শ্রীব্রাহ্মণ উবাচ
সুখমৈন্দ্রিযকং রাজন্ স্বর্গে নরক এব চ ।
দেহিনাং যদ্ যথা দুঃখং তস্মান্নেচ্ছেত তদ্ বুধঃ ॥ ১ ॥
সুখমৈন্দ্রিযকং রাজন্ স্বর্গে নরক এব চ ।
দেহিনাং যদ্ যথা দুঃখং তস্মান্নেচ্ছেত তদ্ বুধঃ ॥ ১ ॥
গ্রাসং সুমৃষ্টং বিরসং মহান্তং স্তোকমেব বা ।
যদৃচ্ছযৈবাপতিতং গ্রসেদাজগরোঽক্রিযঃ ॥ ২ ॥
যদৃচ্ছযৈবাপতিতং গ্রসেদাজগরোঽক্রিযঃ ॥ ২ ॥
শযীতাহানি ভূরীণি নিরাহারোঽনুপক্রমঃ ।
যদি নোপনযেদ্ গ্রাসো মহাহিরিব দিষ্টভুক্ ॥ ৩ ॥
যদি নোপনযেদ্ গ্রাসো মহাহিরিব দিষ্টভুক্ ॥ ৩ ॥
ওজঃসহোবলযুতং বিভ্রদ্ দেহমকর্মকম্ ।
শযানো বীতনিদ্রশ্চ নেহেতেন্দ্রিযবানপি ॥ ৪ ॥
শযানো বীতনিদ্রশ্চ নেহেতেন্দ্রিযবানপি ॥ ৪ ॥
মুনিঃ প্রসন্নগম্ভীরো দুর্বিগাহ্যো দুরত্যযঃ ।
অনন্তপারো হ্যক্ষোভ্যঃ স্তিমিতোদ ইবার্ণবঃ ॥ ৫ ॥
অনন্তপারো হ্যক্ষোভ্যঃ স্তিমিতোদ ইবার্ণবঃ ॥ ৫ ॥
সমৃদ্ধকামোহীনো বা নারাযণপরো মুনিঃ ।
নোত্সর্পেত ন শুষ্যেত সরিদ্ভিরিব সাগরঃ ॥ ৬ ॥
নোত্সর্পেত ন শুষ্যেত সরিদ্ভিরিব সাগরঃ ॥ ৬ ॥
দৃষ্ট্বা স্ত্রিযং দেবমাযাং তদ্ভাবৈরজিতেন্দ্রিযঃ ।
প্রলোভিতঃ পতত্যন্ধে তমস্যগ্নৌ পতঙ্গবত্ ॥ ৭ ॥
প্রলোভিতঃ পতত্যন্ধে তমস্যগ্নৌ পতঙ্গবত্ ॥ ৭ ॥
যোষিদ্ধিরণ্যাভরণাম্বরাদি-
দ্রব্যেষু মাযারচিতেষু মূঢঃ ।
প্রলোভিতাত্মা হ্যুপভোগবুদ্ধ্যা
পতঙ্গবন্নশ্যতি নষ্টদৃষ্টিঃ ॥ ৮ ॥
দ্রব্যেষু মাযারচিতেষু মূঢঃ ।
প্রলোভিতাত্মা হ্যুপভোগবুদ্ধ্যা
পতঙ্গবন্নশ্যতি নষ্টদৃষ্টিঃ ॥ ৮ ॥
স্তোকং স্তোকং গ্রসেদ্ গ্রাসং দেহো বর্তেত যাবতা ।
গৃহানহিংসন্নাতিষ্ঠেদ্ বৃত্তিং মাধুকরীং মুনিঃ ॥ ৯ ॥
গৃহানহিংসন্নাতিষ্ঠেদ্ বৃত্তিং মাধুকরীং মুনিঃ ॥ ৯ ॥
অণুভ্যশ্চ মহদ্ভ্যশ্চ শাস্ত্রেভ্যঃ কুশলো নরঃ ।
সর্বতঃ সারমাদদ্যাত্ পুষ্পেভ্য ইব ষট্পদঃ ॥ ১০ ॥
সর্বতঃ সারমাদদ্যাত্ পুষ্পেভ্য ইব ষট্পদঃ ॥ ১০ ॥
সাযন্তনং শ্বস্তনং বা ন সঙ্গৃহ্ণীত ভিক্ষিতম্ ।
পাণিপাত্রোদরামত্রো মক্ষিকেব ন সঙ্গ্রহী ॥ ১১ ॥
পাণিপাত্রোদরামত্রো মক্ষিকেব ন সঙ্গ্রহী ॥ ১১ ॥
সাযন্তনং শ্বস্তনং বা ন সঙ্গৃহ্ণীত ভিক্ষুকঃ ।
মক্ষিকা ইব সঙ্গৃহ্ণন্ সহ তেন বিনশ্যতি ॥ ১২ ॥
মক্ষিকা ইব সঙ্গৃহ্ণন্ সহ তেন বিনশ্যতি ॥ ১২ ॥
পদাপি যুবতীং ভিক্ষুর্ন স্পৃশেদ্ দারবীমপি ।
স্পৃশন্ করীব বধ্যেত করিণ্যা অঙ্গসঙ্গতঃ ॥ ১৩ ॥
স্পৃশন্ করীব বধ্যেত করিণ্যা অঙ্গসঙ্গতঃ ॥ ১৩ ॥
নাধিগচ্ছেত্ স্ত্রিযং প্রাজ্ঞঃ কর্হিচিন্মৃত্যুমাত্মনঃ ।
বলাধিকৈঃ স হন্যেত গজৈরন্যৈর্গজো যথা ॥ ১৪ ॥
বলাধিকৈঃ স হন্যেত গজৈরন্যৈর্গজো যথা ॥ ১৪ ॥
ন দেযং নোপভোগ্যং চ লুব্ধৈর্যদ্ দুঃখসঞ্চিতম্ ।
ভুঙ্ক্তে তদপি তচ্চান্যো মধুহেবার্থবিন্মধু ॥ ১৫ ॥
ভুঙ্ক্তে তদপি তচ্চান্যো মধুহেবার্থবিন্মধু ॥ ১৫ ॥
সুদুঃখোপার্জিতৈর্বিত্তৈরাশাসানাং গৃহাশিষঃ ।
মধুহেবাগ্রতো ভুঙ্ক্তে যতির্বৈ গৃহমেধিনাম্ ॥ ১৬ ॥
মধুহেবাগ্রতো ভুঙ্ক্তে যতির্বৈ গৃহমেধিনাম্ ॥ ১৬ ॥
গ্রাম্যগীতং ন শৃণুযাদ্ যতির্বনচরঃ ক্বচিত্ ।
শিক্ষেত হরিণাদ্ বদ্ধান্মৃগযোর্গীতমোহিতাত্ ॥ ১৭ ॥
শিক্ষেত হরিণাদ্ বদ্ধান্মৃগযোর্গীতমোহিতাত্ ॥ ১৭ ॥
নৃত্যবাদিত্রগীতানি জুষন্ গ্রাম্যাণি যোষিতাম্ ।
আসাং ক্রীডনকো বশ্য ঋষ্যশৃঙ্গো মৃগীসুতঃ ॥ ১৮ ॥
আসাং ক্রীডনকো বশ্য ঋষ্যশৃঙ্গো মৃগীসুতঃ ॥ ১৮ ॥
জিহ্বযাতিপ্রমাথিন্যা জনো রসবিমোহিতঃ ।
মৃত্যুমৃচ্ছত্যসদ্বুদ্ধির্মীনস্তু বডিশৈর্যথা ॥ ১৯ ॥
মৃত্যুমৃচ্ছত্যসদ্বুদ্ধির্মীনস্তু বডিশৈর্যথা ॥ ১৯ ॥
ইন্দ্রিযাণি জযন্ত্যাশু নিরাহারা মনীষিণঃ ।
বর্জযিত্বা তু রসনং তন্নিরন্নস্য বর্ধতে ॥ ২০ ॥
বর্জযিত্বা তু রসনং তন্নিরন্নস্য বর্ধতে ॥ ২০ ॥
তাবজ্জিতেন্দ্রিযো ন স্যাদ্ বিজিতান্যেন্দ্রিযঃ পুমান্ ।
ন জযেদ্ রসনং যাবজ্জিতং সর্বং জিতে রসে ॥ ২১ ॥
ন জযেদ্ রসনং যাবজ্জিতং সর্বং জিতে রসে ॥ ২১ ॥
পিঙ্গলা নাম বেশ্যাসীদ্ বিদেহনগরে পুরা ।
তস্যা মে শিক্ষিতং কিঞ্চিন্নিবোধ নৃপনন্দন ॥ ২২ ॥
তস্যা মে শিক্ষিতং কিঞ্চিন্নিবোধ নৃপনন্দন ॥ ২২ ॥
সা স্বৈরিণ্যেকদা কান্তং সঙ্কেত উপনেষ্যতী ।
অভূত্ কালে বহির্দ্বারে বিভ্রতী রূপমুত্তমম্ ॥ ২৩ ॥
অভূত্ কালে বহির্দ্বারে বিভ্রতী রূপমুত্তমম্ ॥ ২৩ ॥
মার্গ আগচ্ছতো বীক্ষ্য পুরুষান্ পুরুষর্ষভ ।
তান্ শুল্কদান্ বিত্তবতঃ কান্তান্ মেনেঽর্থকামুকী ॥ ২৪ ॥
তান্ শুল্কদান্ বিত্তবতঃ কান্তান্ মেনেঽর্থকামুকী ॥ ২৪ ॥
আগতেষ্বপযাতেষু সা সঙ্কেতোপজীবিনী ।
অপ্যন্যো বিত্তবান্ কোঽপি মামুপৈষ্যতি ভূরিদঃ ॥ ২৫ ॥
অপ্যন্যো বিত্তবান্ কোঽপি মামুপৈষ্যতি ভূরিদঃ ॥ ২৫ ॥
এবং দুরাশযা ধ্বস্তনিদ্রা দ্বার্যবলম্বতী ।
নির্গচ্ছন্তী প্রবিশতী নিশীথং সমপদ্যত ॥ ২৬ ॥
নির্গচ্ছন্তী প্রবিশতী নিশীথং সমপদ্যত ॥ ২৬ ॥
তস্যা বিত্তাশযা শুষ্যদ্বক্ত্রাযা দীনচেতসঃ ।
নির্বেদঃ পরমো জজ্ঞে চিন্তাহেতুঃ সুখাবহঃ ॥ ২৭ ॥
নির্বেদঃ পরমো জজ্ঞে চিন্তাহেতুঃ সুখাবহঃ ॥ ২৭ ॥
তস্যা নির্বিণ্ণচিত্তাযা গীতং শৃণু যথা মম ।
নির্বেদ আশাপাশানাং পুরুষস্য যথা হ্যসিঃ ॥ ২৮ ॥
নির্বেদ আশাপাশানাং পুরুষস্য যথা হ্যসিঃ ॥ ২৮ ॥
ন হ্যঙ্গাজাতনির্বেদো দেহবন্ধং জিহাসতি ।
যথা বিজ্ঞানরহিতো মনুজো মমতাং নৃপ ॥ ২৯ ॥
যথা বিজ্ঞানরহিতো মনুজো মমতাং নৃপ ॥ ২৯ ॥
পিঙ্গলোবাচ
অহো মে মোহবিততিং পশ্যতাবিজিতাত্মনঃ ।
যা কান্তাদসতঃ কামং কামযে যেন বালিশা ॥ ৩০ ॥
অহো মে মোহবিততিং পশ্যতাবিজিতাত্মনঃ ।
যা কান্তাদসতঃ কামং কামযে যেন বালিশা ॥ ৩০ ॥
সন্তং সমীপে রমণং রতিপ্রদং
বিত্তপ্রদং নিত্যমিমং বিহায ।
অকামদং দুঃখভযাধিশোক-
মোহপ্রদং তুচ্ছমহং ভজেঽজ্ঞা ॥ ৩১ ॥
বিত্তপ্রদং নিত্যমিমং বিহায ।
অকামদং দুঃখভযাধিশোক-
মোহপ্রদং তুচ্ছমহং ভজেঽজ্ঞা ॥ ৩১ ॥
অহো মযাত্মা পরিতাপিতো বৃথা
সাঙ্কেত্যবৃত্ত্যাতিবিগর্হ্যবার্তযা ।
স্ত্রৈণান্নরাদ্ যার্থতৃষোঽনুশোচ্যাত্
ক্রীতেন বিত্তং রতিমাত্মনেচ্ছতী ॥ ৩২ ॥
সাঙ্কেত্যবৃত্ত্যাতিবিগর্হ্যবার্তযা ।
স্ত্রৈণান্নরাদ্ যার্থতৃষোঽনুশোচ্যাত্
ক্রীতেন বিত্তং রতিমাত্মনেচ্ছতী ॥ ৩২ ॥
যদস্থিভির্নির্মিতবংশবংশ্য-
স্থূণং ত্বচা রোমনখৈঃ পিনদ্ধম্ ।
ক্ষরন্নবদ্বারমগারমেতদ্
বিণ্মূত্রপূর্ণং মদুপৈতি কান্যা ॥ ৩৩ ॥
স্থূণং ত্বচা রোমনখৈঃ পিনদ্ধম্ ।
ক্ষরন্নবদ্বারমগারমেতদ্
বিণ্মূত্রপূর্ণং মদুপৈতি কান্যা ॥ ৩৩ ॥
বিদেহানাং পুরে হ্যস্মিন্নহমেকৈব মূঢধীঃ ।
যান্যমিচ্ছন্ত্যসত্যস্মাদাত্মদাত্ কামমচ্যুতাত্ ॥ ৩৪ ॥
যান্যমিচ্ছন্ত্যসত্যস্মাদাত্মদাত্ কামমচ্যুতাত্ ॥ ৩৪ ॥
সুহৃত্ প্রেষ্ঠতমো নাথ আত্মা চাযং শরীরিণাম্ ।
তং বিক্রীযাত্মনৈবাহং রমেঽনেন যথা রমা ॥ ৩৫ ॥
তং বিক্রীযাত্মনৈবাহং রমেঽনেন যথা রমা ॥ ৩৫ ॥
কিযত্ প্রিযং তে ব্যভজন্ কামা যে কামদা নরাঃ ।
আদ্যন্তবন্তো ভার্যাযা দেবা বা কালবিদ্রুতাঃ ॥ ৩৬ ॥
আদ্যন্তবন্তো ভার্যাযা দেবা বা কালবিদ্রুতাঃ ॥ ৩৬ ॥
নূনং মে ভগবান্ প্রীতো বিষ্ণুঃ কেনাপি কর্মণা ।
নির্বেদোঽযং দুরাশাযা যন্মে জাতঃ সুখাবহঃ ॥ ৩৭ ॥
নির্বেদোঽযং দুরাশাযা যন্মে জাতঃ সুখাবহঃ ॥ ৩৭ ॥
মৈবং স্যুর্মন্দভাগ্যাযাঃ ক্লেশা নির্বেদহেতবঃ ।
যেনানুবন্ধং নির্হৃত্য পুরুষঃ শমমৃচ্ছতি ॥ ৩৮ ॥
যেনানুবন্ধং নির্হৃত্য পুরুষঃ শমমৃচ্ছতি ॥ ৩৮ ॥
তেনোপকৃতমাদায শিরসা গ্রাম্যসঙ্গতাঃ ।
ত্যক্ত্বা দুরাশাঃ শরণং ব্রজামি তমধীশ্বরম্ ॥ ৩৯ ॥
ত্যক্ত্বা দুরাশাঃ শরণং ব্রজামি তমধীশ্বরম্ ॥ ৩৯ ॥
সন্তুষ্টা শ্রদ্দধত্যেতদ্যথালাভেন জীবতী ।
বিহরাম্যমুনৈবাহমাত্মনা রমণেন বৈ ॥ ৪০ ॥
বিহরাম্যমুনৈবাহমাত্মনা রমণেন বৈ ॥ ৪০ ॥
সংসারকূপে পতিতং বিষযৈর্মুষিতেক্ষণম্ ।
গ্রস্তং কালাহিনাত্মানং কোঽন্যস্ত্রাতুমধীশ্বরঃ ॥ ৪১ ॥
গ্রস্তং কালাহিনাত্মানং কোঽন্যস্ত্রাতুমধীশ্বরঃ ॥ ৪১ ॥
আত্মৈব হ্যাত্মনো গোপ্তা নির্বিদ্যেত যদাখিলাত্ ।
অপ্রমত্ত ইদং পশ্যেদ্ গ্রস্তং কালাহিনা জগত্ ॥ ৪২ ॥
অপ্রমত্ত ইদং পশ্যেদ্ গ্রস্তং কালাহিনা জগত্ ॥ ৪২ ॥
শ্রীব্রাহ্মণ উবাচ
এবং ব্যবসিতমতির্দুরাশাং কান্ততর্ষজাম্ ।
ছিত্ত্বোপশমমাস্থায শয্যামুপবিবেশ সা ॥ ৪৩ ॥
এবং ব্যবসিতমতির্দুরাশাং কান্ততর্ষজাম্ ।
ছিত্ত্বোপশমমাস্থায শয্যামুপবিবেশ সা ॥ ৪৩ ॥
আশা হি পরমং দুঃখং নৈরাশ্যং পরমং সুখম্ ।
যথা সঞ্ছিদ্য কান্তাশাং সুখং সুষ্বাপ পিঙ্গলা ॥ ৪৪ ॥
যথা সঞ্ছিদ্য কান্তাশাং সুখং সুষ্বাপ পিঙ্গলা ॥ ৪৪ ॥