শ্রীশুক উবাচ
বহিরন্তঃপুরদ্বারঃ সর্বাঃ পূর্ববদাবৃতাঃ ।
ততো বালধ্বনিং শ্রুত্বা গৃহপালাঃ সমুত্থিতাঃ ॥ ১ ॥
বহিরন্তঃপুরদ্বারঃ সর্বাঃ পূর্ববদাবৃতাঃ ।
ততো বালধ্বনিং শ্রুত্বা গৃহপালাঃ সমুত্থিতাঃ ॥ ১ ॥
তে তু তূর্ণমুপব্রজ্য দেবক্যা গর্ভজন্ম তত্ ।
আচখ্যুর্ভোজরাজায যদুদ্বিগ্নঃ প্রতীক্ষতে ॥ ২ ॥
আচখ্যুর্ভোজরাজায যদুদ্বিগ্নঃ প্রতীক্ষতে ॥ ২ ॥
স তল্পাত্ তূর্ণমুত্থায কালোঽযমিতি বিহ্বলঃ ।
সূতীগৃহমগাত্ তূর্ণং প্রস্খলন্ মুক্তমূর্ধজঃ ॥ ৩ ॥
সূতীগৃহমগাত্ তূর্ণং প্রস্খলন্ মুক্তমূর্ধজঃ ॥ ৩ ॥
তমাহ ভ্রাতরং দেবী কৃপণা করুণং সতী । স্নুষেযং তব কল্যাণ স্ত্রিযং মা হন্তুমর্হসি ॥ ৪ ॥
বহবো হিংসিতা ভ্রাতঃ শিশবঃ পাবকোপমাঃ ।
ত্বযা দৈবনিসৃষ্টেন পুত্রিকৈকা প্রদীযতাম্ ॥ ৫ ॥
ত্বযা দৈবনিসৃষ্টেন পুত্রিকৈকা প্রদীযতাম্ ॥ ৫ ॥
নন্বহং তে হ্যবরজা দীনা হতসুতা প্রভো ।
দাতুমর্হসি মন্দাযা অঙ্গেমাং চরমাং প্রজাম্ ॥ ৬ ॥
দাতুমর্হসি মন্দাযা অঙ্গেমাং চরমাং প্রজাম্ ॥ ৬ ॥
শ্রীশুক উবাচ
উপগুহ্যাত্মজামেবং রুদত্যা দীনদীনবত্ ।
যাচিতস্তাং বিনির্ভর্ত্স্য হস্তাদাচিচ্ছিদে খলঃ ॥ ৭ ॥
উপগুহ্যাত্মজামেবং রুদত্যা দীনদীনবত্ ।
যাচিতস্তাং বিনির্ভর্ত্স্য হস্তাদাচিচ্ছিদে খলঃ ॥ ৭ ॥
তাং গৃহীত্বা চরণযোর্জাতমাত্রাং স্বসুঃ সুতাম্ ।
অপোথযচ্ছিলাপৃষ্ঠে স্বার্থোন্মূলিতসৌহৃদঃ ॥ ৮ ॥
অপোথযচ্ছিলাপৃষ্ঠে স্বার্থোন্মূলিতসৌহৃদঃ ॥ ৮ ॥
সা তদ্ধস্তাত্ সমুত্পত্য সদ্যো দেব্যম্বরং গতা ।
অদৃশ্যতানুজা বিষ্ণোঃ সাযুধাষ্টমহাভুজা ॥ ৯ ॥
অদৃশ্যতানুজা বিষ্ণোঃ সাযুধাষ্টমহাভুজা ॥ ৯ ॥
দিব্যস্রগম্বরালেপরত্নাভরণভূষিতা ।
ধনুঃশূলেষুচর্মাসিশঙ্খচক্রগদাধরা ॥ ১০ ॥
ধনুঃশূলেষুচর্মাসিশঙ্খচক্রগদাধরা ॥ ১০ ॥
সিদ্ধচারণগন্ধর্বৈরপ্সরঃকিন্নরোরগৈঃ ।
উপাহৃতোরুবলিভিঃ স্তূযমানেদমব্রবীত্ ॥ ১১ ॥
উপাহৃতোরুবলিভিঃ স্তূযমানেদমব্রবীত্ ॥ ১১ ॥
কিং মযা হতযা মন্দ জাতঃ খলু তবান্তকৃত্ ।
যত্র ক্ব বা পূর্বশত্রুর্মা হিংসীঃ কৃপণান্ বৃথা ॥ ১২ ॥
যত্র ক্ব বা পূর্বশত্রুর্মা হিংসীঃ কৃপণান্ বৃথা ॥ ১২ ॥
ইতি প্রভাষ্য তং দেবী মাযা ভগবতী ভুবি ।
বহুনামনিকেতেষু বহুনামা বভূব হ ॥ ১৩ ॥
বহুনামনিকেতেষু বহুনামা বভূব হ ॥ ১৩ ॥
তযাভিহিতমাকর্ণ্য কংসঃ পরমবিস্মিতঃ ।
দেবকীং বসুদেবং চ বিমুচ্য প্রশ্রিতোঽব্রবীত্ ॥ ১৪ ॥
দেবকীং বসুদেবং চ বিমুচ্য প্রশ্রিতোঽব্রবীত্ ॥ ১৪ ॥
অহো ভগিন্যহো ভাম মযা বাং বত পাপ্মনা ।
পুরুষাদ ইবাপত্যং বহবো হিংসিতাঃ সুতাঃ ॥ ১৫ ॥
পুরুষাদ ইবাপত্যং বহবো হিংসিতাঃ সুতাঃ ॥ ১৫ ॥
স ত্বহং ত্যক্তকারুণ্যস্ত্যক্তজ্ঞাতিসুহৃত্ খলঃ । কান্লোকান্ বৈ গমিষ্যামি ব্রহ্মহেব মৃতঃ শ্বসন্ ॥ ১৬ ॥
দৈবমপ্যনৃতং বক্তি ন মর্ত্যা এব কেবলম্ ।
যদ্বিশ্রম্ভাদহং পাপঃ স্বসুর্নিহতবাঞ্ছিশূন্ ॥ ১৭ ॥
যদ্বিশ্রম্ভাদহং পাপঃ স্বসুর্নিহতবাঞ্ছিশূন্ ॥ ১৭ ॥
মা শোচতং মহাভাগাবাত্মজান্ স্বকৃতংভুজঃ ।
জান্তবো ন সদৈকত্র দৈবাধীনাস্তদাসতে ॥ ১৮ ॥
জান্তবো ন সদৈকত্র দৈবাধীনাস্তদাসতে ॥ ১৮ ॥
ভুবি ভৌমানি ভূতানি যথা যান্ত্যপযান্তি চ । নাযমাত্মা তথৈতেষু বিপর্যেতি যথৈব ভূঃ ॥ ১৯ ॥
যথানেবংবিদো ভেদো যত আত্মবিপর্যযঃ ।
দেহযোগবিযোগৌ চ সংসৃতির্ন নিবর্ততে ॥ ২০ ॥
দেহযোগবিযোগৌ চ সংসৃতির্ন নিবর্ততে ॥ ২০ ॥
তস্মাদ্ ভদ্রে স্বতনযান্ মযা ব্যাপাদিতানপি ।
মানুশোচ যতঃ সর্বঃ স্বকৃতং বিন্দতেঽবশঃ ॥ ২১ ॥
মানুশোচ যতঃ সর্বঃ স্বকৃতং বিন্দতেঽবশঃ ॥ ২১ ॥
যাবদ্ধতোঽস্মি হন্তাস্মীত্যাত্মানং মন্যতেঽস্বদৃক্ ।
তাবত্তদভিমান্যজ্ঞো বাধ্যবাধকতামিযাত্ ॥ ২২ ॥
তাবত্তদভিমান্যজ্ঞো বাধ্যবাধকতামিযাত্ ॥ ২২ ॥
ক্ষমধ্বং মম দৌরাত্ম্যং সাধবো দীনবত্সলাঃ ।
ইত্যুক্ত্বাশ্রুমুখঃ পাদৌ শ্যালঃ স্বস্রোরথাগ্রহীত্ ॥ ২৩ ॥
ইত্যুক্ত্বাশ্রুমুখঃ পাদৌ শ্যালঃ স্বস্রোরথাগ্রহীত্ ॥ ২৩ ॥
মোচযামাস নিগডাদ্ বিশ্রব্ধঃ কন্যকাগিরা ।
দেবকীং বসুদেবং চ দর্শযন্নাত্মসৌহৃদম্ ॥ ২৪ ॥
দেবকীং বসুদেবং চ দর্শযন্নাত্মসৌহৃদম্ ॥ ২৪ ॥
ভ্রাতুঃ সমনুতপ্তস্য ক্ষান্তরোষা চ দেবকী ।
ব্যসৃজদ্ বসুদেবশ্চ প্রহস্য তমুবাচ হ ॥ ২৫ ॥
ব্যসৃজদ্ বসুদেবশ্চ প্রহস্য তমুবাচ হ ॥ ২৫ ॥
এবমেতন্মহাভাগ যথা বদসি দেহিনাম্ ।
অজ্ঞানপ্রভবাহংধীঃ স্বপরেতি ভিদা যতঃ ॥ ২৬ ॥
অজ্ঞানপ্রভবাহংধীঃ স্বপরেতি ভিদা যতঃ ॥ ২৬ ॥
শোকহর্ষভযদ্বেষলোভমোহমদান্বিতাঃ ।
মিথো ঘ্নন্তং ন পশ্যন্তি ভাবৈর্ভাবং পৃথগ্দৃশঃ ॥ ২৭ ॥
মিথো ঘ্নন্তং ন পশ্যন্তি ভাবৈর্ভাবং পৃথগ্দৃশঃ ॥ ২৭ ॥
শ্রীশুক উবাচ
কংস এবং প্রসন্নাভ্যাং বিশুদ্ধং প্রতিভাষিতঃ ।
দেবকীবসুদেবাভ্যামনুজ্ঞাতোঽবিশদ্ গৃহম্ ॥ ২৮ ॥
কংস এবং প্রসন্নাভ্যাং বিশুদ্ধং প্রতিভাষিতঃ ।
দেবকীবসুদেবাভ্যামনুজ্ঞাতোঽবিশদ্ গৃহম্ ॥ ২৮ ॥
তস্যাং রাত্র্যাং ব্যতীতাযাং কংস আহূয মন্ত্রিণঃ ।
তেভ্য আচষ্ট তত্ সর্বং যদুক্তং যোগনিদ্রযা ॥ ২৯ ॥
তেভ্য আচষ্ট তত্ সর্বং যদুক্তং যোগনিদ্রযা ॥ ২৯ ॥
আকর্ণ্য ভর্তুর্গদিতং তমূচুর্দেবশত্রবঃ ।
দেবান্ প্রতি কৃতামর্ষা দৈতেযা নাতিকোবিদাঃ ॥ ৩০ ॥
দেবান্ প্রতি কৃতামর্ষা দৈতেযা নাতিকোবিদাঃ ॥ ৩০ ॥
এবং চেত্তর্হি ভোজেন্দ্র পুরগ্রামব্রজাদিষু ।
অনির্দশান্ নির্দশাংশ্চ হনিষ্যামোঽদ্য বৈ শিশূন্ ॥ ৩১ ॥
অনির্দশান্ নির্দশাংশ্চ হনিষ্যামোঽদ্য বৈ শিশূন্ ॥ ৩১ ॥
কিমুদ্যমৈঃ করিষ্যন্তি দেবাঃ সমরভীরবঃ ।
নিত্যমুদ্বিগ্নমনসো জ্যাঘোষৈর্ধনুষস্তব ॥ ৩২ ॥
নিত্যমুদ্বিগ্নমনসো জ্যাঘোষৈর্ধনুষস্তব ॥ ৩২ ॥
অস্যতস্তে শরব্রাতৈর্হন্যমানাঃ সমন্ততঃ ।
জিজীবিষব উত্সৃজ্য পলাযনপরা যযুঃ ॥ ৩৩ ॥
জিজীবিষব উত্সৃজ্য পলাযনপরা যযুঃ ॥ ৩৩ ॥
কেচিত্ প্রাঞ্জলযো দীনা ন্যস্তশস্ত্রা দিবৌকসঃ ।
মুক্তকচ্ছশিখাঃ কেচিদ্ ভীতাঃ স্ম ইতি বাদিনঃ ॥ ৩৪ ॥
মুক্তকচ্ছশিখাঃ কেচিদ্ ভীতাঃ স্ম ইতি বাদিনঃ ॥ ৩৪ ॥
ন ত্বং বিস্মৃতশস্ত্রাস্ত্রান্ বিরথান্ ভযসংবৃতান্ ।
হংস্যন্যাসক্তবিমুখান্ ভগ্নচাপানযুধ্যতঃ ॥ ৩৫ ॥
হংস্যন্যাসক্তবিমুখান্ ভগ্নচাপানযুধ্যতঃ ॥ ৩৫ ॥
কিং ক্ষেমশূরৈর্বিবুধৈরসংযুগবিকত্থনৈঃ ।
রহোজুষা কিং হরিণা শম্ভুনা বা বনৌকসা ।
কিমিন্দ্রেণাল্পবীর্যেণ ব্রহ্মণা বা তপস্যতা ॥ ৩৬ ॥
রহোজুষা কিং হরিণা শম্ভুনা বা বনৌকসা ।
কিমিন্দ্রেণাল্পবীর্যেণ ব্রহ্মণা বা তপস্যতা ॥ ৩৬ ॥
তথাপি দেবাঃ সাপত্ন্যান্নোপেক্ষ্যা ইতি মন্মহে ।
ততস্তন্মূলখননে নিযুঙ্ক্ষ্বাস্মাননুব্রতান্ ॥ ৩৭ ॥
ততস্তন্মূলখননে নিযুঙ্ক্ষ্বাস্মাননুব্রতান্ ॥ ৩৭ ॥
যথামযোঽঙ্গে সমুপেক্ষিতো নৃভি-
র্ন শক্যতে রূঢপদশ্চিকিত্সিতুম্ ।
যথেন্দ্রিযগ্রাম উপেক্ষিতস্তথা
রিপুর্মহান্ বদ্ধবলো ন চাল্যতে ॥ ৩৮ ॥
র্ন শক্যতে রূঢপদশ্চিকিত্সিতুম্ ।
যথেন্দ্রিযগ্রাম উপেক্ষিতস্তথা
রিপুর্মহান্ বদ্ধবলো ন চাল্যতে ॥ ৩৮ ॥
মূলং হি বিষ্ণুর্দেবানাং যত্র ধর্মঃ সনাতনঃ ।
তস্য চ ব্রহ্ম গোবিপ্রাস্তপো যজ্ঞাঃ সদক্ষিণাঃ ॥ ৩৯ ॥
তস্য চ ব্রহ্ম গোবিপ্রাস্তপো যজ্ঞাঃ সদক্ষিণাঃ ॥ ৩৯ ॥
তস্মাত্ সর্বাত্মনা রাজন্ ব্রাহ্মণান্ ব্রহ্মবাদিনঃ ।
তপস্বিনো যজ্ঞশীলান্ গাশ্চ হন্মো হবির্দুঘাঃ ॥ ৪০ ॥
তপস্বিনো যজ্ঞশীলান্ গাশ্চ হন্মো হবির্দুঘাঃ ॥ ৪০ ॥
বিপ্রা গাবশ্চ বেদাশ্চ তপঃ সত্যং দমঃ শমঃ ।
শ্রদ্ধা দযা তিতিক্ষা চ ক্রতবশ্চ হরেস্তনূঃ ॥ ৪১ ॥
শ্রদ্ধা দযা তিতিক্ষা চ ক্রতবশ্চ হরেস্তনূঃ ॥ ৪১ ॥
স হি সর্বসুরাধ্যক্ষো হ্যসুরদ্বিড্ গুহাশযঃ ।
তন্মূলা দেবতাঃ সর্বাঃ সেশ্বরাঃ সচতুর্মুখাঃ ।
অযং বৈ তদ্বধোপাযো যদৃষীণাং বিহিংসনম্ ॥ ৪২ ॥
তন্মূলা দেবতাঃ সর্বাঃ সেশ্বরাঃ সচতুর্মুখাঃ ।
অযং বৈ তদ্বধোপাযো যদৃষীণাং বিহিংসনম্ ॥ ৪২ ॥
শ্রীশুক উবাচ
এবং দুর্মন্ত্রিভিঃ কংসঃ সহ সম্মন্ত্র্য দুর্মতিঃ ।
ব্রহ্মহিংসাং হিতং মেনে কালপাশাবৃতোঽসুরঃ ॥ ৪৩ ॥
এবং দুর্মন্ত্রিভিঃ কংসঃ সহ সম্মন্ত্র্য দুর্মতিঃ ।
ব্রহ্মহিংসাং হিতং মেনে কালপাশাবৃতোঽসুরঃ ॥ ৪৩ ॥
সন্দিশ্য সাধুলোকস্য কদনে কদনপ্রিযান্ ।
কামরূপধরান্ দিক্ষু দানবান্ গৃহমাবিশত্ ॥ ৪৪ ॥
কামরূপধরান্ দিক্ষু দানবান্ গৃহমাবিশত্ ॥ ৪৪ ॥
তে বৈ রজঃপ্রকৃতযস্তমসা মূঢচেতসঃ ।
সতাং বিদ্বেষমাচেরুরারাদাগতমৃত্যবঃ ॥ ৪৫ ॥
সতাং বিদ্বেষমাচেরুরারাদাগতমৃত্যবঃ ॥ ৪৫ ॥
আযুঃ শ্রিযং যশো ধর্মং লোকানাশিষ এব চ ।
হন্তি শ্রেযাংসি সর্বাণি পুংসো মহদতিক্রমঃ ॥ ৪৬ ॥
হন্তি শ্রেযাংসি সর্বাণি পুংসো মহদতিক্রমঃ ॥ ৪৬ ॥