শ্রীশুক উবাচ
ইত্যুদীরিতমাকর্ণ্য দেবর্ষেরুদ্ধবোঽব্রবীত্ ।
সভ্যানাং মতমাজ্ঞায কৃষ্ণস্য চ মহামতিঃ ॥ ১ ॥
ইত্যুদীরিতমাকর্ণ্য দেবর্ষেরুদ্ধবোঽব্রবীত্ ।
সভ্যানাং মতমাজ্ঞায কৃষ্ণস্য চ মহামতিঃ ॥ ১ ॥
শ্রীউদ্ধব উবাচ
যদুক্তমৃষিনা দেব সাচিব্যং যক্ষ্যতস্ত্বযা ।
কার্যং পৈতৃষ্বস্রেযস্য রক্ষা চ শরণৈষিণাম্ ॥ ২ ॥
যদুক্তমৃষিনা দেব সাচিব্যং যক্ষ্যতস্ত্বযা ।
কার্যং পৈতৃষ্বস্রেযস্য রক্ষা চ শরণৈষিণাম্ ॥ ২ ॥
যষ্টব্যং রাজসূযেন দিক্চক্রজযিনা বিভো ।
অতো জরাসুতজয উভযার্থো মতো মম ॥ ৩ ॥
অতো জরাসুতজয উভযার্থো মতো মম ॥ ৩ ॥
অস্মাকং চ মহানর্থো হ্যেতেনৈব ভবিষ্যতি ।
যশশ্চ তব গোবিন্দ রাজ্ঞো বদ্ধান্ বিমুঞ্চতঃ ॥ ৪ ॥
যশশ্চ তব গোবিন্দ রাজ্ঞো বদ্ধান্ বিমুঞ্চতঃ ॥ ৪ ॥
স বৈ দুর্বিষহো রাজা নাগাযুতসমো বলে ।
বলিনামপি চান্যেষাং ভীমং সমবলং বিনা ॥ ৫ ॥
বলিনামপি চান্যেষাং ভীমং সমবলং বিনা ॥ ৫ ॥
দ্বৈরথে স তু জেতব্যো মা শতাক্ষৌহিণীযুতঃ ।
ব্রাহ্মণ্যোঽভ্যর্থিতো বিপ্রৈর্ন প্রত্যাখ্যাতি কর্হিচিত্ ॥ ৬ ॥
ব্রাহ্মণ্যোঽভ্যর্থিতো বিপ্রৈর্ন প্রত্যাখ্যাতি কর্হিচিত্ ॥ ৬ ॥
ব্রহ্মবেষধরো গত্বা তং ভিক্ষেত বৃকোদরঃ ।
হনিষ্যতি ন সন্দেহো দ্বৈরথে তব সন্নিধৌ ॥ ৭ ॥
হনিষ্যতি ন সন্দেহো দ্বৈরথে তব সন্নিধৌ ॥ ৭ ॥
নিমিত্তং পরমীশস্য বিশ্বসর্গনিরোধযোঃ ।
হিরণ্যগর্ভঃ শর্বশ্চ কালস্যারূপিণস্তব ॥ ৮ ॥
হিরণ্যগর্ভঃ শর্বশ্চ কালস্যারূপিণস্তব ॥ ৮ ॥
গাযন্তি তে বিশদকর্ম গৃহেষু দেব্যো
রাজ্ঞাং স্বশত্রুবধমাত্মবিমোক্ষণং চ ।
গোপ্যশ্চ কুঞ্জরপতের্জনকাত্মজাযাঃ
পিত্রোশ্চ লব্ধশরণা মুনযো বযং চ ॥ ৯ ॥
রাজ্ঞাং স্বশত্রুবধমাত্মবিমোক্ষণং চ ।
গোপ্যশ্চ কুঞ্জরপতের্জনকাত্মজাযাঃ
পিত্রোশ্চ লব্ধশরণা মুনযো বযং চ ॥ ৯ ॥
জরাসন্ধবধঃ কৃষ্ণ ভূর্যর্থাযোপকল্পতে ।
প্রাযঃ পাকবিপাকেন তব চাভিমতঃ ক্রতুঃ ॥ ১০ ॥
প্রাযঃ পাকবিপাকেন তব চাভিমতঃ ক্রতুঃ ॥ ১০ ॥
শ্রীশুক উবাচ
ইত্যুদ্ধববচো রাজন্ সর্বতোভদ্রমচ্যুতম্ ।
দেবর্ষির্যদুবৃদ্ধাশ্চ কৃষ্ণশ্চ প্রত্যপূজযন্ ॥ ১১ ॥
ইত্যুদ্ধববচো রাজন্ সর্বতোভদ্রমচ্যুতম্ ।
দেবর্ষির্যদুবৃদ্ধাশ্চ কৃষ্ণশ্চ প্রত্যপূজযন্ ॥ ১১ ॥
অথাদিশত্ প্রযাণায ভগবান্ দেবকীসুতঃ ।
ভৃত্যান্ দারুকজৈত্রাদীননুজ্ঞাপ্য গুরূন্ বিভুঃ ॥ ১২ ॥
ভৃত্যান্ দারুকজৈত্রাদীননুজ্ঞাপ্য গুরূন্ বিভুঃ ॥ ১২ ॥
নির্গময্যাবরোধান্স্বান্ সসুতান্সপরিচ্ছদান্ ।
সঙ্কর্ষণমনুজ্ঞাপ্য যদুরাজং চ শত্রুহন্ ।
সূতোপনীতং স্বরথমারুহদ্ গরুডধ্বজম্ ॥ ১৩ ॥
সঙ্কর্ষণমনুজ্ঞাপ্য যদুরাজং চ শত্রুহন্ ।
সূতোপনীতং স্বরথমারুহদ্ গরুডধ্বজম্ ॥ ১৩ ॥
ততো রথদ্বিপভটসাদিনাযকৈঃ
করালযা পরিবৃত আত্মসেনযা ।
মৃদঙ্গভের্যানকশঙ্খগোমুখৈঃ
প্রঘোষঘোষিতককুভো নিরক্রমত্ ॥ ১৪ ॥
করালযা পরিবৃত আত্মসেনযা ।
মৃদঙ্গভের্যানকশঙ্খগোমুখৈঃ
প্রঘোষঘোষিতককুভো নিরক্রমত্ ॥ ১৪ ॥
নৃবাজিকাঞ্চনশিবিকাভিরচ্যুতং
সহাত্মজাঃ পতিমনু সুব্রতা যযুঃ ।
বরাম্বরাভরণবিলেপনস্রজঃ
সুসংবৃতা নৃভিরসিচর্মপাণিভিঃ ॥ ১৫ ॥
সহাত্মজাঃ পতিমনু সুব্রতা যযুঃ ।
বরাম্বরাভরণবিলেপনস্রজঃ
সুসংবৃতা নৃভিরসিচর্মপাণিভিঃ ॥ ১৫ ॥
নরোষ্ট্রগোমহিষখরাশ্বতর্যনঃ-
করেণুভিঃ পরিজনবারযোষিতঃ ।
স্বলঙ্কৃতাঃ কটকুটিকম্বলাম্বরা-
দ্যুপস্করা যযুরধিযুজ্য সর্বতঃ ॥ ১৬ ॥
করেণুভিঃ পরিজনবারযোষিতঃ ।
স্বলঙ্কৃতাঃ কটকুটিকম্বলাম্বরা-
দ্যুপস্করা যযুরধিযুজ্য সর্বতঃ ॥ ১৬ ॥
বলং বৃহদ্ধ্বজপটছত্রচামরৈ-
র্বরাযুধাভরণকিরীটবর্মভিঃ ।
দিবাংশুভিস্তুমুলরবং বভৌ রবে-
র্যথার্ণবঃ ক্ষুভিততিমিঙ্গিলোর্মিভিঃ ॥ ১৭ ॥
র্বরাযুধাভরণকিরীটবর্মভিঃ ।
দিবাংশুভিস্তুমুলরবং বভৌ রবে-
র্যথার্ণবঃ ক্ষুভিততিমিঙ্গিলোর্মিভিঃ ॥ ১৭ ॥
অথো মুনির্যদুপতিনা সভাজিতঃ
প্রণম্য তং হৃদি বিদধদ্ বিহাযসা ।
নিশম্য তদ্ব্যবসিতমাহৃতার্হণো
মুকুন্দসন্দরশননির্বৃতেন্দ্রিযঃ ॥ ১৮ ॥
প্রণম্য তং হৃদি বিদধদ্ বিহাযসা ।
নিশম্য তদ্ব্যবসিতমাহৃতার্হণো
মুকুন্দসন্দরশননির্বৃতেন্দ্রিযঃ ॥ ১৮ ॥
রাজদূতমুবাচেদং ভগবান্ প্রীণযন্ গিরা ।
মা ভৈষ্ট দূত ভদ্রং বো ঘাতযিষ্যামি মাগধম্ ॥ ১৯ ॥
মা ভৈষ্ট দূত ভদ্রং বো ঘাতযিষ্যামি মাগধম্ ॥ ১৯ ॥
ইত্যুক্তঃ প্রস্থিতো দূতো যথাবদবদন্নৃপান্ ।
তেঽপি সন্দর্শনং শৌরেঃ প্রত্যৈক্ষন্ যন্মুমুক্ষবঃ ॥ ২০ ॥
তেঽপি সন্দর্শনং শৌরেঃ প্রত্যৈক্ষন্ যন্মুমুক্ষবঃ ॥ ২০ ॥
আনর্তসৌবীরমরূংস্তীর্ত্বা বিনশনং হরিঃ ।
গিরীন্ নদীরতীযায পুরগ্রামব্রজাকরান্ ॥ ২১ ॥
গিরীন্ নদীরতীযায পুরগ্রামব্রজাকরান্ ॥ ২১ ॥
ততো দৃষদ্বতীং তীর্ত্বা মুকুন্দোঽথ সরস্বতীম্ ।
পঞ্চালানথ মত্স্যাংশ্চ শক্রপ্রস্থমথাগমত্ ॥ ২২ ॥
পঞ্চালানথ মত্স্যাংশ্চ শক্রপ্রস্থমথাগমত্ ॥ ২২ ॥
তমুপাগতমাকর্ণ্য প্রীতো দুর্দর্শনং নৃণাম্ ।
অজাতশত্রুর্নিরগাত্ সোপধ্যাযঃ সুহৃদ্বৃতঃ ॥ ২৩ ॥
অজাতশত্রুর্নিরগাত্ সোপধ্যাযঃ সুহৃদ্বৃতঃ ॥ ২৩ ॥
গীতবাদিত্রঘোষেণ ব্রহ্মঘোষেণ ভূযসা ।
অভ্যযাত্স হৃষীকেশং প্রাণাঃ প্রাণমিবাদৃতঃ ॥ ২৪ ॥
অভ্যযাত্স হৃষীকেশং প্রাণাঃ প্রাণমিবাদৃতঃ ॥ ২৪ ॥
দৃষ্ট্বা বিক্লিন্নহৃদযঃ কৃষ্ণং স্নেহেন পাণ্ডবঃ ।
চিরাদ্ দৃষ্টং প্রিযতমং সস্বজেঽথ পুনঃ পুনঃ ॥ ২৫ ॥
চিরাদ্ দৃষ্টং প্রিযতমং সস্বজেঽথ পুনঃ পুনঃ ॥ ২৫ ॥
দোর্ভ্যাং পরিষ্বজ্য রমামলালযং
মুকুন্দগাত্রং নৃপতির্হতাশুভঃ ।
লেভে পরাং নির্বৃতিমশ্রুলোচনো
হৃষ্যত্তনুর্বিস্মৃতলোকবিভ্রমঃ ॥ ২৬ ॥
মুকুন্দগাত্রং নৃপতির্হতাশুভঃ ।
লেভে পরাং নির্বৃতিমশ্রুলোচনো
হৃষ্যত্তনুর্বিস্মৃতলোকবিভ্রমঃ ॥ ২৬ ॥
তং মাতুলেযং পরিরভ্য নির্বৃতো
ভীমঃ স্মযন্ প্রেমজলাকুলেন্দ্রিযঃ ।
যমৌ কিরীটী চ সুহৃত্তমং মুদা
প্রবৃদ্ধবাষ্পাঃ পরিরেভিরেঽচ্যুতম্ ॥ ২৭ ॥
ভীমঃ স্মযন্ প্রেমজলাকুলেন্দ্রিযঃ ।
যমৌ কিরীটী চ সুহৃত্তমং মুদা
প্রবৃদ্ধবাষ্পাঃ পরিরেভিরেঽচ্যুতম্ ॥ ২৭ ॥
অর্জুনেন পরিষ্বক্তো যমাভ্যামভিবাদিতঃ ।
ব্রাহ্মণেভ্যো নমস্কৃত্য বৃদ্ধেভ্যশ্চ যথার্হতঃ ।
মানিনো মানযামাস কুরুসৃঞ্জযকৈকযান্ ॥ ২৮ ॥
ব্রাহ্মণেভ্যো নমস্কৃত্য বৃদ্ধেভ্যশ্চ যথার্হতঃ ।
মানিনো মানযামাস কুরুসৃঞ্জযকৈকযান্ ॥ ২৮ ॥
সূতমাগধগন্ধর্বা বন্দিনশ্চোপমন্ত্রিণঃ ।
মৃদঙ্গশঙ্খপটহবীণাপণবগোমুখৈঃ ।
ব্রাহ্মণাশ্চারবিন্দাক্ষং তুষ্টুবুর্ননৃতুর্জগুঃ ॥ ২৯ ॥
মৃদঙ্গশঙ্খপটহবীণাপণবগোমুখৈঃ ।
ব্রাহ্মণাশ্চারবিন্দাক্ষং তুষ্টুবুর্ননৃতুর্জগুঃ ॥ ২৯ ॥
এবং সুহৃদ্ভিঃ পর্যস্তঃ পুণ্যশ্লোকশিখামণিঃ ।
সংস্তূযমানো ভগবান্ বিবেশালঙ্কৃতং পুরম্ ॥ ৩০ ॥
সংস্তূযমানো ভগবান্ বিবেশালঙ্কৃতং পুরম্ ॥ ৩০ ॥
সংসিক্তবর্ত্ম করিণাং মদগন্ধতোযৈ-
শ্চিত্রধ্বজৈঃ কনকতোরণপূর্ণকুম্ভৈঃ ।
মৃষ্টাত্মভির্নবদুকূলবিভূষণস্রগ্-
গন্ধৈর্নৃভির্যুবতিভিশ্চ বিরাজমানম্ ॥ ৩১ ॥
শ্চিত্রধ্বজৈঃ কনকতোরণপূর্ণকুম্ভৈঃ ।
মৃষ্টাত্মভির্নবদুকূলবিভূষণস্রগ্-
গন্ধৈর্নৃভির্যুবতিভিশ্চ বিরাজমানম্ ॥ ৩১ ॥
উদ্দীপ্তদীপবলিভিঃ প্রতিসদ্মজাল-
নির্যাতধূপরুচিরং বিলসত্পতাকম্ ।
মূর্ধন্যহেমকলশৈ রজতোরুশৃঙ্গৈ-
র্জুষ্টং দদর্শ ভবনৈঃ কুরুরাজধাম ॥ ৩২ ॥
নির্যাতধূপরুচিরং বিলসত্পতাকম্ ।
মূর্ধন্যহেমকলশৈ রজতোরুশৃঙ্গৈ-
র্জুষ্টং দদর্শ ভবনৈঃ কুরুরাজধাম ॥ ৩২ ॥
প্রাপ্তং নিশম্য নরলোচনপানপাত্র-
মৌত্সুক্যবিশ্লথিতকেশদুকূলবন্ধাঃ ।
সদ্যো বিসৃজ্য গৃহকর্ম পতীংশ্চ তল্পে
দ্রষ্টুং যযুর্যুবতযঃ স্ম নরেন্দ্রমার্গে ॥ ৩৩ ॥
মৌত্সুক্যবিশ্লথিতকেশদুকূলবন্ধাঃ ।
সদ্যো বিসৃজ্য গৃহকর্ম পতীংশ্চ তল্পে
দ্রষ্টুং যযুর্যুবতযঃ স্ম নরেন্দ্রমার্গে ॥ ৩৩ ॥
তস্মিন্ সুসঙ্কুল ইভাশ্বরথদ্বিপদ্ভিঃ
কৃষ্ণং সভার্যমুপলভ্য গৃহাধিরূঢাঃ ।
নার্যো বিকীর্য কুসুমৈর্মনসোপগুহ্য
সুস্বাগতং বিদধুরুত্স্মযবীক্ষিতেন ॥ ৩৪ ॥
কৃষ্ণং সভার্যমুপলভ্য গৃহাধিরূঢাঃ ।
নার্যো বিকীর্য কুসুমৈর্মনসোপগুহ্য
সুস্বাগতং বিদধুরুত্স্মযবীক্ষিতেন ॥ ৩৪ ॥
ঊচুঃ স্ত্রিযঃ পথি নিরীক্ষ্য মুকুন্দপত্নী-
স্তারা যথোডুপসহাঃ কিমকার্যমূভিঃ ।
যচ্চক্ষুষাং পুরুষমৌলিরুদারহাস-
লীলাবলোককলযোত্সবমাতনোতি ॥ ৩৫ ॥
স্তারা যথোডুপসহাঃ কিমকার্যমূভিঃ ।
যচ্চক্ষুষাং পুরুষমৌলিরুদারহাস-
লীলাবলোককলযোত্সবমাতনোতি ॥ ৩৫ ॥
তত্র তত্রোপসঙ্গম্য পৌরা মঙ্গলপাণযঃ ।
চক্রুঃ সপর্যাং কৃষ্ণায শ্রেণীমুখ্যা হতৈনসঃ ॥ ৩৬ ॥
চক্রুঃ সপর্যাং কৃষ্ণায শ্রেণীমুখ্যা হতৈনসঃ ॥ ৩৬ ॥
অন্তঃপুরজনৈঃ প্রীত্যা মুকুন্দঃ ফুল্ললোচনৈঃ ।
সসম্ভ্রমৈরভ্যুপেতঃ প্রাবিশদ্ রাজমন্দিরম্ ॥ ৩৭ ॥
সসম্ভ্রমৈরভ্যুপেতঃ প্রাবিশদ্ রাজমন্দিরম্ ॥ ৩৭ ॥
পৃথা বিলোক্য ভ্রাত্রেযং কৃষ্ণং ত্রিভুবনেশ্বরম্ ।
প্রীতাত্মোত্থায পর্যঙ্কাত্ সস্নুষা পরিষস্বজে ॥ ৩৮ ॥
প্রীতাত্মোত্থায পর্যঙ্কাত্ সস্নুষা পরিষস্বজে ॥ ৩৮ ॥
গোবিন্দং গৃহমানীয দেবদেবেশমাদৃতঃ ।
পূজাযাং নাবিদত্কৃত্যং প্রমোদোপহতো নৃপঃ ॥ ৩৯ ॥
পূজাযাং নাবিদত্কৃত্যং প্রমোদোপহতো নৃপঃ ॥ ৩৯ ॥
পিতৃষ্বসুর্গুরুস্ত্রীণাং কৃষ্ণশ্চক্রেঽভিবাদনম্ ।
স্বযং চ কৃষ্ণযা রাজন্ভগিন্যা চাভিবন্দিতঃ ॥ ৪০ ॥
স্বযং চ কৃষ্ণযা রাজন্ভগিন্যা চাভিবন্দিতঃ ॥ ৪০ ॥
শ্বশ্র্বা সঞ্চোদিতা কৃষ্ণা কৃষ্ণপত্নীশ্চ সর্বশঃ ।
আনর্চ রুক্মিণীং সত্যাং ভদ্রাং জাম্ববতীং তথা ॥ ৪১ ॥
আনর্চ রুক্মিণীং সত্যাং ভদ্রাং জাম্ববতীং তথা ॥ ৪১ ॥
কালিন্দীং মিত্রবিন্দাং চ শৈব্যাং নাগ্নজিতীং সতীম্ ।
অন্যাশ্চাভ্যাগতা যাস্তু বাসঃস্রঙ্মণ্ডনাদিভিঃ ॥ ৪২ ॥
অন্যাশ্চাভ্যাগতা যাস্তু বাসঃস্রঙ্মণ্ডনাদিভিঃ ॥ ৪২ ॥
সুখং নিবাসযামাস ধর্মরাজো জনার্দনম্ ।
সসৈন্যং সানুগামত্যং সভার্যং চ নবং নবম্ ॥ ৪৩ ॥
সসৈন্যং সানুগামত্যং সভার্যং চ নবং নবম্ ॥ ৪৩ ॥
তর্পযিত্বা খাণ্ডবেন বহ্নিং ফাল্গুনসংযুতঃ ।
মোচযিত্বা মযং যেন রাজ্ঞে দিব্যা সভা কৃতা ॥ ৪৪ ॥
মোচযিত্বা মযং যেন রাজ্ঞে দিব্যা সভা কৃতা ॥ ৪৪ ॥
উবাস কতিচিন্মাসান্ রাজ্ঞঃ প্রিযচিকীর্ষযা ।
বিহরন্ রথমারুহ্য ফাল্গুনেন ভটৈর্বৃতঃ ॥ ৪৫ ॥
বিহরন্ রথমারুহ্য ফাল্গুনেন ভটৈর্বৃতঃ ॥ ৪৫ ॥
উবাস কতিচিন্মাসান্ রাজ্ঞঃ প্রিযচিকীর্ষযা ।
বিহরন্ রথমারুহ্য ফাল্গুনেন ভটৈর্বৃতঃ
বিহরন্ রথমারুহ্য ফাল্গুনেন ভটৈর্বৃতঃ