ଶ୍ରୀବାଦରାଯଣିରୁଵାଚ
ଏକାଦଶ୍ଯାଂ ନିରାହାରଃ ସମଭ୍ଯର୍ଚ୍ଯ ଜନାର୍ଦନମ୍ । ସ୍ନାତୁଂ ନନ୍ଦସ୍ତୁ କାଲିନ୍ଦ୍ଯାଂ ଦ୍ଵାଦଶ୍ଯାଂ ଜଲମାଵିଶତ୍ ॥ ୧ ॥
ଏକାଦଶ୍ଯାଂ ନିରାହାରଃ ସମଭ୍ଯର୍ଚ୍ଯ ଜନାର୍ଦନମ୍ । ସ୍ନାତୁଂ ନନ୍ଦସ୍ତୁ କାଲିନ୍ଦ୍ଯାଂ ଦ୍ଵାଦଶ୍ଯାଂ ଜଲମାଵିଶତ୍ ॥ ୧ ॥
ତଂ ଗୃହୀତ୍ଵାନଯଦ୍ ଭୃତ୍ଯୋ ଵରୁଣସ୍ଯାସୁରୋଽନ୍ତିକମ୍ । ଅଵଜ୍ଞାଯାସୁରୀଂ ଵେଲାଂ ପ୍ରଵିଷ୍ଟମୁଦକଂ ନିଶି ॥ ୨ ॥
ଚୁକ୍ରୁଶୁସ୍ତମପଶ୍ଯନ୍ତଃ କୃଷ୍ଣ ରାମେତି ଗୋପକାଃ । ଭଗଵାଂସ୍ତଦୁପଶ୍ରୁତ୍ଯ ପିତରଂ ଵରୁଣାହୃତମ୍ । ତଦନ୍ତିକଂ ଗତୋ ରାଜନ୍ସ୍ଵାନାମଭଯଦୋ ଵିଭୁଃ ॥ ୩ ॥
ପ୍ରାପ୍ତଂ ଵୀକ୍ଷ୍ଯ ହୃଷୀକେଶଂ ଲୋକପାଲଃ ସପର୍ଯଯା । ମହତ୍ଯା ପୂଜଯିତ୍ଵାହ ତଦ୍ଦର୍ଶନମହୋତ୍ସଵଃ ॥ ୪ ॥
ଶ୍ରୀଵରୁଣ ଉଵାଚ
ଅଦ୍ଯ ମେ ନିଭୃତୋ ଦେହୋଽଦ୍ଯୈଵାର୍ଥୋଽଧିଗତଃ ପ୍ରଭୋ । ତ୍ଵତ୍ପାଦଭାଜୋ ଭଗଵନ୍ନଵାପୁଃ ପାରମଧ୍ଵନଃ ॥ ୫ ॥
ଅଦ୍ଯ ମେ ନିଭୃତୋ ଦେହୋଽଦ୍ଯୈଵାର୍ଥୋଽଧିଗତଃ ପ୍ରଭୋ । ତ୍ଵତ୍ପାଦଭାଜୋ ଭଗଵନ୍ନଵାପୁଃ ପାରମଧ୍ଵନଃ ॥ ୫ ॥
ନମସ୍ତୁଭ୍ଯଂ ଭଗଵତେ ବ୍ରହ୍ମଣେ ପରମାତ୍ମନେ । ନ ଯତ୍ର ଶ୍ରୂଯତେ ମାଯା ଲୋକସୃଷ୍ଟିଵିକଲ୍ପନା ॥ ୬ ॥
ଅଜାନତା ମାମକେନ ମୂଢେନାକାର୍ଯଵେଦିନା । ଆନୀତୋଽଯଂ ତଵ ପିତା ତଦ୍ଭଵାନ୍ କ୍ଷନ୍ତୁମର୍ହତି ॥ ୭ ॥
ମମାପ୍ଯନୁଗ୍ରହଂ କୃଷ୍ଣ କର୍ତୁମର୍ହସ୍ଯଶେଷଦୃକ୍ । ଗୋଵିନ୍ଦ ନୀଯତାମେଷ ପିତା ତେ ପିତୃଵତ୍ସଲ ॥ ୮ ॥
ଶ୍ରୀଶୁକ ଉଵାଚ
ଏଵଂ ପ୍ରସାଦିତଃ କୃଷ୍ଣୋ ଭଗଵାନୀଶ୍ଵରେଶ୍ଵରଃ । ଆଦାଯାଗତ୍ସ୍ଵପିତରଂ ବନ୍ଧୂନାଂ ଚାଵହନ୍ମୁଦମ୍ ॥ ୯ ॥
ଏଵଂ ପ୍ରସାଦିତଃ କୃଷ୍ଣୋ ଭଗଵାନୀଶ୍ଵରେଶ୍ଵରଃ । ଆଦାଯାଗତ୍ସ୍ଵପିତରଂ ବନ୍ଧୂନାଂ ଚାଵହନ୍ମୁଦମ୍ ॥ ୯ ॥
ନନ୍ଦସ୍ତ୍ଵତୀନ୍ଦ୍ରିଯଂ ଦୃଷ୍ଟ୍ଵା ଲୋକପାଲମହୋଦଯମ୍ । କୃଷ୍ଣେ ଚ ସନ୍ନତିଂ ତେଷାଂ ଜ୍ଞାତିଭ୍ଯୋ ଵିସ୍ମିତୋଽବ୍ରଵୀତ୍ ॥ ୧୦ ॥
ତେ ଚୌତ୍ସୁକ୍ଯଧିଯୋ ରାଜନ୍ ମତ୍ଵା ଗୋପାସ୍ତମୀଶ୍ଵରମ୍ । ଅପି ନଃ ସ୍ଵଗତିଂ ସୂକ୍ଷ୍ମାମୁପାଧାସ୍ଯଦଧୀଶ୍ଵରଃ ॥ ୧୧ ॥
ଇତି ସ୍ଵାନାଂ ସ ଭଗଵାନ୍ ଵିଜ୍ଞାଯାଖିଲଦୃକ୍ସ୍ଵଯମ୍ । ସଙ୍କଲ୍ପସିଦ୍ଧଯେ ତେଷାଂ କୃପଯୈତଦଚିନ୍ତଯତ୍ ॥ ୧୨ ॥
ଜନୋ ଵୈ ଲୋକ ଏତସ୍ମିନ୍ନଵିଦ୍ଯାକାମକର୍ମଭିଃ । ଉଚ୍ଚାଵଚାସୁ ଗତିଷୁ ନ ଵେଦ ସ୍ଵାଂ ଗତିଂ ଭ୍ରମନ୍ ॥ ୧୩ ॥
ଇତି ସଞ୍ଚିନ୍ତ୍ଯ ଭଗଵାନ୍ ମହାକାରୁଣିକୋ ହରିଃ । ଦର୍ଶଯାମାସ ଲୋକଂ ସ୍ଵଂ ଗୋପାନାଂ ତମସଃ ପରମ୍ ॥ ୧୪ ॥
ସତ୍ଯଂ ଜ୍ଞାନମନନ୍ତଂ ଯଦ୍ ବ୍ରହ୍ମଜ୍ଯୋତିଃ ସନାତନମ୍ । ଯଦ୍ଧି ପଶ୍ଯନ୍ତି ମୁନଯୋ ଗୁଣାପାଯେ ସମାହିତାଃ ॥ ୧୫ ॥
ତେ ତୁ ବ୍ରହ୍ମହ୍ରଦଂ ନୀତା ମଗ୍ନାଃ କୃଷ୍ଣେନ ଚୋଦ୍ଧୃତାଃ । ଦଦୃଶୁର୍ବ୍ରହ୍ମଣୋ ଲୋକଂ ଯତ୍ରାକ୍ରୂରୋଽଧ୍ଯଗାତ୍ ପୁରା ॥ ୧୬ ॥
ନନ୍ଦାଦଯସ୍ତୁ ତଂ ଦୃଷ୍ଟ୍ଵା ପରମାନନ୍ଦନିଵୃତାଃ । କୃଷ୍ଣଂ ଚ ତତ୍ରଚ୍ଛନ୍ଦୋଭିଃ ସ୍ତୂଯମାନଂ ସୁଵିସ୍ମିତାଃ ॥ ୧୭ ॥