ଶ୍ରୀଶୁକ ଉଵାଚ
ଏକଦା ପାଣ୍ଡଵାନ୍ ଦ୍ରଷ୍ଟୁଂ ପ୍ରତୀତାନ୍ ପୁରୁଷୋତ୍ତମଃ ।
ଇନ୍ଦ୍ରପ୍ରସ୍ଥଂ ଗତଃ ଶ୍ରୀମାନ୍ ଯୁଯୁଧାନାଦିଭିର୍ଵୃତଃ ॥ ୧ ॥
ଏକଦା ପାଣ୍ଡଵାନ୍ ଦ୍ରଷ୍ଟୁଂ ପ୍ରତୀତାନ୍ ପୁରୁଷୋତ୍ତମଃ ।
ଇନ୍ଦ୍ରପ୍ରସ୍ଥଂ ଗତଃ ଶ୍ରୀମାନ୍ ଯୁଯୁଧାନାଦିଭିର୍ଵୃତଃ ॥ ୧ ॥
ଦୃଷ୍ଟ୍ଵା ତମାଗତଂ ପାର୍ଥା ମୁକୁନ୍ଦମଖିଲେଶ୍ଵରମ୍ ।
ଉତ୍ତସ୍ଥୁର୍ଯୁଗପଦ୍ ଵୀରାଃ ପ୍ରାଣା ମୁଖ୍ଯମିଵାଗତମ୍ ॥ ୨ ॥
ଉତ୍ତସ୍ଥୁର୍ଯୁଗପଦ୍ ଵୀରାଃ ପ୍ରାଣା ମୁଖ୍ଯମିଵାଗତମ୍ ॥ ୨ ॥
ପରିଷ୍ଵଜ୍ଯାଚ୍ଯୁତଂ ଵୀରା ଅଙ୍ଗସଙ୍ଗହତୈନସଃ ।
ସାନୁରାଗସ୍ମିତଂ ଵକ୍ତ୍ରଂ ଵୀକ୍ଷ୍ଯ ତସ୍ଯ ମୁଦଂ ଯଯୁଃ ॥ ୩ ॥
ସାନୁରାଗସ୍ମିତଂ ଵକ୍ତ୍ରଂ ଵୀକ୍ଷ୍ଯ ତସ୍ଯ ମୁଦଂ ଯଯୁଃ ॥ ୩ ॥
ଯୁଧିଷ୍ଠିରସ୍ଯ ଭୀମସ୍ଯ କୃତ୍ଵା ପାଦାଭିଵନ୍ଦନମ୍ ।
ଫାଲ୍ଗୁନଂ ପରିରଭ୍ଯାଥ ଯମାଭ୍ଯାଂ ଚାଭିଵନ୍ଦିତଃ ॥ ୪ ॥
ଫାଲ୍ଗୁନଂ ପରିରଭ୍ଯାଥ ଯମାଭ୍ଯାଂ ଚାଭିଵନ୍ଦିତଃ ॥ ୪ ॥
ପରମାସନ ଆସୀନଂ କୃଷ୍ଣା କୃଷ୍ଣମନିନ୍ଦିତା ।
ନଵୋଢା ଵ୍ରୀଡିତା କିଞ୍ଚିଚ୍ଛନୈରେତ୍ଯାଭ୍ଯଵନ୍ଦତ ॥ ୫ ॥
ନଵୋଢା ଵ୍ରୀଡିତା କିଞ୍ଚିଚ୍ଛନୈରେତ୍ଯାଭ୍ଯଵନ୍ଦତ ॥ ୫ ॥
ତଥୈଵ ସାତ୍ଯକିଃ ପାର୍ଥୈଃ ପୂଜିତଶ୍ଚାଭିଵନ୍ଦିତଃ ।
ନିଷସାଦାସନେଽନ୍ଯେ ଚ ପୂଜିତାଃ ପର୍ଯୁପାସତ ॥ ୬ ॥
ନିଷସାଦାସନେଽନ୍ଯେ ଚ ପୂଜିତାଃ ପର୍ଯୁପାସତ ॥ ୬ ॥
ପୃଥାଂ ସମାଗତ୍ଯ କୃତାଭିଵାଦନ-
ସ୍ତଯାତିହାର୍ଦାର୍ଦ୍ରଦୃଶାଭିରମ୍ଭିତଃ ।
ଆପୃଷ୍ଟଵାଂସ୍ତାଂ କୁଶଲଂ ସହସ୍ନୁଷାଂ
ପିତୃଷ୍ଵସାରଂ ପରିପୃଷ୍ଟବାନ୍ଧଵଃ ॥ ୭ ॥
ସ୍ତଯାତିହାର୍ଦାର୍ଦ୍ରଦୃଶାଭିରମ୍ଭିତଃ ।
ଆପୃଷ୍ଟଵାଂସ୍ତାଂ କୁଶଲଂ ସହସ୍ନୁଷାଂ
ପିତୃଷ୍ଵସାରଂ ପରିପୃଷ୍ଟବାନ୍ଧଵଃ ॥ ୭ ॥
ତମାହ ପ୍ରେମଵୈକ୍ଲଵ୍ଯରୁଦ୍ଧକଣ୍ଠାଶ୍ରୁଲୋଚନା ।
ସ୍ମରନ୍ତୀ ତାନ୍ ବହୂନ୍ କ୍ଲେଶାନ୍ କ୍ଲେଶାପାଯାତ୍ମଦର୍ଶନମ୍ ॥ ୮ ॥
ସ୍ମରନ୍ତୀ ତାନ୍ ବହୂନ୍ କ୍ଲେଶାନ୍ କ୍ଲେଶାପାଯାତ୍ମଦର୍ଶନମ୍ ॥ ୮ ॥
ତଦୈଵ କୁଶଲଂ ନୋଽଭୂତ୍ ସନାଥାସ୍ତେ କୃତା ଵଯମ୍ ।
ଜ୍ଞତୀନ୍ ନଃ ସ୍ମରତା କୃଷ୍ଣ ଭ୍ରାତା ମେ ପ୍ରେଷିତସ୍ତ୍ଵଯା ॥ ୯ ॥
ଜ୍ଞତୀନ୍ ନଃ ସ୍ମରତା କୃଷ୍ଣ ଭ୍ରାତା ମେ ପ୍ରେଷିତସ୍ତ୍ଵଯା ॥ ୯ ॥
ନ ତେଽସ୍ତି ସ୍ଵପରଭ୍ରାନ୍ତିର୍ଵିଶ୍ଵସ୍ଯ ସୁହୃଦାତ୍ମନଃ ।
ତଥାପି ସ୍ମରତାଂ ଶଶ୍ଵତ୍ କ୍ଲେଶାନ୍ ହଂସି ହୃଦି ସ୍ଥିତଃ ॥ ୧୦ ॥
ତଥାପି ସ୍ମରତାଂ ଶଶ୍ଵତ୍ କ୍ଲେଶାନ୍ ହଂସି ହୃଦି ସ୍ଥିତଃ ॥ ୧୦ ॥
ଯୁଧିଷ୍ଠିର ଉଵାଚ
କିଂ ନ ଆଚରିତଂ ଶ୍ରେଯୋ ନ ଵେଦାହମଧୀଶ୍ଵର ।
ଯୋଗେଶ୍ଵରାଣାଂ ଦୁର୍ଦର୍ଶୋ ଯନ୍ନୋ ଦୃଷ୍ଟଃ କୁମେଧସାମ୍ ॥ ୧୧ ॥
କିଂ ନ ଆଚରିତଂ ଶ୍ରେଯୋ ନ ଵେଦାହମଧୀଶ୍ଵର ।
ଯୋଗେଶ୍ଵରାଣାଂ ଦୁର୍ଦର୍ଶୋ ଯନ୍ନୋ ଦୃଷ୍ଟଃ କୁମେଧସାମ୍ ॥ ୧୧ ॥
ଇତି ଵୈ ଵାର୍ଷିକାନ୍ ମାସାନ୍ ରାଜ୍ଞା ସୋଽଭ୍ଯର୍ଥିତଃ ସୁଖମ୍ ।
ଜନଯନ୍ ନଯନାନନ୍ଦମିନ୍ଦ୍ରପ୍ରସ୍ଥୌକସାଂ ଵିଭୁଃ ॥ ୧୨ ॥
ଜନଯନ୍ ନଯନାନନ୍ଦମିନ୍ଦ୍ରପ୍ରସ୍ଥୌକସାଂ ଵିଭୁଃ ॥ ୧୨ ॥
ଏକଦା ରଥମାରୁହ୍ଯ ଵିଜଯୋ ଵାନରଧ୍ଵଜମ୍ ।
ଗାଣ୍ଡୀଵଂ ଧନୁରାଦାଯ ତୂଣୌ ଚାକ୍ଷଯସାଯକୌ ॥ ୧୩ ॥
ଗାଣ୍ଡୀଵଂ ଧନୁରାଦାଯ ତୂଣୌ ଚାକ୍ଷଯସାଯକୌ ॥ ୧୩ ॥
ସାକଂ କୃଷ୍ଣେନ ସନ୍ନଦ୍ଧୋ ଵିହର୍ତୁଂ ଵିପିନଂ ମହତ୍ ।
ବହୁଵ୍ଯାଲମୃଗାକୀର୍ଣଂ ପ୍ରାଵିଶତ୍ ପରଵୀରହା ॥ ୧୪ ॥
ବହୁଵ୍ଯାଲମୃଗାକୀର୍ଣଂ ପ୍ରାଵିଶତ୍ ପରଵୀରହା ॥ ୧୪ ॥
ତତ୍ରାଵିଧ୍ଯଚ୍ଛରୈର୍ଵ୍ଯାଘ୍ରାନ୍ ଶୂକରାନ୍ ମହିଷାନ୍ ରୁରୂନ୍ ।
ଶରଭାନ୍ ଗଵଯାନ୍ ଖଡ୍ଗାନ୍ ହରିଣାନ୍ ଶଶଶଲ୍ଲକାନ୍ ॥ ୧୫ ॥
ଶରଭାନ୍ ଗଵଯାନ୍ ଖଡ୍ଗାନ୍ ହରିଣାନ୍ ଶଶଶଲ୍ଲକାନ୍ ॥ ୧୫ ॥
ତାନ୍ ନିନ୍ଯୁଃ କିଙ୍କରା ରାଜ୍ଞେ ମେଧ୍ଯାନ୍ ପର୍ଵଣ୍ଯୁପାଗତେ ।
ତୃଟ୍ପରୀତଃ ପରିଶ୍ରାନ୍ତୋ ବିଭତ୍ସୁର୍ଯମୁନାମଗାତ୍ ॥ ୧୬ ॥
ତୃଟ୍ପରୀତଃ ପରିଶ୍ରାନ୍ତୋ ବିଭତ୍ସୁର୍ଯମୁନାମଗାତ୍ ॥ ୧୬ ॥
ତତ୍ରୋପସ୍ପୃଶ୍ଯ ଵିଶଦଂ ପୀତ୍ଵା ଵାରି ମହାରଥୌ ।
କୃଷ୍ଣୌ ଦଦୃଶତୁଃ କନ୍ଯାଂ ଚରନ୍ତୀଂ ଚାରୁଦର୍ଶନାମ୍ ॥ ୧୭ ॥
କୃଷ୍ଣୌ ଦଦୃଶତୁଃ କନ୍ଯାଂ ଚରନ୍ତୀଂ ଚାରୁଦର୍ଶନାମ୍ ॥ ୧୭ ॥
ତାମାସାଦ୍ଯ ଵରାରୋହାଂ ସୁଦ୍ଵିଜାଂ ରୁଚିରାନନାମ୍ ।
ପପ୍ରଚ୍ଛ ପ୍ରେଷିତଃ ସଖ୍ଯା ଫାଲ୍ଗୁନଃ ପ୍ରମଦୋତ୍ତମାମ୍ ॥ ୧୮ ॥
ପପ୍ରଚ୍ଛ ପ୍ରେଷିତଃ ସଖ୍ଯା ଫାଲ୍ଗୁନଃ ପ୍ରମଦୋତ୍ତମାମ୍ ॥ ୧୮ ॥
କା ତ୍ଵଂ କସ୍ଯାସି ସୁଶ୍ରୋଣି କୁତୋ ଵା କିଂ ଚିକୀର୍ଷସି ।
ମନ୍ଯେ ତ୍ଵାଂ ପତିମିଚ୍ଛନ୍ତୀଂ ସର୍ଵଂ କଥଯ ଶୋଭନେ ॥ ୧୯ ॥
ମନ୍ଯେ ତ୍ଵାଂ ପତିମିଚ୍ଛନ୍ତୀଂ ସର୍ଵଂ କଥଯ ଶୋଭନେ ॥ ୧୯ ॥
ଶ୍ରୀକାଲିନ୍ଦ୍ଯୁଵାଚ
ଅହଂ ଦେଵସ୍ଯ ସଵିତୁର୍ଦୁହିତା ପତିମିଚ୍ଛତୀ ।
ଵିଷ୍ଣୁଂ ଵରେଣ୍ଯଂ ଵରଦଂ ତପଃ ପରମମାସ୍ଥିତଃ ॥ ୨୦ ॥
ଅହଂ ଦେଵସ୍ଯ ସଵିତୁର୍ଦୁହିତା ପତିମିଚ୍ଛତୀ ।
ଵିଷ୍ଣୁଂ ଵରେଣ୍ଯଂ ଵରଦଂ ତପଃ ପରମମାସ୍ଥିତଃ ॥ ୨୦ ॥
ନାନ୍ଯଂ ପତିଂ ଵୃଣେ ଵୀର ତମୃତେ ଶ୍ରୀନିକେତନମ୍ ।
ତୁଷ୍ଯତାଂ ମେ ସ ଭଗଵାନ୍ ମୁକୁନ୍ଦୋଽନାଥସଂଶ୍ରଯଃ ॥ ୨୧ ॥
ତୁଷ୍ଯତାଂ ମେ ସ ଭଗଵାନ୍ ମୁକୁନ୍ଦୋଽନାଥସଂଶ୍ରଯଃ ॥ ୨୧ ॥
କାଲିନ୍ଦୀତି ସମାଖ୍ଯାତା ଵସାମି ଯମୁନାଜଲେ ।
ନିର୍ମିତେ ଭଵନେ ପିତ୍ରା ଯାଵଦଚ୍ଯୁତଦର୍ଶନମ୍ ॥ ୨୨ ॥
ନିର୍ମିତେ ଭଵନେ ପିତ୍ରା ଯାଵଦଚ୍ଯୁତଦର୍ଶନମ୍ ॥ ୨୨ ॥
ତଥାଵଦଦ୍ ଗୁଡାକେଶୋ ଵାସୁଦେଵାଯ ସୋଽପି ତାମ୍ ।
ରଥମାରୋପ୍ଯ ତଦ୍ ଵିଦ୍ଵାନ୍ ଧର୍ମରାଜମୁପାଗମତ୍ ॥ ୨୩ ॥
ରଥମାରୋପ୍ଯ ତଦ୍ ଵିଦ୍ଵାନ୍ ଧର୍ମରାଜମୁପାଗମତ୍ ॥ ୨୩ ॥
ଯଦୈଵ କୃଷ୍ଣଃ ସନ୍ଦିଷ୍ଟଃ ପାର୍ଥାନାଂ ପରମାଦ୍ଭୁତମ୍ ।
କାରଯାମାସ ନଗରଂ ଵିଚିତ୍ରଂ ଵିଶ୍ଵକର୍ମଣା ॥ ୨୪ ॥
କାରଯାମାସ ନଗରଂ ଵିଚିତ୍ରଂ ଵିଶ୍ଵକର୍ମଣା ॥ ୨୪ ॥
ଭଗଵାଂସ୍ତତ୍ର ନିଵସନ୍ ସ୍ଵାନାଂ ପ୍ରିଯଚିକୀର୍ଷଯା ।
ଅଗ୍ନଯେ ଖାଣ୍ଡଵଂ ଦାତୁମର୍ଜୁନସ୍ଯାସ ସାରଥିଃ ॥ ୨୫ ॥
ଅଗ୍ନଯେ ଖାଣ୍ଡଵଂ ଦାତୁମର୍ଜୁନସ୍ଯାସ ସାରଥିଃ ॥ ୨୫ ॥
ସୋଽଗ୍ନିସ୍ତୁଷ୍ଟୋ ଧନୁରଦାଦ୍ଧଯାନ୍ ଶ୍ଵେତାନ୍ ରଥଂ ନୃପ ।
ଅର୍ଜୁନାଯାକ୍ଷଯୌ ତୂଣୌ ଵର୍ମ ଚାଭେଦ୍ଯମସ୍ତ୍ରିଭିଃ ॥ ୨୬ ॥
ଅର୍ଜୁନାଯାକ୍ଷଯୌ ତୂଣୌ ଵର୍ମ ଚାଭେଦ୍ଯମସ୍ତ୍ରିଭିଃ ॥ ୨୬ ॥
ମଯଶ୍ଚ ମୋଚିତୋ ଵହ୍ନେଃ ସଭାଂ ସଖ୍ଯ ଉପାହରତ୍ ।
ଯସ୍ମିନ୍ ଦୁର୍ଯୋଧନସ୍ଯାସୀଜ୍ଜଲସ୍ଥଲଦୃଶିଭ୍ରମଃ ॥ ୨୭ ॥
ଯସ୍ମିନ୍ ଦୁର୍ଯୋଧନସ୍ଯାସୀଜ୍ଜଲସ୍ଥଲଦୃଶିଭ୍ରମଃ ॥ ୨୭ ॥
ସ ତେନ ସମନୁଜ୍ଞାତଃ ସୁହୃଦ୍ଭିଶ୍ଚାନୁମୋଦିତଃ ।
ଆଯଯୌ ଦ୍ଵାରକାଂ ଭୂଯଃ ସାତ୍ଯକିପ୍ରମୁଖୈର୍ଵୃତଃ ॥ ୨୮ ॥
ଆଯଯୌ ଦ୍ଵାରକାଂ ଭୂଯଃ ସାତ୍ଯକିପ୍ରମୁଖୈର୍ଵୃତଃ ॥ ୨୮ ॥
ଅଥୋପଯେମେ କାଲିନ୍ଦୀଂ ସୁପୁଣ୍ଯର୍ତ୍ଵୃକ୍ଷ ଊର୍ଜିତେ ।
ଵିତନ୍ଵନ୍ ପରମାନନ୍ଦଂ ସ୍ଵାନାଂ ପରମମଙ୍ଗଲଃ ॥ ୨୯ ॥
ଵିତନ୍ଵନ୍ ପରମାନନ୍ଦଂ ସ୍ଵାନାଂ ପରମମଙ୍ଗଲଃ ॥ ୨୯ ॥
ଵିନ୍ଦ୍ଯାନୁଵିନ୍ଦ୍ଯାଵାଵନ୍ତ୍ଯୌ ଦୁର୍ଯୋଧନଵଶାନୁଗୌ ।
ସ୍ଵଯଂଵରେ ସ୍ଵଭଗିନୀଂ କୃଷ୍ଣେ ସକ୍ତାଂ ନ୍ଯଷେଧତାମ୍ ॥ ୩୦ ॥
ସ୍ଵଯଂଵରେ ସ୍ଵଭଗିନୀଂ କୃଷ୍ଣେ ସକ୍ତାଂ ନ୍ଯଷେଧତାମ୍ ॥ ୩୦ ॥
ରାଜାଧିଦେଵ୍ଯାସ୍ତନଯାଂ ମିତ୍ରଵିନ୍ଦାଂ ପିତୃଷ୍ଵସୁଃ ।
ପ୍ରସହ୍ଯ ହୃତଵାନ୍ କୃଷ୍ଣୋ ରାଜନ୍ ରାଜ୍ଞାଂ ପ୍ରପଶ୍ଯତାମ୍ ॥ ୩୧ ॥
ପ୍ରସହ୍ଯ ହୃତଵାନ୍ କୃଷ୍ଣୋ ରାଜନ୍ ରାଜ୍ଞାଂ ପ୍ରପଶ୍ଯତାମ୍ ॥ ୩୧ ॥
ନଗ୍ନଜିନ୍ନାମ କୌଶଲ୍ଯ ଆସୀଦ୍ ରାଜାତିଧାର୍ମିକଃ ।
ତସ୍ଯ ସତ୍ଯାଭଵତ୍ କନ୍ଯା ଦେଵୀ ନାଗ୍ନଜିତୀ ନୃପ ॥ ୩୨ ॥
ତସ୍ଯ ସତ୍ଯାଭଵତ୍ କନ୍ଯା ଦେଵୀ ନାଗ୍ନଜିତୀ ନୃପ ॥ ୩୨ ॥
ନ ତାଂ ଶେକୁର୍ନୃପା ଵୋଢୁମଜିତ୍ଵା ସପ୍ତ ଗୋଵୃଷାନ୍ ।
ତୀକ୍ଷ୍ଣଶୃଙ୍ଗାନ୍ ସୁଦୁର୍ଧର୍ଷାନ୍ ଵୀର୍ଯଗନ୍ଧାସହାନ୍ ଖଲାନ୍ ॥ ୩୩ ॥
ତୀକ୍ଷ୍ଣଶୃଙ୍ଗାନ୍ ସୁଦୁର୍ଧର୍ଷାନ୍ ଵୀର୍ଯଗନ୍ଧାସହାନ୍ ଖଲାନ୍ ॥ ୩୩ ॥
ତାଂ ଶ୍ରୁତ୍ଵା ଵୃଷଜିଲ୍ଲଭ୍ଯାଂ ଭଗଵାନ୍ ସାତ୍ଵତାଂ ପତିଃ ।
ଜଗାମ କୌଶଲ୍ଯପୁରଂ ସୈନ୍ଯେନ ମହତା ଵୃତଃ ॥ ୩୪ ॥
ଜଗାମ କୌଶଲ୍ଯପୁରଂ ସୈନ୍ଯେନ ମହତା ଵୃତଃ ॥ ୩୪ ॥
ସ କୋଶଲପତିଃ ପ୍ରୀତଃ ପ୍ରତ୍ଯୁତ୍ଥାନାସନାଦିଭିଃ ।
ଅର୍ହଣେନାପି ଗୁରୁଣା ପୂଜଯନ୍ ପ୍ରତିନନ୍ଦିତଃ ॥ ୩୫ ॥
ଅର୍ହଣେନାପି ଗୁରୁଣା ପୂଜଯନ୍ ପ୍ରତିନନ୍ଦିତଃ ॥ ୩୫ ॥
ଵରଂ ଵିଲୋକ୍ଯାଭିମତଂ ସମାଗତଂ
ନରେନ୍ଦ୍ରକନ୍ଯା ଚକମେ ରମାପତିମ୍ ।
ଭୂଯାଦଯଂ ମେ ପତିରାଶିଷୋଽନଲଃ
କରୋତୁ ସତ୍ଯା ଯଦି ମେ ଧୃତୋ ଵ୍ରତଃ ॥ ୩୬ ॥
ନରେନ୍ଦ୍ରକନ୍ଯା ଚକମେ ରମାପତିମ୍ ।
ଭୂଯାଦଯଂ ମେ ପତିରାଶିଷୋଽନଲଃ
କରୋତୁ ସତ୍ଯା ଯଦି ମେ ଧୃତୋ ଵ୍ରତଃ ॥ ୩୬ ॥
ଯତ୍ପାଦପଙ୍କଜରଜଃ ଶିରସା ବିଭର୍ତି
ଶ୍ରୀରବ୍ଜଜଃ ସଗିରିଶଃ ସହଲୋକପାଲୈଃ ।
ଲୀଲାତନୁଃ ସ୍ଵକୃତସେତୁପରୀପ୍ସଯା ଯଃ
କାଲେଽଦଧତ୍ସ ଭଗଵାନ୍ ମମ କେନ ତୁଷ୍ଯେତ୍ ॥ ୩୭ ॥
ଶ୍ରୀରବ୍ଜଜଃ ସଗିରିଶଃ ସହଲୋକପାଲୈଃ ।
ଲୀଲାତନୁଃ ସ୍ଵକୃତସେତୁପରୀପ୍ସଯା ଯଃ
କାଲେଽଦଧତ୍ସ ଭଗଵାନ୍ ମମ କେନ ତୁଷ୍ଯେତ୍ ॥ ୩୭ ॥
ଅର୍ଚିତଂ ପୁନରିତ୍ଯାହ ନାରାଯଣ ଜଗତ୍ପତେ ।
ଆତ୍ମାନନ୍ଦେନ ପୂର୍ଣସ୍ଯ କରଵାଣି କିମଲ୍ପକଃ ॥ ୩୮ ॥
ଆତ୍ମାନନ୍ଦେନ ପୂର୍ଣସ୍ଯ କରଵାଣି କିମଲ୍ପକଃ ॥ ୩୮ ॥
ଶ୍ରୀଶୁକ ଉଵାଚ
ତମାହ ଭଗଵାନ୍ ହୃଷ୍ଟଃ କୃତାସନପରିଗ୍ରହଃ ।
ମେଘଗମ୍ଭୀରଯା ଵାଚା ସସ୍ମିତଂ କୁରୁନନ୍ଦନ ॥ ୩୯ ॥
ତମାହ ଭଗଵାନ୍ ହୃଷ୍ଟଃ କୃତାସନପରିଗ୍ରହଃ ।
ମେଘଗମ୍ଭୀରଯା ଵାଚା ସସ୍ମିତଂ କୁରୁନନ୍ଦନ ॥ ୩୯ ॥
ଶ୍ରୀଭଗଵାନୁଵାଚ
ନରେନ୍ଦ୍ର ଯାଚ୍ଞା କଵିଭିର୍ଵିଗର୍ହିତା
ରାଜନ୍ଯବନ୍ଧୋର୍ନିଜଧର୍ମଵର୍ତିନଃ ।
ତଥାପି ଯାଚେ ତଵ ସୌହୃଦେଚ୍ଛଯା
କନ୍ଯାଂ ତ୍ଵଦୀଯାଂ ନ ହି ଶୁଲ୍କଦା ଵଯମ୍ ॥ ୪୦ ॥
ନରେନ୍ଦ୍ର ଯାଚ୍ଞା କଵିଭିର୍ଵିଗର୍ହିତା
ରାଜନ୍ଯବନ୍ଧୋର୍ନିଜଧର୍ମଵର୍ତିନଃ ।
ତଥାପି ଯାଚେ ତଵ ସୌହୃଦେଚ୍ଛଯା
କନ୍ଯାଂ ତ୍ଵଦୀଯାଂ ନ ହି ଶୁଲ୍କଦା ଵଯମ୍ ॥ ୪୦ ॥
ଶ୍ରୀରାଜୋଵାଚ
କୋଽନ୍ଯସ୍ତେଽଭ୍ଯଧିକୋ ନାଥ କନ୍ଯାଵର ଇହେପ୍ସିତଃ ।
ଗୁଣୈକଧାମ୍ନୋ ଯସ୍ଯାଙ୍ଗେ ଶ୍ରୀର୍ଵସତ୍ଯନପାଯିନୀ ॥ ୪୧ ॥
କୋଽନ୍ଯସ୍ତେଽଭ୍ଯଧିକୋ ନାଥ କନ୍ଯାଵର ଇହେପ୍ସିତଃ ।
ଗୁଣୈକଧାମ୍ନୋ ଯସ୍ଯାଙ୍ଗେ ଶ୍ରୀର୍ଵସତ୍ଯନପାଯିନୀ ॥ ୪୧ ॥
କିନ୍ତ୍ଵସ୍ମାଭିଃ କୃତଃ ପୂର୍ଵଂ ସମଯଃ ସାତ୍ଵତର୍ଷଭ ।
ପୁଂସାଂ ଵୀର୍ଯପରୀକ୍ଷାର୍ଥଂ କନ୍ଯାଵରପରୀପ୍ସଯା ॥ ୪୨ ॥
ପୁଂସାଂ ଵୀର୍ଯପରୀକ୍ଷାର୍ଥଂ କନ୍ଯାଵରପରୀପ୍ସଯା ॥ ୪୨ ॥
ସପ୍ତୈତେ ଗୋଵୃଷା ଵୀର ଦୁର୍ଦାନ୍ତା ଦୁରଵଗ୍ରହାଃ ।
ଏତୈର୍ଭଗ୍ନାଃ ସୁବହଵୋ ଭିନ୍ନଗାତ୍ରା ନୃପାତ୍ମଜାଃ ॥ ୪୩ ॥
ଏତୈର୍ଭଗ୍ନାଃ ସୁବହଵୋ ଭିନ୍ନଗାତ୍ରା ନୃପାତ୍ମଜାଃ ॥ ୪୩ ॥
ଯଦିମେ ନିଗୃହୀତାଃ ସ୍ଯୁସ୍ତ୍ଵଯୈଵ ଯଦୁନନ୍ଦନ ।
ଵରୋ ଭଵାନଭିମତୋ ଦୁହିତୁର୍ମେ ଶ୍ରିଯଃପତେ ॥ ୪୪ ॥
ଵରୋ ଭଵାନଭିମତୋ ଦୁହିତୁର୍ମେ ଶ୍ରିଯଃପତେ ॥ ୪୪ ॥
ଏଵଂ ସମଯମାକର୍ଣ୍ଯ ବଦ୍ଧ୍ଵା ପରିକରଂ ପ୍ରଭୁଃ ।
ଆତ୍ମାନଂ ସପ୍ତଧା କୃତ୍ଵା ନ୍ଯଗୃହ୍ଣାଲ୍ଲୀଲଯୈଵ ତାନ୍ ॥ ୪୫ ॥
ଆତ୍ମାନଂ ସପ୍ତଧା କୃତ୍ଵା ନ୍ଯଗୃହ୍ଣାଲ୍ଲୀଲଯୈଵ ତାନ୍ ॥ ୪୫ ॥
ବଦ୍ଧ୍ଵା ତାନ୍ ଦାମଭିଃ ଶୌରିର୍ଭଗ୍ନଦର୍ପାନ୍ ହତୌଜସଃ ।
ଵ୍ଯକର୍ଷଲ୍ଲୀଲଯା ବଦ୍ଧାନ୍ ବାଲୋ ଦାରୁମଯାନ୍ ଯଥା ॥ ୪୬ ॥
ଵ୍ଯକର୍ଷଲ୍ଲୀଲଯା ବଦ୍ଧାନ୍ ବାଲୋ ଦାରୁମଯାନ୍ ଯଥା ॥ ୪୬ ॥
ତତଃ ପ୍ରୀତଃ ସୁତାଂ ରାଜା ଦଦୌ କୃଷ୍ଣାଯ ଵିସ୍ମିତଃ ।
ତାଂ ପ୍ରତ୍ଯଗୃହ୍ଣାଦ୍ ଭଗଵାନ୍ ଵିଧିଵତ୍ ସଦୃଶୀଂ ପ୍ରଭୁଃ ॥ ୪୭ ॥
ତାଂ ପ୍ରତ୍ଯଗୃହ୍ଣାଦ୍ ଭଗଵାନ୍ ଵିଧିଵତ୍ ସଦୃଶୀଂ ପ୍ରଭୁଃ ॥ ୪୭ ॥
ରାଜପତ୍ନ୍ଯଶ୍ଚ ଦୁହିତୁଃ କୃଷ୍ଣଂ ଲବ୍ଧ୍ଵା ପ୍ରିଯଂ ପତିମ୍ ।
ଲେଭିରେ ପରମାନନ୍ଦଂ ଜାତଶ୍ଚ ପରମୋତ୍ସଵଃ ॥ ୪୮ ॥
ଲେଭିରେ ପରମାନନ୍ଦଂ ଜାତଶ୍ଚ ପରମୋତ୍ସଵଃ ॥ ୪୮ ॥
ଶଙ୍ଖଭେର୍ଯାନକା ନେଦୁର୍ଗୀତଵାଦ୍ଯଦ୍ଵିଜାଶିଷଃ ।
ନରା ନାର୍ଯଃ ପ୍ରମୁଦିତାଃ ସୁଵାସଃସ୍ରଗଲଙ୍କୃତାଃ ॥ ୪୯ ॥
ନରା ନାର୍ଯଃ ପ୍ରମୁଦିତାଃ ସୁଵାସଃସ୍ରଗଲଙ୍କୃତାଃ ॥ ୪୯ ॥
ଦଶଧେନୁସହସ୍ରାଣି ପାରିବର୍ହମଦାଦ୍ ଵିଭୁଃ ।
ଯୁଵତୀନାଂ ତ୍ରିସାହସ୍ରଂ ନିଷ୍କଗ୍ରୀଵସୁଵାସସମ୍ ॥ ୫୦ ॥
ଯୁଵତୀନାଂ ତ୍ରିସାହସ୍ରଂ ନିଷ୍କଗ୍ରୀଵସୁଵାସସମ୍ ॥ ୫୦ ॥
ନଵନାଗସହସ୍ରାଣି ନାଗାଚ୍ଛତଗୁଣାନ୍ ରଥାନ୍ ।
ରଥାଚ୍ଛତଗୁଣାନଶ୍ଵାନଶ୍ଵାଚ୍ଛତଗୁଣାନ୍ ନରାନ୍ ॥ ୫୧ ॥
ରଥାଚ୍ଛତଗୁଣାନଶ୍ଵାନଶ୍ଵାଚ୍ଛତଗୁଣାନ୍ ନରାନ୍ ॥ ୫୧ ॥
ଦମ୍ପତୀ ରଥମାରୋପ୍ଯ ମହତ୍ଯା ସେନଯା ଵୃତୌ ।
ସ୍ନେହପ୍ରକ୍ଲିନ୍ନହୃଦଯୋ ଯାପଯାମାସ କୋଶଲଃ ॥ ୫୨ ॥
ସ୍ନେହପ୍ରକ୍ଲିନ୍ନହୃଦଯୋ ଯାପଯାମାସ କୋଶଲଃ ॥ ୫୨ ॥
ଶ୍ରୁତ୍ଵୈତଦ୍ ରୁରୁଧୁର୍ଭୂପା ନଯନ୍ତଂ ପଥି କନ୍ଯକାମ୍ ।
ଭଗ୍ନଵୀର୍ଯାଃ ସୁଦୁର୍ମର୍ଷା ଯଦୁଭିର୍ଗୋଵୃଷୈଃ ପୁରା ॥ ୫୩ ॥
ଭଗ୍ନଵୀର୍ଯାଃ ସୁଦୁର୍ମର୍ଷା ଯଦୁଭିର୍ଗୋଵୃଷୈଃ ପୁରା ॥ ୫୩ ॥
ତାନସ୍ଯତଃ ଶରଵ୍ରାତାନ୍ ବନ୍ଧୁପ୍ରିଯକୃଦର୍ଜୁନଃ ।
ଗାଣ୍ଡୀଵୀ କାଲଯାମାସ ସିଂହଃ କ୍ଷୁଦ୍ରମୃଗାନିଵ ॥ ୫୪ ॥
ଗାଣ୍ଡୀଵୀ କାଲଯାମାସ ସିଂହଃ କ୍ଷୁଦ୍ରମୃଗାନିଵ ॥ ୫୪ ॥
ପାରିବର୍ହମୁପାଗୃହ୍ଯ ଦ୍ଵାରକାମେତ୍ଯ ସତ୍ଯଯା ।
ରେମେ ଯଦୂନାମୃଷଭୋ ଭଗଵାନ୍ ଦେଵକୀସୁତଃ ॥ ୫୫ ॥
ରେମେ ଯଦୂନାମୃଷଭୋ ଭଗଵାନ୍ ଦେଵକୀସୁତଃ ॥ ୫୫ ॥
ଶ୍ରୁତକୀର୍ତେଃ ସୁତାଂ ଭଦ୍ରାଂ ଉପଯେମେ ପିତୃଷ୍ଵସୁଃ ।
କୈକେଯୀଂ ଭ୍ରାତୃଭିର୍ଦତ୍ତାଂ କୃଷ୍ଣଃ ସନ୍ତର୍ଦନାଦିଭିଃ ॥ ୫୬ ॥
କୈକେଯୀଂ ଭ୍ରାତୃଭିର୍ଦତ୍ତାଂ କୃଷ୍ଣଃ ସନ୍ତର୍ଦନାଦିଭିଃ ॥ ୫୬ ॥
ସୁତାଂ ଚ ମଦ୍ରାଧିପତେର୍ଲକ୍ଷ୍ମଣାଂ ଲକ୍ଷଣୈର୍ଯୁତାମ୍ ।
ସ୍ଵଯଂଵରେ ଜହାରୈକଃ ସ ସୁପର୍ଣଃ ସୁଧାମିଵ ॥ ୫୭ ॥
ସ୍ଵଯଂଵରେ ଜହାରୈକଃ ସ ସୁପର୍ଣଃ ସୁଧାମିଵ ॥ ୫୭ ॥
ଅନ୍ଯାଶ୍ଚୈଵଂଵିଧା ଭାର୍ଯାଃ କୃଷ୍ଣସ୍ଯାସନ୍ ସହସ୍ରଶଃ ।
ଭୌମଂ ହତ୍ଵା ତନ୍ନିରୋଧାଦାହୃତାଶ୍ଚାରୁଦର୍ଶନାଃ ॥ ୫୮ ॥
ଭୌମଂ ହତ୍ଵା ତନ୍ନିରୋଧାଦାହୃତାଶ୍ଚାରୁଦର୍ଶନାଃ ॥ ୫୮ ॥