শ্রীশুক উবাচ
বলভদ্রঃ কুরুশ্রেষ্ঠ ভগবান্ রথমাস্থিতঃ ।
সুহৃদ্দিদৃক্ষুরুত্কণ্ঠঃ প্রযযৌ নন্দগোকুলম্ ॥ ১ ॥
বলভদ্রঃ কুরুশ্রেষ্ঠ ভগবান্ রথমাস্থিতঃ ।
সুহৃদ্দিদৃক্ষুরুত্কণ্ঠঃ প্রযযৌ নন্দগোকুলম্ ॥ ১ ॥
পরিষ্বক্তশ্চিরোত্কণ্ঠৈর্গোপৈর্গোপীভিরেব চ ।
রামোঽভিবাদ্য পিতরাবাশীর্ভিরভিনন্দিতঃ ॥ ২ ॥
রামোঽভিবাদ্য পিতরাবাশীর্ভিরভিনন্দিতঃ ॥ ২ ॥
চিরং নঃ পাহি দাশার্হ সানুজো জগদীশ্বরঃ ।
ইত্যারোপ্যাঙ্কমালিঙ্গ্য নেত্রৈঃ সিষিচতুর্জলৈঃ ॥ ৩ ॥
ইত্যারোপ্যাঙ্কমালিঙ্গ্য নেত্রৈঃ সিষিচতুর্জলৈঃ ॥ ৩ ॥
গোপবৃদ্ধাংশ্চ বিধিবদ্ যবিষ্ঠৈরভিবন্দিতঃ ।
যথাবযো যথাসখ্যং যথাসম্বন্ধমাত্মনঃ ॥ ৪ ॥
যথাবযো যথাসখ্যং যথাসম্বন্ধমাত্মনঃ ॥ ৪ ॥
সমুপেত্যাথ গোপালান্ হাস্যহস্তগ্রহাদিভিঃ ।
বিশ্রান্তং সুখমাসীনং পপ্রচ্ছুঃ পর্যুপাগতাঃ ॥ ৫ ॥
বিশ্রান্তং সুখমাসীনং পপ্রচ্ছুঃ পর্যুপাগতাঃ ॥ ৫ ॥
পৃষ্টাশ্চানামযং স্বেষু প্রেমগদ্গদযা গিরা ।
কৃষ্ণে কমলপত্রাক্ষে সন্ন্যস্তাখিলরাধসঃ ॥ ৬ ॥
কৃষ্ণে কমলপত্রাক্ষে সন্ন্যস্তাখিলরাধসঃ ॥ ৬ ॥
কচ্চিন্নো বান্ধবা রাম সর্বে কুশলমাসতে ।
কচ্চিত্ স্মরথ নো রাম যূযং দারসুতান্বিতাঃ ॥ ৭ ॥
কচ্চিত্ স্মরথ নো রাম যূযং দারসুতান্বিতাঃ ॥ ৭ ॥
দিষ্ট্যা কংসো হতঃ পাপো দিষ্ট্যা মুক্তাঃ সুহৃজ্জনাঃ ।
নিহত্য নির্জিত্য রিপূন্ দিষ্ট্যা দুর্গং সমাশ্রিতাঃ ॥ ৮ ॥
নিহত্য নির্জিত্য রিপূন্ দিষ্ট্যা দুর্গং সমাশ্রিতাঃ ॥ ৮ ॥
গোপ্যো হসন্ত্যঃ পপ্রচ্ছূ রামসন্দর্শনাদৃতাঃ ।
কচ্চিদাস্তে সুখং কৃষ্ণঃ পুরস্ত্রীজনবল্লভঃ ॥ ৯ ॥
কচ্চিদাস্তে সুখং কৃষ্ণঃ পুরস্ত্রীজনবল্লভঃ ॥ ৯ ॥
কচ্চিত্ স্মরতি বা বন্ধূন্ পিতরং মাতরং চ সঃ ।
অপ্যসৌ মাতরং দ্রষ্টুং সকৃদপ্যাগমিষ্যতি ।
অপি বা স্মরতেঽস্মাকমনুসেবাং মহাভুজঃ ॥ ১০ ॥
অপ্যসৌ মাতরং দ্রষ্টুং সকৃদপ্যাগমিষ্যতি ।
অপি বা স্মরতেঽস্মাকমনুসেবাং মহাভুজঃ ॥ ১০ ॥
মাতরং পিতরং ভ্রাতৃন্ পতীন্ পুত্রান্ স্বসৃনপি ।
যদর্থে জহিম দাশার্হ দুস্ত্যজান্ স্বজনান্ প্রভো ॥ ১১ ॥
যদর্থে জহিম দাশার্হ দুস্ত্যজান্ স্বজনান্ প্রভো ॥ ১১ ॥
তা নঃ সদ্যঃ পরিত্যজ্য গতঃ সঞ্ছিন্নসৌহৃদঃ ।
কথং নু তাদৃশং স্ত্রীভির্ন শ্রদ্ধীযেত ভাষিতম্ ॥ ১২ ॥
কথং নু তাদৃশং স্ত্রীভির্ন শ্রদ্ধীযেত ভাষিতম্ ॥ ১২ ॥
কথং নু গৃহ্ণন্ত্যনবস্থিতাত্মনো
বচঃ কৃতঘ্নস্য বুধাঃ পুরস্ত্রিযঃ ।
গৃহ্ণন্তি বৈ চিত্রকথস্য সুন্দর-
স্মিতাবলোকোচ্ছ্বসিতস্মরাতুরাঃ ॥ ১৩ ॥
বচঃ কৃতঘ্নস্য বুধাঃ পুরস্ত্রিযঃ ।
গৃহ্ণন্তি বৈ চিত্রকথস্য সুন্দর-
স্মিতাবলোকোচ্ছ্বসিতস্মরাতুরাঃ ॥ ১৩ ॥
কিং নস্তত্কথযা গোপ্যঃ কথাঃ কথযতাপরাঃ ।
যাত্যস্মাভির্বিনা কালো যদি তস্য তথৈব নঃ ॥ ১৪ ॥
যাত্যস্মাভির্বিনা কালো যদি তস্য তথৈব নঃ ॥ ১৪ ॥
ইতি প্রহসিতং শৌরের্জল্পিতং চারু বীক্ষিতম্ ।
গতিং প্রেমপরিষ্বঙ্গং স্মরন্ত্যো রুরুদুঃ স্ত্রিযঃ ॥ ১৫ ॥
গতিং প্রেমপরিষ্বঙ্গং স্মরন্ত্যো রুরুদুঃ স্ত্রিযঃ ॥ ১৫ ॥
সঙ্কর্ষণস্তাঃ কৃষ্ণস্য সন্দেশৈর্হৃদযংগমৈঃ ।
সান্ত্বযামাস ভগবান্ নানানুনযকোবিদঃ ॥ ১৬ ॥
সান্ত্বযামাস ভগবান্ নানানুনযকোবিদঃ ॥ ১৬ ॥
দ্বৌ মাসৌ তত্র চাবাত্সীন্মধুং মাধবমেব চ ।
রামঃ ক্ষপাসু ভগবান্ গোপীনাং রতিমাবহন্ ॥ ১৭ ॥
রামঃ ক্ষপাসু ভগবান্ গোপীনাং রতিমাবহন্ ॥ ১৭ ॥
পূর্ণচন্দ্রকলামৃষ্টে কৌমুদীগন্ধবাযুনা ।
যমুনোপবনে রেমে সেবিতে স্ত্রীগণৈর্বৃতঃ ॥ ১৮ ॥
যমুনোপবনে রেমে সেবিতে স্ত্রীগণৈর্বৃতঃ ॥ ১৮ ॥
বরুণপ্রেষিতা দেবী বারুণী বৃক্ষকোটরাত্ ।
পতন্তী তদ্ বনং সর্বং স্বগন্ধেনাধ্যবাসযত্ ॥ ১৯ ॥
পতন্তী তদ্ বনং সর্বং স্বগন্ধেনাধ্যবাসযত্ ॥ ১৯ ॥
তং গন্ধং মধুধারাযা বাযুনোপহৃতং বলঃ ।
আঘ্রাযোপগতস্তত্র ললনাভিঃ সমং পপৌ ॥ ২০ ॥
আঘ্রাযোপগতস্তত্র ললনাভিঃ সমং পপৌ ॥ ২০ ॥
উপগীযমানো গন্ধর্বৈর্বনিতাশোভিমণ্ডলে ।
রেমে করেণুযূথেশো মাহেন্দ্র ইব বারণঃ ॥ ২১ ॥
রেমে করেণুযূথেশো মাহেন্দ্র ইব বারণঃ ॥ ২১ ॥
নেদুর্দুন্দুভযো ব্যোম্নি ববৃষুঃ কুসুমৈর্মুদা ।
গন্ধর্বা মুনযো রামং তদ্বীর্যৈরীডিরে তদা ॥ ২২ ॥
গন্ধর্বা মুনযো রামং তদ্বীর্যৈরীডিরে তদা ॥ ২২ ॥
উপগীযমানচরিতো বনিতাভির্হলাযুধঃ ।
বনেষু ব্যচরত্ ক্ষীবো মদবিহ্বললোচনঃ ॥ ২৩ ॥
বনেষু ব্যচরত্ ক্ষীবো মদবিহ্বললোচনঃ ॥ ২৩ ॥
স্রগ্ব্যেককুণ্ডলো মত্তো বৈজযন্ত্যা চ মালযা ।
বিভ্রত্ স্মিতমুখাম্ভোজং স্বেদপ্রালেযভূষিতম্ ।
স আজুহাব যমুনাং জলক্রীডার্থমীশ্বরঃ ॥ ২৪ ॥
বিভ্রত্ স্মিতমুখাম্ভোজং স্বেদপ্রালেযভূষিতম্ ।
স আজুহাব যমুনাং জলক্রীডার্থমীশ্বরঃ ॥ ২৪ ॥
নিজং বাক্যমনাদৃত্য মত্ত ইত্যাপগাং বলঃ ।
অনাগতাং হলাগ্রেণ কুপিতো বিচকর্ষ হ ॥ ২৫ ॥
অনাগতাং হলাগ্রেণ কুপিতো বিচকর্ষ হ ॥ ২৫ ॥
পাপে ত্বং মামবজ্ঞায যন্নাযাসি মযাহুতা ।
নেষ্যে ত্বাং লাঙ্গলাগ্রেণ শতধা কামচারিণীম্ ॥ ২৬ ॥
নেষ্যে ত্বাং লাঙ্গলাগ্রেণ শতধা কামচারিণীম্ ॥ ২৬ ॥
এবং নির্ভর্ত্সিতা ভীতা যমুনা যদুনন্দনম্ ।
উবাচচকিতা বাচং পতিতা পাদযোর্নৃপ ॥ ২৭ ॥
উবাচচকিতা বাচং পতিতা পাদযোর্নৃপ ॥ ২৭ ॥
রাম রাম মহাবাহো ন জানে তব বিক্রমম্ ।
যস্যৈকাংশেন বিধৃতা জগতী জগতঃ পতে ॥ ২৮ ॥
যস্যৈকাংশেন বিধৃতা জগতী জগতঃ পতে ॥ ২৮ ॥
পরং ভাবং ভগবতো ভগবন্ মামজানতীম্ ।
মোক্তুমর্হসি বিশ্বাত্মন্ প্রপন্নাং ভক্তবত্সল ॥ ২৯ ॥
মোক্তুমর্হসি বিশ্বাত্মন্ প্রপন্নাং ভক্তবত্সল ॥ ২৯ ॥
ততো ব্যমুঞ্চদ্ যমুনাং যাচিতো ভগবান্ বলঃ ।
বিজগাহ জলং স্ত্রীভিঃ করেণুভিরিবেভরাট্ ॥ ৩০ ॥
বিজগাহ জলং স্ত্রীভিঃ করেণুভিরিবেভরাট্ ॥ ৩০ ॥
কামং বিহৃত্য সলিলাদুত্তীর্ণাযাসীতাম্বরে ।
ভূষণানি মহার্হাণি দদৌ কান্তিঃ শুভাং স্রজম্ ॥ ৩১ ॥
ভূষণানি মহার্হাণি দদৌ কান্তিঃ শুভাং স্রজম্ ॥ ৩১ ॥
বসিত্বা বাসসী নীলে মালামামুচ্য কাঞ্চনীম্ ।
রেযে স্বলঙ্কৃতো লিপ্তো মাহেন্দ্র ইব বারণঃ ॥ ৩২ ॥
রেযে স্বলঙ্কৃতো লিপ্তো মাহেন্দ্র ইব বারণঃ ॥ ৩২ ॥
অদ্যাপি দৃশ্যতে রাজন্ যমুনাকৃষ্টবর্ত্মনা ।
বলস্যানন্তবীর্যস্য বীর্যং সূচযতীব হি ॥ ৩৩ ॥
বলস্যানন্তবীর্যস্য বীর্যং সূচযতীব হি ॥ ৩৩ ॥
এবং সর্বা নিশা যাতা একেব রমতো ব্রজে ।
রামস্যাক্ষিপ্তচিত্তস্য মাধুর্যৈর্ব্রজযোষিতাম্ ॥ ৩৪ ॥
রামস্যাক্ষিপ্তচিত্তস্য মাধুর্যৈর্ব্রজযোষিতাম্ ॥ ৩৪ ॥