শ্ৰীমদ্ভাগৱতম্ ১০.৬২

শ্ৰীৰাজোৱাচ
বাণস্য তনযামূষামুপযেমে যদূত্তমঃ ।
তত্ৰ যুদ্ধমভূদ্ ঘোৰং হৰিশঙ্কৰযোৰ্মহত্ ।
এতত্ সৰ্ৱং মহাযোগিন্ সমাখ্যাতুং ত্ৱমৰ্হসি ॥ ১ ॥

শ্ৰীশুক উৱাচ
বাণঃ পুত্ৰশতজ্যেষ্ঠো বলেৰাসীন্মহাত্মনঃ ।
যেন ৱামনৰূপায হৰযেঽদাযি মেদিনী ॥
তস্যৌৰসঃ সুতো বাণঃ শিৱভক্তিৰতঃ সদা ।
মান্যো ৱদান্যো ধীমাংশ্চ সত্যসন্ধো দৃঢৱ্ৰতঃ ।
শোণিতাখ্যে পুৰে ৰম্যে স ৰাজ্যমকৰোত্ পুৰা ॥
তস্য শম্ভোঃ প্ৰাসাদেন কিঙ্কৰা ইৱ তেঽমৰাঃ ।
সহস্ৰবাহুৰ্ৱাদ্যেন তাণ্ডৱেঽতোষযন্মৃডম্ ॥ ২ ॥

ভগৱান্ সৰ্ৱভূতেশঃ শৰণ্যো ভক্তৱত্সলঃ ।
ৱৰেণ ছন্দযামাস স তং ৱৱ্ৰে পুৰাধিপম্ ॥ ৩ ॥

স একদাহ গিৰিশং পাৰ্শ্ৱস্থং ৱীৰ্যদুৰ্মদঃ ।
কিৰীটেনাৰ্কৱৰ্ণেন সংস্পৃশংস্তত্পদাম্বুজম্ ॥ ৪ ॥

নমস্যে ত্ৱাং মহাদেৱ লোকানাং গুৰুমীশ্ৱৰম্ ।
পুংসামপূৰ্ণকামানাং কামপূৰামৰাঙ্ঘ্ৰিপম্ ॥ ৫ ॥

দোঃসহস্ৰং ত্ৱযা দত্তং পৰং ভাৰায মেঽভৱত্ ।
ত্ৰিলোক্যাং প্ৰতিযোদ্ধাৰং ন লভে ত্ৱদৃতে সমম্ ॥ ৬ ॥

কণ্ডূত্যা নিভৃতৈৰ্দোৰ্ভিৰ্যুযুত্সুৰ্দিগ্গজানহম্ ।
আদ্যাযাং চূৰ্ণযন্নদ্ৰীন্ ভীতাস্তেঽপি প্ৰদুদ্ৰুৱুঃ ॥ ৭ ॥

তচ্ছ্ৰুত্ৱা ভগৱান্ ক্ৰুদ্ধঃ কেতুস্তে ভজ্যতে যদা ।
ত্ৱদ্দৰ্পঘ্নং ভৱেন্মূঢ সংযুগং মত্সমেন তে ॥ ৮ ॥

ইত্যুক্তঃ কুমতিৰ্হৃষ্টঃ স্ৱগৃহং প্ৰাৱিশন্নৃপ ।
প্ৰতীক্ষন্ গিৰিশাদেশং স্ৱৱীৰ্যনশনং কুধীঃ ॥ ৯ ॥

তস্যোষা নাম দুহিতা স্ৱপ্নে প্ৰাদ্যুম্নিনা ৰতিম্ ।
কন্যালভত কান্তেন প্ৰাগদৃষ্টশ্ৰুতেন সা ॥ ১০ ॥

সা তত্ৰ তমপশ্যন্তী ক্ৱাসি কান্তেতি ৱাদিনী ।
সখীনাং মধ্য উত্তস্থৌ ৱিহ্ৱলা ৱ্ৰীডিতা ভৃশম্ ॥ ১১ ॥

বাণস্য মন্ত্ৰী কুম্ভাণ্ডশ্চিত্ৰলেখা চ তত্সুতা ।
সখ্যপৃচ্ছত্ সখীমূষাং কৌতূহলসমন্ৱিতা ॥ ১২ ॥

কং ত্ৱং মৃগযসে সুভ্ৰু কীদৃশস্তে মনোৰথঃ ।
হস্তগ্ৰাহং ন তেঽদ্যাপি ৰাজপুত্ৰ্যুপলক্ষযে ॥ ১৩ ॥

দৃষ্টঃ কশ্চিন্নৰঃ স্ৱপ্নে শ্যামঃ কমললোচনঃ ।
পীতৱাসা বৃহদ্বাহুৰ্যোষিতাং হৃদযংগমঃ ॥ ১৪ ॥

তমহং মৃগযে কান্তং পাযযিত্ৱাধৰং মধু ।
ক্ৱাপি যাতঃ স্পৃহযতীং ক্ষিপ্ত্ৱা মাং ৱৃজিনাৰ্ণৱে ॥ ১৫ ॥

চিত্ৰলেখোৱাচ
ৱ্যসনং তেঽপকৰ্ষামি ত্ৰিলোক্যাং যদি ভাৱ্যতে ।
তমানেষ্যে নৰং যস্তে মনোহৰ্তা তমাদিশ ॥ ১৬ ॥

ইত্যুক্ত্ৱা দেৱগন্ধৰ্ৱসিদ্ধচাৰণপন্নগান্ ।
দৈত্যৱিদ্যাধৰান্ যক্ষান্ মনুজাংশ্চ যথালিখত্ ॥ ১৭ ॥

মনুজেষু চ সা ৱৃষ্ণীন্ শূৰমানকদুন্দুভিম্ ।
ৱ্যলিখদ্ ৰামকৃষ্ণৌ চ প্ৰদ্যুম্নং ৱীক্ষ্য লজ্জিতা ॥ ১৮ ॥

অনিৰুদ্ধং ৱিলিখিতং ৱীক্ষ্যোষাৱাঙ্মুখী হ্ৰিযা ।
সোঽসাৱসাৱিতি প্ৰাহ স্মযমানা মহীপতে ॥ ১৯ ॥

চিত্ৰলেখা তমাজ্ঞায পৌত্ৰং কৃষ্ণস্য যোগিনী ।
যযৌ ৱিহাযসা ৰাজন্ দ্ৱাৰকাং কৃষ্ণপালিতাম্ ॥ ২০ ॥

তত্ৰ সুপ্তং সুপৰ্যঙ্কে প্ৰাদ্যুম্নিং যোগমাস্থিতা ।
গৃহীত্ৱা শোণিতপুৰং সখ্যৈ প্ৰিযমদৰ্শযত্ ॥ ২১ ॥

সা চ তং সুন্দৰৱৰং ৱিলোক্য মুদিতাননা ।
দুষ্প্ৰেক্ষ্যে স্ৱগৃহে পুম্ভী ৰেমে প্ৰাদ্যুম্নিনা সমম্ ॥ ২২ ॥

পৰাৰ্ধ্যৱাসঃস্ৰগ্গন্ধধূপদীপাসনাদিভিঃ ।
পানভোজনভক্ষ্যৈশ্চ ৱাক্যৈঃ শুশ্ৰূষণাৰ্চিতঃ ॥ ২৩ ॥

গূঢঃ কন্যাপুৰে শশ্ৱত্প্ৰৱৃদ্ধস্নেহযা তযা ।
নাহৰ্গণান্ স বুবুধে ঊষযাপহৃতেন্দ্ৰিযঃ ॥ ২৪ ॥

তাং তথা যদুৱীৰেণ ভুজ্যমানাং হতৱ্ৰতাম্ ।
হেতুভিৰ্লক্ষযাং চক্ৰুৰাপৃঈতাং দুৰৱচ্ছদৈঃ ॥ ২৫ ॥

ভটা আৱেদযাং চক্ৰূ ৰাজংস্তে দুহিতুৰ্ৱযম্ ।
ৱিচেষ্টিতং লক্ষযাম কন্যাযাঃ কুলদূষণম্ ॥ ২৬ ॥

অনপাযিভিৰস্মাভিৰ্গুপ্তাযাশ্চ গৃহে প্ৰভো ।
কন্যাযা দূষণং পুম্ভিৰ্দুষ্প্ৰেক্ষ্যাযা ন ৱিদ্মহে ॥ ২৭ ॥

ততঃ প্ৰৱ্যথিতো বাণো দুহিতুঃ শ্ৰুতদূষণঃ ।
ত্ৱৰিতঃ কন্যকাগাৰং প্ৰাপ্তোঽদ্ৰাক্ষীদ্ যদূদ্ৱহম্ ॥ ২৮ ॥

কামাত্মজং তং ভুৱনৈকসুন্দৰং
শ্যামং পিশঙ্গাম্বৰমম্বুজেক্ষণম্ ।
বৃহদ্ভুজং কুণ্ডলকুন্তলত্ৱিষা
স্মিতাৱলোকেন চ মণ্ডিতাননম্ ॥ ২৯ ॥

দীৱ্যন্তমক্ষৈঃ প্ৰিযযাভিনৃম্ণযা
তদঙ্গসঙ্গস্তনকুঙ্কুমস্ৰজম্ ।
বাহ্ৱোৰ্দধানং মধুমল্লিকাশ্ৰিতাং
তস্যাগ্ৰ আসীনমৱেক্ষ্য ৱিস্মিতঃ ॥ ৩০ ॥

স তং প্ৰৱিষ্টং ৱৃতমাততাযিভি-
ৰ্ভটৈৰনীকৈৰৱলোক্য মাধৱঃ ।
উদ্যম্য মৌৰ্ৱং পৰিঘং ৱ্যৱস্থিতো
যথান্তকো দণ্ডধৰো জিঘাংসযা ॥ ৩১ ॥

জিঘৃক্ষযা তান্ পৰিতঃ প্ৰসৰ্পতঃ
শুনো যথা শূকৰযূথপোঽহনত্ ।
তে হন্যমানা ভৱনাদ্ ৱিনিৰ্গতা
নিৰ্ভিন্নমূৰ্ধোৰুভুজাঃ প্ৰদুদ্ৰুৱুঃ ॥ ৩২ ॥

তং নাগপাশৈৰ্বলিনন্দনো বলী
ঘ্নন্তং স্ৱসৈন্যং কুপিতো ববন্ধ হ ।
ঊষা ভৃশং শোকৱিষাদৱিহ্ৱলা
বদ্ধং নিশম্যাশ্ৰুকলাক্ষ্যৰৌত্সীত্ ॥ ৩৩ ॥

জিঘৃক্ষযা তান্ পৰিতঃ প্ৰসৰ্পতঃ
শুনো যথা সূকৰযূথপোহঽনত্ ।
তে হন্যমানা ভৱনাদ্ৱিনিৰ্গতা
নিৰ্ভিন্নমূৰ্ধোৰুভুজাঃ প্ৰদুদ্ৰুৱুঃ