শ্রীশুক উবাচ
অথ ব্রজন্ রাজপথেন মাধবঃ
স্ত্রিযং গৃহীতাঙ্গবিলেপভাজনাম্ ।
বিলোক্য কুব্জাং যুবতীং বরাননাং
পপ্রচ্ছ যান্তীং প্রহসন্ রসপ্রদঃ ॥ ১ ॥
অথ ব্রজন্ রাজপথেন মাধবঃ
স্ত্রিযং গৃহীতাঙ্গবিলেপভাজনাম্ ।
বিলোক্য কুব্জাং যুবতীং বরাননাং
পপ্রচ্ছ যান্তীং প্রহসন্ রসপ্রদঃ ॥ ১ ॥
কা ত্বং বরোর্বেতদু হানুলেপনংকস্যাঙ্গনে বা কথযস্ব সাধু নঃ । দেহ্যাবযোরঙ্গবিলেপমুত্তমংশ্রেযস্ততস্তে ন চিরাদ্ ভবিষ্যতি ॥ ২ ॥
সৈরন্ধ্র্যুবাচ
দাস্যস্ম্যহং সুন্দর কংসসম্মতাত্রিবক্রনামা হ্যনুলেপকর্মণি । মদ্ভাবিতং ভোজপতেরতিপ্রিযংবিনা যুবাং কোঽন্যতমস্তদর্হতি ॥ ৩ ॥
দাস্যস্ম্যহং সুন্দর কংসসম্মতাত্রিবক্রনামা হ্যনুলেপকর্মণি । মদ্ভাবিতং ভোজপতেরতিপ্রিযংবিনা যুবাং কোঽন্যতমস্তদর্হতি ॥ ৩ ॥
রূপপেশলমাধুর্যহসিতালাপবীক্ষিতৈঃ । ধর্ষিতাত্মা দদৌ সান্দ্রমুভযোরনুলেপনম্ ॥ ৪ ॥
ততস্তাবঙ্গরাগেণ স্ববর্ণেতরশোভিনা । সম্প্রাপ্তপরভাগেন শুশুভাতেঽনুরঞ্জিতৌ ॥ ৫ ॥
প্রসন্নো ভগবান্কুব্জাং ত্রিবক্রাং রুচিরাননাম্ । ঋজ্বীং কর্তুং মনশ্চক্রে দর্শযন্ দর্শনে ফলম্ ॥ ৬ ॥
পদ্ভ্যামাক্রম্য প্রপদে দ্ব্যঙ্গুল্যুত্তানপাণিনা । প্রগৃহ্য চিবুকেঽধ্যাত্মমুদনীনমদচ্যুতঃ ॥ ৭ ॥
সা তদর্জুসমানাঙ্গী বৃহচ্ছ্রোণিপযোধরা । মুকুন্দস্পর্শনাত্ সদ্যো বভূব প্রমদোত্তমা ॥ ৮ ॥
ততো রূপগুণৌদার্যসম্পন্না প্রাহ কেশবম্ । উত্তরীযান্তমাকৃষ্য স্মযন্তী জাতহৃচ্ছযা ॥ ৯ ॥
এহি বীর গৃহং যামো ন ত্বাং ত্যক্তুমিহোত্সহে । ত্বযোন্মথিতচিত্তাযাঃ প্রসীদ পুরুষর্ষভ ॥ ১০ ॥
এবং স্ত্রিযা যাচ্যমানঃ কৃষ্ণো রামস্য পশ্যতঃ । মুখং বীক্ষ্যানু গোপানাং প্রহসংস্তামুবাচ হ ॥ ১১ ॥
এষ্যামি তে গৃহং সুভ্রু পুংসামাধিবিকর্শনম্ । সাধিতার্থোঽগৃহাণাং নঃ পান্থানাং ত্বং পরাযণম্ ॥ ১২ ॥
বিসৃজ্য মাধ্ব্যা বাণ্যা তাম্ব্রজন্ মার্গে বণিক্পথৈঃ । নানোপাযনতাম্বূলস্রগ্গন্ধৈঃ সাগ্রজোঽর্চিতঃ ॥ ১৩ ॥
তদ্দর্শনস্মরক্ষোভাদাত্মানং নাবিদন্ স্ত্রিযঃ । বিস্রস্তবাসঃকবরবলযা লেখ্যমূর্তযঃ ॥ ১৪ ॥
ততঃ পৌরান্ পৃচ্ছমানো ধনুষঃ স্থানমচ্যুতঃ । তস্মিন্ প্রবিষ্টো দদৃশে ধনুরৈন্দ্রমিবাদ্ভুতম্ ॥ ১৫ ॥
পুরুষৈর্বহুভির্গুপ্তমর্চিতং পরমর্দ্ধিমত্ । বার্যমাণো নৃভিঃ কৃষ্ণঃ প্রসহ্য ধনুরাদদে ॥ ১৬ ॥
করেণ বামেন সলীলমুদ্ধৃতংসজ্যং চ কৃত্বা নিমিষেণ পশ্যতাম্ । নৃণাং বিকৃষ্য প্রবভঞ্জ মধ্যতোযথেক্ষুদণ্ডং মদকর্যুরুক্রমঃ ॥ ১৭ ॥
ধনুষো ভজ্যমানস্য শব্দঃ খং রোদসী দিশঃ । পূরযামাস যং শ্রুত্বা কংসস্ত্রাসমুপাগমত্ ॥ ১৮ ॥
তদ্ রক্ষিণঃ সানুচরং কুপিতা আততাযিনঃ । গৃহীতুকামা আবব্রুর্গৃহ্যতাং বধ্যতামিতি ॥ ১৯ ॥
অথ তান্দুরভিপ্রাযান্ বিলোক্য বলকেশবৌ । ক্রুদ্ধৌ ধন্বন আদায শকলে তাংশ্চ জঘ্নতুঃ ॥ ২০ ॥
বলং চ কংসপ্রহিতং হত্বা শালামুখাত্ততঃ । নিষ্ক্রম্য চেরতুর্হৃষ্টৌ নিরীক্ষ্য পুরসম্পদঃ ॥ ২১ ॥
তযোস্তদদ্ভুতং বীর্যং নিশাম্য পুরবাসিনঃ ।
তেজঃ প্রাগল্ভ্যং রূপং চ মেনিরে বিবুধোত্তমৌ
তেজঃ প্রাগল্ভ্যং রূপং চ মেনিরে বিবুধোত্তমৌ
তযোর্বিচরতোঃ স্বৈরমাদিত্যোঽস্তমুপেযিবান্ । কৃষ্ণরামৌ বৃতৌ গোপৈঃ পুরাচ্ছকটমীযতুঃ ॥ ২৩ ॥
গোপ্যো মুকুন্দবিগমে বিরহাতুরা যাআশাসতাশিষ ঋতা মধুপুর্যভূবন্ । সম্পশ্যতাং পুরুষভূষণগাত্রলক্ষ্মীংহিত্বেতরান্ নু ভজতশ্চকমেঽযনং শ্রীঃ ॥ ২৪ ॥
অবনিক্তাঙ্ঘ্রিযুগলৌ ভুক্ত্বা ক্ষীরোপসেচনম্ । ঊষতুস্তাং সুখং রাত্রিং জ্ঞাত্বা কংসচিকীর্ষিতম্ ॥ ২৫ ॥
কংসস্তু ধনুষো ভঙ্গং রক্ষিণাং স্ববলস্য চ । বধং নিশম্য গোবিন্দরামবিক্রীডিতং পরম্ ॥ ২৬ ॥
দীর্ঘপ্রজাগরো ভীতো দুর্নিমিত্তানি দুর্মতিঃ । বহূন্যচষ্টোভযথা মৃত্যোর্দৌত্যকরাণি চ ॥ ২৭ ॥
অদর্শনং স্বশিরসঃ প্রতিরূপে চ সত্যপি । অসত্যপি দ্বিতীযে চ দ্বৈরূপ্যং জ্যোতিষাং তথা ॥ ২৮ ॥
ছিদ্রপ্রতীতিশ্ছাযাযাং প্রাণঘোষানুপশ্রুতিঃ । স্বর্ণপ্রতীতির্বৃক্ষেষু স্বপদানামদর্শনম্ ॥ ২৯ ॥
স্বপ্নে প্রেতপরিষ্বঙ্গঃ খরযানং বিষাদনম্ । যাযান্নলদমাল্যেকস্তৈলাভ্যক্তো দিগম্বরঃ ॥ ৩০ ॥
অন্যানি চেত্থং ভূতানি স্বপ্নজাগরিতানি চ । পশ্যন্ মরণসন্ত্রস্তো নিদ্রাং লেভে ন চিন্তযা ॥ ৩১ ॥
ব্যুষ্টাযাং নিশি কৌরব্য সূর্যে চাদ্ভ্যঃ সমুত্থিতে । কারযামাস বৈ কংসো মল্লক্রীডামহোত্সবম্ ॥ ৩২ ॥
আনর্চুঃ পুরুষা রঙ্গং তূর্যভের্যশ্চ জঘ্নিরে । মঞ্চাশ্চালঙ্কৃতাঃ স্রগ্ভিঃ পতাকাচৈলতোরণৈঃ ॥ ৩৩ ॥
তেষু পৌরা জানপদা ব্রহ্মক্ষত্রপুরোগমাঃ । যথোপজোষং বিবিশূ রাজানশ্চ কৃতাসনাঃ ॥ ৩৪ ॥
কংসঃ পরিবৃতোঽমাত্যৈ রাজমঞ্চ উপাবিশত্ । মণ্ডলেশ্বরমধ্যস্থো হৃদযেন বিদূযতা ॥ ৩৫ ॥
বাদ্যমানেষু তূর্যেষু মল্লতালোত্তরেষু চ । মল্লাঃ স্বলঙ্কৃতাঃ দৃপ্তাঃ সোপাধ্যাযাঃ সমাসত ॥ ৩৬ ॥
চাণূরো মুষ্টিকঃ কূটঃ শলস্তোশল এব চ । ত আসেদুরুপস্থানং বল্গুবাদ্যপ্রহর্ষিতাঃ ॥ ৩৭ ॥
নন্দগোপাদযো গোপা ভোজরাজসমাহুতাঃ । নিবেদিতোপাযনাস্ত একস্মিন্মঞ্চ আবিশন্ ॥ ৩৮ ॥