শ্রীশুক উবাচ
ক্বচিদ্ বনাশায মনো দধদ্ব্রজাত্
প্রাতঃ সমুত্থায বযস্যবত্সপান্ ।
প্রবোধযঞ্ছৃঙ্গরবেণ চারুণা
বিনির্গতো বত্সপুরঃসরো হরিঃ ॥ ১ ॥
ক্বচিদ্ বনাশায মনো দধদ্ব্রজাত্
প্রাতঃ সমুত্থায বযস্যবত্সপান্ ।
প্রবোধযঞ্ছৃঙ্গরবেণ চারুণা
বিনির্গতো বত্সপুরঃসরো হরিঃ ॥ ১ ॥
তেনৈব সাকং পৃথুকাঃ সহস্রশঃ
স্নিগ্ধাঃ সুশিগ্বেত্রবিষাণবেণবঃ ।
স্বান্ স্বান্ সহস্রোপরিসঙ্খ্যযান্বিতান্
বত্সান্ পুরস্কৃত্য বিনির্যযুর্মুদা ॥ ২ ॥
স্নিগ্ধাঃ সুশিগ্বেত্রবিষাণবেণবঃ ।
স্বান্ স্বান্ সহস্রোপরিসঙ্খ্যযান্বিতান্
বত্সান্ পুরস্কৃত্য বিনির্যযুর্মুদা ॥ ২ ॥
কৃষ্ণবত্সৈরসঙ্খ্যাতৈর্যূথীকৃত্য স্ববত্সকান্ ।
চারযন্তোঽর্ভলীলাভির্বিজহ্রুস্তত্র তত্র হ ॥ ৩ ॥
চারযন্তোঽর্ভলীলাভির্বিজহ্রুস্তত্র তত্র হ ॥ ৩ ॥
ফলপ্রবালস্তবকসুমনঃপিচ্ছধাতুভিঃ ।
কাচগুঞ্জামণিস্বর্ণভূষিতা অপ্যভূষযন্ ॥ ৪ ॥
কাচগুঞ্জামণিস্বর্ণভূষিতা অপ্যভূষযন্ ॥ ৪ ॥
মুষ্ণন্তোঽন্যোন্যশিক্যাদীন্জ্ঞাতানারাচ্চ চিক্ষিপুঃ ।
তত্রত্যাশ্চ পুনর্দূরাদ্ধসন্তশ্চ পুনর্দদুঃ ॥ ৫ ॥
তত্রত্যাশ্চ পুনর্দূরাদ্ধসন্তশ্চ পুনর্দদুঃ ॥ ৫ ॥
যদি দূরং গতঃ কৃষ্ণো বনশোভেক্ষণায তম্ ।
অহং পূর্বমহং পূর্বমিতি সংস্পৃশ্য রেমিরে ॥ ৬ ॥
অহং পূর্বমহং পূর্বমিতি সংস্পৃশ্য রেমিরে ॥ ৬ ॥
কেচিদ্বেণূন্বাদযন্তো ধ্মান্তঃ শৃঙ্গাণি কেচন ।
কেচিদ্ভৃঙ্গৈঃ প্রগাযন্তঃ কূজন্তঃ কোকিলৈঃ পরে ॥ ৭ ॥
কেচিদ্ভৃঙ্গৈঃ প্রগাযন্তঃ কূজন্তঃ কোকিলৈঃ পরে ॥ ৭ ॥
বিচ্ছাযাভিঃ প্রধাবন্তো গচ্ছন্তঃ সাধু হংসকৈঃ ।
বকৈরুপবিশন্তশ্চ নৃত্যন্তশ্চ কলাপিভিঃ ॥ ৮ ॥
বকৈরুপবিশন্তশ্চ নৃত্যন্তশ্চ কলাপিভিঃ ॥ ৮ ॥
বিকর্ষন্তঃ কীশবালানারোহন্তশ্চ তৈর্দ্রুমান্ ।
বিকুর্বন্তশ্চ তৈঃ সাকং প্লবন্তশ্চ পলাশিষু ॥ ৯ ॥
বিকুর্বন্তশ্চ তৈঃ সাকং প্লবন্তশ্চ পলাশিষু ॥ ৯ ॥
সাকং ভেকৈর্বিলঙ্ঘন্তঃ সরিতঃ স্রবসম্প্লুতাঃ ।
বিহসন্তঃ প্রতিচ্ছাযাঃ শপন্তশ্চ প্রতিস্বনান্ ॥ ১০ ॥
বিহসন্তঃ প্রতিচ্ছাযাঃ শপন্তশ্চ প্রতিস্বনান্ ॥ ১০ ॥
ইত্থং সতাং ব্রহ্মসুখানুভূত্যা
দাস্যং গতানাং পরদৈবতেন ।
মাযাশ্রিতানাং নরদারকেণ
সাকং বিজহ্রুঃ কৃতপুণ্যপুঞ্জাঃ ॥ ১১ ॥
দাস্যং গতানাং পরদৈবতেন ।
মাযাশ্রিতানাং নরদারকেণ
সাকং বিজহ্রুঃ কৃতপুণ্যপুঞ্জাঃ ॥ ১১ ॥
যত্পাদপাংসুর্বহুজন্মকৃচ্ছ্রতো
ধৃতাত্মভির্যোগিভিরপ্যলভ্যঃ ।
স এব যদ্ দৃগ্বিষযঃ স্বযং স্থিতঃ
কিং বর্ণ্যতে দিষ্টমতো ব্রজৌকসাম্ ॥ ১২ ॥
ধৃতাত্মভির্যোগিভিরপ্যলভ্যঃ ।
স এব যদ্ দৃগ্বিষযঃ স্বযং স্থিতঃ
কিং বর্ণ্যতে দিষ্টমতো ব্রজৌকসাম্ ॥ ১২ ॥
অথাঘনামাভ্যপতন্মহাসুর-
স্তেষাং সুখক্রীডনবীক্ষণাক্ষমঃ ।
নিত্যং যদন্তর্নিজজীবিতেপ্সুভিঃ
পীতামৃতৈরপ্যমরৈঃ প্রতীক্ষ্যতে ॥ ১৩ ॥
স্তেষাং সুখক্রীডনবীক্ষণাক্ষমঃ ।
নিত্যং যদন্তর্নিজজীবিতেপ্সুভিঃ
পীতামৃতৈরপ্যমরৈঃ প্রতীক্ষ্যতে ॥ ১৩ ॥
দৃষ্ট্বার্ভকান্ কৃষ্ণমুখানঘাসুরঃ
কংসানুশিষ্টঃ স বকীবকানুজঃ ।
অযং তু মে সোদরনাশকৃত্তযো-
র্দ্বযোর্মমৈনং সবলং হনিষ্যে ॥ ১৪ ॥
কংসানুশিষ্টঃ স বকীবকানুজঃ ।
অযং তু মে সোদরনাশকৃত্তযো-
র্দ্বযোর্মমৈনং সবলং হনিষ্যে ॥ ১৪ ॥
এতে যদা মত্সুহৃদোস্তিলাপঃ
কৃতাস্তদা নষ্টসমা ব্রজৌকসঃ ।
প্রাণে গতে বর্ষ্মসু কা নু চিন্তা
প্রজাসবঃ প্রাণভৃতো হি যে তে ॥ ১৫ ॥
কৃতাস্তদা নষ্টসমা ব্রজৌকসঃ ।
প্রাণে গতে বর্ষ্মসু কা নু চিন্তা
প্রজাসবঃ প্রাণভৃতো হি যে তে ॥ ১৫ ॥
ইতি ব্যবস্যাজগরং বৃহদ্ বপুঃ
স যোজনাযামমহাদ্রিপীবরম্ ।
ধৃত্বাদ্ভুতং ব্যাত্তগুহাননং তদা
পথি ব্যশেত গ্রসনাশযা খলঃ ॥ ১৬ ॥
স যোজনাযামমহাদ্রিপীবরম্ ।
ধৃত্বাদ্ভুতং ব্যাত্তগুহাননং তদা
পথি ব্যশেত গ্রসনাশযা খলঃ ॥ ১৬ ॥
ধরাধরোষ্ঠো জলদোত্তরোষ্ঠো
দর্যাননান্তো গিরিশৃঙ্গদংষ্ট্রঃ ।
ধ্বান্তান্তরাস্যো বিততাধ্বজিহ্বঃ
পরুষানিলশ্বাসদবেক্ষণোষ্ণঃ ॥ ১৭ ॥
দর্যাননান্তো গিরিশৃঙ্গদংষ্ট্রঃ ।
ধ্বান্তান্তরাস্যো বিততাধ্বজিহ্বঃ
পরুষানিলশ্বাসদবেক্ষণোষ্ণঃ ॥ ১৭ ॥
দৃষ্ট্বা তং তাদৃশং সর্বে মত্বা বৃন্দাবনশ্রিযম্ ।
ব্যাত্তাজগরতুণ্ডেন হ্যুত্প্রেক্ষন্তে স্ম লীলযা ॥ ১৮ ॥
ব্যাত্তাজগরতুণ্ডেন হ্যুত্প্রেক্ষন্তে স্ম লীলযা ॥ ১৮ ॥
অহো মিত্রাণি গদত সত্ত্বকূটং পুরঃ স্থিতম্ ।
অস্মত্সঙ্গ্রসনব্যাত্তব্যালতুণ্ডাযতে ন বা ॥ ১৯ ॥
অস্মত্সঙ্গ্রসনব্যাত্তব্যালতুণ্ডাযতে ন বা ॥ ১৯ ॥
সত্যমর্ককরারক্তমুত্তরাহনুবদ্ ধনম্ ।
অধরাহনুবদ্রোধস্তত্প্রতিচ্ছাযযারুণম্ ॥ ২০ ॥
অধরাহনুবদ্রোধস্তত্প্রতিচ্ছাযযারুণম্ ॥ ২০ ॥
প্রতিস্পর্ধেতে সৃক্কভ্যাং সব্যাসব্যে নগোদরে ।
তুঙ্গশৃঙ্গালযোঽপ্যেতাস্তদ্দংষ্ট্রাভিশ্চ পশ্যত ॥ ২১ ॥
তুঙ্গশৃঙ্গালযোঽপ্যেতাস্তদ্দংষ্ট্রাভিশ্চ পশ্যত ॥ ২১ ॥
আস্তৃতাযামমার্গোঽযং রসনাং প্রতিগর্জতি ।
এষামন্তর্গতং ধ্বান্তমেতদপ্যন্তরাননম্ ॥ ২২ ॥
এষামন্তর্গতং ধ্বান্তমেতদপ্যন্তরাননম্ ॥ ২২ ॥
দাবোষ্ণখরবাতোঽযং শ্বাসবদ্ভাতি পশ্যত ।
তদ্দগ্ধসত্ত্বদুর্গন্ধোঽপ্যন্তরামিষগন্ধবত্ ॥ ২৩ ॥
তদ্দগ্ধসত্ত্বদুর্গন্ধোঽপ্যন্তরামিষগন্ধবত্ ॥ ২৩ ॥
অস্মান্ কিমত্র গ্রসিতা নিবিষ্টা-
নযং তথা চেদ্ বকবদ্ বিনঙ্ক্ষ্যতি ।
ক্ষণাদনেনেতি বকার্যুশন্মুখং
বীক্ষ্যোদ্ধসন্তঃ করতাডনৈর্যযুঃ ॥ ২৪ ॥
নযং তথা চেদ্ বকবদ্ বিনঙ্ক্ষ্যতি ।
ক্ষণাদনেনেতি বকার্যুশন্মুখং
বীক্ষ্যোদ্ধসন্তঃ করতাডনৈর্যযুঃ ॥ ২৪ ॥
ইত্থং মিথোঽতথ্যমতজ্জ্ঞভাষিতং
শ্রুত্বা বিচিন্ত্যেত্যমৃষা মৃষাযতে ।
রক্ষো বিদিত্বাখিলভূতহৃত্স্থিতঃ
স্বানাং নিরোদ্ধুং ভগবান্ মনো দধে ॥ ২৫ ॥
শ্রুত্বা বিচিন্ত্যেত্যমৃষা মৃষাযতে ।
রক্ষো বিদিত্বাখিলভূতহৃত্স্থিতঃ
স্বানাং নিরোদ্ধুং ভগবান্ মনো দধে ॥ ২৫ ॥
তাবত্ প্রবিষ্টাস্ত্বসুরোদরান্তরং
পরং ন গীর্ণাঃ শিশবঃ সবত্সাঃ ।
প্রতীক্ষমাণেন বকারিবেশনং
হতস্বকান্তস্মরণেন রক্ষসা ॥ ২৬ ॥
পরং ন গীর্ণাঃ শিশবঃ সবত্সাঃ ।
প্রতীক্ষমাণেন বকারিবেশনং
হতস্বকান্তস্মরণেন রক্ষসা ॥ ২৬ ॥
তান্ বীক্ষ্য কৃষ্ণঃ সকলাভযপ্রদো
হ্যনন্যনাথান্ স্বকরাদবচ্যুতান্ ।
দীনাংশ্চ মৃত্যোর্জঠরাগ্নিঘাসান্
ঘৃণার্দিতো দিষ্টকৃতেন বিস্মিতঃ ॥ ২৭ ॥
হ্যনন্যনাথান্ স্বকরাদবচ্যুতান্ ।
দীনাংশ্চ মৃত্যোর্জঠরাগ্নিঘাসান্
ঘৃণার্দিতো দিষ্টকৃতেন বিস্মিতঃ ॥ ২৭ ॥
কৃত্যং কিমত্রাস্য খলস্য জীবনং
ন বা অমীষাং চ সতাং বিহিংসনম্ ।
দ্বযং কথং স্যাদিতি সংবিচিন্ত্য
জ্ঞাত্বাবিশত্তুণ্ডমশেষদৃগ্ঘরিঃ ॥ ২৮ ॥
ন বা অমীষাং চ সতাং বিহিংসনম্ ।
দ্বযং কথং স্যাদিতি সংবিচিন্ত্য
জ্ঞাত্বাবিশত্তুণ্ডমশেষদৃগ্ঘরিঃ ॥ ২৮ ॥
তদা ঘনচ্ছদা দেবা ভযাদ্ধাহেতি চুক্রুশুঃ ।
জহৃষুর্যে চ কংসাদ্যাঃ কৌণপাস্ত্বঘবান্ধবাঃ ॥ ২৯ ॥
জহৃষুর্যে চ কংসাদ্যাঃ কৌণপাস্ত্বঘবান্ধবাঃ ॥ ২৯ ॥
তচ্ছ্রুত্বা ভগবান্কৃষ্ণস্ত্বব্যযঃ সার্ভবত্সকম্ ।
চূর্ণীচিকীর্ষোরাত্মানং তরসা ববৃধে গলে ॥ ৩০ ॥
চূর্ণীচিকীর্ষোরাত্মানং তরসা ববৃধে গলে ॥ ৩০ ॥
ততোঽতিকাযস্য নিরুদ্ধমার্গিণো
হ্যুদ্গীর্ণদৃষ্টের্ভ্রমতস্ত্বিতস্ততঃ ।
পূর্ণোঽন্তরঙ্গে পবনো নিরুদ্ধো
মূর্ধন্ বিনির্ভিদ্য বিনির্গতো বহিঃ ॥ ৩১ ॥
হ্যুদ্গীর্ণদৃষ্টের্ভ্রমতস্ত্বিতস্ততঃ ।
পূর্ণোঽন্তরঙ্গে পবনো নিরুদ্ধো
মূর্ধন্ বিনির্ভিদ্য বিনির্গতো বহিঃ ॥ ৩১ ॥
তেনৈব সর্বেষু বহির্গতেষু
প্রাণেষু বত্সান্ সুহৃদঃ পরেতান্ ।
দৃষ্টযা স্বযোত্থাপ্য তদন্বিতঃ পুন-
র্বক্ত্রান্মুকুন্দো ভগবান্ বিনির্যযৌ ॥ ৩২ ॥
প্রাণেষু বত্সান্ সুহৃদঃ পরেতান্ ।
দৃষ্টযা স্বযোত্থাপ্য তদন্বিতঃ পুন-
র্বক্ত্রান্মুকুন্দো ভগবান্ বিনির্যযৌ ॥ ৩২ ॥
পীনাহিভোগোত্থিতমদ্ভুতং মহ-
জ্জ্যোতিঃ স্বধাম্না জ্বলযদ্ দিশো দশ ।
প্রতীক্ষ্য খেঽবস্থিতমীশনির্গমং
বিবেশ তস্মিন্ মিষতাং দিবৌকসাম্ ॥ ৩৩ ॥
জ্জ্যোতিঃ স্বধাম্না জ্বলযদ্ দিশো দশ ।
প্রতীক্ষ্য খেঽবস্থিতমীশনির্গমং
বিবেশ তস্মিন্ মিষতাং দিবৌকসাম্ ॥ ৩৩ ॥
ততোঽতিহৃষ্টাঃ স্বকৃতোঽকৃতার্হণং
পুষ্পৈঃ সুগা অপ্সরসশ্চ নর্তনৈঃ ।
গীতৈঃ সুরা বাদ্যধরাশ্চ বাদ্যকৈঃ
স্তবৈশ্চ বিপ্রা জযনিঃস্বনৈর্গণাঃ ॥ ৩৪ ॥
পুষ্পৈঃ সুগা অপ্সরসশ্চ নর্তনৈঃ ।
গীতৈঃ সুরা বাদ্যধরাশ্চ বাদ্যকৈঃ
স্তবৈশ্চ বিপ্রা জযনিঃস্বনৈর্গণাঃ ॥ ৩৪ ॥
তদদ্ভুতস্তোত্রসুবাদ্যগীতিকা-
জযাদিনৈকোত্সবমঙ্গলস্বনান্ ।
শ্রুত্বা স্বধাম্নোঽন্ত্যজ আগতোঽচিরাদ্
দৃষ্ট্বা মহীশস্য জগাম বিস্মযম্ ॥ ৩৫ ॥
জযাদিনৈকোত্সবমঙ্গলস্বনান্ ।
শ্রুত্বা স্বধাম্নোঽন্ত্যজ আগতোঽচিরাদ্
দৃষ্ট্বা মহীশস্য জগাম বিস্মযম্ ॥ ৩৫ ॥
রাজন্নাজগরং চর্ম শুষ্কং বৃন্দাবনেঽদ্ভুতম্ ।
ব্রজৌকসাং বহুতিথং বভূবাক্রীডগহ্বরম্ ॥ ৩৬ ॥
ব্রজৌকসাং বহুতিথং বভূবাক্রীডগহ্বরম্ ॥ ৩৬ ॥
এতত্ কৌমারজং কর্ম হরেরাত্মাহিমোক্ষণম্ ।
মৃত্যোঃ পৌগণ্ডকে বালা দৃষ্ট্বোচুর্বিস্মিতা ব্রজে ॥ ৩৭ ॥
মৃত্যোঃ পৌগণ্ডকে বালা দৃষ্ট্বোচুর্বিস্মিতা ব্রজে ॥ ৩৭ ॥
নৈতদ্ বিচিত্রং মনুজার্ভমাযিনঃ
পরাবরাণাং পরমস্য বেধসঃ ।
অঘোঽপি যত্স্পর্শনধৌতপাতকঃ
প্রাপাত্মসাম্যং ত্বসতাং সুদুর্লভম্ ॥ ৩৮ ॥
পরাবরাণাং পরমস্য বেধসঃ ।
অঘোঽপি যত্স্পর্শনধৌতপাতকঃ
প্রাপাত্মসাম্যং ত্বসতাং সুদুর্লভম্ ॥ ৩৮ ॥
সকৃদ্ যদঙ্গপ্রতিমান্তরাহিতা
মনোমযী ভাগবতীং দদৌ গতিম্ ।
স এব নিত্যাত্মসুখানুভূত্যভি-
ব্যুদস্তমাযোঽন্তর্গতো হি কিং পুনঃ ॥ ৩৯ ॥
মনোমযী ভাগবতীং দদৌ গতিম্ ।
স এব নিত্যাত্মসুখানুভূত্যভি-
ব্যুদস্তমাযোঽন্তর্গতো হি কিং পুনঃ ॥ ৩৯ ॥
শ্রীসূত উবাচ
ইত্থং দ্বিজা যাদবদেবদত্তঃ
শ্রুত্বা স্বরাতুশ্চরিতং বিচিত্রম্ ।
পপ্রচ্ছ ভূযোঽপি তদেব পুণ্যং
বৈযাসকিং যন্নিগৃহীতচেতাঃ ॥ ৪০ ॥
ইত্থং দ্বিজা যাদবদেবদত্তঃ
শ্রুত্বা স্বরাতুশ্চরিতং বিচিত্রম্ ।
পপ্রচ্ছ ভূযোঽপি তদেব পুণ্যং
বৈযাসকিং যন্নিগৃহীতচেতাঃ ॥ ৪০ ॥
শ্রীরাজোবাচ
ব্রহ্মন্কালান্তরকৃতং তত্কালীনং কথং ভবেত্ ।
যত্ কৌমারে হরিকৃতং জগুঃ পৌগণ্ডকেঽর্ভকাঃ ॥ ৪১ ॥
ব্রহ্মন্কালান্তরকৃতং তত্কালীনং কথং ভবেত্ ।
যত্ কৌমারে হরিকৃতং জগুঃ পৌগণ্ডকেঽর্ভকাঃ ॥ ৪১ ॥
তদ্ ব্রূহি মে মহাযোগিন্পরং কৌতূহলং গুরো ।
নূনমেতদ্ধরেরেব মাযা ভবতি নান্যথা ॥ ৪২ ॥
নূনমেতদ্ধরেরেব মাযা ভবতি নান্যথা ॥ ৪২ ॥
বযং ধন্যতমা লোকে গুরোঽপি ক্ষত্রবন্ধবঃ ।
বযং পিবামো মুহুস্ত্বত্তঃ পুণ্যং কৃষ্ণকথামৃতম্ ॥ ৪৩ ॥
বযং পিবামো মুহুস্ত্বত্তঃ পুণ্যং কৃষ্ণকথামৃতম্ ॥ ৪৩ ॥
শ্রীসূত উবাচ
ইত্থং স্ম পৃষ্টঃ স তু বাদরাযণি-
স্তত্স্মারিতানন্তহৃতাখিলেন্দ্রিযঃ ।
কৃচ্ছ্রাত্ পুনর্লব্ধবহির্দৃশিঃ শনৈঃ
প্রত্যাহ তং ভাগবতোত্তমোত্তম ॥ ৪৪ ॥
ইত্থং স্ম পৃষ্টঃ স তু বাদরাযণি-
স্তত্স্মারিতানন্তহৃতাখিলেন্দ্রিযঃ ।
কৃচ্ছ্রাত্ পুনর্লব্ধবহির্দৃশিঃ শনৈঃ
প্রত্যাহ তং ভাগবতোত্তমোত্তম ॥ ৪৪ ॥