সূত উবাচ
এবং কৃষ্ণসখঃ কৃষ্ণো ভ্রাত্রা রাজ্ঞা বিকল্পিতঃ ।
নানাশঙ্কাস্পদং রূপং কৃষ্ণবিশ্লেষকর্শিতঃ ॥ ১ ॥
এবং কৃষ্ণসখঃ কৃষ্ণো ভ্রাত্রা রাজ্ঞা বিকল্পিতঃ ।
নানাশঙ্কাস্পদং রূপং কৃষ্ণবিশ্লেষকর্শিতঃ ॥ ১ ॥
শোকেন শুষ্যদ্বদনহৃত্সরোজো হতপ্রভঃ ।
বিভুং তমেবানুস্মরন্নাশক্নোত্প্রতিভাষিতুম্ ॥ ২ ॥
বিভুং তমেবানুস্মরন্নাশক্নোত্প্রতিভাষিতুম্ ॥ ২ ॥
কৃচ্ছ্রেণ সংস্তভ্য শুচঃ পাণিনামৃজ্য নেত্রযোঃ ।
পরোক্ষেণ সমুন্নদ্ধপ্রণযৌত্কণ্ঠ্যকাতরঃ ॥ ৩ ॥
পরোক্ষেণ সমুন্নদ্ধপ্রণযৌত্কণ্ঠ্যকাতরঃ ॥ ৩ ॥
সখ্যং মৈত্রীং সৌহৃদং চ সারথ্যাদিষু সংস্মরন্ ।
নৃপমগ্রজমিত্যাহ বাষ্পগদ্গদযা গিরা ॥ ৪ ॥
নৃপমগ্রজমিত্যাহ বাষ্পগদ্গদযা গিরা ॥ ৪ ॥
অর্জুন উবাচ
বঞ্চিতোঽহং মহারাজ হরিণা বন্ধুরূপিণা ।
যেন মেঽপহৃতং তেজো দেববিস্মাপনং মহত্ ॥ ৫ ॥
বঞ্চিতোঽহং মহারাজ হরিণা বন্ধুরূপিণা ।
যেন মেঽপহৃতং তেজো দেববিস্মাপনং মহত্ ॥ ৫ ॥
যস্য ক্ষণবিযোগেন লোকো হ্যপ্রিযদর্শনঃ ।
উক্থেন রহিতো হ্যেষ মৃতকঃ প্রোচ্যতে যথা ॥ ৬ ॥
উক্থেন রহিতো হ্যেষ মৃতকঃ প্রোচ্যতে যথা ॥ ৬ ॥
যত্সংশ্রযাদ্ দ্রুপদগেহমুপাগতানাং
রাজ্ঞাং স্বযংবরমুখে স্মরদুর্মদানাম্ ।
তেজো হৃতং খলু মযাভিহতশ্চ মত্স্যঃ
সজ্জীকৃতেন ধনুষাধিগতা চ কৃষ্ণা ॥ ৭ ॥
রাজ্ঞাং স্বযংবরমুখে স্মরদুর্মদানাম্ ।
তেজো হৃতং খলু মযাভিহতশ্চ মত্স্যঃ
সজ্জীকৃতেন ধনুষাধিগতা চ কৃষ্ণা ॥ ৭ ॥
যত্সন্নিধাবহমু খাংডবমগ্নযেঽদা-
মিন্দ্রং চ সামরগণং তরসা বিজিত্য ।
লব্ধা সভা মযকৃতাদ্ভুতশিল্পমাযা
দিগ্ভ্যোঽহরন্নৃপতযো বলিমধ্বরে তে ॥ ৮ ॥
মিন্দ্রং চ সামরগণং তরসা বিজিত্য ।
লব্ধা সভা মযকৃতাদ্ভুতশিল্পমাযা
দিগ্ভ্যোঽহরন্নৃপতযো বলিমধ্বরে তে ॥ ৮ ॥
যত্তেজসা নৃপশিরোঽঙ্ঘ্রিমহন্মখার্থম্
আর্যোঽনুজস্তব গজাযুতসত্ত্ববীর্যঃ ।
তেনাহৃতাঃ প্রমথনাথমখায ভূপা
যন্মোচিতাস্তদনযন্বলিমধ্বরে তে ॥ ৯ ॥
আর্যোঽনুজস্তব গজাযুতসত্ত্ববীর্যঃ ।
তেনাহৃতাঃ প্রমথনাথমখায ভূপা
যন্মোচিতাস্তদনযন্বলিমধ্বরে তে ॥ ৯ ॥
পত্ন্যাস্তবাধিমখক্লৃপ্তমহাভিষেক-
শ্লাঘিষ্ঠচারুকবরং কিতবৈঃ সভাযাম্ ।
স্পৃষ্টং বিকীর্য পদযোঃ পতিতাশ্রুমুখ্যা
যস্তত্স্ত্রিযোঽকৃতহতেশবিমুক্তকেশাঃ ॥ ১০ ॥
শ্লাঘিষ্ঠচারুকবরং কিতবৈঃ সভাযাম্ ।
স্পৃষ্টং বিকীর্য পদযোঃ পতিতাশ্রুমুখ্যা
যস্তত্স্ত্রিযোঽকৃতহতেশবিমুক্তকেশাঃ ॥ ১০ ॥
যো নো জুগোপ বন এত্য দুরন্তকৃচ্ছ্রাদ্
দুর্বাসসোঽরিরচিতাদযুতাগ্রভুগ্ যঃ ।
শাকান্নশিষ্টমুপযুজ্য যতস্ত্রিলোকীং
তৃপ্তামমংস্ত সলিলে বিনিমগ্নসঙ্ঘঃ ॥ ১১ ॥
দুর্বাসসোঽরিরচিতাদযুতাগ্রভুগ্ যঃ ।
শাকান্নশিষ্টমুপযুজ্য যতস্ত্রিলোকীং
তৃপ্তামমংস্ত সলিলে বিনিমগ্নসঙ্ঘঃ ॥ ১১ ॥
যত্তেজসাথ ভগবান্ যুধি শূলপাণি-
র্বিস্মাপিতঃ সগিরিজোঽস্ত্রমদান্নিজং মে ।
অন্যেঽপি চাহমমুনৈব কলেবরেণ
প্রাপ্তো মহেন্দ্রভবনে মহদাসনার্ধম্ ॥ ১২ ॥
র্বিস্মাপিতঃ সগিরিজোঽস্ত্রমদান্নিজং মে ।
অন্যেঽপি চাহমমুনৈব কলেবরেণ
প্রাপ্তো মহেন্দ্রভবনে মহদাসনার্ধম্ ॥ ১২ ॥
তত্রৈব মে বিহরতো ভুজদণ্ডযুগ্মং
গাণ্ডীবলক্ষণমরাতিবধায দেবাঃ ।
সেন্দ্রাঃ শ্রিতা যদনুভাবিতমাজমীঢ
তেনাহমদ্য মুষিতঃ পুরুষেণ ভূম্না ॥ ১৩ ॥
গাণ্ডীবলক্ষণমরাতিবধায দেবাঃ ।
সেন্দ্রাঃ শ্রিতা যদনুভাবিতমাজমীঢ
তেনাহমদ্য মুষিতঃ পুরুষেণ ভূম্না ॥ ১৩ ॥
যদ্বান্ধবঃ কুরুবলাব্ধিমনন্তপার-
মেকো রথেন ততরেঽহমতীর্যসত্ত্বম্ ।
প্রত্যাহৃতং বহু ধনং চ মযা পরেষাং
তেজাস্পদং মণিমযং চ হৃতং শিরোভ্যঃ ॥ ১৪ ॥
মেকো রথেন ততরেঽহমতীর্যসত্ত্বম্ ।
প্রত্যাহৃতং বহু ধনং চ মযা পরেষাং
তেজাস্পদং মণিমযং চ হৃতং শিরোভ্যঃ ॥ ১৪ ॥
যো ভীষ্মকর্ণগুরুশল্যচমূষ্বদভ্র-
রাজন্যবর্যরথমণ্ডলমণ্ডিতাসু ।
অগ্রেচরো মম বিভো রথযূথপানা-
মাযুর্মনাংসি চ দৃশা সহ ওজ আর্চ্ছত্ ॥ ১৫ ॥
রাজন্যবর্যরথমণ্ডলমণ্ডিতাসু ।
অগ্রেচরো মম বিভো রথযূথপানা-
মাযুর্মনাংসি চ দৃশা সহ ওজ আর্চ্ছত্ ॥ ১৫ ॥
যদ্দোঃষু মা প্রণিহিতং গুরুভীষ্মকর্ণ-
নপ্তৃত্রিগর্তশল্যসৈন্ধববাহ্লিকাদ্যৈঃ ।
অস্ত্রাণ্যমোঘমহিমানি নিরূপিতানি
নোপস্পৃশুর্নৃহরিদাসমিবাসুরাণি ॥ ১৬ ॥
নপ্তৃত্রিগর্তশল্যসৈন্ধববাহ্লিকাদ্যৈঃ ।
অস্ত্রাণ্যমোঘমহিমানি নিরূপিতানি
নোপস্পৃশুর্নৃহরিদাসমিবাসুরাণি ॥ ১৬ ॥
সৌত্যে বৃতঃ কুমতিনাত্মদ ঈশ্বরো মে
যত্পাদপদ্মমভবায ভজন্তি ভব্যাঃ ।
মাং শ্রান্তবাহমরযো রথিনো ভুবিষ্ঠং
ন প্রাহরন্ যদনুভাবনিরস্তচিত্তাঃ ॥ ১৭ ॥
যত্পাদপদ্মমভবায ভজন্তি ভব্যাঃ ।
মাং শ্রান্তবাহমরযো রথিনো ভুবিষ্ঠং
ন প্রাহরন্ যদনুভাবনিরস্তচিত্তাঃ ॥ ১৭ ॥
নর্মাণ্যুদাররুচিরস্মিতশোভিতানি হে পার্থ হেঽর্জুন সখে কুরুনন্দনেতি ।
সঞ্জল্পিতানি নরদেব হৃদিস্পৃশানি স্মর্তুর্লুঠন্তি হৃদযং মম মাধবস্য ॥ ১৮ ॥
সঞ্জল্পিতানি নরদেব হৃদিস্পৃশানি স্মর্তুর্লুঠন্তি হৃদযং মম মাধবস্য ॥ ১৮ ॥
শয্যাসনাটনবিকত্থনভোজনাদি ষ্বৈক্যাদ্বযস্য ঋতবানিতি বিপ্রলব্ধঃ ।
সখ্যুঃ সখেব পিতৃবত্তনযস্য সর্বং সেহে মহান্মহিতযা কুমতেরঘং মে ॥ ১৯ ॥
সখ্যুঃ সখেব পিতৃবত্তনযস্য সর্বং সেহে মহান্মহিতযা কুমতেরঘং মে ॥ ১৯ ॥
সোঽহং নৃপেন্দ্র রহিতঃ পুরুষোত্তমেন
সখ্যা প্রিযেণ সুহৃদা হৃদযেন শূন্যঃ ।
অধ্বন্যুরুক্রমপরিগ্রহমঙ্গ রক্ষন্
গোপৈরসদ্ভিরবলেব বিনির্জিতোঽস্মি ॥ ২০ ॥
সখ্যা প্রিযেণ সুহৃদা হৃদযেন শূন্যঃ ।
অধ্বন্যুরুক্রমপরিগ্রহমঙ্গ রক্ষন্
গোপৈরসদ্ভিরবলেব বিনির্জিতোঽস্মি ॥ ২০ ॥
তদ্বৈ ধনুস্ত ইষবঃ স রথো হযাস্তে
সোঽহং রথী নৃপতযো যত আনমন্তি ।
সর্বং ক্ষণেন তদভূদসদীশরিক্তং
ভস্মন্হুতং কুহকরাদ্ধমিবোপ্তমূষ্যাম্ ॥ ২১ ॥
সোঽহং রথী নৃপতযো যত আনমন্তি ।
সর্বং ক্ষণেন তদভূদসদীশরিক্তং
ভস্মন্হুতং কুহকরাদ্ধমিবোপ্তমূষ্যাম্ ॥ ২১ ॥
রাজংস্ত্বযানুপৃষ্টানাং সুহৃদাং নঃ সুহৃত্পুরে ।
বিপ্রশাপবিমূঢানাং নিঘ্নতাং মুষ্টিভির্মিথঃ ॥ ২২ ॥
বিপ্রশাপবিমূঢানাং নিঘ্নতাং মুষ্টিভির্মিথঃ ॥ ২২ ॥
বারুণীং মদিরাং পীত্বা মদোন্মথিতচেতসাম্ ।
অজানতামিবান্যোন্যং চতুঃপঞ্চাবশেষিতাঃ ॥ ২৩ ॥
অজানতামিবান্যোন্যং চতুঃপঞ্চাবশেষিতাঃ ॥ ২৩ ॥
প্রাযেণৈতদ্ ভগবত ঈশ্বরস্য বিচেষ্টিতম্ ।
মিথো নিঘ্নন্তি ভূতানি ভাবযন্তি চ যন্মিথঃ ॥ ২৪ ॥
মিথো নিঘ্নন্তি ভূতানি ভাবযন্তি চ যন্মিথঃ ॥ ২৪ ॥
জলৌকসাং জলে যদ্বন্মহান্তোঽদন্ত্যণীযসঃ ।
দুর্বলান্বলিনো রাজন্মহান্তো বলিনো মিথঃ ॥ ২৫ ॥
দুর্বলান্বলিনো রাজন্মহান্তো বলিনো মিথঃ ॥ ২৫ ॥
এবং বলিষ্ঠৈর্যদুভির্মহদ্ভিরিতরান্ বিভুঃ ।
যদূন্যদুভিরন্যোন্যং ভূভারান্ সঞ্জহার হ ॥ ২৬ ॥
যদূন্যদুভিরন্যোন্যং ভূভারান্ সঞ্জহার হ ॥ ২৬ ॥
দেশকালার্থযুক্তানি হৃত্তাপোপশমানি চ ।
হরন্তি স্মরতশ্চিত্তং গোবিন্দাভিহিতানি মে ॥ ২৭ ॥
হরন্তি স্মরতশ্চিত্তং গোবিন্দাভিহিতানি মে ॥ ২৭ ॥
সূত উবাচ
এবং চিন্তযতো জিষ্ণোঃ কৃষ্ণপাদসরোরুহম্ ।
সৌহার্দেনাতিগাঢেন শান্তাসীদ্বিমলা মতিঃ ॥ ২৮ ॥
এবং চিন্তযতো জিষ্ণোঃ কৃষ্ণপাদসরোরুহম্ ।
সৌহার্দেনাতিগাঢেন শান্তাসীদ্বিমলা মতিঃ ॥ ২৮ ॥
বাসুদেবাঙ্ঘ্র্যনুধ্যানপরিবৃংহিতরংহসা ।
ভক্ত্যা নির্মথিতাশেষকষাযধিষণোঽর্জুনঃ ॥ ২৯ ॥
ভক্ত্যা নির্মথিতাশেষকষাযধিষণোঽর্জুনঃ ॥ ২৯ ॥
গীতং ভগবতা জ্ঞানং যত্ তত্ সঙ্গ্রামমূর্ধনি ।
কালকর্মতমোরুদ্ধং পুনরধ্যগমত্ প্রভুঃ ॥ ৩০ ॥
কালকর্মতমোরুদ্ধং পুনরধ্যগমত্ প্রভুঃ ॥ ৩০ ॥
বিশোকো ব্রহ্মসম্পত্ত্যা সঞ্ছিন্নদ্বৈতসংশযঃ ।
লীনপ্রকৃতিনৈর্গুণ্যাদলিঙ্গত্বাদসম্ভবঃ ॥ ৩১ ॥
লীনপ্রকৃতিনৈর্গুণ্যাদলিঙ্গত্বাদসম্ভবঃ ॥ ৩১ ॥
নিশম্য ভগবন্মার্গং সংস্থাং যদুকুলস্য চ ।
স্বঃপথায মতিং চক্রে নিভৃতাত্মা যুধিষ্ঠিরঃ ॥ ৩২ ॥
স্বঃপথায মতিং চক্রে নিভৃতাত্মা যুধিষ্ঠিরঃ ॥ ৩২ ॥
পৃথাপ্যনুশ্রুত্য ধনঞ্জযোদিতং
নাশং যদূনাং ভগবদ্গতিং চ তাম্ ।
একান্তভক্ত্যা ভগবত্যধোক্ষজে
নিবেশিতাত্মোপররাম সংসৃতেঃ ॥ ৩৩ ॥
নাশং যদূনাং ভগবদ্গতিং চ তাম্ ।
একান্তভক্ত্যা ভগবত্যধোক্ষজে
নিবেশিতাত্মোপররাম সংসৃতেঃ ॥ ৩৩ ॥
যযাহরদ্ ভুবো ভারং তাং তনুং বিজহাবজঃ ।
কণ্টকং কণ্টকেনেব দ্বযং চাপীশিতুঃ সমম্ ॥ ৩৪ ॥
কণ্টকং কণ্টকেনেব দ্বযং চাপীশিতুঃ সমম্ ॥ ৩৪ ॥
যথা মত্স্যাদিরূপাণি ধত্তে জহ্যাদ্ যথা নটঃ ।
ভূভারঃ ক্ষপিতো যেন জহৌ তচ্চ কলেবরম্ ॥ ৩৫ ॥
ভূভারঃ ক্ষপিতো যেন জহৌ তচ্চ কলেবরম্ ॥ ৩৫ ॥
যদা মুকুন্দো ভগবানিমাং মহীং
জহৌ স্বতন্বা শ্রবণীযসত্কথঃ ।
তদাহরেবাপ্রতিবুদ্ধচেতসা-
মভদ্রহেতুঃ কলিরন্ববর্তত ॥ ৩৬ ॥
জহৌ স্বতন্বা শ্রবণীযসত্কথঃ ।
তদাহরেবাপ্রতিবুদ্ধচেতসা-
মভদ্রহেতুঃ কলিরন্ববর্তত ॥ ৩৬ ॥
যুধিষ্ঠিরস্তত্পরিসর্পণং বুধঃ
পুরে চ রাষ্ট্রে চ গৃহে তথাত্মনি ।
বিভাব্য লোভানৃতজিহ্মহিংসনা-
দ্যধর্মচক্রং গমনায পর্যধাত্ ॥ ৩৭ ॥
পুরে চ রাষ্ট্রে চ গৃহে তথাত্মনি ।
বিভাব্য লোভানৃতজিহ্মহিংসনা-
দ্যধর্মচক্রং গমনায পর্যধাত্ ॥ ৩৭ ॥
স্বরাট্ পৌত্রং বিনযিনমাত্মনঃ সুসমং গুণৈঃ ।
তোযনীব্যাঃ পতিং ভূমেরভ্যষিঞ্চদ্গজাহ্বযে ॥ ৩৮ ॥
তোযনীব্যাঃ পতিং ভূমেরভ্যষিঞ্চদ্গজাহ্বযে ॥ ৩৮ ॥
মথুরাযাং তথা বজ্রং শূরসেনপতিং ততঃ ।
প্রাজাপত্যাং নিরূপ্যেষ্টিমগ্নীনপিবদীশ্বরঃ ॥ ৩৯ ॥
প্রাজাপত্যাং নিরূপ্যেষ্টিমগ্নীনপিবদীশ্বরঃ ॥ ৩৯ ॥
বিসৃজ্য তত্র তত্ সর্বং দুকূলবলযাদিকম্ ।
নির্মমো নিরহঙ্কারঃ সঞ্ছিন্নাশেষবন্ধনঃ ॥ ৪০ ॥
নির্মমো নিরহঙ্কারঃ সঞ্ছিন্নাশেষবন্ধনঃ ॥ ৪০ ॥
বাচং জুহাব মনসি তত্প্রাণ ইতরে চ তম্ ।
মৃত্যাবপানং সোত্সর্গং তং পঞ্চত্বে হ্যজোহবীত্ ॥ ৪১ ॥
মৃত্যাবপানং সোত্সর্গং তং পঞ্চত্বে হ্যজোহবীত্ ॥ ৪১ ॥
ত্রিত্বে হুত্বা চ পঞ্চত্বং তচ্চৈকত্বেঽজুহোন্মুনিঃ ।
সর্বমাত্মন্যজুহবীদ্ব্রহ্মণ্যাত্মানমব্যযে ॥ ৪২ ॥
সর্বমাত্মন্যজুহবীদ্ব্রহ্মণ্যাত্মানমব্যযে ॥ ৪২ ॥
চীরবাসা নিরাহারো বদ্ধবাঙ্মুক্তমূর্ধজঃ ।
দর্শযন্নাত্মনো রূপং জডোন্মত্তপিশাচবত্ ।
অনবেক্ষমাণো নিরগাদশৃণ্বন্বধিরো যথা ॥ ৪৩ ॥
দর্শযন্নাত্মনো রূপং জডোন্মত্তপিশাচবত্ ।
অনবেক্ষমাণো নিরগাদশৃণ্বন্বধিরো যথা ॥ ৪৩ ॥
উদীচীং প্রবিবেশাশাং গতপূর্বাং মহাত্মভিঃ ।
হৃদি ব্রহ্ম পরং ধ্যাযন্নাবর্তেত যতো গতঃ ॥ ৪৪ ॥
হৃদি ব্রহ্ম পরং ধ্যাযন্নাবর্তেত যতো গতঃ ॥ ৪৪ ॥
সর্বে তমনুনির্জগ্মুর্ভ্রাতরঃ কৃতনিশ্চযাঃ ।
কলিনাধর্মমিত্রেণ দৃষ্ট্বা স্পৃষ্টাঃ প্রজা ভুবি ॥ ৪৫ ॥
কলিনাধর্মমিত্রেণ দৃষ্ট্বা স্পৃষ্টাঃ প্রজা ভুবি ॥ ৪৫ ॥
তে সাধুকৃতসর্বার্থা জ্ঞাত্বাত্যন্তিকমাত্মনঃ ।
মনসা ধারযামাসুর্বৈকুণ্ঠচরণাম্বুজম্ ॥ ৪৬ ॥
মনসা ধারযামাসুর্বৈকুণ্ঠচরণাম্বুজম্ ॥ ৪৬ ॥
তদ্ধ্যানোদ্রিক্তযা ভক্ত্যা বিশুদ্ধধিষণাঃ পরে ।
তস্মিন্ নারাযণপদে একান্তমতযো গতিম্ ॥ ৪৭ ॥
তস্মিন্ নারাযণপদে একান্তমতযো গতিম্ ॥ ৪৭ ॥
অবাপুর্দুরবাপাং তে অসদ্ভির্বিষযাত্মভিঃ ।
বিধূতকল্মষা স্থানং বিরজেনাত্মনৈব হি ॥ ৪৮ ॥
বিধূতকল্মষা স্থানং বিরজেনাত্মনৈব হি ॥ ৪৮ ॥
বিদুরোঽপি পরিত্যজ্য প্রভাসে দেহমাত্মনঃ ।
কৃষ্ণাবেশেন তচ্চিত্তঃ পিতৃভিঃ স্বক্ষযং যযৌ ॥ ৪৯ ॥
কৃষ্ণাবেশেন তচ্চিত্তঃ পিতৃভিঃ স্বক্ষযং যযৌ ॥ ৪৯ ॥
দ্রৌপদী চ তদাজ্ঞায পতীনামনপেক্ষতাম্ ।
বাসুদেবে ভগবতি হ্যেকান্তমতিরাপ তম্ ॥ ৫০ ॥
বাসুদেবে ভগবতি হ্যেকান্তমতিরাপ তম্ ॥ ৫০ ॥
যঃ শ্রদ্ধযৈতদ্ ভগবত্প্রিযাণাং
পাণ্ডোঃ সুতানামিতি সম্প্রযাণম্ ।
শৃণোত্যলং স্বস্ত্যযনং পবিত্রং
লব্ধ্বা হরৌ ভক্তিমুপৈতি সিদ্ধিম্ ॥ ৫১ ॥
পাণ্ডোঃ সুতানামিতি সম্প্রযাণম্ ।
শৃণোত্যলং স্বস্ত্যযনং পবিত্রং
লব্ধ্বা হরৌ ভক্তিমুপৈতি সিদ্ধিম্ ॥ ৫১ ॥