ଶ୍ରୀବାଦରାଯଣିରୁଵାଚ
ଵିଜ୍ଞାତାର୍ଥୋଽପି ଗୋଵିନ୍ଦୋ ଦଗ୍ଧାନାକର୍ଣ୍ଯ ପାଣ୍ଡଵାନ୍ ।
କୁନ୍ତୀଂ ଚ କୁଲ୍ଯକରଣେ ସହରାମୋ ଯଯୌ କୁରୂନ୍ ॥ ୧ ॥
ଵିଜ୍ଞାତାର୍ଥୋଽପି ଗୋଵିନ୍ଦୋ ଦଗ୍ଧାନାକର୍ଣ୍ଯ ପାଣ୍ଡଵାନ୍ ।
କୁନ୍ତୀଂ ଚ କୁଲ୍ଯକରଣେ ସହରାମୋ ଯଯୌ କୁରୂନ୍ ॥ ୧ ॥
ଭୀଷ୍ମଂ କୃପଂ ସଵିଦୁରଂ ଗାନ୍ଧାରୀଂ ଦ୍ରୋଣମେଵ ଚ ।
ତୁଲ୍ଯଦୁଃଖୌ ଚ ସଙ୍ଗମ୍ଯ ହା କଷ୍ଟମିତି ହୋଚତୁଃ ॥ ୨ ॥
ତୁଲ୍ଯଦୁଃଖୌ ଚ ସଙ୍ଗମ୍ଯ ହା କଷ୍ଟମିତି ହୋଚତୁଃ ॥ ୨ ॥
ଲବ୍ଧ୍ଵୈତଦନ୍ତରଂ ରାଜନ୍ ଶତଧନ୍ଵାନମୂଚତୁଃ ।
ଅକ୍ରୂରକୃତଵର୍ମାଣୌ ମନିଃ କସ୍ମାନ୍ନ ଗୃହ୍ଯତେ ॥ ୩ ॥
ଅକ୍ରୂରକୃତଵର୍ମାଣୌ ମନିଃ କସ୍ମାନ୍ନ ଗୃହ୍ଯତେ ॥ ୩ ॥
ଯୋଽସ୍ମଭ୍ଯଂ ସମ୍ପ୍ରତିଶ୍ରୁତ୍ଯ କନ୍ଯାରତ୍ନଂ ଵିଗର୍ହ୍ଯ ନଃ ।
କୃଷ୍ଣାଯାଦାନ୍ନ ସତ୍ରାଜିତ୍ କସ୍ମାଦ୍ ଭ୍ରାତରମନ୍ଵିଯାତ୍ ॥ ୪ ॥
କୃଷ୍ଣାଯାଦାନ୍ନ ସତ୍ରାଜିତ୍ କସ୍ମାଦ୍ ଭ୍ରାତରମନ୍ଵିଯାତ୍ ॥ ୪ ॥
ଏଵଂ ଭିନ୍ନମତିସ୍ତାଭ୍ଯାଂ ସତ୍ରାଜିତମସତ୍ତମଃ ।
ଶଯାନମଵଧୀଲ୍ଲୋଭାତ୍ ସ ପାପଃ କ୍ଷୀଣଜୀଵିତଃ ॥ ୫ ॥
ଶଯାନମଵଧୀଲ୍ଲୋଭାତ୍ ସ ପାପଃ କ୍ଷୀଣଜୀଵିତଃ ॥ ୫ ॥
ସ୍ତ୍ରୀଣାଂ ଵିକ୍ରୋଶମାନାନାଂ କ୍ରନ୍ଦନ୍ତୀନାମନାଥଵତ୍ ।
ହତ୍ଵା ପଶୂନ୍ ସୌନିକଵନ୍ମଣିମାଦାଯ ଜଗ୍ମିଵାନ୍ ॥ ୬ ॥
ହତ୍ଵା ପଶୂନ୍ ସୌନିକଵନ୍ମଣିମାଦାଯ ଜଗ୍ମିଵାନ୍ ॥ ୬ ॥
ସତ୍ଯଭାମା ଚ ପିତରଂ ହତଂ ଵୀକ୍ଷ୍ଯ ଶୁଚାର୍ପିତା ।
ଵ୍ଯଲପତ୍ତାତ ତାତେତି ହା ହତାସ୍ମୀତି ମୁହ୍ଯତୀ ॥ ୭ ॥
ଵ୍ଯଲପତ୍ତାତ ତାତେତି ହା ହତାସ୍ମୀତି ମୁହ୍ଯତୀ ॥ ୭ ॥
ତୈଲଦ୍ରୋଣ୍ଯାଂ ମୃତଂ ପ୍ରାସ୍ଯ ଜଗାମ ଗଜସାହ୍ଵଯମ୍ ।
କୃଷ୍ଣାଯ ଵିଦିତାର୍ଥାଯ ତପ୍ତାଚଖ୍ଯୌ ପିତୁର୍ଵଧମ୍ ॥ ୮ ॥
କୃଷ୍ଣାଯ ଵିଦିତାର୍ଥାଯ ତପ୍ତାଚଖ୍ଯୌ ପିତୁର୍ଵଧମ୍ ॥ ୮ ॥
ତଦାକର୍ଣ୍ଯେଶ୍ଵରୌ ରାଜନ୍ନନୁସୃତ୍ଯ ନୃଲୋକତାମ୍ ।
ଅହୋ ନଃ ପରମଂ କଷ୍ଟମିତ୍ଯସ୍ରାକ୍ଷୌ ଵିଲେପତୁଃ ॥ ୯ ॥
ଅହୋ ନଃ ପରମଂ କଷ୍ଟମିତ୍ଯସ୍ରାକ୍ଷୌ ଵିଲେପତୁଃ ॥ ୯ ॥
ଆଗତ୍ଯ ଭଗଵାଂସ୍ତସ୍ମାତ୍ ସଭାର୍ଯଃ ସାଗ୍ରଜଃ ପୁରମ୍ ।
ଶତଧନ୍ଵାନମାରେଭେ ହନ୍ତୁଂ ହର୍ତୁଂ ମଣିଂ ତତଃ ॥ ୧୦ ॥
ଶତଧନ୍ଵାନମାରେଭେ ହନ୍ତୁଂ ହର୍ତୁଂ ମଣିଂ ତତଃ ॥ ୧୦ ॥
ସୋଽପି କୃତୋଦ୍ଯମଂ ଜ୍ଞାତ୍ଵା ଭୀତଃ ପ୍ରାଣପରୀପ୍ସଯା ।
ସାହାଯ୍ଯେ କୃତଵର୍ମାଣମଯାଚତ ସ ଚାବ୍ରଵୀତ୍ ॥ ୧୧ ॥
ସାହାଯ୍ଯେ କୃତଵର୍ମାଣମଯାଚତ ସ ଚାବ୍ରଵୀତ୍ ॥ ୧୧ ॥
ନାହମୀସ୍ଵରଯୋଃ କୁର୍ଯାଂ ହେଲନଂ ରାମକୃଷ୍ଣଯୋଃ ।
କୋ ନୁ କ୍ଷେମାଯ କଲ୍ପେତ ତଯୋର୍ଵୃଜିନମାଚରନ୍ ॥ ୧୨ ॥
କୋ ନୁ କ୍ଷେମାଯ କଲ୍ପେତ ତଯୋର୍ଵୃଜିନମାଚରନ୍ ॥ ୧୨ ॥
କଂସଃ ସହାନୁଗୋଽପୀତୋ ଯଦ୍ଦ୍ଵେଷାତ୍ତ୍ଯାଜିତଃ ଶ୍ରିଯା ।
ଜରାସନ୍ଧଃ ସପ୍ତଦଶ ସଂଯୁଗାଦ୍ ଵିରଥୋ ଗତଃ ॥ ୧୩ ॥
ଜରାସନ୍ଧଃ ସପ୍ତଦଶ ସଂଯୁଗାଦ୍ ଵିରଥୋ ଗତଃ ॥ ୧୩ ॥
ପ୍ରତ୍ଯାଖ୍ଯାତଃ ସ ଚାକ୍ରୂରଂ ପାର୍ଷ୍ଣିଗ୍ରାହମଯାଚତ ।
ସୋଽପ୍ଯାହ କୋ ଵିରୁଧ୍ଯେତ ଵିଦ୍ଵାନୀଶ୍ଵରଯୋର୍ବଲମ୍ ॥ ୧୪ ॥
ସୋଽପ୍ଯାହ କୋ ଵିରୁଧ୍ଯେତ ଵିଦ୍ଵାନୀଶ୍ଵରଯୋର୍ବଲମ୍ ॥ ୧୪ ॥
ଯ ଇଦଂ ଲୀଲଯା ଵିଶ୍ଵଂ ସୃଜତ୍ଯଵତି ହନ୍ତି ଚ ।
ଚେଷ୍ଟାଂ ଵିଶ୍ଵସୃଜୋ ଯସ୍ଯ ନ ଵିଦୁର୍ମୋହିତାଜଯା ॥ ୧୫ ॥
ଚେଷ୍ଟାଂ ଵିଶ୍ଵସୃଜୋ ଯସ୍ଯ ନ ଵିଦୁର୍ମୋହିତାଜଯା ॥ ୧୫ ॥
ଯଃ ସପ୍ତହାଯନଃ ଶୈଲମୁତ୍ପାଟ୍ଯୈକେନ ପାଣିନା ।
ଦଧାର ଲୀଲଯା ବାଲ ଉଚ୍ଛିଲୀନ୍ଧ୍ରମିଵାର୍ଭକଃ ॥ ୧୬ ॥
ଦଧାର ଲୀଲଯା ବାଲ ଉଚ୍ଛିଲୀନ୍ଧ୍ରମିଵାର୍ଭକଃ ॥ ୧୬ ॥
ନମସ୍ତସ୍ମୈ ଭଗଵତେ କୃଷ୍ଣାଯାଦ୍ଭୁତକର୍ମଣେ ।
ଅନନ୍ତାଯାଦିଭୂତାଯ କୂଟସ୍ଥାଯାତ୍ମନେ ନମଃ ॥ ୧୭ ॥
ଅନନ୍ତାଯାଦିଭୂତାଯ କୂଟସ୍ଥାଯାତ୍ମନେ ନମଃ ॥ ୧୭ ॥
ପ୍ରତ୍ଯାଖ୍ଯାତଃ ସ ତେନାପି ଶତଧନ୍ଵା ମହାମଣିମ୍ ।
ତସ୍ମିନ୍ ନ୍ଯସ୍ଯାଶ୍ଵମାରୁହ୍ଯ ଶତଯୋଜନଗଂ ଯଯୌ ॥ ୧୮ ॥
ତସ୍ମିନ୍ ନ୍ଯସ୍ଯାଶ୍ଵମାରୁହ୍ଯ ଶତଯୋଜନଗଂ ଯଯୌ ॥ ୧୮ ॥
ଗରୁଡଧ୍ଵଜମାରୁହ୍ଯ ରଥଂ ରାମଜନାର୍ଦନୌ ।
ଅନ୍ଵଯାତାଂ ମହାଵେଗୈରଶ୍ଵୈ ରାଜନ୍ ଗୁରୁଦ୍ରୁହମ୍ ॥ ୧୯ ॥
ଅନ୍ଵଯାତାଂ ମହାଵେଗୈରଶ୍ଵୈ ରାଜନ୍ ଗୁରୁଦ୍ରୁହମ୍ ॥ ୧୯ ॥
ମିଥିଲାଯାମୁପଵନେ ଵିସୃଜ୍ଯ ପତିତଂ ହଯମ୍ ।
ପଦ୍ଭ୍ଯାମଧାଵତ୍ ସନ୍ତ୍ରସ୍ତଃ କୃଷ୍ଣୋଽପ୍ଯନ୍ଵଦ୍ରଵଦ୍ ରୁଷା ॥ ୨୦ ॥
ପଦ୍ଭ୍ଯାମଧାଵତ୍ ସନ୍ତ୍ରସ୍ତଃ କୃଷ୍ଣୋଽପ୍ଯନ୍ଵଦ୍ରଵଦ୍ ରୁଷା ॥ ୨୦ ॥
ପଦାତେର୍ଭଗଵାଂସ୍ତସ୍ଯ ପଦାତିସ୍ତିଗ୍ମନେମିନା ।
ଚକ୍ରେଣ ଶିର ଉତ୍କୃତ୍ଯ ଵାସସୋର୍ଵ୍ଯଚିନୋନ୍ମଣିମ୍ ॥ ୨୧ ॥
ଚକ୍ରେଣ ଶିର ଉତ୍କୃତ୍ଯ ଵାସସୋର୍ଵ୍ଯଚିନୋନ୍ମଣିମ୍ ॥ ୨୧ ॥
ଅଲବ୍ଧମଣିରାଗତ୍ଯ କୃଷ୍ଣ ଆହାଗ୍ରଜାନ୍ତିକମ୍ ।
ଵୃଥା ହତଃ ଶତଧନୁର୍ମଣିସ୍ତତ୍ର ନ ଵିଦ୍ଯତେ ॥ ୨୨ ॥
ଵୃଥା ହତଃ ଶତଧନୁର୍ମଣିସ୍ତତ୍ର ନ ଵିଦ୍ଯତେ ॥ ୨୨ ॥
ତତ ଆହ ବଲୋ ନୂନଂ ସ ମଣିଃ ଶତଧନ୍ଵନା ।
କସ୍ମିଂଶ୍ଚିତ୍ ପୁରୁଷେ ନ୍ଯସ୍ତସ୍ତମନ୍ଵେଷ ପୁରଂ ଵ୍ରଜ ॥ ୨୩ ॥
କସ୍ମିଂଶ୍ଚିତ୍ ପୁରୁଷେ ନ୍ଯସ୍ତସ୍ତମନ୍ଵେଷ ପୁରଂ ଵ୍ରଜ ॥ ୨୩ ॥
ଅହଂ ଵୈଦେହମିଚ୍ଛାମି ଦ୍ରଷ୍ଟୁଂ ପ୍ରିଯତମଂ ମମ ।
ଇତ୍ଯୁକ୍ତ୍ଵା ମିଥିଲାଂ ରାଜନ୍ ଵିଵେଶ ଯଦୁନନ୍ଦନଃ ॥ ୨୪ ॥
ଇତ୍ଯୁକ୍ତ୍ଵା ମିଥିଲାଂ ରାଜନ୍ ଵିଵେଶ ଯଦୁନନ୍ଦନଃ ॥ ୨୪ ॥
ତଂ ଦୃଷ୍ଟ୍ଵା ସହସୋତ୍ଥାଯ ମୈଥିଲଃ ପ୍ରୀତମାନସଃ ।
ଅର୍ହଯାମାସ ଵିଧିଵଦର୍ହଣୀଯଂ ସମର୍ହଣୈଃ ॥ ୨୫ ॥
ଅର୍ହଯାମାସ ଵିଧିଵଦର୍ହଣୀଯଂ ସମର୍ହଣୈଃ ॥ ୨୫ ॥
ଉଵାସ ତସ୍ଯାଂ କତିଚିନ୍ମିଥିଲାଯାଂ ସମା ଵିଭୁଃ ।
ମାନିତଃ ପ୍ରୀତିଯୁକ୍ତେନ ଜନକେନ ମହାତ୍ମନା ।
ତତୋଽଶିକ୍ଷଦ୍ ଗଦାଂ କାଲେ ଧାର୍ତରାଷ୍ଟ୍ରଃ ସୁଯୋଧନଃ ॥ ୨୬ ॥
ମାନିତଃ ପ୍ରୀତିଯୁକ୍ତେନ ଜନକେନ ମହାତ୍ମନା ।
ତତୋଽଶିକ୍ଷଦ୍ ଗଦାଂ କାଲେ ଧାର୍ତରାଷ୍ଟ୍ରଃ ସୁଯୋଧନଃ ॥ ୨୬ ॥
କେଶଵୋ ଦ୍ଵାରକାମେତ୍ଯ ନିଧନଂ ଶତଧନ୍ଵନଃ ।
ଅପ୍ରାପ୍ତିଂ ଚ ମଣେଃ ପ୍ରାହ ପ୍ରିଯାଯାଃ ପ୍ରିଯକୃଦ୍ ଵିଭୁଃ ॥ ୨୭ ॥
ଅପ୍ରାପ୍ତିଂ ଚ ମଣେଃ ପ୍ରାହ ପ୍ରିଯାଯାଃ ପ୍ରିଯକୃଦ୍ ଵିଭୁଃ ॥ ୨୭ ॥
ତତଃ ସ କାରଯାମାସ କ୍ରିଯା ବନ୍ଧୋର୍ହତସ୍ଯ ଵୈ ।
ସାକଂ ସୁହୃଦ୍ଭିର୍ଭଗଵାନ୍ ଯା ଯାଃ ସ୍ଯୁଃ ସାମ୍ପରାଯିକୀଃ ॥ ୨୮ ॥
ସାକଂ ସୁହୃଦ୍ଭିର୍ଭଗଵାନ୍ ଯା ଯାଃ ସ୍ଯୁଃ ସାମ୍ପରାଯିକୀଃ ॥ ୨୮ ॥
ଅକ୍ରୂରଃ କୃତଵର୍ମା ଚ ଶ୍ରୁତ୍ଵା ଶତଧନୋର୍ଵଧମ୍ ।
ଵ୍ଯୂଷତୁର୍ଭଯଵିତ୍ରସ୍ତୌ ଦ୍ଵାରକାଯାଃ ପ୍ରଯୋଜକୌ ॥ ୨୯ ॥
ଵ୍ଯୂଷତୁର୍ଭଯଵିତ୍ରସ୍ତୌ ଦ୍ଵାରକାଯାଃ ପ୍ରଯୋଜକୌ ॥ ୨୯ ॥
ଅକ୍ରୂରେ ପ୍ରୋଷିତେଽରିଷ୍ଟାନ୍ଯାସନ୍ ଵୈ ଦ୍ଵାରକୌକସାମ୍ ।
ଶାରୀରା ମାନସାସ୍ତାପା ମୁହୁର୍ଦୈଵିକଭୌତିକାଃ ॥ ୩୦ ॥
ଶାରୀରା ମାନସାସ୍ତାପା ମୁହୁର୍ଦୈଵିକଭୌତିକାଃ ॥ ୩୦ ॥
ଇତ୍ଯଙ୍ଗୋପଦିଶନ୍ତ୍ଯେକେ ଵିସ୍ମୃତ୍ଯ ପ୍ରାଗୁଦାହୃତମ୍ ।
ମୁନିଵାସନିଵାସେ କିଂ ଘଟେତାରିଷ୍ଟଦର୍ଶନମ୍ ॥ ୩୧ ॥
ମୁନିଵାସନିଵାସେ କିଂ ଘଟେତାରିଷ୍ଟଦର୍ଶନମ୍ ॥ ୩୧ ॥
ଦେଵେଽଵର୍ଷତି କାଶୀଶଃ ଶ୍ଵଫଲ୍କାଯାଗତାଯ ଵୈ ।
ସ୍ଵସୁତାଂ ଗାନ୍ଦିନୀଂ ପ୍ରାଦାତ୍ ତତୋଽଵର୍ଷତ୍ ସ୍ମ କାଶିଷୁ ॥ ୩୨ ॥
ସ୍ଵସୁତାଂ ଗାନ୍ଦିନୀଂ ପ୍ରାଦାତ୍ ତତୋଽଵର୍ଷତ୍ ସ୍ମ କାଶିଷୁ ॥ ୩୨ ॥
ତତ୍ସୁତସ୍ତତ୍ପ୍ରଭାଵୋଽସାଵକ୍ରୂରୋ ଯତ୍ର ଯତ୍ର ହ ।
ଦେଵୋଽଭିଵର୍ଷତେ ତତ୍ର ନୋପତାପା ନ ମାରୀକାଃ ॥ ୩୩ ॥
ଦେଵୋଽଭିଵର୍ଷତେ ତତ୍ର ନୋପତାପା ନ ମାରୀକାଃ ॥ ୩୩ ॥
ଇତି ଵୃଦ୍ଧଵଚଃ ଶ୍ରୁତ୍ଵା ନୈତାଵଦିହ କାରଣମ୍ ।
ଇତି ମତ୍ଵା ସମାନାଯ୍ଯ ପ୍ରାହାକ୍ରୂରଂ ଜନାର୍ଦନଃ ॥ ୩୪ ॥
ଇତି ମତ୍ଵା ସମାନାଯ୍ଯ ପ୍ରାହାକ୍ରୂରଂ ଜନାର୍ଦନଃ ॥ ୩୪ ॥
ପୂଜଯିତ୍ଵାଭିଭାଷ୍ଯୈନଂ କଥଯିତ୍ଵା ପ୍ରିଯାଃ କଥାଃ ।
ଵିଜ୍ଞାତାଖିଲଚିତ୍ତଜ୍ଞଃ ସ୍ମଯମାନ ଉଵାଚହ ॥ ୩୫ ॥
ଵିଜ୍ଞାତାଖିଲଚିତ୍ତଜ୍ଞଃ ସ୍ମଯମାନ ଉଵାଚହ ॥ ୩୫ ॥
ନନୁ ଦାନପତେ ନ୍ଯସ୍ତସ୍ତ୍ଵଯ୍ଯାସ୍ତେ ଶତଧନ୍ଵନା ।
ସ୍ଯମନ୍ତକୋ ମନିଃ ଶ୍ରୀମାନ୍ ଵିଦିତଃ ପୂର୍ଵମେଵ ନଃ ॥ ୩୬ ॥
ସ୍ଯମନ୍ତକୋ ମନିଃ ଶ୍ରୀମାନ୍ ଵିଦିତଃ ପୂର୍ଵମେଵ ନଃ ॥ ୩୬ ॥
ସତ୍ରାଜିତୋଽନପତ୍ଯତ୍ଵାଦ୍ ଗୃହ୍ଣୀଯୁର୍ଦୁହିତୁଃ ସୁତାଃ ।
ଦାଯଂ ନିନୀଯାପଃ ପିଣ୍ଡାନ୍ ଵିମୁଚ୍ଯର୍ଣଂ ଚ ଶେଷିତମ୍ ॥ ୩୭ ॥
ଦାଯଂ ନିନୀଯାପଃ ପିଣ୍ଡାନ୍ ଵିମୁଚ୍ଯର୍ଣଂ ଚ ଶେଷିତମ୍ ॥ ୩୭ ॥
ତଥାପି ଦୁର୍ଧରସ୍ତ୍ଵନ୍ଯୈସ୍ତ୍ଵଯ୍ଯାସ୍ତାଂ ସୁଵ୍ରତେ ମଣିଃ ।
କିନ୍ତୁ ମାମଗ୍ରଜଃ ସମ୍ଯଙ୍ନ ପ୍ରତ୍ଯେତି ମଣିଂ ପ୍ରତି ॥ ୩୮ ॥
କିନ୍ତୁ ମାମଗ୍ରଜଃ ସମ୍ଯଙ୍ନ ପ୍ରତ୍ଯେତି ମଣିଂ ପ୍ରତି ॥ ୩୮ ॥
ଦର୍ଶଯସ୍ଵ ମହାଭାଗ ବନ୍ଧୂନାଂ ଶାନ୍ତିମାଵହ ।
ଅଵ୍ଯୁଚ୍ଛିନ୍ନା ମଖାସ୍ତେଽଦ୍ଯ ଵର୍ତନ୍ତେ ରୁକ୍ମଵେଦଯଃ ॥ ୩୯ ॥
ଅଵ୍ଯୁଚ୍ଛିନ୍ନା ମଖାସ୍ତେଽଦ୍ଯ ଵର୍ତନ୍ତେ ରୁକ୍ମଵେଦଯଃ ॥ ୩୯ ॥
ଏଵଂ ସାମଭିରାଲବ୍ଧଃ ଶ୍ଵଫଲ୍କତନଯୋ ମଣିମ୍ ।
ଆଦାଯ ଵାସସାଚ୍ଛନ୍ନଃ ଦଦୌ ସୂର୍ଯସମପ୍ରଭମ୍ ॥ ୪୦ ॥
ଆଦାଯ ଵାସସାଚ୍ଛନ୍ନଃ ଦଦୌ ସୂର୍ଯସମପ୍ରଭମ୍ ॥ ୪୦ ॥
ସ୍ଯମନ୍ତକଂ ଦର୍ଶଯିତ୍ଵା ଜ୍ଞାତିଭ୍ଯୋ ରଜ ଆତ୍ମନଃ ।
ଵିମୃଜ୍ଯ ମଣିନା ଭୂଯସ୍ତସ୍ମୈ ପ୍ରତ୍ଯର୍ପଯତ୍ ପ୍ରଭୁଃ ॥ ୪୧ ॥
ଵିମୃଜ୍ଯ ମଣିନା ଭୂଯସ୍ତସ୍ମୈ ପ୍ରତ୍ଯର୍ପଯତ୍ ପ୍ରଭୁଃ ॥ ୪୧ ॥
ଯସ୍ତ୍ଵେତଦ୍ ଭଗଵତ ଈଶ୍ଵରସ୍ଯ ଵିଷ୍ଣୋ-
ର୍ଵୀର୍ଯାଢ୍ଯଂ ଵୃଜିନହରଂ ସୁମଙ୍ଗଲଂ ଚ ।
ଆଖ୍ଯାନଂ ପଠତି ଶୃଣୋତ୍ଯନୁସ୍ମରେଦ୍ ଵା
ଦୁଷ୍କୀର୍ତିଂ ଦୁରିତମପୋହ୍ଯ ଯାତି ଶାନ୍ତିମ୍ ॥ ୪୨ ॥
ର୍ଵୀର୍ଯାଢ୍ଯଂ ଵୃଜିନହରଂ ସୁମଙ୍ଗଲଂ ଚ ।
ଆଖ୍ଯାନଂ ପଠତି ଶୃଣୋତ୍ଯନୁସ୍ମରେଦ୍ ଵା
ଦୁଷ୍କୀର୍ତିଂ ଦୁରିତମପୋହ୍ଯ ଯାତି ଶାନ୍ତିମ୍ ॥ ୪୨ ॥