সূত উৱাচ
এৱং কৃষ্ণসখঃ কৃষ্ণো ভ্ৰাত্ৰা ৰাজ্ঞা ৱিকল্পিতঃ ।
নানাশঙ্কাস্পদং ৰূপং কৃষ্ণৱিশ্লেষকৰ্শিতঃ ॥ ১ ॥
এৱং কৃষ্ণসখঃ কৃষ্ণো ভ্ৰাত্ৰা ৰাজ্ঞা ৱিকল্পিতঃ ।
নানাশঙ্কাস্পদং ৰূপং কৃষ্ণৱিশ্লেষকৰ্শিতঃ ॥ ১ ॥
শোকেন শুষ্যদ্ৱদনহৃত্সৰোজো হতপ্ৰভঃ ।
ৱিভুং তমেৱানুস্মৰন্নাশক্নোত্প্ৰতিভাষিতুম্ ॥ ২ ॥
ৱিভুং তমেৱানুস্মৰন্নাশক্নোত্প্ৰতিভাষিতুম্ ॥ ২ ॥
কৃচ্ছ্ৰেণ সংস্তভ্য শুচঃ পাণিনামৃজ্য নেত্ৰযোঃ ।
পৰোক্ষেণ সমুন্নদ্ধপ্ৰণযৌত্কণ্ঠ্যকাতৰঃ ॥ ৩ ॥
পৰোক্ষেণ সমুন্নদ্ধপ্ৰণযৌত্কণ্ঠ্যকাতৰঃ ॥ ৩ ॥
সখ্যং মৈত্ৰীং সৌহৃদং চ সাৰথ্যাদিষু সংস্মৰন্ ।
নৃপমগ্ৰজমিত্যাহ বাষ্পগদ্গদযা গিৰা ॥ ৪ ॥
নৃপমগ্ৰজমিত্যাহ বাষ্পগদ্গদযা গিৰা ॥ ৪ ॥
অৰ্জুন উৱাচ
ৱঞ্চিতোঽহং মহাৰাজ হৰিণা বন্ধুৰূপিণা ।
যেন মেঽপহৃতং তেজো দেৱৱিস্মাপনং মহত্ ॥ ৫ ॥
ৱঞ্চিতোঽহং মহাৰাজ হৰিণা বন্ধুৰূপিণা ।
যেন মেঽপহৃতং তেজো দেৱৱিস্মাপনং মহত্ ॥ ৫ ॥
যস্য ক্ষণৱিযোগেন লোকো হ্যপ্ৰিযদৰ্শনঃ ।
উক্থেন ৰহিতো হ্যেষ মৃতকঃ প্ৰোচ্যতে যথা ॥ ৬ ॥
উক্থেন ৰহিতো হ্যেষ মৃতকঃ প্ৰোচ্যতে যথা ॥ ৬ ॥
যত্সংশ্ৰযাদ্ দ্ৰুপদগেহমুপাগতানাং
ৰাজ্ঞাং স্ৱযংৱৰমুখে স্মৰদুৰ্মদানাম্ ।
তেজো হৃতং খলু মযাভিহতশ্চ মত্স্যঃ
সজ্জীকৃতেন ধনুষাধিগতা চ কৃষ্ণা ॥ ৭ ॥
ৰাজ্ঞাং স্ৱযংৱৰমুখে স্মৰদুৰ্মদানাম্ ।
তেজো হৃতং খলু মযাভিহতশ্চ মত্স্যঃ
সজ্জীকৃতেন ধনুষাধিগতা চ কৃষ্ণা ॥ ৭ ॥
যত্সন্নিধাৱহমু খাংডৱমগ্নযেঽদা-
মিন্দ্ৰং চ সামৰগণং তৰসা ৱিজিত্য ।
লব্ধা সভা মযকৃতাদ্ভুতশিল্পমাযা
দিগ্ভ্যোঽহৰন্নৃপতযো বলিমধ্ৱৰে তে ॥ ৮ ॥
মিন্দ্ৰং চ সামৰগণং তৰসা ৱিজিত্য ।
লব্ধা সভা মযকৃতাদ্ভুতশিল্পমাযা
দিগ্ভ্যোঽহৰন্নৃপতযো বলিমধ্ৱৰে তে ॥ ৮ ॥
যত্তেজসা নৃপশিৰোঽঙ্ঘ্ৰিমহন্মখাৰ্থম্
আৰ্যোঽনুজস্তৱ গজাযুতসত্ত্ৱৱীৰ্যঃ ।
তেনাহৃতাঃ প্ৰমথনাথমখায ভূপা
যন্মোচিতাস্তদনযন্বলিমধ্ৱৰে তে ॥ ৯ ॥
আৰ্যোঽনুজস্তৱ গজাযুতসত্ত্ৱৱীৰ্যঃ ।
তেনাহৃতাঃ প্ৰমথনাথমখায ভূপা
যন্মোচিতাস্তদনযন্বলিমধ্ৱৰে তে ॥ ৯ ॥
পত্ন্যাস্তৱাধিমখক্লৃপ্তমহাভিষেক-
শ্লাঘিষ্ঠচাৰুকবৰং কিতৱৈঃ সভাযাম্ ।
স্পৃষ্টং ৱিকীৰ্য পদযোঃ পতিতাশ্ৰুমুখ্যা
যস্তত্স্ত্ৰিযোঽকৃতহতেশৱিমুক্তকেশাঃ ॥ ১০ ॥
শ্লাঘিষ্ঠচাৰুকবৰং কিতৱৈঃ সভাযাম্ ।
স্পৃষ্টং ৱিকীৰ্য পদযোঃ পতিতাশ্ৰুমুখ্যা
যস্তত্স্ত্ৰিযোঽকৃতহতেশৱিমুক্তকেশাঃ ॥ ১০ ॥
যো নো জুগোপ ৱন এত্য দুৰন্তকৃচ্ছ্ৰাদ্
দুৰ্ৱাসসোঽৰিৰচিতাদযুতাগ্ৰভুগ্ যঃ ।
শাকান্নশিষ্টমুপযুজ্য যতস্ত্ৰিলোকীং
তৃপ্তামমংস্ত সলিলে ৱিনিমগ্নসঙ্ঘঃ ॥ ১১ ॥
দুৰ্ৱাসসোঽৰিৰচিতাদযুতাগ্ৰভুগ্ যঃ ।
শাকান্নশিষ্টমুপযুজ্য যতস্ত্ৰিলোকীং
তৃপ্তামমংস্ত সলিলে ৱিনিমগ্নসঙ্ঘঃ ॥ ১১ ॥
যত্তেজসাথ ভগৱান্ যুধি শূলপাণি-
ৰ্ৱিস্মাপিতঃ সগিৰিজোঽস্ত্ৰমদান্নিজং মে ।
অন্যেঽপি চাহমমুনৈৱ কলেৱৰেণ
প্ৰাপ্তো মহেন্দ্ৰভৱনে মহদাসনাৰ্ধম্ ॥ ১২ ॥
ৰ্ৱিস্মাপিতঃ সগিৰিজোঽস্ত্ৰমদান্নিজং মে ।
অন্যেঽপি চাহমমুনৈৱ কলেৱৰেণ
প্ৰাপ্তো মহেন্দ্ৰভৱনে মহদাসনাৰ্ধম্ ॥ ১২ ॥
তত্ৰৈৱ মে ৱিহৰতো ভুজদণ্ডযুগ্মং
গাণ্ডীৱলক্ষণমৰাতিৱধায দেৱাঃ ।
সেন্দ্ৰাঃ শ্ৰিতা যদনুভাৱিতমাজমীঢ
তেনাহমদ্য মুষিতঃ পুৰুষেণ ভূম্না ॥ ১৩ ॥
গাণ্ডীৱলক্ষণমৰাতিৱধায দেৱাঃ ।
সেন্দ্ৰাঃ শ্ৰিতা যদনুভাৱিতমাজমীঢ
তেনাহমদ্য মুষিতঃ পুৰুষেণ ভূম্না ॥ ১৩ ॥
যদ্বান্ধৱঃ কুৰুবলাব্ধিমনন্তপাৰ-
মেকো ৰথেন ততৰেঽহমতীৰ্যসত্ত্ৱম্ ।
প্ৰত্যাহৃতং বহু ধনং চ মযা পৰেষাং
তেজাস্পদং মণিমযং চ হৃতং শিৰোভ্যঃ ॥ ১৪ ॥
মেকো ৰথেন ততৰেঽহমতীৰ্যসত্ত্ৱম্ ।
প্ৰত্যাহৃতং বহু ধনং চ মযা পৰেষাং
তেজাস্পদং মণিমযং চ হৃতং শিৰোভ্যঃ ॥ ১৪ ॥
যো ভীষ্মকৰ্ণগুৰুশল্যচমূষ্ৱদভ্ৰ-
ৰাজন্যৱৰ্যৰথমণ্ডলমণ্ডিতাসু ।
অগ্ৰেচৰো মম ৱিভো ৰথযূথপানা-
মাযুৰ্মনাংসি চ দৃশা সহ ওজ আৰ্চ্ছত্ ॥ ১৫ ॥
ৰাজন্যৱৰ্যৰথমণ্ডলমণ্ডিতাসু ।
অগ্ৰেচৰো মম ৱিভো ৰথযূথপানা-
মাযুৰ্মনাংসি চ দৃশা সহ ওজ আৰ্চ্ছত্ ॥ ১৫ ॥
যদ্দোঃষু মা প্ৰণিহিতং গুৰুভীষ্মকৰ্ণ-
নপ্তৃত্ৰিগৰ্তশল্যসৈন্ধৱবাহ্লিকাদ্যৈঃ ।
অস্ত্ৰাণ্যমোঘমহিমানি নিৰূপিতানি
নোপস্পৃশুৰ্নৃহৰিদাসমিৱাসুৰাণি ॥ ১৬ ॥
নপ্তৃত্ৰিগৰ্তশল্যসৈন্ধৱবাহ্লিকাদ্যৈঃ ।
অস্ত্ৰাণ্যমোঘমহিমানি নিৰূপিতানি
নোপস্পৃশুৰ্নৃহৰিদাসমিৱাসুৰাণি ॥ ১৬ ॥
সৌত্যে ৱৃতঃ কুমতিনাত্মদ ঈশ্ৱৰো মে
যত্পাদপদ্মমভৱায ভজন্তি ভৱ্যাঃ ।
মাং শ্ৰান্তৱাহমৰযো ৰথিনো ভুৱিষ্ঠং
ন প্ৰাহৰন্ যদনুভাৱনিৰস্তচিত্তাঃ ॥ ১৭ ॥
যত্পাদপদ্মমভৱায ভজন্তি ভৱ্যাঃ ।
মাং শ্ৰান্তৱাহমৰযো ৰথিনো ভুৱিষ্ঠং
ন প্ৰাহৰন্ যদনুভাৱনিৰস্তচিত্তাঃ ॥ ১৭ ॥
নৰ্মাণ্যুদাৰৰুচিৰস্মিতশোভিতানি হে পাৰ্থ হেঽৰ্জুন সখে কুৰুনন্দনেতি ।
সঞ্জল্পিতানি নৰদেৱ হৃদিস্পৃশানি স্মৰ্তুৰ্লুঠন্তি হৃদযং মম মাধৱস্য ॥ ১৮ ॥
সঞ্জল্পিতানি নৰদেৱ হৃদিস্পৃশানি স্মৰ্তুৰ্লুঠন্তি হৃদযং মম মাধৱস্য ॥ ১৮ ॥
শয্যাসনাটনৱিকত্থনভোজনাদি ষ্ৱৈক্যাদ্ৱযস্য ঋতৱানিতি ৱিপ্ৰলব্ধঃ ।
সখ্যুঃ সখেৱ পিতৃৱত্তনযস্য সৰ্ৱং সেহে মহান্মহিতযা কুমতেৰঘং মে ॥ ১৯ ॥
সখ্যুঃ সখেৱ পিতৃৱত্তনযস্য সৰ্ৱং সেহে মহান্মহিতযা কুমতেৰঘং মে ॥ ১৯ ॥
সোঽহং নৃপেন্দ্ৰ ৰহিতঃ পুৰুষোত্তমেন
সখ্যা প্ৰিযেণ সুহৃদা হৃদযেন শূন্যঃ ।
অধ্ৱন্যুৰুক্ৰমপৰিগ্ৰহমঙ্গ ৰক্ষন্
গোপৈৰসদ্ভিৰবলেৱ ৱিনিৰ্জিতোঽস্মি ॥ ২০ ॥
সখ্যা প্ৰিযেণ সুহৃদা হৃদযেন শূন্যঃ ।
অধ্ৱন্যুৰুক্ৰমপৰিগ্ৰহমঙ্গ ৰক্ষন্
গোপৈৰসদ্ভিৰবলেৱ ৱিনিৰ্জিতোঽস্মি ॥ ২০ ॥
তদ্ৱৈ ধনুস্ত ইষৱঃ স ৰথো হযাস্তে
সোঽহং ৰথী নৃপতযো যত আনমন্তি ।
সৰ্ৱং ক্ষণেন তদভূদসদীশৰিক্তং
ভস্মন্হুতং কুহকৰাদ্ধমিৱোপ্তমূষ্যাম্ ॥ ২১ ॥
সোঽহং ৰথী নৃপতযো যত আনমন্তি ।
সৰ্ৱং ক্ষণেন তদভূদসদীশৰিক্তং
ভস্মন্হুতং কুহকৰাদ্ধমিৱোপ্তমূষ্যাম্ ॥ ২১ ॥
ৰাজংস্ত্ৱযানুপৃষ্টানাং সুহৃদাং নঃ সুহৃত্পুৰে ।
ৱিপ্ৰশাপৱিমূঢানাং নিঘ্নতাং মুষ্টিভিৰ্মিথঃ ॥ ২২ ॥
ৱিপ্ৰশাপৱিমূঢানাং নিঘ্নতাং মুষ্টিভিৰ্মিথঃ ॥ ২২ ॥
ৱাৰুণীং মদিৰাং পীত্ৱা মদোন্মথিতচেতসাম্ ।
অজানতামিৱান্যোন্যং চতুঃপঞ্চাৱশেষিতাঃ ॥ ২৩ ॥
অজানতামিৱান্যোন্যং চতুঃপঞ্চাৱশেষিতাঃ ॥ ২৩ ॥
প্ৰাযেণৈতদ্ ভগৱত ঈশ্ৱৰস্য ৱিচেষ্টিতম্ ।
মিথো নিঘ্নন্তি ভূতানি ভাৱযন্তি চ যন্মিথঃ ॥ ২৪ ॥
মিথো নিঘ্নন্তি ভূতানি ভাৱযন্তি চ যন্মিথঃ ॥ ২৪ ॥
জলৌকসাং জলে যদ্ৱন্মহান্তোঽদন্ত্যণীযসঃ ।
দুৰ্বলান্বলিনো ৰাজন্মহান্তো বলিনো মিথঃ ॥ ২৫ ॥
দুৰ্বলান্বলিনো ৰাজন্মহান্তো বলিনো মিথঃ ॥ ২৫ ॥
এৱং বলিষ্ঠৈৰ্যদুভিৰ্মহদ্ভিৰিতৰান্ ৱিভুঃ ।
যদূন্যদুভিৰন্যোন্যং ভূভাৰান্ সঞ্জহাৰ হ ॥ ২৬ ॥
যদূন্যদুভিৰন্যোন্যং ভূভাৰান্ সঞ্জহাৰ হ ॥ ২৬ ॥
দেশকালাৰ্থযুক্তানি হৃত্তাপোপশমানি চ ।
হৰন্তি স্মৰতশ্চিত্তং গোৱিন্দাভিহিতানি মে ॥ ২৭ ॥
হৰন্তি স্মৰতশ্চিত্তং গোৱিন্দাভিহিতানি মে ॥ ২৭ ॥
সূত উৱাচ
এৱং চিন্তযতো জিষ্ণোঃ কৃষ্ণপাদসৰোৰুহম্ ।
সৌহাৰ্দেনাতিগাঢেন শান্তাসীদ্ৱিমলা মতিঃ ॥ ২৮ ॥
এৱং চিন্তযতো জিষ্ণোঃ কৃষ্ণপাদসৰোৰুহম্ ।
সৌহাৰ্দেনাতিগাঢেন শান্তাসীদ্ৱিমলা মতিঃ ॥ ২৮ ॥
ৱাসুদেৱাঙ্ঘ্ৰ্যনুধ্যানপৰিবৃংহিতৰংহসা ।
ভক্ত্যা নিৰ্মথিতাশেষকষাযধিষণোঽৰ্জুনঃ ॥ ২৯ ॥
ভক্ত্যা নিৰ্মথিতাশেষকষাযধিষণোঽৰ্জুনঃ ॥ ২৯ ॥
গীতং ভগৱতা জ্ঞানং যত্ তত্ সঙ্গ্ৰামমূৰ্ধনি ।
কালকৰ্মতমোৰুদ্ধং পুনৰধ্যগমত্ প্ৰভুঃ ॥ ৩০ ॥
কালকৰ্মতমোৰুদ্ধং পুনৰধ্যগমত্ প্ৰভুঃ ॥ ৩০ ॥
ৱিশোকো ব্ৰহ্মসম্পত্ত্যা সঞ্ছিন্নদ্ৱৈতসংশযঃ ।
লীনপ্ৰকৃতিনৈৰ্গুণ্যাদলিঙ্গত্ৱাদসম্ভৱঃ ॥ ৩১ ॥
লীনপ্ৰকৃতিনৈৰ্গুণ্যাদলিঙ্গত্ৱাদসম্ভৱঃ ॥ ৩১ ॥
নিশম্য ভগৱন্মাৰ্গং সংস্থাং যদুকুলস্য চ ।
স্ৱঃপথায মতিং চক্ৰে নিভৃতাত্মা যুধিষ্ঠিৰঃ ॥ ৩২ ॥
স্ৱঃপথায মতিং চক্ৰে নিভৃতাত্মা যুধিষ্ঠিৰঃ ॥ ৩২ ॥
পৃথাপ্যনুশ্ৰুত্য ধনঞ্জযোদিতং
নাশং যদূনাং ভগৱদ্গতিং চ তাম্ ।
একান্তভক্ত্যা ভগৱত্যধোক্ষজে
নিৱেশিতাত্মোপৰৰাম সংসৃতেঃ ॥ ৩৩ ॥
নাশং যদূনাং ভগৱদ্গতিং চ তাম্ ।
একান্তভক্ত্যা ভগৱত্যধোক্ষজে
নিৱেশিতাত্মোপৰৰাম সংসৃতেঃ ॥ ৩৩ ॥
যযাহৰদ্ ভুৱো ভাৰং তাং তনুং ৱিজহাৱজঃ ।
কণ্টকং কণ্টকেনেৱ দ্ৱযং চাপীশিতুঃ সমম্ ॥ ৩৪ ॥
কণ্টকং কণ্টকেনেৱ দ্ৱযং চাপীশিতুঃ সমম্ ॥ ৩৪ ॥
যথা মত্স্যাদিৰূপাণি ধত্তে জহ্যাদ্ যথা নটঃ ।
ভূভাৰঃ ক্ষপিতো যেন জহৌ তচ্চ কলেৱৰম্ ॥ ৩৫ ॥
ভূভাৰঃ ক্ষপিতো যেন জহৌ তচ্চ কলেৱৰম্ ॥ ৩৫ ॥
যদা মুকুন্দো ভগৱানিমাং মহীং
জহৌ স্ৱতন্ৱা শ্ৰৱণীযসত্কথঃ ।
তদাহৰেৱাপ্ৰতিবুদ্ধচেতসা-
মভদ্ৰহেতুঃ কলিৰন্ৱৱৰ্তত ॥ ৩৬ ॥
জহৌ স্ৱতন্ৱা শ্ৰৱণীযসত্কথঃ ।
তদাহৰেৱাপ্ৰতিবুদ্ধচেতসা-
মভদ্ৰহেতুঃ কলিৰন্ৱৱৰ্তত ॥ ৩৬ ॥
যুধিষ্ঠিৰস্তত্পৰিসৰ্পণং বুধঃ
পুৰে চ ৰাষ্ট্ৰে চ গৃহে তথাত্মনি ।
ৱিভাৱ্য লোভানৃতজিহ্মহিংসনা-
দ্যধৰ্মচক্ৰং গমনায পৰ্যধাত্ ॥ ৩৭ ॥
পুৰে চ ৰাষ্ট্ৰে চ গৃহে তথাত্মনি ।
ৱিভাৱ্য লোভানৃতজিহ্মহিংসনা-
দ্যধৰ্মচক্ৰং গমনায পৰ্যধাত্ ॥ ৩৭ ॥
স্ৱৰাট্ পৌত্ৰং ৱিনযিনমাত্মনঃ সুসমং গুণৈঃ ।
তোযনীৱ্যাঃ পতিং ভূমেৰভ্যষিঞ্চদ্গজাহ্ৱযে ॥ ৩৮ ॥
তোযনীৱ্যাঃ পতিং ভূমেৰভ্যষিঞ্চদ্গজাহ্ৱযে ॥ ৩৮ ॥
মথুৰাযাং তথা ৱজ্ৰং শূৰসেনপতিং ততঃ ।
প্ৰাজাপত্যাং নিৰূপ্যেষ্টিমগ্নীনপিবদীশ্ৱৰঃ ॥ ৩৯ ॥
প্ৰাজাপত্যাং নিৰূপ্যেষ্টিমগ্নীনপিবদীশ্ৱৰঃ ॥ ৩৯ ॥
ৱিসৃজ্য তত্ৰ তত্ সৰ্ৱং দুকূলৱলযাদিকম্ ।
নিৰ্মমো নিৰহঙ্কাৰঃ সঞ্ছিন্নাশেষবন্ধনঃ ॥ ৪০ ॥
নিৰ্মমো নিৰহঙ্কাৰঃ সঞ্ছিন্নাশেষবন্ধনঃ ॥ ৪০ ॥
ৱাচং জুহাৱ মনসি তত্প্ৰাণ ইতৰে চ তম্ ।
মৃত্যাৱপানং সোত্সৰ্গং তং পঞ্চত্ৱে হ্যজোহৱীত্ ॥ ৪১ ॥
মৃত্যাৱপানং সোত্সৰ্গং তং পঞ্চত্ৱে হ্যজোহৱীত্ ॥ ৪১ ॥
ত্ৰিত্ৱে হুত্ৱা চ পঞ্চত্ৱং তচ্চৈকত্ৱেঽজুহোন্মুনিঃ ।
সৰ্ৱমাত্মন্যজুহৱীদ্ব্ৰহ্মণ্যাত্মানমৱ্যযে ॥ ৪২ ॥
সৰ্ৱমাত্মন্যজুহৱীদ্ব্ৰহ্মণ্যাত্মানমৱ্যযে ॥ ৪২ ॥
চীৰৱাসা নিৰাহাৰো বদ্ধৱাঙ্মুক্তমূৰ্ধজঃ ।
দৰ্শযন্নাত্মনো ৰূপং জডোন্মত্তপিশাচৱত্ ।
অনৱেক্ষমাণো নিৰগাদশৃণ্ৱন্বধিৰো যথা ॥ ৪৩ ॥
দৰ্শযন্নাত্মনো ৰূপং জডোন্মত্তপিশাচৱত্ ।
অনৱেক্ষমাণো নিৰগাদশৃণ্ৱন্বধিৰো যথা ॥ ৪৩ ॥
উদীচীং প্ৰৱিৱেশাশাং গতপূৰ্ৱাং মহাত্মভিঃ ।
হৃদি ব্ৰহ্ম পৰং ধ্যাযন্নাৱৰ্তেত যতো গতঃ ॥ ৪৪ ॥
হৃদি ব্ৰহ্ম পৰং ধ্যাযন্নাৱৰ্তেত যতো গতঃ ॥ ৪৪ ॥
সৰ্ৱে তমনুনিৰ্জগ্মুৰ্ভ্ৰাতৰঃ কৃতনিশ্চযাঃ ।
কলিনাধৰ্মমিত্ৰেণ দৃষ্ট্ৱা স্পৃষ্টাঃ প্ৰজা ভুৱি ॥ ৪৫ ॥
কলিনাধৰ্মমিত্ৰেণ দৃষ্ট্ৱা স্পৃষ্টাঃ প্ৰজা ভুৱি ॥ ৪৫ ॥
তে সাধুকৃতসৰ্ৱাৰ্থা জ্ঞাত্ৱাত্যন্তিকমাত্মনঃ ।
মনসা ধাৰযামাসুৰ্ৱৈকুণ্ঠচৰণাম্বুজম্ ॥ ৪৬ ॥
মনসা ধাৰযামাসুৰ্ৱৈকুণ্ঠচৰণাম্বুজম্ ॥ ৪৬ ॥
তদ্ধ্যানোদ্ৰিক্তযা ভক্ত্যা ৱিশুদ্ধধিষণাঃ পৰে ।
তস্মিন্ নাৰাযণপদে একান্তমতযো গতিম্ ॥ ৪৭ ॥
তস্মিন্ নাৰাযণপদে একান্তমতযো গতিম্ ॥ ৪৭ ॥
অৱাপুৰ্দুৰৱাপাং তে অসদ্ভিৰ্ৱিষযাত্মভিঃ ।
ৱিধূতকল্মষা স্থানং ৱিৰজেনাত্মনৈৱ হি ॥ ৪৮ ॥
ৱিধূতকল্মষা স্থানং ৱিৰজেনাত্মনৈৱ হি ॥ ৪৮ ॥
ৱিদুৰোঽপি পৰিত্যজ্য প্ৰভাসে দেহমাত্মনঃ ।
কৃষ্ণাৱেশেন তচ্চিত্তঃ পিতৃভিঃ স্ৱক্ষযং যযৌ ॥ ৪৯ ॥
কৃষ্ণাৱেশেন তচ্চিত্তঃ পিতৃভিঃ স্ৱক্ষযং যযৌ ॥ ৪৯ ॥
দ্ৰৌপদী চ তদাজ্ঞায পতীনামনপেক্ষতাম্ ।
ৱাসুদেৱে ভগৱতি হ্যেকান্তমতিৰাপ তম্ ॥ ৫০ ॥
ৱাসুদেৱে ভগৱতি হ্যেকান্তমতিৰাপ তম্ ॥ ৫০ ॥
যঃ শ্ৰদ্ধযৈতদ্ ভগৱত্প্ৰিযাণাং
পাণ্ডোঃ সুতানামিতি সম্প্ৰযাণম্ ।
শৃণোত্যলং স্ৱস্ত্যযনং পৱিত্ৰং
লব্ধ্ৱা হৰৌ ভক্তিমুপৈতি সিদ্ধিম্ ॥ ৫১ ॥
পাণ্ডোঃ সুতানামিতি সম্প্ৰযাণম্ ।
শৃণোত্যলং স্ৱস্ত্যযনং পৱিত্ৰং
লব্ধ্ৱা হৰৌ ভক্তিমুপৈতি সিদ্ধিম্ ॥ ৫১ ॥