শ্রীভগবানুবাচ
মযোদিতেষ্ববহিতঃ স্বধর্মেষু মদাশ্রযঃ ।
বর্ণাশ্রমকুলাচারমকামাত্মা সমাচরেত্ ॥ ১ ॥
মযোদিতেষ্ববহিতঃ স্বধর্মেষু মদাশ্রযঃ ।
বর্ণাশ্রমকুলাচারমকামাত্মা সমাচরেত্ ॥ ১ ॥
অন্বীক্ষেত বিশুদ্ধাত্মা দেহিনাং বিষযাত্মনাম্ ।
গুণেষু তত্ত্বধ্যানেন সর্বারম্ভবিপর্যযম্ ॥ ২ ॥
গুণেষু তত্ত্বধ্যানেন সর্বারম্ভবিপর্যযম্ ॥ ২ ॥
সুপ্তস্য বিষযালোকো ধ্যাযতো বা মনোরথঃ ।
নানাত্মকত্বাদ্ বিফলস্তথা ভেদাত্মধীর্গুণৈঃ ॥ ৩ ॥
নানাত্মকত্বাদ্ বিফলস্তথা ভেদাত্মধীর্গুণৈঃ ॥ ৩ ॥
নিবৃত্তং কর্ম সেবেত প্রবৃত্তং মত্পরস্ত্যজেত্ ।
জিজ্ঞাসাযাং সম্প্রবৃত্তো নাদ্রিযেত্ কর্মচোদনাম্ ॥ ৪ ॥
জিজ্ঞাসাযাং সম্প্রবৃত্তো নাদ্রিযেত্ কর্মচোদনাম্ ॥ ৪ ॥
যমানভীক্ষ্ণং সেবেত নিযমান্ মত্পরঃ ক্বচিত্ ।
মদভিজ্ঞং গুরুং শান্তমুপাসীত মদাত্মকম্ ॥ ৫ ॥
মদভিজ্ঞং গুরুং শান্তমুপাসীত মদাত্মকম্ ॥ ৫ ॥
অমান্যমত্সরো দক্ষো নির্মমোদৃঢসৌহৃদঃ ।
অসত্বরোঽর্থজিজ্ঞাসুরনসূযুরমোঘবাক্ ॥ ৬ ॥
অসত্বরোঽর্থজিজ্ঞাসুরনসূযুরমোঘবাক্ ॥ ৬ ॥
জাযাপত্যগৃহক্ষেত্রস্বজনদ্রবিণাদিষু ।
উদাসীনঃ সমং পশ্যন্ সর্বেষ্বর্থমিবাত্মনঃ ॥ ৭ ॥
উদাসীনঃ সমং পশ্যন্ সর্বেষ্বর্থমিবাত্মনঃ ॥ ৭ ॥
বিলক্ষণঃ স্থূলসূক্ষ্মাদ্ দেহাদাত্মেক্ষিতা স্বদৃক্ ।
যথাগ্নির্দারুণো দাহ্যাদ্ দাহকোঽন্যঃ প্রকাশকঃ ॥ ৮ ॥
যথাগ্নির্দারুণো দাহ্যাদ্ দাহকোঽন্যঃ প্রকাশকঃ ॥ ৮ ॥
নিরোধোত্পত্ত্যণুবৃহন্নানাত্বং তত্কৃতান্ গুণান্ ।
অন্তঃপ্রবিষ্ট আধত্ত এবং দেহগুণান্ পরঃ ॥ ৯ ॥
অন্তঃপ্রবিষ্ট আধত্ত এবং দেহগুণান্ পরঃ ॥ ৯ ॥
যোঽসৌ গুণৈর্বিরচিতো দেহোঽযং পুরুষস্য হি ।
সংসারস্তন্নিবন্ধোঽযং পুংসো বিদ্যাচ্ছিদাত্মনঃ ॥ ১০ ॥
সংসারস্তন্নিবন্ধোঽযং পুংসো বিদ্যাচ্ছিদাত্মনঃ ॥ ১০ ॥
তস্মাজ্জিজ্ঞাসযাত্মানমাত্মস্থং কেবলং পরম্ ।
সঙ্গম্য নিরসেদেতদ্বস্তুবুদ্ধিং যথাক্রমম্ ॥ ১১ ॥
সঙ্গম্য নিরসেদেতদ্বস্তুবুদ্ধিং যথাক্রমম্ ॥ ১১ ॥
আচার্যোঽরণিরাদ্যঃ স্যাদন্তেবাস্যুত্তরারণিঃ ।
তত্সন্ধানং প্রবচনং বিদ্যাসন্ধিঃ সুখাবহঃ ॥ ১২ ॥
তত্সন্ধানং প্রবচনং বিদ্যাসন্ধিঃ সুখাবহঃ ॥ ১২ ॥
বৈশারদী সাতিবিশুদ্ধবুদ্ধি-
র্ধুনোতি মাযাং গুণসম্প্রসূতাম্ ।
গুণাংশ্চ সন্দহ্য যদাত্মমেতত্
স্বযং চ শাম্যত্যসমিদ্ যথাগ্নিঃ ॥ ১৩ ॥
র্ধুনোতি মাযাং গুণসম্প্রসূতাম্ ।
গুণাংশ্চ সন্দহ্য যদাত্মমেতত্
স্বযং চ শাম্যত্যসমিদ্ যথাগ্নিঃ ॥ ১৩ ॥
অথৈষাম্ কর্মকর্তৃণাং ভোক্তৃণাং সুখদুঃখযোঃ ।
নানাত্বমথ নিত্যত্বং লোককালাগমাত্মনাম্ ॥ ১৪ ॥
নানাত্বমথ নিত্যত্বং লোককালাগমাত্মনাম্ ॥ ১৪ ॥
মন্যসে সর্বভাবানাং সংস্থা হ্যৌত্পত্তিকী যথা ।
তত্তদাকৃতিভেদেন জাযতে ভিদ্যতে চ ধীঃ ॥ ১৫ ॥
তত্তদাকৃতিভেদেন জাযতে ভিদ্যতে চ ধীঃ ॥ ১৫ ॥
এবমপ্যঙ্গ সর্বেষাং দেহিনাং দেহযোগতঃ ।
কালাবযবতঃ সন্তি ভাবা জন্মাদযোঽসকৃত্ ॥ ১৬ ॥
কালাবযবতঃ সন্তি ভাবা জন্মাদযোঽসকৃত্ ॥ ১৬ ॥
তত্রাপি কর্মণাং কর্তুরস্বাতন্ত্র্যং চ লক্ষ্যতে ।
ভোক্তুশ্চ দুঃখসুখযোঃ কো ন্বর্থো বিবশং ভজেত্ ॥ ১৭ ॥
ভোক্তুশ্চ দুঃখসুখযোঃ কো ন্বর্থো বিবশং ভজেত্ ॥ ১৭ ॥
ন দেহিনাং সুখং কিঞ্চিদ্ বিদ্যতে বিদুষামপি ।
তথা চ দুঃখং মূঢানাং বৃথাহঙ্করণং পরম্ ॥ ১৮ ॥
তথা চ দুঃখং মূঢানাং বৃথাহঙ্করণং পরম্ ॥ ১৮ ॥
যদি প্রাপ্তিং বিঘাতং চ জানন্তি সুখদুঃখযোঃ ।
তেঽপ্যদ্ধা ন বিদুর্যোগং মৃত্যুর্ন প্রভবেদ্ যথা ॥ ১৯ ॥
তেঽপ্যদ্ধা ন বিদুর্যোগং মৃত্যুর্ন প্রভবেদ্ যথা ॥ ১৯ ॥
কোঽন্বর্থঃ সুখযত্যেনং কামো বা মৃত্যুরন্তিকে ।
আঘাতং নীযমানস্য বধ্যস্যেব ন তুষ্টিদঃ ॥ ২০ ॥
আঘাতং নীযমানস্য বধ্যস্যেব ন তুষ্টিদঃ ॥ ২০ ॥
শ্রুতং চ দৃষ্টবদ্ দুষ্টং স্পর্ধাসূযাত্যযব্যযৈঃ ।
বহ্বন্তরাযকামত্বাত্ কৃষিবচ্চাপি নিষ্ফলম্ ॥ ২১ ॥
বহ্বন্তরাযকামত্বাত্ কৃষিবচ্চাপি নিষ্ফলম্ ॥ ২১ ॥
অন্তরাযৈরবিহিতো যদি ধর্মঃ স্বনুষ্ঠিতঃ ।
তেনাপি নির্জিতং স্থানং যথা গচ্ছতি তচ্ছৃণু ॥ ২২ ॥
তেনাপি নির্জিতং স্থানং যথা গচ্ছতি তচ্ছৃণু ॥ ২২ ॥
ইষ্ট্বেহ দেবতা যজ্ঞৈঃ স্বর্লোকং যাতি যাজ্ঞিকঃ ।
ভুঞ্জীত দেববত্তত্র ভোগান্ দিব্যান্ নিজার্জিতান্ ॥ ২৩ ॥
ভুঞ্জীত দেববত্তত্র ভোগান্ দিব্যান্ নিজার্জিতান্ ॥ ২৩ ॥
স্বপুণ্যোপচিতে শুভ্রে বিমান উপগীযতে ।
গন্ধর্বৈর্বিহরন্ মধ্যে দেবীনাং হৃদ্যবেষধৃক্ ॥ ২৪ ॥
গন্ধর্বৈর্বিহরন্ মধ্যে দেবীনাং হৃদ্যবেষধৃক্ ॥ ২৪ ॥
স্ত্রীভিঃ কামগযানেন কিঙ্কিণীজালমালিনা ।
ক্রীডন্ ন বেদাত্মপাতং সুরাক্রীডেষু নির্বৃতঃ ॥ ২৫ ॥
ক্রীডন্ ন বেদাত্মপাতং সুরাক্রীডেষু নির্বৃতঃ ॥ ২৫ ॥
তাবত্ স মোদতে স্বর্গে যাবত্ পুণ্যং সমাপ্যতে ।
ক্ষীণপুণ্যঃ পতত্যর্বাগনিচ্ছন্ কালচালিতঃ ॥ ২৬ ॥
ক্ষীণপুণ্যঃ পতত্যর্বাগনিচ্ছন্ কালচালিতঃ ॥ ২৬ ॥
যদ্যধর্মরতঃ সঙ্গাদসতাং বাজিতেন্দ্রিযঃ ।
কামাত্মা কৃপণো লুব্ধঃ স্ত্রৈণো ভূতবিহিংসকঃ ॥ ২৭ ॥
কামাত্মা কৃপণো লুব্ধঃ স্ত্রৈণো ভূতবিহিংসকঃ ॥ ২৭ ॥
পশূনবিধিনালভ্য প্রেতভূতগণান্ যজন্ ।
নরকানবশো জন্তুর্গত্বা যাত্যুল্বণং তমঃ ॥ ২৮ ॥
নরকানবশো জন্তুর্গত্বা যাত্যুল্বণং তমঃ ॥ ২৮ ॥
কর্মাণি দুঃখোদর্কাণি কুর্বন্ দেহেন তৈঃ পুনঃ ।
দেহমাভজতে তত্র কিং সুখং মর্ত্যধর্মিণঃ ॥ ২৯ ॥
দেহমাভজতে তত্র কিং সুখং মর্ত্যধর্মিণঃ ॥ ২৯ ॥
লোকানাং লোকপালানাং মদ্ভযং কল্পজীবিনাম্ ।
ব্রহ্মণোঽপি ভযং মত্তো দ্বিপরার্ধপরাযুষঃ ॥ ৩০ ॥
ব্রহ্মণোঽপি ভযং মত্তো দ্বিপরার্ধপরাযুষঃ ॥ ৩০ ॥
গুণাঃ সৃজন্তি কর্মাণি গুণোঽনুসৃজতে গুণান্ ।
জীবস্তু গুণসংযুক্তো ভুঙ্ক্তে কর্মফলান্যসৌ ॥ ৩১ ॥
জীবস্তু গুণসংযুক্তো ভুঙ্ক্তে কর্মফলান্যসৌ ॥ ৩১ ॥
যাবত্ স্যাদ্ গুণবৈষম্যং তাবন্নানাত্বমাত্মনঃ ।
নানাত্বমাত্মনো যাবত্ পারতন্ত্র্যং তদৈব হি ॥ ৩২ ॥
নানাত্বমাত্মনো যাবত্ পারতন্ত্র্যং তদৈব হি ॥ ৩২ ॥
যাবদস্যাস্বতন্ত্রত্বং তাবদীশ্বরতো ভযম্ ।
য এতত্ সমুপাসীরংস্তে মুহ্যন্তি শুচার্পিতাঃ ॥ ৩৩ ॥
য এতত্ সমুপাসীরংস্তে মুহ্যন্তি শুচার্পিতাঃ ॥ ৩৩ ॥
কাল আত্মাগমো লোকঃ স্বভাবো ধর্ম এব চ ।
ইতি মাং বহুধা প্রাহুর্গুণব্যতিকরে সতি ॥ ৩৪ ॥
ইতি মাং বহুধা প্রাহুর্গুণব্যতিকরে সতি ॥ ৩৪ ॥
শ্রীউদ্ধব উবাচ
গুণেষু বর্তমানোঽপি দেহজেষ্বনপাবৃতঃ ।
গুণৈর্ন বধ্যতে দেহী বধ্যতে বা কথং বিভো ॥ ৩৫ ॥
গুণেষু বর্তমানোঽপি দেহজেষ্বনপাবৃতঃ ।
গুণৈর্ন বধ্যতে দেহী বধ্যতে বা কথং বিভো ॥ ৩৫ ॥
কথং বর্তেত বিহরেত্ কৈর্বা জ্ঞাযেত লক্ষণৈঃ ।
কিং ভুঞ্জীতোত বিসৃজেচ্ছযীতাসীত যাতি বা ॥ ৩৬ ॥
কিং ভুঞ্জীতোত বিসৃজেচ্ছযীতাসীত যাতি বা ॥ ৩৬ ॥
এতদচ্যুত মে ব্রূহি প্রশ্নং প্রশ্নবিদাং বর ।
নিত্যবদ্ধো নিত্যমুক্ত এক এবেতি মে ভ্রমঃ ॥ ৩৭ ॥
নিত্যবদ্ধো নিত্যমুক্ত এক এবেতি মে ভ্রমঃ ॥ ৩৭ ॥