শ্রীবাদরাযণিরুবাচ
বিজ্ঞাতার্থোঽপি গোবিন্দো দগ্ধানাকর্ণ্য পাণ্ডবান্ ।
কুন্তীং চ কুল্যকরণে সহরামো যযৌ কুরূন্ ॥ ১ ॥
বিজ্ঞাতার্থোঽপি গোবিন্দো দগ্ধানাকর্ণ্য পাণ্ডবান্ ।
কুন্তীং চ কুল্যকরণে সহরামো যযৌ কুরূন্ ॥ ১ ॥
ভীষ্মং কৃপং সবিদুরং গান্ধারীং দ্রোণমেব চ ।
তুল্যদুঃখৌ চ সঙ্গম্য হা কষ্টমিতি হোচতুঃ ॥ ২ ॥
তুল্যদুঃখৌ চ সঙ্গম্য হা কষ্টমিতি হোচতুঃ ॥ ২ ॥
লব্ধ্বৈতদন্তরং রাজন্ শতধন্বানমূচতুঃ ।
অক্রূরকৃতবর্মাণৌ মনিঃ কস্মান্ন গৃহ্যতে ॥ ৩ ॥
অক্রূরকৃতবর্মাণৌ মনিঃ কস্মান্ন গৃহ্যতে ॥ ৩ ॥
যোঽস্মভ্যং সম্প্রতিশ্রুত্য কন্যারত্নং বিগর্হ্য নঃ ।
কৃষ্ণাযাদান্ন সত্রাজিত্ কস্মাদ্ ভ্রাতরমন্বিযাত্ ॥ ৪ ॥
কৃষ্ণাযাদান্ন সত্রাজিত্ কস্মাদ্ ভ্রাতরমন্বিযাত্ ॥ ৪ ॥
এবং ভিন্নমতিস্তাভ্যাং সত্রাজিতমসত্তমঃ ।
শযানমবধীল্লোভাত্ স পাপঃ ক্ষীণজীবিতঃ ॥ ৫ ॥
শযানমবধীল্লোভাত্ স পাপঃ ক্ষীণজীবিতঃ ॥ ৫ ॥
স্ত্রীণাং বিক্রোশমানানাং ক্রন্দন্তীনামনাথবত্ ।
হত্বা পশূন্ সৌনিকবন্মণিমাদায জগ্মিবান্ ॥ ৬ ॥
হত্বা পশূন্ সৌনিকবন্মণিমাদায জগ্মিবান্ ॥ ৬ ॥
সত্যভামা চ পিতরং হতং বীক্ষ্য শুচার্পিতা ।
ব্যলপত্তাত তাতেতি হা হতাস্মীতি মুহ্যতী ॥ ৭ ॥
ব্যলপত্তাত তাতেতি হা হতাস্মীতি মুহ্যতী ॥ ৭ ॥
তৈলদ্রোণ্যাং মৃতং প্রাস্য জগাম গজসাহ্বযম্ ।
কৃষ্ণায বিদিতার্থায তপ্তাচখ্যৌ পিতুর্বধম্ ॥ ৮ ॥
কৃষ্ণায বিদিতার্থায তপ্তাচখ্যৌ পিতুর্বধম্ ॥ ৮ ॥
তদাকর্ণ্যেশ্বরৌ রাজন্ননুসৃত্য নৃলোকতাম্ ।
অহো নঃ পরমং কষ্টমিত্যস্রাক্ষৌ বিলেপতুঃ ॥ ৯ ॥
অহো নঃ পরমং কষ্টমিত্যস্রাক্ষৌ বিলেপতুঃ ॥ ৯ ॥
আগত্য ভগবাংস্তস্মাত্ সভার্যঃ সাগ্রজঃ পুরম্ ।
শতধন্বানমারেভে হন্তুং হর্তুং মণিং ততঃ ॥ ১০ ॥
শতধন্বানমারেভে হন্তুং হর্তুং মণিং ততঃ ॥ ১০ ॥
সোঽপি কৃতোদ্যমং জ্ঞাত্বা ভীতঃ প্রাণপরীপ্সযা ।
সাহায্যে কৃতবর্মাণমযাচত স চাব্রবীত্ ॥ ১১ ॥
সাহায্যে কৃতবর্মাণমযাচত স চাব্রবীত্ ॥ ১১ ॥
নাহমীস্বরযোঃ কুর্যাং হেলনং রামকৃষ্ণযোঃ ।
কো নু ক্ষেমায কল্পেত তযোর্বৃজিনমাচরন্ ॥ ১২ ॥
কো নু ক্ষেমায কল্পেত তযোর্বৃজিনমাচরন্ ॥ ১২ ॥
কংসঃ সহানুগোঽপীতো যদ্দ্বেষাত্ত্যাজিতঃ শ্রিযা ।
জরাসন্ধঃ সপ্তদশ সংযুগাদ্ বিরথো গতঃ ॥ ১৩ ॥
জরাসন্ধঃ সপ্তদশ সংযুগাদ্ বিরথো গতঃ ॥ ১৩ ॥
প্রত্যাখ্যাতঃ স চাক্রূরং পার্ষ্ণিগ্রাহমযাচত ।
সোঽপ্যাহ কো বিরুধ্যেত বিদ্বানীশ্বরযোর্বলম্ ॥ ১৪ ॥
সোঽপ্যাহ কো বিরুধ্যেত বিদ্বানীশ্বরযোর্বলম্ ॥ ১৪ ॥
য ইদং লীলযা বিশ্বং সৃজত্যবতি হন্তি চ ।
চেষ্টাং বিশ্বসৃজো যস্য ন বিদুর্মোহিতাজযা ॥ ১৫ ॥
চেষ্টাং বিশ্বসৃজো যস্য ন বিদুর্মোহিতাজযা ॥ ১৫ ॥
যঃ সপ্তহাযনঃ শৈলমুত্পাট্যৈকেন পাণিনা ।
দধার লীলযা বাল উচ্ছিলীন্ধ্রমিবার্ভকঃ ॥ ১৬ ॥
দধার লীলযা বাল উচ্ছিলীন্ধ্রমিবার্ভকঃ ॥ ১৬ ॥
নমস্তস্মৈ ভগবতে কৃষ্ণাযাদ্ভুতকর্মণে ।
অনন্তাযাদিভূতায কূটস্থাযাত্মনে নমঃ ॥ ১৭ ॥
অনন্তাযাদিভূতায কূটস্থাযাত্মনে নমঃ ॥ ১৭ ॥
প্রত্যাখ্যাতঃ স তেনাপি শতধন্বা মহামণিম্ ।
তস্মিন্ ন্যস্যাশ্বমারুহ্য শতযোজনগং যযৌ ॥ ১৮ ॥
তস্মিন্ ন্যস্যাশ্বমারুহ্য শতযোজনগং যযৌ ॥ ১৮ ॥
গরুডধ্বজমারুহ্য রথং রামজনার্দনৌ ।
অন্বযাতাং মহাবেগৈরশ্বৈ রাজন্ গুরুদ্রুহম্ ॥ ১৯ ॥
অন্বযাতাং মহাবেগৈরশ্বৈ রাজন্ গুরুদ্রুহম্ ॥ ১৯ ॥
মিথিলাযামুপবনে বিসৃজ্য পতিতং হযম্ ।
পদ্ভ্যামধাবত্ সন্ত্রস্তঃ কৃষ্ণোঽপ্যন্বদ্রবদ্ রুষা ॥ ২০ ॥
পদ্ভ্যামধাবত্ সন্ত্রস্তঃ কৃষ্ণোঽপ্যন্বদ্রবদ্ রুষা ॥ ২০ ॥
পদাতের্ভগবাংস্তস্য পদাতিস্তিগ্মনেমিনা ।
চক্রেণ শির উত্কৃত্য বাসসোর্ব্যচিনোন্মণিম্ ॥ ২১ ॥
চক্রেণ শির উত্কৃত্য বাসসোর্ব্যচিনোন্মণিম্ ॥ ২১ ॥
অলব্ধমণিরাগত্য কৃষ্ণ আহাগ্রজান্তিকম্ ।
বৃথা হতঃ শতধনুর্মণিস্তত্র ন বিদ্যতে ॥ ২২ ॥
বৃথা হতঃ শতধনুর্মণিস্তত্র ন বিদ্যতে ॥ ২২ ॥
তত আহ বলো নূনং স মণিঃ শতধন্বনা ।
কস্মিংশ্চিত্ পুরুষে ন্যস্তস্তমন্বেষ পুরং ব্রজ ॥ ২৩ ॥
কস্মিংশ্চিত্ পুরুষে ন্যস্তস্তমন্বেষ পুরং ব্রজ ॥ ২৩ ॥
অহং বৈদেহমিচ্ছামি দ্রষ্টুং প্রিযতমং মম ।
ইত্যুক্ত্বা মিথিলাং রাজন্ বিবেশ যদুনন্দনঃ ॥ ২৪ ॥
ইত্যুক্ত্বা মিথিলাং রাজন্ বিবেশ যদুনন্দনঃ ॥ ২৪ ॥
তং দৃষ্ট্বা সহসোত্থায মৈথিলঃ প্রীতমানসঃ ।
অর্হযামাস বিধিবদর্হণীযং সমর্হণৈঃ ॥ ২৫ ॥
অর্হযামাস বিধিবদর্হণীযং সমর্হণৈঃ ॥ ২৫ ॥
উবাস তস্যাং কতিচিন্মিথিলাযাং সমা বিভুঃ ।
মানিতঃ প্রীতিযুক্তেন জনকেন মহাত্মনা ।
ততোঽশিক্ষদ্ গদাং কালে ধার্তরাষ্ট্রঃ সুযোধনঃ ॥ ২৬ ॥
মানিতঃ প্রীতিযুক্তেন জনকেন মহাত্মনা ।
ততোঽশিক্ষদ্ গদাং কালে ধার্তরাষ্ট্রঃ সুযোধনঃ ॥ ২৬ ॥
কেশবো দ্বারকামেত্য নিধনং শতধন্বনঃ ।
অপ্রাপ্তিং চ মণেঃ প্রাহ প্রিযাযাঃ প্রিযকৃদ্ বিভুঃ ॥ ২৭ ॥
অপ্রাপ্তিং চ মণেঃ প্রাহ প্রিযাযাঃ প্রিযকৃদ্ বিভুঃ ॥ ২৭ ॥
ততঃ স কারযামাস ক্রিযা বন্ধোর্হতস্য বৈ ।
সাকং সুহৃদ্ভির্ভগবান্ যা যাঃ স্যুঃ সাম্পরাযিকীঃ ॥ ২৮ ॥
সাকং সুহৃদ্ভির্ভগবান্ যা যাঃ স্যুঃ সাম্পরাযিকীঃ ॥ ২৮ ॥
অক্রূরঃ কৃতবর্মা চ শ্রুত্বা শতধনোর্বধম্ ।
ব্যূষতুর্ভযবিত্রস্তৌ দ্বারকাযাঃ প্রযোজকৌ ॥ ২৯ ॥
ব্যূষতুর্ভযবিত্রস্তৌ দ্বারকাযাঃ প্রযোজকৌ ॥ ২৯ ॥
অক্রূরে প্রোষিতেঽরিষ্টান্যাসন্ বৈ দ্বারকৌকসাম্ ।
শারীরা মানসাস্তাপা মুহুর্দৈবিকভৌতিকাঃ ॥ ৩০ ॥
শারীরা মানসাস্তাপা মুহুর্দৈবিকভৌতিকাঃ ॥ ৩০ ॥
ইত্যঙ্গোপদিশন্ত্যেকে বিস্মৃত্য প্রাগুদাহৃতম্ ।
মুনিবাসনিবাসে কিং ঘটেতারিষ্টদর্শনম্ ॥ ৩১ ॥
মুনিবাসনিবাসে কিং ঘটেতারিষ্টদর্শনম্ ॥ ৩১ ॥
দেবেঽবর্ষতি কাশীশঃ শ্বফল্কাযাগতায বৈ ।
স্বসুতাং গান্দিনীং প্রাদাত্ ততোঽবর্ষত্ স্ম কাশিষু ॥ ৩২ ॥
স্বসুতাং গান্দিনীং প্রাদাত্ ততোঽবর্ষত্ স্ম কাশিষু ॥ ৩২ ॥
তত্সুতস্তত্প্রভাবোঽসাবক্রূরো যত্র যত্র হ ।
দেবোঽভিবর্ষতে তত্র নোপতাপা ন মারীকাঃ ॥ ৩৩ ॥
দেবোঽভিবর্ষতে তত্র নোপতাপা ন মারীকাঃ ॥ ৩৩ ॥
ইতি বৃদ্ধবচঃ শ্রুত্বা নৈতাবদিহ কারণম্ ।
ইতি মত্বা সমানায্য প্রাহাক্রূরং জনার্দনঃ ॥ ৩৪ ॥
ইতি মত্বা সমানায্য প্রাহাক্রূরং জনার্দনঃ ॥ ৩৪ ॥
পূজযিত্বাভিভাষ্যৈনং কথযিত্বা প্রিযাঃ কথাঃ ।
বিজ্ঞাতাখিলচিত্তজ্ঞঃ স্মযমান উবাচহ ॥ ৩৫ ॥
বিজ্ঞাতাখিলচিত্তজ্ঞঃ স্মযমান উবাচহ ॥ ৩৫ ॥
ননু দানপতে ন্যস্তস্ত্বয্যাস্তে শতধন্বনা ।
স্যমন্তকো মনিঃ শ্রীমান্ বিদিতঃ পূর্বমেব নঃ ॥ ৩৬ ॥
স্যমন্তকো মনিঃ শ্রীমান্ বিদিতঃ পূর্বমেব নঃ ॥ ৩৬ ॥
সত্রাজিতোঽনপত্যত্বাদ্ গৃহ্ণীযুর্দুহিতুঃ সুতাঃ ।
দাযং নিনীযাপঃ পিণ্ডান্ বিমুচ্যর্ণং চ শেষিতম্ ॥ ৩৭ ॥
দাযং নিনীযাপঃ পিণ্ডান্ বিমুচ্যর্ণং চ শেষিতম্ ॥ ৩৭ ॥
তথাপি দুর্ধরস্ত্বন্যৈস্ত্বয্যাস্তাং সুব্রতে মণিঃ ।
কিন্তু মামগ্রজঃ সম্যঙ্ন প্রত্যেতি মণিং প্রতি ॥ ৩৮ ॥
কিন্তু মামগ্রজঃ সম্যঙ্ন প্রত্যেতি মণিং প্রতি ॥ ৩৮ ॥
দর্শযস্ব মহাভাগ বন্ধূনাং শান্তিমাবহ ।
অব্যুচ্ছিন্না মখাস্তেঽদ্য বর্তন্তে রুক্মবেদযঃ ॥ ৩৯ ॥
অব্যুচ্ছিন্না মখাস্তেঽদ্য বর্তন্তে রুক্মবেদযঃ ॥ ৩৯ ॥
এবং সামভিরালব্ধঃ শ্বফল্কতনযো মণিম্ ।
আদায বাসসাচ্ছন্নঃ দদৌ সূর্যসমপ্রভম্ ॥ ৪০ ॥
আদায বাসসাচ্ছন্নঃ দদৌ সূর্যসমপ্রভম্ ॥ ৪০ ॥
স্যমন্তকং দর্শযিত্বা জ্ঞাতিভ্যো রজ আত্মনঃ ।
বিমৃজ্য মণিনা ভূযস্তস্মৈ প্রত্যর্পযত্ প্রভুঃ ॥ ৪১ ॥
বিমৃজ্য মণিনা ভূযস্তস্মৈ প্রত্যর্পযত্ প্রভুঃ ॥ ৪১ ॥
যস্ত্বেতদ্ ভগবত ঈশ্বরস্য বিষ্ণো-
র্বীর্যাঢ্যং বৃজিনহরং সুমঙ্গলং চ ।
আখ্যানং পঠতি শৃণোত্যনুস্মরেদ্ বা
দুষ্কীর্তিং দুরিতমপোহ্য যাতি শান্তিম্ ॥ ৪২ ॥
র্বীর্যাঢ্যং বৃজিনহরং সুমঙ্গলং চ ।
আখ্যানং পঠতি শৃণোত্যনুস্মরেদ্ বা
দুষ্কীর্তিং দুরিতমপোহ্য যাতি শান্তিম্ ॥ ৪২ ॥