শ্রীভগবানুবাচ
সত্ত্বং রজস্তম ইতি গুণা বুদ্ধের্ন চাত্মনঃ ।
সত্ত্বেনান্যতমৌ হন্যাত্ সত্ত্বং সত্ত্বেন চৈব হি ॥ ১ ॥
সত্ত্বং রজস্তম ইতি গুণা বুদ্ধের্ন চাত্মনঃ ।
সত্ত্বেনান্যতমৌ হন্যাত্ সত্ত্বং সত্ত্বেন চৈব হি ॥ ১ ॥
সত্ত্বাদ্ ধর্মো ভবেদ্ বৃদ্ধাত্ পুংসো মদ্ভক্তিলক্ষণঃ ।
সাত্ত্বিকোপাসযা সত্ত্বং ততো ধর্মঃ প্রবর্ততে ॥ ২ ॥
সাত্ত্বিকোপাসযা সত্ত্বং ততো ধর্মঃ প্রবর্ততে ॥ ২ ॥
ধর্মো রজস্তমো হন্যাত্ সত্ত্ববৃদ্ধিরনুত্তমঃ ।
আশু নশ্যতি তন্মূলো হ্যধর্ম উভযে হতে ॥ ৩ ॥
আশু নশ্যতি তন্মূলো হ্যধর্ম উভযে হতে ॥ ৩ ॥
আগমোঽপঃ প্রজা দেশঃ কালঃ কর্ম চ জন্ম চ ।
ধ্যানং মন্ত্রোঽথ সংস্কারো দশৈতে গুণহেতবঃ ॥ ৪ ॥
ধ্যানং মন্ত্রোঽথ সংস্কারো দশৈতে গুণহেতবঃ ॥ ৪ ॥
তত্তত্ সাত্ত্বিকমেবৈষাং যদ্ যদ্ বৃদ্ধাঃ প্রচক্ষতে ।
নিন্দন্তি তামসং তত্তদ্ রাজসং তদুপেক্ষিতম্ ॥ ৫ ॥
নিন্দন্তি তামসং তত্তদ্ রাজসং তদুপেক্ষিতম্ ॥ ৫ ॥
সাত্ত্বিকান্যেব সেবেত পুমান্ সত্ত্ববিবৃদ্ধযে ।
ততো ধর্মস্ততো জ্ঞানং যাবত্ স্মৃতিরপোহনম্ ॥ ৬ ॥
ততো ধর্মস্ততো জ্ঞানং যাবত্ স্মৃতিরপোহনম্ ॥ ৬ ॥
বেণুসঙ্ঘর্ষজো বহ্নির্দগ্ধ্বা শাম্যতি তদ্বনম্ ।
এবং গুণব্যত্যযজো দেহঃ শাম্যতি তত্ক্রিযঃ ॥ ৭ ॥
এবং গুণব্যত্যযজো দেহঃ শাম্যতি তত্ক্রিযঃ ॥ ৭ ॥
শ্রীউদ্ধব উবাচ
বিদন্তি মর্ত্যাঃ প্রাযেণ বিষযান্ পদমাপদাম্ ।
তথাপি ভুঞ্জতে কৃষ্ণ তত্কথং শ্বখরাজবত্ ॥ ৮ ॥
বিদন্তি মর্ত্যাঃ প্রাযেণ বিষযান্ পদমাপদাম্ ।
তথাপি ভুঞ্জতে কৃষ্ণ তত্কথং শ্বখরাজবত্ ॥ ৮ ॥
শ্রীভগবানুবাচ
অহমিত্যন্যথাবুদ্ধিঃ প্রমত্তস্য যথা হৃদি ।
উত্সর্পতি রজো ঘোরং ততো বৈকারিকং মনঃ ॥ ৯ ॥
অহমিত্যন্যথাবুদ্ধিঃ প্রমত্তস্য যথা হৃদি ।
উত্সর্পতি রজো ঘোরং ততো বৈকারিকং মনঃ ॥ ৯ ॥
রজোযুক্তস্য মনসঃ সঙ্কল্পঃ সবিকল্পকঃ ।
ততঃ কামো গুণধ্যানাদ্ দুঃসহঃ স্যাদ্ধি দুর্মতেঃ ॥ ১০ ॥
ততঃ কামো গুণধ্যানাদ্ দুঃসহঃ স্যাদ্ধি দুর্মতেঃ ॥ ১০ ॥
করোতি কামবশগঃ কর্মাণ্যবিজিতেন্দ্রিযঃ ।
দুঃখোদর্কাণি সম্পশ্যন্ রজোবেগবিমোহিতঃ ॥ ১১ ॥
দুঃখোদর্কাণি সম্পশ্যন্ রজোবেগবিমোহিতঃ ॥ ১১ ॥
রজস্তমোভ্যাং যদপি বিদ্বান্ বিক্ষিপ্তধীঃ পুনঃ ।
অতন্দ্রিতো মনো যুঞ্জন্ দোষদৃষ্টির্ন সজ্জতে ॥ ১২ ॥
অতন্দ্রিতো মনো যুঞ্জন্ দোষদৃষ্টির্ন সজ্জতে ॥ ১২ ॥
অপ্রমত্তোঽনুযুঞ্জীত মনো ময্যর্পযঞ্ছনৈঃ ।
অনির্বিণ্ণো যথাকালং জিতশ্বাসো জিতাসনঃ ॥ ১৩ ॥
অনির্বিণ্ণো যথাকালং জিতশ্বাসো জিতাসনঃ ॥ ১৩ ॥
এতাবান্ যোগ আদিষ্টো মচ্ছিষ্যৈঃ সনকাদিভিঃ ।
সর্বতো মন আকৃষ্য ময্যদ্ধাবেশ্যতে যথা ॥ ১৪ ॥
সর্বতো মন আকৃষ্য ময্যদ্ধাবেশ্যতে যথা ॥ ১৪ ॥
শ্রীউদ্ধব উবাচ
যদা ত্বং সনকাদিভ্যো যেন রূপেণ কেশব ।
যোগমাদিষ্টবানেতদ্ রূপমিচ্ছামি বেদিতুম্ ॥ ১৫ ॥
যদা ত্বং সনকাদিভ্যো যেন রূপেণ কেশব ।
যোগমাদিষ্টবানেতদ্ রূপমিচ্ছামি বেদিতুম্ ॥ ১৫ ॥
শ্রীভগবানুবাচ
পুত্রা হিরণ্যগর্ভস্য মানসাঃ সনকাদযঃ ।
পপ্রচ্ছুঃ পিতরং সূক্ষ্মাং যোগস্যৈকান্তিকীং গতিম্ ॥ ১৬ ॥
পুত্রা হিরণ্যগর্ভস্য মানসাঃ সনকাদযঃ ।
পপ্রচ্ছুঃ পিতরং সূক্ষ্মাং যোগস্যৈকান্তিকীং গতিম্ ॥ ১৬ ॥
সনকাদয ঊচুঃ
গুণেষ্বাবিশতে চেতো গুণাশ্চেতসি চ প্রভো ।
কথমন্যোন্যসন্ত্যাগো মুমুক্ষোরতিতিতীর্ষোঃ ॥ ১৭ ॥
গুণেষ্বাবিশতে চেতো গুণাশ্চেতসি চ প্রভো ।
কথমন্যোন্যসন্ত্যাগো মুমুক্ষোরতিতিতীর্ষোঃ ॥ ১৭ ॥
শ্রীভগবানুবাচ
এবং পৃষ্টো মহাদেবঃ স্বযম্ভূর্ভূতভাবনঃ ।
ধ্যাযমানঃ প্রশ্নবীজং নাভ্যপদ্যত কর্মধীঃ ॥ ১৮ ॥
এবং পৃষ্টো মহাদেবঃ স্বযম্ভূর্ভূতভাবনঃ ।
ধ্যাযমানঃ প্রশ্নবীজং নাভ্যপদ্যত কর্মধীঃ ॥ ১৮ ॥
স মামচিন্তযদ্ দেবঃ প্রশ্নপারতিতীর্ষযা ।
তস্যাহং হংসরূপেণ সকাশমগমং তদা ॥ ১৯ ॥
তস্যাহং হংসরূপেণ সকাশমগমং তদা ॥ ১৯ ॥
দৃষ্ট্বা মাং ত উপব্রজ্য কৃত্বা পাদাভিবন্দনম্ ।
ব্রহ্মাণমগ্রতঃ কৃত্বা পপ্রচ্ছুঃ কো ভবানিতি ॥ ২০ ॥
ব্রহ্মাণমগ্রতঃ কৃত্বা পপ্রচ্ছুঃ কো ভবানিতি ॥ ২০ ॥
ইত্যহং মুনিভিঃ পৃষ্টস্তত্ত্বজিজ্ঞাসুভিস্তদা ।
যদবোচমহং তেভ্যস্তদুদ্ধব নিবোধ মে ॥ ২১ ॥
যদবোচমহং তেভ্যস্তদুদ্ধব নিবোধ মে ॥ ২১ ॥
বস্তুনো যদ্যনানাত্ব আত্মনঃ প্রশ্ন ঈদৃশঃ ।
কথং ঘটেত বো বিপ্রা বক্তুর্বা মে ক আশ্রযঃ ॥ ২২ ॥
কথং ঘটেত বো বিপ্রা বক্তুর্বা মে ক আশ্রযঃ ॥ ২২ ॥
পঞ্চাত্মকেষু ভূতেষু সমানেষু চ বস্তুতঃ ।
কো ভবানিতি বঃ প্রশ্নো বাচারম্ভো হ্যনর্থকঃ ॥ ২৩ ॥
কো ভবানিতি বঃ প্রশ্নো বাচারম্ভো হ্যনর্থকঃ ॥ ২৩ ॥
মনসা বচসা দৃষ্ট্যা গৃহ্যতেঽন্যৈরপীন্দ্রিযৈঃ ।
অহমেব ন মত্তোঽন্যদিতি বুধ্যধ্বমঞ্জসা ॥ ২৪ ॥
অহমেব ন মত্তোঽন্যদিতি বুধ্যধ্বমঞ্জসা ॥ ২৪ ॥
গুণেষ্বাবিশতে চেতো গুণাশ্চেতসি চ প্রজাঃ ।
জীবস্য দেহ উভযং গুণাশ্চেতো মদাত্মনঃ ॥ ২৫ ॥
জীবস্য দেহ উভযং গুণাশ্চেতো মদাত্মনঃ ॥ ২৫ ॥
গুণেষু চাবিশচ্চিত্তমভীক্ষ্ণং গুণসেবযা ।
গুণাশ্চ চিত্তপ্রভবা মদ্রূপ উভযং ত্যজেত্ ॥ ২৬ ॥
গুণাশ্চ চিত্তপ্রভবা মদ্রূপ উভযং ত্যজেত্ ॥ ২৬ ॥
জাগ্রত্ স্বপ্নঃ সুষুপ্তং চ গুণতো বুদ্ধিবৃত্তযঃ ।
তাসাং বিলক্ষণো জীবঃ সাক্ষিত্বেন বিনিশ্চিতঃ ॥ ২৭ ॥
তাসাং বিলক্ষণো জীবঃ সাক্ষিত্বেন বিনিশ্চিতঃ ॥ ২৭ ॥
যর্হি সংসৃতিবন্ধোঽযমাত্মনো গুণবৃত্তিদঃ ।
মযি তুর্যে স্থিতো জহ্যাত্ ত্যাগস্তদ্ গুণচেতসাম্ ॥ ২৮ ॥
মযি তুর্যে স্থিতো জহ্যাত্ ত্যাগস্তদ্ গুণচেতসাম্ ॥ ২৮ ॥
অহঙ্কারকৃতং বন্ধমাত্মনোঽর্থবিপর্যযম্ ।
বিদ্বান্ নির্বিদ্য সংসারচিন্তাং তুর্যে স্থিতস্ত্যজেত্ ॥ ২৯ ॥
বিদ্বান্ নির্বিদ্য সংসারচিন্তাং তুর্যে স্থিতস্ত্যজেত্ ॥ ২৯ ॥
যাবন্নানার্থধীঃ পুংসো ন নিবর্তেত যুক্তিভিঃ ।
জাগর্ত্যপি স্বপন্নজ্ঞঃ স্বপ্নে জাগরণং যথা ॥ ৩০ ॥
জাগর্ত্যপি স্বপন্নজ্ঞঃ স্বপ্নে জাগরণং যথা ॥ ৩০ ॥
অসত্ত্বাদাত্মনোঽন্যেষাং ভাবানাং তত্কৃতা ভিদা ।
গতযো হেতবশ্চাস্য মৃষা স্বপ্নদৃশো যথা ॥ ৩১ ॥
গতযো হেতবশ্চাস্য মৃষা স্বপ্নদৃশো যথা ॥ ৩১ ॥
যো জাগরে বহিরনুক্ষণধর্মিণোঽর্থান্
ভুঙ্ক্তে সমস্তকরণৈর্হৃদি তত্সদৃক্ষান্ ।
স্বপ্নে সুষুপ্ত উপসংহরতে স একঃ
স্মৃত্যন্বযাত্ত্রিগুণবৃত্তিদৃগিন্দ্রিযেশঃ ॥ ৩২ ॥
ভুঙ্ক্তে সমস্তকরণৈর্হৃদি তত্সদৃক্ষান্ ।
স্বপ্নে সুষুপ্ত উপসংহরতে স একঃ
স্মৃত্যন্বযাত্ত্রিগুণবৃত্তিদৃগিন্দ্রিযেশঃ ॥ ৩২ ॥
এবং বিমৃশ্য গুণতো মনসস্ত্র্যবস্থা
মন্মাযযা মযি কৃতা ইতি নিশ্চিতার্থাঃ ।
সঞ্ছিদ্য হার্দমনুমানসদুক্তিতীক্ষ্ণ-
জ্ঞানাসিনা ভজত মাখিলসংশযাধিম্ ॥ ৩৩ ॥
মন্মাযযা মযি কৃতা ইতি নিশ্চিতার্থাঃ ।
সঞ্ছিদ্য হার্দমনুমানসদুক্তিতীক্ষ্ণ-
জ্ঞানাসিনা ভজত মাখিলসংশযাধিম্ ॥ ৩৩ ॥
ঈক্ষেত বিভ্রমমিদং মনসো বিলাসং
দৃষ্টং বিনষ্টমতিলোলমলাতচক্রম্ ।
বিজ্ঞানমেকমুরুধেব বিভাতি মাযা
স্বপ্নস্ত্রিধা গুণবিসর্গকৃতো বিকল্পঃ ॥ ৩৪ ॥
দৃষ্টং বিনষ্টমতিলোলমলাতচক্রম্ ।
বিজ্ঞানমেকমুরুধেব বিভাতি মাযা
স্বপ্নস্ত্রিধা গুণবিসর্গকৃতো বিকল্পঃ ॥ ৩৪ ॥
দৃষ্টিং ততঃ প্রতিনিবর্ত্য নিবৃত্ততৃষ্ণ-
স্তূষ্ণীং ভবেন্নিজসুখানুভবো নিরীহঃ
সন্দৃশ্যতে ক্ব চ যদীদমবস্তুবুদ্ধ্যা
ত্যক্তং ভ্রমায ন ভবেত্ স্মৃতিরানিপাতাত্ ॥ ৩৫ ॥
স্তূষ্ণীং ভবেন্নিজসুখানুভবো নিরীহঃ
সন্দৃশ্যতে ক্ব চ যদীদমবস্তুবুদ্ধ্যা
ত্যক্তং ভ্রমায ন ভবেত্ স্মৃতিরানিপাতাত্ ॥ ৩৫ ॥
দেহং চ নশ্বরমবস্থিতমুত্থিতং বা
সিদ্ধো ন পশ্যতি যতোঽধ্যগমত্ স্বরূপম্ ।
দৈবাদপেতমথ দৈববশাদুপেতং
বাসো যথা পরিকৃতং মদিরামদান্ধঃ ॥ ৩৬ ॥
সিদ্ধো ন পশ্যতি যতোঽধ্যগমত্ স্বরূপম্ ।
দৈবাদপেতমথ দৈববশাদুপেতং
বাসো যথা পরিকৃতং মদিরামদান্ধঃ ॥ ৩৬ ॥
দেহোঽপি দৈববশগঃ খলু কর্ম যাবত্
স্বারম্ভকং প্রতিসমীক্ষত এব সাসুঃ ।
তং সপ্রপঞ্চমধিরূঢসমাধিযোগঃ
স্বাপ্নং পুনর্ন ভজতে প্রতিবুদ্ধবস্তুঃ ॥ ৩৭ ॥
স্বারম্ভকং প্রতিসমীক্ষত এব সাসুঃ ।
তং সপ্রপঞ্চমধিরূঢসমাধিযোগঃ
স্বাপ্নং পুনর্ন ভজতে প্রতিবুদ্ধবস্তুঃ ॥ ৩৭ ॥
মযৈতদুক্তং বো বিপ্রা গুহ্যং যত্ সাঙ্খ্যযোগযোঃ ।
জানীত মাগতং যজ্ঞং যুষ্মদ্ধর্মবিবক্ষযা ॥ ৩৮ ॥
জানীত মাগতং যজ্ঞং যুষ্মদ্ধর্মবিবক্ষযা ॥ ৩৮ ॥
অহং যোগস্য সাংখ্যস্য সত্যস্যর্তস্য তেজসঃ ।
পরাযণং দ্বিজশ্রেষ্ঠাঃ শ্রিযঃ কীর্তের্দমস্য চ ॥ ৩৯ ॥
পরাযণং দ্বিজশ্রেষ্ঠাঃ শ্রিযঃ কীর্তের্দমস্য চ ॥ ৩৯ ॥
মাং ভজন্তি গুণাঃ সর্বে নির্গুণং নিরপেক্ষকম্ ।
সুহৃদং প্রিযমাত্মানং সাম্যাসঙ্গাদযোঽগুণাঃ ॥ ৪০ ॥
সুহৃদং প্রিযমাত্মানং সাম্যাসঙ্গাদযোঽগুণাঃ ॥ ৪০ ॥
ইতি মে ছিন্নসন্দেহা মুনযঃ সনকাদযঃ ।
সভাজযিত্বা পরযা ভক্ত্যাগৃণত সংস্তবৈঃ ॥ ৪১ ॥
সভাজযিত্বা পরযা ভক্ত্যাগৃণত সংস্তবৈঃ ॥ ৪১ ॥
তৈরহং পূজিতঃ সম্যক্ সংস্তুতঃ পরমর্ষিভিঃ ।
প্রত্যেযায স্বকং ধাম পশ্যতঃ পরমেষ্ঠিনঃ ॥ ৪২ ॥
প্রত্যেযায স্বকং ধাম পশ্যতঃ পরমেষ্ঠিনঃ ॥ ৪২ ॥
তত্সর্বব্যাপকং চিত্তমাকৃষ্যৈকত্র ধারযেত্ ।
নান্যানি চিন্তযেদ্ভূযঃ সুস্মিতং ভাবযেন্মুখম্
নান্যানি চিন্তযেদ্ভূযঃ সুস্মিতং ভাবযেন্মুখম্
তত্র লব্ধপদং চিত্তমাকৃষ্য ব্যোম্নি ধারযেত্ ।
তচ্চ ত্যক্ত্বা মদারোহো ন কিঞ্চিদপি চিন্তযেত্
তচ্চ ত্যক্ত্বা মদারোহো ন কিঞ্চিদপি চিন্তযেত্
এবং সমাহিতমতির্মামেবাত্মানমাত্মনি ।
বিচষ্টে মযি সর্বাত্মন্ জ্যোতির্জ্যোতিষি সংযুতম্
বিচষ্টে মযি সর্বাত্মন্ জ্যোতির্জ্যোতিষি সংযুতম্
ধ্যানেনেত্থং সুতীব্রেণ যুঞ্জতো যোগিনো মনঃ ।
সংযাস্যত্যাশু নির্বাণং দ্রব্যজ্ঞানক্রিযাভ্রমঃ
সংযাস্যত্যাশু নির্বাণং দ্রব্যজ্ঞানক্রিযাভ্রমঃ