শ্রীশুক উবাচ
একৈকশস্তাঃ কৃষ্ণস্য পুত্রান্ দশ দশাবলাঃ ।
অজীজনন্ননবমান্পিতুঃ সর্বাত্মসম্পদা ॥ ১ ॥
একৈকশস্তাঃ কৃষ্ণস্য পুত্রান্ দশ দশাবলাঃ ।
অজীজনন্ননবমান্পিতুঃ সর্বাত্মসম্পদা ॥ ১ ॥
গৃহাদনপগং বীক্ষ্য রাজপুত্র্যোঽচ্যুতং স্থিতম্ ।
প্রেষ্ঠং ন্যমংসত স্বং স্বং ন তত্তত্ত্ববিদঃ স্ত্রিযঃ ॥ ২ ॥
প্রেষ্ঠং ন্যমংসত স্বং স্বং ন তত্তত্ত্ববিদঃ স্ত্রিযঃ ॥ ২ ॥
চার্বব্জকোশবদনাযতবাহুনেত্র-
সপ্রেমহাসরসবীক্ষিতবল্গুজল্পৈঃ ।
সম্মোহিতা ভগবতো ন মনো বিজেতুং
স্বৈর্বিভ্রমৈঃ সমশকন্ বনিতা বিভূম্নঃ ॥ ৩ ॥
সপ্রেমহাসরসবীক্ষিতবল্গুজল্পৈঃ ।
সম্মোহিতা ভগবতো ন মনো বিজেতুং
স্বৈর্বিভ্রমৈঃ সমশকন্ বনিতা বিভূম্নঃ ॥ ৩ ॥
স্মাযাবলোকলবদর্শিতভাবহারি-
ভ্রূমণ্ডলপ্রহিতসৌরতমন্ত্রশৌণ্ডৈঃ ।
পত্ন্যস্তু ষোডশসহস্রমনঙ্গবাণৈ-
র্যস্যেন্দ্রিযং বিমথিতুং করণৈর্ন শেকুঃ ॥ ৪ ॥
ভ্রূমণ্ডলপ্রহিতসৌরতমন্ত্রশৌণ্ডৈঃ ।
পত্ন্যস্তু ষোডশসহস্রমনঙ্গবাণৈ-
র্যস্যেন্দ্রিযং বিমথিতুং করণৈর্ন শেকুঃ ॥ ৪ ॥
ইত্থং রমাপতিমবাপ্য পতিং স্ত্রিযস্তা
ব্রহ্মাদযোঽপি ন বিদুঃ পদবীং যদীযাম্ ।
ভেজুর্মুদাবিরতমেধিতযানুরাগ-
হাসাবলোকনবসঙ্গমলালসাদ্যম্ ॥ ৫ ॥
ব্রহ্মাদযোঽপি ন বিদুঃ পদবীং যদীযাম্ ।
ভেজুর্মুদাবিরতমেধিতযানুরাগ-
হাসাবলোকনবসঙ্গমলালসাদ্যম্ ॥ ৫ ॥
প্রত্যুদ্গমাসনবরার্হণপাদশৌচ-
তাম্বূলবিশ্রমণবীজনগন্ধমাল্যৈঃ ।
কেশপ্রসারশযনস্নপনোপহার্যৈ-
র্দাসীশতা অপি বিভোর্বিদধুঃ স্ম দাস্যম্ ॥ ৬ ॥
তাম্বূলবিশ্রমণবীজনগন্ধমাল্যৈঃ ।
কেশপ্রসারশযনস্নপনোপহার্যৈ-
র্দাসীশতা অপি বিভোর্বিদধুঃ স্ম দাস্যম্ ॥ ৬ ॥
তাসাং যা দশপুত্রাণাং কৃষ্ণস্ত্রীণাং পুরোদিতাঃ ।
অষ্টৌ মহিষ্যস্তত্পুত্রান্ প্রদ্যুম্নাদীন্ গৃণামি তে ॥ ৭ ॥
অষ্টৌ মহিষ্যস্তত্পুত্রান্ প্রদ্যুম্নাদীন্ গৃণামি তে ॥ ৭ ॥
চারুদেষ্ণঃ সুদেষ্ণশ্চ চারুদেহশ্চ বীর্যবান্ ।
সুচারুশ্চারুগুপ্তশ্চ ভদ্রচারুস্তথাপরঃ ॥ ৮ ॥
সুচারুশ্চারুগুপ্তশ্চ ভদ্রচারুস্তথাপরঃ ॥ ৮ ॥
চারুচন্দ্রো বিচারুশ্চ চারুশ্চ দশমো হরেঃ ।
প্রদ্যুম্নপ্রমুখা জাতা রুক্মিণ্যাং নাবমাঃ পিতুঃ ॥ ৯ ॥
প্রদ্যুম্নপ্রমুখা জাতা রুক্মিণ্যাং নাবমাঃ পিতুঃ ॥ ৯ ॥
ভানুঃ সুভানুঃ স্বর্ভানুঃ প্রভানুর্ভানুমাংস্তথা ।
চন্দ্রভানুর্বৃহদ্ভানুরতিভানুস্তথাষ্টমঃ ॥ ১০ ॥
চন্দ্রভানুর্বৃহদ্ভানুরতিভানুস্তথাষ্টমঃ ॥ ১০ ॥
শ্রীভানুঃ প্রতিভানুশ্চ সত্যভামাত্মজা দশ ।
সাম্বঃ সুমিত্রঃ পুরুজিচ্ছতজিচ্চ সহস্রজিত্ ॥ ১১ ॥
সাম্বঃ সুমিত্রঃ পুরুজিচ্ছতজিচ্চ সহস্রজিত্ ॥ ১১ ॥
বিজযশ্চিত্রকেতুশ্চ বসুমান্ দ্রবিডঃ ক্রতুঃ ।
জাম্ববত্যাঃ সুতা হ্যেতে সাম্বাদ্যাঃ পিতৃসম্মতাঃ ॥ ১২ ॥
জাম্ববত্যাঃ সুতা হ্যেতে সাম্বাদ্যাঃ পিতৃসম্মতাঃ ॥ ১২ ॥
বীরশ্চন্দ্রোঽশ্বসেনশ্চ চিত্রগুর্বেগবান্ বৃষঃ ।
আমঃ শঙ্কুর্বসুঃ শ্রীমান্ কুন্তির্নাগ্নজিতেঃ সুতাঃ ॥ ১৩ ॥
আমঃ শঙ্কুর্বসুঃ শ্রীমান্ কুন্তির্নাগ্নজিতেঃ সুতাঃ ॥ ১৩ ॥
শ্রুতঃ কবির্বৃষো বীরঃ সুবাহুর্ভদ্র একলঃ ।
শান্তির্দর্শঃ পূর্ণমাসঃ কালিন্দ্যাঃ সোমকোঽবরঃ ॥ ১৪ ॥
শান্তির্দর্শঃ পূর্ণমাসঃ কালিন্দ্যাঃ সোমকোঽবরঃ ॥ ১৪ ॥
প্রঘোষো গাত্রবান্সিংহো বলঃ প্রবল ঊর্ধগঃ ।
মাদ্রযাঃ পুত্রা মহাশক্তিঃ সহ ওজোঽপরাজিতঃ ॥ ১৫ ॥
মাদ্রযাঃ পুত্রা মহাশক্তিঃ সহ ওজোঽপরাজিতঃ ॥ ১৫ ॥
বৃকো হর্ষোঽনিলো গৃধ্রো বর্ধনোন্নাদ এব চ ।
মহাংসঃ পাবনো বহ্নির্মিত্রবিন্দাত্মজাঃ ক্ষুধিঃ ॥ ১৬ ॥
মহাংসঃ পাবনো বহ্নির্মিত্রবিন্দাত্মজাঃ ক্ষুধিঃ ॥ ১৬ ॥
সঙ্গ্রামজিদ্ বৃহত্সেনঃ শূরঃ প্রহরণোঽরিজিত্ ।
জযঃ সুভদ্রো ভদ্রাযা বাম আযুশ্চ সত্যকঃ ॥ ১৭ ॥
জযঃ সুভদ্রো ভদ্রাযা বাম আযুশ্চ সত্যকঃ ॥ ১৭ ॥
দীপ্তিমাংস্তাম্রতপ্তাদ্যা রোহিণ্যাস্তনযা হরেঃ ।
প্রদ্যম্নাচ্চানিরুদ্ধোঽভূদ্রুক্মবত্যাং মহাবলঃ ।
পুত্র্যাং তু রুক্মিণো রাজন্ নাম্না ভোজকটে পুরে ॥ ১৮ ॥
প্রদ্যম্নাচ্চানিরুদ্ধোঽভূদ্রুক্মবত্যাং মহাবলঃ ।
পুত্র্যাং তু রুক্মিণো রাজন্ নাম্না ভোজকটে পুরে ॥ ১৮ ॥
এতেষাং পুত্রপৌত্রাশ্চ বভূবুঃ কোটিশো নৃপ ।
মাতরঃ কৃষ্ণজাতীনাং সহস্রাণি চ ষোডশ ॥ ১৯ ॥
মাতরঃ কৃষ্ণজাতীনাং সহস্রাণি চ ষোডশ ॥ ১৯ ॥
শ্রীরাজোবাচ
কথং রুক্ম্যরীপুত্রায প্রাদাদ্ দুহিতরং যুধি ।
কৃষ্ণেন পরিভূতস্তং হন্তুং রন্ধ্রং প্রতীক্ষতে ।
এতদাখ্যাহি মে বিদ্বন্ দ্বিষোর্বৈবাহিকং মিথঃ ॥ ২০ ॥
কথং রুক্ম্যরীপুত্রায প্রাদাদ্ দুহিতরং যুধি ।
কৃষ্ণেন পরিভূতস্তং হন্তুং রন্ধ্রং প্রতীক্ষতে ।
এতদাখ্যাহি মে বিদ্বন্ দ্বিষোর্বৈবাহিকং মিথঃ ॥ ২০ ॥
অনাগতমতীতং চ বর্তমানমতীন্দ্রিযম্ ।
বিপ্রকৃষ্টং ব্যবহিতং সম্যক্ পশ্যন্তি যোগিনঃ ॥ ২১ ॥
বিপ্রকৃষ্টং ব্যবহিতং সম্যক্ পশ্যন্তি যোগিনঃ ॥ ২১ ॥
শ্রীশুক উবাচ
বৃতঃ স্বযংবরে সাক্ষাদনঙ্গোঽঙ্গযুতস্তযা ।
রাজ্ঞঃ সমেতান্ নির্জিত্য জহারৈকরথো যুধি ॥ ২২ ॥
বৃতঃ স্বযংবরে সাক্ষাদনঙ্গোঽঙ্গযুতস্তযা ।
রাজ্ঞঃ সমেতান্ নির্জিত্য জহারৈকরথো যুধি ॥ ২২ ॥
যদ্যপ্যনুস্মরন্ বৈরং রুক্মী কৃষ্ণাবমানিতঃ ।
ব্যতরদ্ ভাগিনেযায সুতাং কুর্বন্ স্বসুঃ প্রিযম্ ॥ ২৩ ॥
ব্যতরদ্ ভাগিনেযায সুতাং কুর্বন্ স্বসুঃ প্রিযম্ ॥ ২৩ ॥
রুক্মিণ্যাস্তনযাং রাজন্ কৃতবর্মসুতো বলী ।
উপযেমে বিশালাক্ষীং কন্যাং চারুমতীং কিল ॥ ২৪ ॥
উপযেমে বিশালাক্ষীং কন্যাং চারুমতীং কিল ॥ ২৪ ॥
দৌহিত্রাযানিরুদ্ধায পৌত্রীং রুক্ম্যাদদাদ্ধরেঃ ।
রোচনাং বদ্ধবৈরোঽপি স্বসুঃ প্রিযচিকীর্ষযা ।
জানন্নধর্মং তদ্ যৌনং স্নেহপাশানুবন্ধনঃ ॥ ২৫ ॥
রোচনাং বদ্ধবৈরোঽপি স্বসুঃ প্রিযচিকীর্ষযা ।
জানন্নধর্মং তদ্ যৌনং স্নেহপাশানুবন্ধনঃ ॥ ২৫ ॥
তস্মিন্নভ্যুদযে রাজন্ রুক্মিণী রামকেশবৌ ।
পুরং ভোজকটং জগ্মুঃ সাম্বপ্রদ্যুম্নকাদযঃ ॥ ২৬ ॥
পুরং ভোজকটং জগ্মুঃ সাম্বপ্রদ্যুম্নকাদযঃ ॥ ২৬ ॥
তস্মিন্ নিবৃত্ত উদ্বাহে কালিঙ্গপ্রমুখা নৃপাঃ ।
দৃপ্তাস্তে রুক্মিণং প্রোচুর্বলমক্ষৈর্বিনির্জয ॥ ২৭ ॥
দৃপ্তাস্তে রুক্মিণং প্রোচুর্বলমক্ষৈর্বিনির্জয ॥ ২৭ ॥
অনক্ষজ্ঞো হ্যযং রাজন্নপি তদ্ব্যসনং মহত্ ।
ইত্যুক্তো বলমাহূয তেনাক্ষৈর্রুক্ম্যদীব্যত ॥ ২৮ ॥
ইত্যুক্তো বলমাহূয তেনাক্ষৈর্রুক্ম্যদীব্যত ॥ ২৮ ॥
শতং সহস্রমযুতং রামস্তত্রাদদে পণম্ ।
তং তু রুক্ম্যজযত্তত্র কালিঙ্গঃ প্রাহসদ্ বলম্ ।
দন্তান্ সন্দর্শযন্নুচ্চৈর্নামৃষ্যত্তদ্ধলাযুধঃ ॥ ২৯ ॥
তং তু রুক্ম্যজযত্তত্র কালিঙ্গঃ প্রাহসদ্ বলম্ ।
দন্তান্ সন্দর্শযন্নুচ্চৈর্নামৃষ্যত্তদ্ধলাযুধঃ ॥ ২৯ ॥
ততো লক্ষং রুক্ম্যগৃহ্ণাদ্গ্লহং তত্রাজযদ্ বলঃ ।
জিতবানহমিত্যাহ রুক্মী কৈতবমাশ্রিতঃ ॥ ৩০ ॥
জিতবানহমিত্যাহ রুক্মী কৈতবমাশ্রিতঃ ॥ ৩০ ॥
মন্যুনা ক্ষুভিতঃ শ্রীমান্ সমুদ্র ইব পর্বণি ।
জাত্যারুণাক্ষোঽতিরুষা ন্যর্বুদং গ্লহমাদদে ॥ ৩১ ॥
জাত্যারুণাক্ষোঽতিরুষা ন্যর্বুদং গ্লহমাদদে ॥ ৩১ ॥
তং চাপি জিতবান্ রামো ধর্মেণ ছলমাশ্রিতঃ ।
রুক্মী জিতং মযাত্রেমে বদন্তু প্রাশ্নিকা ইতি ॥ ৩২ ॥
রুক্মী জিতং মযাত্রেমে বদন্তু প্রাশ্নিকা ইতি ॥ ৩২ ॥
তদাব্রবীন্নভোবাণী বলেনৈব জিতো গ্লহঃ ।
ধর্মতো বচনেনৈব রুক্মী বদতি বৈ মৃষা ॥ ৩৩ ॥
ধর্মতো বচনেনৈব রুক্মী বদতি বৈ মৃষা ॥ ৩৩ ॥
তামনাদৃত্য বৈদর্ভো দুষ্টরাজন্যচোদিতঃ ।
সঙ্কর্ষণং পরিহসন্ বভাষে কালচোদিতঃ ॥ ৩৪ ॥
সঙ্কর্ষণং পরিহসন্ বভাষে কালচোদিতঃ ॥ ৩৪ ॥
নৈবাক্ষকোবিদা যূযং গোপালা বনগোচরাঃ ।
অক্ষৈর্দীব্যন্তি রাজানো বাণৈশ্চ ন ভবাদৃশাঃ ॥ ৩৫ ॥
অক্ষৈর্দীব্যন্তি রাজানো বাণৈশ্চ ন ভবাদৃশাঃ ॥ ৩৫ ॥
রুক্মিণৈবমধিক্ষিপ্তো রাজভিশ্চোপহাসিতঃ ।
ক্রুদ্ধঃ পরিঘমুদ্যম্য জঘ্নে তং নৃম্ণসংসদি ॥ ৩৬ ॥
ক্রুদ্ধঃ পরিঘমুদ্যম্য জঘ্নে তং নৃম্ণসংসদি ॥ ৩৬ ॥
কলিঙ্গরাজং তরসা গৃহীত্বা দশমে পদে ।
দন্তানপাতযত্ ক্রুদ্ধো যোঽহসদ্ বিবৃতৈর্দ্বিজৈঃ ॥ ৩৭ ॥
দন্তানপাতযত্ ক্রুদ্ধো যোঽহসদ্ বিবৃতৈর্দ্বিজৈঃ ॥ ৩৭ ॥
অন্যে নির্ভিন্নবাহূরুশিরসো রুধিরোক্ষিতাঃ ।
রাজানো দুদ্রবর্ভীতা বলেন পরিঘার্দিতাঃ ॥ ৩৮ ॥
রাজানো দুদ্রবর্ভীতা বলেন পরিঘার্দিতাঃ ॥ ৩৮ ॥
নিহতে রুক্মিণি শ্যালে নাব্রবীত্ সাধ্বসাধু বা ।
রক্মিণীবলযো রাজন্ স্নেহভঙ্গভযাদ্ধরিঃ ॥ ৩৯ ॥
রক্মিণীবলযো রাজন্ স্নেহভঙ্গভযাদ্ধরিঃ ॥ ৩৯ ॥
ততোঽনিরুদ্ধং সহ সূর্যযা বরং
রথং সমারোপ্য যযুঃ কুশস্থলীম্ ।
রামাদযো ভোজকটাদ্ দশার্হাঃ
সিদ্ধাখিলার্থা মধুসূদনাশ্রযাঃ ॥ ৪০ ॥
রথং সমারোপ্য যযুঃ কুশস্থলীম্ ।
রামাদযো ভোজকটাদ্ দশার্হাঃ
সিদ্ধাখিলার্থা মধুসূদনাশ্রযাঃ ॥ ৪০ ॥