ଶ୍ରୀଶୁକ ଉଵାଚ
ଗୋପା ନନ୍ଦାଦଯଃ ଶ୍ରୁତ୍ଵା ଦ୍ରୁମଯୋଃ ପତତୋରଵମ୍ ।
ତତ୍ରାଜଗ୍ମୁଃ କୁରୁଶ୍ରେଷ୍ଠ ନିର୍ଘାତଭଯଶଙ୍କିତାଃ ॥ ୧ ॥
ଗୋପା ନନ୍ଦାଦଯଃ ଶ୍ରୁତ୍ଵା ଦ୍ରୁମଯୋଃ ପତତୋରଵମ୍ ।
ତତ୍ରାଜଗ୍ମୁଃ କୁରୁଶ୍ରେଷ୍ଠ ନିର୍ଘାତଭଯଶଙ୍କିତାଃ ॥ ୧ ॥
ଭୂମ୍ଯାଂ ନିପତିତୌ ତତ୍ର ଦଦୃଶୁର୍ଯମଲାର୍ଜୁନୌ ।
ବଭ୍ରମୁସ୍ତଦଵିଜ୍ଞାଯ ଲକ୍ଷ୍ଯଂ ପତନକାରଣମ୍ ॥ ୨ ॥
ବଭ୍ରମୁସ୍ତଦଵିଜ୍ଞାଯ ଲକ୍ଷ୍ଯଂ ପତନକାରଣମ୍ ॥ ୨ ॥
ଉଲୂଖଲଂ ଵିକର୍ଷନ୍ତଂ ଦାମ୍ନା ବଦ୍ଧଂ ଚ ବାଲକମ୍ ।
କସ୍ଯେଦଂ କୁତ ଆଶ୍ଚର୍ଯମୁତ୍ପାତ ଇତି କାତରାଃ ॥ ୩ ॥
କସ୍ଯେଦଂ କୁତ ଆଶ୍ଚର୍ଯମୁତ୍ପାତ ଇତି କାତରାଃ ॥ ୩ ॥
ବାଲା ଊଚୁରନେନେତି ତିର୍ଯଗ୍ଗତମୁଲୂଖଲମ୍ ।
ଵିକର୍ଷତା ମଧ୍ଯଗେନ ପୁରୁଷାଵପ୍ଯଚକ୍ଷ୍ମହି ॥ ୪ ॥
ଵିକର୍ଷତା ମଧ୍ଯଗେନ ପୁରୁଷାଵପ୍ଯଚକ୍ଷ୍ମହି ॥ ୪ ॥
ନ ତେ ତଦୁକ୍ତଂ ଜଗୃହୁର୍ନ ଘଟେତେତି ତସ୍ଯ ତତ୍ ।
ବାଲସ୍ଯୋତ୍ପାଟନଂ ତର୍ଵୋଃ କେଚିତ୍ସନ୍ଦିଗ୍ଧଚେତସଃ ॥ ୫ ॥
ବାଲସ୍ଯୋତ୍ପାଟନଂ ତର୍ଵୋଃ କେଚିତ୍ସନ୍ଦିଗ୍ଧଚେତସଃ ॥ ୫ ॥
ଉଲୂଖଲଂ ଵିକର୍ଷନ୍ତଂ ଦାମ୍ନା ବଦ୍ଧଂ ସ୍ଵମାତ୍ମଜମ୍ ।
ଵିଲୋକ୍ଯ ନନ୍ଦଃ ପ୍ରହସଦ୍ଵଦନୋ ଵିମୁମୋଚ ହ ॥ ୬ ॥
ଵିଲୋକ୍ଯ ନନ୍ଦଃ ପ୍ରହସଦ୍ଵଦନୋ ଵିମୁମୋଚ ହ ॥ ୬ ॥
ଗୋପୀଭିଃ ସ୍ତୋଭିତୋଽନୃତ୍ଯଦ୍ ଭଗଵାନ୍ବାଲଵତ୍କ୍ଵଚିତ୍ ।
ଉଦ୍ଗାଯତି କ୍ଵଚିନ୍ମୁଗ୍ଧସ୍ତଦ୍ଵଶୋ ଦାରୁଯନ୍ତ୍ରଵତ୍ ॥ ୭ ॥
ଉଦ୍ଗାଯତି କ୍ଵଚିନ୍ମୁଗ୍ଧସ୍ତଦ୍ଵଶୋ ଦାରୁଯନ୍ତ୍ରଵତ୍ ॥ ୭ ॥
ବିଭର୍ତି କ୍ଵଚିଦାଜ୍ଞପ୍ତଃ ପୀଠକୋନ୍ମାନପାଦୁକମ୍ ।
ବାହୁକ୍ଷେପଂ ଚ କୁରୁତେ ସ୍ଵାନାଂ ଚ ପ୍ରୀତିମାଵହନ୍ ॥ ୮ ॥
ବାହୁକ୍ଷେପଂ ଚ କୁରୁତେ ସ୍ଵାନାଂ ଚ ପ୍ରୀତିମାଵହନ୍ ॥ ୮ ॥
ଦର୍ଶଯଂସ୍ତଦ୍ଵିଦାଂ ଲୋକ ଆତ୍ମନୋ ଭୃତ୍ଯଵଶ୍ଯତାମ୍ ।
ଵ୍ରଜସ୍ଯୋଵାହ ଵୈ ହର୍ଷଂ ଭଗଵାନ୍ ବାଲଚେଷ୍ଟିତୈଃ ॥ ୯ ॥
ଵ୍ରଜସ୍ଯୋଵାହ ଵୈ ହର୍ଷଂ ଭଗଵାନ୍ ବାଲଚେଷ୍ଟିତୈଃ ॥ ୯ ॥
କ୍ରୀଣୀହି ଭୋଃ ଫଲାନୀତି ଶ୍ରୁତ୍ଵା ସତ୍ଵରମଚ୍ଯୁତଃ ।
ଫଲାର୍ଥୀ ଧାନ୍ଯମାଦାଯ ଯଯୌ ସର୍ଵଫଲପ୍ରଦଃ ॥ ୧୦ ॥
ଫଲାର୍ଥୀ ଧାନ୍ଯମାଦାଯ ଯଯୌ ସର୍ଵଫଲପ୍ରଦଃ ॥ ୧୦ ॥
ଫଲଵିକ୍ରଯିଣୀ ତସ୍ଯ ଚ୍ଯୁତଧାନ୍ଯକରଦ୍ଵଯମ୍ ।
ଫଲୈରପୂରଯଦ୍ ରତ୍ନୈଃ ଫଲଭାଣ୍ଡମପୂରି ଚ ॥ ୧୧ ॥
ଫଲୈରପୂରଯଦ୍ ରତ୍ନୈଃ ଫଲଭାଣ୍ଡମପୂରି ଚ ॥ ୧୧ ॥
ସରିତ୍ତୀରଗତଂ କୃଷ୍ଣଂ ଭଗ୍ନାର୍ଜୁନମଥାହ୍ଵଯତ୍ ।
ରାମଂ ଚ ରୋହିଣୀ ଦେଵୀ କ୍ରୀଡନ୍ତଂ ବାଲକୈର୍ଭୃଶମ୍ ॥ ୧୨ ॥
ରାମଂ ଚ ରୋହିଣୀ ଦେଵୀ କ୍ରୀଡନ୍ତଂ ବାଲକୈର୍ଭୃଶମ୍ ॥ ୧୨ ॥
ନୋପେଯାତାଂ ଯଦାହୂତୌ କ୍ରୀଡାସଙ୍ଗେନ ପୁତ୍ରକୌ ।
ଯଶୋଦାଂ ପ୍ରେଷଯାମାସ ରୋହିଣୀ ପୁତ୍ରଵତ୍ସଲାମ୍ ॥ ୧୩ ॥
ଯଶୋଦାଂ ପ୍ରେଷଯାମାସ ରୋହିଣୀ ପୁତ୍ରଵତ୍ସଲାମ୍ ॥ ୧୩ ॥
କ୍ରୀଡନ୍ତଂ ସା ସୁତଂ ବାଲୈରତିଵେଲଂ ସହାଗ୍ରଜମ୍ ।
ଯଶୋଦାଜୋହଵୀତ୍କୃଷ୍ଣଂ ପୁତ୍ରସ୍ନେହସ୍ନୁତସ୍ତନୀ ॥ ୧୪ ॥
ଯଶୋଦାଜୋହଵୀତ୍କୃଷ୍ଣଂ ପୁତ୍ରସ୍ନେହସ୍ନୁତସ୍ତନୀ ॥ ୧୪ ॥
କୃଷ୍ଣ କୃଷ୍ଣାରଵିନ୍ଦାକ୍ଷ ତାତ ଏହି ସ୍ତନଂ ପିବ ।
ଅଲଂ ଵିହାରୈଃ କ୍ଷୁତ୍କ୍ଷାନ୍ତଃ କ୍ରୀଡାଶ୍ରାନ୍ତୋଽସି ପୁତ୍ରକ ॥ ୧୫ ॥
ଅଲଂ ଵିହାରୈଃ କ୍ଷୁତ୍କ୍ଷାନ୍ତଃ କ୍ରୀଡାଶ୍ରାନ୍ତୋଽସି ପୁତ୍ରକ ॥ ୧୫ ॥
ହେ ରାମାଗଚ୍ଛ ତାତାଶୁ ସାନୁଜଃ କୁଲନନ୍ଦନ ।
ପ୍ରାତରେଵ କୃତାହାରସ୍ତଦ୍ ଭଵାନ୍ଭୋକ୍ତୁମର୍ହତି ॥ ୧୬ ॥
ପ୍ରାତରେଵ କୃତାହାରସ୍ତଦ୍ ଭଵାନ୍ଭୋକ୍ତୁମର୍ହତି ॥ ୧୬ ॥
ପ୍ରତୀକ୍ଷତେତ୍ଵାଂ ଦାଶାର୍ହ ଭୋକ୍ଷ୍ଯମାଣୋ ଵ୍ରଜାଧିପଃ ।
ଏହ୍ଯାଵଯୋଃ ପ୍ରିଯଂ ଧେହି ସ୍ଵଗୃହାନ୍ଯାତ ବାଲକାଃ ॥ ୧୭ ॥
ଏହ୍ଯାଵଯୋଃ ପ୍ରିଯଂ ଧେହି ସ୍ଵଗୃହାନ୍ଯାତ ବାଲକାଃ ॥ ୧୭ ॥
ଧୂଲିଧୂସରିତାଙ୍ଗସ୍ତ୍ଵଂ ପୁତ୍ର ମଜ୍ଜନମାଵହ ।
ଜନ୍ମର୍କ୍ଷଂ ତେଽଦ୍ଯ ଭଵତି ଵିପ୍ରେଭ୍ଯୋ ଦେହି ଗାଃ ଶୁଚିଃ ॥ ୧୮ ॥
ଜନ୍ମର୍କ୍ଷଂ ତେଽଦ୍ଯ ଭଵତି ଵିପ୍ରେଭ୍ଯୋ ଦେହି ଗାଃ ଶୁଚିଃ ॥ ୧୮ ॥
ପଶ୍ଯ ପଶ୍ଯ ଵଯସ୍ଯାଂସ୍ତେ ମାତୃମୃଷ୍ଟାନ୍ସ୍ଵଲଙ୍କୃତାନ୍ ।
ତ୍ଵଂ ଚ ସ୍ନାତଃ କୃତାହାରୋ ଵିହରସ୍ଵ ସ୍ଵଲଙ୍କୃତଃ ॥ ୧୯ ॥
ତ୍ଵଂ ଚ ସ୍ନାତଃ କୃତାହାରୋ ଵିହରସ୍ଵ ସ୍ଵଲଙ୍କୃତଃ ॥ ୧୯ ॥
ଇତ୍ଥଂ ଯଶୋଦା ତମଶେଷଶେଖରଂ
ମତ୍ଵା ସୁତଂ ସ୍ନେହନିବଦ୍ଧଧୀର୍ନୃପ ।
ହସ୍ତେ ଗୃହୀତ୍ଵା ସହରାମମଚ୍ଯୁତଂ
ନୀତ୍ଵା ସ୍ଵଵାଟଂ କୃତଵତ୍ଯଥୋଦଯମ୍ ॥ ୨୦ ॥
ମତ୍ଵା ସୁତଂ ସ୍ନେହନିବଦ୍ଧଧୀର୍ନୃପ ।
ହସ୍ତେ ଗୃହୀତ୍ଵା ସହରାମମଚ୍ଯୁତଂ
ନୀତ୍ଵା ସ୍ଵଵାଟଂ କୃତଵତ୍ଯଥୋଦଯମ୍ ॥ ୨୦ ॥
ଶ୍ରୀଶୁକ ଉଵାଚ
ଗୋପଵୃଦ୍ଧା ମହୋତ୍ପାତାନନୁଭୂଯ ବୃହଦ୍ଵନେ ।
ନନ୍ଦାଦଯଃ ସମାଗମ୍ଯ ଵ୍ରଜକାର୍ଯମମନ୍ତ୍ରଯନ୍ ॥ ୨୧ ॥
ଗୋପଵୃଦ୍ଧା ମହୋତ୍ପାତାନନୁଭୂଯ ବୃହଦ୍ଵନେ ।
ନନ୍ଦାଦଯଃ ସମାଗମ୍ଯ ଵ୍ରଜକାର୍ଯମମନ୍ତ୍ରଯନ୍ ॥ ୨୧ ॥
ତତ୍ରୋପାନନ୍ଦନାମାହ ଗୋପୋ ଜ୍ଞାନଵଯୋଽଧିକଃ ।
ଦେଶକାଲାର୍ଥତତ୍ତ୍ଵଜ୍ଞଃ ପ୍ରିଯକୃଦ୍ ରାମକୃଷ୍ଣଯୋଃ ॥ ୨୨ ॥
ଦେଶକାଲାର୍ଥତତ୍ତ୍ଵଜ୍ଞଃ ପ୍ରିଯକୃଦ୍ ରାମକୃଷ୍ଣଯୋଃ ॥ ୨୨ ॥
ଉତ୍ଥାତଵ୍ଯମିତୋଽସ୍ମାଭିର୍ଗୋକୁଲସ୍ଯ ହିତୈଷିଭିଃ ।
ଆଯାନ୍ତ୍ଯତ୍ର ମହୋତ୍ପାତା ବାଲାନାଂ ନାଶହେତଵଃ ॥ ୨୩ ॥
ଆଯାନ୍ତ୍ଯତ୍ର ମହୋତ୍ପାତା ବାଲାନାଂ ନାଶହେତଵଃ ॥ ୨୩ ॥
ମୁକ୍ତଃ କଥଞ୍ଚିଦ୍ରାକ୍ଷସ୍ଯା ବାଲଘ୍ନ୍ଯା ବାଲକୋ ହ୍ଯସୌ ।
ହରେରନୁଗ୍ରହାନ୍ନୂନମନଶ୍ଚୋପରି ନାପତତ୍ ॥ ୨୪ ॥
ହରେରନୁଗ୍ରହାନ୍ନୂନମନଶ୍ଚୋପରି ନାପତତ୍ ॥ ୨୪ ॥
ଚକ୍ରଵାତେନ ନୀତୋଽଯଂ ଦୈତ୍ଯେନ ଵିପଦଂ ଵିଯତ୍ ।
ଶିଲାଯାଂ ପତିତସ୍ତତ୍ର ପରିତ୍ରାତଃ ସୁରେଶ୍ଵରୈଃ ॥ ୨୫ ॥
ଶିଲାଯାଂ ପତିତସ୍ତତ୍ର ପରିତ୍ରାତଃ ସୁରେଶ୍ଵରୈଃ ॥ ୨୫ ॥
ଯନ୍ନ ମ୍ରିଯେତ ଦ୍ରୁମଯୋରନ୍ତରଂ ପ୍ରାପ୍ଯ ବାଲକଃ ।
ଅସାଵନ୍ଯତମୋ ଵାପି ତଦପ୍ଯଚ୍ଯୁତରକ୍ଷଣମ୍ ॥ ୨୬ ॥
ଅସାଵନ୍ଯତମୋ ଵାପି ତଦପ୍ଯଚ୍ଯୁତରକ୍ଷଣମ୍ ॥ ୨୬ ॥
ଯାଵଦୌତ୍ପାତିକୋଽରିଷ୍ଟୋ ଵ୍ରଜଂ ନାଭିଭଵେଦିତଃ ।
ତାଵଦ୍ବାଲାନୁପାଦାଯ ଯାସ୍ଯାମୋଽନ୍ଯତ୍ର ସାନୁଗାଃ ॥ ୨୭ ॥
ତାଵଦ୍ବାଲାନୁପାଦାଯ ଯାସ୍ଯାମୋଽନ୍ଯତ୍ର ସାନୁଗାଃ ॥ ୨୭ ॥
ଵନଂ ଵୃନ୍ଦାଵନଂ ନାମ ପଶଵ୍ଯଂ ନଵକାନନମ୍ ।
ଗୋପଗୋପୀଗଵାଂ ସେଵ୍ଯଂ ପୁଣ୍ଯାଦ୍ରିତୃଣଵୀରୁଧମ୍ ॥ ୨୮ ॥
ଗୋପଗୋପୀଗଵାଂ ସେଵ୍ଯଂ ପୁଣ୍ଯାଦ୍ରିତୃଣଵୀରୁଧମ୍ ॥ ୨୮ ॥
ତତ୍ତତ୍ରାଦ୍ଯୈଵ ଯାସ୍ଯାମଃ ଶକଟାନ୍ ଯୁଙ୍ତ ମା ଚିରମ୍ ।
ଗୋଧନାନ୍ଯଗ୍ରତୋ ଯାନ୍ତୁ ଭଵତାଂ ଯଦି ରୋଚତେ ॥ ୨୯ ॥
ଗୋଧନାନ୍ଯଗ୍ରତୋ ଯାନ୍ତୁ ଭଵତାଂ ଯଦି ରୋଚତେ ॥ ୨୯ ॥
ତଚ୍ଛ୍ରୁତ୍ଵୈକଧିଯୋ ଗୋପାଃ ସାଧୁ ସାଧ୍ଵିତି ଵାଦିନଃ ।
ଵ୍ରଜାନ୍ସ୍ଵାନ୍ସ୍ଵାନ୍ସମାଯୁଜ୍ଯ ଯଯୂ ରୂଢପରିଚ୍ଛଦାଃ ॥ ୩୦ ॥
ଵ୍ରଜାନ୍ସ୍ଵାନ୍ସ୍ଵାନ୍ସମାଯୁଜ୍ଯ ଯଯୂ ରୂଢପରିଚ୍ଛଦାଃ ॥ ୩୦ ॥
ଵୃଦ୍ଧାନ୍ବାଲାନ୍ସ୍ତ୍ରିଯୋ ରାଜନ୍ସର୍ଵୋପକରଣାନି ଚ ।
ଅନଃସ୍ଵାରୋପ୍ଯ ଗୋପାଲା ଯତ୍ତା ଆତ୍ତଶରାସନାଃ ॥ ୩୧ ॥
ଅନଃସ୍ଵାରୋପ୍ଯ ଗୋପାଲା ଯତ୍ତା ଆତ୍ତଶରାସନାଃ ॥ ୩୧ ॥
ଗୋଧନାନି ପୁରସ୍କୃତ୍ଯ ଶୃଙ୍ଗାଣ୍ଯାପୂର୍ଯ ସର୍ଵତଃ ।
ତୂର୍ଯଘୋଷେଣ ମହତା ଯଯୁଃ ସହପୁରୋହିତାଃ ॥ ୩୨ ॥
ତୂର୍ଯଘୋଷେଣ ମହତା ଯଯୁଃ ସହପୁରୋହିତାଃ ॥ ୩୨ ॥
ଗୋପ୍ଯୋ ରୂଢରଥା ନୂତ୍ନକୁଚକୁଙ୍କୁମକାନ୍ତଯଃ ।
କୃଷ୍ଣଲୀଲା ଜଗୁଃ ପ୍ରୀତ୍ଯା ନିଷ୍କକଣ୍ଠ୍ଯଃ ସୁଵାସସଃ ॥ ୩୩ ॥
କୃଷ୍ଣଲୀଲା ଜଗୁଃ ପ୍ରୀତ୍ଯା ନିଷ୍କକଣ୍ଠ୍ଯଃ ସୁଵାସସଃ ॥ ୩୩ ॥
ତଥା ଯଶୋଦାରୋହିଣ୍ଯାଵେକଂ ଶକଟମାସ୍ଥିତେ ।
ରେଜତୁଃ କୃଷ୍ଣରାମାଭ୍ଯାଂ ତତ୍କଥାଶ୍ରଵଣୋତ୍ସୁକେ ॥ ୩୪ ॥
ରେଜତୁଃ କୃଷ୍ଣରାମାଭ୍ଯାଂ ତତ୍କଥାଶ୍ରଵଣୋତ୍ସୁକେ ॥ ୩୪ ॥
ଵୃନ୍ଦାଵନଂ ସମ୍ପ୍ରଵିଶ୍ଯ ସର୍ଵକାଲସୁଖାଵହମ୍ ।
ତତ୍ର ଚକ୍ରୁର୍ଵ୍ରଜାଵାସଂ ଶକଟୈରର୍ଧଚନ୍ଦ୍ରଵତ୍ ॥ ୩୫ ॥
ତତ୍ର ଚକ୍ରୁର୍ଵ୍ରଜାଵାସଂ ଶକଟୈରର୍ଧଚନ୍ଦ୍ରଵତ୍ ॥ ୩୫ ॥
ଵୃନ୍ଦାଵନଂ ଗୋଵର୍ଧନଂ ଯମୁନାପୁଲିନାନି ଚ ।
ଵୀକ୍ଷ୍ଯାସୀଦୁତ୍ତମା ପ୍ରୀତୀ ରାମମାଧଵଯୋର୍ନୃପ ॥ ୩୬ ॥
ଵୀକ୍ଷ୍ଯାସୀଦୁତ୍ତମା ପ୍ରୀତୀ ରାମମାଧଵଯୋର୍ନୃପ ॥ ୩୬ ॥
ଏଵଂ ଵ୍ରଜୌକସାଂ ପ୍ରୀତିଂ ଯଚ୍ଛନ୍ତୌ ବାଲଚେଷ୍ଟିତୈଃ ।
କଲଵାକ୍ଯୈଃ ସ୍ଵକାଲେନ ଵତ୍ସପାଲୌ ବଭୂଵତୁଃ ॥ ୩୭ ॥
କଲଵାକ୍ଯୈଃ ସ୍ଵକାଲେନ ଵତ୍ସପାଲୌ ବଭୂଵତୁଃ ॥ ୩୭ ॥
ଅଵିଦୂରେ ଵ୍ରଜଭୁଵଃ ସହ ଗୋପାଲଦାରକୈଃ ।
ଚାରଯାମାସତୁର୍ଵତ୍ସାନ୍ ନାନାକ୍ରୀଡାପରିଚ୍ଛଦୌ ॥ ୩୮ ॥
ଚାରଯାମାସତୁର୍ଵତ୍ସାନ୍ ନାନାକ୍ରୀଡାପରିଚ୍ଛଦୌ ॥ ୩୮ ॥
କ୍ଵଚିଦ୍ଵାଦଯତୋ ଵେଣୁଂ କ୍ଷେପଣୈଃ କ୍ଷିପତଃ କ୍ଵଚିତ୍ ।
କ୍ଵଚିତ୍ପାଦୈଃ କିଙ୍କିଣୀଭିଃ କ୍ଵଚିତ୍କୃତ୍ରିମଗୋଵୃଷୈଃ ॥ ୩୯ ॥
କ୍ଵଚିତ୍ପାଦୈଃ କିଙ୍କିଣୀଭିଃ କ୍ଵଚିତ୍କୃତ୍ରିମଗୋଵୃଷୈଃ ॥ ୩୯ ॥
ଵୃଷାଯମାଣୌ ନର୍ଦନ୍ତୌ ଯୁଯୁଧାତେ ପରସ୍ପରମ୍ ।
ଅନୁକୃତ୍ଯ ରୁତୈର୍ଜନ୍ତୂଂଶ୍ଚେରତୁଃ ପ୍ରାକୃତୌ ଯଥା ॥ ୪୦ ॥
ଅନୁକୃତ୍ଯ ରୁତୈର୍ଜନ୍ତୂଂଶ୍ଚେରତୁଃ ପ୍ରାକୃତୌ ଯଥା ॥ ୪୦ ॥
କଦାଚିଦ୍ ଯମୁନାତୀରେ ଵତ୍ସାଂଶ୍ଚାରଯତୋଃ ସ୍ଵକୈଃ ।
ଵଯସ୍ଯୈଃ କୃଷ୍ଣବଲଯୋର୍ଜିଘାଂସୁର୍ଦୈତ୍ଯ ଆଗମତ୍ ॥ ୪୧ ॥
ଵଯସ୍ଯୈଃ କୃଷ୍ଣବଲଯୋର୍ଜିଘାଂସୁର୍ଦୈତ୍ଯ ଆଗମତ୍ ॥ ୪୧ ॥
ତଂ ଵତ୍ସରୂପିଣଂ ଵୀକ୍ଷ୍ଯ ଵତ୍ସଯୂଥଗତଂ ହରିଃ ।
ଦର୍ଶଯନ୍ ବଲଦେଵାଯ ଶନୈର୍ମୁଗ୍ଧ ଇଵାସଦତ୍ ॥ ୪୨ ॥
ଦର୍ଶଯନ୍ ବଲଦେଵାଯ ଶନୈର୍ମୁଗ୍ଧ ଇଵାସଦତ୍ ॥ ୪୨ ॥
ଗୃହୀତ୍ଵାପରପାଦାଭ୍ଯାଂ ସହଲାଙ୍ଗୂଲମଚ୍ଯୁତଃ ।
ଭ୍ରାମଯିତ୍ଵା କପିତ୍ଥାଗ୍ରେ ପ୍ରାହିଣୋଦ୍ଗତଜୀଵିତମ୍ ।
ସ କପିତ୍ଥୈର୍ମହାକାଯଃ ପାତ୍ଯମାନୈଃ ପପାତ ହ ॥ ୪୩ ॥
ଭ୍ରାମଯିତ୍ଵା କପିତ୍ଥାଗ୍ରେ ପ୍ରାହିଣୋଦ୍ଗତଜୀଵିତମ୍ ।
ସ କପିତ୍ଥୈର୍ମହାକାଯଃ ପାତ୍ଯମାନୈଃ ପପାତ ହ ॥ ୪୩ ॥
ତଂ ଵୀକ୍ଷ୍ଯ ଵିସ୍ମିତା ବାଲାଃ ଶଶଂସୁଃ ସାଧୁ ସାଧ୍ଵିତି ।
ଦେଵାଶ୍ଚ ପରିସନ୍ତୁଷ୍ଟା ବଭୂଵୁଃ ପୁଷ୍ପଵର୍ଷିଣଃ ॥ ୪୪ ॥
ଦେଵାଶ୍ଚ ପରିସନ୍ତୁଷ୍ଟା ବଭୂଵୁଃ ପୁଷ୍ପଵର୍ଷିଣଃ ॥ ୪୪ ॥
ତୌ ଵତ୍ସପାଲକୌ ଭୂତ୍ଵା ସର୍ଵଲୋକୈକପାଲକୌ ।
ସପ୍ରାତରାଶୌ ଗୋଵତ୍ସାଂଶ୍ଚାରଯନ୍ତୌ ଵିଚେରତୁଃ ॥ ୪୫ ॥
ସପ୍ରାତରାଶୌ ଗୋଵତ୍ସାଂଶ୍ଚାରଯନ୍ତୌ ଵିଚେରତୁଃ ॥ ୪୫ ॥
ସ୍ଵଂ ସ୍ଵଂ ଵତ୍ସକୁଲଂ ସର୍ଵେ ପାଯଯିଷ୍ଯନ୍ତ ଏକଦା ।
ଗତ୍ଵା ଜଲାଶଯାଭ୍ଯାଶଂ ପାଯଯିତ୍ଵା ପପୁର୍ଜଲମ୍ ॥ ୪୬ ॥
ଗତ୍ଵା ଜଲାଶଯାଭ୍ଯାଶଂ ପାଯଯିତ୍ଵା ପପୁର୍ଜଲମ୍ ॥ ୪୬ ॥
ତେ ତତ୍ର ଦଦୃଶୁର୍ବାଲା ମହାସତ୍ତ୍ଵମଵସ୍ଥିତମ୍ ।
ତତ୍ରସୁର୍ଵଜ୍ରନିର୍ଭିନ୍ନଂ ଗିରେଃ ଶୃଙ୍ଗମିଵ ଚ୍ଯୁତମ୍ ॥ ୪୭ ॥
ତତ୍ରସୁର୍ଵଜ୍ରନିର୍ଭିନ୍ନଂ ଗିରେଃ ଶୃଙ୍ଗମିଵ ଚ୍ଯୁତମ୍ ॥ ୪୭ ॥
ସ ଵୈ ବକୋ ନାମ ମହାନସୁରୋ ବକରୂପଧୃକ୍ ।
ଆଗତ୍ଯ ସହସା କୃଷ୍ଣଂ ତୀକ୍ଷ୍ଣତୁଣ୍ଡୋଽଗ୍ରସଦ୍ ବଲୀ ॥ ୪୮ ॥
ଆଗତ୍ଯ ସହସା କୃଷ୍ଣଂ ତୀକ୍ଷ୍ଣତୁଣ୍ଡୋଽଗ୍ରସଦ୍ ବଲୀ ॥ ୪୮ ॥
କୃଷ୍ଣଂ ମହାବକଗ୍ରସ୍ତଂ ଦୃଷ୍ଟ୍ଵା ରାମାଦଯୋଽର୍ଭକାଃ ।
ବଭୂଵୁରିନ୍ଦ୍ରିଯାଣୀଵ ଵିନା ପ୍ରାଣଂ ଵିଚେତସଃ ॥ ୪୯ ॥
ବଭୂଵୁରିନ୍ଦ୍ରିଯାଣୀଵ ଵିନା ପ୍ରାଣଂ ଵିଚେତସଃ ॥ ୪୯ ॥
ତଂ ତାଲୁମୂଲଂ ପ୍ରଦହନ୍ତମଗ୍ନିଵଦ୍
ଗୋପାଲସୂନୁଂ ପିତରଂ ଜଗଦ୍ଗୁରୋଃ ।
ଚଚ୍ଛର୍ଦ ସଦ୍ଯୋଽତିରୁଷାକ୍ଷତଂ ବକ-
ସ୍ତୁଣ୍ଡେନ ହନ୍ତୁଂ ପୁନରଭ୍ଯପଦ୍ଯତ ॥ ୫୦ ॥
ଗୋପାଲସୂନୁଂ ପିତରଂ ଜଗଦ୍ଗୁରୋଃ ।
ଚଚ୍ଛର୍ଦ ସଦ୍ଯୋଽତିରୁଷାକ୍ଷତଂ ବକ-
ସ୍ତୁଣ୍ଡେନ ହନ୍ତୁଂ ପୁନରଭ୍ଯପଦ୍ଯତ ॥ ୫୦ ॥
ତମାପତନ୍ତଂ ସ ନିଗୃହ୍ଯ ତୁଣ୍ଡଯୋ-
ର୍ଦୋର୍ଭ୍ଯାଂ ବକଂ କଂସସଖଂ ସତାଂ ପତିଃ ।
ପଶ୍ଯତ୍ସୁ ବାଲେଷୁ ଦଦାର ଲୀଲଯା
ମୁଦାଵହୋ ଵୀରଣଵଦ୍ ଦିଵୌକସାମ୍ ॥ ୫୧ ॥
ର୍ଦୋର୍ଭ୍ଯାଂ ବକଂ କଂସସଖଂ ସତାଂ ପତିଃ ।
ପଶ୍ଯତ୍ସୁ ବାଲେଷୁ ଦଦାର ଲୀଲଯା
ମୁଦାଵହୋ ଵୀରଣଵଦ୍ ଦିଵୌକସାମ୍ ॥ ୫୧ ॥
ତଦା ବକାରିଂ ସୁରଲୋକଵାସିନଃ
ସମାକିରନ୍ ନନ୍ଦନମଲ୍ଲିକାଦିଭିଃ ।
ସମୀଡିରେ ଚାନକଶଙ୍ଖସଂସ୍ତଵୈ-
ସ୍ତଦ୍ ଵୀକ୍ଷ୍ଯ ଗୋପାଲସୁତା ଵିସିସ୍ମିରେ ॥ ୫୨ ॥
ସମାକିରନ୍ ନନ୍ଦନମଲ୍ଲିକାଦିଭିଃ ।
ସମୀଡିରେ ଚାନକଶଙ୍ଖସଂସ୍ତଵୈ-
ସ୍ତଦ୍ ଵୀକ୍ଷ୍ଯ ଗୋପାଲସୁତା ଵିସିସ୍ମିରେ ॥ ୫୨ ॥
ମୁକ୍ତଂ ବକାସ୍ଯାଦୁପଲଭ୍ଯ ବାଲକା
ରାମାଦଯଃ ପ୍ରାଣମିଵେନ୍ଦ୍ରିଯୋ ଗଣଃ ।
ସ୍ଥାନାଗତଂ ତଂ ପରିରଭ୍ଯ ନିର୍ଵୃତାଃ
ପ୍ରଣୀଯ ଵତ୍ସାନ୍ ଵ୍ରଜମେତ୍ଯ ତଜ୍ଜଗୁଃ ॥ ୫୩ ॥
ରାମାଦଯଃ ପ୍ରାଣମିଵେନ୍ଦ୍ରିଯୋ ଗଣଃ ।
ସ୍ଥାନାଗତଂ ତଂ ପରିରଭ୍ଯ ନିର୍ଵୃତାଃ
ପ୍ରଣୀଯ ଵତ୍ସାନ୍ ଵ୍ରଜମେତ୍ଯ ତଜ୍ଜଗୁଃ ॥ ୫୩ ॥
ଶ୍ରୁତ୍ଵା ତଦ୍ଵିସ୍ମିତା ଗୋପା ଗୋପ୍ଯଶ୍ଚାତିପ୍ରିଯାଦୃତାଃ ।
ପ୍ରେତ୍ଯାଗତମିଵୋତ୍ସୁକ୍ଯାଦୈକ୍ଷନ୍ତ ତୃଷିତେକ୍ଷଣାଃ ॥ ୫୪ ॥
ପ୍ରେତ୍ଯାଗତମିଵୋତ୍ସୁକ୍ଯାଦୈକ୍ଷନ୍ତ ତୃଷିତେକ୍ଷଣାଃ ॥ ୫୪ ॥
ଅହୋ ବତାସ୍ଯ ବାଲସ୍ଯ ବହଵୋ ମୃତ୍ଯଵୋଽଭଵନ୍ ।
ଅପ୍ଯାସୀଦ୍ ଵିପ୍ରିଯଂ ତେଷାଂ କୃତଂ ପୂର୍ଵଂ ଯତୋ ଭଯମ୍ ॥ ୫୫ ॥
ଅପ୍ଯାସୀଦ୍ ଵିପ୍ରିଯଂ ତେଷାଂ କୃତଂ ପୂର୍ଵଂ ଯତୋ ଭଯମ୍ ॥ ୫୫ ॥
ଅଥାପ୍ଯଭିଭଵନ୍ତ୍ଯେନଂ ନୈଵ ତେ ଘୋରଦର୍ଶନାଃ ।
ଜିଘାଂସଯୈନମାସାଦ୍ଯ ନଶ୍ଯନ୍ତ୍ଯଗ୍ନୌ ପତଙ୍ଗଵତ୍ ॥ ୫୬ ॥
ଜିଘାଂସଯୈନମାସାଦ୍ଯ ନଶ୍ଯନ୍ତ୍ଯଗ୍ନୌ ପତଙ୍ଗଵତ୍ ॥ ୫୬ ॥
ଅହୋ ବ୍ରହ୍ମଵିଦାଂ ଵାଚୋ ନାସତ୍ଯାଃ ସନ୍ତି କର୍ହିଚିତ୍ ।
ଗର୍ଗୋ ଯଦାହ ଭଗଵାନନ୍ଵଭାଵି ତଥୈଵ ତତ୍ ॥ ୫୭ ॥
ଗର୍ଗୋ ଯଦାହ ଭଗଵାନନ୍ଵଭାଵି ତଥୈଵ ତତ୍ ॥ ୫୭ ॥
ଇତି ନନ୍ଦାଦଯୋ ଗୋପାଃ କୃଷ୍ଣରାମକଥାଂ ମୁଦା ।
କୁର୍ଵନ୍ତୋ ରମମାଣାଶ୍ଚ ନାଵିନ୍ଦନ୍ ଭଵଵେଦନାମ୍ ॥ ୫୮ ॥
କୁର୍ଵନ୍ତୋ ରମମାଣାଶ୍ଚ ନାଵିନ୍ଦନ୍ ଭଵଵେଦନାମ୍ ॥ ୫୮ ॥
ଏଵଂ ଵିହାରୈଃ କୌମାରୈଃ କୌମାରଂ ଜହତୁର୍ଵ୍ରଜେ ।
ନିଲାଯନୈଃ ସେତୁବନ୍ଧୈର୍ମର୍କଟୋତ୍ପ୍ଲଵନାଦିଭିଃ ॥ ୫୯ ॥
ନିଲାଯନୈଃ ସେତୁବନ୍ଧୈର୍ମର୍କଟୋତ୍ପ୍ଲଵନାଦିଭିଃ ॥ ୫୯ ॥