শ্ৰীশুক উৱাচ
একদা পাণ্ডৱান্ দ্ৰষ্টুং প্ৰতীতান্ পুৰুষোত্তমঃ ।
ইন্দ্ৰপ্ৰস্থং গতঃ শ্ৰীমান্ যুযুধানাদিভিৰ্ৱৃতঃ ॥ ১ ॥
একদা পাণ্ডৱান্ দ্ৰষ্টুং প্ৰতীতান্ পুৰুষোত্তমঃ ।
ইন্দ্ৰপ্ৰস্থং গতঃ শ্ৰীমান্ যুযুধানাদিভিৰ্ৱৃতঃ ॥ ১ ॥
দৃষ্ট্ৱা তমাগতং পাৰ্থা মুকুন্দমখিলেশ্ৱৰম্ ।
উত্তস্থুৰ্যুগপদ্ ৱীৰাঃ প্ৰাণা মুখ্যমিৱাগতম্ ॥ ২ ॥
উত্তস্থুৰ্যুগপদ্ ৱীৰাঃ প্ৰাণা মুখ্যমিৱাগতম্ ॥ ২ ॥
পৰিষ্ৱজ্যাচ্যুতং ৱীৰা অঙ্গসঙ্গহতৈনসঃ ।
সানুৰাগস্মিতং ৱক্ত্ৰং ৱীক্ষ্য তস্য মুদং যযুঃ ॥ ৩ ॥
সানুৰাগস্মিতং ৱক্ত্ৰং ৱীক্ষ্য তস্য মুদং যযুঃ ॥ ৩ ॥
যুধিষ্ঠিৰস্য ভীমস্য কৃত্ৱা পাদাভিৱন্দনম্ ।
ফাল্গুনং পৰিৰভ্যাথ যমাভ্যাং চাভিৱন্দিতঃ ॥ ৪ ॥
ফাল্গুনং পৰিৰভ্যাথ যমাভ্যাং চাভিৱন্দিতঃ ॥ ৪ ॥
পৰমাসন আসীনং কৃষ্ণা কৃষ্ণমনিন্দিতা ।
নৱোঢা ৱ্ৰীডিতা কিঞ্চিচ্ছনৈৰেত্যাভ্যৱন্দত ॥ ৫ ॥
নৱোঢা ৱ্ৰীডিতা কিঞ্চিচ্ছনৈৰেত্যাভ্যৱন্দত ॥ ৫ ॥
তথৈৱ সাত্যকিঃ পাৰ্থৈঃ পূজিতশ্চাভিৱন্দিতঃ ।
নিষসাদাসনেঽন্যে চ পূজিতাঃ পৰ্যুপাসত ॥ ৬ ॥
নিষসাদাসনেঽন্যে চ পূজিতাঃ পৰ্যুপাসত ॥ ৬ ॥
পৃথাং সমাগত্য কৃতাভিৱাদন-
স্তযাতিহাৰ্দাৰ্দ্ৰদৃশাভিৰম্ভিতঃ ।
আপৃষ্টৱাংস্তাং কুশলং সহস্নুষাং
পিতৃষ্ৱসাৰং পৰিপৃষ্টবান্ধৱঃ ॥ ৭ ॥
স্তযাতিহাৰ্দাৰ্দ্ৰদৃশাভিৰম্ভিতঃ ।
আপৃষ্টৱাংস্তাং কুশলং সহস্নুষাং
পিতৃষ্ৱসাৰং পৰিপৃষ্টবান্ধৱঃ ॥ ৭ ॥
তমাহ প্ৰেমৱৈক্লৱ্যৰুদ্ধকণ্ঠাশ্ৰুলোচনা ।
স্মৰন্তী তান্ বহূন্ ক্লেশান্ ক্লেশাপাযাত্মদৰ্শনম্ ॥ ৮ ॥
স্মৰন্তী তান্ বহূন্ ক্লেশান্ ক্লেশাপাযাত্মদৰ্শনম্ ॥ ৮ ॥
তদৈৱ কুশলং নোঽভূত্ সনাথাস্তে কৃতা ৱযম্ ।
জ্ঞতীন্ নঃ স্মৰতা কৃষ্ণ ভ্ৰাতা মে প্ৰেষিতস্ত্ৱযা ॥ ৯ ॥
জ্ঞতীন্ নঃ স্মৰতা কৃষ্ণ ভ্ৰাতা মে প্ৰেষিতস্ত্ৱযা ॥ ৯ ॥
ন তেঽস্তি স্ৱপৰভ্ৰান্তিৰ্ৱিশ্ৱস্য সুহৃদাত্মনঃ ।
তথাপি স্মৰতাং শশ্ৱত্ ক্লেশান্ হংসি হৃদি স্থিতঃ ॥ ১০ ॥
তথাপি স্মৰতাং শশ্ৱত্ ক্লেশান্ হংসি হৃদি স্থিতঃ ॥ ১০ ॥
যুধিষ্ঠিৰ উৱাচ
কিং ন আচৰিতং শ্ৰেযো ন ৱেদাহমধীশ্ৱৰ ।
যোগেশ্ৱৰাণাং দুৰ্দৰ্শো যন্নো দৃষ্টঃ কুমেধসাম্ ॥ ১১ ॥
কিং ন আচৰিতং শ্ৰেযো ন ৱেদাহমধীশ্ৱৰ ।
যোগেশ্ৱৰাণাং দুৰ্দৰ্শো যন্নো দৃষ্টঃ কুমেধসাম্ ॥ ১১ ॥
ইতি ৱৈ ৱাৰ্ষিকান্ মাসান্ ৰাজ্ঞা সোঽভ্যৰ্থিতঃ সুখম্ ।
জনযন্ নযনানন্দমিন্দ্ৰপ্ৰস্থৌকসাং ৱিভুঃ ॥ ১২ ॥
জনযন্ নযনানন্দমিন্দ্ৰপ্ৰস্থৌকসাং ৱিভুঃ ॥ ১২ ॥
একদা ৰথমাৰুহ্য ৱিজযো ৱানৰধ্ৱজম্ ।
গাণ্ডীৱং ধনুৰাদায তূণৌ চাক্ষযসাযকৌ ॥ ১৩ ॥
গাণ্ডীৱং ধনুৰাদায তূণৌ চাক্ষযসাযকৌ ॥ ১৩ ॥
সাকং কৃষ্ণেন সন্নদ্ধো ৱিহৰ্তুং ৱিপিনং মহত্ ।
বহুৱ্যালমৃগাকীৰ্ণং প্ৰাৱিশত্ পৰৱীৰহা ॥ ১৪ ॥
বহুৱ্যালমৃগাকীৰ্ণং প্ৰাৱিশত্ পৰৱীৰহা ॥ ১৪ ॥
তত্ৰাৱিধ্যচ্ছৰৈৰ্ৱ্যাঘ্ৰান্ শূকৰান্ মহিষান্ ৰুৰূন্ ।
শৰভান্ গৱযান্ খড্গান্ হৰিণান্ শশশল্লকান্ ॥ ১৫ ॥
শৰভান্ গৱযান্ খড্গান্ হৰিণান্ শশশল্লকান্ ॥ ১৫ ॥
তান্ নিন্যুঃ কিঙ্কৰা ৰাজ্ঞে মেধ্যান্ পৰ্ৱণ্যুপাগতে ।
তৃট্পৰীতঃ পৰিশ্ৰান্তো বিভত্সুৰ্যমুনামগাত্ ॥ ১৬ ॥
তৃট্পৰীতঃ পৰিশ্ৰান্তো বিভত্সুৰ্যমুনামগাত্ ॥ ১৬ ॥
তত্ৰোপস্পৃশ্য ৱিশদং পীত্ৱা ৱাৰি মহাৰথৌ ।
কৃষ্ণৌ দদৃশতুঃ কন্যাং চৰন্তীং চাৰুদৰ্শনাম্ ॥ ১৭ ॥
কৃষ্ণৌ দদৃশতুঃ কন্যাং চৰন্তীং চাৰুদৰ্শনাম্ ॥ ১৭ ॥
তামাসাদ্য ৱৰাৰোহাং সুদ্ৱিজাং ৰুচিৰাননাম্ ।
পপ্ৰচ্ছ প্ৰেষিতঃ সখ্যা ফাল্গুনঃ প্ৰমদোত্তমাম্ ॥ ১৮ ॥
পপ্ৰচ্ছ প্ৰেষিতঃ সখ্যা ফাল্গুনঃ প্ৰমদোত্তমাম্ ॥ ১৮ ॥
কা ত্ৱং কস্যাসি সুশ্ৰোণি কুতো ৱা কিং চিকীৰ্ষসি ।
মন্যে ত্ৱাং পতিমিচ্ছন্তীং সৰ্ৱং কথয শোভনে ॥ ১৯ ॥
মন্যে ত্ৱাং পতিমিচ্ছন্তীং সৰ্ৱং কথয শোভনে ॥ ১৯ ॥
শ্ৰীকালিন্দ্যুৱাচ
অহং দেৱস্য সৱিতুৰ্দুহিতা পতিমিচ্ছতী ।
ৱিষ্ণুং ৱৰেণ্যং ৱৰদং তপঃ পৰমমাস্থিতঃ ॥ ২০ ॥
অহং দেৱস্য সৱিতুৰ্দুহিতা পতিমিচ্ছতী ।
ৱিষ্ণুং ৱৰেণ্যং ৱৰদং তপঃ পৰমমাস্থিতঃ ॥ ২০ ॥
নান্যং পতিং ৱৃণে ৱীৰ তমৃতে শ্ৰীনিকেতনম্ ।
তুষ্যতাং মে স ভগৱান্ মুকুন্দোঽনাথসংশ্ৰযঃ ॥ ২১ ॥
তুষ্যতাং মে স ভগৱান্ মুকুন্দোঽনাথসংশ্ৰযঃ ॥ ২১ ॥
কালিন্দীতি সমাখ্যাতা ৱসামি যমুনাজলে ।
নিৰ্মিতে ভৱনে পিত্ৰা যাৱদচ্যুতদৰ্শনম্ ॥ ২২ ॥
নিৰ্মিতে ভৱনে পিত্ৰা যাৱদচ্যুতদৰ্শনম্ ॥ ২২ ॥
তথাৱদদ্ গুডাকেশো ৱাসুদেৱায সোঽপি তাম্ ।
ৰথমাৰোপ্য তদ্ ৱিদ্ৱান্ ধৰ্মৰাজমুপাগমত্ ॥ ২৩ ॥
ৰথমাৰোপ্য তদ্ ৱিদ্ৱান্ ধৰ্মৰাজমুপাগমত্ ॥ ২৩ ॥
যদৈৱ কৃষ্ণঃ সন্দিষ্টঃ পাৰ্থানাং পৰমাদ্ভুতম্ ।
কাৰযামাস নগৰং ৱিচিত্ৰং ৱিশ্ৱকৰ্মণা ॥ ২৪ ॥
কাৰযামাস নগৰং ৱিচিত্ৰং ৱিশ্ৱকৰ্মণা ॥ ২৪ ॥
ভগৱাংস্তত্ৰ নিৱসন্ স্ৱানাং প্ৰিযচিকীৰ্ষযা ।
অগ্নযে খাণ্ডৱং দাতুমৰ্জুনস্যাস সাৰথিঃ ॥ ২৫ ॥
অগ্নযে খাণ্ডৱং দাতুমৰ্জুনস্যাস সাৰথিঃ ॥ ২৫ ॥
সোঽগ্নিস্তুষ্টো ধনুৰদাদ্ধযান্ শ্ৱেতান্ ৰথং নৃপ ।
অৰ্জুনাযাক্ষযৌ তূণৌ ৱৰ্ম চাভেদ্যমস্ত্ৰিভিঃ ॥ ২৬ ॥
অৰ্জুনাযাক্ষযৌ তূণৌ ৱৰ্ম চাভেদ্যমস্ত্ৰিভিঃ ॥ ২৬ ॥
মযশ্চ মোচিতো ৱহ্নেঃ সভাং সখ্য উপাহৰত্ ।
যস্মিন্ দুৰ্যোধনস্যাসীজ্জলস্থলদৃশিভ্ৰমঃ ॥ ২৭ ॥
যস্মিন্ দুৰ্যোধনস্যাসীজ্জলস্থলদৃশিভ্ৰমঃ ॥ ২৭ ॥
স তেন সমনুজ্ঞাতঃ সুহৃদ্ভিশ্চানুমোদিতঃ ।
আযযৌ দ্ৱাৰকাং ভূযঃ সাত্যকিপ্ৰমুখৈৰ্ৱৃতঃ ॥ ২৮ ॥
আযযৌ দ্ৱাৰকাং ভূযঃ সাত্যকিপ্ৰমুখৈৰ্ৱৃতঃ ॥ ২৮ ॥
অথোপযেমে কালিন্দীং সুপুণ্যৰ্ত্ৱৃক্ষ ঊৰ্জিতে ।
ৱিতন্ৱন্ পৰমানন্দং স্ৱানাং পৰমমঙ্গলঃ ॥ ২৯ ॥
ৱিতন্ৱন্ পৰমানন্দং স্ৱানাং পৰমমঙ্গলঃ ॥ ২৯ ॥
ৱিন্দ্যানুৱিন্দ্যাৱাৱন্ত্যৌ দুৰ্যোধনৱশানুগৌ ।
স্ৱযংৱৰে স্ৱভগিনীং কৃষ্ণে সক্তাং ন্যষেধতাম্ ॥ ৩০ ॥
স্ৱযংৱৰে স্ৱভগিনীং কৃষ্ণে সক্তাং ন্যষেধতাম্ ॥ ৩০ ॥
ৰাজাধিদেৱ্যাস্তনযাং মিত্ৰৱিন্দাং পিতৃষ্ৱসুঃ ।
প্ৰসহ্য হৃতৱান্ কৃষ্ণো ৰাজন্ ৰাজ্ঞাং প্ৰপশ্যতাম্ ॥ ৩১ ॥
প্ৰসহ্য হৃতৱান্ কৃষ্ণো ৰাজন্ ৰাজ্ঞাং প্ৰপশ্যতাম্ ॥ ৩১ ॥
নগ্নজিন্নাম কৌশল্য আসীদ্ ৰাজাতিধাৰ্মিকঃ ।
তস্য সত্যাভৱত্ কন্যা দেৱী নাগ্নজিতী নৃপ ॥ ৩২ ॥
তস্য সত্যাভৱত্ কন্যা দেৱী নাগ্নজিতী নৃপ ॥ ৩২ ॥
ন তাং শেকুৰ্নৃপা ৱোঢুমজিত্ৱা সপ্ত গোৱৃষান্ ।
তীক্ষ্ণশৃঙ্গান্ সুদুৰ্ধৰ্ষান্ ৱীৰ্যগন্ধাসহান্ খলান্ ॥ ৩৩ ॥
তীক্ষ্ণশৃঙ্গান্ সুদুৰ্ধৰ্ষান্ ৱীৰ্যগন্ধাসহান্ খলান্ ॥ ৩৩ ॥
তাং শ্ৰুত্ৱা ৱৃষজিল্লভ্যাং ভগৱান্ সাত্ৱতাং পতিঃ ।
জগাম কৌশল্যপুৰং সৈন্যেন মহতা ৱৃতঃ ॥ ৩৪ ॥
জগাম কৌশল্যপুৰং সৈন্যেন মহতা ৱৃতঃ ॥ ৩৪ ॥
স কোশলপতিঃ প্ৰীতঃ প্ৰত্যুত্থানাসনাদিভিঃ ।
অৰ্হণেনাপি গুৰুণা পূজযন্ প্ৰতিনন্দিতঃ ॥ ৩৫ ॥
অৰ্হণেনাপি গুৰুণা পূজযন্ প্ৰতিনন্দিতঃ ॥ ৩৫ ॥
ৱৰং ৱিলোক্যাভিমতং সমাগতং
নৰেন্দ্ৰকন্যা চকমে ৰমাপতিম্ ।
ভূযাদযং মে পতিৰাশিষোঽনলঃ
কৰোতু সত্যা যদি মে ধৃতো ৱ্ৰতঃ ॥ ৩৬ ॥
নৰেন্দ্ৰকন্যা চকমে ৰমাপতিম্ ।
ভূযাদযং মে পতিৰাশিষোঽনলঃ
কৰোতু সত্যা যদি মে ধৃতো ৱ্ৰতঃ ॥ ৩৬ ॥
যত্পাদপঙ্কজৰজঃ শিৰসা বিভৰ্তি
শ্ৰীৰব্জজঃ সগিৰিশঃ সহলোকপালৈঃ ।
লীলাতনুঃ স্ৱকৃতসেতুপৰীপ্সযা যঃ
কালেঽদধত্স ভগৱান্ মম কেন তুষ্যেত্ ॥ ৩৭ ॥
শ্ৰীৰব্জজঃ সগিৰিশঃ সহলোকপালৈঃ ।
লীলাতনুঃ স্ৱকৃতসেতুপৰীপ্সযা যঃ
কালেঽদধত্স ভগৱান্ মম কেন তুষ্যেত্ ॥ ৩৭ ॥
অৰ্চিতং পুনৰিত্যাহ নাৰাযণ জগত্পতে ।
আত্মানন্দেন পূৰ্ণস্য কৰৱাণি কিমল্পকঃ ॥ ৩৮ ॥
আত্মানন্দেন পূৰ্ণস্য কৰৱাণি কিমল্পকঃ ॥ ৩৮ ॥
শ্ৰীশুক উৱাচ
তমাহ ভগৱান্ হৃষ্টঃ কৃতাসনপৰিগ্ৰহঃ ।
মেঘগম্ভীৰযা ৱাচা সস্মিতং কুৰুনন্দন ॥ ৩৯ ॥
তমাহ ভগৱান্ হৃষ্টঃ কৃতাসনপৰিগ্ৰহঃ ।
মেঘগম্ভীৰযা ৱাচা সস্মিতং কুৰুনন্দন ॥ ৩৯ ॥
শ্ৰীভগৱানুৱাচ
নৰেন্দ্ৰ যাচ্ঞা কৱিভিৰ্ৱিগৰ্হিতা
ৰাজন্যবন্ধোৰ্নিজধৰ্মৱৰ্তিনঃ ।
তথাপি যাচে তৱ সৌহৃদেচ্ছযা
কন্যাং ত্ৱদীযাং ন হি শুল্কদা ৱযম্ ॥ ৪০ ॥
নৰেন্দ্ৰ যাচ্ঞা কৱিভিৰ্ৱিগৰ্হিতা
ৰাজন্যবন্ধোৰ্নিজধৰ্মৱৰ্তিনঃ ।
তথাপি যাচে তৱ সৌহৃদেচ্ছযা
কন্যাং ত্ৱদীযাং ন হি শুল্কদা ৱযম্ ॥ ৪০ ॥
শ্ৰীৰাজোৱাচ
কোঽন্যস্তেঽভ্যধিকো নাথ কন্যাৱৰ ইহেপ্সিতঃ ।
গুণৈকধাম্নো যস্যাঙ্গে শ্ৰীৰ্ৱসত্যনপাযিনী ॥ ৪১ ॥
কোঽন্যস্তেঽভ্যধিকো নাথ কন্যাৱৰ ইহেপ্সিতঃ ।
গুণৈকধাম্নো যস্যাঙ্গে শ্ৰীৰ্ৱসত্যনপাযিনী ॥ ৪১ ॥
কিন্ত্ৱস্মাভিঃ কৃতঃ পূৰ্ৱং সমযঃ সাত্ৱতৰ্ষভ ।
পুংসাং ৱীৰ্যপৰীক্ষাৰ্থং কন্যাৱৰপৰীপ্সযা ॥ ৪২ ॥
পুংসাং ৱীৰ্যপৰীক্ষাৰ্থং কন্যাৱৰপৰীপ্সযা ॥ ৪২ ॥
সপ্তৈতে গোৱৃষা ৱীৰ দুৰ্দান্তা দুৰৱগ্ৰহাঃ ।
এতৈৰ্ভগ্নাঃ সুবহৱো ভিন্নগাত্ৰা নৃপাত্মজাঃ ॥ ৪৩ ॥
এতৈৰ্ভগ্নাঃ সুবহৱো ভিন্নগাত্ৰা নৃপাত্মজাঃ ॥ ৪৩ ॥
যদিমে নিগৃহীতাঃ স্যুস্ত্ৱযৈৱ যদুনন্দন ।
ৱৰো ভৱানভিমতো দুহিতুৰ্মে শ্ৰিযঃপতে ॥ ৪৪ ॥
ৱৰো ভৱানভিমতো দুহিতুৰ্মে শ্ৰিযঃপতে ॥ ৪৪ ॥
এৱং সমযমাকৰ্ণ্য বদ্ধ্ৱা পৰিকৰং প্ৰভুঃ ।
আত্মানং সপ্তধা কৃত্ৱা ন্যগৃহ্ণাল্লীলযৈৱ তান্ ॥ ৪৫ ॥
আত্মানং সপ্তধা কৃত্ৱা ন্যগৃহ্ণাল্লীলযৈৱ তান্ ॥ ৪৫ ॥
বদ্ধ্ৱা তান্ দামভিঃ শৌৰিৰ্ভগ্নদৰ্পান্ হতৌজসঃ ।
ৱ্যকৰ্ষল্লীলযা বদ্ধান্ বালো দাৰুমযান্ যথা ॥ ৪৬ ॥
ৱ্যকৰ্ষল্লীলযা বদ্ধান্ বালো দাৰুমযান্ যথা ॥ ৪৬ ॥
ততঃ প্ৰীতঃ সুতাং ৰাজা দদৌ কৃষ্ণায ৱিস্মিতঃ ।
তাং প্ৰত্যগৃহ্ণাদ্ ভগৱান্ ৱিধিৱত্ সদৃশীং প্ৰভুঃ ॥ ৪৭ ॥
তাং প্ৰত্যগৃহ্ণাদ্ ভগৱান্ ৱিধিৱত্ সদৃশীং প্ৰভুঃ ॥ ৪৭ ॥
ৰাজপত্ন্যশ্চ দুহিতুঃ কৃষ্ণং লব্ধ্ৱা প্ৰিযং পতিম্ ।
লেভিৰে পৰমানন্দং জাতশ্চ পৰমোত্সৱঃ ॥ ৪৮ ॥
লেভিৰে পৰমানন্দং জাতশ্চ পৰমোত্সৱঃ ॥ ৪৮ ॥
শঙ্খভেৰ্যানকা নেদুৰ্গীতৱাদ্যদ্ৱিজাশিষঃ ।
নৰা নাৰ্যঃ প্ৰমুদিতাঃ সুৱাসঃস্ৰগলঙ্কৃতাঃ ॥ ৪৯ ॥
নৰা নাৰ্যঃ প্ৰমুদিতাঃ সুৱাসঃস্ৰগলঙ্কৃতাঃ ॥ ৪৯ ॥
দশধেনুসহস্ৰাণি পাৰিবৰ্হমদাদ্ ৱিভুঃ ।
যুৱতীনাং ত্ৰিসাহস্ৰং নিষ্কগ্ৰীৱসুৱাসসম্ ॥ ৫০ ॥
যুৱতীনাং ত্ৰিসাহস্ৰং নিষ্কগ্ৰীৱসুৱাসসম্ ॥ ৫০ ॥
নৱনাগসহস্ৰাণি নাগাচ্ছতগুণান্ ৰথান্ ।
ৰথাচ্ছতগুণানশ্ৱানশ্ৱাচ্ছতগুণান্ নৰান্ ॥ ৫১ ॥
ৰথাচ্ছতগুণানশ্ৱানশ্ৱাচ্ছতগুণান্ নৰান্ ॥ ৫১ ॥
দম্পতী ৰথমাৰোপ্য মহত্যা সেনযা ৱৃতৌ ।
স্নেহপ্ৰক্লিন্নহৃদযো যাপযামাস কোশলঃ ॥ ৫২ ॥
স্নেহপ্ৰক্লিন্নহৃদযো যাপযামাস কোশলঃ ॥ ৫২ ॥
শ্ৰুত্ৱৈতদ্ ৰুৰুধুৰ্ভূপা নযন্তং পথি কন্যকাম্ ।
ভগ্নৱীৰ্যাঃ সুদুৰ্মৰ্ষা যদুভিৰ্গোৱৃষৈঃ পুৰা ॥ ৫৩ ॥
ভগ্নৱীৰ্যাঃ সুদুৰ্মৰ্ষা যদুভিৰ্গোৱৃষৈঃ পুৰা ॥ ৫৩ ॥
তানস্যতঃ শৰৱ্ৰাতান্ বন্ধুপ্ৰিযকৃদৰ্জুনঃ ।
গাণ্ডীৱী কালযামাস সিংহঃ ক্ষুদ্ৰমৃগানিৱ ॥ ৫৪ ॥
গাণ্ডীৱী কালযামাস সিংহঃ ক্ষুদ্ৰমৃগানিৱ ॥ ৫৪ ॥
পাৰিবৰ্হমুপাগৃহ্য দ্ৱাৰকামেত্য সত্যযা ।
ৰেমে যদূনামৃষভো ভগৱান্ দেৱকীসুতঃ ॥ ৫৫ ॥
ৰেমে যদূনামৃষভো ভগৱান্ দেৱকীসুতঃ ॥ ৫৫ ॥
শ্ৰুতকীৰ্তেঃ সুতাং ভদ্ৰাং উপযেমে পিতৃষ্ৱসুঃ ।
কৈকেযীং ভ্ৰাতৃভিৰ্দত্তাং কৃষ্ণঃ সন্তৰ্দনাদিভিঃ ॥ ৫৬ ॥
কৈকেযীং ভ্ৰাতৃভিৰ্দত্তাং কৃষ্ণঃ সন্তৰ্দনাদিভিঃ ॥ ৫৬ ॥
সুতাং চ মদ্ৰাধিপতেৰ্লক্ষ্মণাং লক্ষণৈৰ্যুতাম্ ।
স্ৱযংৱৰে জহাৰৈকঃ স সুপৰ্ণঃ সুধামিৱ ॥ ৫৭ ॥
স্ৱযংৱৰে জহাৰৈকঃ স সুপৰ্ণঃ সুধামিৱ ॥ ৫৭ ॥
অন্যাশ্চৈৱংৱিধা ভাৰ্যাঃ কৃষ্ণস্যাসন্ সহস্ৰশঃ ।
ভৌমং হত্ৱা তন্নিৰোধাদাহৃতাশ্চাৰুদৰ্শনাঃ ॥ ৫৮ ॥
ভৌমং হত্ৱা তন্নিৰোধাদাহৃতাশ্চাৰুদৰ্শনাঃ ॥ ৫৮ ॥