ஶ்ரீமத்பாகவதம் ௧௦.௫௯

ஶ்ரீராஜோவாச
யதா ஹதோ பகவதா பௌமோ யேநே ச தாஃ ஸ்த்ரியஃ ।
நிருத்தா ஏததாசக்ஷ்வ விக்ரமம் ஶார்ங்கதந்வநஃ ॥ ௧ ॥

ஶ்ரீஶுக உவாச
இந்த்ரேண ஹ்ரு'தசத்ரேண ஹ்ரு'தகுண்டலபந்துநா ।
ஹ்ரு'தாமராத்ரிஸ்தாநேந ஜ்ஞாபிதோ பௌமசேஷ்டிதம் ।
ஸபார்யோ கருடாரூடஃ ப்ராக்ஜ்யோதிஷபுரம் யயௌ ॥ ௨ ॥

கிரிதுர்கைஃ ஶஸ்த்ரதுர்கைர்ஜலாக்ந்யநிலதுர்கமம் ।
முரபாஶாயுதைர்கோரைர்த்ரு'டைஃ ஸர்வத ஆவ்ரு'தம் ॥ ௩ ॥

கதயா நிர்பிபேதாத்ரீந் ஶஸ்த்ரதுர்காணி ஸாயகைஃ ।
சக்ரேணாக்நிம் ஜலம் வாயும் முரபாஶாம்ஸ்ததாஸிநா ॥ ௪ ॥

ஶங்கநாதேந யந்த்ராணி ஹ்ரு'தயாநி மநஸ்விநாம் ।
ப்ராகாரம் கதயா குர்வ்யா நிர்பிபேத கதாதரஃ ॥ ௫ ॥

பாஞ்சஜந்யத்வநிம் ஶ்ருத்வா யுகாந்தஶநிபீஷணம் ।
முரஃ ஶயாந உத்தஸ்தௌ தைத்யஃ பஞ்சஶிரா ஜலாத் ॥ ௬ ॥

த்ரிஶூலமுத்யம்ய ஸுதுர்நிரீக்ஷணோ
யுகாந்தஸூர்யாநலரோசிருல்பணஃ ।
க்ரஸம்ஸ்த்ரிலோகீமிவ பஞ்சபிர்முகை-
ரப்யத்ரவத்தார்க்ஷ்யஸுதம் யதோரகஃ ॥ ௭ ॥

ஆவித்ய ஶூலம் தரஸா கருத்மதே
நிரஸ்ய வக்த்ரைர்வ்யநதத்ஸ பஞ்சபிஃ ।
ஸ ரோதஸீ ஸர்வதிஶோ'ம்பரம் மஹா-
நாபூரயந்நண்டகடாஹமாவ்ரு'ணோத் ॥ ௮ ॥

ததாபதத் வை த்ரிஶிகம் கருத்மதே
ஹரிஃ ஶராப்யாமபிநத்த்ரிதோஜஸா ।
முகேஷு தம் சாபி ஶரைரதாடயத்
தஸ்மை கதாம் ஸோ'பி ருஷா வ்யமுஞ்சத ॥ ௯ ॥

தாமாபதந்தீம் கதயா கதாம் ம்ரு'தே
கதாக்ரஜோ நிர்பிபிதே ஸஹஸ்ரதா ।
உத்யம்ய பாஹூநபிதாவதோ'ஜிதஃ
ஶிராம்ஸி சக்ரேண ஜஹார லீலயா ॥ ௧௦ ॥

வ்யஸுஃ பபாதாம்பஸி க்ரு'த்தஶீர்ஷோ
நிக்ரு'த்தஶ்ரு'ங்கோ'த்ரிரிவேந்த்ரதேஜஸா ।
தஸ்யாத்மஜாஃ ஸப்த பிதுர்வதாதுராஃ
ப்ரதிக்ரியாமர்ஷஜுஷஃ ஸமுத்யதாஃ ॥ ௧௧ ॥

தாம்ரோ'ந்தரிக்ஷஃ ஶ்ரவணோ விபாவஸு-
ர்வஸுர்நபஸ்வாநருணஶ்ச ஸப்தமஃ ।
பீடம் புரஸ்க்ரு'த்ய சமூபதிம் ம்ரு'தே
பௌமப்ரயுக்தா நிரகந் த்ரு'தாயுதாஃ ॥ ௧௨ ॥

ப்ராயுஞ்ஜதாஸாத்ய ஶராநஸீந் கதாஃ
ஶக்த்ய்ரு'ஷ்டிஶூலாந்யஜிதே ருஷோல்பணாஃ ।
தச்சஸ்த்ரகூடம் பகவாந் ஸ்வமார்கணை-
ரமோகவீர்யஸ்திலஶஶ்சகர்த ஹ ॥ ௧௩ ॥

தாந் பீடமுக்யாநநயத் யமக்ஷயம்
நிக்ரு'த்தஶீர்ஷோருபுஜாங்க்ரிவர்மணஃ ।
ஸ்வாநீகபாநச்யுதசக்ரஸாயகை-
ஸ்ததா நிரஸ்தாந் நரகோ தராஸுதஃ ।
நிரீக்ஷ்ய துர்மர்ஷண ஆஸ்ரவந்மதை-
ர்கஜைஃ பயோதிப்ரபவைர்நிராக்ரமாத் ॥ ௧௪ ॥

த்ரு'ஷ்ட்வா ஸபார்யம் கருடோபரி ஸ்திதம்
ஸூர்யோபரிஷ்டாத் ஸதடித் கநம் யதா ।
க்ரு'ஷ்ணம் ஸ தஸ்மை வ்யஸ்ரு'ஜச்சதக்நீம்
யோதாஶ்ச ஸர்வே யுகபச்ச விவ்யதுஃ ॥ ௧௫ ॥

தத் பௌமஸைந்யம் பகவாந் கதாக்ரஜோ
விசித்ரவாஜைர்நிஶிதைஃ ஶிலீமுகைஃ ।
நிக்ரு'த்தபாஹூருஶிரோத்ரவிக்ரஹம்
சகார தர்ஹ்யேவ ஹதாஶ்வகுஞ்ஜரம் ॥ ௧௬ ॥

யாநி யோதைஃ ப்ரயுக்தாநி ஶஸ்த்ராஸ்த்ராணி குரூத்வஹ ।
ஹரிஸ்தாந்யச்சிநத்தீக்ஷ்ணைஃ ஶரைரேகைகஶஸ்த்ரிபிஃ ॥ ௧௭ ॥

உஹ்யமாநஃ ஸுபர்ணேந பக்ஷாப்யாம் நிக்நதா கஜாந் ।
குருத்மதா ஹந்யமாநாஸ்துண்டபக்ஷநகேர்கஜாஃ ॥ ௧௮ ॥

புரமேவாவிஶந்நார்தா நரகோ யுத்யயுத்யத ॥ ௧௯ ॥

த்ரு'ஷ்ட்வா வித்ராவிதம் ஸைந்யம் கருடேநார்திதம் ஸ்வகம் ।
தம் பௌமஃ ப்ராஹரச்சக்த்யா வஜ்ரஃ ப்ரதிஹதோ யதஃ ।
நாகம்பத தயா வித்தோ மாலாஹத இவ த்விபஃ ॥ ௨௦ ॥

ஶூலம் பௌமோ'ச்யுதம் ஹந்துமாததே விததோத்யமஃ ।
தத்விஸர்காத் பூர்வமேவ நரகஸ்ய ஶிரோ ஹரிஃ ।
அபாஹரத் கஜஸ்தஸ்ய சக்ரேண க்ஷுரநேமிநா ॥ ௨௧ ॥

ஸகுண்டலம் சாருகிரீடபூஷணம்
பபௌ ப்ரு'திவ்யாம் பதிதம் ஸமுஜ்ஜ்வலம் ।
ஹா ஹேதி ஸாத்வித்ய்ரு'ஷயஃ ஸுரேஶ்வரா
மால்யைர்முகுந்தம் விகிரந்த ஈடிரே ॥ ௨௨ ॥

ததஶ்ச பூஃ க்ரு'ஷ்ணமுபேத்ய குண்டலே
ப்ரதப்தஜாம்பூநதரத்நபாஸ்வரே ।
ஸவைஜயந்த்யா வநமாலயார்பயத்
ப்ராசேதஸம் சத்ரமதோ மஹாமணிம் ॥ ௨௩ ॥

அஸ்தௌஷீதத விஶ்வேஶம் தேவீ தேவவரார்சிதம் ।
ப்ராஞ்ஜலிஃ ப்ரணதா ராஜந் பக்திப்ரவணயா தியா ॥ ௨௪ ॥

பூமிருவாச
நமஸ்தே தேவதேவேஶ ஶங்கசக்ரகதாதர ।
பக்தேச்சோபாத்தரூபாய பரமாத்மந் நமோ'ஸ்து தே ॥ ௨௫ ॥

நமஃ பங்கஜநாபாய நமஃ பங்கஜமாலிநே ।
நமஃ பங்கஜநேத்ராய நமஸ்தே பங்கஜாங்க்ரயே ॥ ௨௬ ॥

நமோ பகவதே துப்யம் வாஸுதேவாய விஷ்ணவே ।
புருஷாயாதிபீஜாய பூர்ணபோதாய தே நமஃ ॥ ௨௭ ॥

அஜாய ஜநயித்ரே'ஸ்ய ப்ரஹ்மணே'நந்தஶக்தயே ।
பராவராத்மந் பூதாத்மந் பரமாத்மந் நமோ'ஸ்து தே ॥ ௨௮ ॥

த்வம் வை ஸிஸ்ரு'க்ஷுரஜ உத்கடம் ப்ரபோ
தமோ நிரோதாய பிபர்ஷ்யஸம்வ்ரு'தஃ ।
ஸ்தாநாய ஸத்த்வம் ஜகதோ ஜகத்பதே
காலஃ ப்ரதாநம் புருஷோ பவாந் பரஃ ॥ ௨௯ ॥

அஹம் பயோ ஜ்யோதிரதாநிலோ நபோ
மாத்ராணி தேவா மந இந்த்ரியாணி ।
கர்தா மஹாநித்யகிலம் சராசரம்
த்வய்யத்விதீயே பகவந்நயம் ப்ரமஃ ॥ ௩௦ ॥

தஸ்யாத்மஜோ'யம் தவ பாதபங்கஜம்
பீதஃ ப்ரபந்நார்திஹரோபஸாதிதஃ ।
தத் பாலயைநம் குரு ஹஸ்தபங்கஜம்
ஶிரஸ்யமுஷ்யாகிலகல்மஷாபஹம் ॥ ௩௧ ॥

ஶ்ரீஶுக உவாச
இதி பூம்யர்திதோ வாக்பிர்பகவாந் பக்திநம்ரயா ।
தத்த்வாபயம் பௌமக்ரு'ஹம் ப்ராவிஶத் ஸகலர்த்திமத் ॥ ௩௨ ॥

தத்ர ராஜந்யகந்யாநாம் ஷட்ஸஹஸ்ராதிகாயுதம் ।
பௌமாஹ்ரு'தாநாம் விக்ரம்ய ராஜப்யோ தத்ரு'ஶே ஹரிஃ ॥ ௩௩ ॥

தம் ப்ரவிஷ்டம் ஸ்த்ரியோ வீக்ஷ்ய நரவர்யம் விமோஹிதாஃ ।
மநஸா வவ்ரிரே'பீஷ்டம் பதிம் தைவோபஸாதிதம் ॥ ௩௪ ॥

பூயாத் பதிரயம் மஹ்யம் தாதா ததநுமோததாம் ।
இதி ஸர்வாஃ ப்ரு'தக் க்ரு'ஷ்ணே பாவேந ஹ்ரு'தயம் ததுஃ ॥ ௩௫ ॥

தாஃ ப்ராஹிணோத்த்வாரவதீம் ஸும்ரு'ஷ்டவிரஜோ'ம்பராஃ ।
நரயாநைர்மஹாகோஶாந் ரதாஶ்வாந் த்ரவிணம் மஹத் ॥ ௩௬ ॥

ஐராவதகுலேபாம்ஶ்ச சதுர்தந்தாம்ஸ்தரஸ்விநஃ ।
பாண்டுராம்ஶ்ச சதுஃஷஷ்டிம் ப்ரேரயாமாஸ கேஶவஃ ॥ ௩௭ ॥

கத்வா ஸுரேந்த்ரபவநம் தத்த்வாதித்யை ச குண்டலே ।
பூஜிதஸ்த்ரிதஶேந்த்ரேண மஹேந்த்ரயாண்யா ச ஸப்ரியஃ ॥ ௩௮ ॥

சோதிதோ பார்யயோத்பாட்ய பாரிஜாதம் கருத்மதி ।
ஆரோப்ய ஸேந்த்ராந் விபுதாந் நிர்ஜித்யோபாநயத்புரம் ॥ ௩௯ ॥

ஸ்தாபிதஃ ஸத்யபாமாயா க்ரு'ஹோத்யாநோபஶோபநஃ ।
அந்வகுர்ப்ரமராஃ ஸ்வர்காத் தத்கந்தாஸவலம்படாஃ ॥ ௪௦ ॥

யயாச ஆநம்ய கிரீடகோடிபிஃ
பாதௌ ஸ்ப்ரு'ஶந்நச்யுதமர்தஸாதநம் ।
ஸித்தார்த ஏதேந விக்ரு'ஹ்யதே மஹா-
நஹோ ஸுராணாம் ச தமோ திகாட்யதாம் ॥ ௪௧ ॥

அதோ முஹூர்த ஏகஸ்மிந் நாநாகாரேஷு தாஃ ஸ்த்ரியஃ ।
யதோபயேமே பகவாந் தாவத் ரூபதரோ'வ்யயஃ ॥ ௪௨ ॥

க்ரு'ஹேஷு தாஸாமநபாய்யதர்கக்ரு'-
ந்நிரஸ்தஸாம்யாதிஶயேஷ்வவஸ்திதஃ ।
ரேமே ரமாபிர்நிஜகாமஸம்ப்லுதோ
யதேதரோ கார்ஹகமேதிகாம்ஶ்சரந் ॥ ௪௩ ॥

இத்தம் ரமாபதிமவாப்ய பதிம் ஸ்த்ரியஸ்தா
ப்ரஹ்மாதயோ'பி ந விதுஃ பதவீம் யதீயாம் ।
பேஜுர்முதாவிரதமேதிதயாநுராக-
ஹாஸாவலோகநவஸங்கமஜல்பலஜ்ஜாஃ ॥ ௪௪ ॥

ப்ரத்யுத்கமாஸநவரார்ஹணபாதஶௌச-
தாம்பூலவிஶ்ரமணவீஜநகந்தமால்யைஃ ।
கேஶப்ரஸாரஶயநஸ்நபநோபஹார்யை-
ர்தாஸீஶதா அபி விபோர்விததுஃ ஸ்ம தாஸ்யம் ॥ ௪௫ ॥