শ্রীবাদরাযণিরুবাচ
একাদশ্যাং নিরাহারঃ সমভ্যর্চ্য জনার্দনম্ । স্নাতুং নন্দস্তু কালিন্দ্যাং দ্বাদশ্যাং জলমাবিশত্ ॥ ১ ॥
একাদশ্যাং নিরাহারঃ সমভ্যর্চ্য জনার্দনম্ । স্নাতুং নন্দস্তু কালিন্দ্যাং দ্বাদশ্যাং জলমাবিশত্ ॥ ১ ॥
তং গৃহীত্বানযদ্ ভৃত্যো বরুণস্যাসুরোঽন্তিকম্ । অবজ্ঞাযাসুরীং বেলাং প্রবিষ্টমুদকং নিশি ॥ ২ ॥
চুক্রুশুস্তমপশ্যন্তঃ কৃষ্ণ রামেতি গোপকাঃ । ভগবাংস্তদুপশ্রুত্য পিতরং বরুণাহৃতম্ । তদন্তিকং গতো রাজন্স্বানামভযদো বিভুঃ ॥ ৩ ॥
প্রাপ্তং বীক্ষ্য হৃষীকেশং লোকপালঃ সপর্যযা । মহত্যা পূজযিত্বাহ তদ্দর্শনমহোত্সবঃ ॥ ৪ ॥
শ্রীবরুণ উবাচ
অদ্য মে নিভৃতো দেহোঽদ্যৈবার্থোঽধিগতঃ প্রভো । ত্বত্পাদভাজো ভগবন্নবাপুঃ পারমধ্বনঃ ॥ ৫ ॥
অদ্য মে নিভৃতো দেহোঽদ্যৈবার্থোঽধিগতঃ প্রভো । ত্বত্পাদভাজো ভগবন্নবাপুঃ পারমধ্বনঃ ॥ ৫ ॥
নমস্তুভ্যং ভগবতে ব্রহ্মণে পরমাত্মনে । ন যত্র শ্রূযতে মাযা লোকসৃষ্টিবিকল্পনা ॥ ৬ ॥
অজানতা মামকেন মূঢেনাকার্যবেদিনা । আনীতোঽযং তব পিতা তদ্ভবান্ ক্ষন্তুমর্হতি ॥ ৭ ॥
মমাপ্যনুগ্রহং কৃষ্ণ কর্তুমর্হস্যশেষদৃক্ । গোবিন্দ নীযতামেষ পিতা তে পিতৃবত্সল ॥ ৮ ॥
শ্রীশুক উবাচ
এবং প্রসাদিতঃ কৃষ্ণো ভগবানীশ্বরেশ্বরঃ । আদাযাগত্স্বপিতরং বন্ধূনাং চাবহন্মুদম্ ॥ ৯ ॥
এবং প্রসাদিতঃ কৃষ্ণো ভগবানীশ্বরেশ্বরঃ । আদাযাগত্স্বপিতরং বন্ধূনাং চাবহন্মুদম্ ॥ ৯ ॥
নন্দস্ত্বতীন্দ্রিযং দৃষ্ট্বা লোকপালমহোদযম্ । কৃষ্ণে চ সন্নতিং তেষাং জ্ঞাতিভ্যো বিস্মিতোঽব্রবীত্ ॥ ১০ ॥
তে চৌত্সুক্যধিযো রাজন্ মত্বা গোপাস্তমীশ্বরম্ । অপি নঃ স্বগতিং সূক্ষ্মামুপাধাস্যদধীশ্বরঃ ॥ ১১ ॥
ইতি স্বানাং স ভগবান্ বিজ্ঞাযাখিলদৃক্স্বযম্ । সঙ্কল্পসিদ্ধযে তেষাং কৃপযৈতদচিন্তযত্ ॥ ১২ ॥
জনো বৈ লোক এতস্মিন্নবিদ্যাকামকর্মভিঃ । উচ্চাবচাসু গতিষু ন বেদ স্বাং গতিং ভ্রমন্ ॥ ১৩ ॥
ইতি সঞ্চিন্ত্য ভগবান্ মহাকারুণিকো হরিঃ । দর্শযামাস লোকং স্বং গোপানাং তমসঃ পরম্ ॥ ১৪ ॥
সত্যং জ্ঞানমনন্তং যদ্ ব্রহ্মজ্যোতিঃ সনাতনম্ । যদ্ধি পশ্যন্তি মুনযো গুণাপাযে সমাহিতাঃ ॥ ১৫ ॥
তে তু ব্রহ্মহ্রদং নীতা মগ্নাঃ কৃষ্ণেন চোদ্ধৃতাঃ । দদৃশুর্ব্রহ্মণো লোকং যত্রাক্রূরোঽধ্যগাত্ পুরা ॥ ১৬ ॥
নন্দাদযস্তু তং দৃষ্ট্বা পরমানন্দনিবৃতাঃ । কৃষ্ণং চ তত্রচ্ছন্দোভিঃ স্তূযমানং সুবিস্মিতাঃ ॥ ১৭ ॥