শ্রীশুক উবাচ
সত্রাজিতঃ স্বতনযাং কৃষ্ণায কৃতকিল্বিষঃ ।
স্যমন্তকেন মণিনা স্বযমুদ্যম্য দত্তবান্ ॥ ১ ॥
সত্রাজিতঃ স্বতনযাং কৃষ্ণায কৃতকিল্বিষঃ ।
স্যমন্তকেন মণিনা স্বযমুদ্যম্য দত্তবান্ ॥ ১ ॥
শ্রীরাজোবাচ
সত্রাজিতঃ কিমকরোদ্ ব্রহ্মন্ কৃষ্ণস্য কিল্বিষঃ ।
স্যমন্তকঃ কুতস্তস্য কস্মাদ্ দত্তা সুতা হরেঃ ॥ ২ ॥
সত্রাজিতঃ কিমকরোদ্ ব্রহ্মন্ কৃষ্ণস্য কিল্বিষঃ ।
স্যমন্তকঃ কুতস্তস্য কস্মাদ্ দত্তা সুতা হরেঃ ॥ ২ ॥
শ্রীশুক উবাচ
আসীত্ সত্রাজিতঃ সূর্যো ভক্তস্য পরমঃ সখা ।
প্রীতস্তস্মৈ মণিং প্রাদাত্ স চ তুষ্টঃ স্যমন্তকম্ ॥ ৩ ॥
আসীত্ সত্রাজিতঃ সূর্যো ভক্তস্য পরমঃ সখা ।
প্রীতস্তস্মৈ মণিং প্রাদাত্ স চ তুষ্টঃ স্যমন্তকম্ ॥ ৩ ॥
স তং বিভ্রন্ মণিং কণ্ঠে ভ্রাজমানো যথা রবিঃ ।
প্রবিষ্টো দ্বারকাং রাজন্ তেজসা নোপলক্ষিতঃ ॥ ৪ ॥
প্রবিষ্টো দ্বারকাং রাজন্ তেজসা নোপলক্ষিতঃ ॥ ৪ ॥
তং বিলোক্য জনা দূরাত্তেজসা মুষ্টদৃষ্টযঃ ।
দীব্যতেঽক্ষৈর্ভগবতে শশংসুঃ সূর্যশঙ্কিতাঃ ॥ ৫ ॥
দীব্যতেঽক্ষৈর্ভগবতে শশংসুঃ সূর্যশঙ্কিতাঃ ॥ ৫ ॥
নারাযণ নমস্তেঽস্তু শঙ্খচক্রগদাধর ।
দামোদরারবিন্দাক্ষ গোবিন্দ যদুনন্দন ॥ ৬ ॥
দামোদরারবিন্দাক্ষ গোবিন্দ যদুনন্দন ॥ ৬ ॥
এষ আযাতি সবিতা ত্বাং দিদৃক্ষুর্জগত্পতে ।
মুষ্ণন্ গভস্তিচক্রেণ নৃণাং চক্ষূংষি তিগ্মগুঃ ॥ ৭ ॥
মুষ্ণন্ গভস্তিচক্রেণ নৃণাং চক্ষূংষি তিগ্মগুঃ ॥ ৭ ॥
নন্বন্বিচ্ছন্তি তে মার্গং ত্রিলোক্যাং বিবুধর্ষভাঃ ।
জ্ঞাত্বাদ্য গূঢং যদুষু দ্রষ্টুং ত্বাং যাত্যজঃ প্রভো ॥ ৮ ॥
জ্ঞাত্বাদ্য গূঢং যদুষু দ্রষ্টুং ত্বাং যাত্যজঃ প্রভো ॥ ৮ ॥
শ্রীশুক উবাচ
নিশম্য বালবচনং প্রহস্যাম্বুজলোচনঃ ।
প্রাহ নাসৌ রবির্দেবঃ সত্রাজিন্মণিনা জ্বলন্ ॥ ৯ ॥
নিশম্য বালবচনং প্রহস্যাম্বুজলোচনঃ ।
প্রাহ নাসৌ রবির্দেবঃ সত্রাজিন্মণিনা জ্বলন্ ॥ ৯ ॥
সত্রাজিত্ স্বগৃহং শ্রীমত্ কৃতকৌতুকমঙ্গলম্ ।
প্রবিশ্য দেবসদনে মণিং বিপ্রৈর্ন্যবেশযত্ ॥ ১০ ॥
প্রবিশ্য দেবসদনে মণিং বিপ্রৈর্ন্যবেশযত্ ॥ ১০ ॥
দিনে দিনে স্বর্ণভারানষ্টৌ স সৃজতি প্রভো ।
দুর্ভিক্ষমার্যরিষ্টানি সর্পাধিব্যাধযোঽশুভাঃ ।
ন সন্তি মাযিনস্তত্র যত্রাস্তেঽভ্যর্চিতো মণিঃ ॥ ১১ ॥
দুর্ভিক্ষমার্যরিষ্টানি সর্পাধিব্যাধযোঽশুভাঃ ।
ন সন্তি মাযিনস্তত্র যত্রাস্তেঽভ্যর্চিতো মণিঃ ॥ ১১ ॥
স যাচিতো মণিং ক্বাপি যদুরাজায শৌরিণা ।
নৈবার্থকামুকঃ প্রাদাদ্ যাচ্ঞাভঙ্গমতর্কযন্ ॥ ১২ ॥
নৈবার্থকামুকঃ প্রাদাদ্ যাচ্ঞাভঙ্গমতর্কযন্ ॥ ১২ ॥
তমেকদা মণিং কণ্ঠে প্রতিমুচ্য মহাপ্রভম্ ।
প্রসেনো হযমারুহ্য মৃগাযাং ব্যচরদ্ বনে ॥ ১৩ ॥
প্রসেনো হযমারুহ্য মৃগাযাং ব্যচরদ্ বনে ॥ ১৩ ॥
প্রসেনং সহযং হত্বা মণিমাচ্ছিদ্য কেশরী ।
গিরিং বিশন্ জাম্ববতা নিহতো মণিমিচ্ছতা ॥ ১৪ ॥
গিরিং বিশন্ জাম্ববতা নিহতো মণিমিচ্ছতা ॥ ১৪ ॥
সোঽপি চক্রে কুমারস্য মণিং ক্রীডনকং বিলে ।
অপশ্যন্ ভ্রাতরং ভ্রাতা সত্রাজিত্ পর্যতপ্যত ॥ ১৫ ॥
অপশ্যন্ ভ্রাতরং ভ্রাতা সত্রাজিত্ পর্যতপ্যত ॥ ১৫ ॥
প্রাযঃ কৃষ্ণেন নিহতো মণিগ্রীবো বনং গতঃ ।
ভ্রাতা মমেতি তচ্ছ্রুত্বা কর্ণে কর্ণেঽজপন্ জনাঃ ॥ ১৬ ॥
ভ্রাতা মমেতি তচ্ছ্রুত্বা কর্ণে কর্ণেঽজপন্ জনাঃ ॥ ১৬ ॥
ভগবাংস্তদুপশ্রুত্য দুর্যশো লিপ্তমাত্মনি ।
মার্ষ্টুং প্রসেনপদবীমন্বপদ্যত নাগরৈঃ ॥ ১৭ ॥
মার্ষ্টুং প্রসেনপদবীমন্বপদ্যত নাগরৈঃ ॥ ১৭ ॥
হতং প্রসেনং অশ্বং চ বীক্ষ্য কেশরিণা বনে ।
তং চাদ্রিপৃষ্ঠে নিহতমৃক্ষেণ দদৃশুর্জনাঃ ॥ ১৮ ॥
তং চাদ্রিপৃষ্ঠে নিহতমৃক্ষেণ দদৃশুর্জনাঃ ॥ ১৮ ॥
ঋক্ষরাজবিলং ভীমমন্ধেন তমসাবৃতম্ ।
একো বিবেশ ভগবানবস্থাপ্য বহিঃ প্রজাঃ ॥ ১৯ ॥
একো বিবেশ ভগবানবস্থাপ্য বহিঃ প্রজাঃ ॥ ১৯ ॥
তত্র দৃষ্ট্বা মণিপ্রেষ্ঠং বালক্রীডনকং কৃতম্ ।
হর্তুং কৃতমতিস্তস্মিন্নবতস্থেঽর্ভকান্তিকে ॥ ২০ ॥
হর্তুং কৃতমতিস্তস্মিন্নবতস্থেঽর্ভকান্তিকে ॥ ২০ ॥
তমপূর্বং নরং দৃষ্ট্বা ধাত্রী চুক্রোশ ভীতবত্ ।
তচ্ছ্রুত্বাভ্যদ্রবত্ ক্রুদ্ধো জাম্ববান্ বলিনাং বরঃ ॥ ২১ ॥
তচ্ছ্রুত্বাভ্যদ্রবত্ ক্রুদ্ধো জাম্ববান্ বলিনাং বরঃ ॥ ২১ ॥
স বৈ ভগবতা তেন যুযুধে স্বামিনাত্মনঃ ।
পুরুষং প্রাকৃতং মত্বা কুপিতো নানুভাববিত্ ॥ ২২ ॥
পুরুষং প্রাকৃতং মত্বা কুপিতো নানুভাববিত্ ॥ ২২ ॥
দ্বন্দ্বযুদ্ধং সুতুমুলমুভযোর্বিজিগীষতোঃ ।
আযুধাশ্মদ্রুমৈর্দোর্ভিঃ ক্রব্যার্থে শ্যেনযোরিব ॥ ২৩ ॥
আযুধাশ্মদ্রুমৈর্দোর্ভিঃ ক্রব্যার্থে শ্যেনযোরিব ॥ ২৩ ॥
আসীত্তদষ্টাবিংশাহমিতরেতরমুষ্টিভিঃ ।
বজ্রনিষ্পেষপরুষৈরবিশ্রমমহর্নিশম্ ॥ ২৪ ॥
বজ্রনিষ্পেষপরুষৈরবিশ্রমমহর্নিশম্ ॥ ২৪ ॥
কৃষ্ণমুষ্টিবিনিষ্পাতনিষ্পিষ্টাঙ্গোরুবন্ধনঃ ।
ক্ষীণসত্ত্বঃ স্বিন্নগাত্রস্তমাহাতীব বিস্মিতঃ ॥ ২৫ ॥
ক্ষীণসত্ত্বঃ স্বিন্নগাত্রস্তমাহাতীব বিস্মিতঃ ॥ ২৫ ॥
জানে ত্বাং সর্বভূতানাং প্রাণ ওজঃ সহো বলম্ ।
বিষ্ণুং পুরাণপুরুষং প্রভবিষ্ণুমধীশ্বরম্ ॥ ২৬ ॥
বিষ্ণুং পুরাণপুরুষং প্রভবিষ্ণুমধীশ্বরম্ ॥ ২৬ ॥
ত্বং হি বিশ্বসৃজাং স্রষ্টা সৃষ্টানামপি যচ্চ সত্ ।
কালঃ কলযতামীশঃ পর আত্মা তথাত্মনাম্ ॥ ২৭ ॥
কালঃ কলযতামীশঃ পর আত্মা তথাত্মনাম্ ॥ ২৭ ॥
যস্যেষদুত্কলিতরোষকটাক্ষমোক্ষৈ-
র্বর্ত্মাদিশত্ ক্ষুভিতনক্রতিমিঙ্গলোঽব্ধিঃ ।
সেতুঃ কৃতঃ স্বযশ উজ্জ্বলিতা চ লঙ্কা
রক্ষঃশিরাংসি ভুবি পেতুরিষুক্ষতানি ॥ ২৮ ॥
র্বর্ত্মাদিশত্ ক্ষুভিতনক্রতিমিঙ্গলোঽব্ধিঃ ।
সেতুঃ কৃতঃ স্বযশ উজ্জ্বলিতা চ লঙ্কা
রক্ষঃশিরাংসি ভুবি পেতুরিষুক্ষতানি ॥ ২৮ ॥
ইতি বিজ্ঞাতবিজ্ঞানমৃক্ষরাজানমচ্যুতঃ ।
ব্যাজহার মহারাজ ভগবান্ দেবকীসুতঃ ॥ ২৯ ॥
ব্যাজহার মহারাজ ভগবান্ দেবকীসুতঃ ॥ ২৯ ॥
অভিমৃশ্যারবিন্দাক্ষঃ পাণিনা শংকরেণ তম্ ।
কৃপযা পরযা ভক্তং মেঘগম্ভীরযা গিরা ॥ ৩০ ॥
কৃপযা পরযা ভক্তং মেঘগম্ভীরযা গিরা ॥ ৩০ ॥
মণিহেতোরিহ প্রাপ্তা বযমৃক্ষপতে বিলম্ ।
মিথ্যাভিশাপং প্রমৃজন্নাত্মনো মণিনামুনা ॥ ৩১ ॥
মিথ্যাভিশাপং প্রমৃজন্নাত্মনো মণিনামুনা ॥ ৩১ ॥
ইত্যুক্তঃ স্বাং দুহিতরং কন্যাং জাম্ববতীং মুদা ।
অর্হণার্থং স মণিনা কৃষ্ণাযোপজহার হ ॥ ৩২ ॥
অর্হণার্থং স মণিনা কৃষ্ণাযোপজহার হ ॥ ৩২ ॥
অদৃষ্ট্বা নির্গমং শৌরেঃ প্রবিষ্টস্য বিলং জনাঃ ।
প্রতীক্ষ্য দ্বাদশাহানি দুঃখিতাঃ স্বপুরং যযুঃ ॥ ৩৩ ॥
প্রতীক্ষ্য দ্বাদশাহানি দুঃখিতাঃ স্বপুরং যযুঃ ॥ ৩৩ ॥
নিশম্য দেবকী দেবী রক্মিণ্যানকদুন্দুভিঃ ।
সুহৃদো জ্ঞাতযোঽশোচন্ বিলাত্ কৃষ্ণমনির্গতম্ ॥ ৩৪ ॥
সুহৃদো জ্ঞাতযোঽশোচন্ বিলাত্ কৃষ্ণমনির্গতম্ ॥ ৩৪ ॥
সত্রাজিতং শপন্তস্তে দুঃখিতা দ্বারকৌকসঃ ।
উপতস্থুশ্চন্দ্রভাগাং দুর্গাং কৃষ্ণোপলব্ধযে ॥ ৩৫ ॥
উপতস্থুশ্চন্দ্রভাগাং দুর্গাং কৃষ্ণোপলব্ধযে ॥ ৩৫ ॥
তেষাং তু দেব্যুপস্থানাত্ প্রত্যাদিষ্টাশিষা স চ ।
প্রাদুর্বভূব সিদ্ধার্থঃ সদারো হর্ষযন্ হরিঃ ॥ ৩৬ ॥
প্রাদুর্বভূব সিদ্ধার্থঃ সদারো হর্ষযন্ হরিঃ ॥ ৩৬ ॥
উপলভ্য হৃষীকেশং মৃতং পুনরিবাগতম্ ।
সহ পত্ন্যা মণিগ্রীবং সর্বে জাতমহোত্সবাঃ ॥ ৩৭ ॥
সহ পত্ন্যা মণিগ্রীবং সর্বে জাতমহোত্সবাঃ ॥ ৩৭ ॥
সত্রাজিতং সমাহূয সভাযাং রাজসন্নিধৌ ।
প্রাপ্তিং চাখ্যায ভগবান্ মণিং তস্মৈ ন্যবেদযত্ ॥ ৩৮ ॥
প্রাপ্তিং চাখ্যায ভগবান্ মণিং তস্মৈ ন্যবেদযত্ ॥ ৩৮ ॥
স চাতিব্রীডিতো রত্নং গৃহীত্বাবাঙ্মুখস্ততঃ ।
অনুতপ্যমানো ভবনমগমত্ স্বেন পাপ্মনা ॥ ৩৯ ॥
অনুতপ্যমানো ভবনমগমত্ স্বেন পাপ্মনা ॥ ৩৯ ॥
সোঽনুধ্যাযংস্তদেবাঘং বলবদ্বিগ্রহাকুলঃ ।
কথং মৃজাম্যাত্মরজঃ প্রসীদেদ্ বাচ্যুতঃ কথম্ ॥ ৪০ ॥
কথং মৃজাম্যাত্মরজঃ প্রসীদেদ্ বাচ্যুতঃ কথম্ ॥ ৪০ ॥
কিং কৃত্বা সাধু মহ্যং স্যান্ন শপেদ্ বা জনো যথা ।
অদীর্ঘদর্শনং ক্ষুদ্রং মূঢং দ্রবিণলোলুপম্ ॥ ৪১ ॥
অদীর্ঘদর্শনং ক্ষুদ্রং মূঢং দ্রবিণলোলুপম্ ॥ ৪১ ॥
দাস্যে দুহিতরং তস্মৈ স্ত্রীরত্নং রত্নমেব চ ।
উপাযোঽযং সমীচীনস্তস্য শান্তির্ন চান্যথা ॥ ৪২ ॥
উপাযোঽযং সমীচীনস্তস্য শান্তির্ন চান্যথা ॥ ৪২ ॥
এবং ব্যবসিতো বুদ্ধ্যা সত্রাজিত্ স্বসুতাং শুভাম্ ।
মণিং চ স্বযমুদ্যম্য কৃষ্ণাযোপজহার হ ॥ ৪৩ ॥
মণিং চ স্বযমুদ্যম্য কৃষ্ণাযোপজহার হ ॥ ৪৩ ॥
তাং সত্যভামাং ভগবানুপযেমে যথাবিধি ।
বহুভির্যাচিতাং শীলরূপৌদার্যগুণান্বিতাম্ ॥ ৪৪ ॥
বহুভির্যাচিতাং শীলরূপৌদার্যগুণান্বিতাম্ ॥ ৪৪ ॥
ভগবানাহ ন মণিং প্রতীচ্ছামো বযং নৃপ ।
তবাস্তাং দেবভক্তস্য বযং চ ফলভাগিনঃ ॥ ৪৫ ॥
তবাস্তাং দেবভক্তস্য বযং চ ফলভাগিনঃ ॥ ৪৫ ॥
ইতি শ্রীমদ্ভাগবাতে মহাপুরাণে পারমহংস্যাং
সংহিতাযাং দশমস্কন্ধে উত্তরার্ধে স্যমন্তকো-
পাখ্যানে ষট্পঞ্চাশত্তমোঽধ্যাযঃ
সংহিতাযাং দশমস্কন্ধে উত্তরার্ধে স্যমন্তকো-
পাখ্যানে ষট্পঞ্চাশত্তমোঽধ্যাযঃ