ஶ்ரீமத்பாகவதம் ௧௦.௫௩

ஶ்ரீஶுக உவாச
வைதர்ப்யாஃ ஸ து ஸந்தேஶம் நிஶம்ய யதுநந்தநஃ ।
ப்ரக்ரு'ஹ்ய பாணிநா பாணிம் ப்ரஹஸந்நிதமப்ரவீத் ॥ ௧ ॥

ஶ்ரீபகவாநுவாச
ததாஹமபி தச்சித்தோ நித்ராம் ச ந லபே நிஶி ।
வேதாஹம் ருக்மிணா த்வேஷாந்மமோத்வாஹோ நிவாரிதஃ ॥ ௨ ॥

தாமாநயிஷ்ய உந்மத்ய ராஜந்யாபஸதாந் ம்ரு'தே ।
மத்பராமநவத்யாங்கீமேதஸோ'க்நிஶிகாமிவ ॥ ௩ ॥

ஶ்ரீஶுக உவாச
உத்வாஹர்க்ஷம் ச விஜ்ஞாய ருக்மிண்யா மதுஸூதநஃ ।
ரதஃ ஸம்யுஜ்யதாமாஶு தாருகேத்யாஹ ஸாரதிம் ॥ ௪ ॥

ஸ சாஶ்வைஃ ஶைப்யஸுக்ரீவமேகபுஷ்பபலாஹகைஃ ।
யுக்தம் ரதமுபாநீய தஸ்தௌ ப்ராஞ்ஜலிரக்ரதஃ ॥ ௫ ॥

ஆருஹ்ய ஸ்யந்தநம் ஶௌரிர்த்விஜமாரோப்ய தூர்ணகைஃ ।
ஆநர்தாதேகராத்ரேண விதர்பாநகமத்தயைஃ ॥ ௬ ॥

ராஜா ஸ குண்டிநபதிஃ புத்ரஸ்நேஹவஶாநுகஃ ।
ஶிஶுபாலாய ஸ்வாம் கந்யாம் தாஸ்யந் கர்மாண்யகாரயத் ॥ ௭ ॥

புரம் ஸம்ம்ரு'ஷ்டஸம்ஸிக்தமார்கரத்யாசதுஷ்பதம் ।
சித்ரத்வஜபதாகாபிஸ்தோரணைஃ ஸமலங்க்ரு'தம் ॥ ௮ ॥

ஸ்ரக்கந்தமால்யாபரணைர்விரஜோ'ம்பரபூஷிதைஃ ।
ஜுஷ்டம் ஸ்த்ரீபுருஷைஃ ஶ்ரீமத்க்ரு'ஹைரகுருதூபிதைஃ ॥ ௯ ॥

பித்ரு'ந் தேவாந் ஸமப்யர்ச்ய விப்ராம்ஶ்ச விதிவந்ந்ரு'ப ।
போஜயித்வா யதாந்யாயம் வாசயாமாஸ மங்கலம் ॥ ௧௦ ॥

ஸுஸ்நாதாம் ஸுததீம் கந்யாம் க்ரு'தகௌதுகமங்கலாம் ।
ஆஹதாம்ஶுகயுக்மேந பூஷிதாம் பூஷணோத்தமைஃ ॥ ௧௧ ॥

சக்ருஃ ஸாமர்க்யஜுர்மந்த்ரைர்வத்வா ரக்ஷாம் த்விஜோத்தமாஃ ।
புரோஹிதோ'தர்வவித்வை ஜுஹாவ க்ரஹஶாந்தயே ॥ ௧௨ ॥

ஹிரண்யரூப்யவாஸாம்ஸி திலாம்ஶ்ச குடமிஶ்ரிதாந் ।
ப்ராதாத் தேநூஶ்ச விப்ரேப்யோ ராஜா விதிவிதாம் வரஃ ॥ ௧௩ ॥

ஏவம் சேதிபதீ ராஜா தமகோஷஃ ஸுதாய வை ।
காரயாமாஸ மந்த்ரஜ்ஞைஃ ஸர்வமப்யுதயோசிதம் ॥ ௧௪ ॥

மதச்யுத்பிர்கஜாநீகைஃ ஸ்யந்தநைர்ஹேமமாலிபிஃ ।
பத்த்யஶ்வஸங்குலைஃ ஸைந்யைஃ பரீதஃ குண்டிநம் யயௌ ॥ ௧௫ ॥

தம் வை விதர்பாதிபதிஃ ஸமப்யேத்யாபிபூஜ்ய ச ।
நிவேஶயாமாஸ முதா கல்பிதாந்யநிவேஶநே ॥ ௧௬ ॥

தத்ர ஶால்வோ ஜராஸந்தோ தந்தவக்ரோ விதூரதஃ ।
ஆஜக்முஶ்சைத்யபக்ஷீயாஃ பௌண்ட்ரகாத்யாஃ ஸஹஸ்ரஶஃ ॥ ௧௭ ॥

க்ரு'ஷ்ணராமத்விஷோ யத்தாஃ கந்யாம் சைத்யாய ஸாதிதும் । யத்யாகத்ய ஹரேத் க்ரு'ஷ்ணோ ராமாத்யைர்யதுபிர்வ்ரு'தஃ ॥ ௧௮ ॥

யோத்ஸ்யாமஃ ஸம்ஹதாஸ்தேந இதி நிஶ்சிதமாநஸாஃ । ஆஜக்முர்பூபுஜஃ ஸர்வே ஸமக்ரபலவாஹநாஃ ॥ ௧௯ ॥

ஶ்ருத்வைதத் பகவாந் ராமோ விபக்ஷீயந்ரு'போத்யமம் । க்ரு'ஷ்ணம் சைகம் கதம் ஹர்தும் கந்யாம் கலஹஶங்கிதஃ ॥ ௨௦ ॥

பலேந மஹதா ஸார்தம் ப்ராத்ரு'ஸ்நேஹபரிப்லுதஃ । த்வரிதஃ குண்டிநம் ப்ராகாத் கஜாஶ்வரதபத்திபிஃ ॥ ௨௧ ॥

பீஷ்மகந்யா வராரோஹா காங்க்ஷந்த்யாகமநம் ஹரேஃ । ப்ரத்யாபத்திமபஶ்யந்தீ த்விஜஸ்யாசிந்தயத்ததா ॥ ௨௨ ॥

அஹோ த்ரியாமாந்தரித உத்வாஹோ மே'ல்பராதஸஃ । நாகச்சத்யரவிந்தாக்ஷோ நாஹம் வேத்ம்யத்ர காரணம் । ஸோ'பி நாவர்ததே'த்யாபி மத்ஸந்தேஶஹரோ த்விஜஃ ॥ ௨௩ ॥

அபி மய்யநவத்யாத்மா த்ரு'ஷ்ட்வா கிஞ்சிஜ்ஜுகுப்ஸிதம் । மத்பாணிக்ரஹணே நூநம் நாயாதி ஹி க்ரு'தோத்யமஃ ॥ ௨௪ ॥

துர்பகாயா ந மே தாதா நாநுகூலோ மஹேஶ்வரஃ । தேவீ வா விமுகீ கௌரீ ருத்ராணீ கிரிஜா ஸதீ ॥ ௨௫ ॥

ஏவம் சிந்தயதீ பாலா கோவிந்தஹ்ரு'தமாநஸா । ந்யமீலயத காலஜ்ஞா நேத்ரே சாஶ்ருகலாகுலே ॥ ௨௬ ॥

ஏவம் வத்வாஃ ப்ரதீக்ஷந்த்யா கோவிந்தாகமநம் ந்ரு'ப । வாம ஊருர்புஜோ நேத்ரமஸ்புரந் ப்ரியபாஷிணஃ ॥ ௨௭ ॥

அத க்ரு'ஷ்ணவிநிர்திஷ்டஃ ஸ ஏவ த்விஜஸத்தமஃ । அந்தஃபுரசரீம் தேவீம் ராஜபுத்ரீம் ததர்ஶ ஹ ॥ ௨௮ ॥

ஸா தம் ப்ரஹ்ரு'ஷ்டவதநமவ்யக்ராத்மகதிம் ஸதீ । ஆலக்ஷ்ய லக்ஷணாபிஜ்ஞா ஸமப்ரு'ச்சச்சுசிஸ்மிதா ॥ ௨௯ ॥

தஸ்யா ஆவேதயத் ப்ராப்தம் ஶஶம்ஸ யதுநந்தநம் । உக்தம் ச ஸத்யவசநமாத்மோபநயநம் ப்ரதி ॥ ௩௦ ॥

தமாகதம் ஸமாஜ்ஞாய வைதர்பீ ஹ்ரு'ஷ்டமாநஸா । ந பஶ்யந்தீ ப்ராஹ்மணாய ப்ரியமந்யந்நநாம ஸா ॥ ௩௧ ॥

ப்ராப்தௌ ஶ்ருத்வா ஸ்வதுஹிதுருத்வாஹப்ரேக்ஷணோத்ஸுகௌ । அப்யயாத்தூர்யகோஷேண ராமக்ரு'ஷ்ணௌ ஸமர்ஹணைஃ ॥ ௩௨ ॥

மதுபர்கமுபாநீய வாஸாம்ஸி விரஜாம்ஸி ஸஃ । உபாயநாந்யபீஷ்டாநி விதிவத் ஸமபூஜயத் ॥ ௩௩ ॥

தயோர்நிவேஶநம் ஶ்ரீமதுபாகல்ப்ய மஹாமதிஃ । ஸஸைந்யயோஃ ஸாநுகயோராதித்யம் விததே யதா ॥ ௩௪ ॥

ஏவம் ராஜ்ஞாம் ஸமேதாநாம் யதாவீர்யம்
யதாவயஃ । யதாபலம் யதாவித்தம் ஸர்வைஃ காமைஃ ஸமர்ஹயத் ॥ ௩௫ ॥

க்ரு'ஷ்ணமாகதமாகர்ண்ய
விதர்பபுரவாஸிநஃ । ஆகத்ய நேத்ராஞ்ஜலிபிஃ பபுஸ்தந்முகபங்கஜம் ॥ ௩௬ ॥

அஸ்யைவ பார்யா பவிதும் ருக்மிண்யர்ஹதி
நாபரா । அஸாவப்யநவத்யாத்மா பைஷ்ம்யாஃ ஸமுசிதஃ பதிஃ ॥ ௩௭ ॥

கிஞ்சித்ஸுசரிதம் யந்நஸ்தேந
துஷ்டஸ்த்ரிலோகக்ரு'த் । அநுக்ரு'ஹ்ணாது க்ரு'ஹ்ணாது வைதர்ப்யாஃ பாணிமச்யுதஃ ॥
௩௮ ॥

ஏவம் ப்ரேமகலாபத்தா வதந்தி ஸ்ம
புரௌகஸஃ । கந்யா சாந்தஃபுராத் ப்ராகாத் படைர்குப்தாம்பிகாலயம் ॥ ௩௯ ॥

பத்ப்யாம் விநிர்யயௌ த்ரஷ்டும் பவாந்யாஃ பாதபல்லவம் ।
ஸா சாநுத்யாயதீ ஸம்யங்முகுந்தசரணாம்புஜம் ॥ ௪௦ ॥

யதவாங்மாத்ரு'பிஃ ஸார்தம் ஸகீபிஃ பரிவாரிதா ।
குப்தா ராஜபடைஃ ஶூரைஃ ஸந்நத்தைருத்யதாயுதைஃ ।
ம்ரு'தங்கஶங்கபணவாஸ்தூர்யபேர்யஶ்ச ஜக்நிரே ॥ ௪௧ ॥

நாநோபஹாரபலிபிர்வாரமுக்யாஃ ஸஹஸ்ரஶஃ ।
ஸ்ரக்கந்தவஸ்த்ராபரணைர்த்விஜபத்ந்யஃ ஸ்வலங்க்ரு'தாஃ ॥ ௪௨ ॥

காயந்த்யஶ்ச ஸ்துவந்தஶ்ச காயகா வாத்யவாதகாஃ ।
பரிவார்ய வதூம் ஜக்முஃ ஸூதமாகதவந்திநஃ ॥ ௪௩ ॥

ஆஸாத்ய தேவீஸதநம் தௌதபாதகராம்புஜா ।
உபஸ்ப்ரு'ஶ்ய ஶுசிஃ ஶாந்தா ப்ரவிவேஶாம்பிகாந்திகம் ॥ ௪௪ ॥

தாம் வை ப்ரவயஸோ பாலாம் விதிஜ்ஞா விப்ரயோஷிதஃ ।
பவாநீம் வந்தயாம்சக்ருர்பவபத்நீம் பவாந்விதாம் ॥ ௪௫ ॥

நமஸ்யே த்வாம்பிகே'பீக்ஷ்ணம் ஸ்வஸந்தாநயுதாம் ஶிவாம் ।
பூயாத் பதிர்மே பகவாந் க்ரு'ஷ்ணஸ்ததநுமோததாம் ॥ ௪௬ ॥

அத்பிர்கந்தாக்ஷதைர்தூபைர்வாஸஃஸ்ரங்மால்யபூஷணைஃ ।
நாநோபஹாரபலிபிஃ ப்ரதீபாவலிபிஃ ப்ரு'தக் ॥ ௪௭ ॥

விப்ரஸ்த்ரியஃ பதிமதீஸ்ததா தைஃ ஸமபூஜயத் ।
லவணாபூபதாம்பூலகண்டஸூத்ரபலேக்ஷுபிஃ ॥ ௪௮ ॥

தஸ்யை ஸ்த்ரியஸ்தாஃ ப்ரததுஃ ஶேஷாம் யுயுஜுராஶிஷஃ ।
தாப்யோ தேவ்யை நமஶ்சக்ரே ஶேஷாம் ச ஜக்ரு'ஹே வதூஃ ॥ ௪௯ ॥

முநிவ்ரதமத த்யக்த்வா நிஶ்சக்ராமாம்பிகாக்ரு'ஹாத் ।
ப்ரக்ரு'ஹ்ய பாணிநா ப்ரு'த்யாம் ரத்நமுத்ரோபஶோபிநா ॥ ௫௦ ॥

தாம் தேவமாயாமிவ தீரமோஹிநீம்
ஸுமத்யமாம் குண்டலமண்டிதாநநாம் ।
ஶ்யாமாம் நிதம்பார்பிதரத்நமேகலாம்
வ்யஞ்ஜத்ஸ்தநீம் குந்தலஶங்கிதேக்ஷணாம் ।
ஶுசிஸ்மிதாம் பிம்பபலாதரத்யுதி-
ஶோணாயமாநத்விஜகுந்தகுட்மலாம் ॥ ௫௧ ॥

பதா சலந்தீம் கலஹம்ஸகாமிநீம்
ஸிஞ்ஜத்கலாநூபுரதாமஶோபிநா ।
விலோக்ய வீரா முமுஹுஃ ஸமாகதா
யஶஸ்விநஸ்தத்க்ரு'தஹ்ரு'ச்சயார்திதாஃ ॥ ௫௨ ॥

யாம் வீக்ஷ்ய தே ந்ரு'பதயஸ்ததுதாரஹாஸ-
வ்ரீதாவலோகஹ்ரு'தசேதஸ உஜ்சிதாஸ்த்ராஃ ।
பேதுஃ க்ஷிதௌ கஜரதாஶ்வகதா விமூடா
யாத்ராச்சலேந ஹரயே'ர்பயதீம் ஸ்வஶோபாம் ॥ ௫௩ ॥

ஸைவம் ஶநைஶ்சலயதீ சலபத்மகோஶௌ
ப்ராப்திம் ததா பகவதஃ ப்ரஸமீக்ஷமாணா ।
உத்ஸார்ய வாமகரஜைரலகாநபாங்கைஃ
ப்ராப்தாந் ஹ்ரியைக்ஷத ந்ரு'பாந் தத்ரு'ஶே'ச்யுதம் ச ॥ ௫௪ ॥

தாம் ராஜகந்யாம் ரதமாருருக்ஷதீம்
ஜஹார க்ரு'ஷ்ணோ த்விஷதாம் ஸமீக்ஷதாம் ॥ ௫௫ ॥

ரதம் ஸமாரோப்ய ஸுபர்ணலக்ஷணம்
ராஜந்யசக்ரம் பரிபூய மாதவஃ ।
ததோ யயௌ ராமபுரோகமஃ ஶநைஃ
ஶ்ரு'காலமத்யாதிவ பாகஹ்ரு'த்தரிஃ ॥ ௫௬ ॥

தம் மாநிநஃ ஸ்வாபிபவம் யஶஃக்ஷயம்
பரே ஜராஸந்தமுகா ந ஸேஹிரே ।
அஹோ திகஸ்மாந் யஶ ஆத்ததந்வநாம்
கோபைர்ஹ்ரு'தம் கேஶரிணாம் ம்ரு'கைரிவ ॥ ௫௭ ॥