শ্রীউদ্ধব উবাচ
যস্ত্বযাভিহিতঃ পূর্বং ধর্মস্ত্বদ্ভক্তিলক্ষণঃ ।
বর্ণাশ্রমাচারবতাং সর্বেষাং দ্বিপদামপি ॥ ১ ॥
যস্ত্বযাভিহিতঃ পূর্বং ধর্মস্ত্বদ্ভক্তিলক্ষণঃ ।
বর্ণাশ্রমাচারবতাং সর্বেষাং দ্বিপদামপি ॥ ১ ॥
যথানুষ্ঠীযমানেন ত্বযি ভক্তির্নৃণাং ভবেত্ ।
স্বধর্মেণারবিন্দাক্ষ তন্ মমাখ্যাতুমর্হসি ॥ ২ ॥
স্বধর্মেণারবিন্দাক্ষ তন্ মমাখ্যাতুমর্হসি ॥ ২ ॥
পুরা কিল মহাবাহো ধর্মং পরমকং প্রভো ।
যত্তেন হংসরূপেণ ব্রহ্মণেঽভ্যাত্থ মাধব ॥ ৩ ॥
যত্তেন হংসরূপেণ ব্রহ্মণেঽভ্যাত্থ মাধব ॥ ৩ ॥
স ইদানীং সুমহতা কালেনামিত্রকর্শন ।
ন প্রাযো ভবিতা মর্ত্যলোকে প্রাগনুশাসিতঃ ॥ ৪ ॥
ন প্রাযো ভবিতা মর্ত্যলোকে প্রাগনুশাসিতঃ ॥ ৪ ॥
বক্তা কর্তাবিতা নান্যো ধর্মস্যাচ্যুত তে ভুবি ।
সভাযামপি বৈরিঞ্চ্যাং যত্র মূর্তিধরাঃ কলাঃ ॥ ৫ ॥
সভাযামপি বৈরিঞ্চ্যাং যত্র মূর্তিধরাঃ কলাঃ ॥ ৫ ॥
কর্ত্রাবিত্রা প্রবক্ত্রা চ ভবতা মধুসূদন ।
ত্যক্তে মহীতলে দেব বিনষ্টং কঃ প্রবক্ষ্যতি ॥ ৬ ॥
ত্যক্তে মহীতলে দেব বিনষ্টং কঃ প্রবক্ষ্যতি ॥ ৬ ॥
তত্ত্বং নঃ সর্বধর্মজ্ঞ ধর্মস্ত্বদ্ভক্তিলক্ষণঃ ।
যথা যস্য বিধীযেত তথা বর্ণয মে প্রভো ॥ ৭ ॥
যথা যস্য বিধীযেত তথা বর্ণয মে প্রভো ॥ ৭ ॥
শ্রীশুক উবাচ
ইত্থং স্বভৃত্যমুখ্যেন পৃষ্টঃ স ভগবান্ হরিঃ ।
প্রীতঃ ক্ষেমায মর্ত্যানাং ধর্মানাহ সনাতনান্ ॥ ৮ ॥
ইত্থং স্বভৃত্যমুখ্যেন পৃষ্টঃ স ভগবান্ হরিঃ ।
প্রীতঃ ক্ষেমায মর্ত্যানাং ধর্মানাহ সনাতনান্ ॥ ৮ ॥
শ্রীভগবানুবাচ
ধর্ম্য এষ তব প্রশ্নো নৈঃশ্রেযসকরো নৃণাম্ ।
বর্ণাশ্রমাচারবতাং তমুদ্ধব নিবোধ মে ॥ ৯ ॥
ধর্ম্য এষ তব প্রশ্নো নৈঃশ্রেযসকরো নৃণাম্ ।
বর্ণাশ্রমাচারবতাং তমুদ্ধব নিবোধ মে ॥ ৯ ॥
আদৌ কৃতযুগে বর্ণো নৃণাং হংস ইতি স্মৃতঃ ।
কৃতকৃত্যাঃ প্রজা জাত্যা তস্মাত্ কৃতযুগং বিদুঃ ॥ ১০ ॥
কৃতকৃত্যাঃ প্রজা জাত্যা তস্মাত্ কৃতযুগং বিদুঃ ॥ ১০ ॥
বেদঃ প্রণব এবাগ্রে ধর্মোঽহং বৃষরূপধৃক্ ।
উপাসতে তপোনিষ্ঠা হংসং মাং মুক্তকিল্বিষাঃ ॥ ১১ ॥
উপাসতে তপোনিষ্ঠা হংসং মাং মুক্তকিল্বিষাঃ ॥ ১১ ॥
ত্রেতামুখে মহাভাগ প্রাণান্মে হৃদযাত্ত্রযী ।
বিদ্যা প্রাদুরভূত্তস্যা অহমাসং ত্রিবৃন্মখঃ ॥ ১২ ॥
বিদ্যা প্রাদুরভূত্তস্যা অহমাসং ত্রিবৃন্মখঃ ॥ ১২ ॥
বিপ্রক্ষত্রিযবিট্শূদ্রা মুখবাহূরুপাদজাঃ ।
বৈরাজাত্ পুরুষাজ্জাতা য আত্মাচারলক্ষণাঃ ॥ ১৩ ॥
বৈরাজাত্ পুরুষাজ্জাতা য আত্মাচারলক্ষণাঃ ॥ ১৩ ॥
গৃহাশ্রমো জঘনতো ব্রহ্মচর্যং হৃদো মম ।
বক্ষঃস্থলাদ্বনেবাসঃ সংন্যাসঃ শিরসি স্থিতঃ ॥ ১৪ ॥
বক্ষঃস্থলাদ্বনেবাসঃ সংন্যাসঃ শিরসি স্থিতঃ ॥ ১৪ ॥
বর্ণানামাশ্রমাণাং চ জন্মভূম্যনুসারিণীঃ ।
আসন্ প্রকৃতযো নৃণাং নীচৈর্নীচোত্তমোত্তমাঃ ॥ ১৫ ॥
আসন্ প্রকৃতযো নৃণাং নীচৈর্নীচোত্তমোত্তমাঃ ॥ ১৫ ॥
শমো দমস্তপঃ শৌচং সন্তোষঃ ক্ষান্তিরার্জবম্ ।
মদ্ভক্তিশ্চ দযা সত্যং ব্রহ্মপ্রকৃতযস্ত্বিমাঃ ॥ ১৬ ॥
মদ্ভক্তিশ্চ দযা সত্যং ব্রহ্মপ্রকৃতযস্ত্বিমাঃ ॥ ১৬ ॥
তেজো বলং ধৃতিঃ শৌর্যং তিতিক্ষৌদার্যমুদ্যমঃ ।
স্থৈর্যং ব্রহ্মণ্যমৈশ্বর্যং ক্ষত্রপ্রকৃতযস্ত্বিমাঃ ॥ ১৭ ॥
স্থৈর্যং ব্রহ্মণ্যমৈশ্বর্যং ক্ষত্রপ্রকৃতযস্ত্বিমাঃ ॥ ১৭ ॥
আস্তিক্যং দাননিষ্ঠা চ অদম্ভো ব্রহ্মসেবনম্ ।
অতুষ্টিরর্থোপচযৈর্বৈশ্যপ্রকৃতযস্ত্বিমাঃ ॥ ১৮ ॥
অতুষ্টিরর্থোপচযৈর্বৈশ্যপ্রকৃতযস্ত্বিমাঃ ॥ ১৮ ॥
শুশ্রূষণং দ্বিজগবাং দেবানাং চাপ্যমাযযা ।
তত্র লব্ধেন সন্তোষঃ শূদ্রপ্রকৃতযস্ত্বিমাঃ ॥ ১৯ ॥
তত্র লব্ধেন সন্তোষঃ শূদ্রপ্রকৃতযস্ত্বিমাঃ ॥ ১৯ ॥
অশৌচমনৃতং স্তেযং নাস্তিক্যং শুষ্কবিগ্রহঃ ।
কামঃ ক্রোধশ্চ তর্ষশ্চ স ভাবোঽন্ত্যাবসাযিনাম্ ॥ ২০ ॥
কামঃ ক্রোধশ্চ তর্ষশ্চ স ভাবোঽন্ত্যাবসাযিনাম্ ॥ ২০ ॥
অহিংসা সত্যমস্তেযমকামক্রোধলোভতা ।
ভূতপ্রিযহিতেহা চ ধর্মোঽযং সার্ববর্ণিকঃ ॥ ২১ ॥
ভূতপ্রিযহিতেহা চ ধর্মোঽযং সার্ববর্ণিকঃ ॥ ২১ ॥
দ্বিতীযং প্রাপ্যানুপূর্ব্যাজ্জন্মোপনযনং দ্বিজঃ ।
বসন্ গুরুকুলে দান্তো ব্রহ্মাধীযীত চাহূতঃ ॥ ২২ ॥
বসন্ গুরুকুলে দান্তো ব্রহ্মাধীযীত চাহূতঃ ॥ ২২ ॥
মেখলাজিনদণ্ডাক্ষব্রহ্মসূত্রকমণ্ডলূন্ ।
জটিলোঽধৌতদদ্বাসোঽরক্তপীঠঃ কুশান্ দধত্ ॥ ২৩ ॥
জটিলোঽধৌতদদ্বাসোঽরক্তপীঠঃ কুশান্ দধত্ ॥ ২৩ ॥
স্নানভোজনহোমেষু জপোচ্চারে চ বাগ্যতঃ ।
ন চ্ছিন্দ্যান্নখরোমাণি কক্ষোপস্থগতান্যপি ॥ ২৪ ॥
ন চ্ছিন্দ্যান্নখরোমাণি কক্ষোপস্থগতান্যপি ॥ ২৪ ॥
রেতো নাবকিরেজ্জাতু ব্রহ্মব্রতধরঃ স্বযম্ ।
অবকীর্ণেঽবগাহ্যাপ্সু যতাসুস্ত্রিপদাং জপেত্ ॥ ২৫ ॥
অবকীর্ণেঽবগাহ্যাপ্সু যতাসুস্ত্রিপদাং জপেত্ ॥ ২৫ ॥
অগ্ন্যর্কাচার্যগোবিপ্রগুরুবৃদ্ধসুরাঞ্শুচিঃ ।
সমাহিত উপাসীত সন্ধ্যে দ্বে যতবাগ্ জপন্ ॥ ২৬ ॥
সমাহিত উপাসীত সন্ধ্যে দ্বে যতবাগ্ জপন্ ॥ ২৬ ॥
আচার্যং মাং বিজানীযান্নাবমন্যেত কর্হিচিত্ ।
ন মর্ত্যবুদ্ধ্যাসূযেত সর্বদেবমযো গুরুঃ ॥ ২৭ ॥
ন মর্ত্যবুদ্ধ্যাসূযেত সর্বদেবমযো গুরুঃ ॥ ২৭ ॥
সাযং প্রাতরুপানীয ভৈক্ষ্যং তস্মৈ নিবেদযেত্ ।
যচ্চান্যদপ্যনুজ্ঞাতমুপযুঞ্জীত সংযতঃ ॥ ২৮ ॥
যচ্চান্যদপ্যনুজ্ঞাতমুপযুঞ্জীত সংযতঃ ॥ ২৮ ॥
শুশ্রূষমাণ আচার্যং সদোপাসীত নীচবত্ ।
যানশয্যাসনস্থানৈর্নাতিদূরে কৃতাঞ্জলিঃ ॥ ২৯ ॥
যানশয্যাসনস্থানৈর্নাতিদূরে কৃতাঞ্জলিঃ ॥ ২৯ ॥
এবংবৃত্তো গুরুকুলে বসেদ্ ভোগবিবর্জিতঃ ।
বিদ্যা সমাপ্যতে যাবদ্ বিভ্রদ্ ব্রতমখণ্ডিতম্ ॥ ৩০ ॥
বিদ্যা সমাপ্যতে যাবদ্ বিভ্রদ্ ব্রতমখণ্ডিতম্ ॥ ৩০ ॥
যদ্যসৌ ছন্দসাং লোকমারোক্ষ্যন্ ব্রহ্মবিষ্টপম্ ।
গুরবে বিন্যসেদ্ দেহং স্বাধ্যাযার্থং বৃহদ্ব্রতঃ ॥ ৩১ ॥
গুরবে বিন্যসেদ্ দেহং স্বাধ্যাযার্থং বৃহদ্ব্রতঃ ॥ ৩১ ॥
অগ্নৌ গুরাবাত্মনি চ সর্বভূতেষু মাং পরম্ ।
অপৃথগ্ধীরুপাসীত ব্রহ্মবর্চস্ব্যকল্মষঃ ॥ ৩২ ॥
অপৃথগ্ধীরুপাসীত ব্রহ্মবর্চস্ব্যকল্মষঃ ॥ ৩২ ॥
স্ত্রীণাং নিরীক্ষণস্পর্শসংলাপক্ষ্বেলনাদিকম্ ।
প্রাণিনো মিথুনীভূতানগৃহস্থোঽগ্রতস্ত্যজেত্ ॥ ৩৩ ॥
প্রাণিনো মিথুনীভূতানগৃহস্থোঽগ্রতস্ত্যজেত্ ॥ ৩৩ ॥
শৌচমাচমনং স্নানং সন্ধ্যোপাস্তির্মমার্চনম্ ।
তীর্থসেবা জপোঽস্পৃশ্যাভক্ষ্যাসম্ভাষ্যবর্জনম্ ॥ ৩৪ ॥
তীর্থসেবা জপোঽস্পৃশ্যাভক্ষ্যাসম্ভাষ্যবর্জনম্ ॥ ৩৪ ॥
সর্বাশ্রমপ্রযুক্তোঽযং নিযমঃ কুলনন্দন ।
মদ্ভাবঃ সর্বভূতেষু মনোবাক্কাযসংযমঃ ॥ ৩৫ ॥
মদ্ভাবঃ সর্বভূতেষু মনোবাক্কাযসংযমঃ ॥ ৩৫ ॥
এবং বৃহদ্ব্রতধরো ব্রাহ্মণোঽগ্নিরিব জ্বলন্ ।
মদ্ভক্তস্তীব্রতপসা দগ্ধকর্মাশযোঽমলঃ ॥ ৩৬ ॥
মদ্ভক্তস্তীব্রতপসা দগ্ধকর্মাশযোঽমলঃ ॥ ৩৬ ॥
অথানন্তরমাবেক্ষ্যন্ যথা জিজ্ঞাসিতাগমঃ ।
গুরবে দক্ষিণাং দত্ত্বা স্নাযাদ্ গুর্বনুমোদিতঃ ॥ ৩৭ ॥
গুরবে দক্ষিণাং দত্ত্বা স্নাযাদ্ গুর্বনুমোদিতঃ ॥ ৩৭ ॥
গৃহং বনং বোপবিশেত্ প্রব্রজেদ্ বা দ্বিজোত্তমঃ ।
আশ্রমাদাশ্রমং গচ্ছেন্নান্যথামত্পরশ্চরেত্ ॥ ৩৮ ॥
আশ্রমাদাশ্রমং গচ্ছেন্নান্যথামত্পরশ্চরেত্ ॥ ৩৮ ॥
গৃহার্থী সদৃশীং ভার্যামুদ্বহেদজুগুপ্সিতাম্ ।
যবীযসীং তু বযসা যাং সবর্ণামনুক্রমাত্ ॥ ৩৯ ॥
যবীযসীং তু বযসা যাং সবর্ণামনুক্রমাত্ ॥ ৩৯ ॥
ইজ্যাধ্যযনদানানি সর্বেষাং চ দ্বিজন্মনাম্ ।
প্রতিগ্রহোঽধ্যাপনং চ ব্রাহ্মণস্যৈব যাজনম্ ॥ ৪০ ॥
প্রতিগ্রহোঽধ্যাপনং চ ব্রাহ্মণস্যৈব যাজনম্ ॥ ৪০ ॥
প্রতিগ্রহং মন্যমানস্তপস্তেজোযশোনুদম্ ।
অন্যাভ্যামেব জীবেত শিলৈর্বা দোষদৃক্ তযোঃ ॥ ৪১ ॥
অন্যাভ্যামেব জীবেত শিলৈর্বা দোষদৃক্ তযোঃ ॥ ৪১ ॥
ব্রাহ্মণস্য হি দেহোঽযং ক্ষুদ্রকামায নেষ্যতে ।
কৃচ্ছ্রায তপসে চেহ প্রেত্যানন্তসুখায চ ॥ ৪২ ॥
কৃচ্ছ্রায তপসে চেহ প্রেত্যানন্তসুখায চ ॥ ৪২ ॥
শিলোঞ্ছবৃত্ত্যা পরিতুষ্টচিত্তো
ধর্মং মহান্তং বিরজং জুষাণঃ ।
ময্যর্পিতাত্মা গৃহ এব তিষ্ঠ-
ন্নাতিপ্রসক্তঃ সমুপৈতি শান্তিম্ ॥ ৪৩ ॥
ধর্মং মহান্তং বিরজং জুষাণঃ ।
ময্যর্পিতাত্মা গৃহ এব তিষ্ঠ-
ন্নাতিপ্রসক্তঃ সমুপৈতি শান্তিম্ ॥ ৪৩ ॥
সমুদ্ধরন্তি যে বিপ্রং সীদন্তং মত্পরাযণম্ ।
তানুদ্ধরিষ্যে নচিরাদাপদ্ভ্যো নৌরিবার্ণবাত্ ॥ ৪৪ ॥
তানুদ্ধরিষ্যে নচিরাদাপদ্ভ্যো নৌরিবার্ণবাত্ ॥ ৪৪ ॥
সর্বাঃ সমুদ্ধরেদ্ রাজা পিতেব ব্যসনাত্ প্রজাঃ ।
আত্মানমাত্মনা ধীরো যথা গজপতির্গজান্ ॥ ৪৫ ॥
আত্মানমাত্মনা ধীরো যথা গজপতির্গজান্ ॥ ৪৫ ॥
এবংবিধো নরপতির্বিমানেনার্কবর্চসা ।
বিধূযেহাশুভং কৃত্স্নমিন্দ্রেণ সহ মোদতে ॥ ৪৬ ॥
বিধূযেহাশুভং কৃত্স্নমিন্দ্রেণ সহ মোদতে ॥ ৪৬ ॥
সীদন্ বিপ্রো বণিগ্বৃত্ত্যা পণ্যৈরেবাপদং তরেত্ ।
খড্গেন বাপদাক্রান্তো ন শ্ববৃত্ত্যা কথঞ্চন ॥ ৪৭ ॥
খড্গেন বাপদাক্রান্তো ন শ্ববৃত্ত্যা কথঞ্চন ॥ ৪৭ ॥
বৈশ্যবৃত্ত্যা তু রাজন্যো জীবেন্মৃগযযাপদি ।
চরেদ্ বা বিপ্ররূপেণ ন শ্ববৃত্ত্যা কথঞ্চন ॥ ৪৮ ॥
চরেদ্ বা বিপ্ররূপেণ ন শ্ববৃত্ত্যা কথঞ্চন ॥ ৪৮ ॥
শূদ্রবৃত্তিং ভজেদ্ বৈশ্যঃ শূদ্রঃ কারুকটক্রিযাম্ ।
কৃচ্ছ্রান্মুক্তো ন গর্হ্যেণ বৃত্তিং লিপ্সেত কর্মণা ॥ ৪৯ ॥
কৃচ্ছ্রান্মুক্তো ন গর্হ্যেণ বৃত্তিং লিপ্সেত কর্মণা ॥ ৪৯ ॥
বেদাধ্যাযস্বধাস্বাহাবল্যন্নাদ্যৈর্যথোদযম্ ।
দেবর্ষিপিতৃভূতানি মদ্রূপাণ্যন্বহং যজেত্ ॥ ৫০ ॥
দেবর্ষিপিতৃভূতানি মদ্রূপাণ্যন্বহং যজেত্ ॥ ৫০ ॥
যদৃচ্ছযোপপন্নেন শুক্লেনোপার্জিতেন বা ।
ধনেনাপীডযন্ ভৃত্যান্ ন্যাযেনৈবাহরেত্ ক্রতূন্ ॥ ৫১ ॥
ধনেনাপীডযন্ ভৃত্যান্ ন্যাযেনৈবাহরেত্ ক্রতূন্ ॥ ৫১ ॥
কুটুম্বেষু ন সজ্জেত ন প্রমাদ্যেত্ কুটুম্ব্যপি ।
বিপশ্চিন্নশ্বরং পশ্যেদদৃষ্টমপি দৃষ্টবত্ ॥ ৫২ ॥
বিপশ্চিন্নশ্বরং পশ্যেদদৃষ্টমপি দৃষ্টবত্ ॥ ৫২ ॥
পুত্রদারাপ্তবন্ধূনাং সঙ্গমঃ পান্থসঙ্গমঃ ।
অনুদেহং বিযন্ত্যেতে স্বপ্নো নিদ্রানুগো যথা ॥ ৫৩ ॥
অনুদেহং বিযন্ত্যেতে স্বপ্নো নিদ্রানুগো যথা ॥ ৫৩ ॥
ইত্থং পরিমৃশন্মুক্তো গৃহেষ্বতিথিবদ্ বসন্ ।
ন গৃহৈরনুবধ্যেত নির্মমো নিরহঙ্কৃতঃ ॥ ৫৪ ॥
ন গৃহৈরনুবধ্যেত নির্মমো নিরহঙ্কৃতঃ ॥ ৫৪ ॥
কর্মভিগৃহমেধীযৈরিষ্ট্বা মামেব ভক্তিমান্ ।
তিষ্ঠেদ্ বনং বোপবিশেত্ প্রজাবান্ বা পরিব্রজেত্ ॥ ৫৫ ॥
তিষ্ঠেদ্ বনং বোপবিশেত্ প্রজাবান্ বা পরিব্রজেত্ ॥ ৫৫ ॥
যস্ত্বাসক্তমতির্গেহে পুত্রবিত্তৈষণাতুরঃ ।
স্ত্রৈণঃ কৃপণধীর্মূঢো মমাহমিতি বধ্যতে ॥ ৫৬ ॥
স্ত্রৈণঃ কৃপণধীর্মূঢো মমাহমিতি বধ্যতে ॥ ৫৬ ॥
অহো মে পিতরৌ বৃদ্ধৌ ভার্যা বালাত্মজাত্মজাঃ ।
অনাথা মামৃতে দীনাঃ কথং জীবন্তি দুঃখিতাঃ ॥ ৫৭ ॥
অনাথা মামৃতে দীনাঃ কথং জীবন্তি দুঃখিতাঃ ॥ ৫৭ ॥
এবং গৃহাশযাক্ষিপ্তহৃদযো মূঢধীরযম্ ।
অতৃপ্তস্তাননুধ্যাযন্ মৃতোঽন্ধং বিশতে তমঃ ॥ ৫৮ ॥
অতৃপ্তস্তাননুধ্যাযন্ মৃতোঽন্ধং বিশতে তমঃ ॥ ৫৮ ॥