ஶ்ரீமத்பாகவதம் ௧௧.௨௩

ஶ்ரீபாதராயணிருவாச
ஸ ஏவமாஶம்ஸித உத்தவேந
பாகவதமுக்யேந தாஶார்ஹமுக்யஃ ।
ஸபாஜயந் ப்ரு'த்யவசோ முகுந்த-
ஸ்தமாபபாஷே ஶ்ரவணீயவீர்யஃ ॥ ௧ ॥

ஶ்ரீபகவாநுவாச
பார்ஹஸ்பத்ய ஸ நாஸ்த்யத்ர ஸாதுர்வை துர்ஜநேரிதைஃ ।
துரக்தைர்பிந்நமாத்மாநம் யஃ ஸமாதாதுமீஶ்வரஃ ॥ ௨ ॥

ந ததா தப்யதே வித்தஃ புமாந் பாணைஸ்து மர்மகைஃ ।
யதா துதந்தி மர்மஸ்தா ஹ்யஸதாம் பருஷேஷவஃ ॥ ௩ ॥

கதயந்தி மஹத்புண்யமிதிஹாஸமிஹோத்தவ ।
தமஹம் வர்ணயிஷ்யாமி நிபோத ஸுஸமாஹிதஃ ॥ ௪ ॥

கேநசித் பிக்ஷுணா கீதம் பரிபூதேந துர்ஜநைஃ ।
ஸ்மரதா த்ரு'தியுக்தேந விபாகம் நிஜகர்மணாம் ॥ ௫ ॥

அவந்திஷு த்விஜஃ கஶ்சிதாஸீதாட்யதமஃ ஶ்ரியா ।
வார்தாவ்ரு'த்திஃ கதர்யஸ்து காமீ லுப்தோ'திகோபநஃ ॥ ௬ ॥

ஜ்ஞாதயோ'திதயஸ்தஸ்ய வாங்மாத்ரேணாபி நார்சிதாஃ ।
ஶூந்யாவஸத ஆத்மாபி காலே காமைரநர்சிதஃ ॥ ௭ ॥

துஃஶீலஸ்ய கதர்யஸ்ய த்ருஹ்யந்தே புத்ரபாந்தவாஃ ।
தாரா துஹிதரோ ப்ரு'த்யா விஷண்ணா நாசரந் ப்ரியம் ॥ ௮ ॥

தஸ்யைவம் யக்ஷவித்தஸ்ய ச்யுதஸ்யோபயலோகதஃ ।
தர்மகாமவிஹீநஸ்ய சுக்ருதுஃ பஞ்சபாகிநஃ ॥ ௯ ॥

ததவத்யாநவிஸ்ரஸ்தபுண்யஸ்கந்தஸ்ய பூரித ।
அர்தோ'ப்யகச்சந்நிதநம் பஹ்வாயாஸபரிஶ்ரமஃ ॥ ௧௦ ॥

ஜ்ஞாதயோ ஜக்ரு'ஹுஃ கிஞ்சித் கிஞ்சித் தஸ்யவ உத்தவ ।
தைவதஃ காலதஃ கிஞ்சித் ப்ரஹ்மபந்தோர்ந்ரு'பார்திவாத் ॥ ௧௧ ॥

ஸ ஏவம் த்ரவிணே நஷ்டே தர்மகாமவிவர்ஜிதஃ ।
உபேக்ஷிதஶ்ச ஸ்வஜநைஶ்சிந்தாமாப துரத்யயாம் ॥ ௧௨ ॥

தஸ்யைவம் த்யாயதோ தீர்கம் நஷ்டராயஸ்தபஸ்விநஃ ।
கித்யதோ பாஷ்பகண்டஸ்ய நிர்வேதஃ ஸுமஹாநபூத் ॥ ௧௩ ॥

ஸ சாஹேதமஹோ கஷ்டம் வ்ரு'தாத்மா மே'நுதாபிதஃ ।
ந தர்மாய ந காமாய யஸ்யார்தாயாஸ ஈத்ரு'ஶஃ ॥ ௧௪ ॥

ப்ராயேணார்தாஃ கதர்யாணாம் ந ஸுகாய கதாசந ।
இஹ சாத்மோபதாபாய ம்ரு'தஸ்ய நரகாய ச ॥ ௧௫ ॥

யஶோ யஶஸ்விநாம் ஶுத்தம் ஶ்லாக்யா யே குணிநாம் குணாஃ ।
லோபஃ ஸ்வல்போ'பி தாந் ஹந்தி ஶ்வித்ரோ ரூபமிவேப்ஸிதம் ॥ ௧௬ ॥

அர்தஸ்ய ஸாதநே ஸித்தே உத்கர்ஷே ரக்ஷணே வ்யயே ।
நாஶோபபோக ஆயாஸஸ்த்ராஸஶ்சிந்தா ப்ரமோ ந்ரு'ணாம் ॥ ௧௭ ॥

ஸ்தேயம் ஹிம்ஸாந்ரு'தம் தம்பஃ காமஃ க்ரோதஃ ஸ்மயோ மதஃ ।
பேதோ வைரமவிஶ்வாஸஃ ஸம்ஸ்பர்தா வ்யஸநாநி ச ॥ ௧௮ ॥

ஏதே பஞ்சதஶாநர்தா ஹ்யர்தமூலா மதா ந்ரு'ணாம் ।
தஸ்மாதநர்தமர்தாக்யம் ஶ்ரேயோ'ர்தீ தூரதஸ்த்யஜேத் ॥ ௧௯ ॥

பித்யந்தே ப்ராதரோ தாராஃ பிதரஃ ஸுஹ்ரு'தஸ்ததா ।
ஏகாஸ்நிக்தாஃ காகிணிநா ஸத்யஃ ஸர்வே'ரயஃ க்ரு'தாஃ ॥ ௨௦ ॥

அர்தேநால்பீயஸா ஹ்யேதே ஸம்ரப்தா தீப்தமந்யவஃ ।
த்யஜந்த்யாஶு ஸ்ப்ரு'தோ க்நந்தி ஸஹஸோத்ஸ்ரு'ஜ்ய ஸௌஹ்ரு'தம் ॥ ௨௧ ॥

லப்த்வா ஜந்மாமரப்ரார்த்யம் மாநுஷ்யம் தத்த்விஜாக்ர்யதாம் ।
ததநாத்ரு'த்ய யே ஸ்வார்தம் க்நந்தி யாந்த்யஶுபாம் கதிம் ॥ ௨௨ ॥

ஸ்வர்காபவர்கயோர்த்வாரம் ப்ராப்ய லோகமிமம் புமாந் ।
த்ரவிணே கோ'நுஷஜ்ஜேத மர்த்யோ'நர்தஸ்ய தாமநி ॥ ௨௩ ॥

தேவர்ஷிபித்ரு'பூதாநி ஜ்ஞாதீந் பந்தூம்ஶ்ச பாகிநஃ ।
அஸம்விபஜ்ய சாத்மாநம் யக்ஷவித்தஃ பதத்யதஃ ॥ ௨௪ ॥

வ்யர்தயார்தேஹயா வித்தம் ப்ரமத்தஸ்ய வயோ பலம் ।
குஶலா யேந ஸித்யந்தி ஜரடஃ கிம் நு ஸாதயே ॥ ௨௫ ॥

கஸ்மாத் ஸங்க்லிஶ்யதே வித்வாந் வ்யர்தயார்தேஹயாஸக்ரு'த் ।
கஸ்யசிந்மாயயா நூநம் லோகோ'யம் ஸுவிமோஹிதஃ ॥ ௨௬ ॥

கிம் தநைர்தநதைர்வா கிம் காமைர்வா காமதைருத ।
ம்ரு'த்யுநா க்ரஸ்யமாநஸ்ய கர்மபிர்வோத ஜந்மதைஃ ॥ ௨௭ ॥

நூநம் மே பகவாம்ஸ்துஷ்டஃ ஸர்வதேவமயோ ஹரிஃ ।
யேந நீதோ தஶாமேதாம் நிர்வேதஶ்சாத்மநஃ ப்லவஃ ॥ ௨௮ ॥

ஸோ'ஹம் காலாவஶேஷேண ஶோஷயிஷ்யே'ங்கமாத்மநஃ ।
அப்ரமத்தோ'கிலஸ்வார்தே யதி ஸ்யாத் ஸித்த ஆத்மநி ॥ ௨௯ ॥

தத்ர மாமநுமோதேரந் தேவாத்ரிபுவநேஶ்வராஃ ।
முஹூர்தேந ப்ரஹ்மலோகம் கட்வாங்கஃ ஸமஸாதயத் ॥ ௩௦ ॥

ஶ்ரீபகவாநுவாச
இத்யபிப்ரேத்ய மநஸா ஹ்யாவந்த்யோ த்விஜஸத்தமஃ ।
உந்முச்ய ஹ்ரு'தயக்ரந்தீந் ஶாந்தோ பிக்ஷுரபூந்முநிஃ ॥ ௩௧ ॥

ஸ சசார மஹீமேதாம் ஸம்யதாத்மேந்த்ரியாநிலஃ ।
பிக்ஷார்தம் நகரக்ராமாநஸங்கோ'லக்ஷிதோ'விஶத் ॥ ௩௨ ॥

தம் வை ப்ரவயஸம் பிக்ஷுமவதூதமஸஜ்ஜநாஃ ।
த்ரு'ஷ்ட்வா பர்யபவந் பத்ர பஹ்வீபிஃ பரிபூதிபிஃ ॥ ௩௩ ॥

கேசித்த்ரிவேணும் ஜக்ரு'ஹுரேகே பாத்ரம் கமண்டலும் ।
பீடம் சைகே'க்ஷஸூத்ரம் ச கந்தாம் சீராணி கேசந ।
ப்ரதாய ச புநஸ்தாநி தர்ஶிதாந்யாததுர்முநேஃ ॥ ௩௪ ॥

அந்நம் ச பைக்ஷ்யஸம்பந்நம் புஞ்ஜாநஸ்ய ஸரித்தடே ।
மூத்ரயந்தி ச பாபிஷ்டாஃ ஷ்டீவந்த்யஸ்ய ச மூர்தநி ॥ ௩௫ ॥

யதவாசம் வாசயந்தி தாடயந்தி ந வக்தி சேத் ।
தர்ஜயந்த்யபரே வாக்பிஃ ஸ்தேநோ'யமிதி வாதிநஃ ।
பத்நந்தி ரஜ்ஜ்வா தம் கேசித் பத்யதாம் பத்யதாமிதி ॥ ௩௬ ॥

க்ஷிபந்த்யேகே'வஜாநந்த ஏஷ தர்மத்வஜஃ ஶடஃ ।
க்ஷீணவித்த இமாம் வ்ரு'த்திமக்ரஹீத் ஸ்வஜநோஜ்சிதஃ ॥ ௩௭ ॥

அஹோ ஏஷ மஹாஸாரோ த்ரு'திமாந்கிரிராடிவ ।
மௌநேந ஸாதயத்யர்தம் பகவத்த்ரு'டநிஶ்சயஃ ॥ ௩௮ ॥

இத்யேகே விஹஸந்த்யேநமேகே துர்வாதயந்தி ச ।
தம் பபந்துர்நிருருதுர்யதா க்ரீடநகம் த்விஜம் ॥ ௩௯ ॥

ஏவம் ஸ பௌதிகம் துஃகம் தைவிகம் தைஹிகம் ச யத் ।
போக்தவ்யமாத்மநோ திஷ்டம் ப்ராப்தம் ப்ராப்தமபுத்யத ॥ ௪௦ ॥

பரிபூத இமாம் காதாமகாயத நராதமைஃ ।
பாதயத்பிஃ ஸ்வ தர்மஸ்தோ த்ரு'திமாஸ்தாய ஸாத்த்விகீம் ॥ ௪௧ ॥

த்விஜ உவாச
நாயம் ஜநோ மே ஸுகதுஃகஹேது-
ர்ந தேவதாத்மா க்ரஹகர்மகாலாஃ ।
மநஃ பரம் காரணமாமநந்தி
ஸம்ஸாரசக்ரம் பரிவர்தயேத் யத் ॥ ௪௨ ॥

மநோ குணாந் வை ஸ்ரு'ஜதே பலீய-
ஸ்ததஶ்ச கர்மாணி விலக்ஷணாநி ।
ஶுக்லாநி க்ரு'ஷ்ணாந்யத லோஹிதாநி
தேப்யஃ ஸவர்ணாஃ ஸ்ரு'தயோ பவந்தி ॥ ௪௩ ॥

அநீஹ ஆத்மா மநஸா ஸமீஹதா
ஹிரண்மயோ மத்ஸக உத்விசஷ்டே ।
மநஃ ஸ்வலிங்கம் பரிக்ரு'ஹ்ய காமாந்
ஜுஷந் நிபத்தோ குணஸங்கதோ'ஸௌ ॥ ௪௪ ॥

தாநம் ஸ்வதர்மோ நியமோ யமஶ்ச
ஶ்ருதம் ச கர்மாணி ச ஸத்வ்ரதாநி ।
ஸர்வே மநோநிக்ரஹலக்ஷணாந்தாஃ
பரோ ஹி யோகோ மநஸஃ ஸமாதிஃ ॥ ௪௫ ॥

ஸமாஹிதம் யஸ்ய மநஃ ப்ரஶாந்தம்
தாநாதிபிஃ கிம் வத தஸ்ய க்ரு'த்யம் ।
அஸம்யதம் யஸ்ய மநோ விநஶ்யத்
தாநாதிபிஶ்சேதபரம் கிமேபிஃ ॥ ௪௬ ॥

மநோவஶே'ந்யே ஹ்யபவந் ஸ்ம தேவா
மநஶ்ச நாந்யஸ்ய வஶம் ஸமேதி ।
பீஷ்மோ ஹி தேவஃ ஸஹஸஃ ஸஹீயாந்
யுஞ்ஜ்யாத வஶே தம் ஸ ஹி தேவதேவஃ ॥ ௪௭ ॥

தம் துர்ஜயம் ஶத்ருமஸஹ்யவேக-
மருந்துதம் தந்ந விஜித்ய கேசித் ।
குர்வந்த்யஸத்விக்ரஹமத்ர மர்த்யை-
ர்மித்ராண்யுதாஸீநரிபூந் விமூடாஃ ॥ ௪௮ ॥

தேஹம் மநோமாத்ரமிமம் க்ரு'ஹீத்வா
மமாஹமித்யந்ததியோ மநுஷ்யாஃ ।
ஏஷோ'ஹமந்யோ'யமிதி ப்ரமேண
துரந்தபாரே தமஸி ப்ரமந்தி ॥ ௪௯ ॥

ஜநஸ்து ஹேதுஃ ஸுகதுஃகயோஶ்சேத்
கிமாத்மநஶ்சாத்ர ஹி பௌமயோஸ்தத் ।
ஜிஹ்வாம் க்வசித் ஸந்தஶதி ஸ்வதத்பி-
ஸ்தத்வேதநாயாம் கதமாய குப்யேத் ॥ ௫௦ ॥

துஃகஸ்ய ஹேதுர்யதி தேவதாஸ்து
கிமாத்மநஸ்தத்ர விகாரயோஸ்தத் ।
யதங்கமங்கேந நிஹந்யதே க்வசித்
க்ருத்யேத கஸ்மை புருஷஃ ஸ்வதேஹே ॥ ௫௧ ॥

ஆத்மா யதி ஸ்யாத் ஸுகதுஃகஹேதுஃ
கிமந்யதஸ்தத்ர நிஜஸ்வபாவஃ ।
ந ஹ்யாத்மநோ'ந்யத் யதி தந்ம்ரு'ஷா ஸ்யாத்
க்ருத்யேத கஸ்மாந்ந ஸுகம் ந துஃகம் ॥ ௫௨ ॥

க்ரஹாநிமித்தம் ஸுகதுஃகயோஶ்சேத்
கிமாத்மநோ'ஜஸ்ய ஜநஸ்ய தே வை ।
க்ரஹைர்க்ரஹஸ்யைவவதந்திபீடாம்
க்ருத்யேத கஸ்மைபுருஷஸ்ததோ'ந்யஃ ॥ ௫௩ ॥

கர்மாஸ்துஹேதுஃ ஸுகதுஃகயோஶ்சேத்
கிமாத்மநஸ்தத்திஜடாஜடத்வே ।
தேஹஸ்த்வசித் புருஷோ'யம் ஸுபர்ணஃ
க்ருத்யேத கஸ்மை ந ஹி கர்மமூலம் ॥ ௫௪ ॥

காலஸ்துஹேதுஃ ஸுகதுஃகயோஶ்சேத்
கிமாத்மநஸ்தத்ரததாத்மகோ'ஸௌ ।
நாக்நேர்ஹி தாபோ ந ஹிமஸ்ய தத் ஸ்யாத்
க்ருத்யேத கஸ்மை ந பரஸ்ய த்வந்த்வம் ॥ ௫௫ ॥

ந கேநசித் க்வாபி கதஞ்சநாஸ்ய
த்வந்த்வோபராகஃ பரதஃ பரஸ்ய ।
யதாஹமஃ ஸம்ஸ்ரு'திரூபிணஃ ஸ்யா-
தேவம் ப்ரபுத்தோ ந பிபேதி பூதைஃ ॥ ௫௬ ॥

ஏதாம் ஸ ஆஸ்தாய பராத்மநிஷ்டா-
மத்யாஸிதாம் பூர்வதமைர்மஹர்ஷிபிஃ ।
அஹம் தரிஷ்யாமி துரந்தபாரம்
தமோ முகுந்தாங்க்ரிநிஷேவயைவ ॥ ௫௭ ॥

ஶ்ரீபகவாநுவாச
நிர்வித்ய நஷ்டத்ரவிணே கதக்லமஃ
ப்ரவ்ரஜ்ய காம் பர்யடமாந இத்தம் ।
நிராக்ரு'தோ'ஸத்பிரபி ஸ்வதர்மா-
தகம்பிதோ'மூம் முநிராஹ காதாம் ॥ ௫௮ ॥

ஸுகதுஃகப்ரதோ நாந்யஃ புருஷஸ்யாத்மவிப்ரமஃ ।
மித்ரோதாஸீநரிபவஃ ஸம்ஸாரஸ்தமஸஃ க்ரு'தஃ ॥ ௫௯ ॥

தஸ்மாத் ஸர்வாத்மநா தாத நிக்ரு'ஹாண மநோ தியா ।
மய்யாவேஶிதயா யுக்த ஏதாவாந் யோகஸங்க்ரஹஃ ॥ ௬௦ ॥

ய ஏதாம் பிக்ஷுணா கீதாம் ப்ரஹ்மநிஷ்டாம் ஸமாஹிதஃ ।
தாரயஞ்ச்ராவயஞ்ச்ரு'ண்வந்த்வந்த்வைர்நைவாபிபூயதே ॥ ௬௧ ॥