ଶ୍ରୀଶୁକ ଉଵାଚ
ସତ୍ରାଜିତଃ ସ୍ଵତନଯାଂ କୃଷ୍ଣାଯ କୃତକିଲ୍ବିଷଃ ।
ସ୍ଯମନ୍ତକେନ ମଣିନା ସ୍ଵଯମୁଦ୍ଯମ୍ଯ ଦତ୍ତଵାନ୍ ॥ ୧ ॥
ସତ୍ରାଜିତଃ ସ୍ଵତନଯାଂ କୃଷ୍ଣାଯ କୃତକିଲ୍ବିଷଃ ।
ସ୍ଯମନ୍ତକେନ ମଣିନା ସ୍ଵଯମୁଦ୍ଯମ୍ଯ ଦତ୍ତଵାନ୍ ॥ ୧ ॥
ଶ୍ରୀରାଜୋଵାଚ
ସତ୍ରାଜିତଃ କିମକରୋଦ୍ ବ୍ରହ୍ମନ୍ କୃଷ୍ଣସ୍ଯ କିଲ୍ବିଷଃ ।
ସ୍ଯମନ୍ତକଃ କୁତସ୍ତସ୍ଯ କସ୍ମାଦ୍ ଦତ୍ତା ସୁତା ହରେଃ ॥ ୨ ॥
ସତ୍ରାଜିତଃ କିମକରୋଦ୍ ବ୍ରହ୍ମନ୍ କୃଷ୍ଣସ୍ଯ କିଲ୍ବିଷଃ ।
ସ୍ଯମନ୍ତକଃ କୁତସ୍ତସ୍ଯ କସ୍ମାଦ୍ ଦତ୍ତା ସୁତା ହରେଃ ॥ ୨ ॥
ଶ୍ରୀଶୁକ ଉଵାଚ
ଆସୀତ୍ ସତ୍ରାଜିତଃ ସୂର୍ଯୋ ଭକ୍ତସ୍ଯ ପରମଃ ସଖା ।
ପ୍ରୀତସ୍ତସ୍ମୈ ମଣିଂ ପ୍ରାଦାତ୍ ସ ଚ ତୁଷ୍ଟଃ ସ୍ଯମନ୍ତକମ୍ ॥ ୩ ॥
ଆସୀତ୍ ସତ୍ରାଜିତଃ ସୂର୍ଯୋ ଭକ୍ତସ୍ଯ ପରମଃ ସଖା ।
ପ୍ରୀତସ୍ତସ୍ମୈ ମଣିଂ ପ୍ରାଦାତ୍ ସ ଚ ତୁଷ୍ଟଃ ସ୍ଯମନ୍ତକମ୍ ॥ ୩ ॥
ସ ତଂ ବିଭ୍ରନ୍ ମଣିଂ କଣ୍ଠେ ଭ୍ରାଜମାନୋ ଯଥା ରଵିଃ ।
ପ୍ରଵିଷ୍ଟୋ ଦ୍ଵାରକାଂ ରାଜନ୍ ତେଜସା ନୋପଲକ୍ଷିତଃ ॥ ୪ ॥
ପ୍ରଵିଷ୍ଟୋ ଦ୍ଵାରକାଂ ରାଜନ୍ ତେଜସା ନୋପଲକ୍ଷିତଃ ॥ ୪ ॥
ତଂ ଵିଲୋକ୍ଯ ଜନା ଦୂରାତ୍ତେଜସା ମୁଷ୍ଟଦୃଷ୍ଟଯଃ ।
ଦୀଵ୍ଯତେଽକ୍ଷୈର୍ଭଗଵତେ ଶଶଂସୁଃ ସୂର୍ଯଶଙ୍କିତାଃ ॥ ୫ ॥
ଦୀଵ୍ଯତେଽକ୍ଷୈର୍ଭଗଵତେ ଶଶଂସୁଃ ସୂର୍ଯଶଙ୍କିତାଃ ॥ ୫ ॥
ନାରାଯଣ ନମସ୍ତେଽସ୍ତୁ ଶଙ୍ଖଚକ୍ରଗଦାଧର ।
ଦାମୋଦରାରଵିନ୍ଦାକ୍ଷ ଗୋଵିନ୍ଦ ଯଦୁନନ୍ଦନ ॥ ୬ ॥
ଦାମୋଦରାରଵିନ୍ଦାକ୍ଷ ଗୋଵିନ୍ଦ ଯଦୁନନ୍ଦନ ॥ ୬ ॥
ଏଷ ଆଯାତି ସଵିତା ତ୍ଵାଂ ଦିଦୃକ୍ଷୁର୍ଜଗତ୍ପତେ ।
ମୁଷ୍ଣନ୍ ଗଭସ୍ତିଚକ୍ରେଣ ନୃଣାଂ ଚକ୍ଷୂଂଷି ତିଗ୍ମଗୁଃ ॥ ୭ ॥
ମୁଷ୍ଣନ୍ ଗଭସ୍ତିଚକ୍ରେଣ ନୃଣାଂ ଚକ୍ଷୂଂଷି ତିଗ୍ମଗୁଃ ॥ ୭ ॥
ନନ୍ଵନ୍ଵିଚ୍ଛନ୍ତି ତେ ମାର୍ଗଂ ତ୍ରିଲୋକ୍ଯାଂ ଵିବୁଧର୍ଷଭାଃ ।
ଜ୍ଞାତ୍ଵାଦ୍ଯ ଗୂଢଂ ଯଦୁଷୁ ଦ୍ରଷ୍ଟୁଂ ତ୍ଵାଂ ଯାତ୍ଯଜଃ ପ୍ରଭୋ ॥ ୮ ॥
ଜ୍ଞାତ୍ଵାଦ୍ଯ ଗୂଢଂ ଯଦୁଷୁ ଦ୍ରଷ୍ଟୁଂ ତ୍ଵାଂ ଯାତ୍ଯଜଃ ପ୍ରଭୋ ॥ ୮ ॥
ଶ୍ରୀଶୁକ ଉଵାଚ
ନିଶମ୍ଯ ବାଲଵଚନଂ ପ୍ରହସ୍ଯାମ୍ବୁଜଲୋଚନଃ ।
ପ୍ରାହ ନାସୌ ରଵିର୍ଦେଵଃ ସତ୍ରାଜିନ୍ମଣିନା ଜ୍ଵଲନ୍ ॥ ୯ ॥
ନିଶମ୍ଯ ବାଲଵଚନଂ ପ୍ରହସ୍ଯାମ୍ବୁଜଲୋଚନଃ ।
ପ୍ରାହ ନାସୌ ରଵିର୍ଦେଵଃ ସତ୍ରାଜିନ୍ମଣିନା ଜ୍ଵଲନ୍ ॥ ୯ ॥
ସତ୍ରାଜିତ୍ ସ୍ଵଗୃହଂ ଶ୍ରୀମତ୍ କୃତକୌତୁକମଙ୍ଗଲମ୍ ।
ପ୍ରଵିଶ୍ଯ ଦେଵସଦନେ ମଣିଂ ଵିପ୍ରୈର୍ନ୍ଯଵେଶଯତ୍ ॥ ୧୦ ॥
ପ୍ରଵିଶ୍ଯ ଦେଵସଦନେ ମଣିଂ ଵିପ୍ରୈର୍ନ୍ଯଵେଶଯତ୍ ॥ ୧୦ ॥
ଦିନେ ଦିନେ ସ୍ଵର୍ଣଭାରାନଷ୍ଟୌ ସ ସୃଜତି ପ୍ରଭୋ ।
ଦୁର୍ଭିକ୍ଷମାର୍ଯରିଷ୍ଟାନି ସର୍ପାଧିଵ୍ଯାଧଯୋଽଶୁଭାଃ ।
ନ ସନ୍ତି ମାଯିନସ୍ତତ୍ର ଯତ୍ରାସ୍ତେଽଭ୍ଯର୍ଚିତୋ ମଣିଃ ॥ ୧୧ ॥
ଦୁର୍ଭିକ୍ଷମାର୍ଯରିଷ୍ଟାନି ସର୍ପାଧିଵ୍ଯାଧଯୋଽଶୁଭାଃ ।
ନ ସନ୍ତି ମାଯିନସ୍ତତ୍ର ଯତ୍ରାସ୍ତେଽଭ୍ଯର୍ଚିତୋ ମଣିଃ ॥ ୧୧ ॥
ସ ଯାଚିତୋ ମଣିଂ କ୍ଵାପି ଯଦୁରାଜାଯ ଶୌରିଣା ।
ନୈଵାର୍ଥକାମୁକଃ ପ୍ରାଦାଦ୍ ଯାଚ୍ଞାଭଙ୍ଗମତର୍କଯନ୍ ॥ ୧୨ ॥
ନୈଵାର୍ଥକାମୁକଃ ପ୍ରାଦାଦ୍ ଯାଚ୍ଞାଭଙ୍ଗମତର୍କଯନ୍ ॥ ୧୨ ॥
ତମେକଦା ମଣିଂ କଣ୍ଠେ ପ୍ରତିମୁଚ୍ଯ ମହାପ୍ରଭମ୍ ।
ପ୍ରସେନୋ ହଯମାରୁହ୍ଯ ମୃଗାଯାଂ ଵ୍ଯଚରଦ୍ ଵନେ ॥ ୧୩ ॥
ପ୍ରସେନୋ ହଯମାରୁହ୍ଯ ମୃଗାଯାଂ ଵ୍ଯଚରଦ୍ ଵନେ ॥ ୧୩ ॥
ପ୍ରସେନଂ ସହଯଂ ହତ୍ଵା ମଣିମାଚ୍ଛିଦ୍ଯ କେଶରୀ ।
ଗିରିଂ ଵିଶନ୍ ଜାମ୍ବଵତା ନିହତୋ ମଣିମିଚ୍ଛତା ॥ ୧୪ ॥
ଗିରିଂ ଵିଶନ୍ ଜାମ୍ବଵତା ନିହତୋ ମଣିମିଚ୍ଛତା ॥ ୧୪ ॥
ସୋଽପି ଚକ୍ରେ କୁମାରସ୍ଯ ମଣିଂ କ୍ରୀଡନକଂ ବିଲେ ।
ଅପଶ୍ଯନ୍ ଭ୍ରାତରଂ ଭ୍ରାତା ସତ୍ରାଜିତ୍ ପର୍ଯତପ୍ଯତ ॥ ୧୫ ॥
ଅପଶ୍ଯନ୍ ଭ୍ରାତରଂ ଭ୍ରାତା ସତ୍ରାଜିତ୍ ପର୍ଯତପ୍ଯତ ॥ ୧୫ ॥
ପ୍ରାଯଃ କୃଷ୍ଣେନ ନିହତୋ ମଣିଗ୍ରୀଵୋ ଵନଂ ଗତଃ ।
ଭ୍ରାତା ମମେତି ତଚ୍ଛ୍ରୁତ୍ଵା କର୍ଣେ କର୍ଣେଽଜପନ୍ ଜନାଃ ॥ ୧୬ ॥
ଭ୍ରାତା ମମେତି ତଚ୍ଛ୍ରୁତ୍ଵା କର୍ଣେ କର୍ଣେଽଜପନ୍ ଜନାଃ ॥ ୧୬ ॥
ଭଗଵାଂସ୍ତଦୁପଶ୍ରୁତ୍ଯ ଦୁର୍ଯଶୋ ଲିପ୍ତମାତ୍ମନି ।
ମାର୍ଷ୍ଟୁଂ ପ୍ରସେନପଦଵୀମନ୍ଵପଦ୍ଯତ ନାଗରୈଃ ॥ ୧୭ ॥
ମାର୍ଷ୍ଟୁଂ ପ୍ରସେନପଦଵୀମନ୍ଵପଦ୍ଯତ ନାଗରୈଃ ॥ ୧୭ ॥
ହତଂ ପ୍ରସେନଂ ଅଶ୍ଵଂ ଚ ଵୀକ୍ଷ୍ଯ କେଶରିଣା ଵନେ ।
ତଂ ଚାଦ୍ରିପୃଷ୍ଠେ ନିହତମୃକ୍ଷେଣ ଦଦୃଶୁର୍ଜନାଃ ॥ ୧୮ ॥
ତଂ ଚାଦ୍ରିପୃଷ୍ଠେ ନିହତମୃକ୍ଷେଣ ଦଦୃଶୁର୍ଜନାଃ ॥ ୧୮ ॥
ଋକ୍ଷରାଜବିଲଂ ଭୀମମନ୍ଧେନ ତମସାଵୃତମ୍ ।
ଏକୋ ଵିଵେଶ ଭଗଵାନଵସ୍ଥାପ୍ଯ ବହିଃ ପ୍ରଜାଃ ॥ ୧୯ ॥
ଏକୋ ଵିଵେଶ ଭଗଵାନଵସ୍ଥାପ୍ଯ ବହିଃ ପ୍ରଜାଃ ॥ ୧୯ ॥
ତତ୍ର ଦୃଷ୍ଟ୍ଵା ମଣିପ୍ରେଷ୍ଠଂ ବାଲକ୍ରୀଡନକଂ କୃତମ୍ ।
ହର୍ତୁଂ କୃତମତିସ୍ତସ୍ମିନ୍ନଵତସ୍ଥେଽର୍ଭକାନ୍ତିକେ ॥ ୨୦ ॥
ହର୍ତୁଂ କୃତମତିସ୍ତସ୍ମିନ୍ନଵତସ୍ଥେଽର୍ଭକାନ୍ତିକେ ॥ ୨୦ ॥
ତମପୂର୍ଵଂ ନରଂ ଦୃଷ୍ଟ୍ଵା ଧାତ୍ରୀ ଚୁକ୍ରୋଶ ଭୀତଵତ୍ ।
ତଚ୍ଛ୍ରୁତ୍ଵାଭ୍ଯଦ୍ରଵତ୍ କ୍ରୁଦ୍ଧୋ ଜାମ୍ବଵାନ୍ ବଲିନାଂ ଵରଃ ॥ ୨୧ ॥
ତଚ୍ଛ୍ରୁତ୍ଵାଭ୍ଯଦ୍ରଵତ୍ କ୍ରୁଦ୍ଧୋ ଜାମ୍ବଵାନ୍ ବଲିନାଂ ଵରଃ ॥ ୨୧ ॥
ସ ଵୈ ଭଗଵତା ତେନ ଯୁଯୁଧେ ସ୍ଵାମିନାତ୍ମନଃ ।
ପୁରୁଷଂ ପ୍ରାକୃତଂ ମତ୍ଵା କୁପିତୋ ନାନୁଭାଵଵିତ୍ ॥ ୨୨ ॥
ପୁରୁଷଂ ପ୍ରାକୃତଂ ମତ୍ଵା କୁପିତୋ ନାନୁଭାଵଵିତ୍ ॥ ୨୨ ॥
ଦ୍ଵନ୍ଦ୍ଵଯୁଦ୍ଧଂ ସୁତୁମୁଲମୁଭଯୋର୍ଵିଜିଗୀଷତୋଃ ।
ଆଯୁଧାଶ୍ମଦ୍ରୁମୈର୍ଦୋର୍ଭିଃ କ୍ରଵ୍ଯାର୍ଥେ ଶ୍ଯେନଯୋରିଵ ॥ ୨୩ ॥
ଆଯୁଧାଶ୍ମଦ୍ରୁମୈର୍ଦୋର୍ଭିଃ କ୍ରଵ୍ଯାର୍ଥେ ଶ୍ଯେନଯୋରିଵ ॥ ୨୩ ॥
ଆସୀତ୍ତଦଷ୍ଟାଵିଂଶାହମିତରେତରମୁଷ୍ଟିଭିଃ ।
ଵଜ୍ରନିଷ୍ପେଷପରୁଷୈରଵିଶ୍ରମମହର୍ନିଶମ୍ ॥ ୨୪ ॥
ଵଜ୍ରନିଷ୍ପେଷପରୁଷୈରଵିଶ୍ରମମହର୍ନିଶମ୍ ॥ ୨୪ ॥
କୃଷ୍ଣମୁଷ୍ଟିଵିନିଷ୍ପାତନିଷ୍ପିଷ୍ଟାଙ୍ଗୋରୁବନ୍ଧନଃ ।
କ୍ଷୀଣସତ୍ତ୍ଵଃ ସ୍ଵିନ୍ନଗାତ୍ରସ୍ତମାହାତୀଵ ଵିସ୍ମିତଃ ॥ ୨୫ ॥
କ୍ଷୀଣସତ୍ତ୍ଵଃ ସ୍ଵିନ୍ନଗାତ୍ରସ୍ତମାହାତୀଵ ଵିସ୍ମିତଃ ॥ ୨୫ ॥
ଜାନେ ତ୍ଵାଂ ସର୍ଵଭୂତାନାଂ ପ୍ରାଣ ଓଜଃ ସହୋ ବଲମ୍ ।
ଵିଷ୍ଣୁଂ ପୁରାଣପୁରୁଷଂ ପ୍ରଭଵିଷ୍ଣୁମଧୀଶ୍ଵରମ୍ ॥ ୨୬ ॥
ଵିଷ୍ଣୁଂ ପୁରାଣପୁରୁଷଂ ପ୍ରଭଵିଷ୍ଣୁମଧୀଶ୍ଵରମ୍ ॥ ୨୬ ॥
ତ୍ଵଂ ହି ଵିଶ୍ଵସୃଜାଂ ସ୍ରଷ୍ଟା ସୃଷ୍ଟାନାମପି ଯଚ୍ଚ ସତ୍ ।
କାଲଃ କଲଯତାମୀଶଃ ପର ଆତ୍ମା ତଥାତ୍ମନାମ୍ ॥ ୨୭ ॥
କାଲଃ କଲଯତାମୀଶଃ ପର ଆତ୍ମା ତଥାତ୍ମନାମ୍ ॥ ୨୭ ॥
ଯସ୍ଯେଷଦୁତ୍କଲିତରୋଷକଟାକ୍ଷମୋକ୍ଷୈ-
ର୍ଵର୍ତ୍ମାଦିଶତ୍ କ୍ଷୁଭିତନକ୍ରତିମିଙ୍ଗଲୋଽବ୍ଧିଃ ।
ସେତୁଃ କୃତଃ ସ୍ଵଯଶ ଉଜ୍ଜ୍ଵଲିତା ଚ ଲଙ୍କା
ରକ୍ଷଃଶିରାଂସି ଭୁଵି ପେତୁରିଷୁକ୍ଷତାନି ॥ ୨୮ ॥
ର୍ଵର୍ତ୍ମାଦିଶତ୍ କ୍ଷୁଭିତନକ୍ରତିମିଙ୍ଗଲୋଽବ୍ଧିଃ ।
ସେତୁଃ କୃତଃ ସ୍ଵଯଶ ଉଜ୍ଜ୍ଵଲିତା ଚ ଲଙ୍କା
ରକ୍ଷଃଶିରାଂସି ଭୁଵି ପେତୁରିଷୁକ୍ଷତାନି ॥ ୨୮ ॥
ଇତି ଵିଜ୍ଞାତଵିଜ୍ଞାନମୃକ୍ଷରାଜାନମଚ୍ଯୁତଃ ।
ଵ୍ଯାଜହାର ମହାରାଜ ଭଗଵାନ୍ ଦେଵକୀସୁତଃ ॥ ୨୯ ॥
ଵ୍ଯାଜହାର ମହାରାଜ ଭଗଵାନ୍ ଦେଵକୀସୁତଃ ॥ ୨୯ ॥
ଅଭିମୃଶ୍ଯାରଵିନ୍ଦାକ୍ଷଃ ପାଣିନା ଶଂକରେଣ ତମ୍ ।
କୃପଯା ପରଯା ଭକ୍ତଂ ମେଘଗମ୍ଭୀରଯା ଗିରା ॥ ୩୦ ॥
କୃପଯା ପରଯା ଭକ୍ତଂ ମେଘଗମ୍ଭୀରଯା ଗିରା ॥ ୩୦ ॥
ମଣିହେତୋରିହ ପ୍ରାପ୍ତା ଵଯମୃକ୍ଷପତେ ବିଲମ୍ ।
ମିଥ୍ଯାଭିଶାପଂ ପ୍ରମୃଜନ୍ନାତ୍ମନୋ ମଣିନାମୁନା ॥ ୩୧ ॥
ମିଥ୍ଯାଭିଶାପଂ ପ୍ରମୃଜନ୍ନାତ୍ମନୋ ମଣିନାମୁନା ॥ ୩୧ ॥
ଇତ୍ଯୁକ୍ତଃ ସ୍ଵାଂ ଦୁହିତରଂ କନ୍ଯାଂ ଜାମ୍ବଵତୀଂ ମୁଦା ।
ଅର୍ହଣାର୍ଥଂ ସ ମଣିନା କୃଷ୍ଣାଯୋପଜହାର ହ ॥ ୩୨ ॥
ଅର୍ହଣାର୍ଥଂ ସ ମଣିନା କୃଷ୍ଣାଯୋପଜହାର ହ ॥ ୩୨ ॥
ଅଦୃଷ୍ଟ୍ଵା ନିର୍ଗମଂ ଶୌରେଃ ପ୍ରଵିଷ୍ଟସ୍ଯ ବିଲଂ ଜନାଃ ।
ପ୍ରତୀକ୍ଷ୍ଯ ଦ୍ଵାଦଶାହାନି ଦୁଃଖିତାଃ ସ୍ଵପୁରଂ ଯଯୁଃ ॥ ୩୩ ॥
ପ୍ରତୀକ୍ଷ୍ଯ ଦ୍ଵାଦଶାହାନି ଦୁଃଖିତାଃ ସ୍ଵପୁରଂ ଯଯୁଃ ॥ ୩୩ ॥
ନିଶମ୍ଯ ଦେଵକୀ ଦେଵୀ ରକ୍ମିଣ୍ଯାନକଦୁନ୍ଦୁଭିଃ ।
ସୁହୃଦୋ ଜ୍ଞାତଯୋଽଶୋଚନ୍ ବିଲାତ୍ କୃଷ୍ଣମନିର୍ଗତମ୍ ॥ ୩୪ ॥
ସୁହୃଦୋ ଜ୍ଞାତଯୋଽଶୋଚନ୍ ବିଲାତ୍ କୃଷ୍ଣମନିର୍ଗତମ୍ ॥ ୩୪ ॥
ସତ୍ରାଜିତଂ ଶପନ୍ତସ୍ତେ ଦୁଃଖିତା ଦ୍ଵାରକୌକସଃ ।
ଉପତସ୍ଥୁଶ୍ଚନ୍ଦ୍ରଭାଗାଂ ଦୁର୍ଗାଂ କୃଷ୍ଣୋପଲବ୍ଧଯେ ॥ ୩୫ ॥
ଉପତସ୍ଥୁଶ୍ଚନ୍ଦ୍ରଭାଗାଂ ଦୁର୍ଗାଂ କୃଷ୍ଣୋପଲବ୍ଧଯେ ॥ ୩୫ ॥
ତେଷାଂ ତୁ ଦେଵ୍ଯୁପସ୍ଥାନାତ୍ ପ୍ରତ୍ଯାଦିଷ୍ଟାଶିଷା ସ ଚ ।
ପ୍ରାଦୁର୍ବଭୂଵ ସିଦ୍ଧାର୍ଥଃ ସଦାରୋ ହର୍ଷଯନ୍ ହରିଃ ॥ ୩୬ ॥
ପ୍ରାଦୁର୍ବଭୂଵ ସିଦ୍ଧାର୍ଥଃ ସଦାରୋ ହର୍ଷଯନ୍ ହରିଃ ॥ ୩୬ ॥
ଉପଲଭ୍ଯ ହୃଷୀକେଶଂ ମୃତଂ ପୁନରିଵାଗତମ୍ ।
ସହ ପତ୍ନ୍ଯା ମଣିଗ୍ରୀଵଂ ସର୍ଵେ ଜାତମହୋତ୍ସଵାଃ ॥ ୩୭ ॥
ସହ ପତ୍ନ୍ଯା ମଣିଗ୍ରୀଵଂ ସର୍ଵେ ଜାତମହୋତ୍ସଵାଃ ॥ ୩୭ ॥
ସତ୍ରାଜିତଂ ସମାହୂଯ ସଭାଯାଂ ରାଜସନ୍ନିଧୌ ।
ପ୍ରାପ୍ତିଂ ଚାଖ୍ଯାଯ ଭଗଵାନ୍ ମଣିଂ ତସ୍ମୈ ନ୍ଯଵେଦଯତ୍ ॥ ୩୮ ॥
ପ୍ରାପ୍ତିଂ ଚାଖ୍ଯାଯ ଭଗଵାନ୍ ମଣିଂ ତସ୍ମୈ ନ୍ଯଵେଦଯତ୍ ॥ ୩୮ ॥
ସ ଚାତିଵ୍ରୀଡିତୋ ରତ୍ନଂ ଗୃହୀତ୍ଵାଵାଙ୍ମୁଖସ୍ତତଃ ।
ଅନୁତପ୍ଯମାନୋ ଭଵନମଗମତ୍ ସ୍ଵେନ ପାପ୍ମନା ॥ ୩୯ ॥
ଅନୁତପ୍ଯମାନୋ ଭଵନମଗମତ୍ ସ୍ଵେନ ପାପ୍ମନା ॥ ୩୯ ॥
ସୋଽନୁଧ୍ଯାଯଂସ୍ତଦେଵାଘଂ ବଲଵଦ୍ଵିଗ୍ରହାକୁଲଃ ।
କଥଂ ମୃଜାମ୍ଯାତ୍ମରଜଃ ପ୍ରସୀଦେଦ୍ ଵାଚ୍ଯୁତଃ କଥମ୍ ॥ ୪୦ ॥
କଥଂ ମୃଜାମ୍ଯାତ୍ମରଜଃ ପ୍ରସୀଦେଦ୍ ଵାଚ୍ଯୁତଃ କଥମ୍ ॥ ୪୦ ॥
କିଂ କୃତ୍ଵା ସାଧୁ ମହ୍ଯଂ ସ୍ଯାନ୍ନ ଶପେଦ୍ ଵା ଜନୋ ଯଥା ।
ଅଦୀର୍ଘଦର୍ଶନଂ କ୍ଷୁଦ୍ରଂ ମୂଢଂ ଦ୍ରଵିଣଲୋଲୁପମ୍ ॥ ୪୧ ॥
ଅଦୀର୍ଘଦର୍ଶନଂ କ୍ଷୁଦ୍ରଂ ମୂଢଂ ଦ୍ରଵିଣଲୋଲୁପମ୍ ॥ ୪୧ ॥
ଦାସ୍ଯେ ଦୁହିତରଂ ତସ୍ମୈ ସ୍ତ୍ରୀରତ୍ନଂ ରତ୍ନମେଵ ଚ ।
ଉପାଯୋଽଯଂ ସମୀଚୀନସ୍ତସ୍ଯ ଶାନ୍ତିର୍ନ ଚାନ୍ଯଥା ॥ ୪୨ ॥
ଉପାଯୋଽଯଂ ସମୀଚୀନସ୍ତସ୍ଯ ଶାନ୍ତିର୍ନ ଚାନ୍ଯଥା ॥ ୪୨ ॥
ଏଵଂ ଵ୍ଯଵସିତୋ ବୁଦ୍ଧ୍ଯା ସତ୍ରାଜିତ୍ ସ୍ଵସୁତାଂ ଶୁଭାମ୍ ।
ମଣିଂ ଚ ସ୍ଵଯମୁଦ୍ଯମ୍ଯ କୃଷ୍ଣାଯୋପଜହାର ହ ॥ ୪୩ ॥
ମଣିଂ ଚ ସ୍ଵଯମୁଦ୍ଯମ୍ଯ କୃଷ୍ଣାଯୋପଜହାର ହ ॥ ୪୩ ॥
ତାଂ ସତ୍ଯଭାମାଂ ଭଗଵାନୁପଯେମେ ଯଥାଵିଧି ।
ବହୁଭିର୍ଯାଚିତାଂ ଶୀଲରୂପୌଦାର୍ଯଗୁଣାନ୍ଵିତାମ୍ ॥ ୪୪ ॥
ବହୁଭିର୍ଯାଚିତାଂ ଶୀଲରୂପୌଦାର୍ଯଗୁଣାନ୍ଵିତାମ୍ ॥ ୪୪ ॥
ଭଗଵାନାହ ନ ମଣିଂ ପ୍ରତୀଚ୍ଛାମୋ ଵଯଂ ନୃପ ।
ତଵାସ୍ତାଂ ଦେଵଭକ୍ତସ୍ଯ ଵଯଂ ଚ ଫଲଭାଗିନଃ ॥ ୪୫ ॥
ତଵାସ୍ତାଂ ଦେଵଭକ୍ତସ୍ଯ ଵଯଂ ଚ ଫଲଭାଗିନଃ ॥ ୪୫ ॥
ଇତି ଶ୍ରୀମଦ୍ଭାଗଵାତେ ମହାପୁରାଣେ ପାରମହଂସ୍ଯାଂ
ସଂହିତାଯାଂ ଦଶମସ୍କନ୍ଧେ ଉତ୍ତରାର୍ଧେ ସ୍ଯମନ୍ତକୋ-
ପାଖ୍ଯାନେ ଷଟ୍ପଞ୍ଚାଶତ୍ତମୋଽଧ୍ଯାଯଃ
ସଂହିତାଯାଂ ଦଶମସ୍କନ୍ଧେ ଉତ୍ତରାର୍ଧେ ସ୍ଯମନ୍ତକୋ-
ପାଖ୍ଯାନେ ଷଟ୍ପଞ୍ଚାଶତ୍ତମୋଽଧ୍ଯାଯଃ