শ্রীশুক উবাচ
অপশ্যতাং চানিরুদ্ধং তদ্বন্ধূনাং চ ভারত ।
চত্বারো বার্ষিকা মাসা ব্যতীযুরনুশোচতাম্ ॥ ১ ॥
অপশ্যতাং চানিরুদ্ধং তদ্বন্ধূনাং চ ভারত ।
চত্বারো বার্ষিকা মাসা ব্যতীযুরনুশোচতাম্ ॥ ১ ॥
নারদাত্তদুপাকর্ণ্য বার্তাং বদ্ধস্য কর্ম চ ।
প্রযযুঃ শোণিতপুরং বৃষ্ণযঃ কৃষ্ণদৈবতাঃ ॥ ২ ॥
প্রযযুঃ শোণিতপুরং বৃষ্ণযঃ কৃষ্ণদৈবতাঃ ॥ ২ ॥
প্রদ্যুম্নো যুযুধানশ্চ গদঃ সাম্বোঽথ সারণঃ । নন্দোপনন্দভদ্রাদ্যা রামকৃষ্ণানুবর্তিনঃ ॥ ৩ ॥
অক্ষৌহিণীভির্দ্বাদশভিঃ সমেতাঃ সর্বতোদিশম্ । রুরুধুর্বাণনগরং সমন্তাত্ সাত্বতর্ষভাঃ ॥ ৪ ॥
ভজ্যমানপুরোদ্যানপ্রাকারাট্টালগোপুরম্ ।
প্রেক্ষমাণো রুষাবিষ্টস্তুল্যসৈন্যোঽভিনির্যযৌ ॥ ৫ ॥
প্রেক্ষমাণো রুষাবিষ্টস্তুল্যসৈন্যোঽভিনির্যযৌ ॥ ৫ ॥
বাণার্থে ভগবান্ রুদ্রঃ সসুতঃ প্রমথৈর্বৃতঃ ।
আরুহ্য নন্দিবৃষভং যুযুধে রামকৃষ্ণযোঃ ॥ ৬ ॥
আরুহ্য নন্দিবৃষভং যুযুধে রামকৃষ্ণযোঃ ॥ ৬ ॥
আসীত্সুতুমুলং যুদ্ধমদ্ভুতং রোমহর্ষণম্ ।
কৃষ্ণশঙ্করযো রাজন্ প্রদ্যুম্নগুহযোরপি ॥ ৭ ॥
কৃষ্ণশঙ্করযো রাজন্ প্রদ্যুম্নগুহযোরপি ॥ ৭ ॥
কুম্ভাণ্ডকূপকর্ণাভ্যাং বলেন সহ সংযুগঃ ।
সাম্বস্য বাণপুত্রেণ বাণেন সহ সাত্যকেঃ ॥ ৮ ॥
সাম্বস্য বাণপুত্রেণ বাণেন সহ সাত্যকেঃ ॥ ৮ ॥
ব্রহ্মাদযঃ সুরাধীশা মুনযঃ সিদ্ধচারণাঃ ।
গন্ধর্বাপ্সরসো যক্ষা বিমানৈর্দ্রষ্টুমাগমন্ ॥ ৯ ॥
গন্ধর্বাপ্সরসো যক্ষা বিমানৈর্দ্রষ্টুমাগমন্ ॥ ৯ ॥
শঙ্করানুচরান্ শৌরির্ভূতপ্রমথগুহ্যকান্ ।
ডাকিনীর্যাতুধানাংশ্চ বেতালান্ সবিনাযকান্ ॥ ১০ ॥
ডাকিনীর্যাতুধানাংশ্চ বেতালান্ সবিনাযকান্ ॥ ১০ ॥
প্রেতমাতৃপিশাচাংশ্চ কুষ্মাণ্ডান্ ব্রহ্মরাক্ষসান্ ।
দ্রাবযামাস তীক্ষ্ণাগ্রৈঃ শরৈঃ শার্ঙ্গধনুশ্চ্যুতৈঃ ॥ ১১ ॥
দ্রাবযামাস তীক্ষ্ণাগ্রৈঃ শরৈঃ শার্ঙ্গধনুশ্চ্যুতৈঃ ॥ ১১ ॥
পৃথগ্বিধানি প্রাযুঙ্ক্ত পিণাক্যস্ত্রাণি শার্ঙ্গিণে ।
প্রত্যস্ত্রৈঃ শমযামাস শার্ঙ্গপাণিরবিস্মিতঃ ॥ ১২ ॥
প্রত্যস্ত্রৈঃ শমযামাস শার্ঙ্গপাণিরবিস্মিতঃ ॥ ১২ ॥
ব্রহ্মাস্ত্রস্য চ ব্রহ্মাস্ত্রং বাযব্যস্য চ পার্বতম্ ।
আগ্নেযস্য চ পার্জন্যং নৈজং পাশুপতস্য চ ॥ ১৩ ॥
আগ্নেযস্য চ পার্জন্যং নৈজং পাশুপতস্য চ ॥ ১৩ ॥
মোহযিত্বা তু গিরিশং জৃম্ভণাস্ত্রেণ জৃম্ভিতম্ ।
বাণস্য পৃতনাং শৌরির্জঘানাসিগদেষুভিঃ ॥ ১৪ ॥
বাণস্য পৃতনাং শৌরির্জঘানাসিগদেষুভিঃ ॥ ১৪ ॥
স্কন্দঃ প্রদ্যুম্নবাণৌঘৈরর্দ্যমানঃ সমন্ততঃ ।
অসৃগ্ বিমুঞ্চন্ গাত্রেভ্যঃ শিখিনাপক্রমদ্ রণাত্ ॥ ১৫ ॥
অসৃগ্ বিমুঞ্চন্ গাত্রেভ্যঃ শিখিনাপক্রমদ্ রণাত্ ॥ ১৫ ॥
কুম্ভাণ্ডকূপকর্ণশ্চ পেততুর্মুষলার্দিতৌ ।
দুদ্রুবুস্তদনীকানি হতনাথানি সর্বতঃ ॥ ১৬ ॥
দুদ্রুবুস্তদনীকানি হতনাথানি সর্বতঃ ॥ ১৬ ॥
বিশীর্যমাণং স্ববলং দৃষ্ট্বা বাণোঽত্যমর্ষিতঃ ।
কৃষ্ণমভ্যদ্রবত্ সঙ্খ্যে রথী হিত্বৈব সাত্যকিম্ ॥ ১৭ ॥
কৃষ্ণমভ্যদ্রবত্ সঙ্খ্যে রথী হিত্বৈব সাত্যকিম্ ॥ ১৭ ॥
ধনূংষ্যাকৃষ্য যুগপদ্ বাণঃ পঞ্চশতানি বৈ ।
একৈকস্মিন্ শরৌ দ্বৌ দ্বৌ সন্দধে রণদুর্মদঃ ॥ ১৮ ॥
একৈকস্মিন্ শরৌ দ্বৌ দ্বৌ সন্দধে রণদুর্মদঃ ॥ ১৮ ॥
তানি চিচ্ছেদ ভগবান্ ধনূংষি যুগপদ্ধরিঃ ।
সারথিং রথমশ্বাংশ্চ হত্বা শঙ্খমপূরযত্ ॥ ১৯ ॥
সারথিং রথমশ্বাংশ্চ হত্বা শঙ্খমপূরযত্ ॥ ১৯ ॥
তন্মাতা কোটরা নাম নগ্না মক্তশিরোরুহা ।
পুরোঽবতস্থে কৃষ্ণস্য পুত্রপ্রাণরিরক্ষযা ॥ ২০ ॥
পুরোঽবতস্থে কৃষ্ণস্য পুত্রপ্রাণরিরক্ষযা ॥ ২০ ॥
ততস্তির্যঙ্মুখো নগ্নামনিরীক্ষন্ গদাগ্রজঃ ।
বাণশ্চ তাবদ্ বিরথশ্ছিন্নধন্বাবিশত্ পুরম্ ॥ ২১ ॥
বাণশ্চ তাবদ্ বিরথশ্ছিন্নধন্বাবিশত্ পুরম্ ॥ ২১ ॥
বিদ্রাবিতে ভূতগণে জ্বরস্তু ত্রিশিরাস্ত্রীপাত্ ।
অভ্যধাবত দাশার্হং দহন্নিব দিশো দশ ॥ ২২ ॥
অভ্যধাবত দাশার্হং দহন্নিব দিশো দশ ॥ ২২ ॥
অথ নারাযণঃ দেবঃ তং দৃষ্ট্বা ব্যসৃজজ্জ্বরম্ ।
মাহেশ্বরো বৈষ্ণবশ্চ যুযুধাতে জ্বরাবুভৌ ॥ ২৩ ॥
মাহেশ্বরো বৈষ্ণবশ্চ যুযুধাতে জ্বরাবুভৌ ॥ ২৩ ॥
মাহেশ্বরঃ সমাক্রন্দন্ বৈষ্ণবেন বলার্দিতঃ ।
অলব্ধ্বাভযমন্যত্র ভীতো মাহেশ্বরো জ্বরঃ ।
শরণার্থী হৃষীকেশং তুষ্টাব প্রযতাঞ্জলিঃ ॥ ২৪ ॥
অলব্ধ্বাভযমন্যত্র ভীতো মাহেশ্বরো জ্বরঃ ।
শরণার্থী হৃষীকেশং তুষ্টাব প্রযতাঞ্জলিঃ ॥ ২৪ ॥
জ্বর উবাচ
নমামি ত্বানন্তশক্তিং পরেশং
সর্বাত্মানং কেবলং জ্ঞপ্তিমাত্রম্ ।
বিশ্বোত্পত্তিস্থানসংরোধহেতুং
যত্তদ্ ব্রহ্ম ব্রহ্মলিঙ্গং প্রশান্তম্ ॥ ২৫ ॥
নমামি ত্বানন্তশক্তিং পরেশং
সর্বাত্মানং কেবলং জ্ঞপ্তিমাত্রম্ ।
বিশ্বোত্পত্তিস্থানসংরোধহেতুং
যত্তদ্ ব্রহ্ম ব্রহ্মলিঙ্গং প্রশান্তম্ ॥ ২৫ ॥
কালো দৈবং কর্ম জীবঃ স্বভাবো
দ্রব্যং ক্ষেত্রং প্রাণ আত্মা বিকারঃ ।
তত্সঙ্ঘাতো বীজরোহপ্রবাহ-
স্ত্বন্মাযৈষা তন্নিষেধং প্রপদ্যে ॥ ২৬ ॥
দ্রব্যং ক্ষেত্রং প্রাণ আত্মা বিকারঃ ।
তত্সঙ্ঘাতো বীজরোহপ্রবাহ-
স্ত্বন্মাযৈষা তন্নিষেধং প্রপদ্যে ॥ ২৬ ॥
নানাভাবৈর্লীলযৈবোপপন্নৈ-
র্দেবান্ সাধূন্ লোকসেতূন্ বিভর্ষি ।
হংস্যুন্মার্গান্ হিংসযা বর্তমানান্
জন্মৈতত্তে ভারহারায ভূমেঃ ॥ ২৭ ॥
র্দেবান্ সাধূন্ লোকসেতূন্ বিভর্ষি ।
হংস্যুন্মার্গান্ হিংসযা বর্তমানান্
জন্মৈতত্তে ভারহারায ভূমেঃ ॥ ২৭ ॥
তপ্তোঽহং তে তেজসা দুঃসহেন
শান্তোগ্রেণাত্যুল্বণেন জ্বরেণ ।
তাবত্তাপো দেহিনাং তেঽঙ্ঘ্রিমূলং
নো সেবেরন্ যাবদাশানুবদ্ধাঃ ॥ ২৮ ॥
শান্তোগ্রেণাত্যুল্বণেন জ্বরেণ ।
তাবত্তাপো দেহিনাং তেঽঙ্ঘ্রিমূলং
নো সেবেরন্ যাবদাশানুবদ্ধাঃ ॥ ২৮ ॥
শ্রীভগবানুবাচ
ত্রিশিরস্তে প্রসন্নোঽস্মি ব্যেতু তে মজ্জ্বরাদ্ ভযম্ ।
যো নৌ স্মরতি সংবাদং তস্য ত্বন্ন ভবেদ্ ভযম্ ॥ ২৯ ॥
ত্রিশিরস্তে প্রসন্নোঽস্মি ব্যেতু তে মজ্জ্বরাদ্ ভযম্ ।
যো নৌ স্মরতি সংবাদং তস্য ত্বন্ন ভবেদ্ ভযম্ ॥ ২৯ ॥
ইত্যুক্তোঽচ্যুতমানম্য গতো মাহেশ্বরো জ্বরঃ ।
বাণস্তু রথমারূঢঃ প্রাগাদ্যোত্স্যন্ জনার্দনম্ ॥ ৩০ ॥
বাণস্তু রথমারূঢঃ প্রাগাদ্যোত্স্যন্ জনার্দনম্ ॥ ৩০ ॥
ততো বাহুসহস্রেণ নানাযুধধরোঽসুরঃ ।
মুমোচ পরমক্রুদ্ধো বাণাংশ্চক্রাযুধে নৃপ ॥ ৩১ ॥
মুমোচ পরমক্রুদ্ধো বাণাংশ্চক্রাযুধে নৃপ ॥ ৩১ ॥
তস্যাস্যতোঽস্ত্রাণ্যসকৃচ্চক্রেণ ক্ষুরনেমিনা ।
চিচ্ছেদ ভগবান্ বাহূন্ শাখা ইব বনস্পতেঃ ॥ ৩২ ॥
চিচ্ছেদ ভগবান্ বাহূন্ শাখা ইব বনস্পতেঃ ॥ ৩২ ॥
বাহুষু ছিদ্যমানেষু বাণস্য ভগবান্ ভবঃ ।
ভক্তানুকম্প্যুপব্রজ্য চক্রাযুধমভাষত ॥ ৩৩ ॥
ভক্তানুকম্প্যুপব্রজ্য চক্রাযুধমভাষত ॥ ৩৩ ॥
শ্রীরুদ্র উবাচ
ত্বং হি ব্রহ্ম পরং জ্যোতির্গূঢং ব্রহ্মণি বাঙ্মযে ।
যং পশ্যন্ত্যমলাত্মান আকাশমিব কেবলম্ ॥ ৩৪ ॥
ত্বং হি ব্রহ্ম পরং জ্যোতির্গূঢং ব্রহ্মণি বাঙ্মযে ।
যং পশ্যন্ত্যমলাত্মান আকাশমিব কেবলম্ ॥ ৩৪ ॥
নাভির্নভোঽগ্নির্মুখমম্বু রেতো
দ্যৌঃ শীর্ষমাশাঃ শ্রুতিরঙ্ঘ্রিরুর্বী ।
চন্দ্রো মনো যস্য দৃগর্ক আত্মা
অহং সমুদ্রো জঠরং ভুজেন্দ্রঃ ॥ ৩৫ ॥
দ্যৌঃ শীর্ষমাশাঃ শ্রুতিরঙ্ঘ্রিরুর্বী ।
চন্দ্রো মনো যস্য দৃগর্ক আত্মা
অহং সমুদ্রো জঠরং ভুজেন্দ্রঃ ॥ ৩৫ ॥
রোমাণি যস্যৌষধযোঽম্বুবাহাঃ
কেশা বিরিঞ্চো ধিষণা বিসর্গঃ ।
প্রজাপতির্হৃদযং যস্য ধর্মঃ
স বৈ ভবান্ পুরুষো লোককল্পঃ ॥ ৩৬ ॥
কেশা বিরিঞ্চো ধিষণা বিসর্গঃ ।
প্রজাপতির্হৃদযং যস্য ধর্মঃ
স বৈ ভবান্ পুরুষো লোককল্পঃ ॥ ৩৬ ॥
তবাবতারোঽযমকুণ্ঠধামন্
ধর্মস্য গুপ্ত্যৈ জগতো হিতায ।
বযং চ সর্বে ভবতানুভাবিতা
বিভাবযামো ভুবনানি সপ্ত ॥ ৩৭ ॥
ধর্মস্য গুপ্ত্যৈ জগতো হিতায ।
বযং চ সর্বে ভবতানুভাবিতা
বিভাবযামো ভুবনানি সপ্ত ॥ ৩৭ ॥
ত্বমেক আদ্যঃ পুরুষোঽদ্বিতীয-
স্তুর্যঃ স্বদৃগ্ ধেতুরহেতুরীশঃ ।
প্রতীযসেঽথাপি যথাবিকারং
স্বমাযযা সর্বগুণপ্রসিদ্ধ্যৈ ॥ ৩৮ ॥
স্তুর্যঃ স্বদৃগ্ ধেতুরহেতুরীশঃ ।
প্রতীযসেঽথাপি যথাবিকারং
স্বমাযযা সর্বগুণপ্রসিদ্ধ্যৈ ॥ ৩৮ ॥
যথৈব সূর্যঃ পিহিতশ্ছাযযা স্বযা
ছাযাং চ রূপাণি চ সঞ্চকাস্তি ।
এবং গুণেনাপিহিতো গুণাংস্ত্ব-
মাত্মপ্রদীপো গুণিনশ্চ ভূমন্ ॥ ৩৯ ॥
ছাযাং চ রূপাণি চ সঞ্চকাস্তি ।
এবং গুণেনাপিহিতো গুণাংস্ত্ব-
মাত্মপ্রদীপো গুণিনশ্চ ভূমন্ ॥ ৩৯ ॥
যন্মাযামোহিতধিযঃ পুত্রদারগৃহাদিষু ।
উন্মজ্জন্তি নিমজ্জন্তি প্রসক্তা বৃজিনার্ণবে ॥ ৪০ ॥
উন্মজ্জন্তি নিমজ্জন্তি প্রসক্তা বৃজিনার্ণবে ॥ ৪০ ॥
দেবদত্তমিমং লব্ধ্বা নৃলোকমজিতেন্দ্রিযঃ ।
যো নাদ্রিযেত ত্বত্পাদৌ স শোচ্যো হ্যাত্মবঞ্চকঃ ॥ ৪১ ॥
যো নাদ্রিযেত ত্বত্পাদৌ স শোচ্যো হ্যাত্মবঞ্চকঃ ॥ ৪১ ॥
যস্ত্বাং বিসৃজতে মর্ত্য আত্মানং প্রিযমীশ্বরম্ ।
বিপর্যযেন্দ্রিযার্থার্থং বিষমত্ত্যমৃতং ত্যজন্ ॥ ৪২ ॥
বিপর্যযেন্দ্রিযার্থার্থং বিষমত্ত্যমৃতং ত্যজন্ ॥ ৪২ ॥
অহং ব্রহ্মাথ বিবুধা মুনযশ্চামলাশযাঃ ।
সর্বাত্মনা প্রপন্নাস্ত্বামাত্মানং প্রেষ্ঠমীশ্বরম্ ॥ ৪৩ ॥
সর্বাত্মনা প্রপন্নাস্ত্বামাত্মানং প্রেষ্ঠমীশ্বরম্ ॥ ৪৩ ॥
তং ত্বা জগত্স্থিত্যুদযান্তহেতুং
সমং প্রশান্তং সুহৃদাত্মদৈবম্ ।
অনন্যমেকং জগদাত্মকেতং
ভবাপবর্গায ভজাম দেবম্ ॥ ৪৪ ॥
সমং প্রশান্তং সুহৃদাত্মদৈবম্ ।
অনন্যমেকং জগদাত্মকেতং
ভবাপবর্গায ভজাম দেবম্ ॥ ৪৪ ॥
অযং মমেষ্টো দযিতোঽনুবর্তী
মযাভযং দত্তমমুষ্য দেব ।
সম্পাদ্যতাং তদ্ ভবতঃ প্রসাদো
যথা হি তে দৈত্যপতৌ প্রসাদঃ ॥ ৪৫ ॥
মযাভযং দত্তমমুষ্য দেব ।
সম্পাদ্যতাং তদ্ ভবতঃ প্রসাদো
যথা হি তে দৈত্যপতৌ প্রসাদঃ ॥ ৪৫ ॥
শ্রীভগবানুবাচ
যদাত্থ ভগবংস্ত্বং নঃ করবাম প্রিযং তব ।
ভবতো যদ্ ব্যবসিতং তন্মে সাধ্বনুমোদিতম্ ॥ ৪৬ ॥
যদাত্থ ভগবংস্ত্বং নঃ করবাম প্রিযং তব ।
ভবতো যদ্ ব্যবসিতং তন্মে সাধ্বনুমোদিতম্ ॥ ৪৬ ॥
অবধ্যোঽযং মমাপ্যেষ বৈরোচনিসুতোঽসুরঃ ।
প্রহ্রাদায বরো দত্তো ন বধ্যো মে তবান্বযঃ ॥ ৪৭ ॥
প্রহ্রাদায বরো দত্তো ন বধ্যো মে তবান্বযঃ ॥ ৪৭ ॥
দর্পোপশমনাযাস্য প্রবৃক্ণা বাহবো মযা ।
সূদিতং চ বলং ভূরি যচ্চ ভারাযিতং ভুবঃ ॥ ৪৮ ॥
সূদিতং চ বলং ভূরি যচ্চ ভারাযিতং ভুবঃ ॥ ৪৮ ॥
চত্বারোঽস্য ভুজাঃ শিষ্টা ভবিষ্যত্যজরামরঃ ।
পার্ষদমুখ্যো ভবতো ন কুতশ্চিদ্ভযোঽসুরঃ ॥ ৪৯ ॥
পার্ষদমুখ্যো ভবতো ন কুতশ্চিদ্ভযোঽসুরঃ ॥ ৪৯ ॥
ইতি লব্ধ্বাভযং কৃষ্ণং প্রণম্য শিরসাসুরঃ ।
প্রাদ্যুম্নিং রথমারোপ্য সবধ্বো সমুপানযত্ ॥ ৫০ ॥
প্রাদ্যুম্নিং রথমারোপ্য সবধ্বো সমুপানযত্ ॥ ৫০ ॥
অক্ষৌহিণ্যা পরিবৃতং সুবাসঃসমলঙ্কৃতম্ ।
সপত্নীকং পুরস্কৃত্য যযৌ রুদ্রানুমোদিতঃ ॥ ৫১ ॥
সপত্নীকং পুরস্কৃত্য যযৌ রুদ্রানুমোদিতঃ ॥ ৫১ ॥
স্বরাজধানীং সমলঙ্কৃতাং ধ্বজৈঃ
সতোরণৈরুক্ষিতমার্গচত্বরাম্ ।
বিবেশ শঙ্খানকদুন্দুভিস্বনৈ-
রভ্যুদ্যতঃ পৌরসুহৃদ্দ্বিজাতিভিঃ ॥ ৫২ ॥
সতোরণৈরুক্ষিতমার্গচত্বরাম্ ।
বিবেশ শঙ্খানকদুন্দুভিস্বনৈ-
রভ্যুদ্যতঃ পৌরসুহৃদ্দ্বিজাতিভিঃ ॥ ৫২ ॥
য এবং কৃষ্ণবিজযং শঙ্করেণ চ সংযুগম্ ।
সংস্মরেত্ প্রাতরুত্থায ন তস্য স্যাত্ পরাজযঃ ॥ ৫৩ ॥
সংস্মরেত্ প্রাতরুত্থায ন তস্য স্যাত্ পরাজযঃ ॥ ৫৩ ॥