।
ପରେଭ୍ଯଃ ଶଙ୍କିତଃ ସ୍ନେହାତ୍ପ୍ରାଯୁଙ୍କ୍ତ ଚତୁରଙ୍ଗିଣୀମ୍ ॥ ୩୨ ॥
ପରେଭ୍ଯଃ ଶଙ୍କିତଃ ସ୍ନେହାତ୍ପ୍ରାଯୁଙ୍କ୍ତ ଚତୁରଙ୍ଗିଣୀମ୍ ॥ ୩୨ ॥
ଅଥ ଦୂରାଗତାନ୍ ଶୌରିଃ କୌରଵାନ୍ ଵିରହାତୁରାନ୍ ।
ସନ୍ନିଵର୍ତ୍ଯ ଦୃଢଂ ସ୍ନିଗ୍ଧାନ୍ ପ୍ରାଯାତ୍ସ୍ଵନଗରୀଂ ପ୍ରିଯୈଃ ॥ ୩୩ ॥
ସନ୍ନିଵର୍ତ୍ଯ ଦୃଢଂ ସ୍ନିଗ୍ଧାନ୍ ପ୍ରାଯାତ୍ସ୍ଵନଗରୀଂ ପ୍ରିଯୈଃ ॥ ୩୩ ॥
କୁରୁଜାଙ୍ଗଲପାଞ୍ଚାଲାନ୍ ଶୂରସେନାନ୍ ସଯାମୁନାନ୍ ।
ବ୍ରହ୍ମାଵର୍ତଂ କୁରୁକ୍ଷେତ୍ରଂ ମତ୍ସ୍ଯାନ୍ ସାରସ୍ଵତାନଥ ॥ ୩୪ ॥
ବ୍ରହ୍ମାଵର୍ତଂ କୁରୁକ୍ଷେତ୍ରଂ ମତ୍ସ୍ଯାନ୍ ସାରସ୍ଵତାନଥ ॥ ୩୪ ॥
ମରୁଧନ୍ଵମତିକ୍ରମ୍ଯ ସୌଵୀରାଭୀରଯୋଃ ପରାନ୍ ।
ଆନର୍ତାନ୍ ଭାର୍ଗଵୋପାଗାଚ୍ଛ୍ରାନ୍ତଵାହୋ ମନାଗ୍ଵିଭୁଃ ॥ ୩୫ ॥
ଆନର୍ତାନ୍ ଭାର୍ଗଵୋପାଗାଚ୍ଛ୍ରାନ୍ତଵାହୋ ମନାଗ୍ଵିଭୁଃ ॥ ୩୫ ॥
ତତ୍ର ତତ୍ର ହ ତତ୍ରତ୍ଯୈର୍ହରିଃ ପ୍ରତ୍ଯୁଦ୍ଯତାର୍ହଣଃ ।
ସାଯଂ ଭେଜେ ଦିଶଂ ପଶ୍ଚାଦ୍ଗଵିଷ୍ଠୋ ଗାଂ ଗତସ୍ତଦା ॥ ୩୬ ॥
ସାଯଂ ଭେଜେ ଦିଶଂ ପଶ୍ଚାଦ୍ଗଵିଷ୍ଠୋ ଗାଂ ଗତସ୍ତଦା ॥ ୩୬ ॥