ശ്രീശുക ഉവാച
ദുര്യോധനസുതാം രാജന് ലക്ഷ്മണാം സമിതിംജയഃ ।
സ്വയംവരസ്ഥാമഹരത് സാമ്ബോ ജാമ്ബവതീസുതഃ ॥ ൧ ॥
ദുര്യോധനസുതാം രാജന് ലക്ഷ്മണാം സമിതിംജയഃ ।
സ്വയംവരസ്ഥാമഹരത് സാമ്ബോ ജാമ്ബവതീസുതഃ ॥ ൧ ॥
കൌരവാഃ കുപിതാ ഊചുര്ദുര്വിനീതോഽയമര്ഭകഃ ।
കദര്ഥീകൃത്യ നഃ കന്യാമകാമാമഹരദ് ബലാത് ॥ ൨ ॥
കദര്ഥീകൃത്യ നഃ കന്യാമകാമാമഹരദ് ബലാത് ॥ ൨ ॥
ബധ്നീതേമം ദുര്വിനീതം കിം കരിഷ്യന്തി വൃഷ്ണയഃ ।
യേഽസ്മത്പ്രസാദോപചിതാം ദത്താം നോ ഭുഞ്ജതേ മഹീമ് ॥ ൩ ॥
യേഽസ്മത്പ്രസാദോപചിതാം ദത്താം നോ ഭുഞ്ജതേ മഹീമ് ॥ ൩ ॥
നിഗൃഹീതം സുതം ശ്രുത്വാ യദ്യേഷ്യന്തീഹ വൃഷ്ണയഃ ।
ഭഗ്നദര്പാഃ ശമം യാന്തി പ്രാണാ ഇവ സുസംയതാഃ ॥ ൪ ॥
ഭഗ്നദര്പാഃ ശമം യാന്തി പ്രാണാ ഇവ സുസംയതാഃ ॥ ൪ ॥
ഇതി കര്ണഃ ശലോ ഭൂരിര്യജ്ഞകേതുഃ സുയോധനഃ ।
സാമ്ബമാരേഭിരേ യോദ്ധും കുരുവൃദ്ധാനുമോദിതാഃ ॥ ൫ ॥
സാമ്ബമാരേഭിരേ യോദ്ധും കുരുവൃദ്ധാനുമോദിതാഃ ॥ ൫ ॥
ദൃഷ്ട്വാനുധാവതഃ സാമ്ബോ ധാര്തരാഷ്ട്രാന് മഹാരഥഃ ।
പ്രഗൃഹ്യ രുചിരം ചാപം തസ്ഥൌ സിംഹ ഇവൈകലഃ ॥ ൬ ॥
പ്രഗൃഹ്യ രുചിരം ചാപം തസ്ഥൌ സിംഹ ഇവൈകലഃ ॥ ൬ ॥
തം തേ ജിഘൃക്ഷവഃ ക്രുദ്ധാസ്തിഷ്ഠ തിഷ്ഠേതി ഭാഷിണഃ ।
ആസാദ്യ ധന്വിനോ ബാണൈഃ കര്ണാഗ്രണ്യഃ സമാകിരന് ॥ ൭ ॥
ആസാദ്യ ധന്വിനോ ബാണൈഃ കര്ണാഗ്രണ്യഃ സമാകിരന് ॥ ൭ ॥
സോഽപവിദ്ധഃ കുരുശ്രേഷ്ഠ കുരുഭിര്യദുനന്ദനഃ ।
നാമൃഷ്യത്തദചിന്ത്യാര്ഭഃ സിംഹ ക്ഷുദ്രമൃഗൈരിവ ॥ ൮ ॥
നാമൃഷ്യത്തദചിന്ത്യാര്ഭഃ സിംഹ ക്ഷുദ്രമൃഗൈരിവ ॥ ൮ ॥
വിസ്ഫൂര്ജ്യ രുചിരം ചാപം സര്വാന് വിവ്യാധ സായകൈഃ ।
കര്ണാദീന് ഷഡ്രഥാന് വീരസ്താവദ്ഭിര്യുഗപത് പൃഥക് ॥ ൯ ॥
കര്ണാദീന് ഷഡ്രഥാന് വീരസ്താവദ്ഭിര്യുഗപത് പൃഥക് ॥ ൯ ॥
ചതുര്ഭിശ്ചതുരോ വാഹാനേകൈകേന ച സാരഥീന് ।
രഥിനശ്ച മഹേഷ്വാസാംസ്തസ്യ തത്തേഽഭ്യപൂജയന് ॥ ൧൦ ॥
രഥിനശ്ച മഹേഷ്വാസാംസ്തസ്യ തത്തേഽഭ്യപൂജയന് ॥ ൧൦ ॥
തം തു തേ വിരഥം ചക്രുശ്ചത്വാരശ്ചതുരോ ഹയാന് ।
ഏകസ്തു സാരഥിം ജഘ്നേ ചിച്ഛേദാന്യഃ ശരാസനമ് ॥ ൧൧ ॥
ഏകസ്തു സാരഥിം ജഘ്നേ ചിച്ഛേദാന്യഃ ശരാസനമ് ॥ ൧൧ ॥
തം ബദ്ധ്വാ വിരഥീകൃത്യ കൃച്ഛ്രേണ കുരവോ യുധി ।
കുമാരം സ്വസ്യ കന്യാം ച സ്വപുരം ജയിനോഽവിശന് ॥ ൧൨ ॥
കുമാരം സ്വസ്യ കന്യാം ച സ്വപുരം ജയിനോഽവിശന് ॥ ൧൨ ॥
തച്ഛ്രുത്വാ നാരദോക്തേന രാജന് സഞ്ജാതമന്യവഃ ।
കുരൂന് പ്രത്യുദ്യമം ചക്രുരുഗ്രസേനപ്രചോദിതാഃ ॥ ൧൩ ॥
കുരൂന് പ്രത്യുദ്യമം ചക്രുരുഗ്രസേനപ്രചോദിതാഃ ॥ ൧൩ ॥
സാന്ത്വയിത്വാ തു താന് രാമഃ സന്നദ്ധാന് വൃഷ്ണിപുങ്ഗവാന് ।
നൈച്ഛത് കുരൂണാം വൃഷ്ണീനാം കലിം കലിമലാപഹഃ ॥ ൧൪ ॥
നൈച്ഛത് കുരൂണാം വൃഷ്ണീനാം കലിം കലിമലാപഹഃ ॥ ൧൪ ॥
ജഗാമ ഹാസ്തിനപുരം രഥേനാദിത്യവര്ചസാ ।
ബ്രാഹ്മണൈഃ കുലവൃദ്ധൈശ്ച വൃതശ്ചന്ദ്ര ഇവ ഗ്രഹൈഃ ॥ ൧൫ ॥
ബ്രാഹ്മണൈഃ കുലവൃദ്ധൈശ്ച വൃതശ്ചന്ദ്ര ഇവ ഗ്രഹൈഃ ॥ ൧൫ ॥
ഗത്വാ ഗജാഹ്വയം രാമോ ബാഹ്യോപവനമാസ്ഥിതഃ ।
ഉദ്ധവം പ്രേഷയാമാസ ധൃതരാഷ്ട്രം ബുഭുത്സയാ ॥ ൧൬ ॥
ഉദ്ധവം പ്രേഷയാമാസ ധൃതരാഷ്ട്രം ബുഭുത്സയാ ॥ ൧൬ ॥
സോഽഭിവന്ദ്യാമ്ബികാപുത്രം ഭീഷ്മം ദ്രോണം ച ബാഹ്ലികമ് ।
ദുര്യോധനം ച വിധിവദ് രാമമാഗതമബ്രവീത് ॥ ൧൭ ॥
ദുര്യോധനം ച വിധിവദ് രാമമാഗതമബ്രവീത് ॥ ൧൭ ॥
തേഽതിപ്രീതാസ്തമാകര്ണ്യ പ്രാപ്തം രാമം സുഹൃത്തമമ് ।
തമര്ചയിത്വാഭിയയുഃ സര്വേ മങ്ഗലപാണയഃ ॥ ൧൮ ॥
തമര്ചയിത്വാഭിയയുഃ സര്വേ മങ്ഗലപാണയഃ ॥ ൧൮ ॥
തം സങ്ഗയ യഥാന്യായം ഗാമര്ഘ്യം ച ന്യവേദയന് ।
തേഷാം യേ തത്പ്രഭാവജ്ഞാഃ പ്രണേമുഃ ശിരസാ ബലമ് ॥ ൧൯ ॥
തേഷാം യേ തത്പ്രഭാവജ്ഞാഃ പ്രണേമുഃ ശിരസാ ബലമ് ॥ ൧൯ ॥
ബന്ധൂന് കുശലിനഃ ശ്രുത്വാ പൃഷ്ട്വാ ശിവമനാമയമ് ।
പരസ്പരമഥോ രാമോ ബഭാഷേഽവിക്ലവം വചഃ ॥ ൨൦ ॥
പരസ്പരമഥോ രാമോ ബഭാഷേഽവിക്ലവം വചഃ ॥ ൨൦ ॥
ഉഗ്രസേനഃ ക്ഷിതേശേശോ യദ് വ ആജ്ഞാപയത് പ്രഭുഃ ।
തദവ്യഗ്രധിയഃ ശ്രുത്വാ കുരുധ്വമവിലമ്ബിതമ് ॥ ൨൧ ॥
തദവ്യഗ്രധിയഃ ശ്രുത്വാ കുരുധ്വമവിലമ്ബിതമ് ॥ ൨൧ ॥
യദ് യൂയം ബഹവസ്ത്വേകം ജിത്വാധര്മേണ ധാര്മികമ് ।
അബധ്നീതാഥ തന്മൃഷ്യേ ബന്ധൂനാമൈക്യകാമ്യയാ ॥ ൨൨ ॥
അബധ്നീതാഥ തന്മൃഷ്യേ ബന്ധൂനാമൈക്യകാമ്യയാ ॥ ൨൨ ॥
വീര്യശൌര്യബലോന്നദ്ധമാത്മശക്തിസമം വചഃ ।
കുരവോ ബലദേവസ്യ നിശമ്യോചുഃ പ്രകോപിതാഃ ॥ ൨൩ ॥
കുരവോ ബലദേവസ്യ നിശമ്യോചുഃ പ്രകോപിതാഃ ॥ ൨൩ ॥
അഹോ മഹച്ചിത്രമിദം കാലഗത്യാ ദുരത്യയാ ।
ആരുരുക്ഷത്യുപാനദ് വൈ ശിരോ മുകുടസേവിതമ് ॥ ൨൪ ॥
ആരുരുക്ഷത്യുപാനദ് വൈ ശിരോ മുകുടസേവിതമ് ॥ ൨൪ ॥
ഏതേ യൌനേന സമ്ബദ്ധാഃ സഹശയ്യാസനാശനാഃ ।
വൃഷ്ണയസ്തുല്യതാം നീതാ അസ്മദ്ദത്തനൃപാസനാഃ ॥ ൨൫ ॥
വൃഷ്ണയസ്തുല്യതാം നീതാ അസ്മദ്ദത്തനൃപാസനാഃ ॥ ൨൫ ॥
ചാമരവ്യജനേ ശങ്ഖമാതപത്രം ച പാണ്ഡുരമ് ।
കിരീടമാസനം ശയ്യാം ഭുഞ്ജതേഽസ്മദുപേക്ഷയാ ॥ ൨൬ ॥
കിരീടമാസനം ശയ്യാം ഭുഞ്ജതേഽസ്മദുപേക്ഷയാ ॥ ൨൬ ॥
അലം യദൂനാം നരദേവലാഞ്ഛനൈ-
ര്ദാതുഃ പ്രതീപൈഃ ഫണിനാമിവാമൃതമ് ।
യേഽസ്മത്പ്രസാദോപചിതാ ഹി യാദവാ
ആജ്ഞാപയന്ത്യദ്യ ഗതത്രപാ ബത ॥ ൨൭ ॥
ര്ദാതുഃ പ്രതീപൈഃ ഫണിനാമിവാമൃതമ് ।
യേഽസ്മത്പ്രസാദോപചിതാ ഹി യാദവാ
ആജ്ഞാപയന്ത്യദ്യ ഗതത്രപാ ബത ॥ ൨൭ ॥
കഥമിന്ദ്രോഽപി കുരുഭിര്ഭീഷ്മദ്രോണാര്ജുനാദിഭിഃ ।
അദത്തമവരുന്ധീത സിംഹഗ്രസ്തമിവോരണഃ ॥ ൨൮ ॥
അദത്തമവരുന്ധീത സിംഹഗ്രസ്തമിവോരണഃ ॥ ൨൮ ॥
ശ്രീബാദരായണിരുവാച
ജന്മബന്ധുശ്രിയോന്നദ്ധമദാസ്തേ ഭരതര്ഷഭ ।
ആശ്രാവ്യ രാമം ദുര്വാച്യമസഭ്യാഃ പുരമാവിശന് ॥ ൨൯ ॥
ജന്മബന്ധുശ്രിയോന്നദ്ധമദാസ്തേ ഭരതര്ഷഭ ।
ആശ്രാവ്യ രാമം ദുര്വാച്യമസഭ്യാഃ പുരമാവിശന് ॥ ൨൯ ॥
ദൃഷ്ട്വാ കുരൂണാം ദൌഃശീല്യം ശ്രുത്വാവാച്യാനി ചാച്യുതഃ ।
അവോചത് കോപസംരബ്ധോ ദുഷ്പ്രേക്ഷ്യഃ പ്രഹസന് മുഹുഃ ॥ ൩൦ ॥
അവോചത് കോപസംരബ്ധോ ദുഷ്പ്രേക്ഷ്യഃ പ്രഹസന് മുഹുഃ ॥ ൩൦ ॥
നൂനം നാനാമദോന്നദ്ധാഃ ശാന്തിം നേച്ഛന്ത്യസാധവഃ ।
തേഷാം ഹി പ്രശമോ ദണ്ഡഃ പശൂനാം ലഗുഡോ യഥാ ॥ ൩൧ ॥
തേഷാം ഹി പ്രശമോ ദണ്ഡഃ പശൂനാം ലഗുഡോ യഥാ ॥ ൩൧ ॥
അഹോ യദൂന് സുസംരബ്ധാന് കൃഷ്ണം ച കുപിതം ശനൈഃ ।
സാന്ത്വയിത്വാഹമേതേഷാം ശമമിച്ഛന്നിഹാഗതഃ ॥ ൩൨ ॥
സാന്ത്വയിത്വാഹമേതേഷാം ശമമിച്ഛന്നിഹാഗതഃ ॥ ൩൨ ॥
ത ഇമേ മന്ദമതയഃ കലഹാഭിരതാഃ ഖലാഃ ।
തം മാമവജ്ഞായ മുഹുര്ദുര്ഭാഷാന് മാനിനോഽബ്രുവന് ॥ ൩൩ ॥
തം മാമവജ്ഞായ മുഹുര്ദുര്ഭാഷാന് മാനിനോഽബ്രുവന് ॥ ൩൩ ॥
നോഗ്രസേനഃ കില വിഭുര്ഭോജവൃഷ്ണ്യന്ധകേശ്വരഃ ।
ശക്രാദയോ ലോകപാലാ യസ്യാദേശാനുവര്തിനഃ ॥ ൩൪ ॥
ശക്രാദയോ ലോകപാലാ യസ്യാദേശാനുവര്തിനഃ ॥ ൩൪ ॥
സുധര്മാക്രമ്യതേ യേന പാരിജാതോഽമരാങ്ഘ്രിപഃ ।
ആനീയ ഭുജ്യതേ സോഽസൌ ന കിലാധ്യാസനാര്ഹണഃ ॥ ൩൫ ॥
ആനീയ ഭുജ്യതേ സോഽസൌ ന കിലാധ്യാസനാര്ഹണഃ ॥ ൩൫ ॥
യസ്യ പാദയുഗം സാക്ഷാച്ഛ്രീരുപാസ്തേഽഖിലേശ്വരീ ।
സ നാര്ഹതി കില ശ്രീശോ നരദേവപരിച്ഛദാന് ॥ ൩൬ ॥
സ നാര്ഹതി കില ശ്രീശോ നരദേവപരിച്ഛദാന് ॥ ൩൬ ॥
യസ്യാങ്ഘ്രിപങ്കജരജോഽഖിലലോകപാലൈ-
ര്മൌല്യുത്തമൈര്ധൃതമുപാസിതതീര്ഥതീര്ഥമ് ।
ബ്രഹ്മാ ഭവോഽഹമപി യസ്യ കലാഃ കലായാഃ
ശ്രീശ്ചോദ്വഹേമ ചിരമസ്യ നൃപാസനം ക്വ ॥ ൩൭ ॥
ര്മൌല്യുത്തമൈര്ധൃതമുപാസിതതീര്ഥതീര്ഥമ് ।
ബ്രഹ്മാ ഭവോഽഹമപി യസ്യ കലാഃ കലായാഃ
ശ്രീശ്ചോദ്വഹേമ ചിരമസ്യ നൃപാസനം ക്വ ॥ ൩൭ ॥
ഭുഞ്ജതേ കുരുഭിര്ദത്തം ഭൂഖണ്ഡം വൃഷ്ണയഃ കില ।
ഉപാനഹഃ കില വയം സ്വയം തു കുരവഃ ശിരഃ ॥ ൩൮ ॥
ഉപാനഹഃ കില വയം സ്വയം തു കുരവഃ ശിരഃ ॥ ൩൮ ॥
അഹോ ഐശ്വര്യമത്താനാം മത്താനാമിവ മാനിനാമ് ।
അസമ്ബദ്ധാ ഗിരോ രുക്ഷാഃ കഃ സഹേതാനുശാസിതാ ॥ ൩൯ ॥
അസമ്ബദ്ധാ ഗിരോ രുക്ഷാഃ കഃ സഹേതാനുശാസിതാ ॥ ൩൯ ॥
അദ്യ നിഷ്കൌരവം പൃഥ്വീം കരിഷ്യാമീത്യമര്ഷിതഃ ।
ഗൃഹീത്വാ ഹലമുത്തസ്ഥൌ ദഹന്നിവ ജഗത്ത്രയമ് ॥ ൪൦ ॥
ഗൃഹീത്വാ ഹലമുത്തസ്ഥൌ ദഹന്നിവ ജഗത്ത്രയമ് ॥ ൪൦ ॥
ലാങ്ഗലാഗ്രേണ നഗരമുദ്വിദാര്യ ഗജാഹ്വയമ് ।
വിചകര്ഷ സ ഗങ്ഗായാം പ്രഹരിഷ്യന്നമര്ഷിതഃ ॥ ൪൧ ॥
വിചകര്ഷ സ ഗങ്ഗായാം പ്രഹരിഷ്യന്നമര്ഷിതഃ ॥ ൪൧ ॥
ജലയാനമിവാഘൂര്ണം ഗങ്ഗായാം നഗരം പതത് ।
ആകൃഷ്യമാണമാലോക്യ കൌരവാഃ ജാതസമ്ഭ്രമാഃ ॥ ൪൨ ॥
ആകൃഷ്യമാണമാലോക്യ കൌരവാഃ ജാതസമ്ഭ്രമാഃ ॥ ൪൨ ॥
തമേവ ശരണം ജഗ്മുഃ സകുടുമ്ബാ ജിജീവിഷവഃ ।
സലക്ഷ്മണം പുരസ്കൃത്യ സാമ്ബം പ്രാഞ്ജലയഃ പ്രഭുമ് ॥ ൪൩ ॥
സലക്ഷ്മണം പുരസ്കൃത്യ സാമ്ബം പ്രാഞ്ജലയഃ പ്രഭുമ് ॥ ൪൩ ॥
രാമ രാമാഖിലാധാര പ്രഭാവം ന വിദാമ തേ ।
മൂഢാനാം നഃ കുബുദ്ധീനാം ക്ഷന്തുമര്ഹസ്യതിക്രമമ് ॥ ൪൪ ॥
മൂഢാനാം നഃ കുബുദ്ധീനാം ക്ഷന്തുമര്ഹസ്യതിക്രമമ് ॥ ൪൪ ॥
സ്ഥിത്യുത്പത്ത്യപ്യയാനാം ത്വമേകോ ഹേതുര്നിരാശ്രയഃ ।
ലോകാന് ക്രീഡനകാനീശ ക്രീഡതസ്തേ വദന്തി ഹി ॥ ൪൫ ॥
ലോകാന് ക്രീഡനകാനീശ ക്രീഡതസ്തേ വദന്തി ഹി ॥ ൪൫ ॥
ത്വമേവ മൂര്ധ്നീദമനന്ത ലീലയാ
ഭൂമണ്ഡലം ബിഭര്ഷി സഹസ്രമൂര്ധന് ।
അന്തേ ച യഃ സ്വാത്മനിരുദ്ധവിശ്വഃ
ശേഷേഽദ്വിതീയഃ പരിശിഷ്യമാണഃ ॥ ൪൬ ॥
ഭൂമണ്ഡലം ബിഭര്ഷി സഹസ്രമൂര്ധന് ।
അന്തേ ച യഃ സ്വാത്മനിരുദ്ധവിശ്വഃ
ശേഷേഽദ്വിതീയഃ പരിശിഷ്യമാണഃ ॥ ൪൬ ॥
കോപസ്തേഽഖിലശിക്ഷാര്ഥം ന ദ്വേഷാന്ന ച മത്സരാത് ।
ബിഭ്രതോ ഭഗവന് സത്ത്വം സ്ഥിതിപാലനതത്പരഃ ॥ ൪൭ ॥
ബിഭ്രതോ ഭഗവന് സത്ത്വം സ്ഥിതിപാലനതത്പരഃ ॥ ൪൭ ॥
നമസ്തേ സര്വഭൂതാത്മന് സര്വശക്തിധരാവ്യയ ।
വിശ്വകര്മന് നമസ്തേഽസ്തു ത്വാം വയം ശരണം ഗതാഃ ॥ ൪൮ ॥
വിശ്വകര്മന് നമസ്തേഽസ്തു ത്വാം വയം ശരണം ഗതാഃ ॥ ൪൮ ॥
ശ്രീശുക ഉവാച
ഏവം പ്രപന്നൈഃ സംവിഗ്നൈര്വേപമാനായനൈര്ബലഃ ।
പ്രസാദിതഃ സുപ്രസന്നോ മാ ഭൈഷ്ടേത്യഭയം ദദൌ ॥ ൪൯ ॥
ഏവം പ്രപന്നൈഃ സംവിഗ്നൈര്വേപമാനായനൈര്ബലഃ ।
പ്രസാദിതഃ സുപ്രസന്നോ മാ ഭൈഷ്ടേത്യഭയം ദദൌ ॥ ൪൯ ॥
ദുര്യോധനഃ പാരിബര്ഹം കുഞ്ജരാന് ഷഷ്ടിഹായനാന് ।
ദദൌ ച ദ്വാദശശതാന്യയുതാനി തുരങ്ഗമാന് ॥ ൫൦ ॥
ദദൌ ച ദ്വാദശശതാന്യയുതാനി തുരങ്ഗമാന് ॥ ൫൦ ॥
രഥാനാം ഷട്സഹസ്രാണി രൌക്മാണാം സൂര്യവര്ചസാമ് ।
ദാസീനാം നിഷ്കകണ്ഠീനാം സഹസ്രം ദുഹിതൃവത്സലഃ ॥ ൫൧ ॥
ദാസീനാം നിഷ്കകണ്ഠീനാം സഹസ്രം ദുഹിതൃവത്സലഃ ॥ ൫൧ ॥
പ്രതിഗൃഹ്യ തു തത്സര്വം ഭഗവാന് സാത്വതര്ഷഭഃ ।
സസുതഃ സസ്നുഷഃ പ്രായാത് സുഹൃദ്ഭിരഭിനന്ദിതഃ ॥ ൫൨ ॥
സസുതഃ സസ്നുഷഃ പ്രായാത് സുഹൃദ്ഭിരഭിനന്ദിതഃ ॥ ൫൨ ॥
തതഃ പ്രവിഷ്ടഃ സ്വപുരം ഹലായുധഃ
സമേത്യ ബന്ധൂനനുരക്തചേതസഃ ।
ശശംസ സര്വം യദുപുങ്ഗവാനാം
മധ്യേ സഭായാം കുരുഷു സ്വചേഷ്ടിതമ് ॥ ൫൩ ॥
സമേത്യ ബന്ധൂനനുരക്തചേതസഃ ।
ശശംസ സര്വം യദുപുങ്ഗവാനാം
മധ്യേ സഭായാം കുരുഷു സ്വചേഷ്ടിതമ് ॥ ൫൩ ॥
അദ്യാപി ച പുരം ഹ്യേതത് സൂചയദ് രാമവിക്രമമ് ।
സമുന്നതം ദക്ഷിണതോ ഗങ്ഗായാമനുദൃശ്യതേ ॥ ൫൪ ॥
സമുന്നതം ദക്ഷിണതോ ഗങ്ഗായാമനുദൃശ്യതേ ॥ ൫൪ ॥