શ્રીબાદરાયણિરુવાચ
એકાદશ્યાં નિરાહારઃ સમભ્યર્ચ્ય જનાર્દનમ્ । સ્નાતું નન્દસ્તુ કાલિન્દ્યાં દ્વાદશ્યાં જલમાવિશત્ ॥ ૧ ॥
એકાદશ્યાં નિરાહારઃ સમભ્યર્ચ્ય જનાર્દનમ્ । સ્નાતું નન્દસ્તુ કાલિન્દ્યાં દ્વાદશ્યાં જલમાવિશત્ ॥ ૧ ॥
તં ગૃહીત્વાનયદ્ ભૃત્યો વરુણસ્યાસુરોઽન્તિકમ્ । અવજ્ઞાયાસુરીં વેલાં પ્રવિષ્ટમુદકં નિશિ ॥ ૨ ॥
ચુક્રુશુસ્તમપશ્યન્તઃ કૃષ્ણ રામેતિ ગોપકાઃ । ભગવાંસ્તદુપશ્રુત્ય પિતરં વરુણાહૃતમ્ । તદન્તિકં ગતો રાજન્સ્વાનામભયદો વિભુઃ ॥ ૩ ॥
પ્રાપ્તં વીક્ષ્ય હૃષીકેશં લોકપાલઃ સપર્યયા । મહત્યા પૂજયિત્વાહ તદ્દર્શનમહોત્સવઃ ॥ ૪ ॥
શ્રીવરુણ ઉવાચ
અદ્ય મે નિભૃતો દેહોઽદ્યૈવાર્થોઽધિગતઃ પ્રભો । ત્વત્પાદભાજો ભગવન્નવાપુઃ પારમધ્વનઃ ॥ ૫ ॥
અદ્ય મે નિભૃતો દેહોઽદ્યૈવાર્થોઽધિગતઃ પ્રભો । ત્વત્પાદભાજો ભગવન્નવાપુઃ પારમધ્વનઃ ॥ ૫ ॥
નમસ્તુભ્યં ભગવતે બ્રહ્મણે પરમાત્મને । ન યત્ર શ્રૂયતે માયા લોકસૃષ્ટિવિકલ્પના ॥ ૬ ॥
અજાનતા મામકેન મૂઢેનાકાર્યવેદિના । આનીતોઽયં તવ પિતા તદ્ભવાન્ ક્ષન્તુમર્હતિ ॥ ૭ ॥
મમાપ્યનુગ્રહં કૃષ્ણ કર્તુમર્હસ્યશેષદૃક્ । ગોવિન્દ નીયતામેષ પિતા તે પિતૃવત્સલ ॥ ૮ ॥
શ્રીશુક ઉવાચ
એવં પ્રસાદિતઃ કૃષ્ણો ભગવાનીશ્વરેશ્વરઃ । આદાયાગત્સ્વપિતરં બન્ધૂનાં ચાવહન્મુદમ્ ॥ ૯ ॥
એવં પ્રસાદિતઃ કૃષ્ણો ભગવાનીશ્વરેશ્વરઃ । આદાયાગત્સ્વપિતરં બન્ધૂનાં ચાવહન્મુદમ્ ॥ ૯ ॥
નન્દસ્ત્વતીન્દ્રિયં દૃષ્ટ્વા લોકપાલમહોદયમ્ । કૃષ્ણે ચ સન્નતિં તેષાં જ્ઞાતિભ્યો વિસ્મિતોઽબ્રવીત્ ॥ ૧૦ ॥
તે ચૌત્સુક્યધિયો રાજન્ મત્વા ગોપાસ્તમીશ્વરમ્ । અપિ નઃ સ્વગતિં સૂક્ષ્મામુપાધાસ્યદધીશ્વરઃ ॥ ૧૧ ॥
ઇતિ સ્વાનાં સ ભગવાન્ વિજ્ઞાયાખિલદૃક્સ્વયમ્ । સઙ્કલ્પસિદ્ધયે તેષાં કૃપયૈતદચિન્તયત્ ॥ ૧૨ ॥
જનો વૈ લોક એતસ્મિન્નવિદ્યાકામકર્મભિઃ । ઉચ્ચાવચાસુ ગતિષુ ન વેદ સ્વાં ગતિં ભ્રમન્ ॥ ૧૩ ॥
ઇતિ સઞ્ચિન્ત્ય ભગવાન્ મહાકારુણિકો હરિઃ । દર્શયામાસ લોકં સ્વં ગોપાનાં તમસઃ પરમ્ ॥ ૧૪ ॥
સત્યં જ્ઞાનમનન્તં યદ્ બ્રહ્મજ્યોતિઃ સનાતનમ્ । યદ્ધિ પશ્યન્તિ મુનયો ગુણાપાયે સમાહિતાઃ ॥ ૧૫ ॥
તે તુ બ્રહ્મહ્રદં નીતા મગ્નાઃ કૃષ્ણેન ચોદ્ધૃતાઃ । દદૃશુર્બ્રહ્મણો લોકં યત્રાક્રૂરોઽધ્યગાત્ પુરા ॥ ૧૬ ॥
નન્દાદયસ્તુ તં દૃષ્ટ્વા પરમાનન્દનિવૃતાઃ । કૃષ્ણં ચ તત્રચ્છન્દોભિઃ સ્તૂયમાનં સુવિસ્મિતાઃ ॥ ૧૭ ॥