শ্রীশুক উবাচ
গোপা নন্দাদযঃ শ্রুত্বা দ্রুমযোঃ পততোরবম্ ।
তত্রাজগ্মুঃ কুরুশ্রেষ্ঠ নির্ঘাতভযশঙ্কিতাঃ ॥ ১ ॥
গোপা নন্দাদযঃ শ্রুত্বা দ্রুমযোঃ পততোরবম্ ।
তত্রাজগ্মুঃ কুরুশ্রেষ্ঠ নির্ঘাতভযশঙ্কিতাঃ ॥ ১ ॥
ভূম্যাং নিপতিতৌ তত্র দদৃশুর্যমলার্জুনৌ ।
বভ্রমুস্তদবিজ্ঞায লক্ষ্যং পতনকারণম্ ॥ ২ ॥
বভ্রমুস্তদবিজ্ঞায লক্ষ্যং পতনকারণম্ ॥ ২ ॥
উলূখলং বিকর্ষন্তং দাম্না বদ্ধং চ বালকম্ ।
কস্যেদং কুত আশ্চর্যমুত্পাত ইতি কাতরাঃ ॥ ৩ ॥
কস্যেদং কুত আশ্চর্যমুত্পাত ইতি কাতরাঃ ॥ ৩ ॥
বালা ঊচুরনেনেতি তির্যগ্গতমুলূখলম্ ।
বিকর্ষতা মধ্যগেন পুরুষাবপ্যচক্ষ্মহি ॥ ৪ ॥
বিকর্ষতা মধ্যগেন পুরুষাবপ্যচক্ষ্মহি ॥ ৪ ॥
ন তে তদুক্তং জগৃহুর্ন ঘটেতেতি তস্য তত্ ।
বালস্যোত্পাটনং তর্বোঃ কেচিত্সন্দিগ্ধচেতসঃ ॥ ৫ ॥
বালস্যোত্পাটনং তর্বোঃ কেচিত্সন্দিগ্ধচেতসঃ ॥ ৫ ॥
উলূখলং বিকর্ষন্তং দাম্না বদ্ধং স্বমাত্মজম্ ।
বিলোক্য নন্দঃ প্রহসদ্বদনো বিমুমোচ হ ॥ ৬ ॥
বিলোক্য নন্দঃ প্রহসদ্বদনো বিমুমোচ হ ॥ ৬ ॥
গোপীভিঃ স্তোভিতোঽনৃত্যদ্ ভগবান্বালবত্ক্বচিত্ ।
উদ্গাযতি ক্বচিন্মুগ্ধস্তদ্বশো দারুযন্ত্রবত্ ॥ ৭ ॥
উদ্গাযতি ক্বচিন্মুগ্ধস্তদ্বশো দারুযন্ত্রবত্ ॥ ৭ ॥
বিভর্তি ক্বচিদাজ্ঞপ্তঃ পীঠকোন্মানপাদুকম্ ।
বাহুক্ষেপং চ কুরুতে স্বানাং চ প্রীতিমাবহন্ ॥ ৮ ॥
বাহুক্ষেপং চ কুরুতে স্বানাং চ প্রীতিমাবহন্ ॥ ৮ ॥
দর্শযংস্তদ্বিদাং লোক আত্মনো ভৃত্যবশ্যতাম্ ।
ব্রজস্যোবাহ বৈ হর্ষং ভগবান্ বালচেষ্টিতৈঃ ॥ ৯ ॥
ব্রজস্যোবাহ বৈ হর্ষং ভগবান্ বালচেষ্টিতৈঃ ॥ ৯ ॥
ক্রীণীহি ভোঃ ফলানীতি শ্রুত্বা সত্বরমচ্যুতঃ ।
ফলার্থী ধান্যমাদায যযৌ সর্বফলপ্রদঃ ॥ ১০ ॥
ফলার্থী ধান্যমাদায যযৌ সর্বফলপ্রদঃ ॥ ১০ ॥
ফলবিক্রযিণী তস্য চ্যুতধান্যকরদ্বযম্ ।
ফলৈরপূরযদ্ রত্নৈঃ ফলভাণ্ডমপূরি চ ॥ ১১ ॥
ফলৈরপূরযদ্ রত্নৈঃ ফলভাণ্ডমপূরি চ ॥ ১১ ॥
সরিত্তীরগতং কৃষ্ণং ভগ্নার্জুনমথাহ্বযত্ ।
রামং চ রোহিণী দেবী ক্রীডন্তং বালকৈর্ভৃশম্ ॥ ১২ ॥
রামং চ রোহিণী দেবী ক্রীডন্তং বালকৈর্ভৃশম্ ॥ ১২ ॥
নোপেযাতাং যদাহূতৌ ক্রীডাসঙ্গেন পুত্রকৌ ।
যশোদাং প্রেষযামাস রোহিণী পুত্রবত্সলাম্ ॥ ১৩ ॥
যশোদাং প্রেষযামাস রোহিণী পুত্রবত্সলাম্ ॥ ১৩ ॥
ক্রীডন্তং সা সুতং বালৈরতিবেলং সহাগ্রজম্ ।
যশোদাজোহবীত্কৃষ্ণং পুত্রস্নেহস্নুতস্তনী ॥ ১৪ ॥
যশোদাজোহবীত্কৃষ্ণং পুত্রস্নেহস্নুতস্তনী ॥ ১৪ ॥
কৃষ্ণ কৃষ্ণারবিন্দাক্ষ তাত এহি স্তনং পিব ।
অলং বিহারৈঃ ক্ষুত্ক্ষান্তঃ ক্রীডাশ্রান্তোঽসি পুত্রক ॥ ১৫ ॥
অলং বিহারৈঃ ক্ষুত্ক্ষান্তঃ ক্রীডাশ্রান্তোঽসি পুত্রক ॥ ১৫ ॥
হে রামাগচ্ছ তাতাশু সানুজঃ কুলনন্দন ।
প্রাতরেব কৃতাহারস্তদ্ ভবান্ভোক্তুমর্হতি ॥ ১৬ ॥
প্রাতরেব কৃতাহারস্তদ্ ভবান্ভোক্তুমর্হতি ॥ ১৬ ॥
প্রতীক্ষতেত্বাং দাশার্হ ভোক্ষ্যমাণো ব্রজাধিপঃ ।
এহ্যাবযোঃ প্রিযং ধেহি স্বগৃহান্যাত বালকাঃ ॥ ১৭ ॥
এহ্যাবযোঃ প্রিযং ধেহি স্বগৃহান্যাত বালকাঃ ॥ ১৭ ॥
ধূলিধূসরিতাঙ্গস্ত্বং পুত্র মজ্জনমাবহ ।
জন্মর্ক্ষং তেঽদ্য ভবতি বিপ্রেভ্যো দেহি গাঃ শুচিঃ ॥ ১৮ ॥
জন্মর্ক্ষং তেঽদ্য ভবতি বিপ্রেভ্যো দেহি গাঃ শুচিঃ ॥ ১৮ ॥
পশ্য পশ্য বযস্যাংস্তে মাতৃমৃষ্টান্স্বলঙ্কৃতান্ ।
ত্বং চ স্নাতঃ কৃতাহারো বিহরস্ব স্বলঙ্কৃতঃ ॥ ১৯ ॥
ত্বং চ স্নাতঃ কৃতাহারো বিহরস্ব স্বলঙ্কৃতঃ ॥ ১৯ ॥
ইত্থং যশোদা তমশেষশেখরং
মত্বা সুতং স্নেহনিবদ্ধধীর্নৃপ ।
হস্তে গৃহীত্বা সহরামমচ্যুতং
নীত্বা স্ববাটং কৃতবত্যথোদযম্ ॥ ২০ ॥
মত্বা সুতং স্নেহনিবদ্ধধীর্নৃপ ।
হস্তে গৃহীত্বা সহরামমচ্যুতং
নীত্বা স্ববাটং কৃতবত্যথোদযম্ ॥ ২০ ॥
শ্রীশুক উবাচ
গোপবৃদ্ধা মহোত্পাতাননুভূয বৃহদ্বনে ।
নন্দাদযঃ সমাগম্য ব্রজকার্যমমন্ত্রযন্ ॥ ২১ ॥
গোপবৃদ্ধা মহোত্পাতাননুভূয বৃহদ্বনে ।
নন্দাদযঃ সমাগম্য ব্রজকার্যমমন্ত্রযন্ ॥ ২১ ॥
তত্রোপানন্দনামাহ গোপো জ্ঞানবযোঽধিকঃ ।
দেশকালার্থতত্ত্বজ্ঞঃ প্রিযকৃদ্ রামকৃষ্ণযোঃ ॥ ২২ ॥
দেশকালার্থতত্ত্বজ্ঞঃ প্রিযকৃদ্ রামকৃষ্ণযোঃ ॥ ২২ ॥
উত্থাতব্যমিতোঽস্মাভির্গোকুলস্য হিতৈষিভিঃ ।
আযান্ত্যত্র মহোত্পাতা বালানাং নাশহেতবঃ ॥ ২৩ ॥
আযান্ত্যত্র মহোত্পাতা বালানাং নাশহেতবঃ ॥ ২৩ ॥
মুক্তঃ কথঞ্চিদ্রাক্ষস্যা বালঘ্ন্যা বালকো হ্যসৌ ।
হরেরনুগ্রহান্নূনমনশ্চোপরি নাপতত্ ॥ ২৪ ॥
হরেরনুগ্রহান্নূনমনশ্চোপরি নাপতত্ ॥ ২৪ ॥
চক্রবাতেন নীতোঽযং দৈত্যেন বিপদং বিযত্ ।
শিলাযাং পতিতস্তত্র পরিত্রাতঃ সুরেশ্বরৈঃ ॥ ২৫ ॥
শিলাযাং পতিতস্তত্র পরিত্রাতঃ সুরেশ্বরৈঃ ॥ ২৫ ॥
যন্ন ম্রিযেত দ্রুমযোরন্তরং প্রাপ্য বালকঃ ।
অসাবন্যতমো বাপি তদপ্যচ্যুতরক্ষণম্ ॥ ২৬ ॥
অসাবন্যতমো বাপি তদপ্যচ্যুতরক্ষণম্ ॥ ২৬ ॥
যাবদৌত্পাতিকোঽরিষ্টো ব্রজং নাভিভবেদিতঃ ।
তাবদ্বালানুপাদায যাস্যামোঽন্যত্র সানুগাঃ ॥ ২৭ ॥
তাবদ্বালানুপাদায যাস্যামোঽন্যত্র সানুগাঃ ॥ ২৭ ॥
বনং বৃন্দাবনং নাম পশব্যং নবকাননম্ ।
গোপগোপীগবাং সেব্যং পুণ্যাদ্রিতৃণবীরুধম্ ॥ ২৮ ॥
গোপগোপীগবাং সেব্যং পুণ্যাদ্রিতৃণবীরুধম্ ॥ ২৮ ॥
তত্তত্রাদ্যৈব যাস্যামঃ শকটান্ যুঙ্ত মা চিরম্ ।
গোধনান্যগ্রতো যান্তু ভবতাং যদি রোচতে ॥ ২৯ ॥
গোধনান্যগ্রতো যান্তু ভবতাং যদি রোচতে ॥ ২৯ ॥
তচ্ছ্রুত্বৈকধিযো গোপাঃ সাধু সাধ্বিতি বাদিনঃ ।
ব্রজান্স্বান্স্বান্সমাযুজ্য যযূ রূঢপরিচ্ছদাঃ ॥ ৩০ ॥
ব্রজান্স্বান্স্বান্সমাযুজ্য যযূ রূঢপরিচ্ছদাঃ ॥ ৩০ ॥
বৃদ্ধান্বালান্স্ত্রিযো রাজন্সর্বোপকরণানি চ ।
অনঃস্বারোপ্য গোপালা যত্তা আত্তশরাসনাঃ ॥ ৩১ ॥
অনঃস্বারোপ্য গোপালা যত্তা আত্তশরাসনাঃ ॥ ৩১ ॥
গোধনানি পুরস্কৃত্য শৃঙ্গাণ্যাপূর্য সর্বতঃ ।
তূর্যঘোষেণ মহতা যযুঃ সহপুরোহিতাঃ ॥ ৩২ ॥
তূর্যঘোষেণ মহতা যযুঃ সহপুরোহিতাঃ ॥ ৩২ ॥
গোপ্যো রূঢরথা নূত্নকুচকুঙ্কুমকান্তযঃ ।
কৃষ্ণলীলা জগুঃ প্রীত্যা নিষ্ককণ্ঠ্যঃ সুবাসসঃ ॥ ৩৩ ॥
কৃষ্ণলীলা জগুঃ প্রীত্যা নিষ্ককণ্ঠ্যঃ সুবাসসঃ ॥ ৩৩ ॥
তথা যশোদারোহিণ্যাবেকং শকটমাস্থিতে ।
রেজতুঃ কৃষ্ণরামাভ্যাং তত্কথাশ্রবণোত্সুকে ॥ ৩৪ ॥
রেজতুঃ কৃষ্ণরামাভ্যাং তত্কথাশ্রবণোত্সুকে ॥ ৩৪ ॥
বৃন্দাবনং সম্প্রবিশ্য সর্বকালসুখাবহম্ ।
তত্র চক্রুর্ব্রজাবাসং শকটৈরর্ধচন্দ্রবত্ ॥ ৩৫ ॥
তত্র চক্রুর্ব্রজাবাসং শকটৈরর্ধচন্দ্রবত্ ॥ ৩৫ ॥
বৃন্দাবনং গোবর্ধনং যমুনাপুলিনানি চ ।
বীক্ষ্যাসীদুত্তমা প্রীতী রামমাধবযোর্নৃপ ॥ ৩৬ ॥
বীক্ষ্যাসীদুত্তমা প্রীতী রামমাধবযোর্নৃপ ॥ ৩৬ ॥
এবং ব্রজৌকসাং প্রীতিং যচ্ছন্তৌ বালচেষ্টিতৈঃ ।
কলবাক্যৈঃ স্বকালেন বত্সপালৌ বভূবতুঃ ॥ ৩৭ ॥
কলবাক্যৈঃ স্বকালেন বত্সপালৌ বভূবতুঃ ॥ ৩৭ ॥
অবিদূরে ব্রজভুবঃ সহ গোপালদারকৈঃ ।
চারযামাসতুর্বত্সান্ নানাক্রীডাপরিচ্ছদৌ ॥ ৩৮ ॥
চারযামাসতুর্বত্সান্ নানাক্রীডাপরিচ্ছদৌ ॥ ৩৮ ॥
ক্বচিদ্বাদযতো বেণুং ক্ষেপণৈঃ ক্ষিপতঃ ক্বচিত্ ।
ক্বচিত্পাদৈঃ কিঙ্কিণীভিঃ ক্বচিত্কৃত্রিমগোবৃষৈঃ ॥ ৩৯ ॥
ক্বচিত্পাদৈঃ কিঙ্কিণীভিঃ ক্বচিত্কৃত্রিমগোবৃষৈঃ ॥ ৩৯ ॥
বৃষাযমাণৌ নর্দন্তৌ যুযুধাতে পরস্পরম্ ।
অনুকৃত্য রুতৈর্জন্তূংশ্চেরতুঃ প্রাকৃতৌ যথা ॥ ৪০ ॥
অনুকৃত্য রুতৈর্জন্তূংশ্চেরতুঃ প্রাকৃতৌ যথা ॥ ৪০ ॥
কদাচিদ্ যমুনাতীরে বত্সাংশ্চারযতোঃ স্বকৈঃ ।
বযস্যৈঃ কৃষ্ণবলযোর্জিঘাংসুর্দৈত্য আগমত্ ॥ ৪১ ॥
বযস্যৈঃ কৃষ্ণবলযোর্জিঘাংসুর্দৈত্য আগমত্ ॥ ৪১ ॥
তং বত্সরূপিণং বীক্ষ্য বত্সযূথগতং হরিঃ ।
দর্শযন্ বলদেবায শনৈর্মুগ্ধ ইবাসদত্ ॥ ৪২ ॥
দর্শযন্ বলদেবায শনৈর্মুগ্ধ ইবাসদত্ ॥ ৪২ ॥
গৃহীত্বাপরপাদাভ্যাং সহলাঙ্গূলমচ্যুতঃ ।
ভ্রামযিত্বা কপিত্থাগ্রে প্রাহিণোদ্গতজীবিতম্ ।
স কপিত্থৈর্মহাকাযঃ পাত্যমানৈঃ পপাত হ ॥ ৪৩ ॥
ভ্রামযিত্বা কপিত্থাগ্রে প্রাহিণোদ্গতজীবিতম্ ।
স কপিত্থৈর্মহাকাযঃ পাত্যমানৈঃ পপাত হ ॥ ৪৩ ॥
তং বীক্ষ্য বিস্মিতা বালাঃ শশংসুঃ সাধু সাধ্বিতি ।
দেবাশ্চ পরিসন্তুষ্টা বভূবুঃ পুষ্পবর্ষিণঃ ॥ ৪৪ ॥
দেবাশ্চ পরিসন্তুষ্টা বভূবুঃ পুষ্পবর্ষিণঃ ॥ ৪৪ ॥
তৌ বত্সপালকৌ ভূত্বা সর্বলোকৈকপালকৌ ।
সপ্রাতরাশৌ গোবত্সাংশ্চারযন্তৌ বিচেরতুঃ ॥ ৪৫ ॥
সপ্রাতরাশৌ গোবত্সাংশ্চারযন্তৌ বিচেরতুঃ ॥ ৪৫ ॥
স্বং স্বং বত্সকুলং সর্বে পাযযিষ্যন্ত একদা ।
গত্বা জলাশযাভ্যাশং পাযযিত্বা পপুর্জলম্ ॥ ৪৬ ॥
গত্বা জলাশযাভ্যাশং পাযযিত্বা পপুর্জলম্ ॥ ৪৬ ॥
তে তত্র দদৃশুর্বালা মহাসত্ত্বমবস্থিতম্ ।
তত্রসুর্বজ্রনির্ভিন্নং গিরেঃ শৃঙ্গমিব চ্যুতম্ ॥ ৪৭ ॥
তত্রসুর্বজ্রনির্ভিন্নং গিরেঃ শৃঙ্গমিব চ্যুতম্ ॥ ৪৭ ॥
স বৈ বকো নাম মহানসুরো বকরূপধৃক্ ।
আগত্য সহসা কৃষ্ণং তীক্ষ্ণতুণ্ডোঽগ্রসদ্ বলী ॥ ৪৮ ॥
আগত্য সহসা কৃষ্ণং তীক্ষ্ণতুণ্ডোঽগ্রসদ্ বলী ॥ ৪৮ ॥
কৃষ্ণং মহাবকগ্রস্তং দৃষ্ট্বা রামাদযোঽর্ভকাঃ ।
বভূবুরিন্দ্রিযাণীব বিনা প্রাণং বিচেতসঃ ॥ ৪৯ ॥
বভূবুরিন্দ্রিযাণীব বিনা প্রাণং বিচেতসঃ ॥ ৪৯ ॥
তং তালুমূলং প্রদহন্তমগ্নিবদ্
গোপালসূনুং পিতরং জগদ্গুরোঃ ।
চচ্ছর্দ সদ্যোঽতিরুষাক্ষতং বক-
স্তুণ্ডেন হন্তুং পুনরভ্যপদ্যত ॥ ৫০ ॥
গোপালসূনুং পিতরং জগদ্গুরোঃ ।
চচ্ছর্দ সদ্যোঽতিরুষাক্ষতং বক-
স্তুণ্ডেন হন্তুং পুনরভ্যপদ্যত ॥ ৫০ ॥
তমাপতন্তং স নিগৃহ্য তুণ্ডযো-
র্দোর্ভ্যাং বকং কংসসখং সতাং পতিঃ ।
পশ্যত্সু বালেষু দদার লীলযা
মুদাবহো বীরণবদ্ দিবৌকসাম্ ॥ ৫১ ॥
র্দোর্ভ্যাং বকং কংসসখং সতাং পতিঃ ।
পশ্যত্সু বালেষু দদার লীলযা
মুদাবহো বীরণবদ্ দিবৌকসাম্ ॥ ৫১ ॥
তদা বকারিং সুরলোকবাসিনঃ
সমাকিরন্ নন্দনমল্লিকাদিভিঃ ।
সমীডিরে চানকশঙ্খসংস্তবৈ-
স্তদ্ বীক্ষ্য গোপালসুতা বিসিস্মিরে ॥ ৫২ ॥
সমাকিরন্ নন্দনমল্লিকাদিভিঃ ।
সমীডিরে চানকশঙ্খসংস্তবৈ-
স্তদ্ বীক্ষ্য গোপালসুতা বিসিস্মিরে ॥ ৫২ ॥
মুক্তং বকাস্যাদুপলভ্য বালকা
রামাদযঃ প্রাণমিবেন্দ্রিযো গণঃ ।
স্থানাগতং তং পরিরভ্য নির্বৃতাঃ
প্রণীয বত্সান্ ব্রজমেত্য তজ্জগুঃ ॥ ৫৩ ॥
রামাদযঃ প্রাণমিবেন্দ্রিযো গণঃ ।
স্থানাগতং তং পরিরভ্য নির্বৃতাঃ
প্রণীয বত্সান্ ব্রজমেত্য তজ্জগুঃ ॥ ৫৩ ॥
শ্রুত্বা তদ্বিস্মিতা গোপা গোপ্যশ্চাতিপ্রিযাদৃতাঃ ।
প্রেত্যাগতমিবোত্সুক্যাদৈক্ষন্ত তৃষিতেক্ষণাঃ ॥ ৫৪ ॥
প্রেত্যাগতমিবোত্সুক্যাদৈক্ষন্ত তৃষিতেক্ষণাঃ ॥ ৫৪ ॥
অহো বতাস্য বালস্য বহবো মৃত্যবোঽভবন্ ।
অপ্যাসীদ্ বিপ্রিযং তেষাং কৃতং পূর্বং যতো ভযম্ ॥ ৫৫ ॥
অপ্যাসীদ্ বিপ্রিযং তেষাং কৃতং পূর্বং যতো ভযম্ ॥ ৫৫ ॥
অথাপ্যভিভবন্ত্যেনং নৈব তে ঘোরদর্শনাঃ ।
জিঘাংসযৈনমাসাদ্য নশ্যন্ত্যগ্নৌ পতঙ্গবত্ ॥ ৫৬ ॥
জিঘাংসযৈনমাসাদ্য নশ্যন্ত্যগ্নৌ পতঙ্গবত্ ॥ ৫৬ ॥
অহো ব্রহ্মবিদাং বাচো নাসত্যাঃ সন্তি কর্হিচিত্ ।
গর্গো যদাহ ভগবানন্বভাবি তথৈব তত্ ॥ ৫৭ ॥
গর্গো যদাহ ভগবানন্বভাবি তথৈব তত্ ॥ ৫৭ ॥
ইতি নন্দাদযো গোপাঃ কৃষ্ণরামকথাং মুদা ।
কুর্বন্তো রমমাণাশ্চ নাবিন্দন্ ভববেদনাম্ ॥ ৫৮ ॥
কুর্বন্তো রমমাণাশ্চ নাবিন্দন্ ভববেদনাম্ ॥ ৫৮ ॥
এবং বিহারৈঃ কৌমারৈঃ কৌমারং জহতুর্ব্রজে ।
নিলাযনৈঃ সেতুবন্ধৈর্মর্কটোত্প্লবনাদিভিঃ ॥ ৫৯ ॥
নিলাযনৈঃ সেতুবন্ধৈর্মর্কটোত্প্লবনাদিভিঃ ॥ ৫৯ ॥