ஶ்ரீமத்பாகவதம் ௧௧.௧௨

ஶ்ரீபகவாநுவாச
ந ரோதயதி மாம் யோகோ ந ஸாங்க்யம் தர்ம ஏவ ச ।
ந ஸ்வாத்யாயஸ்தபஸ்த்யாகோ நேஷ்டாபூர்தம் ந தக்ஷிணா ॥ ௧ ॥

வ்ரதாநி யஜ்ஞஶ்சந்தாம்ஸி தீர்தாநி நியமா யமாஃ ।
யதாவருந்தே ஸத்ஸங்கஃ ஸர்வஸங்காபஹோ ஹி மாம் ॥ ௨ ॥

ஸத்ஸங்கேந ஹி தைதேயா யாதுதாநா ம்ரு'காஃ ககாஃ ।
கந்தர்வாப்ஸரஸோ நாகாஃ ஸித்தாஶ்சாரணகுஹ்யகாஃ ॥ ௩ ॥

வித்யாதரா மநுஷ்யேஷு வைஶ்யாஃ ஶூத்ராஃ ஸ்த்ரியோ'ந்த்யஜாஃ ।
ரஜஸ்தமஃப்ரக்ரு'தயஸ்தஸ்மிம்ஸ்தஸ்மிந் யுகே யுகே ॥ ௪ ॥

பஹவோ மத்பதம் ப்ராப்தாஸ்த்வாஷ்ட்ரகாயாதவாதயஃ ।
வ்ரு'ஷபர்வா பலிர்பாணோ மயஶ்சாத விபீஷணஃ ॥ ௫ ॥

ஸுக்ரீவோ ஹநுமாந்ரு'க்ஷோ கஜோ க்ரு'த்ரோ வணிக்பதஃ ।
வ்யாதஃ குப்ஜா வ்ரஜே கோப்யோ யஜ்ஞபத்ந்யஸ்ததாபரே ॥ ௬ ॥

தே நாதீதஶ்ருதிகணா நோபாஸிதமஹத்தமாஃ ।
அவ்ரதாதப்ததபஸஃ மத்ஸங்காந்மாமுபாகதாஃ ॥ ௭ ॥

கேவலேந ஹி பாவேந கோப்யோ காவோ நகா ம்ரு'காஃ ।
யே'ந்யே மூடதியோ நாகாஃ ஸித்தா மாமீயுரஞ்ஜஸா ॥ ௮ ॥

யம் ந யோகேந ஸாங்க்யேந தாநவ்ரததபோ'த்வரைஃ ।
வ்யாக்யாஸ்வாத்யாயஸந்ந்யாஸைஃ ப்ராப்நுயாத் யத்நவாநபி ॥ ௯ ॥

ராமேண ஸார்தம் மதுராம் ப்ரணீதே
ஶ்வாபல்கிநா மய்யநுரக்தசித்தாஃ ।
விகாடபாவேந ந மே வியோக-
தீவ்ராதயோ'ந்யம் தத்ரு'ஶுஃ ஸுகாய ॥ ௧௦ ॥

தாஸ்தாஃ க்ஷபாஃ ப்ரேஷ்டதமேந நீதா
மயைவ வ்ரு'ந்தாவநகோசரேண ।
க்ஷணார்தவத்தாஃ புநரங்க தாஸாம்
ஹீநா மயா கல்பஸமா பபூவுஃ ॥ ௧௧ ॥

தா நாவிதந் மய்யநுஷங்கபத்த-
தியஃ ஸ்வமாத்மாநமதஸ்ததேதம் ।
யதா ஸமாதௌ முநயோ'ப்திதோயே
நத்யஃ ப்ரவிஷ்டா இவ நாமரூபே ॥ ௧௨ ॥

மத்காமா ரமணம் ஜாரமஸ்வரூபவிதோ'பலாஃ ।
ப்ரஹ்ம மாம் பரமம் ப்ராபுஃ ஸங்காச்சதஸஹஸ்ரஶஃ ॥ ௧௩ ॥

தஸ்மாத்த்வமுத்தவோத்ஸ்ரு'ஜ்ய சோதநாம் ப்ரதிசோதநாம் ।
ப்ரவ்ரு'த்திம் ச நிவ்ரு'த்திம் ச ஶ்ரோதவ்யம் ஶ்ருதமேவ ச ॥ ௧௪ ॥

மாமேகமேவ ஶரணமாத்மாநம் ஸர்வதேஹிநாம் ।
யாஹி ஸர்வாத்மபாவேந மயா ஸ்யா ஹ்யகுதோபயஃ ॥ ௧௫ ॥

ஶ்ரீஉத்தவ உவாச
ஸம்ஶயஃ ஶ்ரு'ண்வதோ வாசம் தவ யோகேஶ்வரேஶ்வர ।
ந நிவர்தத ஆத்மஸ்தோ யேந ப்ராம்யதி மே மநஃ ॥ ௧௬ ॥

ஶ்ரீபகவாநுவாச
ஸ ஏஷ ஜீவோ விவரப்ரஸூதிஃ
ப்ராணேந கோஷேண குஹாம் ப்ரவிஷ்டஃ ।
மநோமயம் ஸூக்ஷ்மமுபேத்ய ரூபம்
மாத்ரா ஸ்வரோ வர்ண இதி ஸ்தவிஷ்டஃ ॥ ௧௭ ॥

யதாநலஃ கே'நிலபந்துருஷ்மா
பலேந தாருண்யதிமத்யமாநஃ ।
அணுஃ ப்ரஜாதோ ஹவிஷா ஸமேததே
ததைவ மே வ்யக்திரியம் ஹி வாணீ ॥ ௧௮ ॥

ஏவம் கதிஃ கர்ம கதிர்விஸர்கோ
க்ராணோ ரஸோ த்ரு'க் ஸ்பர்ஶஃ ஶ்ருதிஶ்ச ।
ஸங்கல்பவிஜ்ஞாநமதாபிமாநஃ
ஸூத்ரம் ரஜஃஸத்த்வதமோவிகாரஃ ॥ ௧௯ ॥

அயம் ஹி ஜீவஸ்த்ரிவ்ரு'தப்ஜயோநி-
ரவ்யக்த ஏகோ வயஸா ஸ ஆத்யஃ ।
விஶ்லிஷ்டஶக்திர்பஹுதேவ பாதி
பீஜாநி யோநிம் ப்ரதிபத்ய யத்வத் ॥ ௨௦ ॥

யஸ்மிந்நிதம் ப்ரோதமஶேஷமோதம்
படோ யதா தந்துவிதாநஸம்ஸ்தஃ ।
ய ஏஷ ஸம்ஸாரதருஃ புராணஃ
கர்மாத்மகஃ புஷ்பபலே ப்ரஸூதே ॥ ௨௧ ॥

த்வே அஸ்ய பீஜே ஶதமூலஸ்த்ரிநாலஃ
பஞ்சஸ்கந்தஃ பஞ்சரஸப்ரஸூதிஃ ।
தஶைகஶாகோ த்விஸுபர்ணநீட-
ஸ்த்ரிவல்கலோ த்விபலோ'ர்கம் ப்ரவிஷ்டஃ ॥ ௨௨ ॥

அதந்தி சைகம் பலமஸ்ய க்ரு'த்ரா
க்ராமேசரா ஏகமரண்யவாஸாஃ ।
ஹம்ஸா ய ஏகம் பஹுரூபமிஜ்யை-
ர்மாயாமயம் வேத ஸ வேத வேதம் ॥ ௨௩ ॥

ஏவம் குரூபாஸநயைகபக்த்யா
வித்யாகுடாரேண ஶிதேந தீரஃ ।
விவ்ரு'ஶ்ச்ய ஜீவாஶயமப்ரமத்தஃ
ஸம்பத்ய சாத்மாநமத த்யஜாஸ்த்ரம் ॥ ௨௪ ॥

குணேஷ்வாவிஶதே சேதோ குணாஶ்சேதஸி ச ப்ரஜாஃ ।
ஜீவஸ்ய தேஹ உபயம் குணாஶ்சேதோ மதாத்மநஃ

குணேஷு சாவிஶச்சித்தமபீக்ஷ்ணம் குணஸேவயா ।
குணாஶ்ச சித்தப்ரபவா மத்ரூப உபயம் த்யஜேத்

ஜாக்ரத்ஸ்வப்நஃ ஸுஷுப்தம் ச குணதோ புத்திவ்ரு'த்தயஃ ।
தாஸாம் விலக்ஷணோ ஜீவஃ ஸாக்ஷித்வேந விநிஶ்சிதஃ

யர்ஹி ஸம்ஸ்ரு'திபந்தோ'யமாத்மநோ குணவ்ரு'த்திதஃ ।
மயி துர்யே ஸ்திதோ ஜஹ்யாத்த்யாகஸ்தத்குணசேதஸாம்

அஹங்காரக்ரு'தம் பந்தமாத்மநோ'ர்தவிபர்யயம் ।
வித்வாந் நிர்வித்ய ஸம்ஸாரசிந்தாம் துர்யே ஸ்திதஸ்த்யஜேத்

யாவந்நாநார்ததீஃ பும்ஸோ ந நிவர்தேத யுக்திபிஃ ।
ஜாகர்த்யபி ஸ்வபந்நஜ்ஞஃ ஸ்வப்நே ஜாகரணம் யதா

அஸத்த்வாதாத்மநோ'ந்யேஷாம் பாவாநாம் தத்க்ரு'தா பிதா ।
கதயோ ஹேதவஶ்சாஸ்ய ம்ரு'ஷா ஸ்வப்நத்ரு'ஶோ யதா

யோ ஜாகரே பஹிரநுக்ஷணதர்மிணோ'ர்தாந்
புங்க்தே ஸமஸ்தகரணைர்ஹ்ரு'தி தத்ஸத்ரு'க்ஷாந் ।
ஸ்வப்நே ஸுஷுப்த உபஸம்ஹரதே ஸ ஏகஃ
ஸ்ம்ரு'த்யந்வயாத்த்ரிகுணவ்ரு'த்தித்ரு'கிந்த்ரியேஶஃ

ஏவம் விம்ரு'ஶ்ய குணதோ மநஸஸ்த்ர்யவஸ்தா
மந்மாயயா மயி க்ரு'தா இதி நிஶ்சிதார்தாஃ ।
ஸஞ்சித்ய ஹார்தமநுமாநஸதுக்திதீக்ஷ்ண-
ஜ்ஞாநாஸிநா பஜத மாகிலஸம்ஶயாதிம்

ஈக்ஷேத விப்ரமமிதம் மநஸோ விலாஸம்
த்ரு'ஷ்டம் விநஷ்டமதிலோலமலாதசக்ரம் ।
விஜ்ஞாநமேகமுருதேவ விபாதி மாயா
ஸ்வப்நஸ்த்ரிதா குணவிஸர்கக்ரு'தோ விகல்பஃ

த்ரு'ஷ்டிம் ததஃ ப்ரதிநிவர்த்ய நிவ்ரு'த்தத்ரு'ஷ்ண-
ஸ்தூஷ்ணீம் பவேந்நிஜஸுகாநுபவோ நிரீஹஃ ।
ஸந்த்ரு'ஶ்யதே க்வ ச யதீதமவஸ்துபுத்த்யா
த்யக்தம் ப்ரமாய ந பவேத்ஸ்ம்ரு'திராநிபாதாத்

தேஹம் ச நஶ்வரமவஸ்திதமுத்திதம் வா
ஸித்தோ ந பஶ்யதி யதோ'த்யகமத்ஸ்வரூபம் ।
தைவாதபேதமுத தைவவஶாதுபேதம்
வாஸோ யதா பரிக்ரு'தம் மதிராமதாந்தஃ

தேஹோ'பி தைவவஶகஃ கலு கர்ம யாவத்
ஸ்வாரம்பகம் ப்ரதிஸமீக்ஷத ஏவ ஸாஸுஃ ।
தம் ஸ ப்ரபஞ்சமதிரூடஸமாதியோகஃ
ஸ்வாப்நம் புநர்ந பஜதே ப்ரதிபுத்தவஸ்துஃ

மயைததுக்தம் வோ விப்ரா குஹ்யம் யத்ஸாங்க்யயோகயோஃ ।
ஜாநீத மா''கதம் யஜ்ஞம் யுஷ்மத்தர்மவிவக்ஷயா

அஹம் யோகஸ்ய ஸாங்க்யஸ்ய ஸத்யஸ்யர்தஸ்ய தேஜஸஃ ।
பராயணம் த்விஜஶ்ரேஷ்டாஃ ஶ்ரியஃகீர்தேர்தமஸ்ய ச

மாம் பஜந்தி குணாஃ ஸர்வே நிர்குணம் நிரபேக்ஷகம் ।
ஸுஹ்ரு'தம் ப்ரியமாத்மாநம் ஸாம்யாஸங்காதயோகுணாஃ

இதி மே சிந்நஸந்தேஹா முநயஃ ஸநகாதயஃ ।
ஸபாஜயித்வா பரயா பக்த்யாக்ரு'ணத ஸம்ஸ்தவைஃ

தைரஹம் பூஜிதஃ ஸம்யக் ஸம்ஸ்துதஃ பரமர்ஷிபிஃ ।
ப்ரத்யேயாய ஸ்வகம் தாம பஶ்யதஃ பரமேஷ்டிநஃ