শ্ৰীভগৱানুৱাচ
পৰস্ৱভাৱকৰ্মাণি ন প্ৰশংসেন্ন গৰ্হযেত্ ।
ৱিশ্ৱমেকাত্মকং পশ্যন্ প্ৰকৃত্যা পুৰুষেণ চ ॥ ১ ॥
পৰস্ৱভাৱকৰ্মাণি ন প্ৰশংসেন্ন গৰ্হযেত্ ।
ৱিশ্ৱমেকাত্মকং পশ্যন্ প্ৰকৃত্যা পুৰুষেণ চ ॥ ১ ॥
পৰস্ৱভাৱকৰ্মাণি যঃ প্ৰশংসতি নিন্দতি ।
স আশু ভ্ৰশ্যতে স্ৱাৰ্থাদসত্যভিনিৱেশতঃ ॥ ২ ॥
স আশু ভ্ৰশ্যতে স্ৱাৰ্থাদসত্যভিনিৱেশতঃ ॥ ২ ॥
তৈজসে নিদ্ৰযাপন্নে পিণ্ডস্থো নষ্টচেতনঃ ।
মাযাং প্ৰাপ্নোতি মৃত্যুং ৱা তদ্ৱন্নানাৰ্থদৃক্ পুমান্ ॥ ৩ ॥
মাযাং প্ৰাপ্নোতি মৃত্যুং ৱা তদ্ৱন্নানাৰ্থদৃক্ পুমান্ ॥ ৩ ॥
কিং ভদ্ৰং কিমভদ্ৰং ৱা দ্ৱৈতস্যাৱস্তুনঃ কিযত্ ।
ৱাচোদিতং তদনৃতং মনসা ধ্যাতমেৱ চ ॥ ৪ ॥
ৱাচোদিতং তদনৃতং মনসা ধ্যাতমেৱ চ ॥ ৪ ॥
ছাযাপ্ৰত্যাহ্ৱযাভাসা হ্যসন্তোঽপ্যৰ্থকাৰিণঃ ।
এৱং দেহাদযো ভাৱা যচ্ছন্ত্যামৃত্যুতো ভযম্ ॥ ৫ ॥
এৱং দেহাদযো ভাৱা যচ্ছন্ত্যামৃত্যুতো ভযম্ ॥ ৫ ॥
আত্মৈৱ তদিদং ৱিশ্ৱং সৃজ্যতে সৃজতি প্ৰভুঃ ।
ত্ৰাযতে ত্ৰাতি ৱিশ্ৱাত্মা হ্ৰিযতে হৰতীশ্ৱৰঃ ॥ ৬ ॥
ত্ৰাযতে ত্ৰাতি ৱিশ্ৱাত্মা হ্ৰিযতে হৰতীশ্ৱৰঃ ॥ ৬ ॥
তস্মান্ন হ্যাত্মনোঽন্যস্মাদন্যো ভাৱো নিৰূপিতঃ ।
নিৰূপিতেঽযং ত্ৰিৱিধা নিৰ্মূলা ভাতিৰাত্মনি ।
ইদং গুণমযং ৱিদ্ধি ত্ৰিৱিধং মাযযা কৃতম্ ॥ ৭ ॥
নিৰূপিতেঽযং ত্ৰিৱিধা নিৰ্মূলা ভাতিৰাত্মনি ।
ইদং গুণমযং ৱিদ্ধি ত্ৰিৱিধং মাযযা কৃতম্ ॥ ৭ ॥
এতদ্ ৱিদ্ৱান্ মদুদিতং জ্ঞানৱিজ্ঞাননৈপুণম্ ।
ন নিন্দতি ন চ স্তৌতি লোকে চৰতি সূৰ্যৱত্ ॥ ৮ ॥
ন নিন্দতি ন চ স্তৌতি লোকে চৰতি সূৰ্যৱত্ ॥ ৮ ॥
প্ৰত্যক্ষেণানুমানেন নিগমেনাত্মসংৱিদা ।
আদ্যন্তৱদসজ্জ্ঞাত্ৱা নিঃসঙ্গো ৱিচৰেদিহ ॥ ৯ ॥
আদ্যন্তৱদসজ্জ্ঞাত্ৱা নিঃসঙ্গো ৱিচৰেদিহ ॥ ৯ ॥
শ্ৰীউদ্ধৱ উৱাচ
নৈৱাত্মনো ন দেহস্য সংসৃতিৰ্দ্ৰষ্টৃদৃশ্যযোঃ ।
অনাত্মস্ৱদৃশোৰীশ কস্য স্যাদুপলভ্যতে ॥ ১০ ॥
নৈৱাত্মনো ন দেহস্য সংসৃতিৰ্দ্ৰষ্টৃদৃশ্যযোঃ ।
অনাত্মস্ৱদৃশোৰীশ কস্য স্যাদুপলভ্যতে ॥ ১০ ॥
আত্মাৱ্যযোঽগুণঃ শুদ্ধঃ স্ৱযংজ্যোতিৰনাৱৃতঃ ।
অগ্নিৱদ্দাৰুৱদচিদ্দেহঃ কস্যেহ সংসৃতিঃ ॥ ১১ ॥
অগ্নিৱদ্দাৰুৱদচিদ্দেহঃ কস্যেহ সংসৃতিঃ ॥ ১১ ॥
শ্ৰীভগৱানুৱাচ
যাৱদ্ দেহেন্দ্ৰিযপ্ৰাণৈৰাত্মনঃ সন্নিকৰ্ষণম্ ।
সংসাৰঃ ফলৱাংস্তাৱদপাৰ্থোঽপ্যৱিৱেকিনঃ ॥ ১২ ॥
যাৱদ্ দেহেন্দ্ৰিযপ্ৰাণৈৰাত্মনঃ সন্নিকৰ্ষণম্ ।
সংসাৰঃ ফলৱাংস্তাৱদপাৰ্থোঽপ্যৱিৱেকিনঃ ॥ ১২ ॥
অৰ্থে হ্যৱিদ্যমানেঽপি সংসৃতিৰ্ন নিৱৰ্ততে ।
ধ্যাযতো ৱিষযানস্য স্ৱপ্নেঽনৰ্থাগমো যথা ॥ ১৩ ॥
ধ্যাযতো ৱিষযানস্য স্ৱপ্নেঽনৰ্থাগমো যথা ॥ ১৩ ॥
যথা হ্যপ্ৰতিবুদ্ধস্য প্ৰস্ৱাপো বহ্ৱনৰ্থভৃত্ ।
স এৱ প্ৰতিবুদ্ধস্য ন ৱৈ মোহায কল্পতে ॥ ১৪ ॥
স এৱ প্ৰতিবুদ্ধস্য ন ৱৈ মোহায কল্পতে ॥ ১৪ ॥
শোকহৰ্ষভযক্ৰোধলোভমোহস্পৃহাদযঃ ।
অহঙ্কাৰস্য দৃশ্যন্তে জন্ম মৃত্যুশ্চ নাত্মনঃ ॥ ১৫ ॥
অহঙ্কাৰস্য দৃশ্যন্তে জন্ম মৃত্যুশ্চ নাত্মনঃ ॥ ১৫ ॥
দেহেন্দ্ৰিযপ্ৰাণমনোঽভিমানো
জীৱোঽন্তৰাত্মা গুণকৰ্মমূৰ্তিঃ ।
সূত্ৰং মহানিত্যুৰুধেৱ গীতঃ
সংসাৰ আধাৱতি কালতন্ত্ৰঃ ॥ ১৬ ॥
জীৱোঽন্তৰাত্মা গুণকৰ্মমূৰ্তিঃ ।
সূত্ৰং মহানিত্যুৰুধেৱ গীতঃ
সংসাৰ আধাৱতি কালতন্ত্ৰঃ ॥ ১৬ ॥
অমূলমেতদ্ বহুৰূপৰূপিতং
মনোৱচঃপ্ৰাণশৰীৰকৰ্ম ।
জ্ঞানাসিনোপাসনযা শিতেন-
চ্ছিত্ত্ৱা মুনিৰ্গাং ৱিচৰত্যতৃষ্ণঃ ॥ ১৭ ॥
মনোৱচঃপ্ৰাণশৰীৰকৰ্ম ।
জ্ঞানাসিনোপাসনযা শিতেন-
চ্ছিত্ত্ৱা মুনিৰ্গাং ৱিচৰত্যতৃষ্ণঃ ॥ ১৭ ॥
জ্ঞানং ৱিৱেকো নিগমস্তপশ্চ
প্ৰত্যক্ষমৈতিহ্যমথানুমানম্ ।
আদ্যন্তযোৰস্য যদেৱ কেৱলং
কালশ্চ হেতুশ্চ তদেৱ মধ্যে ॥ ১৮ ॥
প্ৰত্যক্ষমৈতিহ্যমথানুমানম্ ।
আদ্যন্তযোৰস্য যদেৱ কেৱলং
কালশ্চ হেতুশ্চ তদেৱ মধ্যে ॥ ১৮ ॥
যথা হিৰণ্যং স্ৱকৃতং পুৰস্তাত্
পশ্চাচ্চ সৰ্ৱস্য হিৰণ্মযস্য ।
তদেৱ মধ্যে ৱ্যৱহাৰ্যমাণং
নানাপদেশৈৰহমস্য তদ্ৱত্ ॥ ১৯ ॥
পশ্চাচ্চ সৰ্ৱস্য হিৰণ্মযস্য ।
তদেৱ মধ্যে ৱ্যৱহাৰ্যমাণং
নানাপদেশৈৰহমস্য তদ্ৱত্ ॥ ১৯ ॥
ৱিজ্ঞানমেতত্ত্ৰিযৱস্থমঙ্গ
গুণত্ৰযং কাৰণকাৰ্যকৰ্তৃ ।
সমন্ৱযেন ৱ্যতিৰেকতশ্চ
যেনৈৱ তুৰ্যেণ তদেৱ সত্যম্ ॥ ২০ ॥
গুণত্ৰযং কাৰণকাৰ্যকৰ্তৃ ।
সমন্ৱযেন ৱ্যতিৰেকতশ্চ
যেনৈৱ তুৰ্যেণ তদেৱ সত্যম্ ॥ ২০ ॥
ন যত্ পুৰস্তাদুত যন্ন পশ্চা-
ন্মধ্যে চ তন্ন ৱ্যপদেশমাত্ৰম্ ।
ভূতং প্ৰসিদ্ধং চ পৰেণ যদ্ যত্
তদেৱ তত্ স্যাদিতি মে মনীষা ॥ ২১ ॥
ন্মধ্যে চ তন্ন ৱ্যপদেশমাত্ৰম্ ।
ভূতং প্ৰসিদ্ধং চ পৰেণ যদ্ যত্
তদেৱ তত্ স্যাদিতি মে মনীষা ॥ ২১ ॥
অৱিদ্যমানোঽপ্যৱভাসতে যো
ৱৈকাৰিকো ৰাজসসৰ্গ এষঃ ।
ব্ৰহ্ম স্ৱযংজ্যোতিৰতো ৱিভাতি
ব্ৰহ্মেন্দ্ৰিযাৰ্থাত্মৱিকাৰচিত্ৰম্ ॥ ২২ ॥
ৱৈকাৰিকো ৰাজসসৰ্গ এষঃ ।
ব্ৰহ্ম স্ৱযংজ্যোতিৰতো ৱিভাতি
ব্ৰহ্মেন্দ্ৰিযাৰ্থাত্মৱিকাৰচিত্ৰম্ ॥ ২২ ॥
এৱং স্ফুটং ব্ৰহ্মৱিৱেকহেতুভিঃ
পৰাপৱাদেন ৱিশাৰদেন ।
ছিত্ত্ৱাত্মসন্দেহমুপাৰমেত
স্ৱানন্দতুষ্টোঽখিলকামুকেভ্যঃ ॥ ২৩ ॥
পৰাপৱাদেন ৱিশাৰদেন ।
ছিত্ত্ৱাত্মসন্দেহমুপাৰমেত
স্ৱানন্দতুষ্টোঽখিলকামুকেভ্যঃ ॥ ২৩ ॥
নাত্মা ৱপুঃ পাৰ্থিৱমিন্দ্ৰিযাণি
দেৱা হ্যসুৰ্ৱাযুৰ্জলম্ হুতাশঃ ।
মনোঽন্নমাত্ৰং ধিষণা চ সত্ত্ৱ-
মহঙ্কৃতিঃ খং ক্ষিতিৰৰ্থসাম্যম্ ॥ ২৪ ॥
দেৱা হ্যসুৰ্ৱাযুৰ্জলম্ হুতাশঃ ।
মনোঽন্নমাত্ৰং ধিষণা চ সত্ত্ৱ-
মহঙ্কৃতিঃ খং ক্ষিতিৰৰ্থসাম্যম্ ॥ ২৪ ॥
সমাহিতৈঃ কঃ কৰণৈৰ্গুণাত্মভি-ৰ্গুণো ভৱেন্মত্সুৱিৱিক্তধাম্নঃ ।
ৱিক্ষিপ্যমাণৈৰুত কিং নু দূষণংঘনৈৰুপেতৈৰ্ৱিগতৈ ৰৱেঃ কিম্ ॥ ২৫ ॥
ৱিক্ষিপ্যমাণৈৰুত কিং নু দূষণংঘনৈৰুপেতৈৰ্ৱিগতৈ ৰৱেঃ কিম্ ॥ ২৫ ॥
যথা নভো ৱায্ৱনলাম্বুভূগুণৈ-
ৰ্গতাগতৈৰ্ৱৰ্তুগুণৈৰ্ন সজ্জতে ।
তথাক্ষৰং সত্ত্ৱৰজস্তমোমলৈ-
ৰহংমতেঃ সংসৃতিহেতুভিঃ পৰম্ ॥ ২৬ ॥
ৰ্গতাগতৈৰ্ৱৰ্তুগুণৈৰ্ন সজ্জতে ।
তথাক্ষৰং সত্ত্ৱৰজস্তমোমলৈ-
ৰহংমতেঃ সংসৃতিহেতুভিঃ পৰম্ ॥ ২৬ ॥
তথাপি সঙ্গঃ পৰিৱৰ্জনীযো
গুণেষু মাযাৰচিতেষু তাৱত্ ।
মদ্ভক্তিযোগেন দৃঢেন যাৱদ্
ৰজো নিৰস্যেত মনঃকষাযঃ ॥ ২৭ ॥
গুণেষু মাযাৰচিতেষু তাৱত্ ।
মদ্ভক্তিযোগেন দৃঢেন যাৱদ্
ৰজো নিৰস্যেত মনঃকষাযঃ ॥ ২৭ ॥
যথামযোঽসাধুচিকিত্সিতো নৃণাং
পুনঃ পুনঃ সন্তুদতি প্ৰৰোহন্ ।
এৱং মনোঽপক্ৱকষাযকৰ্ম
কুযোগিনং ৱিধ্যতি সৰ্ৱসঙ্গম্ ॥ ২৮ ॥
পুনঃ পুনঃ সন্তুদতি প্ৰৰোহন্ ।
এৱং মনোঽপক্ৱকষাযকৰ্ম
কুযোগিনং ৱিধ্যতি সৰ্ৱসঙ্গম্ ॥ ২৮ ॥
কুযোগিনো যে ৱিহিতান্তৰাযৈ-
ৰ্মনুষ্যভূতৈস্ত্ৰিদশোপসৃষ্টৈঃ ।
তে প্ৰাক্তনাভ্যাসবলেন ভূযো
যুঞ্জন্তি যোগং ন তু কৰ্মতন্ত্ৰম্ ॥ ২৯ ॥
ৰ্মনুষ্যভূতৈস্ত্ৰিদশোপসৃষ্টৈঃ ।
তে প্ৰাক্তনাভ্যাসবলেন ভূযো
যুঞ্জন্তি যোগং ন তু কৰ্মতন্ত্ৰম্ ॥ ২৯ ॥
কৰোতি কৰ্ম ক্ৰিযতে চ জন্তুঃ
কেনাপ্যসৌ চোদিত আনিপাতাত্ ।
ন তত্ৰ ৱিদ্ৱান্ প্ৰকৃতৌ স্থিতোঽপি
নিৱৃত্ততৃষ্ণঃ স্ৱসুখানুভূত্যা ॥ ৩০ ॥
কেনাপ্যসৌ চোদিত আনিপাতাত্ ।
ন তত্ৰ ৱিদ্ৱান্ প্ৰকৃতৌ স্থিতোঽপি
নিৱৃত্ততৃষ্ণঃ স্ৱসুখানুভূত্যা ॥ ৩০ ॥
তিষ্ঠন্তমাসীনমুত ৱ্ৰজন্তং
শযানমুক্ষন্তমদন্তমন্নম্ ।
স্ৱভাৱমন্যত্ কিমপীহমান-
মাত্মানমাত্মস্থমতিৰ্ন ৱেদ ॥ ৩১ ॥
শযানমুক্ষন্তমদন্তমন্নম্ ।
স্ৱভাৱমন্যত্ কিমপীহমান-
মাত্মানমাত্মস্থমতিৰ্ন ৱেদ ॥ ৩১ ॥
যদি স্ম পশ্যত্যসদিন্দ্ৰিযাৰ্থং
নানানুমানেন ৱিৰুদ্ধমন্যত্ ।
ন মন্যতে ৱস্তুতযা মনীষী
স্ৱাপ্নং যথোত্থায তিৰোদধানম্ ॥ ৩২ ॥
নানানুমানেন ৱিৰুদ্ধমন্যত্ ।
ন মন্যতে ৱস্তুতযা মনীষী
স্ৱাপ্নং যথোত্থায তিৰোদধানম্ ॥ ৩২ ॥
পূৰ্ৱং গৃহীতং গুণকৰ্মচিত্ৰ-
মজ্ঞানমাত্মন্যৱিৱিক্তমঙ্গ ।
নিৱৰ্ততে তত্ পুনৰীক্ষযৈৱ
ন গৃহ্যতে নাপি ৱিসৃজ্য আত্মা ॥ ৩৩ ॥
মজ্ঞানমাত্মন্যৱিৱিক্তমঙ্গ ।
নিৱৰ্ততে তত্ পুনৰীক্ষযৈৱ
ন গৃহ্যতে নাপি ৱিসৃজ্য আত্মা ॥ ৩৩ ॥
যথা হি ভানোৰুদযো নৃচক্ষুষাং
তমো নিহন্যান্ন তু সদ্ ৱিধত্তে ।
এৱং সমীক্ষা নিপুণা সতী মে
হন্যাত্তমিস্ৰং পুৰুষস্য বুদ্ধেঃ ॥ ৩৪ ॥
তমো নিহন্যান্ন তু সদ্ ৱিধত্তে ।
এৱং সমীক্ষা নিপুণা সতী মে
হন্যাত্তমিস্ৰং পুৰুষস্য বুদ্ধেঃ ॥ ৩৪ ॥
এষ স্ৱযংজ্যোতিৰজোঽপ্ৰমেযো
মহানুভূতিঃ সকলানুভূতিঃ ।
একোঽদ্ৱিতীযো ৱচসাং ৱিৰামে
যেনেষিতা ৱাগসৱশ্চৰন্তি ॥ ৩৫ ॥
মহানুভূতিঃ সকলানুভূতিঃ ।
একোঽদ্ৱিতীযো ৱচসাং ৱিৰামে
যেনেষিতা ৱাগসৱশ্চৰন্তি ॥ ৩৫ ॥
এতাৱানাত্মসম্মোহো যদ্ ৱিকল্পস্তু কেৱলে ।
আত্মনৃতে স্ৱমাত্মানমৱলম্বো ন যস্য হি ॥ ৩৬ ॥
আত্মনৃতে স্ৱমাত্মানমৱলম্বো ন যস্য হি ॥ ৩৬ ॥
যন্নামাকৃতিভিৰ্গ্ৰাহ্যং পঞ্চৱৰ্ণমবাধিতম্ ।
ৱ্যৰ্থেনাপ্যৰ্থৱাদোঽযং দ্ৱযং পণ্ডিতমানিনাম্ ॥ ৩৭ ॥
ৱ্যৰ্থেনাপ্যৰ্থৱাদোঽযং দ্ৱযং পণ্ডিতমানিনাম্ ॥ ৩৭ ॥
যোগিনোঽপক্ৱযোগস্য যুঞ্জতঃ কায উত্থিতৈঃ ।
উপসৰ্গৈৰ্ৱিহন্যেত তত্ৰাযং ৱিহিতো ৱিধিঃ ॥ ৩৮ ॥
উপসৰ্গৈৰ্ৱিহন্যেত তত্ৰাযং ৱিহিতো ৱিধিঃ ॥ ৩৮ ॥
যোগধাৰণযা কাংশ্চিদাসনৈৰ্ধাৰণান্ৱিতৈঃ ।
তপোমন্ত্ৰৌষধৈঃ কাংশ্চিদুপসৰ্গান্ ৱিনিৰ্দহেত্ ॥ ৩৯ ॥
তপোমন্ত্ৰৌষধৈঃ কাংশ্চিদুপসৰ্গান্ ৱিনিৰ্দহেত্ ॥ ৩৯ ॥
কাংশ্চিন্মমানুধ্যানেন নামসঙ্কীৰ্তনাদিভিঃ ।
যোগেশ্ৱৰানুৱৃত্ত্যা ৱা হন্যাদশুভদান্ শনৈঃ ॥ ৪০ ॥
যোগেশ্ৱৰানুৱৃত্ত্যা ৱা হন্যাদশুভদান্ শনৈঃ ॥ ৪০ ॥
কেচিদ্ দেহমিমং ধীৰাঃ সুকল্পং ৱযসি স্থিৰম্ ।
ৱিধায ৱিৱিধোপাযৈৰথ যুঞ্জন্তি সিদ্ধযে ॥ ৪১ ॥
ৱিধায ৱিৱিধোপাযৈৰথ যুঞ্জন্তি সিদ্ধযে ॥ ৪১ ॥
ন হি তত্ কুশলাদৃত্যং তদাযাসো হ্যপাৰ্থকঃ ।
অন্তৱত্ত্ৱাচ্ছৰীৰস্য ফলস্যেৱ ৱনস্পতেঃ ॥ ৪২ ॥
অন্তৱত্ত্ৱাচ্ছৰীৰস্য ফলস্যেৱ ৱনস্পতেঃ ॥ ৪২ ॥
যোগং নিষেৱতো নিত্যং কাযশ্চেত্ কল্পতামিযাত্ ।
তচ্ছ্ৰদ্দধ্যান্ন মতিমান্যোগমুত্সৃজ্য মত্পৰঃ ॥ ৪৩ ॥
তচ্ছ্ৰদ্দধ্যান্ন মতিমান্যোগমুত্সৃজ্য মত্পৰঃ ॥ ৪৩ ॥
যোগচৰ্যামিমাং যোগী ৱিচৰন্ মদপাশ্ৰযঃ ।
নান্তৰাযৈৰ্ৱিহন্যেত নিঃস্পৃহঃ স্ৱসুখানুভূঃ ॥ ৪৪ ॥
নান্তৰাযৈৰ্ৱিহন্যেত নিঃস্পৃহঃ স্ৱসুখানুভূঃ ॥ ৪৪ ॥
শ্ৰীশুক উৱাচ।
স এৱমুক্তো হৰিমেধসোদ্ধৱঃ
প্ৰদক্ষিণং তং পৰিসৃত্য পাদযোঃ ।
শিৰো নিধাযাশ্ৰুকলাভিৰাৰ্দ্ৰধী-
ৰ্ন্যষিঞ্চদদ্ৱন্দ্ৱপৰোঽপ্যপক্ৰমে
স এৱমুক্তো হৰিমেধসোদ্ধৱঃ
প্ৰদক্ষিণং তং পৰিসৃত্য পাদযোঃ ।
শিৰো নিধাযাশ্ৰুকলাভিৰাৰ্দ্ৰধী-
ৰ্ন্যষিঞ্চদদ্ৱন্দ্ৱপৰোঽপ্যপক্ৰমে
সুদুস্ত্যজস্নেহৱিযোগকাতৰো
ন শক্নুৱংস্তং পৰিহাতুমাতুৰঃ ।
কৃচ্ছ্ৰং যযৌ মূৰ্ধনি ভৰ্তৃপাদুকে
বিভ্ৰন্নমস্কৃত্য যযৌ পুনঃ পুনঃ
ন শক্নুৱংস্তং পৰিহাতুমাতুৰঃ ।
কৃচ্ছ্ৰং যযৌ মূৰ্ধনি ভৰ্তৃপাদুকে
বিভ্ৰন্নমস্কৃত্য যযৌ পুনঃ পুনঃ
ততস্তমন্তৰ্হৃদি সন্নিৱেশ্য
গতো মহাভাগৱতো ৱিশালাম্ ।
যথোপদিষ্টাং জগদেকবন্ধুনা
তপঃ সমাস্থায হৰেৰগাদ্গতিম্
গতো মহাভাগৱতো ৱিশালাম্ ।
যথোপদিষ্টাং জগদেকবন্ধুনা
তপঃ সমাস্থায হৰেৰগাদ্গতিম্
য এতদানন্দসমুদ্ৰসম্ভৃতং
জ্ঞানামৃতং ভাগৱতায ভাষিতম্ ।
কৃষ্ণেন যোগেশ্ৱৰসেৱিতাঙ্ঘ্ৰিণা
সচ্ছ্ৰদ্ধযাঽঽসেৱ্য জগদ্ৱিমুচ্যতে
জ্ঞানামৃতং ভাগৱতায ভাষিতম্ ।
কৃষ্ণেন যোগেশ্ৱৰসেৱিতাঙ্ঘ্ৰিণা
সচ্ছ্ৰদ্ধযাঽঽসেৱ্য জগদ্ৱিমুচ্যতে
ভৱভযমপহন্তুং জ্ঞানৱিজ্ঞানসাৰং
নিগমকৃদুপজহ্ৰে ভৃঙ্গৱদ্ৱেদসাৰম্ ।
অমৃতমুদধিতশ্চাপাযযদ্ভৃত্যৱৰ্গান্
পুৰুষমৃষভমাদ্যং কৃষ্ণসংজ্ঞং নতোঽস্মি
নিগমকৃদুপজহ্ৰে ভৃঙ্গৱদ্ৱেদসাৰম্ ।
অমৃতমুদধিতশ্চাপাযযদ্ভৃত্যৱৰ্গান্
পুৰুষমৃষভমাদ্যং কৃষ্ণসংজ্ঞং নতোঽস্মি