ସୂତ ଉଵାଚ
ଅଥ ତେ ସମ୍ପରେତାନାଂ ସ୍ଵାନାମୁଦକମିଚ୍ଛତାମ୍ ।
ଦାତୁଂ ସକୃଷ୍ଣା ଗଙ୍ଗାଯାଂ ପୁରସ୍କୃତ୍ଯ ଯଯୁଃ ସ୍ତ୍ରିଯଃ ॥ ୧ ॥
ଅଥ ତେ ସମ୍ପରେତାନାଂ ସ୍ଵାନାମୁଦକମିଚ୍ଛତାମ୍ ।
ଦାତୁଂ ସକୃଷ୍ଣା ଗଙ୍ଗାଯାଂ ପୁରସ୍କୃତ୍ଯ ଯଯୁଃ ସ୍ତ୍ରିଯଃ ॥ ୧ ॥
ତେ ନିନୀଯୋଦକଂ ସର୍ଵେ ଵିଲପ୍ଯ ଚ ଭୃଶଂ ପୁନଃ ।
ଆପ୍ଲୁତା ହରିପାଦାବ୍ଜରଜଃପୂତସରିଜ୍ଜଲେ ॥ ୨ ॥
ଆପ୍ଲୁତା ହରିପାଦାବ୍ଜରଜଃପୂତସରିଜ୍ଜଲେ ॥ ୨ ॥
ତତ୍ରାସୀନଂ କୁରୁପତିଂ ଧୃତରାଷ୍ଟ୍ରଂ ସହାନୁଜମ୍ ।
ଗାନ୍ଧାରୀଂ ପୁତ୍ରଶୋକାର୍ତାଂ ପୃଥାଂ କୃଷ୍ଣାଂ ଚ ମାଧଵଃ ॥ ୩ ॥
ଗାନ୍ଧାରୀଂ ପୁତ୍ରଶୋକାର୍ତାଂ ପୃଥାଂ କୃଷ୍ଣାଂ ଚ ମାଧଵଃ ॥ ୩ ॥
ସାନ୍ତ୍ଵଯାମାସ ମୁନିଭିର୍ହତବନ୍ଧୂଞ୍ଶୁଚାର୍ପିତାନ୍ ।
ଭୂତେଷୁ କାଲସ୍ଯ ଗତିଂ ଦର୍ଶଯନ୍ନ ପ୍ରତିକ୍ରିଯାମ୍ ॥ ୪ ॥
ଭୂତେଷୁ କାଲସ୍ଯ ଗତିଂ ଦର୍ଶଯନ୍ନ ପ୍ରତିକ୍ରିଯାମ୍ ॥ ୪ ॥
ସାଧଯିତ୍ଵାଜାତଶତ୍ରୋଃ ସ୍ଵଂ ରାଜ୍ଯଂ କିତଵୈର୍ହୃତମ୍ ।
ଘାତଯିତ୍ଵାସତୋ ରାଜ୍ଞଃ କଚସ୍ପର୍ଶକ୍ଷତାଯୁଷଃ ॥ ୫ ॥
ଘାତଯିତ୍ଵାସତୋ ରାଜ୍ଞଃ କଚସ୍ପର୍ଶକ୍ଷତାଯୁଷଃ ॥ ୫ ॥
ଯାଜଯିତ୍ଵାଶ୍ଵମେଧୈସ୍ତଂ ତ୍ରିଭିରୁତ୍ତମକଲ୍ପକୈଃ ।
ତଦ୍ଯଶଃ ପାଵନଂ ଦିକ୍ଷୁ ଶତମନ୍ଯୋରିଵାତନୋତ୍ ॥ ୬ ॥
ତଦ୍ଯଶଃ ପାଵନଂ ଦିକ୍ଷୁ ଶତମନ୍ଯୋରିଵାତନୋତ୍ ॥ ୬ ॥
ଆମନ୍ତ୍ର୍ଯ ପାଣ୍ଡୁପୁତ୍ରାଂଶ୍ଚ ଶୈନେଯୋଦ୍ଧଵସଂଯୁତଃ ।
ଦ୍ଵୈପାଯନାଦିଭିର୍ଵିପ୍ରୈଃ ପୂଜିତୈଃ ପ୍ରତିପୂଜିତଃ ॥ ୭ ॥
ଦ୍ଵୈପାଯନାଦିଭିର୍ଵିପ୍ରୈଃ ପୂଜିତୈଃ ପ୍ରତିପୂଜିତଃ ॥ ୭ ॥
ଗନ୍ତୁଂ କୃତମତିର୍ବ୍ରହ୍ମନ୍ ଦ୍ଵାରକାଂ ରଥମାସ୍ଥିତଃ ।
ଉପଲେଭେଽଭିଧାଵନ୍ତୀମୁତ୍ତରାଂ ଭଯଵିହ୍ଵଲାମ୍ ॥ ୮ ॥
ଉପଲେଭେଽଭିଧାଵନ୍ତୀମୁତ୍ତରାଂ ଭଯଵିହ୍ଵଲାମ୍ ॥ ୮ ॥
ଉତ୍ତରୋଵାଚ
ପାହି ପାହି ମହାଯୋଗିନ୍ ଦେଵଦେଵ ଜଗତ୍ପତେ ।
ନାନ୍ଯଂ ତ୍ଵଦଭଯଂ ପଶ୍ଯେ ଯତ୍ର ମୃତ୍ଯୁଃ ପରସ୍ପରମ୍ ॥ ୯ ॥
ପାହି ପାହି ମହାଯୋଗିନ୍ ଦେଵଦେଵ ଜଗତ୍ପତେ ।
ନାନ୍ଯଂ ତ୍ଵଦଭଯଂ ପଶ୍ଯେ ଯତ୍ର ମୃତ୍ଯୁଃ ପରସ୍ପରମ୍ ॥ ୯ ॥
ଅଭିଦ୍ରଵତି ମାମୀଶ ଶରସ୍ତପ୍ତାଯସୋ ଵିଭୋ ।
କାମଂ ଦହତୁ ମାଂ ନାଥ ମା ମେ ଗର୍ଭୋ ନିପାତ୍ଯତାମ୍ ॥ ୧୦ ॥
କାମଂ ଦହତୁ ମାଂ ନାଥ ମା ମେ ଗର୍ଭୋ ନିପାତ୍ଯତାମ୍ ॥ ୧୦ ॥
ସୂତ ଉଵାଚ
ଉପଧାର୍ଯ ଵଚସ୍ତସ୍ଯା ଭଗଵାନ୍ ଭକ୍ତଵତ୍ସଲଃ ।
ଅପାଣ୍ଡଵମିଦଂ କର୍ତୁଂ ଦ୍ରୌଣେରସ୍ତ୍ରମବୁଧ୍ଯତ ॥ ୧୧ ॥
ଉପଧାର୍ଯ ଵଚସ୍ତସ୍ଯା ଭଗଵାନ୍ ଭକ୍ତଵତ୍ସଲଃ ।
ଅପାଣ୍ଡଵମିଦଂ କର୍ତୁଂ ଦ୍ରୌଣେରସ୍ତ୍ରମବୁଧ୍ଯତ ॥ ୧୧ ॥
ତର୍ହ୍ଯେଵାଥ ମୁନିଶ୍ରେଷ୍ଠ ପାଣ୍ଡଵାଃ ପଞ୍ଚ ସାଯକାନ୍ ।
ଆତ୍ମନୋଽଭିମୁଖାନ୍ଦୀପ୍ତାନାଲକ୍ଷ୍ଯାସ୍ତ୍ରାଣ୍ଯୁପାଦଦୁଃ ॥ ୧୨ ॥
ଆତ୍ମନୋଽଭିମୁଖାନ୍ଦୀପ୍ତାନାଲକ୍ଷ୍ଯାସ୍ତ୍ରାଣ୍ଯୁପାଦଦୁଃ ॥ ୧୨ ॥
ଵ୍ଯସନଂ ଵୀକ୍ଷ୍ଯ ତତ୍ତେଷାମନନ୍ଯଵିଷଯାତ୍ମନାମ୍ ।
ସୁଦର୍ଶନେନ ସ୍ଵାସ୍ତ୍ରେଣ ସ୍ଵାନାଂ ରକ୍ଷାଂ ଵ୍ଯଧାଦ୍ଵିଭୁଃ ॥ ୧୩ ॥
ସୁଦର୍ଶନେନ ସ୍ଵାସ୍ତ୍ରେଣ ସ୍ଵାନାଂ ରକ୍ଷାଂ ଵ୍ଯଧାଦ୍ଵିଭୁଃ ॥ ୧୩ ॥
ଅନ୍ତଃସ୍ଥଃ ସର୍ଵଭୂତାନାମାତ୍ମା ଯୋଗେଶ୍ଵରୋହରିଃ ।
ସ୍ଵମାଯଯାଵୃଣୋଦ୍ଗର୍ଭଂ ଵୈରାଟ୍ଯାଃ କୁରୁତନ୍ତଵେ ॥ ୧୪ ॥
ସ୍ଵମାଯଯାଵୃଣୋଦ୍ଗର୍ଭଂ ଵୈରାଟ୍ଯାଃ କୁରୁତନ୍ତଵେ ॥ ୧୪ ॥
ଯଦ୍ଯପ୍ଯସ୍ତ୍ରଂ ବ୍ରହ୍ମଶିରସ୍ତ୍ଵମୋଘଂ ଚାପ୍ରତିକ୍ରିଯମ୍ ।
ଵୈଷ୍ଣଵଂ ତେଜ ଆସାଦ୍ଯ ସମଶାମ୍ଯଦ୍ ଭୃଗୂଦ୍ଵହ ॥ ୧୫ ॥
ଵୈଷ୍ଣଵଂ ତେଜ ଆସାଦ୍ଯ ସମଶାମ୍ଯଦ୍ ଭୃଗୂଦ୍ଵହ ॥ ୧୫ ॥
ମା ମଂସ୍ଥା ହ୍ଯେତଦାଶ୍ଚର୍ଯଂ ସର୍ଵାଶ୍ଚର୍ଯମଯେଽଚ୍ଯୁତେ ।
ଯ ଇଦଂ ମାଯଯା ଦେଵ୍ଯା ସୃଜତ୍ଯଵତି ହନ୍ତ୍ଯଜଃ ॥ ୧୬ ॥
ଯ ଇଦଂ ମାଯଯା ଦେଵ୍ଯା ସୃଜତ୍ଯଵତି ହନ୍ତ୍ଯଜଃ ॥ ୧୬ ॥
ବ୍ରହ୍ମତେଜୋଵିନିର୍ମୁକ୍ତୈରାତ୍ମଜୈଃ ସହ କୃଷ୍ଣଯା ।
ପ୍ରଯାଣାଭିମୁଖଂ କୃଷ୍ଣମିଦମାହ ପୃଥା ସତୀ ॥ ୧୭ ॥
ପ୍ରଯାଣାଭିମୁଖଂ କୃଷ୍ଣମିଦମାହ ପୃଥା ସତୀ ॥ ୧୭ ॥
କୁନ୍ତ୍ଯୁଵାଚ
ନମସ୍ଯେ ପୁରୁଷଂ ତ୍ଵାଦ୍ଯମୀଶ୍ଵରଂ ପ୍ରକୃତେଃ ପରମ୍ ।
ଅଲକ୍ଷ୍ଯଂ ସର୍ଵଭୂତାନାମନ୍ତର୍ବହିରଵସ୍ଥିତମ୍ ॥ ୧୮ ॥
ନମସ୍ଯେ ପୁରୁଷଂ ତ୍ଵାଦ୍ଯମୀଶ୍ଵରଂ ପ୍ରକୃତେଃ ପରମ୍ ।
ଅଲକ୍ଷ୍ଯଂ ସର୍ଵଭୂତାନାମନ୍ତର୍ବହିରଵସ୍ଥିତମ୍ ॥ ୧୮ ॥
ମାଯାଜଵନିକାଚ୍ଛନ୍ନମଜ୍ଞାଧୋକ୍ଷଜମଵ୍ଯଯମ୍ ।
ନ ଲକ୍ଷ୍ଯସେ ମୂଢଦୃଶା ନଟୋ ନାଟ୍ଯଧରୋ ଯଥା ॥ ୧୯ ॥
ନ ଲକ୍ଷ୍ଯସେ ମୂଢଦୃଶା ନଟୋ ନାଟ୍ଯଧରୋ ଯଥା ॥ ୧୯ ॥
ତଥା ପରମହଂସାନାଂ ମୁନୀନାମମଲାତ୍ମନାମ୍ ।
ଭକ୍ତିଯୋଗଵିଧାନାର୍ଥଂ କଥଂ ପଶ୍ଯେମ ହି ସ୍ତ୍ରିଯଃ ॥ ୨୦ ॥
ଭକ୍ତିଯୋଗଵିଧାନାର୍ଥଂ କଥଂ ପଶ୍ଯେମ ହି ସ୍ତ୍ରିଯଃ ॥ ୨୦ ॥
କୃଷ୍ଣାଯ ଵାସୁଦେଵାଯ ଦେଵକୀନନ୍ଦନାଯ ଚ ।
ନନ୍ଦଗୋପକୁମାରାଯ ଗୋଵିନ୍ଦାଯ ନମୋ ନମଃ ॥ ୨୧ ॥
ନନ୍ଦଗୋପକୁମାରାଯ ଗୋଵିନ୍ଦାଯ ନମୋ ନମଃ ॥ ୨୧ ॥
ନମଃ ପଙ୍କଜନାଭାଯ ନମଃ ପଙ୍କଜମାଲିନେ ।
ନମଃ ପଙ୍କଜନେତ୍ରାଯ ନମସ୍ତେ ପଙ୍କଜାଙ୍ଘ୍ରଯେ ॥ ୨୨ ॥
ନମଃ ପଙ୍କଜନେତ୍ରାଯ ନମସ୍ତେ ପଙ୍କଜାଙ୍ଘ୍ରଯେ ॥ ୨୨ ॥
ଯଥା ହୃଷୀକେଶ ଖଲେନ ଦେଵକୀ
କଂସେନ ରୁଦ୍ଧାତିଚିରଂ ଶୁଚାର୍ପିତା ।
ଵିମୋଚିତାହଂ ଚ ସହାତ୍ମଜା ଵିଭୋ
ତ୍ଵଯୈଵ ନାଥେନ ମୁହୁର୍ଵିପଦ୍ଗଣାତ୍ ॥ ୨୩ ॥
କଂସେନ ରୁଦ୍ଧାତିଚିରଂ ଶୁଚାର୍ପିତା ।
ଵିମୋଚିତାହଂ ଚ ସହାତ୍ମଜା ଵିଭୋ
ତ୍ଵଯୈଵ ନାଥେନ ମୁହୁର୍ଵିପଦ୍ଗଣାତ୍ ॥ ୨୩ ॥
ଵିଷାନ୍ମହାଗ୍ନେଃ ପୁରୁଷାଦଦର୍ଶନା-
ଦସତ୍ସଭାଯା ଵନଵାସକୃଚ୍ଛ୍ରତଃ ।
ମୃଧେ ମୃଧେଽନେକମହାରଥାସ୍ତ୍ରତୋ
ଦ୍ରୌଣ୍ଯସ୍ତ୍ରତଶ୍ଚାସ୍ମ ହରେଽଭିରକ୍ଷିତାଃ ॥ ୨୪ ॥
ଦସତ୍ସଭାଯା ଵନଵାସକୃଚ୍ଛ୍ରତଃ ।
ମୃଧେ ମୃଧେଽନେକମହାରଥାସ୍ତ୍ରତୋ
ଦ୍ରୌଣ୍ଯସ୍ତ୍ରତଶ୍ଚାସ୍ମ ହରେଽଭିରକ୍ଷିତାଃ ॥ ୨୪ ॥
ଵିପଦଃ ସନ୍ତୁ ତାଃ ଶଶ୍ଵତ୍ତତ୍ର ତତ୍ର ଜଗଦ୍ଗୁରୋ ।
ଭଵତୋ ଦର୍ଶନଂ ଯତ୍ସ୍ଯାଦପୁନର୍ଭଵଦର୍ଶନମ୍ ॥ ୨୫ ॥
ଭଵତୋ ଦର୍ଶନଂ ଯତ୍ସ୍ଯାଦପୁନର୍ଭଵଦର୍ଶନମ୍ ॥ ୨୫ ॥
ଜନ୍ମୈଶ୍ଵର୍ଯଶ୍ରୁତଶ୍ରୀଭିରେଧମାନମଦଃ ପୁମାନ୍ ।
ନୈଵାର୍ହତ୍ଯଭିଧାତୁଂ ଵୈ ତ୍ଵାମକିଞ୍ଚନଗୋଚରମ୍ ॥ ୨୬ ॥
ନୈଵାର୍ହତ୍ଯଭିଧାତୁଂ ଵୈ ତ୍ଵାମକିଞ୍ଚନଗୋଚରମ୍ ॥ ୨୬ ॥
ନମୋଽକିଞ୍ଚନଵିତ୍ତାଯ ନିଵୃତ୍ତଗୁଣଵୃତ୍ତଯେ ।
ଆତ୍ମାରାମାଯ ଶାନ୍ତାଯ କୈଵଲ୍ଯପତଯେ ନମଃ ॥ ୨୭ ॥
ଆତ୍ମାରାମାଯ ଶାନ୍ତାଯ କୈଵଲ୍ଯପତଯେ ନମଃ ॥ ୨୭ ॥
ମନ୍ଯେ ତ୍ଵାଂ କାଲମୀଶାନମନାଦିନିଧନଂ ଵିଭୁମ୍ ।
ସମଂ ଚରନ୍ତଂ ସର୍ଵତ୍ର ଭୂତାନାଂ ଯନ୍ମିଥଃ କଲିଃ ॥ ୨୮ ॥
ସମଂ ଚରନ୍ତଂ ସର୍ଵତ୍ର ଭୂତାନାଂ ଯନ୍ମିଥଃ କଲିଃ ॥ ୨୮ ॥
ନ ଵେଦ କଶ୍ଚିଦ୍ଭଗଵଂଶ୍ଚିକୀର୍ଷିତଂ
ତଵେହମାନସ୍ଯ ନୃଣାଂ ଵିଡମ୍ବନମ୍ ।
ନ ଯସ୍ଯ କଶ୍ଚିଦ୍ଦଯିତୋଽସ୍ତି କର୍ହିଚିଦ୍
ଦ୍ଵେଷ୍ଯଶ୍ଚ ଯସ୍ମିନ୍ ଵିଷମା ମତିର୍ନୃଣାମ୍ ॥ ୨୯ ॥
ତଵେହମାନସ୍ଯ ନୃଣାଂ ଵିଡମ୍ବନମ୍ ।
ନ ଯସ୍ଯ କଶ୍ଚିଦ୍ଦଯିତୋଽସ୍ତି କର୍ହିଚିଦ୍
ଦ୍ଵେଷ୍ଯଶ୍ଚ ଯସ୍ମିନ୍ ଵିଷମା ମତିର୍ନୃଣାମ୍ ॥ ୨୯ ॥
ଜନ୍ମ କର୍ମ ଚ ଵିଶ୍ଵାତ୍ମନ୍ନଜସ୍ଯାକର୍ତୁରାତ୍ମନଃ ।
ତିର୍ଯଙ୍ନୃଷିଷୁ ଯାଦଃସୁ ତଦତ୍ଯନ୍ତଵିଡମ୍ବନମ୍ ॥ ୩୦ ॥
ତିର୍ଯଙ୍ନୃଷିଷୁ ଯାଦଃସୁ ତଦତ୍ଯନ୍ତଵିଡମ୍ବନମ୍ ॥ ୩୦ ॥
ଗୋପ୍ଯାଦଦେ ତ୍ଵଯି କୃତାଗସି ଦାମ ତାଵଦ୍
ଯା ତେ ଦଶାଶ୍ରୁକଲିଲାଞ୍ଜନସମ୍ଭ୍ରମାକ୍ଷମ୍ ।
ଵକ୍ତ୍ରଂ ନିନୀଯ ଭଯଭାଵନଯା ସ୍ଥିତସ୍ଯ
ସା ମାଂ ଵିମୋହଯତି ଭୀରପି ଯଦ୍ବିଭେତି ॥ ୩୧ ॥
ଯା ତେ ଦଶାଶ୍ରୁକଲିଲାଞ୍ଜନସମ୍ଭ୍ରମାକ୍ଷମ୍ ।
ଵକ୍ତ୍ରଂ ନିନୀଯ ଭଯଭାଵନଯା ସ୍ଥିତସ୍ଯ
ସା ମାଂ ଵିମୋହଯତି ଭୀରପି ଯଦ୍ବିଭେତି ॥ ୩୧ ॥
କେଚିଦାହୁରଜଂ ଜାତଂ ପୁଣ୍ଯଶ୍ଲୋକସ୍ଯ କୀର୍ତଯେ ।
ଯଦୋଃ ପ୍ରିଯସ୍ଯାନ୍ଵଵାଯେ ମଲଯସ୍ଯେଵ ଚନ୍ଦନମ୍ ॥ ୩୨ ॥
ଯଦୋଃ ପ୍ରିଯସ୍ଯାନ୍ଵଵାଯେ ମଲଯସ୍ଯେଵ ଚନ୍ଦନମ୍ ॥ ୩୨ ॥
ଅପରେ ଵସୁଦେଵସ୍ଯ ଦେଵକ୍ଯାଂ ଯାଚିତୋଽଭ୍ଯଗାତ୍ ।
ଅଜସ୍ତ୍ଵମସ୍ଯ କ୍ଷେମାଯ ଵଧାଯ ଚ ସୁରଦ୍ଵିଷାମ୍ ॥ ୩୩ ॥
ଅଜସ୍ତ୍ଵମସ୍ଯ କ୍ଷେମାଯ ଵଧାଯ ଚ ସୁରଦ୍ଵିଷାମ୍ ॥ ୩୩ ॥
ଭାରାଵତାରଣାଯାନ୍ଯେ ଭୁଵୋ ନାଵ ଇଵୋଦଧୌ ।
ସୀଦନ୍ତ୍ଯା ଭୂରିଭାରେଣ ଜାତୋ ହ୍ଯାତ୍ମଭୁଵାର୍ଥିତଃ ॥ ୩୪ ॥
ସୀଦନ୍ତ୍ଯା ଭୂରିଭାରେଣ ଜାତୋ ହ୍ଯାତ୍ମଭୁଵାର୍ଥିତଃ ॥ ୩୪ ॥
ଭଵେଽସ୍ମିନ୍ କ୍ଲିଶ୍ଯମାନାନାମଵିଦ୍ଯାକାମକର୍ମଭିଃ ।
ଶ୍ରଵଣସ୍ମରଣାର୍ହାଣି କରିଷ୍ଯନ୍ନିତି କେଚନ ॥ ୩୫ ॥
ଶ୍ରଵଣସ୍ମରଣାର୍ହାଣି କରିଷ୍ଯନ୍ନିତି କେଚନ ॥ ୩୫ ॥
ଶୃଣ୍ଵନ୍ତି ଗାଯନ୍ତି ଗୃଣନ୍ତ୍ଯଭୀକ୍ଷ୍ଣଶଃ
ସ୍ମରନ୍ତି ନନ୍ଦନ୍ତି ତଵେହିତଂ ଜନାଃ ।
ତ ଏଵ ପଶ୍ଯନ୍ତ୍ଯଚିରେଣ ତାଵକଂ
ଭଵପ୍ରଵାହୋପରମଂ ପଦାମ୍ବୁଜମ୍ ॥ ୩୬ ॥
ସ୍ମରନ୍ତି ନନ୍ଦନ୍ତି ତଵେହିତଂ ଜନାଃ ।
ତ ଏଵ ପଶ୍ଯନ୍ତ୍ଯଚିରେଣ ତାଵକଂ
ଭଵପ୍ରଵାହୋପରମଂ ପଦାମ୍ବୁଜମ୍ ॥ ୩୬ ॥
ଅପ୍ଯଦ୍ଯ ନସ୍ତ୍ଵଂ ସ୍ଵକୃତେହିତ ପ୍ରଭୋ
ଜିହାସସି ସ୍ଵିତ୍ସୁହୃଦୋଽନୁଜୀଵିନଃ ।
ଯେଷାଂ ନ ଚାନ୍ଯଦ୍ଭଵତଃ ପଦାମ୍ବୁଜାତ୍
ପରାଯଣଂ ରାଜସୁ ଯୋଜିତାଂହସାମ୍ ॥ ୩୭ ॥
ଜିହାସସି ସ୍ଵିତ୍ସୁହୃଦୋଽନୁଜୀଵିନଃ ।
ଯେଷାଂ ନ ଚାନ୍ଯଦ୍ଭଵତଃ ପଦାମ୍ବୁଜାତ୍
ପରାଯଣଂ ରାଜସୁ ଯୋଜିତାଂହସାମ୍ ॥ ୩୭ ॥
କେ ଵଯଂ ନାମରୂପାଭ୍ଯାଂ ଯଦୁଭିଃ ସହ ପାଣ୍ଡଵାଃ ।
ଭଵତୋଽଦର୍ଶନଂ ଯର୍ହି ହୃଷୀକାଣାମିଵେଶିତୁଃ ॥ ୩୮ ॥
ଭଵତୋଽଦର୍ଶନଂ ଯର୍ହି ହୃଷୀକାଣାମିଵେଶିତୁଃ ॥ ୩୮ ॥
ନେଯଂ ଶୋଭିଷ୍ଯତେ ତତ୍ର ଯଥେଦାନୀଂ ଗଦାଧର ।
ତ୍ଵତ୍ପଦୈରଙ୍କିତା ଭାତି ସ୍ଵଲକ୍ଷଣଵିଲକ୍ଷିତୈଃ ॥ ୩୯ ॥
ତ୍ଵତ୍ପଦୈରଙ୍କିତା ଭାତି ସ୍ଵଲକ୍ଷଣଵିଲକ୍ଷିତୈଃ ॥ ୩୯ ॥
ଇମେ ଜନପଦାଃ ସ୍ଵୃଦ୍ଧାଃ ସୁପକ୍ଵୌଷଧିଵୀରୁଧଃ ।
ଵନାଦ୍ରିନଦ୍ଯୁଦନ୍ଵନ୍ତୋ ହ୍ଯେଧନ୍ତେ ତଵ ଵୀକ୍ଷିତୈଃ ॥ ୪୦ ॥
ଵନାଦ୍ରିନଦ୍ଯୁଦନ୍ଵନ୍ତୋ ହ୍ଯେଧନ୍ତେ ତଵ ଵୀକ୍ଷିତୈଃ ॥ ୪୦ ॥
ଅଥ ଵିଶ୍ଵେଶ ଵିଶ୍ଵାତ୍ମନ୍ ଵିଶ୍ଵମୂର୍ତେ ସ୍ଵକେଷୁ ମେ ।
ସ୍ନେହପାଶମିମଂ ଛିନ୍ଧି ଦୃଢଂ ପାଣ୍ଡୁଷୁ ଵୃଷ୍ଣିଷୁ ॥ ୪୧ ॥
ସ୍ନେହପାଶମିମଂ ଛିନ୍ଧି ଦୃଢଂ ପାଣ୍ଡୁଷୁ ଵୃଷ୍ଣିଷୁ ॥ ୪୧ ॥
ତ୍ଵଯି ମେଽନନ୍ଯଵିଷଯା ମତିର୍ମଧୁପତେଽସକୃତ୍ ।
ରତିମୁଦ୍ଵହତାଦଦ୍ଧା ଗଙ୍ଗେଵୌଘମୁଦନ୍ଵତି ॥ ୪୨ ॥
ରତିମୁଦ୍ଵହତାଦଦ୍ଧା ଗଙ୍ଗେଵୌଘମୁଦନ୍ଵତି ॥ ୪୨ ॥
ଶ୍ରୀକୃଷ୍ଣ କୃଷ୍ଣସଖ ଵୃଷ୍ଣ୍ଯୃଷଭାଵନିଧ୍ରୁଗ୍
ରାଜନ୍ଯଵଂଶଦହନାନପଵର୍ଗଵୀର୍ଯ ।
ଗୋଵିନ୍ଦ ଗୋଦ୍ଵିଜସୁରାର୍ତିହରାଵତାର
ଯୋଗେଶ୍ଵରାଖିଲଗୁରୋ ଭଗଵନ୍ନମସ୍ତେ ॥ ୪୩ ॥
ରାଜନ୍ଯଵଂଶଦହନାନପଵର୍ଗଵୀର୍ଯ ।
ଗୋଵିନ୍ଦ ଗୋଦ୍ଵିଜସୁରାର୍ତିହରାଵତାର
ଯୋଗେଶ୍ଵରାଖିଲଗୁରୋ ଭଗଵନ୍ନମସ୍ତେ ॥ ୪୩ ॥
ସୂତ ଉଵାଚ
ପୃଥଯେତ୍ଥଂ କଲପଦୈଃ ପରିଣୂତାଖିଲୋଦଯଃ ।
ମନ୍ଦଂ ଜହାସ ଵୈକୁଣ୍ଠୋ ମୋହଯନ୍ନିଵ ମାଯଯା ॥ ୪୪ ॥
ପୃଥଯେତ୍ଥଂ କଲପଦୈଃ ପରିଣୂତାଖିଲୋଦଯଃ ।
ମନ୍ଦଂ ଜହାସ ଵୈକୁଣ୍ଠୋ ମୋହଯନ୍ନିଵ ମାଯଯା ॥ ୪୪ ॥
ତାଂ ବାଢମିତ୍ଯୁପାମନ୍ତ୍ର୍ଯ ପ୍ରଵିଶ୍ଯ ଗଜସାହ୍ଵଯମ୍ ।
ସ୍ତ୍ରିଯଶ୍ଚ ସ୍ଵପୁରଂ ଯାସ୍ଯନ୍ ପ୍ରେମ୍ଣା ରାଜ୍ଞା ନିଵାରିତଃ ॥ ୪୫ ॥
ସ୍ତ୍ରିଯଶ୍ଚ ସ୍ଵପୁରଂ ଯାସ୍ଯନ୍ ପ୍ରେମ୍ଣା ରାଜ୍ଞା ନିଵାରିତଃ ॥ ୪୫ ॥
ଵ୍ଯାସାଦ୍ଯୈରୀଶ୍ଵରେହାଜ୍ଞୈଃ କୃଷ୍ଣେନାଦ୍ଭୁତକର୍ମଣା ।
ପ୍ରବୋଧିତୋଽପୀତିହାସୈର୍ନାବୁଧ୍ଯତ ଶୁଚାର୍ପିତଃ ॥ ୪୬ ॥
ପ୍ରବୋଧିତୋଽପୀତିହାସୈର୍ନାବୁଧ୍ଯତ ଶୁଚାର୍ପିତଃ ॥ ୪୬ ॥
ଆହ ରାଜା ଧର୍ମସୁତଶ୍ଚିନ୍ତଯନ୍ ସୁହୃଦାଂ ଵଧମ୍ ।
ପ୍ରାକୃତେନାତ୍ମନା ଵିପ୍ରାଃ ସ୍ନେହମୋହଵଶଂ ଗତଃ ॥ ୪୭ ॥
ପ୍ରାକୃତେନାତ୍ମନା ଵିପ୍ରାଃ ସ୍ନେହମୋହଵଶଂ ଗତଃ ॥ ୪୭ ॥
ଅହୋ ମେ ପଶ୍ଯତାଜ୍ଞାନଂ ହୃଦି ରୂଢଂ ଦୁରାତ୍ମନଃ ।
ପାରକ୍ଯସ୍ଯୈଵ ଦେହସ୍ଯ ବହ୍ଵ୍ଯୋ ମେଽକ୍ଷୌହିଣୀର୍ହତାଃ ॥ ୪୮ ॥
ପାରକ୍ଯସ୍ଯୈଵ ଦେହସ୍ଯ ବହ୍ଵ୍ଯୋ ମେଽକ୍ଷୌହିଣୀର୍ହତାଃ ॥ ୪୮ ॥
ବାଲଦ୍ଵିଜସୁହୃନ୍ମିତ୍ରପିତୃଭ୍ରାତୃଗୁରୁଦ୍ରୁହଃ ।
ନ ମେ ସ୍ଯାନ୍ନିରଯାନ୍ମୋକ୍ଷୋ ହ୍ଯପି ଵର୍ଷାଯୁତାଯୁତୈଃ ॥ ୪୯ ॥
ନ ମେ ସ୍ଯାନ୍ନିରଯାନ୍ମୋକ୍ଷୋ ହ୍ଯପି ଵର୍ଷାଯୁତାଯୁତୈଃ ॥ ୪୯ ॥
ନୈନୋ ରାଜ୍ଞଃ ପ୍ରଜାଭର୍ତୁର୍ଧର୍ମଯୁଦ୍ଧେ ଵଧୋ ଦ୍ଵିଷାମ୍ ।
ଇତି ମେ ନ ତୁ ବୋଧାଯ କଲ୍ପତେ ଶାସନଂ ଵଚଃ ॥ ୫୦ ॥
ଇତି ମେ ନ ତୁ ବୋଧାଯ କଲ୍ପତେ ଶାସନଂ ଵଚଃ ॥ ୫୦ ॥
ସ୍ତ୍ରୀଣାଂ ମଦ୍ଧତବନ୍ଧୂନାଂ ଦ୍ରୋହୋ ଯୋଽସାଵିହୋତ୍ଥିତଃ ।
କର୍ମଭିର୍ଗୃହମେଧୀଯୈର୍ନାହଂ କଲ୍ପୋ ଵ୍ଯପୋହିତୁମ୍ ॥ ୫୧ ॥
କର୍ମଭିର୍ଗୃହମେଧୀଯୈର୍ନାହଂ କଲ୍ପୋ ଵ୍ଯପୋହିତୁମ୍ ॥ ୫୧ ॥
ଯଥା ପଙ୍କେନ ପଙ୍କାମ୍ଭଃ ସୁରଯା ଵା ସୁରାକୃତମ୍ ।
ଭୂତହତ୍ଯାଂ ତଥୈଵୈକାଂ ନ ଯଜ୍ଞୈର୍ମାର୍ଷ୍ଟୁମର୍ହତି ॥ ୫୨ ॥
ଭୂତହତ୍ଯାଂ ତଥୈଵୈକାଂ ନ ଯଜ୍ଞୈର୍ମାର୍ଷ୍ଟୁମର୍ହତି ॥ ୫୨ ॥