ଶ୍ରୀବ୍ରାହ୍ମଣ ଉଵାଚ
ସୁଖମୈନ୍ଦ୍ରିଯକଂ ରାଜନ୍ ସ୍ଵର୍ଗେ ନରକ ଏଵ ଚ ।
ଦେହିନାଂ ଯଦ୍ ଯଥା ଦୁଃଖଂ ତସ୍ମାନ୍ନେଚ୍ଛେତ ତଦ୍ ବୁଧଃ ॥ ୧ ॥
ସୁଖମୈନ୍ଦ୍ରିଯକଂ ରାଜନ୍ ସ୍ଵର୍ଗେ ନରକ ଏଵ ଚ ।
ଦେହିନାଂ ଯଦ୍ ଯଥା ଦୁଃଖଂ ତସ୍ମାନ୍ନେଚ୍ଛେତ ତଦ୍ ବୁଧଃ ॥ ୧ ॥
ଗ୍ରାସଂ ସୁମୃଷ୍ଟଂ ଵିରସଂ ମହାନ୍ତଂ ସ୍ତୋକମେଵ ଵା ।
ଯଦୃଚ୍ଛଯୈଵାପତିତଂ ଗ୍ରସେଦାଜଗରୋଽକ୍ରିଯଃ ॥ ୨ ॥
ଯଦୃଚ୍ଛଯୈଵାପତିତଂ ଗ୍ରସେଦାଜଗରୋଽକ୍ରିଯଃ ॥ ୨ ॥
ଶଯୀତାହାନି ଭୂରୀଣି ନିରାହାରୋଽନୁପକ୍ରମଃ ।
ଯଦି ନୋପନଯେଦ୍ ଗ୍ରାସୋ ମହାହିରିଵ ଦିଷ୍ଟଭୁକ୍ ॥ ୩ ॥
ଯଦି ନୋପନଯେଦ୍ ଗ୍ରାସୋ ମହାହିରିଵ ଦିଷ୍ଟଭୁକ୍ ॥ ୩ ॥
ଓଜଃସହୋବଲଯୁତଂ ବିଭ୍ରଦ୍ ଦେହମକର୍ମକମ୍ ।
ଶଯାନୋ ଵୀତନିଦ୍ରଶ୍ଚ ନେହେତେନ୍ଦ୍ରିଯଵାନପି ॥ ୪ ॥
ଶଯାନୋ ଵୀତନିଦ୍ରଶ୍ଚ ନେହେତେନ୍ଦ୍ରିଯଵାନପି ॥ ୪ ॥
ମୁନିଃ ପ୍ରସନ୍ନଗମ୍ଭୀରୋ ଦୁର୍ଵିଗାହ୍ଯୋ ଦୁରତ୍ଯଯଃ ।
ଅନନ୍ତପାରୋ ହ୍ଯକ୍ଷୋଭ୍ଯଃ ସ୍ତିମିତୋଦ ଇଵାର୍ଣଵଃ ॥ ୫ ॥
ଅନନ୍ତପାରୋ ହ୍ଯକ୍ଷୋଭ୍ଯଃ ସ୍ତିମିତୋଦ ଇଵାର୍ଣଵଃ ॥ ୫ ॥
ସମୃଦ୍ଧକାମୋହୀନୋ ଵା ନାରାଯଣପରୋ ମୁନିଃ ।
ନୋତ୍ସର୍ପେତ ନ ଶୁଷ୍ଯେତ ସରିଦ୍ଭିରିଵ ସାଗରଃ ॥ ୬ ॥
ନୋତ୍ସର୍ପେତ ନ ଶୁଷ୍ଯେତ ସରିଦ୍ଭିରିଵ ସାଗରଃ ॥ ୬ ॥
ଦୃଷ୍ଟ୍ଵା ସ୍ତ୍ରିଯଂ ଦେଵମାଯାଂ ତଦ୍ଭାଵୈରଜିତେନ୍ଦ୍ରିଯଃ ।
ପ୍ରଲୋଭିତଃ ପତତ୍ଯନ୍ଧେ ତମସ୍ଯଗ୍ନୌ ପତଙ୍ଗଵତ୍ ॥ ୭ ॥
ପ୍ରଲୋଭିତଃ ପତତ୍ଯନ୍ଧେ ତମସ୍ଯଗ୍ନୌ ପତଙ୍ଗଵତ୍ ॥ ୭ ॥
ଯୋଷିଦ୍ଧିରଣ୍ଯାଭରଣାମ୍ବରାଦି-
ଦ୍ରଵ୍ଯେଷୁ ମାଯାରଚିତେଷୁ ମୂଢଃ ।
ପ୍ରଲୋଭିତାତ୍ମା ହ୍ଯୁପଭୋଗବୁଦ୍ଧ୍ଯା
ପତଙ୍ଗଵନ୍ନଶ୍ଯତି ନଷ୍ଟଦୃଷ୍ଟିଃ ॥ ୮ ॥
ଦ୍ରଵ୍ଯେଷୁ ମାଯାରଚିତେଷୁ ମୂଢଃ ।
ପ୍ରଲୋଭିତାତ୍ମା ହ୍ଯୁପଭୋଗବୁଦ୍ଧ୍ଯା
ପତଙ୍ଗଵନ୍ନଶ୍ଯତି ନଷ୍ଟଦୃଷ୍ଟିଃ ॥ ୮ ॥
ସ୍ତୋକଂ ସ୍ତୋକଂ ଗ୍ରସେଦ୍ ଗ୍ରାସଂ ଦେହୋ ଵର୍ତେତ ଯାଵତା ।
ଗୃହାନହିଂସନ୍ନାତିଷ୍ଠେଦ୍ ଵୃତ୍ତିଂ ମାଧୁକରୀଂ ମୁନିଃ ॥ ୯ ॥
ଗୃହାନହିଂସନ୍ନାତିଷ୍ଠେଦ୍ ଵୃତ୍ତିଂ ମାଧୁକରୀଂ ମୁନିଃ ॥ ୯ ॥
ଅଣୁଭ୍ଯଶ୍ଚ ମହଦ୍ଭ୍ଯଶ୍ଚ ଶାସ୍ତ୍ରେଭ୍ଯଃ କୁଶଲୋ ନରଃ ।
ସର୍ଵତଃ ସାରମାଦଦ୍ଯାତ୍ ପୁଷ୍ପେଭ୍ଯ ଇଵ ଷଟ୍ପଦଃ ॥ ୧୦ ॥
ସର୍ଵତଃ ସାରମାଦଦ୍ଯାତ୍ ପୁଷ୍ପେଭ୍ଯ ଇଵ ଷଟ୍ପଦଃ ॥ ୧୦ ॥
ସାଯନ୍ତନଂ ଶ୍ଵସ୍ତନଂ ଵା ନ ସଙ୍ଗୃହ୍ଣୀତ ଭିକ୍ଷିତମ୍ ।
ପାଣିପାତ୍ରୋଦରାମତ୍ରୋ ମକ୍ଷିକେଵ ନ ସଙ୍ଗ୍ରହୀ ॥ ୧୧ ॥
ପାଣିପାତ୍ରୋଦରାମତ୍ରୋ ମକ୍ଷିକେଵ ନ ସଙ୍ଗ୍ରହୀ ॥ ୧୧ ॥
ସାଯନ୍ତନଂ ଶ୍ଵସ୍ତନଂ ଵା ନ ସଙ୍ଗୃହ୍ଣୀତ ଭିକ୍ଷୁକଃ ।
ମକ୍ଷିକା ଇଵ ସଙ୍ଗୃହ୍ଣନ୍ ସହ ତେନ ଵିନଶ୍ଯତି ॥ ୧୨ ॥
ମକ୍ଷିକା ଇଵ ସଙ୍ଗୃହ୍ଣନ୍ ସହ ତେନ ଵିନଶ୍ଯତି ॥ ୧୨ ॥
ପଦାପି ଯୁଵତୀଂ ଭିକ୍ଷୁର୍ନ ସ୍ପୃଶେଦ୍ ଦାରଵୀମପି ।
ସ୍ପୃଶନ୍ କରୀଵ ବଧ୍ଯେତ କରିଣ୍ଯା ଅଙ୍ଗସଙ୍ଗତଃ ॥ ୧୩ ॥
ସ୍ପୃଶନ୍ କରୀଵ ବଧ୍ଯେତ କରିଣ୍ଯା ଅଙ୍ଗସଙ୍ଗତଃ ॥ ୧୩ ॥
ନାଧିଗଚ୍ଛେତ୍ ସ୍ତ୍ରିଯଂ ପ୍ରାଜ୍ଞଃ କର୍ହିଚିନ୍ମୃତ୍ଯୁମାତ୍ମନଃ ।
ବଲାଧିକୈଃ ସ ହନ୍ଯେତ ଗଜୈରନ୍ଯୈର୍ଗଜୋ ଯଥା ॥ ୧୪ ॥
ବଲାଧିକୈଃ ସ ହନ୍ଯେତ ଗଜୈରନ୍ଯୈର୍ଗଜୋ ଯଥା ॥ ୧୪ ॥
ନ ଦେଯଂ ନୋପଭୋଗ୍ଯଂ ଚ ଲୁବ୍ଧୈର୍ଯଦ୍ ଦୁଃଖସଞ୍ଚିତମ୍ ।
ଭୁଙ୍କ୍ତେ ତଦପି ତଚ୍ଚାନ୍ଯୋ ମଧୁହେଵାର୍ଥଵିନ୍ମଧୁ ॥ ୧୫ ॥
ଭୁଙ୍କ୍ତେ ତଦପି ତଚ୍ଚାନ୍ଯୋ ମଧୁହେଵାର୍ଥଵିନ୍ମଧୁ ॥ ୧୫ ॥
ସୁଦୁଃଖୋପାର୍ଜିତୈର୍ଵିତ୍ତୈରାଶାସାନାଂ ଗୃହାଶିଷଃ ।
ମଧୁହେଵାଗ୍ରତୋ ଭୁଙ୍କ୍ତେ ଯତିର୍ଵୈ ଗୃହମେଧିନାମ୍ ॥ ୧୬ ॥
ମଧୁହେଵାଗ୍ରତୋ ଭୁଙ୍କ୍ତେ ଯତିର୍ଵୈ ଗୃହମେଧିନାମ୍ ॥ ୧୬ ॥
ଗ୍ରାମ୍ଯଗୀତଂ ନ ଶୃଣୁଯାଦ୍ ଯତିର୍ଵନଚରଃ କ୍ଵଚିତ୍ ।
ଶିକ୍ଷେତ ହରିଣାଦ୍ ବଦ୍ଧାନ୍ମୃଗଯୋର୍ଗୀତମୋହିତାତ୍ ॥ ୧୭ ॥
ଶିକ୍ଷେତ ହରିଣାଦ୍ ବଦ୍ଧାନ୍ମୃଗଯୋର୍ଗୀତମୋହିତାତ୍ ॥ ୧୭ ॥
ନୃତ୍ଯଵାଦିତ୍ରଗୀତାନି ଜୁଷନ୍ ଗ୍ରାମ୍ଯାଣି ଯୋଷିତାମ୍ ।
ଆସାଂ କ୍ରୀଡନକୋ ଵଶ୍ଯ ଋଷ୍ଯଶୃଙ୍ଗୋ ମୃଗୀସୁତଃ ॥ ୧୮ ॥
ଆସାଂ କ୍ରୀଡନକୋ ଵଶ୍ଯ ଋଷ୍ଯଶୃଙ୍ଗୋ ମୃଗୀସୁତଃ ॥ ୧୮ ॥
ଜିହ୍ଵଯାତିପ୍ରମାଥିନ୍ଯା ଜନୋ ରସଵିମୋହିତଃ ।
ମୃତ୍ଯୁମୃଚ୍ଛତ୍ଯସଦ୍ବୁଦ୍ଧିର୍ମୀନସ୍ତୁ ବଡିଶୈର୍ଯଥା ॥ ୧୯ ॥
ମୃତ୍ଯୁମୃଚ୍ଛତ୍ଯସଦ୍ବୁଦ୍ଧିର୍ମୀନସ୍ତୁ ବଡିଶୈର୍ଯଥା ॥ ୧୯ ॥
ଇନ୍ଦ୍ରିଯାଣି ଜଯନ୍ତ୍ଯାଶୁ ନିରାହାରା ମନୀଷିଣଃ ।
ଵର୍ଜଯିତ୍ଵା ତୁ ରସନଂ ତନ୍ନିରନ୍ନସ୍ଯ ଵର୍ଧତେ ॥ ୨୦ ॥
ଵର୍ଜଯିତ୍ଵା ତୁ ରସନଂ ତନ୍ନିରନ୍ନସ୍ଯ ଵର୍ଧତେ ॥ ୨୦ ॥
ତାଵଜ୍ଜିତେନ୍ଦ୍ରିଯୋ ନ ସ୍ଯାଦ୍ ଵିଜିତାନ୍ଯେନ୍ଦ୍ରିଯଃ ପୁମାନ୍ ।
ନ ଜଯେଦ୍ ରସନଂ ଯାଵଜ୍ଜିତଂ ସର୍ଵଂ ଜିତେ ରସେ ॥ ୨୧ ॥
ନ ଜଯେଦ୍ ରସନଂ ଯାଵଜ୍ଜିତଂ ସର୍ଵଂ ଜିତେ ରସେ ॥ ୨୧ ॥
ପିଙ୍ଗଲା ନାମ ଵେଶ୍ଯାସୀଦ୍ ଵିଦେହନଗରେ ପୁରା ।
ତସ୍ଯା ମେ ଶିକ୍ଷିତଂ କିଞ୍ଚିନ୍ନିବୋଧ ନୃପନନ୍ଦନ ॥ ୨୨ ॥
ତସ୍ଯା ମେ ଶିକ୍ଷିତଂ କିଞ୍ଚିନ୍ନିବୋଧ ନୃପନନ୍ଦନ ॥ ୨୨ ॥
ସା ସ୍ଵୈରିଣ୍ଯେକଦା କାନ୍ତଂ ସଙ୍କେତ ଉପନେଷ୍ଯତୀ ।
ଅଭୂତ୍ କାଲେ ବହିର୍ଦ୍ଵାରେ ବିଭ୍ରତୀ ରୂପମୁତ୍ତମମ୍ ॥ ୨୩ ॥
ଅଭୂତ୍ କାଲେ ବହିର୍ଦ୍ଵାରେ ବିଭ୍ରତୀ ରୂପମୁତ୍ତମମ୍ ॥ ୨୩ ॥
ମାର୍ଗ ଆଗଚ୍ଛତୋ ଵୀକ୍ଷ୍ଯ ପୁରୁଷାନ୍ ପୁରୁଷର୍ଷଭ ।
ତାନ୍ ଶୁଲ୍କଦାନ୍ ଵିତ୍ତଵତଃ କାନ୍ତାନ୍ ମେନେଽର୍ଥକାମୁକୀ ॥ ୨୪ ॥
ତାନ୍ ଶୁଲ୍କଦାନ୍ ଵିତ୍ତଵତଃ କାନ୍ତାନ୍ ମେନେଽର୍ଥକାମୁକୀ ॥ ୨୪ ॥
ଆଗତେଷ୍ଵପଯାତେଷୁ ସା ସଙ୍କେତୋପଜୀଵିନୀ ।
ଅପ୍ଯନ୍ଯୋ ଵିତ୍ତଵାନ୍ କୋଽପି ମାମୁପୈଷ୍ଯତି ଭୂରିଦଃ ॥ ୨୫ ॥
ଅପ୍ଯନ୍ଯୋ ଵିତ୍ତଵାନ୍ କୋଽପି ମାମୁପୈଷ୍ଯତି ଭୂରିଦଃ ॥ ୨୫ ॥
ଏଵଂ ଦୁରାଶଯା ଧ୍ଵସ୍ତନିଦ୍ରା ଦ୍ଵାର୍ଯଵଲମ୍ବତୀ ।
ନିର୍ଗଚ୍ଛନ୍ତୀ ପ୍ରଵିଶତୀ ନିଶୀଥଂ ସମପଦ୍ଯତ ॥ ୨୬ ॥
ନିର୍ଗଚ୍ଛନ୍ତୀ ପ୍ରଵିଶତୀ ନିଶୀଥଂ ସମପଦ୍ଯତ ॥ ୨୬ ॥
ତସ୍ଯା ଵିତ୍ତାଶଯା ଶୁଷ୍ଯଦ୍ଵକ୍ତ୍ରାଯା ଦୀନଚେତସଃ ।
ନିର୍ଵେଦଃ ପରମୋ ଜଜ୍ଞେ ଚିନ୍ତାହେତୁଃ ସୁଖାଵହଃ ॥ ୨୭ ॥
ନିର୍ଵେଦଃ ପରମୋ ଜଜ୍ଞେ ଚିନ୍ତାହେତୁଃ ସୁଖାଵହଃ ॥ ୨୭ ॥
ତସ୍ଯା ନିର୍ଵିଣ୍ଣଚିତ୍ତାଯା ଗୀତଂ ଶୃଣୁ ଯଥା ମମ ।
ନିର୍ଵେଦ ଆଶାପାଶାନାଂ ପୁରୁଷସ୍ଯ ଯଥା ହ୍ଯସିଃ ॥ ୨୮ ॥
ନିର୍ଵେଦ ଆଶାପାଶାନାଂ ପୁରୁଷସ୍ଯ ଯଥା ହ୍ଯସିଃ ॥ ୨୮ ॥
ନ ହ୍ଯଙ୍ଗାଜାତନିର୍ଵେଦୋ ଦେହବନ୍ଧଂ ଜିହାସତି ।
ଯଥା ଵିଜ୍ଞାନରହିତୋ ମନୁଜୋ ମମତାଂ ନୃପ ॥ ୨୯ ॥
ଯଥା ଵିଜ୍ଞାନରହିତୋ ମନୁଜୋ ମମତାଂ ନୃପ ॥ ୨୯ ॥
ପିଙ୍ଗଲୋଵାଚ
ଅହୋ ମେ ମୋହଵିତତିଂ ପଶ୍ଯତାଵିଜିତାତ୍ମନଃ ।
ଯା କାନ୍ତାଦସତଃ କାମଂ କାମଯେ ଯେନ ବାଲିଶା ॥ ୩୦ ॥
ଅହୋ ମେ ମୋହଵିତତିଂ ପଶ୍ଯତାଵିଜିତାତ୍ମନଃ ।
ଯା କାନ୍ତାଦସତଃ କାମଂ କାମଯେ ଯେନ ବାଲିଶା ॥ ୩୦ ॥
ସନ୍ତଂ ସମୀପେ ରମଣଂ ରତିପ୍ରଦଂ
ଵିତ୍ତପ୍ରଦଂ ନିତ୍ଯମିମଂ ଵିହାଯ ।
ଅକାମଦଂ ଦୁଃଖଭଯାଧିଶୋକ-
ମୋହପ୍ରଦଂ ତୁଚ୍ଛମହଂ ଭଜେଽଜ୍ଞା ॥ ୩୧ ॥
ଵିତ୍ତପ୍ରଦଂ ନିତ୍ଯମିମଂ ଵିହାଯ ।
ଅକାମଦଂ ଦୁଃଖଭଯାଧିଶୋକ-
ମୋହପ୍ରଦଂ ତୁଚ୍ଛମହଂ ଭଜେଽଜ୍ଞା ॥ ୩୧ ॥
ଅହୋ ମଯାତ୍ମା ପରିତାପିତୋ ଵୃଥା
ସାଙ୍କେତ୍ଯଵୃତ୍ତ୍ଯାତିଵିଗର୍ହ୍ଯଵାର୍ତଯା ।
ସ୍ତ୍ରୈଣାନ୍ନରାଦ୍ ଯାର୍ଥତୃଷୋଽନୁଶୋଚ୍ଯାତ୍
କ୍ରୀତେନ ଵିତ୍ତଂ ରତିମାତ୍ମନେଚ୍ଛତୀ ॥ ୩୨ ॥
ସାଙ୍କେତ୍ଯଵୃତ୍ତ୍ଯାତିଵିଗର୍ହ୍ଯଵାର୍ତଯା ।
ସ୍ତ୍ରୈଣାନ୍ନରାଦ୍ ଯାର୍ଥତୃଷୋଽନୁଶୋଚ୍ଯାତ୍
କ୍ରୀତେନ ଵିତ୍ତଂ ରତିମାତ୍ମନେଚ୍ଛତୀ ॥ ୩୨ ॥
ଯଦସ୍ଥିଭିର୍ନିର୍ମିତଵଂଶଵଂଶ୍ଯ-
ସ୍ଥୂଣଂ ତ୍ଵଚା ରୋମନଖୈଃ ପିନଦ୍ଧମ୍ ।
କ୍ଷରନ୍ନଵଦ୍ଵାରମଗାରମେତଦ୍
ଵିଣ୍ମୂତ୍ରପୂର୍ଣଂ ମଦୁପୈତି କାନ୍ଯା ॥ ୩୩ ॥
ସ୍ଥୂଣଂ ତ୍ଵଚା ରୋମନଖୈଃ ପିନଦ୍ଧମ୍ ।
କ୍ଷରନ୍ନଵଦ୍ଵାରମଗାରମେତଦ୍
ଵିଣ୍ମୂତ୍ରପୂର୍ଣଂ ମଦୁପୈତି କାନ୍ଯା ॥ ୩୩ ॥
ଵିଦେହାନାଂ ପୁରେ ହ୍ଯସ୍ମିନ୍ନହମେକୈଵ ମୂଢଧୀଃ ।
ଯାନ୍ଯମିଚ୍ଛନ୍ତ୍ଯସତ୍ଯସ୍ମାଦାତ୍ମଦାତ୍ କାମମଚ୍ଯୁତାତ୍ ॥ ୩୪ ॥
ଯାନ୍ଯମିଚ୍ଛନ୍ତ୍ଯସତ୍ଯସ୍ମାଦାତ୍ମଦାତ୍ କାମମଚ୍ଯୁତାତ୍ ॥ ୩୪ ॥
ସୁହୃତ୍ ପ୍ରେଷ୍ଠତମୋ ନାଥ ଆତ୍ମା ଚାଯଂ ଶରୀରିଣାମ୍ ।
ତଂ ଵିକ୍ରୀଯାତ୍ମନୈଵାହଂ ରମେଽନେନ ଯଥା ରମା ॥ ୩୫ ॥
ତଂ ଵିକ୍ରୀଯାତ୍ମନୈଵାହଂ ରମେଽନେନ ଯଥା ରମା ॥ ୩୫ ॥
କିଯତ୍ ପ୍ରିଯଂ ତେ ଵ୍ଯଭଜନ୍ କାମା ଯେ କାମଦା ନରାଃ ।
ଆଦ୍ଯନ୍ତଵନ୍ତୋ ଭାର୍ଯାଯା ଦେଵା ଵା କାଲଵିଦ୍ରୁତାଃ ॥ ୩୬ ॥
ଆଦ୍ଯନ୍ତଵନ୍ତୋ ଭାର୍ଯାଯା ଦେଵା ଵା କାଲଵିଦ୍ରୁତାଃ ॥ ୩୬ ॥
ନୂନଂ ମେ ଭଗଵାନ୍ ପ୍ରୀତୋ ଵିଷ୍ଣୁଃ କେନାପି କର୍ମଣା ।
ନିର୍ଵେଦୋଽଯଂ ଦୁରାଶାଯା ଯନ୍ମେ ଜାତଃ ସୁଖାଵହଃ ॥ ୩୭ ॥
ନିର୍ଵେଦୋଽଯଂ ଦୁରାଶାଯା ଯନ୍ମେ ଜାତଃ ସୁଖାଵହଃ ॥ ୩୭ ॥
ମୈଵଂ ସ୍ଯୁର୍ମନ୍ଦଭାଗ୍ଯାଯାଃ କ୍ଲେଶା ନିର୍ଵେଦହେତଵଃ ।
ଯେନାନୁବନ୍ଧଂ ନିର୍ହୃତ୍ଯ ପୁରୁଷଃ ଶମମୃଚ୍ଛତି ॥ ୩୮ ॥
ଯେନାନୁବନ୍ଧଂ ନିର୍ହୃତ୍ଯ ପୁରୁଷଃ ଶମମୃଚ୍ଛତି ॥ ୩୮ ॥
ତେନୋପକୃତମାଦାଯ ଶିରସା ଗ୍ରାମ୍ଯସଙ୍ଗତାଃ ।
ତ୍ଯକ୍ତ୍ଵା ଦୁରାଶାଃ ଶରଣଂ ଵ୍ରଜାମି ତମଧୀଶ୍ଵରମ୍ ॥ ୩୯ ॥
ତ୍ଯକ୍ତ୍ଵା ଦୁରାଶାଃ ଶରଣଂ ଵ୍ରଜାମି ତମଧୀଶ୍ଵରମ୍ ॥ ୩୯ ॥
ସନ୍ତୁଷ୍ଟା ଶ୍ରଦ୍ଦଧତ୍ଯେତଦ୍ଯଥାଲାଭେନ ଜୀଵତୀ ।
ଵିହରାମ୍ଯମୁନୈଵାହମାତ୍ମନା ରମଣେନ ଵୈ ॥ ୪୦ ॥
ଵିହରାମ୍ଯମୁନୈଵାହମାତ୍ମନା ରମଣେନ ଵୈ ॥ ୪୦ ॥
ସଂସାରକୂପେ ପତିତଂ ଵିଷଯୈର୍ମୁଷିତେକ୍ଷଣମ୍ ।
ଗ୍ରସ୍ତଂ କାଲାହିନାତ୍ମାନଂ କୋଽନ୍ଯସ୍ତ୍ରାତୁମଧୀଶ୍ଵରଃ ॥ ୪୧ ॥
ଗ୍ରସ୍ତଂ କାଲାହିନାତ୍ମାନଂ କୋଽନ୍ଯସ୍ତ୍ରାତୁମଧୀଶ୍ଵରଃ ॥ ୪୧ ॥
ଆତ୍ମୈଵ ହ୍ଯାତ୍ମନୋ ଗୋପ୍ତା ନିର୍ଵିଦ୍ଯେତ ଯଦାଖିଲାତ୍ ।
ଅପ୍ରମତ୍ତ ଇଦଂ ପଶ୍ଯେଦ୍ ଗ୍ରସ୍ତଂ କାଲାହିନା ଜଗତ୍ ॥ ୪୨ ॥
ଅପ୍ରମତ୍ତ ଇଦଂ ପଶ୍ଯେଦ୍ ଗ୍ରସ୍ତଂ କାଲାହିନା ଜଗତ୍ ॥ ୪୨ ॥
ଶ୍ରୀବ୍ରାହ୍ମଣ ଉଵାଚ
ଏଵଂ ଵ୍ଯଵସିତମତିର୍ଦୁରାଶାଂ କାନ୍ତତର୍ଷଜାମ୍ ।
ଛିତ୍ତ୍ଵୋପଶମମାସ୍ଥାଯ ଶଯ୍ଯାମୁପଵିଵେଶ ସା ॥ ୪୩ ॥
ଏଵଂ ଵ୍ଯଵସିତମତିର୍ଦୁରାଶାଂ କାନ୍ତତର୍ଷଜାମ୍ ।
ଛିତ୍ତ୍ଵୋପଶମମାସ୍ଥାଯ ଶଯ୍ଯାମୁପଵିଵେଶ ସା ॥ ୪୩ ॥
ଆଶା ହି ପରମଂ ଦୁଃଖଂ ନୈରାଶ୍ଯଂ ପରମଂ ସୁଖମ୍ ।
ଯଥା ସଞ୍ଛିଦ୍ଯ କାନ୍ତାଶାଂ ସୁଖଂ ସୁଷ୍ଵାପ ପିଙ୍ଗଲା ॥ ୪୪ ॥
ଯଥା ସଞ୍ଛିଦ୍ଯ କାନ୍ତାଶାଂ ସୁଖଂ ସୁଷ୍ଵାପ ପିଙ୍ଗଲା ॥ ୪୪ ॥