ஶ்ரீமத்பாகவதம் ௧௦.௭௫

ஶ்ரீராஜோவாச
அஜாதஶத்ரோஸ்தம் த்ரு'ஷ்ட்வா ராஜஸூயமஹோதயம் ।
ஸர்வே முமுதிரே ப்ரஹ்மந் ந்ரு'தேவா யே ஸமாகதாஃ ॥ ௧ ॥

துர்யோதநம் வர்ஜயித்வா ராஜாநஃ ஸர்ஷயஃ ஸுராஃ ।
இதி ஶ்ருதம் நோ பகவம்ஸ்தத்ர காரணமுச்யதாம் ॥ ௨ ॥

ஶ்ரீபாதராயணிருவாச
பிதாமஹஸ்ய தே யஜ்ஞே ராஜஸூயே மஹாத்மநஃ ।
பாந்தவாஃ பரிசர்யாயாம் தஸ்யாஸந்ப்ரேமபந்தநாஃ ॥ ௩ ॥

பீமோ மஹாநஸாத்யக்ஷோ தநாத்யக்ஷஃ ஸுயோதநஃ ।
ஸஹதேவஸ்து பூஜாயாம் நகுலோ த்ரவ்யஸாதநே ॥ ௪ ॥

குருஶுஶ்ரூஷணே ஜிஷ்ணுஃ க்ரு'ஷ்ணஃ பாதாவநேஜநே ।
பரிவேஷணே த்ருபதஜா கர்ணோ தாநே மஹாமநாஃ ॥ ௫ ॥

யுயுதாநோ விகர்ணஶ்ச ஹார்திக்யோ விதுராதயஃ ।
பாஹ்லீகபுத்ரா பூர்யாத்யா யே ச ஸந்தர்தநாதயஃ ॥ ௬ ॥

நிரூபிதா மஹாயஜ்ஞே நாநாகர்மஸு தே ததா ।
ப்ரவர்தந்தே ஸ்ம ராஜேந்த்ர ராஜ்ஞஃ ப்ரியசிகீர்ஷவஃ ॥ ௭ ॥

ரு'த்விக்ஸதஸ்யபஹுவித்ஸு ஸுஹ்ரு'த்தமேஷு
ஸ்விஷ்டேஷு ஸூந்ரு'தஸமர்ஹணதக்ஷிணாபிஃ ।
சைத்யே ச ஸாத்வதபதேஶ்சரணம் ப்ரவிஷ்டே
சக்ருஸ்ததஸ்த்வவப்ரு'தஸ்நபநம் த்யுநத்யாம் ॥ ௮ ॥

ம்ரு'தங்கஶங்கபணவதுந்துர்யாநககோமுகாஃ ।
வாதித்ராணி விசித்ராணி நேதுராவப்ரு'தோத்ஸவே ॥ ௯ ॥

நார்தக்யோ நந்ரு'துர்ஹ்ரு'ஷ்டா காயகா யூதஶோ ஜகுஃ ।
வீணாவேணுதலோந்நாதஸ்தேஷாம் ஸ திவமஸ்ப்ரு'ஶத் ॥ ௧௦ ॥

சித்ரத்வஜபதாகாக்ரைரிபேந்த்ரஸ்யந்தநார்வபிஃ ।
ஸ்வலங்க்ரு'தைர்படைர்பூபா நிர்யயூ ருக்மமாலிநஃ ॥ ௧௧ ॥

யதுஸ்ரு'ஞ்ஜயகாம்போஜகுருகேகயகோஶலாஃ ।
கம்பயந்தோ புவம் ஸைந்யைர்யஜமாநபுரஃஸராஃ ॥ ௧௨ ॥

ஸதஸ்யர்த்விக்த்விஜஶ்ரேஷ்டா ப்ரஹ்மகோஷேணபூயஸா ।
தேவர்ஷிபித்ரு'கந்தர்வாஸ்துஷ்டுவுஃ புஷ்பவர்ஷிணஃ ॥ ௧௩ ॥

ஸ்வலங்க்ரு'தா நரா நார்யோ கந்தஸ்ரக்பூஷணாம்பரைஃ ।
விலிம்பந்த்யோ'பிஸிஞ்சந்த்யோ விஜஹ்ருர்விவிதை ரஸைஃ ॥ ௧௪ ॥

தைலகோரஸகந்தோதஹரித்ராஸாந்த்ரகுங்குமைஃ ।
பும்பிர்லிப்தாஃ ப்ரலிம்பந்த்யோ விஜஹ்ருர்வாரயோஷிதஃ ॥ ௧௫ ॥

குப்தா ந்ரு'பிர்நிரகமந்நுபலப்துமேதத்
தேவ்யோ யதா திவி விமாநவரைர்ந்ரு'தேவ்யோ ।
தா மாதுலேயஸகிபிஃ பரிஷிச்யமாநாஃ
ஸவ்ரீடஹாஸவிகஸத்வதநா விரேஜுஃ ॥ ௧௬ ॥

தா தேவராநுத ஸகீந் ஸிஷிசுர்த்ரு'தீபிஃ
க்லிந்நாம்பரா விவ்ரு'தகாத்ரகுசோருமத்யாஃ ।
ஔத்ஸுக்யமுக்தகவராச்ச்யவமாநமால்யாஃ
க்ஷோபம் ததுர்மலதியாம் ருசிரைர்விஹாரைஃ ॥ ௧௭ ॥

ஸ ஸம்ராட் ரதமாருடஃ ஸதஶ்வம் ருக்மமாலிநம் ।
வ்யரோசத ஸ்வபத்நீபிஃ க்ரியாபிஃ க்ரதுராடிவ ॥ ௧௮ ॥

பத்நீஸம்யாஜாவப்ரு'த்யைஶ்சரித்வா தே தம்ரு'த்விஜஃ ।
ஆசாந்தம் ஸ்நாபயாம் சக்ருர்கங்காயாம் ஸஹ க்ரு'ஷ்ணயா ॥ ௧௯ ॥

தேவதுந்துபயோ நேதுர்நரதுந்துபிபிஃ ஸமம் ।
முமுசுஃ புஷ்பவர்ஷாணி தேவர்ஷிபித்ரு'மாநவாஃ ॥ ௨௦ ॥

ஸஸ்நுஸ்தத்ர ததஃ ஸர்வே வர்ணாஶ்ரமயுதா நராஃ ।
மஹாபாதக்யபி யதஃ ஸத்யோ முச்யேத கில்பிஷாத் ॥ ௨௧ ॥

அத ராஜாஹதே க்ஷௌமே பரிதாய ஸ்வலங்க்ரு'தஃ ।
ரு'த்விக்ஸதஸ்யவிப்ராதீநாநர்சாபரணாம்பரைஃ ॥ ௨௨ ॥

பந்தூஞ்ஜ்ஞாதீந் ந்ரு'பாந் மித்ரஸுஹ்ரு'தோ'ந்யாம்ஶ்ச ஸர்வஶஃ ।
அபீக்ஷ்ணம் பூஜயாமாஸ நாராயணபரோ ந்ரு'பஃ ॥ ௨௩ ॥

ஸர்வே ஜநாஃ ஸுரருசோ மணிகுண்டலஸ்ர-
குஷ்ணீஷகஞ்சுகதுகூலமஹார்க்யஹாராஃ ।
நார்யஶ்ச குண்டலயுகாலகவ்ரு'ந்தஜுஷ்ட-
வக்த்ரஶ்ரியஃ கநகமேகலயா விரேஜுஃ ॥ ௨௪ ॥

அதர்த்விஜோ மஹாஶீலாஃ ஸதஸ்யா ப்ரஹ்மவாதிநஃ ।
ப்ரஹ்மக்ஷத்ரியவிட்ஶூத்ரா ராஜாநோ யே ஸமாகதாஃ ॥ ௨௫ ॥

தேவர்ஷிபித்ரு'பூதாநி லோகபாலாஃ ஸஹாநுகாஃ ।
பூஜிதாஸ்தமநுஜ்ஞாப்ய ஸ்வதாமாநி யயுர்ந்ரு'ப ॥ ௨௬ ॥

ஹரிதாஸஸ்ய ராஜர்ஷே ராஜஸூயமஹோதயம் ।
நைவாத்ரு'ப்யந்ப்ரஶம்ஸந்தஃ பிபந்மர்த்யோ'ம்ரு'தம் யதா ॥ ௨௭ ॥

ததோ யுதிஷ்டிரோ ராஜா ஸுஹ்ரு'த்ஸம்பந்திபாந்தவாந் ।
ப்ரேம்ணா நிவாரயாமாஸ க்ரு'ஷ்ணம் ச த்யாககாதரஃ ॥ ௨௮ ॥

பகவாநபி தத்ராங்க ந்யாவாத்ஸீத்தத்ப்ரியம்கரஃ ।
ப்ரஸ்தாப்ய யதுவீராம்ஶ்ச ஸாம்பாதீம்ஶ்ச குஶஸ்தலீம் ॥ ௨௯ ॥

இத்தம் ராஜா தர்மஸுதோ மநோரதமஹார்ணவம் ।
ஸுதுஸ்தரம் ஸமுத்தீர்ய க்ரு'ஷ்ணேநாஸீத் கதஜ்வரஃ ॥ ௩௦ ॥

ஏகதாந்தஃபுரே தஸ்ய வீக்ஷ்ய துர்யோதநஃ ஶ்ரியம் ।
அதப்யத் ராஜஸூயஸ்ய மஹித்வம் சாச்யுதாத்மநஃ ॥ ௩௧ ॥

யஸ்மிந் நரேந்த்ரதிதிஜேந்த்ரஸுரேந்த்ரலக்ஷ்மீ-
ர்நாநா விபாந்தி கில விஶ்வஸ்ரு'ஜோபக்ல்ரு'ப்தாஃ ।
தாபிஃ பதீந் த்ருபதராஜஸுதோபதஸ்தே
யஸ்யாம் விஷக்தஹ்ரு'தயஃ குருராடதப்யத் ॥ ௩௨ ॥

யஸ்மிந் ததா மதுபதேர்மஹிஷீஸஹஸ்ரம்
ஶ்ரோணீபரேண ஶநகைஃ க்வணதங்க்ரிஶோபம் ।
மத்யே ஸுசாரு குசகுங்குமஶோணஹாரம்
ஶ்ரீமந்முகம் ப்ரசலகுண்டலகுந்தலாட்யம் ॥ ௩௩ ॥

ஸபாயாம் மயக்ல்ரு'ப்தாயாம் க்வாபி தர்மஸுதோ'திராட் ।
வ்ரு'தோ'நுகைர்பந்துபிஶ்ச க்ரு'ஷ்ணேநாபி ஸ்வசக்ஷுஷா ॥ ௩௪ ॥

ஆஸீநஃ காஞ்சநே ஸாக்ஷாதாஸநே மகவாநிவ ।
பாரமேஷ்ட்யஶ்ரியா ஜுஷ்டஃ ஸ்தூயமாநஶ்ச வந்திபிஃ ॥ ௩௫ ॥

தத்ர துர்யோதநோ மாநீ பரீதோ ப்ராத்ரு'பிர்ந்ரு'ப ।
கிரீடமாலீ ந்யவிஶதஸிஹஸ்தஃ க்ஷிபந் ருஷா ॥ ௩௬ ॥

ஸ்தலே'ப்யக்ரு'ஹ்ணாத் வஸ்த்ராந்தம் ஜலம் மத்வா ஸ்தலே'பதத் ।
ஜலே ச ஸ்தலவத் ப்ராந்த்யா மயமாயாவிமோஹிதஃ ॥ ௩௭ ॥

ஜஹாஸ பீமஸ்தம் த்ரு'ஷ்ட்வா ஸ்த்ரியோ ந்ரு'பதயோ'பரே ।
நிவார்யமாணா அப்யங்க ராஜ்ஞா க்ரு'ஷ்ணாநுமோதிதாஃ ॥ ௩௮ ॥

ஸ வ்ரீடிதோ'வாக்வதநோ ருஷா ஜ்வலந்
நிஷ்க்ரம்ய தூஷ்ணீம் ப்ரயயௌ கஜாஹ்வயம் ।
ஹாஹேதி ஶப்தஃ ஸுமஹாநபூத் ஸதா-
மஜாதஶத்ருர்விமநா இவாபவத் ।
பபூவ தூஷ்ணீம் பகவாந் புவோ பரம்
ஸமுஜ்ஜிஹீர்ஷுர்ப்ரமதி ஸ்ம யத் த்ரு'ஶா ॥ ௩௯ ॥

ஏதத்தே'பிஹிதம் ராஜந் யத்ப்ரு'ஷ்டோ'ஹமிஹ த்வயா ।
ஸுயோதநஸ்ய தௌராத்ம்யம் ராஜஸூயே மஹாக்ரதௌ ॥ ௪௦ ॥