ଶ୍ରୀଶୁକ ଉଵାଚ
ଏଵଂ ଯୁଧିଷ୍ଠିରୋ ରାଜା ଜରାସନ୍ଧଵଧଂ ଵିଭୋଃ ।
କୃଷ୍ଣସ୍ଯ ଚାନୁଭାଵଂ ତଂ ଶ୍ରୁତ୍ଵା ପ୍ରୀତସ୍ତମବ୍ରଵୀତ୍ ॥ ୧ ॥
ଏଵଂ ଯୁଧିଷ୍ଠିରୋ ରାଜା ଜରାସନ୍ଧଵଧଂ ଵିଭୋଃ ।
କୃଷ୍ଣସ୍ଯ ଚାନୁଭାଵଂ ତଂ ଶ୍ରୁତ୍ଵା ପ୍ରୀତସ୍ତମବ୍ରଵୀତ୍ ॥ ୧ ॥
ଶ୍ରୀଯୁଧିଷ୍ଠିର ଉଵାଚ
ଯେ ସ୍ଯୁସ୍ତ୍ରୈଲୋକ୍ଯଗୁରଵଃ ସର୍ଵେ ଲୋକାମହେଶ୍ଵରାଃ ।
ଵହନ୍ତି ଦୁର୍ଲଭଂ ଲବ୍ଧ୍ଵା ଶିରସୈଵାନୁଶାସନମ୍ ॥ ୨ ॥
ଯେ ସ୍ଯୁସ୍ତ୍ରୈଲୋକ୍ଯଗୁରଵଃ ସର୍ଵେ ଲୋକାମହେଶ୍ଵରାଃ ।
ଵହନ୍ତି ଦୁର୍ଲଭଂ ଲବ୍ଧ୍ଵା ଶିରସୈଵାନୁଶାସନମ୍ ॥ ୨ ॥
ସ ଭଵାନରଵିନ୍ଦାକ୍ଷୋ ଦୀନାନାମୀଶମାନିନାମ୍ ।
ଧତ୍ତେଽନୁଶାସନଂ ଭୂମଂସ୍ତଦତ୍ଯନ୍ତଵିଡମ୍ବନମ୍ ॥ ୩ ॥
ଧତ୍ତେଽନୁଶାସନଂ ଭୂମଂସ୍ତଦତ୍ଯନ୍ତଵିଡମ୍ବନମ୍ ॥ ୩ ॥
ନ ହ୍ଯେକସ୍ଯାଦ୍ଵିତୀଯସ୍ଯ ବ୍ରହ୍ମଣଃ ପରମାତ୍ମନଃ ।
କର୍ମଭିର୍ଵର୍ଧତେ ତେଜୋ ହ୍ରସତେ ଚ ଯଥା ରଵେଃ ॥ ୪ ॥
କର୍ମଭିର୍ଵର୍ଧତେ ତେଜୋ ହ୍ରସତେ ଚ ଯଥା ରଵେଃ ॥ ୪ ॥
ନ ଵୈ ତେଽଜିତ ଭକ୍ତାନାଂ ମମାହମିତି ମାଧଵ ।
ତ୍ଵଂ ତଵେତି ଚ ନାନାଧୀଃ ପଶୂନାମିଵ ଵୈକୃତୀ ॥ ୫ ॥
ତ୍ଵଂ ତଵେତି ଚ ନାନାଧୀଃ ପଶୂନାମିଵ ଵୈକୃତୀ ॥ ୫ ॥
ଶ୍ରୀଶୁକ ଉଵାଚ
ଇତ୍ଯୁକ୍ତ୍ଵା ଯଜ୍ଞିଯେ କାଲେ ଵଵ୍ରେ ଯୁକ୍ତାନ୍ ସ ଋତ୍ଵିଜଃ ।
କୃଷ୍ଣାନୁମୋଦିତଃ ପାର୍ଥୋ ବ୍ରାହ୍ମଣାନ୍ ବ୍ରହ୍ମଵାଦିନଃ ॥ ୬ ॥
ଇତ୍ଯୁକ୍ତ୍ଵା ଯଜ୍ଞିଯେ କାଲେ ଵଵ୍ରେ ଯୁକ୍ତାନ୍ ସ ଋତ୍ଵିଜଃ ।
କୃଷ୍ଣାନୁମୋଦିତଃ ପାର୍ଥୋ ବ୍ରାହ୍ମଣାନ୍ ବ୍ରହ୍ମଵାଦିନଃ ॥ ୬ ॥
ଦ୍ଵୈପାଯନୋ ଭରଦ୍ଵାଜଃ ସୁମନ୍ତୁର୍ଗୋତମୋଽସିତଃ ।
ଵସିଷ୍ଠଶ୍ଚ୍ଯଵନଃ କଣ୍ଵୋ ମୈତ୍ରେଯଃ କଵଷସ୍ତ୍ରିତଃ ॥ ୭ ॥
ଵସିଷ୍ଠଶ୍ଚ୍ଯଵନଃ କଣ୍ଵୋ ମୈତ୍ରେଯଃ କଵଷସ୍ତ୍ରିତଃ ॥ ୭ ॥
ଵିଶ୍ଵାମିତ୍ରୋ ଵାମଦେଵଃ ସୁମତିର୍ଜୈମିନିଃ କ୍ରତୁଃ ।
ପୈଲଃ ପରାଶରୋ ଗର୍ଗୋ ଵୈଶମ୍ପାଯନ ଏଵ ଚ ॥ ୮ ॥
ପୈଲଃ ପରାଶରୋ ଗର୍ଗୋ ଵୈଶମ୍ପାଯନ ଏଵ ଚ ॥ ୮ ॥
ଅଥର୍ଵା କଶ୍ଯପୋ ଧୌମ୍ଯୋ ରାମୋ ଭାର୍ଗଵ ଆସୁରିଃ ।
ଵୀତିହୋତ୍ରୋ ମଧୁଚ୍ଛନ୍ଦା ଵୀରସେନୋଽକୃତଵ୍ରଣଃ ॥ ୯ ॥
ଵୀତିହୋତ୍ରୋ ମଧୁଚ୍ଛନ୍ଦା ଵୀରସେନୋଽକୃତଵ୍ରଣଃ ॥ ୯ ॥
ଉପହୂତାସ୍ତଥା ଚାନ୍ଯେ ଦ୍ରୋଣଭୀଷ୍ମକୃପାଦଯଃ ।
ଧୃତରାଷ୍ଟ୍ରଃ ସହସୁତୋ ଵିଦୁରଶ୍ଚ ମହାମତିଃ ॥ ୧୦ ॥
ଧୃତରାଷ୍ଟ୍ରଃ ସହସୁତୋ ଵିଦୁରଶ୍ଚ ମହାମତିଃ ॥ ୧୦ ॥
ବ୍ରାହ୍ମଣାଃ କ୍ଷତ୍ରିଯା ଵୈଶ୍ଯାଃ ଶୂଦ୍ରା ଯଜ୍ଞଦିଦୃକ୍ଷଵଃ ।
ତତ୍ରେଯୁଃ ସର୍ଵରାଜାନୋ ରାଜ୍ଞାଂ ପ୍ରକୃତଯୋ ନୃପ ॥ ୧୧ ॥
ତତ୍ରେଯୁଃ ସର୍ଵରାଜାନୋ ରାଜ୍ଞାଂ ପ୍ରକୃତଯୋ ନୃପ ॥ ୧୧ ॥
ତତସ୍ତେ ଦେଵଯଜନଂ ବ୍ରାହ୍ମଣାଃ ସ୍ଵର୍ଣଲାଙ୍ଗଲୈଃ ।
କୃଷ୍ଟ୍ଵା ତତ୍ର ଯଥାମ୍ନାଯଂ ଦୀକ୍ଷଯାଂ ଚକ୍ରିରେ ନୃପମ୍ ॥ ୧୨ ॥
କୃଷ୍ଟ୍ଵା ତତ୍ର ଯଥାମ୍ନାଯଂ ଦୀକ୍ଷଯାଂ ଚକ୍ରିରେ ନୃପମ୍ ॥ ୧୨ ॥
ହୈମାଃ କିଲୋପକରଣା ଵରୁଣସ୍ଯ ଯଥା ପୁରା ।
ଇନ୍ଦ୍ରାଦଯୋ ଲୋକପାଲା ଵିରିଞ୍ଚିଭଵସଂଯୁତାଃ ॥ ୧୩ ॥
ଇନ୍ଦ୍ରାଦଯୋ ଲୋକପାଲା ଵିରିଞ୍ଚିଭଵସଂଯୁତାଃ ॥ ୧୩ ॥
ସଗଣାଃ ସିଦ୍ଧଗନ୍ଧର୍ଵା ଵିଦ୍ଯାଧରମହୋରଗାଃ ।
ମୁନଯୋ ଯକ୍ଷରକ୍ଷାଂସି ଖଗକିନ୍ନରଚାରଣାଃ ॥ ୧୪ ॥
ମୁନଯୋ ଯକ୍ଷରକ୍ଷାଂସି ଖଗକିନ୍ନରଚାରଣାଃ ॥ ୧୪ ॥
ରାଜାନଶ୍ଚ ସମାହୂତା ରାଜପତ୍ନ୍ଯଶ୍ଚ ସର୍ଵଶଃ ।
ରାଜସୂଯଂ ସମୀଯୁଃ ସ୍ମ ରାଜ୍ଞଃ ପାଣ୍ଡୁସୁତସ୍ଯ ଵୈ ।
ମେନିରେ କୃଷ୍ଣଭକ୍ତସ୍ଯ ସୂପପନ୍ନମଵିସ୍ମିତାଃ ॥ ୧୫ ॥
ରାଜସୂଯଂ ସମୀଯୁଃ ସ୍ମ ରାଜ୍ଞଃ ପାଣ୍ଡୁସୁତସ୍ଯ ଵୈ ।
ମେନିରେ କୃଷ୍ଣଭକ୍ତସ୍ଯ ସୂପପନ୍ନମଵିସ୍ମିତାଃ ॥ ୧୫ ॥
ଅଯାଜଯନ୍ ମହାରାଜଂ ଯାଜକା ଦେଵଵର୍ଚସଃ ।
ରାଜସୂଯେନ ଵିଧିଵତ୍ ପ୍ରଚେତସମିଵାମରାଃ ॥ ୧୬ ॥
ରାଜସୂଯେନ ଵିଧିଵତ୍ ପ୍ରଚେତସମିଵାମରାଃ ॥ ୧୬ ॥
ସୂତ୍ଯେଽହନ୍ଯଵନୀପାଲୋ ଯାଜକାନ୍ ସଦସସ୍ପତୀନ୍ ।
ଅପୂଜଯନ୍ ମହାଭାଗାନ୍ ଯଥାଵତ୍ ସୁସମାହିତଃ ॥ ୧୭ ॥
ଅପୂଜଯନ୍ ମହାଭାଗାନ୍ ଯଥାଵତ୍ ସୁସମାହିତଃ ॥ ୧୭ ॥
ସଦସ୍ଯାଗ୍ର୍ଯାର୍ହଣାର୍ହଂ ଵୈ ଵିମୃଶନ୍ତଃ ସଭାସଦଃ ।
ନାଧ୍ଯଗଚ୍ଛନ୍ନନୈକାନ୍ତ୍ଯାତ୍ ସହଦେଵସ୍ତଦାବ୍ରଵୀତ୍ ॥ ୧୮ ॥
ନାଧ୍ଯଗଚ୍ଛନ୍ନନୈକାନ୍ତ୍ଯାତ୍ ସହଦେଵସ୍ତଦାବ୍ରଵୀତ୍ ॥ ୧୮ ॥
ଅର୍ହତି ହ୍ଯଚ୍ଯୁତଃ ଶ୍ରୈଷ୍ଠ୍ଯଂ ଭଗଵାନ୍ ସାତ୍ଵତାଂ ପତିଃ ।
ଏଷ ଵୈ ଦେଵତାଃ ସର୍ଵା ଦେଶକାଲଧନାଦଯଃ ॥ ୧୯ ॥
ଏଷ ଵୈ ଦେଵତାଃ ସର୍ଵା ଦେଶକାଲଧନାଦଯଃ ॥ ୧୯ ॥
ଯଦାତ୍ମକମିଦଂ ଵିଶ୍ଵଂ କ୍ରତଵଶ୍ଚ ଯଦାତ୍ମକାଃ ।
ଅଗ୍ନିରାହୁତଯୋ ମନ୍ତ୍ରା ସାଙ୍ଖ୍ଯଂ ଯୋଗଶ୍ଚ ଯତ୍ପରଃ ॥ ୨୦ ॥
ଅଗ୍ନିରାହୁତଯୋ ମନ୍ତ୍ରା ସାଙ୍ଖ୍ଯଂ ଯୋଗଶ୍ଚ ଯତ୍ପରଃ ॥ ୨୦ ॥
ଏକ ଏଵାଦ୍ଵିତୀଯୋଽସାଵୈତଦାତ୍ମ୍ଯମିଦଂ ଜଗତ୍ ।
ଆତ୍ମନାତ୍ମାଶ୍ରଯଃ ସଭ୍ଯାଃ ସୃଜତ୍ଯଵତି ହନ୍ତ୍ଯଜଃ ॥ ୨୧ ॥
ଆତ୍ମନାତ୍ମାଶ୍ରଯଃ ସଭ୍ଯାଃ ସୃଜତ୍ଯଵତି ହନ୍ତ୍ଯଜଃ ॥ ୨୧ ॥
ଵିଵିଧାନୀହ କର୍ମାଣି ଜନଯନ୍ ଯଦଵେକ୍ଷଯା ।
ଈହତେ ଯଦଯଂ ସର୍ଵଃ ଶ୍ରେଯୋ ଧର୍ମାଦିଲକ୍ଷଣମ୍ ॥ ୨୨ ॥
ଈହତେ ଯଦଯଂ ସର୍ଵଃ ଶ୍ରେଯୋ ଧର୍ମାଦିଲକ୍ଷଣମ୍ ॥ ୨୨ ॥
ତସ୍ମାତ୍ କୃଷ୍ଣାଯ ମହତେ ଦୀଯତାଂ ପରମାର୍ହଣମ୍ ।
ଏଵଂ ଚେତ୍ ସର୍ଵଭୂତାନାମାତ୍ମନଶ୍ଚାର୍ହଣଂ ଭଵେତ୍ ॥ ୨୩ ॥
ଏଵଂ ଚେତ୍ ସର୍ଵଭୂତାନାମାତ୍ମନଶ୍ଚାର୍ହଣଂ ଭଵେତ୍ ॥ ୨୩ ॥
ସର୍ଵଭୂତାତ୍ମଭୂତାଯ କୃଷ୍ଣାଯାନନ୍ଯଦର୍ଶିନେ ।
ଦେଯଂ ଶାନ୍ତାଯ ପୂର୍ଣାଯ ଦତ୍ତସ୍ଯାନନ୍ତ୍ଯମିଚ୍ଛତା ॥ ୨୪ ॥
ଦେଯଂ ଶାନ୍ତାଯ ପୂର୍ଣାଯ ଦତ୍ତସ୍ଯାନନ୍ତ୍ଯମିଚ୍ଛତା ॥ ୨୪ ॥
ଇତ୍ଯୁକ୍ତ୍ଵା ସହଦେଵୋଽଭୂତ୍ ତୂଷ୍ଣୀଂ କୃଷ୍ଣାନୁଭାଵଵିତ୍ ।
ତଚ୍ଛ୍ରୁତ୍ଵା ତୁଷ୍ଟୁଵୁଃ ସର୍ଵେ ସାଧୁ ସାଧ୍ଵିତି ସତ୍ତମାଃ ॥ ୨୫ ॥
ତଚ୍ଛ୍ରୁତ୍ଵା ତୁଷ୍ଟୁଵୁଃ ସର୍ଵେ ସାଧୁ ସାଧ୍ଵିତି ସତ୍ତମାଃ ॥ ୨୫ ॥
ଶ୍ରୁତ୍ଵା ଦ୍ଵିଜେରିତଂ ରାଜା ଜ୍ଞାତ୍ଵା ହାର୍ଦଂ ସଭାସଦାମ୍ ।
ସମର୍ହଯଦ୍ଧୃଷୀକେଶଂ ପ୍ରୀତଃ ପ୍ରଣଯଵିହ୍ଵଲଃ ॥ ୨୬ ॥
ସମର୍ହଯଦ୍ଧୃଷୀକେଶଂ ପ୍ରୀତଃ ପ୍ରଣଯଵିହ୍ଵଲଃ ॥ ୨୬ ॥
ତତ୍ପାଦାଵଵନିଜ୍ଯାପଃ ଶିରସା ଲୋକପାଵନୀଃ ।
ସଭାର୍ଯଃ ସାନୁଜାମାତ୍ଯଃ ସକୁଟୁମ୍ବୋ ଵହନ୍ମୁଦା ॥ ୨୭ ॥
ସଭାର୍ଯଃ ସାନୁଜାମାତ୍ଯଃ ସକୁଟୁମ୍ବୋ ଵହନ୍ମୁଦା ॥ ୨୭ ॥
ଵାସୋଭିଃ ପୀତକୌଷେଯୈର୍ଭୂଷଣୈଶ୍ଚ ମହାଧନୈଃ ।
ଅର୍ହଯିତ୍ଵାଶ୍ରୁପୂର୍ଣାକ୍ଷୋ ନାଶକତ୍ ସମଵେକ୍ଷିତୁମ୍ ॥ ୨୮ ॥
ଅର୍ହଯିତ୍ଵାଶ୍ରୁପୂର୍ଣାକ୍ଷୋ ନାଶକତ୍ ସମଵେକ୍ଷିତୁମ୍ ॥ ୨୮ ॥
ଇତ୍ଥଂ ସଭାଜିତଂ ଵୀକ୍ଷ୍ଯ ସର୍ଵେ ପ୍ରାଞ୍ଜଲଯୋ ଜନାଃ ।
ନମୋ ଜଯେତି ନେମୁସ୍ତଂ ନିପେତୁଃ ପୁଷ୍ପଵୃଷ୍ଟଯଃ ॥ ୨୯ ॥
ନମୋ ଜଯେତି ନେମୁସ୍ତଂ ନିପେତୁଃ ପୁଷ୍ପଵୃଷ୍ଟଯଃ ॥ ୨୯ ॥
ଇତ୍ଥଂ ନିଶମ୍ଯ ଦମଘୋଷସୁତଃ ସ୍ଵପୀଠା-
ଦୁତ୍ଥାଯ କୃଷ୍ଣଗୁଣଵର୍ଣନଜାତମନ୍ଯୁଃ ।
ଉତ୍କ୍ଷିପ୍ଯ ବାହୁମିଦମାହ ସଦସ୍ଯମର୍ଷୀ
ସଂଶ୍ରାଵଯନ୍ ଭଗଵତେ ପରୁଷାଣ୍ଯଭୀତଃ ॥ ୩୦ ॥
ଦୁତ୍ଥାଯ କୃଷ୍ଣଗୁଣଵର୍ଣନଜାତମନ୍ଯୁଃ ।
ଉତ୍କ୍ଷିପ୍ଯ ବାହୁମିଦମାହ ସଦସ୍ଯମର୍ଷୀ
ସଂଶ୍ରାଵଯନ୍ ଭଗଵତେ ପରୁଷାଣ୍ଯଭୀତଃ ॥ ୩୦ ॥
ଈଶୋ ଦୁରତ୍ଯଯଃ କାଲ ଇତି ସତ୍ଯଵତୀ ଶ୍ରୁତିଃ ।
ଵୃଦ୍ଧାନାମପି ଯଦ୍ ବୁଦ୍ଧିର୍ବାଲଵାକ୍ଯୈର୍ଵିଭିଦ୍ଯତେ ॥ ୩୧ ॥
ଵୃଦ୍ଧାନାମପି ଯଦ୍ ବୁଦ୍ଧିର୍ବାଲଵାକ୍ଯୈର୍ଵିଭିଦ୍ଯତେ ॥ ୩୧ ॥
ଯୂଯଂ ପାତ୍ରଵିଦାଂ ଶ୍ରେଷ୍ଠା ମା ମନ୍ଧ୍ଵଂ ବାଲଭାଷିତମ୍ ।
ସଦସସ୍ପତଯଃ ସର୍ଵେ କୃଷ୍ଣୋ ଯତ୍ ସମ୍ମତୋଽର୍ହଣେ ॥ ୩୨ ॥
ସଦସସ୍ପତଯଃ ସର୍ଵେ କୃଷ୍ଣୋ ଯତ୍ ସମ୍ମତୋଽର୍ହଣେ ॥ ୩୨ ॥
ତପୋଵିଦ୍ଯାଵ୍ରତଧରାନ୍ ଜ୍ଞାନଵିଧ୍ଵସ୍ତକଲ୍ମଷାନ୍ ।
ପରମଋଷୀନ୍ବ୍ରହ୍ମନିଷ୍ଠାଲ୍ଁ ଲୋକପାଲୈଶ୍ଚ ପୂଜିତାନ୍ ॥ ୩୩ ॥
ପରମଋଷୀନ୍ବ୍ରହ୍ମନିଷ୍ଠାଲ୍ଁ ଲୋକପାଲୈଶ୍ଚ ପୂଜିତାନ୍ ॥ ୩୩ ॥
ସଦସ୍ପତୀନତିକ୍ରମ୍ଯ ଗୋପାଲଃ କୁଲପାଂସନଃ ।
ଯଥା କାକଃ ପୁରୋଡାଶଂ ସପର୍ଯାଂ କଥମର୍ହତି ॥ ୩୪ ॥
ଯଥା କାକଃ ପୁରୋଡାଶଂ ସପର୍ଯାଂ କଥମର୍ହତି ॥ ୩୪ ॥
ଵର୍ଣାଶ୍ରମକୁଲାପେତଃ ସର୍ଵଧର୍ମବହିଷ୍କୃତଃ ।
ସ୍ଵୈରଵର୍ତୀ ଗୁଣୈର୍ହୀନଃ ସପର୍ଯାଂ କଥମର୍ହତି ॥ ୩୫ ॥
ସ୍ଵୈରଵର୍ତୀ ଗୁଣୈର୍ହୀନଃ ସପର୍ଯାଂ କଥମର୍ହତି ॥ ୩୫ ॥
ଯଯାତିନୈଷାଂ ହି କୁଲଂ ଶପ୍ତଂ ସଦ୍ଭିର୍ବହିଷ୍କୃତମ୍ ।
ଵୃଥାପାନରତଂ ଶଶ୍ଵତ୍ ସପର୍ଯାଂ କଥମର୍ହତି ॥ ୩୬ ॥
ଵୃଥାପାନରତଂ ଶଶ୍ଵତ୍ ସପର୍ଯାଂ କଥମର୍ହତି ॥ ୩୬ ॥
ବ୍ରହ୍ମର୍ଷିସେଵିତାନ୍ ଦେଶାନ୍ ହିତ୍ଵୈତେଽବ୍ରହ୍ମଵର୍ଚସମ୍ ।
ସମୁଦ୍ରଂ ଦୁର୍ଗମାଶ୍ରିତ୍ଯ ବାଧନ୍ତେ ଦସ୍ଯଵଃ ପ୍ରଜାଃ ॥ ୩୭ ॥
ସମୁଦ୍ରଂ ଦୁର୍ଗମାଶ୍ରିତ୍ଯ ବାଧନ୍ତେ ଦସ୍ଯଵଃ ପ୍ରଜାଃ ॥ ୩୭ ॥
ଏଵମାଦୀନ୍ଯଭଦ୍ରାଣି ବଭାଷେ ନଷ୍ଟମଙ୍ଗଲଃ ।
ନୋଵାଚ କିଞ୍ଚିଦ୍ଭଗଵାନ୍ଯଥା ସିଂହଃ ଶିଵାରୁତମ୍ ॥ ୩୮ ॥
ନୋଵାଚ କିଞ୍ଚିଦ୍ଭଗଵାନ୍ଯଥା ସିଂହଃ ଶିଵାରୁତମ୍ ॥ ୩୮ ॥
ଭଗଵନ୍ନିନ୍ଦନଂ ଶ୍ରୁତ୍ଵା ଦୁଃସହଂ ତତ୍ ସଭାସଦଃ ।
କର୍ଣୌ ପିଧାଯ ନିର୍ଜଗ୍ମୁଃ ଶପନ୍ତଶ୍ଚେଦିପଂ ରୁଷା ॥ ୩୯ ॥
କର୍ଣୌ ପିଧାଯ ନିର୍ଜଗ୍ମୁଃ ଶପନ୍ତଶ୍ଚେଦିପଂ ରୁଷା ॥ ୩୯ ॥
ନିନ୍ଦାଂ ଭଗଵତଃ ଶୃଣ୍ଵଂସ୍ତତ୍ପରସ୍ଯ ଜନସ୍ଯ ଵା ।
ତତୋ ନାପୈତି ଯଃ ସୋଽପି ଯାତ୍ଯଧଃ ସୁକୃତାଚ୍ଚ୍ଯୁତଃ ॥ ୪୦ ॥
ତତୋ ନାପୈତି ଯଃ ସୋଽପି ଯାତ୍ଯଧଃ ସୁକୃତାଚ୍ଚ୍ଯୁତଃ ॥ ୪୦ ॥
ତତଃ ପାଣ୍ଡୁସୁତାଃ କ୍ରୁଦ୍ଧା ମତ୍ସ୍ଯକୈକଯସୃଞ୍ଜଯାଃ ।
ଉଦାଯୁଧାଃ ସମୁତ୍ତସ୍ଥୁଃ ଶିଶୁପାଲଜିଘାଂସଵଃ ॥ ୪୧ ॥
ଉଦାଯୁଧାଃ ସମୁତ୍ତସ୍ଥୁଃ ଶିଶୁପାଲଜିଘାଂସଵଃ ॥ ୪୧ ॥
ତତଶ୍ଚୈଦ୍ଯସ୍ତ୍ଵସମ୍ଭ୍ରାନ୍ତୋ ଜଗୃହେ ଖଡ୍ଗଚର୍ମଣୀ ।
ଭର୍ତ୍ସଯନ୍ କୃଷ୍ଣପକ୍ଷୀଯାନ୍ ରାଜ୍ଞଃ ସଦସି ଭାରତ ॥ ୪୨ ॥
ଭର୍ତ୍ସଯନ୍ କୃଷ୍ଣପକ୍ଷୀଯାନ୍ ରାଜ୍ଞଃ ସଦସି ଭାରତ ॥ ୪୨ ॥
ତାଵଦୁତ୍ଥାଯ ଭଗଵାନ୍ ସ୍ଵାନ୍ ନିଵାର୍ଯ ସ୍ଵଯଂ ରୁଷା ।
ଶିରଃ କ୍ଷୁରାନ୍ତଚକ୍ରେଣ ଜହାରପତତୋ ରିପୋଃ ॥ ୪୩ ॥
ଶିରଃ କ୍ଷୁରାନ୍ତଚକ୍ରେଣ ଜହାରପତତୋ ରିପୋଃ ॥ ୪୩ ॥
ଶବ୍ଦଃ କୋଲାହଲୋଽଥାସୀଚ୍ଛିଶୁପାଲେ ହତେ ମହାନ୍ ।
ତସ୍ଯାନୁଯାଯିନୋ ଭୂପା ଦୁଦ୍ରୁଵୁର୍ଜୀଵିତୈଷିଣଃ ॥ ୪୪ ॥
ତସ୍ଯାନୁଯାଯିନୋ ଭୂପା ଦୁଦ୍ରୁଵୁର୍ଜୀଵିତୈଷିଣଃ ॥ ୪୪ ॥
ଚୈଦ୍ଯଦେହୋତ୍ଥିତଂ ଜ୍ଯୋତିର୍ଵାସୁଦେଵମୁପାଵିଶତ୍ ।
ପଶ୍ଯତାଂ ସର୍ଵଭୂତାନାମୁଲ୍କେଵ ଭୁଵି ଖାଚ୍ଚ୍ଯୁତା ॥ ୪୫ ॥
ପଶ୍ଯତାଂ ସର୍ଵଭୂତାନାମୁଲ୍କେଵ ଭୁଵି ଖାଚ୍ଚ୍ଯୁତା ॥ ୪୫ ॥
ଜନ୍ମତ୍ରଯାନୁଗୁଣିତଵୈରସଂରବ୍ଧଯା ଧିଯା ।
ଧ୍ଯାଯଂସ୍ତନ୍ମଯତାଂ ଯାତୋ ଭାଵୋ ହି ଭଵକାରଣମ୍ ॥ ୪୬ ॥
ଧ୍ଯାଯଂସ୍ତନ୍ମଯତାଂ ଯାତୋ ଭାଵୋ ହି ଭଵକାରଣମ୍ ॥ ୪୬ ॥
ଋତ୍ଵିଗ୍ଭ୍ଯଃ ସସଦସ୍ଯେଭ୍ଯୋ ଦକ୍ଷିଣାଂ ଵିପୁଲାମଦାତ୍ ।
ସର୍ଵାନ୍ ସମ୍ପୂଜ୍ଯ ଵିଧିଵଚ୍ଚକ୍ରେଽଵଭୃଥମେକରାଟ୍ ॥ ୪୭ ॥
ସର୍ଵାନ୍ ସମ୍ପୂଜ୍ଯ ଵିଧିଵଚ୍ଚକ୍ରେଽଵଭୃଥମେକରାଟ୍ ॥ ୪୭ ॥
ସାଧଯିତ୍ଵା କ୍ରତୁଃ ରାଜ୍ଞଃ କୃଷ୍ଣୋ ଯୋଗେଶ୍ଵରେଶ୍ଵରଃ ।
ଉଵାସ କତିଚିନ୍ମାସାନ୍ ସୁହୃଦ୍ଭିରଭିଯାଚିତଃ ॥ ୪୮ ॥
ଉଵାସ କତିଚିନ୍ମାସାନ୍ ସୁହୃଦ୍ଭିରଭିଯାଚିତଃ ॥ ୪୮ ॥
ତତୋଽନୁଜ୍ଞାପ୍ଯ ରାଜାନମନିଚ୍ଛନ୍ତମପୀଶ୍ଵରଃ ।
ଯଯୌ ସଭାର୍ଯଃ ସାମାତ୍ଯଃ ସ୍ଵପୁରଂ ଦେଵକୀସୁତଃ ॥ ୪୯ ॥
ଯଯୌ ସଭାର୍ଯଃ ସାମାତ୍ଯଃ ସ୍ଵପୁରଂ ଦେଵକୀସୁତଃ ॥ ୪୯ ॥
ଵର୍ଣିତଂ ତଦୁପାଖ୍ଯାନଂ ମଯା ତେ ବହୁଵିସ୍ତରମ୍ ।
ଵୈକୁଣ୍ଠଵାସିନୋର୍ଜନ୍ମ ଵିପ୍ରଶାପାତ୍ ପୁନଃ ପୁନଃ ॥ ୫୦ ॥
ଵୈକୁଣ୍ଠଵାସିନୋର୍ଜନ୍ମ ଵିପ୍ରଶାପାତ୍ ପୁନଃ ପୁନଃ ॥ ୫୦ ॥
ରାଜସୂଯାଵଭୃଥ୍ଯେନ ସ୍ନାତୋ ରାଜା ଯୁଧିଷ୍ଠିରଃ ।
ବ୍ରହ୍ମକ୍ଷତ୍ରସଭାମଧ୍ଯେ ଶୁଶୁଭେ ସୁରରାଡିଵ ॥ ୫୧ ॥
ବ୍ରହ୍ମକ୍ଷତ୍ରସଭାମଧ୍ଯେ ଶୁଶୁଭେ ସୁରରାଡିଵ ॥ ୫୧ ॥
ରାଜ୍ଞା ସଭାଜିତାଃ ସର୍ଵେ ସୁରମାନଵଖେଚରାଃ ।
କୃଷ୍ଣଂ କ୍ରତୁଂ ଚ ଶଂସନ୍ତଃ ସ୍ଵଧାମାନି ଯଯୁର୍ମୁଦା ॥ ୫୨ ॥
କୃଷ୍ଣଂ କ୍ରତୁଂ ଚ ଶଂସନ୍ତଃ ସ୍ଵଧାମାନି ଯଯୁର୍ମୁଦା ॥ ୫୨ ॥
ଦୁର୍ଯୋଧନମୃତେ ପାପଂ କଲିଂ କୁରୁକୁଲାମଯମ୍ ।
ଯୋ ନ ସେହେ ଶ୍ରିଯଂ ସ୍ଫୀତାଂ ଦୃଷ୍ଟ୍ଵା ପାଣ୍ଡୁସୁତସ୍ଯ ତାମ୍ ॥ ୫୩ ॥
ଯୋ ନ ସେହେ ଶ୍ରିଯଂ ସ୍ଫୀତାଂ ଦୃଷ୍ଟ୍ଵା ପାଣ୍ଡୁସୁତସ୍ଯ ତାମ୍ ॥ ୫୩ ॥
ଯ ଇଦଂ କୀର୍ତଯେଦ୍ ଵିଷ୍ଣୋଃ କର୍ମ ଚୈଦ୍ଯଵଧାଦିକମ୍ ।
ରାଜମୋକ୍ଷଂ ଵିତାନଂ ଚ ସର୍ଵପାପୈଃ ପ୍ରମୁଚ୍ଯତେ ॥ ୫୪ ॥
ରାଜମୋକ୍ଷଂ ଵିତାନଂ ଚ ସର୍ଵପାପୈଃ ପ୍ରମୁଚ୍ଯତେ ॥ ୫୪ ॥