ശൌനക ഉവാച
നിര്ഗതേ നാരദേ സൂത ഭഗവാന് ബാദരായണഃ ।
ശ്രുതവാംസ്തദഭിപ്രേതം തതഃ കിമകരോദ്വിഭുഃ ॥ ൧ ॥
നിര്ഗതേ നാരദേ സൂത ഭഗവാന് ബാദരായണഃ ।
ശ്രുതവാംസ്തദഭിപ്രേതം തതഃ കിമകരോദ്വിഭുഃ ॥ ൧ ॥
സൂത ഉവാച
ബ്രഹ്മനദ്യാം സരസ്വത്യാമാശ്രമഃ പശ്ചിമേ തടേ ।
ശമ്യാപ്രാസ ഇതി പ്രോക്ത ഋഷീണാം സത്രവര്ധനഃ ॥ ൨ ॥
ബ്രഹ്മനദ്യാം സരസ്വത്യാമാശ്രമഃ പശ്ചിമേ തടേ ।
ശമ്യാപ്രാസ ഇതി പ്രോക്ത ഋഷീണാം സത്രവര്ധനഃ ॥ ൨ ॥
തസ്മിന് സ്വ ആശ്രമേ വ്യാസോ ബദരീഷണ്ഡമണ്ഡിതേ ।
ആസീനോഽപ ഉപസ്പൃശ്യ പ്രണിദധ്യൌ മനഃ സ്വയമ് ॥ ൩ ॥
ആസീനോഽപ ഉപസ്പൃശ്യ പ്രണിദധ്യൌ മനഃ സ്വയമ് ॥ ൩ ॥
ഭക്തിയോഗേന മനസി സമ്യക് പ്രണിഹിതേഽമലേ ।
അപശ്യത്പുരുഷം പൂര്ണം മായാം ച തദപാശ്രയമ് ॥ ൪ ॥
അപശ്യത്പുരുഷം പൂര്ണം മായാം ച തദപാശ്രയമ് ॥ ൪ ॥
യയാ സമ്മോഹിതോ ജീവ ആത്മാനം ത്രിഗുണാത്മകമ് ।
പരോഽപി മനുതേഽനര്ഥം തത്കൃതം ചാഭിപദ്യതേ ॥ ൫ ॥
പരോഽപി മനുതേഽനര്ഥം തത്കൃതം ചാഭിപദ്യതേ ॥ ൫ ॥
അനര്ഥോപശമം സാക്ഷാദ്ഭക്തിയോഗമധോക്ഷജേ ।
ലോകസ്യാജാനതോ വിദ്വാംശ്ചക്രേ സാത്വതസംഹിതാമ് ॥ ൬ ॥
ലോകസ്യാജാനതോ വിദ്വാംശ്ചക്രേ സാത്വതസംഹിതാമ് ॥ ൬ ॥
യസ്യാം വൈ ശ്രൂയമാണായാം കൃഷ്ണേ പരമപൂരുഷേ ।
ഭക്തിരുത്പദ്യതേ പുംസഃ ശോകമോഹഭയാപഹാ ॥ ൭ ॥
ഭക്തിരുത്പദ്യതേ പുംസഃ ശോകമോഹഭയാപഹാ ॥ ൭ ॥
സ സംഹിതാം ഭാഗവതീം കൃത്വാനുക്രമ്യ ചാത്മജമ് ।
ശുകമധ്യാപയാമാസ നിവൃത്തിനിരതം മുനിഃ ॥ ൮ ॥
ശുകമധ്യാപയാമാസ നിവൃത്തിനിരതം മുനിഃ ॥ ൮ ॥
ശൌനക ഉവാച
സ വൈ നിവൃത്തിനിരതഃ സര്വത്രോപേക്ഷകോ മുനിഃ ।
കസ്യ വാ ബൃഹതീമേതാമാത്മാരാമഃ സമഭ്യസത് ॥ ൯ ॥
സ വൈ നിവൃത്തിനിരതഃ സര്വത്രോപേക്ഷകോ മുനിഃ ।
കസ്യ വാ ബൃഹതീമേതാമാത്മാരാമഃ സമഭ്യസത് ॥ ൯ ॥
സൂത ഉവാച
ആത്മാരാമാശ്ച മുനയോ നിര്ഗ്രന്ഥാ അപ്യുരുക്രമേ ।
കുര്വന്ത്യഹൈതുകീം ഭക്തിമിത്ഥമ്ഭൂതഗുണോ ഹരിഃ ॥ ൧൦ ॥
ആത്മാരാമാശ്ച മുനയോ നിര്ഗ്രന്ഥാ അപ്യുരുക്രമേ ।
കുര്വന്ത്യഹൈതുകീം ഭക്തിമിത്ഥമ്ഭൂതഗുണോ ഹരിഃ ॥ ൧൦ ॥
ഹരേര്ഗുണാക്ഷിപ്തമതിര്ഭഗവാന് ബാദരായണിഃ ।
അധ്യഗാന്മഹദാഖ്യാനം നിത്യം വിഷ്ണുജനപ്രിയഃ ॥ ൧൧ ॥
അധ്യഗാന്മഹദാഖ്യാനം നിത്യം വിഷ്ണുജനപ്രിയഃ ॥ ൧൧ ॥
പരീക്ഷിതോഽഥ രാജര്ഷേര്ജന്മകര്മവിലാപനമ് ।
സംസ്ഥാം ച പാണ്ഡുപുത്രാണാം വക്ഷ്യേ കൃഷ്ണകഥോദയമ് ॥ ൧൨ ॥
സംസ്ഥാം ച പാണ്ഡുപുത്രാണാം വക്ഷ്യേ കൃഷ്ണകഥോദയമ് ॥ ൧൨ ॥
യദാ മൃധേ കൌരവസൃഞ്ജയാനാം
വീരേഷ്വഥോ വീരഗതിം ഗതേഷു ।
വൃകോദരാവിദ്ധഗദാഭിമര്ശ-
ഭഗ്നോരുദണ്ഡേ ധൃതരാഷ്ട്രപുത്രേ ॥ ൧൩ ॥
വീരേഷ്വഥോ വീരഗതിം ഗതേഷു ।
വൃകോദരാവിദ്ധഗദാഭിമര്ശ-
ഭഗ്നോരുദണ്ഡേ ധൃതരാഷ്ട്രപുത്രേ ॥ ൧൩ ॥
ഭര്തുഃ പ്രിയം ദ്രൌണിരിതി സ്മ പശ്യന്
കൃഷ്ണാസുതാനാം സ്വപതാം ശിരാംസി ।
ഉപാഹരദ്വിപ്രിയമേവ തസ്യ
ജുഗുപ്സിതം കര്മ വിഗര്ഹയന്തി ॥ ൧൪ ॥
കൃഷ്ണാസുതാനാം സ്വപതാം ശിരാംസി ।
ഉപാഹരദ്വിപ്രിയമേവ തസ്യ
ജുഗുപ്സിതം കര്മ വിഗര്ഹയന്തി ॥ ൧൪ ॥
മാതാ ശിശൂനാം നിധനം സുതാനാം
നിശമ്യ ഘോരം പരിതപ്യമാനാ ।
തദാരുദദ്വാഷ്പകലാകുലാക്ഷീ
താം സാന്ത്വയന്നാഹ കിരീടമാലീ ॥ ൧൫ ॥
നിശമ്യ ഘോരം പരിതപ്യമാനാ ।
തദാരുദദ്വാഷ്പകലാകുലാക്ഷീ
താം സാന്ത്വയന്നാഹ കിരീടമാലീ ॥ ൧൫ ॥
തദാ ശുചസ്തേ പ്രമൃജാമി ഭദ്രേ
യദ്ബ്രഹ്മബന്ധോഃ ശിര ആതതായിനഃ ।
ഗാണ്ഡീവമുക്തൈര്വിശിഖൈരുപാഹരേ
ത്വാക്രമ്യ യത്സ്നാസ്യസി ദഗ്ധപുത്രാ ॥ ൧൬ ॥
യദ്ബ്രഹ്മബന്ധോഃ ശിര ആതതായിനഃ ।
ഗാണ്ഡീവമുക്തൈര്വിശിഖൈരുപാഹരേ
ത്വാക്രമ്യ യത്സ്നാസ്യസി ദഗ്ധപുത്രാ ॥ ൧൬ ॥
ഇതി പ്രിയാം വല്ഗുവിചിത്രജല്പൈഃ
സ സാന്ത്വയിത്വാച്യുതമിത്രസൂതഃ ।
അന്വാദ്രവദ്ദംശിത ഉഗ്രധന്വാ
കപിധ്വജോ ഗുരുപുത്രം രഥേന ॥ ൧൭ ॥
സ സാന്ത്വയിത്വാച്യുതമിത്രസൂതഃ ।
അന്വാദ്രവദ്ദംശിത ഉഗ്രധന്വാ
കപിധ്വജോ ഗുരുപുത്രം രഥേന ॥ ൧൭ ॥
തമാപതന്തം സ വിലക്ഷ്യ ദൂരാത്
കുമാരഹോദ്വിഗ്നമനാ രഥേന ।
പരാദ്രവത്പ്രാണപരീപ്സുരുര്വ്യാം
യാവദ്ഗമം രുദ്രഭയാദ്യഥാ കഃ ॥ ൧൮ ॥
കുമാരഹോദ്വിഗ്നമനാ രഥേന ।
പരാദ്രവത്പ്രാണപരീപ്സുരുര്വ്യാം
യാവദ്ഗമം രുദ്രഭയാദ്യഥാ കഃ ॥ ൧൮ ॥
യദാശരണമാത്മാനമൈക്ഷത ശ്രാന്തവാജിനമ് ।
അസ്ത്രം ബ്രഹ്മശിരോ മേനേ ആത്മത്രാണം ദ്വിജാത്മജഃ ॥ ൧൯ ॥
അസ്ത്രം ബ്രഹ്മശിരോ മേനേ ആത്മത്രാണം ദ്വിജാത്മജഃ ॥ ൧൯ ॥
അഥോപസ്പൃശ്യ സലിലം സന്ദധേ തത്സമാഹിതഃ ।
അജാനന്നപി സംഹാരം പ്രാണകൃച്ഛ്ര ഉപസ്ഥിതേ ॥ ൨൦ ॥
അജാനന്നപി സംഹാരം പ്രാണകൃച്ഛ്ര ഉപസ്ഥിതേ ॥ ൨൦ ॥
തതഃ പ്രാദുഷ്കൃതം തേജഃ പ്രചണ്ഡം സര്വതോദിശമ് ।
പ്രാണാപദമഭിപ്രേക്ഷ്യ വിഷ്ണും ജിഷ്ണുരുവാച ഹ ॥ ൨൧ ॥
പ്രാണാപദമഭിപ്രേക്ഷ്യ വിഷ്ണും ജിഷ്ണുരുവാച ഹ ॥ ൨൧ ॥
അര്ജുന ഉവാച
കൃഷ്ണ കൃഷ്ണ മഹാബാഹോ ഭക്താനാമഭയങ്കര ।
ത്വമേകോ ദഹ്യമാനാനാമപവര്ഗോഽസി സംസൃതേഃ ॥ ൨൨ ॥
കൃഷ്ണ കൃഷ്ണ മഹാബാഹോ ഭക്താനാമഭയങ്കര ।
ത്വമേകോ ദഹ്യമാനാനാമപവര്ഗോഽസി സംസൃതേഃ ॥ ൨൨ ॥
ത്വമാദ്യഃ പുരുഷഃ സാക്ഷാദീശ്വരഃ പ്രകൃതേഃ പരഃ ।
മായാം വ്യുദസ്യ ചിച്ഛക്ത്യാ കൈവല്യേ സ്ഥിത ആത്മനി ॥ ൨൩ ॥
മായാം വ്യുദസ്യ ചിച്ഛക്ത്യാ കൈവല്യേ സ്ഥിത ആത്മനി ॥ ൨൩ ॥
സ ഏവ ജീവലോകസ്യ മായാമോഹിതചേതസഃ ।
വിധത്സേ സ്വേന വീര്യേണ ശ്രേയോ ധര്മാദിലക്ഷണമ് ॥ ൨൪ ॥
വിധത്സേ സ്വേന വീര്യേണ ശ്രേയോ ധര്മാദിലക്ഷണമ് ॥ ൨൪ ॥
തഥായം ചാവതാരസ്തേ ഭുവോ ഭാരജിഹീര്ഷയാ ।
സ്വാനാം ചാനന്യഭാവാനാമനുധ്യാനായ ചാസകൃത് ॥ ൨൫ ॥
സ്വാനാം ചാനന്യഭാവാനാമനുധ്യാനായ ചാസകൃത് ॥ ൨൫ ॥
കിമിദം സ്വിത്കുതോ വേതി ദേവദേവ ന വേദ്മ്യഹമ് ।
സര്വതോമുഖമായാതി തേജഃ പരമദാരുണമ് ॥ ൨൬ ॥
സര്വതോമുഖമായാതി തേജഃ പരമദാരുണമ് ॥ ൨൬ ॥
ശ്രീഭഗവാനുവാച
വേത്ഥേദം ദ്രോണപുത്രസ്യ ബ്രാഹ്മമസ്ത്രം പ്രദര്ശിതമ് ।
നൈവാസൌ വേദ സംഹാരം പ്രാണബാധ ഉപസ്ഥിതേ ॥ ൨൭ ॥
വേത്ഥേദം ദ്രോണപുത്രസ്യ ബ്രാഹ്മമസ്ത്രം പ്രദര്ശിതമ് ।
നൈവാസൌ വേദ സംഹാരം പ്രാണബാധ ഉപസ്ഥിതേ ॥ ൨൭ ॥
ന ഹ്യസ്യാന്യതമം കിഞ്ചിദസ്ത്രം പ്രത്യവകര്ശനമ് ।
ജഹ്യസ്ത്രതേജ ഉന്നദ്ധമസ്ത്രജ്ഞോ ഹ്യസ്ത്രതേജസാ ॥ ൨൮ ॥
ജഹ്യസ്ത്രതേജ ഉന്നദ്ധമസ്ത്രജ്ഞോ ഹ്യസ്ത്രതേജസാ ॥ ൨൮ ॥
സൂത ഉവാച
ശ്രുത്വാ ഭഗവതാ പ്രോക്തം ഫാല്ഗുനഃ പരവീരഹാ ।
സ്പൃഷ്ട്വാപസ്തം പരിക്രമ്യ ബ്രാഹ്മം ബ്രാഹ്മാസ്ത്രം സന്ദധേ ॥ ൨൯ ॥
ശ്രുത്വാ ഭഗവതാ പ്രോക്തം ഫാല്ഗുനഃ പരവീരഹാ ।
സ്പൃഷ്ട്വാപസ്തം പരിക്രമ്യ ബ്രാഹ്മം ബ്രാഹ്മാസ്ത്രം സന്ദധേ ॥ ൨൯ ॥
സംഹത്യാന്യോന്യമുഭയോസ്തേജസീ ശരസംവൃതേ ।
ആവൃത്യ രോദസീ ഖം ച വവൃധാതേഽര്കവഹ്നിവത് ॥ ൩൦ ॥
ആവൃത്യ രോദസീ ഖം ച വവൃധാതേഽര്കവഹ്നിവത് ॥ ൩൦ ॥
ദൃഷ്ട്വാസ്ത്രതേജസ്തു തയോസ്ത്രീല്ലോകാന് പ്രദഹന്മഹത് ।
ദഹ്യമാനാഃ പ്രജാഃ സര്വാഃ സാംവര്തകമമംസത ॥ ൩൧ ॥
ദഹ്യമാനാഃ പ്രജാഃ സര്വാഃ സാംവര്തകമമംസത ॥ ൩൧ ॥
പ്രജോപദ്രവമാലക്ഷ്യ ലോകവ്യതികരം ച തമ് ।
മതം ച വാസുദേവസ്യ സഞ്ജഹാരാര്ജുനോ ദ്വയമ് ॥ ൩൨ ॥
മതം ച വാസുദേവസ്യ സഞ്ജഹാരാര്ജുനോ ദ്വയമ് ॥ ൩൨ ॥
തത ആസാദ്യ തരസാ ദാരുണം ഗൌതമീസുതമ് ।
ബബന്ധാമര്ഷതാമ്രാക്ഷഃ പശും രശനയാ യഥാ ॥ ൩൩ ॥
ബബന്ധാമര്ഷതാമ്രാക്ഷഃ പശും രശനയാ യഥാ ॥ ൩൩ ॥
ശിബിരായ നിനീഷന്തം രജ്ജ്വാ ബദ്ധ്വാ രിപും ബലാത് ।
പ്രാഹാര്ജുനം പ്രകുപിതോ ഭഗവാനമ്ബുജേക്ഷണഃ ॥ ൩൪ ॥
പ്രാഹാര്ജുനം പ്രകുപിതോ ഭഗവാനമ്ബുജേക്ഷണഃ ॥ ൩൪ ॥
മൈനം പാര്ഥാര്ഹസി ത്രാതും ബ്രഹ്മബന്ധുമിമം ജഹി ।
യോഽസാവനാഗസഃ സുപ്താനവധീന്നിശി ബാലകാന് ॥ ൩൫ ॥
യോഽസാവനാഗസഃ സുപ്താനവധീന്നിശി ബാലകാന് ॥ ൩൫ ॥
മത്തം പ്രമത്തമുന്മത്തം സുപ്തം ബാലം സ്ത്രിയം ജഡമ് ।
പ്രപന്നം വിരഥം ഭീതം ന രിപും ഹന്തി ധര്മവിത് ॥ ൩൬ ॥
പ്രപന്നം വിരഥം ഭീതം ന രിപും ഹന്തി ധര്മവിത് ॥ ൩൬ ॥
സ്വപ്രാണാന് യഃ പരപ്രാണൈഃ പ്രപുഷ്ണാത്യഘൃണഃ ഖലഃ ।
തദ്വധസ്തസ്യ ഹി ശ്രേയോ യദ്ദോഷാദ്യാത്യധഃ പുമാന് ॥ ൩൭ ॥
തദ്വധസ്തസ്യ ഹി ശ്രേയോ യദ്ദോഷാദ്യാത്യധഃ പുമാന് ॥ ൩൭ ॥
പ്രതിശ്രുതം ച ഭവതാ പാഞ്ചാല്യൈ ശൃണ്വതോ മമ ।
ആഹരിഷ്യേ ശിരസ്തസ്യ യസ്തേ മാനിനി പുത്രഹാ ॥ ൩൮ ॥
ആഹരിഷ്യേ ശിരസ്തസ്യ യസ്തേ മാനിനി പുത്രഹാ ॥ ൩൮ ॥
തദസൌ വധ്യതാം പാപ ആതതായ്യാത്മബന്ധുഹാ ।
ഭര്തുശ്ച വിപ്രിയം വീര കൃതവാന് കുലപാംസനഃ ॥ ൩൯ ॥
ഭര്തുശ്ച വിപ്രിയം വീര കൃതവാന് കുലപാംസനഃ ॥ ൩൯ ॥
സൂത ഉവാച
ഏവം പരീക്ഷതാ ധര്മം പാര്ഥഃ കൃഷ്ണേന ചോദിതഃ ।
നൈച്ഛദ്ധന്തും ഗുരുസുതം യദ്യപ്യാത്മഹനം മഹാന് ॥ ൪൦ ॥
ഏവം പരീക്ഷതാ ധര്മം പാര്ഥഃ കൃഷ്ണേന ചോദിതഃ ।
നൈച്ഛദ്ധന്തും ഗുരുസുതം യദ്യപ്യാത്മഹനം മഹാന് ॥ ൪൦ ॥
അഥോപേത്യ സ്വശിബിരം ഗോവിന്ദപ്രിയസാരഥിഃ ।
ന്യവേദയത്തം പ്രിയായൈ ശോചന്ത്യാ ആത്മജാന് ഹതാന് ॥ ൪൧ ॥
ന്യവേദയത്തം പ്രിയായൈ ശോചന്ത്യാ ആത്മജാന് ഹതാന് ॥ ൪൧ ॥
തഥാഹൃതം പശുവത് പാശബദ്ധ-
മവാങ്മുഖം കര്മജുഗുപ്സിതേന ।
നിരീക്ഷ്യ കൃഷ്ണാപകൃതം ഗുരോഃ സുതം
വാമസ്വഭാവാ കൃപയാ നനാമ ച ॥ ൪൨ ॥
മവാങ്മുഖം കര്മജുഗുപ്സിതേന ।
നിരീക്ഷ്യ കൃഷ്ണാപകൃതം ഗുരോഃ സുതം
വാമസ്വഭാവാ കൃപയാ നനാമ ച ॥ ൪൨ ॥
ഉവാചചാസഹന്ത്യസ്യ ബന്ധനാനയനം സതീ ।
മുച്യതാം മുച്യതാമേഷ ബ്രാഹ്മണോ നിതരാം ഗുരുഃ ॥ ൪൩ ॥
മുച്യതാം മുച്യതാമേഷ ബ്രാഹ്മണോ നിതരാം ഗുരുഃ ॥ ൪൩ ॥
സരഹസ്യോ ധനുര്വേദഃ സവിസര്ഗോപസംയമഃ ।
അസ്ത്രഗ്രാമശ്ച ഭവതാ ശിക്ഷിതോ യദനുഗ്രഹാത് ॥ ൪൪ ॥
അസ്ത്രഗ്രാമശ്ച ഭവതാ ശിക്ഷിതോ യദനുഗ്രഹാത് ॥ ൪൪ ॥
സ ഏഷ ഭഗവാന്ദ്രോണഃ പ്രജാരൂപേണ വര്തതേ ।
തസ്യാത്മനോഽര്ധം പത്ന്യാസ്തേ നാന്വഗാദ്വീരസൂഃ കൃപീ ॥ ൪൫ ॥
തസ്യാത്മനോഽര്ധം പത്ന്യാസ്തേ നാന്വഗാദ്വീരസൂഃ കൃപീ ॥ ൪൫ ॥
തദ് ധര്മജ്ഞ മഹാഭാഗ ഭവദ്ഭിര്ഗൌരവം കുലമ് ।
വൃജിനം നാര്ഹതി പ്രാപ്തും പൂജ്യം വന്ദ്യമഭീക്ഷ്ണശഃ ॥ ൪൬ ॥
വൃജിനം നാര്ഹതി പ്രാപ്തും പൂജ്യം വന്ദ്യമഭീക്ഷ്ണശഃ ॥ ൪൬ ॥
മാ രോദീദസ്യ ജനനീ ഗൌതമീ പതിദേവതാ ।
യഥാഹം മൃതവത്സാര്താ രോദിമ്യശ്രുമുഖീ മുഹുഃ ॥ ൪൭ ॥
യഥാഹം മൃതവത്സാര്താ രോദിമ്യശ്രുമുഖീ മുഹുഃ ॥ ൪൭ ॥
യൈഃ കോപിതം ബ്രഹ്മകുലം രാജന്യൈരജിതാത്മഭിഃ ।
തത് കുലം പ്രദഹത്യാശു സാനുബന്ധം ശുചാര്പിതമ് ॥ ൪൮ ॥
തത് കുലം പ്രദഹത്യാശു സാനുബന്ധം ശുചാര്പിതമ് ॥ ൪൮ ॥
സൂത ഉവാച
ധര്മ്യം ന്യായ്യം സകരുണം നിര്വ്യലീകം സമം മഹത് ।
രാജാ ധര്മസുതോ രാജ്ഞ്യാഃ പ്രത്യനന്ദദ്വചോ ദ്വിജാഃ ॥ ൪൯ ॥
ധര്മ്യം ന്യായ്യം സകരുണം നിര്വ്യലീകം സമം മഹത് ।
രാജാ ധര്മസുതോ രാജ്ഞ്യാഃ പ്രത്യനന്ദദ്വചോ ദ്വിജാഃ ॥ ൪൯ ॥
നകുലഃ സഹദേവശ്ച യുയുധാനോ ധനഞ്ജയഃ ।
ഭഗവാന് ദേവകീപുത്രോ യേ ചാന്യേ യാശ്ച യോഷിതഃ ॥ ൫൦ ॥
ഭഗവാന് ദേവകീപുത്രോ യേ ചാന്യേ യാശ്ച യോഷിതഃ ॥ ൫൦ ॥
തത്രാഹാമര്ഷിതോ ഭീമസ്തസ്യ ശ്രേയാന് വധഃ സ്മൃതഃ ।
ന ഭര്തുര്നാത്മനശ്ചാര്ഥേ യോഽഹന് സുപ്താന് ശിശൂന് വൃഥാ ॥ ൫൧ ॥
ന ഭര്തുര്നാത്മനശ്ചാര്ഥേ യോഽഹന് സുപ്താന് ശിശൂന് വൃഥാ ॥ ൫൧ ॥
നിശമ്യ ഭീമഗദിതം ദ്രൌപദ്യാശ്ച ചതുര്ഭുജഃ ।
ആലോക്യ വദനം സഖ്യുരിദമാഹഹസന്നിവ ॥ ൫൨ ॥
ആലോക്യ വദനം സഖ്യുരിദമാഹഹസന്നിവ ॥ ൫൨ ॥
ശ്രീഭഗവാനുവാച
ബ്രഹ്മബന്ധുര്ന ഹന്തവ്യ ആതതായീ വധാര്ഹണഃ ।
മയൈവോഭയമാമ്നാതം പരിപാഹ്യനുശാസനമ് ॥ ൫൩ ॥
ബ്രഹ്മബന്ധുര്ന ഹന്തവ്യ ആതതായീ വധാര്ഹണഃ ।
മയൈവോഭയമാമ്നാതം പരിപാഹ്യനുശാസനമ് ॥ ൫൩ ॥
കുരു പ്രതിശ്രുതം സത്യം യത്തത്സാന്ത്വയതാ പ്രിയാമ് ।
പ്രിയം ച ഭീമസേനസ്യ പാഞ്ചാല്യാ മഹ്യമേവ ച ॥ ൫൪ ॥
പ്രിയം ച ഭീമസേനസ്യ പാഞ്ചാല്യാ മഹ്യമേവ ച ॥ ൫൪ ॥
സൂത ഉവാച
അര്ജുനഃ സഹസാജ്ഞായ ഹരേര്ഹാര്ദമഥാസിനാ ।
മണിം ജഹാര മൂര്ധന്യം ദ്വിജസ്യ സഹമൂര്ധജമ് ॥ ൫൫ ॥
അര്ജുനഃ സഹസാജ്ഞായ ഹരേര്ഹാര്ദമഥാസിനാ ।
മണിം ജഹാര മൂര്ധന്യം ദ്വിജസ്യ സഹമൂര്ധജമ് ॥ ൫൫ ॥
വിമുച്യ രശനാബദ്ധം ബാലഹത്യാഹതപ്രഭമ് ।
തേജസാ മണിനാ ഹീനം ശിബിരാന്നിരയാപയത് ॥ ൫൬ ॥
തേജസാ മണിനാ ഹീനം ശിബിരാന്നിരയാപയത് ॥ ൫൬ ॥
വപനം ദ്രവിണാദാനം സ്ഥാനാന്നിര്യാപണം തഥാ ।
ഏഷ ഹി ബ്രഹ്മബന്ധൂനാം വധോ നാന്യോഽസ്തി ദൈഹികഃ ॥ ൫൭ ॥
ഏഷ ഹി ബ്രഹ്മബന്ധൂനാം വധോ നാന്യോഽസ്തി ദൈഹികഃ ॥ ൫൭ ॥
പുത്രശോകാതുരാഃ സര്വേ പാണ്ഡവാഃ സഹ കൃഷ്ണയാ ।
സ്വാനാം മൃതാനാം യത്കൃത്യം ചക്രുര്നിര്ഹരണാദികമ് ॥ ൫൮ ॥
സ്വാനാം മൃതാനാം യത്കൃത്യം ചക്രുര്നിര്ഹരണാദികമ് ॥ ൫൮ ॥