ଶ୍ରୀରାଜୋଵାଚ
ଦେଵାସୁରମନୁଷ୍ଯେଷୁ ଯେ ଭଜନ୍ତ୍ଯଶିଵଂ ଶିଵମ୍ ।
ପ୍ରାଯସ୍ତେ ଧନିନୋ ଭୋଜା ନ ତୁ ଲକ୍ଷ୍ମ୍ଯାଃ ପତିଂ ହରିମ୍ ॥ ୧ ॥
ଦେଵାସୁରମନୁଷ୍ଯେଷୁ ଯେ ଭଜନ୍ତ୍ଯଶିଵଂ ଶିଵମ୍ ।
ପ୍ରାଯସ୍ତେ ଧନିନୋ ଭୋଜା ନ ତୁ ଲକ୍ଷ୍ମ୍ଯାଃ ପତିଂ ହରିମ୍ ॥ ୧ ॥
ଏତଦ୍ ଵେଦିତୁମିଚ୍ଛାମଃ ସନ୍ଦେହୋଽତ୍ର ମହାନ୍ ହି ନଃ ।
ଵିରୁଦ୍ଧଶୀଲଯୋଃ ପ୍ରଭ୍ଵୋର୍ଵିରୁଦ୍ଧା ଭଜତାଂ ଗତିଃ ॥ ୨ ॥
ଵିରୁଦ୍ଧଶୀଲଯୋଃ ପ୍ରଭ୍ଵୋର୍ଵିରୁଦ୍ଧା ଭଜତାଂ ଗତିଃ ॥ ୨ ॥
ଶ୍ରୀଶୁକ ଉଵାଚ
ଶିଵଃ ଶକ୍ତିଯୁତଃ ଶଶ୍ଵତ୍ ତ୍ରିଲିଙ୍ଗୋ ଗୁଣସଂଵୃତଃ ।
ଵୈକାରିକସ୍ତୈଜସଶ୍ଚ ତାମସଶ୍ଚେତ୍ଯହଂ ତ୍ରିଧା ॥ ୩ ॥
ଶିଵଃ ଶକ୍ତିଯୁତଃ ଶଶ୍ଵତ୍ ତ୍ରିଲିଙ୍ଗୋ ଗୁଣସଂଵୃତଃ ।
ଵୈକାରିକସ୍ତୈଜସଶ୍ଚ ତାମସଶ୍ଚେତ୍ଯହଂ ତ୍ରିଧା ॥ ୩ ॥
ତତୋ ଵିକାରା ଅଭଵନ୍ ଷୋଡଶାମୀଷୁ କଞ୍ଚନ ।
ଉପଧାଵନ୍ ଵିଭୂତୀନାଂ ସର୍ଵାସାମଶ୍ନୁତେ ଗତିମ୍ ॥ ୪ ॥
ଉପଧାଵନ୍ ଵିଭୂତୀନାଂ ସର୍ଵାସାମଶ୍ନୁତେ ଗତିମ୍ ॥ ୪ ॥
ହରିର୍ହି ନିର୍ଗୁଣଃ ସାକ୍ଷାତ୍ ପୁରୁଷଃ ପ୍ରକୃତେଃ ପରଃ ।
ସ ସର୍ଵଦୃଗୁପଦ୍ରଷ୍ଟା ତଂ ଭଜନ୍ ନିର୍ଗୁଣୋ ଭଵେତ୍ ॥ ୫ ॥
ସ ସର୍ଵଦୃଗୁପଦ୍ରଷ୍ଟା ତଂ ଭଜନ୍ ନିର୍ଗୁଣୋ ଭଵେତ୍ ॥ ୫ ॥
ନିଵୃତ୍ତେଷ୍ଵଶ୍ଵମେଧେଷୁ ରାଜା ଯୁଷ୍ମତ୍ପିତାମହଃ ।
ଶୃଣ୍ଵନ୍ ଭଗଵତୋ ଧର୍ମାନପୃଚ୍ଛଦିଦମଚ୍ଯୁତମ୍ ॥ ୬ ॥
ଶୃଣ୍ଵନ୍ ଭଗଵତୋ ଧର୍ମାନପୃଚ୍ଛଦିଦମଚ୍ଯୁତମ୍ ॥ ୬ ॥
ସ ଆହ ଭଗଵାଂସ୍ତସ୍ମୈ ପ୍ରୀତଃ ଶୁଶ୍ରୂଷଵେ ପ୍ରଭୁଃ ।
ନୃଣାଂ ନିଃଶ୍ରେଯସାର୍ଥାଯ ଯୋଽଵତୀର୍ଣୋ ଯଦୋଃ କୁଲେ ॥ ୭ ॥
ନୃଣାଂ ନିଃଶ୍ରେଯସାର୍ଥାଯ ଯୋଽଵତୀର୍ଣୋ ଯଦୋଃ କୁଲେ ॥ ୭ ॥
ଶ୍ରୀଭଗଵାନୁଵାଚ
ଯସ୍ଯାହମନୁଗୃହ୍ଣାମି ହରିଷ୍ଯେ ତଦ୍ଧନଂ ଶନୈଃ ।
ତତୋଽଧନଂ ତ୍ଯଜନ୍ତ୍ଯସ୍ଯ ସ୍ଵଜନା ଦୁଃଖଦୁଃଖିତମ୍ ॥ ୮ ॥
ଯସ୍ଯାହମନୁଗୃହ୍ଣାମି ହରିଷ୍ଯେ ତଦ୍ଧନଂ ଶନୈଃ ।
ତତୋଽଧନଂ ତ୍ଯଜନ୍ତ୍ଯସ୍ଯ ସ୍ଵଜନା ଦୁଃଖଦୁଃଖିତମ୍ ॥ ୮ ॥
ସ ଯଦା ଵିତଥୋଦ୍ଯୋଗୋ ନିର୍ଵିଣ୍ଣଃ ସ୍ଯାଦ୍ ଧନେହଯା ।
ମତ୍ପରୈଃ କୃତମୈତ୍ରସ୍ଯ କରିଷ୍ଯେ ମଦନୁଗ୍ରହମ୍ ॥ ୯ ॥
ମତ୍ପରୈଃ କୃତମୈତ୍ରସ୍ଯ କରିଷ୍ଯେ ମଦନୁଗ୍ରହମ୍ ॥ ୯ ॥
ତଦ୍ ବ୍ରହ୍ମ ପରମଂ ସୂକ୍ଷ୍ମଂ ଚିନ୍ମାତ୍ରଂ ସଦନନ୍ତକମ୍ ।
ଵିଜ୍ଞାଯାତ୍ମତଯା ଧୀରଃ ସଂସାରାତ୍ପରିମୁଚ୍ଯତେ ॥ ୧୦ ॥
ଵିଜ୍ଞାଯାତ୍ମତଯା ଧୀରଃ ସଂସାରାତ୍ପରିମୁଚ୍ଯତେ ॥ ୧୦ ॥
ଅତୋ ମାଂ ସୁଦୁରାରାଧ୍ଯଂ ହିତ୍ଵାନ୍ଯାନ୍ ଭଜତେ ଜନଃ ।
ତତସ୍ତ ଆଶୁତୋଷେଭ୍ଯୋ ଲବ୍ଧରାଜ୍ଯଶ୍ରିଯୋଦ୍ଧତାଃ ।
ମତ୍ତାଃ ପ୍ରମତ୍ତା ଵରଦାନ୍ ଵିସ୍ମଯନ୍ତ୍ଯଵଜାନତେ ॥ ୧୧ ॥
ତତସ୍ତ ଆଶୁତୋଷେଭ୍ଯୋ ଲବ୍ଧରାଜ୍ଯଶ୍ରିଯୋଦ୍ଧତାଃ ।
ମତ୍ତାଃ ପ୍ରମତ୍ତା ଵରଦାନ୍ ଵିସ୍ମଯନ୍ତ୍ଯଵଜାନତେ ॥ ୧୧ ॥
ଶ୍ରୀଶୁକ ଉଵାଚ
ଶାପପ୍ରସାଦଯୋରୀଶା ବ୍ରହ୍ମଵିଷ୍ଣୁଶିଵାଦଯଃ ।
ସଦ୍ଯଃଶାପପ୍ରସାଦୋଽଙ୍ଗ ଶିଵୋ ବ୍ରହ୍ମା ନ ଚାଚ୍ଯୁତଃ ॥ ୧୨ ॥
ଶାପପ୍ରସାଦଯୋରୀଶା ବ୍ରହ୍ମଵିଷ୍ଣୁଶିଵାଦଯଃ ।
ସଦ୍ଯଃଶାପପ୍ରସାଦୋଽଙ୍ଗ ଶିଵୋ ବ୍ରହ୍ମା ନ ଚାଚ୍ଯୁତଃ ॥ ୧୨ ॥
ଅତ୍ର ଚୋଦାହରନ୍ତୀମମିତିହାସଂ ପୁରାତନମ୍ ।
ଵୃକାସୁରାଯ ଗିରିଶୋ ଵରଂ ଦତ୍ତ୍ଵାପ ସଙ୍କଟମ୍ ॥ ୧୩ ॥
ଵୃକାସୁରାଯ ଗିରିଶୋ ଵରଂ ଦତ୍ତ୍ଵାପ ସଙ୍କଟମ୍ ॥ ୧୩ ॥
ଵୃକୋ ନାମାସୁରଃ ପୁତ୍ରଃ ଶକୁନେଃ ପଥି ନାରଦମ୍ ।
ଦୃଷ୍ଟ୍ଵାଶୁତୋଷଂ ପପ୍ରଚ୍ଛ ଦେଵେଷୁ ତ୍ରିଷୁ ଦୁର୍ମତିଃ ॥ ୧୪ ॥
ଦୃଷ୍ଟ୍ଵାଶୁତୋଷଂ ପପ୍ରଚ୍ଛ ଦେଵେଷୁ ତ୍ରିଷୁ ଦୁର୍ମତିଃ ॥ ୧୪ ॥
ସ ଆହ ଦେଵଂ ଗିରିଶମୁପାଧାଵାଶୁ ସିଦ୍ଧ୍ଯସି ।
ଯୋଽଲ୍ପାଭ୍ଯାଂ ଗୁଣଦୋଷାଭ୍ଯାମାଶୁ ତୁଷ୍ଯତି କୁପ୍ଯତି ॥ ୧୫ ॥
ଯୋଽଲ୍ପାଭ୍ଯାଂ ଗୁଣଦୋଷାଭ୍ଯାମାଶୁ ତୁଷ୍ଯତି କୁପ୍ଯତି ॥ ୧୫ ॥
ଦଶାସ୍ଯବାଣଯୋସ୍ତୁଷ୍ଟଃ ସ୍ତୁଵତୋର୍ଵନ୍ଦିନୋରିଵ ।
ଐଶ୍ଵର୍ଯମତୁଲଂ ଦତ୍ତ୍ଵା ତତ ଆପ ସୁସଙ୍କଟମ୍ ॥ ୧୬ ॥
ଐଶ୍ଵର୍ଯମତୁଲଂ ଦତ୍ତ୍ଵା ତତ ଆପ ସୁସଙ୍କଟମ୍ ॥ ୧୬ ॥
ଇତ୍ଯାଦିଷ୍ଟସ୍ତମସୁର ଉପାଧାଵତ୍ ସ୍ଵଗାତ୍ରତଃ ।
କେଦାର ଆତ୍ମକ୍ରଵ୍ଯେଣ ଜୁହ୍ଵାନୋଽଗ୍ନିମୁଖଂ ହରମ୍ ॥ ୧୭ ॥
କେଦାର ଆତ୍ମକ୍ରଵ୍ଯେଣ ଜୁହ୍ଵାନୋଽଗ୍ନିମୁଖଂ ହରମ୍ ॥ ୧୭ ॥
ଦେଵୋପଲବ୍ଧିମପ୍ରାପ୍ଯ ନିର୍ଵେଦାତ୍ ସପ୍ତମେଽହନି ।
ଶିରୋଽଵୃଶ୍ଚତ୍ ସୁଧିତିନା ତତ୍ତୀର୍ଥକ୍ଲିନ୍ନମୂର୍ଧଜମ୍ ॥ ୧୮ ॥
ଶିରୋଽଵୃଶ୍ଚତ୍ ସୁଧିତିନା ତତ୍ତୀର୍ଥକ୍ଲିନ୍ନମୂର୍ଧଜମ୍ ॥ ୧୮ ॥
ତଦା ମହାକାରୁଣିକୋ ସ ଧୂର୍ଜଟି-
ର୍ଯଥା ଵଯଂ ଚାଗ୍ନିରିଵୋତ୍ଥିତୋଽନଲାତ୍ ।
ନିଗୃହ୍ଯ ଦୋର୍ଭ୍ଯାଂ ଭୁଜଯୋର୍ନ୍ଯଵାରଯତ୍
ତତ୍ସ୍ପର୍ଶନାଦ୍ ଭୂଯ ଉପସ୍କୃତାକୃତିଃ ॥ ୧୯ ॥
ର୍ଯଥା ଵଯଂ ଚାଗ୍ନିରିଵୋତ୍ଥିତୋଽନଲାତ୍ ।
ନିଗୃହ୍ଯ ଦୋର୍ଭ୍ଯାଂ ଭୁଜଯୋର୍ନ୍ଯଵାରଯତ୍
ତତ୍ସ୍ପର୍ଶନାଦ୍ ଭୂଯ ଉପସ୍କୃତାକୃତିଃ ॥ ୧୯ ॥
ତମାହ ଚାଙ୍ଗାଲମଲଂ ଵୃଣୀଷ୍ଵ ମେ
ଯଥାଭିକାମଂ ଵିତରାମି ତେ ଵରମ୍ ।
ପ୍ରୀଯେଯ ତୋଯେନ ନୃଣାଂ ପ୍ରପଦ୍ଯତା-
ମହୋ ତ୍ଵଯାତ୍ମା ଭୃଶମର୍ଦ୍ଯତେ ଵୃଥା ॥ ୨୦ ॥
ଯଥାଭିକାମଂ ଵିତରାମି ତେ ଵରମ୍ ।
ପ୍ରୀଯେଯ ତୋଯେନ ନୃଣାଂ ପ୍ରପଦ୍ଯତା-
ମହୋ ତ୍ଵଯାତ୍ମା ଭୃଶମର୍ଦ୍ଯତେ ଵୃଥା ॥ ୨୦ ॥
ଦେଵଂ ସ ଵଵ୍ରେ ପାପୀଯାନ୍ ଵରଂ ଭୂତଭଯାଵହମ୍ ।
ଯସ୍ଯ ଯସ୍ଯ କରଂ ଶୀର୍ଷ୍ଣି ଧାସ୍ଯେ ସ ମ୍ରିଯତାମିତି ॥ ୨୧ ॥
ଯସ୍ଯ ଯସ୍ଯ କରଂ ଶୀର୍ଷ୍ଣି ଧାସ୍ଯେ ସ ମ୍ରିଯତାମିତି ॥ ୨୧ ॥
ତଚ୍ଛ୍ରୁତ୍ଵା ଭଗଵାନ୍ ରୁଦ୍ରୋ ଦୁର୍ମନା ଇଵ ଭାରତ ।
ଓଁ ଇତି ପ୍ରହସଂସ୍ତସ୍ମୈ ଦଦେଽହେରମୃତଂ ଯଥା ॥ ୨୨ ॥
ଓଁ ଇତି ପ୍ରହସଂସ୍ତସ୍ମୈ ଦଦେଽହେରମୃତଂ ଯଥା ॥ ୨୨ ॥
ସ ତଦ୍ଵରପରୀକ୍ଷାର୍ଥଂ ଶମ୍ଭୋର୍ମୂର୍ଧ୍ନି କିଲାସୁରଃ ।
ସ୍ଵହସ୍ତଂ ଧାତୁମାରେଭେ ସୋଽବିଭ୍ଯତ୍ ସ୍ଵକୃତାଚ୍ଛିଵଃ ॥ ୨୩ ॥
ସ୍ଵହସ୍ତଂ ଧାତୁମାରେଭେ ସୋଽବିଭ୍ଯତ୍ ସ୍ଵକୃତାଚ୍ଛିଵଃ ॥ ୨୩ ॥
ତେନୋପସୃଷ୍ଟଃ ସନ୍ତ୍ରସ୍ତଃ ପରାଧାଵନ୍ ସଵେପଥୁଃ ।
ଯାଵଦନ୍ତଂ ଦିଵୋ ଭୂମେଃ କଷ୍ଠାନାମୁଦଗାଦୁଦକ୍ ॥ ୨୪ ॥
ଯାଵଦନ୍ତଂ ଦିଵୋ ଭୂମେଃ କଷ୍ଠାନାମୁଦଗାଦୁଦକ୍ ॥ ୨୪ ॥
ଅଜାନନ୍ତଃ ପ୍ରତିଵିଧିଂ ତୂଷ୍ଣୀମାସନ୍ ସୁରେଶ୍ଵରାଃ ।
ତତୋ ଵୈକୁଣ୍ଠମଗମଦ୍ ଭାସ୍ଵରଂ ତମସଃ ପରମ୍ ॥ ୨୫ ॥
ତତୋ ଵୈକୁଣ୍ଠମଗମଦ୍ ଭାସ୍ଵରଂ ତମସଃ ପରମ୍ ॥ ୨୫ ॥
ଯତ୍ର ନାରାଯଣଃ ସାକ୍ଷାନ୍ନ୍ଯାସିନାଂ ପରମୋ ଗତିଃ ।
ଶାନ୍ତାନାଂ ନ୍ଯସ୍ତଦଣ୍ଡାନାଂ ଯତୋ ନାଵର୍ତତେ ଗତଃ ॥ ୨୬ ॥
ଶାନ୍ତାନାଂ ନ୍ଯସ୍ତଦଣ୍ଡାନାଂ ଯତୋ ନାଵର୍ତତେ ଗତଃ ॥ ୨୬ ॥
ତଂ ତଥାଵ୍ଯସନଂ ଦୃଷ୍ଟ୍ଵା ଭଗଵାନ୍ ଵୃଜିନାର୍ଦନଃ ।
ଦୂରାତ୍ ପ୍ରତ୍ଯୁଦିଯାଦ୍ ଭୂତ୍ଵା ବଟୁକୋ ଯୋଗମାଯଯା ॥ ୨୭ ॥
ଦୂରାତ୍ ପ୍ରତ୍ଯୁଦିଯାଦ୍ ଭୂତ୍ଵା ବଟୁକୋ ଯୋଗମାଯଯା ॥ ୨୭ ॥
ମେଖଲାଜିନଦଣ୍ଡାକ୍ଷୈସ୍ତେଜସାଗ୍ନିରିଵ ଜ୍ଵଲନ୍ ।
ଅଭିଵାଦଯାମାସ ଚ ତଂ କୁଶପାଣିର୍ଵିନୀତଵତ୍ ॥ ୨୮ ॥
ଅଭିଵାଦଯାମାସ ଚ ତଂ କୁଶପାଣିର୍ଵିନୀତଵତ୍ ॥ ୨୮ ॥
ଶ୍ରୀଭଗଵାନୁଵାଚ
ଶାକୁନେଯ ଭଵାନ୍ ଵ୍ଯକ୍ତଂ ଶ୍ରାନ୍ତଃ କିଂ ଦୂରମାଗତଃ ।
କ୍ଷଣଂ ଵିଶ୍ରମ୍ଯତାଂ ପୁଂସ ଆତ୍ମାଯଂ ସର୍ଵକାମଧୁକ୍ ॥ ୨୯ ॥
ଶାକୁନେଯ ଭଵାନ୍ ଵ୍ଯକ୍ତଂ ଶ୍ରାନ୍ତଃ କିଂ ଦୂରମାଗତଃ ।
କ୍ଷଣଂ ଵିଶ୍ରମ୍ଯତାଂ ପୁଂସ ଆତ୍ମାଯଂ ସର୍ଵକାମଧୁକ୍ ॥ ୨୯ ॥
ଯଦି ନଃ ଶ୍ରଵଣାଯାଲଂ ଯୁଷ୍ମଦ୍ଵ୍ଯଵସିତଂ ଵିଭୋ ।
ଭଣ୍ଯତାଂ ପ୍ରାଯଶଃ ପୁମ୍ଭିର୍ଧୃତୈଃ ସ୍ଵାର୍ଥାନ୍ ସମୀହତେ ॥ ୩୦ ॥
ଭଣ୍ଯତାଂ ପ୍ରାଯଶଃ ପୁମ୍ଭିର୍ଧୃତୈଃ ସ୍ଵାର୍ଥାନ୍ ସମୀହତେ ॥ ୩୦ ॥
ଶ୍ରୀଶୁକ ଉଵାଚ
ଏଵଂ ଭଗଵତା ପୃଷ୍ଟୋ ଵଚସାମୃତଵର୍ଷିଣା ।
ଗତକ୍ଲମୋଽବ୍ରଵୀତ୍ତସ୍ମୈ ଯଥାପୂର୍ଵମନୁଷ୍ଠିତମ୍ ॥ ୩୧ ॥
ଏଵଂ ଭଗଵତା ପୃଷ୍ଟୋ ଵଚସାମୃତଵର୍ଷିଣା ।
ଗତକ୍ଲମୋଽବ୍ରଵୀତ୍ତସ୍ମୈ ଯଥାପୂର୍ଵମନୁଷ୍ଠିତମ୍ ॥ ୩୧ ॥
ଶ୍ରୀଭଗଵାନୁଵାଚ
ଏଵଂ ଚେତ୍ତର୍ହି ତଦ୍ଵାକ୍ଯଂ ନ ଵଯଂ ଶ୍ରଦ୍ଦଧୀମହି ।
ଯୋ ଦକ୍ଷଶାପାତ୍ ପୈଶାଚ୍ଯଂ ପ୍ରାପ୍ତଃ ପ୍ରେତପିଶାଚରାଟ୍ ॥ ୩୨ ॥
ଏଵଂ ଚେତ୍ତର୍ହି ତଦ୍ଵାକ୍ଯଂ ନ ଵଯଂ ଶ୍ରଦ୍ଦଧୀମହି ।
ଯୋ ଦକ୍ଷଶାପାତ୍ ପୈଶାଚ୍ଯଂ ପ୍ରାପ୍ତଃ ପ୍ରେତପିଶାଚରାଟ୍ ॥ ୩୨ ॥
ଯଦି ଵସ୍ତତ୍ର ଵିଶ୍ରମ୍ଭୋ ଦାନଵେନ୍ଦ୍ର ଜଗଦ୍ଗୁରୌ ।
ତର୍ହ୍ଯଙ୍ଗାଶୁ ସ୍ଵଶିରସି ହସ୍ତଂ ନ୍ଯସ୍ଯ ପ୍ରତୀଯତାମ୍ ॥ ୩୩ ॥
ତର୍ହ୍ଯଙ୍ଗାଶୁ ସ୍ଵଶିରସି ହସ୍ତଂ ନ୍ଯସ୍ଯ ପ୍ରତୀଯତାମ୍ ॥ ୩୩ ॥
ଯଦ୍ଯସତ୍ଯଂ ଵଚଃ ଶମ୍ଭୋଃ କଥଞ୍ଚିଦ୍ ଦାନଵର୍ଷଭ ।
ତଦୈନଂ ଜହ୍ଯସଦ୍ଵାଚଂ ନ ଯଦ ଵକ୍ତାନୃତଂ ପୁନଃ ॥ ୩୪ ॥
ତଦୈନଂ ଜହ୍ଯସଦ୍ଵାଚଂ ନ ଯଦ ଵକ୍ତାନୃତଂ ପୁନଃ ॥ ୩୪ ॥
ଇତ୍ଥଂ ଭଗଵତଶ୍ଚିତ୍ରୈର୍ଵଚୋଭିଃ ସ ସୁପେଶଲୈଃ ।
ଭିନ୍ନଧୀର୍ଵିସ୍ମୃତଃ ଶୀର୍ଷ୍ଣି ସ୍ଵହସ୍ତଂ କୁମତିର୍ନ୍ଯଧାତ୍ ॥ ୩୫ ॥
ଭିନ୍ନଧୀର୍ଵିସ୍ମୃତଃ ଶୀର୍ଷ୍ଣି ସ୍ଵହସ୍ତଂ କୁମତିର୍ନ୍ଯଧାତ୍ ॥ ୩୫ ॥
ଅଥାପତଦ୍ ଭିନ୍ନଶିରାଃ ଵଜ୍ରାହତ ଇଵ କ୍ଷଣାତ୍ ।
ଜଯଶବ୍ଦୋ ନମଃଶବ୍ଦଃ ସାଧୁଶବ୍ଦୋଽଭଵଦ୍ ଦିଵି ॥ ୩୬ ॥
ଜଯଶବ୍ଦୋ ନମଃଶବ୍ଦଃ ସାଧୁଶବ୍ଦୋଽଭଵଦ୍ ଦିଵି ॥ ୩୬ ॥
ମୁମୁଚୁଃ ପୁଷ୍ପଵର୍ଷାଣି ହତେ ପାପେ ଵୃକାସୁରେ ।
ଦେଵର୍ଷିପିତୃଗନ୍ଧର୍ଵା ମୋଚିତଃ ସଙ୍କଟାଚ୍ଛିଵଃ ॥ ୩୭ ॥
ଦେଵର୍ଷିପିତୃଗନ୍ଧର୍ଵା ମୋଚିତଃ ସଙ୍କଟାଚ୍ଛିଵଃ ॥ ୩୭ ॥
ମୁକ୍ତଂ ଗିରିଶମଭ୍ଯାହ ଭଗଵାନ୍ ପୁରୁଷୋତ୍ତମଃ ।
ଅହୋ ଦେଵ ମହାଦେଵ ପାପୋଽଯଂ ସ୍ଵେନ ପାପ୍ମନା ॥ ୩୮ ॥
ଅହୋ ଦେଵ ମହାଦେଵ ପାପୋଽଯଂ ସ୍ଵେନ ପାପ୍ମନା ॥ ୩୮ ॥
ହତଃ କୋ ନୁ ମହତ୍ସ୍ଵୀଶ ଜନ୍ତୁର୍ଵୈ କୃତକିଲ୍ବିଷଃ ।
କ୍ଷେମୀ ସ୍ଯାତ୍ କିମୁ ଵିଶ୍ଵେଶେ କୃତାଗସ୍କୋ ଜଗଦ୍ଗୁରୌ ॥ ୩୯ ॥
କ୍ଷେମୀ ସ୍ଯାତ୍ କିମୁ ଵିଶ୍ଵେଶେ କୃତାଗସ୍କୋ ଜଗଦ୍ଗୁରୌ ॥ ୩୯ ॥
ଯ ଏଵମଵ୍ଯାକୃତଶକ୍ତ୍ଯୁଦନ୍ଵତଃ
ପରସ୍ଯ ସାକ୍ଷାତ୍ ପରମାତ୍ମନୋ ହରେଃ ।
ଗିରିତ୍ରମୋକ୍ଷଂ କଥଯେଚ୍ଛୃଣୋତି ଵା
ଵିମୁଚ୍ଯତେ ସଂସୃତିଭିସ୍ତଥାରିଭିଃ ॥ ୪୦ ॥
ପରସ୍ଯ ସାକ୍ଷାତ୍ ପରମାତ୍ମନୋ ହରେଃ ।
ଗିରିତ୍ରମୋକ୍ଷଂ କଥଯେଚ୍ଛୃଣୋତି ଵା
ଵିମୁଚ୍ଯତେ ସଂସୃତିଭିସ୍ତଥାରିଭିଃ ॥ ୪୦ ॥