শ্রী শুক উবাচ:
দৃষ্ট্বাত্মনি জযে ব্যগ্রান্ নৃপান্ হসতি ভূরিযম্ ।
অহো মা বিজিগীষন্তি মৃত্যোঃ ক্রীডনকা নৃপাঃ ॥ ১ ॥
দৃষ্ট্বাত্মনি জযে ব্যগ্রান্ নৃপান্ হসতি ভূরিযম্ ।
অহো মা বিজিগীষন্তি মৃত্যোঃ ক্রীডনকা নৃপাঃ ॥ ১ ॥
কাম এষ নরেন্দ্রাণাং মোঘঃ স্যাদ্ বিদুষামপি ।
যেন ফেনোপমে পিণ্ডে যেঽতিবিশ্রম্ভিতা নৃপাঃ ॥ ২ ॥
যেন ফেনোপমে পিণ্ডে যেঽতিবিশ্রম্ভিতা নৃপাঃ ॥ ২ ॥
পূর্বং নির্জিত্য ষড্বর্গং জেষ্যামো রাজমন্ত্রিণঃ ।
ততঃ সচিবপৌরাপ্তকরীন্দ্রানস্য কণ্টকান্ ॥ ৩ ॥
ততঃ সচিবপৌরাপ্তকরীন্দ্রানস্য কণ্টকান্ ॥ ৩ ॥
এবং ক্রমেণ জেষ্যামঃ পৃথ্বীং সাগরমেখলাম্ ।
ইত্যাশাবদ্ধহৃদযা ন পশ্যন্ত্যন্তিকেঽন্তকম্ ॥ ৪ ॥
ইত্যাশাবদ্ধহৃদযা ন পশ্যন্ত্যন্তিকেঽন্তকম্ ॥ ৪ ॥
সমুদ্রাবরণাং জিত্বা মাং বিশন্ত্যব্ধিমোজসা ।
কিযদাত্মজযস্যৈতন্মুক্তিরাত্মজযে ফলম্ ॥ ৫ ॥
কিযদাত্মজযস্যৈতন্মুক্তিরাত্মজযে ফলম্ ॥ ৫ ॥
যাং বিসৃজ্যৈব মনবস্তত্সুতাশ্চ কুরূদ্বহ ।
গতা যথাগতং যুদ্ধে তাং মাং জেষ্যন্ত্যবুদ্ধযঃ ॥ ৬ ॥
গতা যথাগতং যুদ্ধে তাং মাং জেষ্যন্ত্যবুদ্ধযঃ ॥ ৬ ॥
মত্কৃতে পিতৃপুত্রাণাং ভ্রাতৃণাং চাপি বিগ্রহঃ ।
জাযতে হ্যসতাং রাজ্যে মমতাবদ্ধচেতসাম্ ॥ ৭ ॥
জাযতে হ্যসতাং রাজ্যে মমতাবদ্ধচেতসাম্ ॥ ৭ ॥
মমৈবেযং মহী কৃত্স্না ন তে মূঢেতি বাদিনঃ ।
স্পর্ধমানা মিথো ঘ্নন্তি ম্রিযন্তে মত্কৃতে নৃপাঃ ॥ ৮ ॥
স্পর্ধমানা মিথো ঘ্নন্তি ম্রিযন্তে মত্কৃতে নৃপাঃ ॥ ৮ ॥
শ্রীশুক উবাচ
পৃথুঃ পুরূরবা গাধির্নহুষো ভরতোঽর্জুনঃ ।
মান্ধাতা সগরো রামঃ খট্বাঙ্গো ধুন্ধুহা রঘুঃ ॥ ৯ ॥
পৃথুঃ পুরূরবা গাধির্নহুষো ভরতোঽর্জুনঃ ।
মান্ধাতা সগরো রামঃ খট্বাঙ্গো ধুন্ধুহা রঘুঃ ॥ ৯ ॥
তৃণবিন্দুর্যযাতিশ্চ শর্যাতিঃ শন্তনুর্গযঃ ।
ভগীরথঃ কুবলযাশ্বঃ ককুত্স্থো নৈষধো নৃগঃ ॥ ১০ ॥
ভগীরথঃ কুবলযাশ্বঃ ককুত্স্থো নৈষধো নৃগঃ ॥ ১০ ॥
হিরণ্যকশিপুর্বৃত্রো রাবণো লোকরাবণঃ ।
নমুচিঃ শম্বরো ভৌমো হিরণ্যাক্ষোঽথ তারকঃ ॥ ১১ ॥
নমুচিঃ শম্বরো ভৌমো হিরণ্যাক্ষোঽথ তারকঃ ॥ ১১ ॥
অন্যে চ বহবো দৈত্যা রাজানো যে মহেশ্বরাঃ ।
সর্বে সর্ববিদঃ শূরাঃ সর্বে সর্বজিতোঽজিতাঃ ॥ ১২ ॥
সর্বে সর্ববিদঃ শূরাঃ সর্বে সর্বজিতোঽজিতাঃ ॥ ১২ ॥
মমতাং ময্যবর্তন্ত কৃত্বোচ্চৈর্মর্ত্যধর্মিণঃ ।
কথাবশেষাঃ কালেন হ্যকৃতার্থাঃ কৃতা বিভো ॥ ১৩ ॥
কথাবশেষাঃ কালেন হ্যকৃতার্থাঃ কৃতা বিভো ॥ ১৩ ॥
কথা ইমাস্তে কথিতা মহীযসাং
বিতায লোকেষু যশঃ পরেযুষাম্ ।
বিজ্ঞানবৈরাগ্যবিবক্ষযা বিভো
বচোবিভূতীর্ন তু পারমার্থ্যম্ ॥ ১৪ ॥
বিতায লোকেষু যশঃ পরেযুষাম্ ।
বিজ্ঞানবৈরাগ্যবিবক্ষযা বিভো
বচোবিভূতীর্ন তু পারমার্থ্যম্ ॥ ১৪ ॥
যস্তূত্তমঃশ্লোকগুণানুবাদঃ
সঙ্গীযতেঽভীক্ষ্ণমমঙ্গলঘ্নঃ ।
তমেব নিত্যং শৃণুযাদভীক্ষ্ণং
কৃষ্ণেঽমলাং ভক্তিমভীপ্সমানঃ ॥ ১৫ ॥
সঙ্গীযতেঽভীক্ষ্ণমমঙ্গলঘ্নঃ ।
তমেব নিত্যং শৃণুযাদভীক্ষ্ণং
কৃষ্ণেঽমলাং ভক্তিমভীপ্সমানঃ ॥ ১৫ ॥
শ্রীরাজোবাচ
কেনোপাযেন ভগবন্ কলের্দোষান্ কলৌ জনাঃ ।
বিধমিষ্যন্ত্যুপচিতাংস্তন্মে ব্রূহি যথা মুনে ॥ ১৬ ॥
কেনোপাযেন ভগবন্ কলের্দোষান্ কলৌ জনাঃ ।
বিধমিষ্যন্ত্যুপচিতাংস্তন্মে ব্রূহি যথা মুনে ॥ ১৬ ॥
যুগানি যুগধর্মাংশ্চ মানং প্রলযকল্পযোঃ ।
কালস্যেশ্বররূপস্য গতিং বিষ্ণোর্মহাত্মনঃ ॥ ১৭ ॥
কালস্যেশ্বররূপস্য গতিং বিষ্ণোর্মহাত্মনঃ ॥ ১৭ ॥
শ্রীশুক উবাচ
কৃতে প্রবর্ততে ধর্মশ্চতুষ্পাত্তজ্জনৈর্ধৃতঃ ।
সত্যং দযা তপো দানমিতি পাদা বিভোর্নৃপ ॥ ১৮ ॥
কৃতে প্রবর্ততে ধর্মশ্চতুষ্পাত্তজ্জনৈর্ধৃতঃ ।
সত্যং দযা তপো দানমিতি পাদা বিভোর্নৃপ ॥ ১৮ ॥
সন্তুষ্টাঃ করুণা মৈত্রাঃ শান্তা দান্তাস্তিতিক্ষবঃ ।
আত্মারামাঃ সমদৃশঃ প্রাযশঃ শ্রমণা জনাঃ ॥ ১৯ ॥
আত্মারামাঃ সমদৃশঃ প্রাযশঃ শ্রমণা জনাঃ ॥ ১৯ ॥
ত্রেতাযাং ধর্মপাদানাং তুর্যাংশো হীযতে শনৈঃ ।
অধর্মপাদৈরনৃতহিংসাসন্তোষবিগ্রহৈঃ ॥ ২০ ॥
অধর্মপাদৈরনৃতহিংসাসন্তোষবিগ্রহৈঃ ॥ ২০ ॥
তদা ক্রিযাতপোনিষ্ঠা নাতিহিংস্রা ন লম্পটাঃ ।
ত্রৈবর্গিকাস্ত্রযীবৃদ্ধা বর্ণা ব্রহ্মোত্তরা নৃপ ॥ ২১ ॥
ত্রৈবর্গিকাস্ত্রযীবৃদ্ধা বর্ণা ব্রহ্মোত্তরা নৃপ ॥ ২১ ॥
তপঃসত্যদযাদানেষ্বর্ধং হ্রস্বতি দ্বাপরে ।
হিংসাতুষ্টযনৃতদ্বেষৈর্ধর্মস্যাধর্মলক্ষণৈঃ ॥ ২২ ॥
হিংসাতুষ্টযনৃতদ্বেষৈর্ধর্মস্যাধর্মলক্ষণৈঃ ॥ ২২ ॥
যশস্বিনো মহাশীলাঃ স্বাধ্যাযাধ্যযনে রতাঃ ।
আঢ্যাঃ কুটুম্বিনো হৃষ্টা বর্ণাঃ ক্ষত্রদ্বিজোত্তরাঃ ॥ ২৩ ॥
আঢ্যাঃ কুটুম্বিনো হৃষ্টা বর্ণাঃ ক্ষত্রদ্বিজোত্তরাঃ ॥ ২৩ ॥
কলৌ তু ধর্মপাদানাং তুর্যাংশোঽধর্মহেতুভিঃ ।
এধমানৈঃ ক্ষীযমাণো হ্যন্তে সোঽপি বিনঙ্ক্ষ্যতি ॥ ২৪ ॥
এধমানৈঃ ক্ষীযমাণো হ্যন্তে সোঽপি বিনঙ্ক্ষ্যতি ॥ ২৪ ॥
তস্মিন্ লুব্ধা দুরাচারা নির্দযাঃ শুষ্কবৈরিণঃ ।
দুর্ভগা ভূরিতর্ষাশ্চ শূদ্রদাসোত্তরাঃ প্রজাঃ ॥ ২৫ ॥
দুর্ভগা ভূরিতর্ষাশ্চ শূদ্রদাসোত্তরাঃ প্রজাঃ ॥ ২৫ ॥
সত্ত্বং রজস্তম ইতি দৃশ্যন্তে পুরুষে গুণাঃ ।
কালসঞ্চোদিতাস্তে বৈ পরিবর্তন্ত আত্মনি ॥ ২৬ ॥
কালসঞ্চোদিতাস্তে বৈ পরিবর্তন্ত আত্মনি ॥ ২৬ ॥
প্রভবন্তি যদা সত্ত্বে মনোবুদ্ধীন্দ্রিযাণি চ ।
তদা কৃতযুগং বিদ্যাজ্জ্ঞানে তপসি যদ্ রুচিঃ ॥ ২৭ ॥
তদা কৃতযুগং বিদ্যাজ্জ্ঞানে তপসি যদ্ রুচিঃ ॥ ২৭ ॥
যদা কর্মসু কাম্যেষু ভক্তির্যশসি দেহিনাম্ ।
তদা ত্রেতা রজোবৃত্তিরিতি জানীহি বুদ্ধিমন্ ॥ ২৮ ॥
তদা ত্রেতা রজোবৃত্তিরিতি জানীহি বুদ্ধিমন্ ॥ ২৮ ॥
যদা লোভস্ত্বসন্তোষো মানো দম্ভোঽথ মত্সরঃ ।
কর্মণাং চাপি কাম্যানাং দ্বাপরং তদ্ রজস্তমঃ ॥ ২৯ ॥
কর্মণাং চাপি কাম্যানাং দ্বাপরং তদ্ রজস্তমঃ ॥ ২৯ ॥
যদা মাযানৃতং তন্দ্রা নিদ্রা হিংসা বিষাদনম্ ।
শোকমোহৌ ভযং দৈন্যং স কলিস্তামসঃ স্মৃতঃ ॥ ৩০ ॥
শোকমোহৌ ভযং দৈন্যং স কলিস্তামসঃ স্মৃতঃ ॥ ৩০ ॥
তস্মাত্ ক্ষুদ্রদৃশো মর্ত্যাঃ ক্ষুদ্রভাগ্যা মহাশনাঃ ।
কামিনো বিত্তহীনাশ্চ স্বৈরিণ্যশ্চ স্ত্রিযোঽসতীঃ ॥ ৩১ ॥
কামিনো বিত্তহীনাশ্চ স্বৈরিণ্যশ্চ স্ত্রিযোঽসতীঃ ॥ ৩১ ॥
দস্যূত্কৃষ্টা জনপদা বেদাঃ পাষণ্ডদূষিতাঃ ।
রাজানশ্চ প্রজাভক্ষাঃ শিশ্নোদরপরা দ্বিজাঃ ॥ ৩২ ॥
রাজানশ্চ প্রজাভক্ষাঃ শিশ্নোদরপরা দ্বিজাঃ ॥ ৩২ ॥
অব্রতা বটবোঽশৌচা ভিক্ষবশ্চ কুটুম্বিনঃ ।
তপস্বিনো গ্রামবাসা ন্যাসিনোঽত্যর্থলোলুপাঃ ॥ ৩৩ ॥
তপস্বিনো গ্রামবাসা ন্যাসিনোঽত্যর্থলোলুপাঃ ॥ ৩৩ ॥
হ্রস্বকাযা মহাহারা ভূর্যপত্যা গতহ্রিযঃ ।
শশ্বত্কটুকভাষিণ্যশ্চৌর্যমাযোরুসাহসাঃ ॥ ৩৪ ॥
শশ্বত্কটুকভাষিণ্যশ্চৌর্যমাযোরুসাহসাঃ ॥ ৩৪ ॥
পণযিষ্যন্তি বৈ ক্ষুদ্রাঃ কিরাটাঃ কূটকারিণঃ ।
অনাপদ্যপি মংস্যন্তে বার্তাং সাধু জুগুপ্সিতাম্ ॥ ৩৫ ॥
অনাপদ্যপি মংস্যন্তে বার্তাং সাধু জুগুপ্সিতাম্ ॥ ৩৫ ॥
পতিং ত্যক্ষ্যন্তি নির্দ্রব্যং ভৃত্যা অপ্যখিলোত্তমম্ ।
ভৃত্যং বিপন্নং পতযঃ কৌলং গাশ্চাপযস্বিনীঃ ॥ ৩৬ ॥
ভৃত্যং বিপন্নং পতযঃ কৌলং গাশ্চাপযস্বিনীঃ ॥ ৩৬ ॥
পিতৃভ্রাতৃসুহৃজ্জ্ঞাতীন্ হিত্বা সৌরতসৌহৃদাঃ ।
ননান্দৃশ্যালসংবাদা দীনাঃ স্ত্রৈণাঃ কলৌ নরাঃ ॥ ৩৭ ॥
ননান্দৃশ্যালসংবাদা দীনাঃ স্ত্রৈণাঃ কলৌ নরাঃ ॥ ৩৭ ॥
শূদ্রাঃ প্রতিগ্রহীষ্যন্তি তপোবেষোপজীবিনঃ ।
ধর্মং বক্ষ্যন্ত্যধর্মজ্ঞা অধিরুহ্যোত্তমাসনম্ ॥ ৩৮ ॥
ধর্মং বক্ষ্যন্ত্যধর্মজ্ঞা অধিরুহ্যোত্তমাসনম্ ॥ ৩৮ ॥
নিত্যমুদ্বিগ্নমনসো দুর্ভিক্ষকরকর্শিতাঃ ।
নিরন্নে ভূতলে রাজননাবৃষ্টিভযাতুরাঃ ॥ ৩৯ ॥
নিরন্নে ভূতলে রাজননাবৃষ্টিভযাতুরাঃ ॥ ৩৯ ॥
বাসোঽন্নপানশযনব্যবাযস্নানভূষণৈঃ ।
হীনাঃ পিশাচসন্দর্শা ভবিষ্যন্তি কলৌ প্রজাঃ ॥ ৪০ ॥
হীনাঃ পিশাচসন্দর্শা ভবিষ্যন্তি কলৌ প্রজাঃ ॥ ৪০ ॥
কলৌ কাকিণিকেঽপ্যর্থে বিগৃহ্য ত্যক্তসৌহৃদাঃ ।
ত্যক্ষ্যন্তি চ প্রিযান্ প্রাণান্ হনিষ্যন্তি স্বকানপি ॥ ৪১ ॥
ত্যক্ষ্যন্তি চ প্রিযান্ প্রাণান্ হনিষ্যন্তি স্বকানপি ॥ ৪১ ॥
ন রক্ষিষ্যন্তি মনুজাঃ স্থবিরৌ পিতরাবপি ।
পুত্রান্ ভার্যাং চ কুলজাং ক্ষুদ্রাঃ শিশ্নোদরংভরাঃ ॥ ৪২ ॥
পুত্রান্ ভার্যাং চ কুলজাং ক্ষুদ্রাঃ শিশ্নোদরংভরাঃ ॥ ৪২ ॥
কলৌ ন রাজন্জগতাং পরং গুরুং
ত্রিলোকনাথানতপাদপঙ্কজম্ ।
প্রাযেণ মর্ত্যা ভগবন্তমচ্যুতং
যক্ষ্যন্তি পাষণ্ডবিভিন্নচেতসঃ ॥ ৪৩ ॥
ত্রিলোকনাথানতপাদপঙ্কজম্ ।
প্রাযেণ মর্ত্যা ভগবন্তমচ্যুতং
যক্ষ্যন্তি পাষণ্ডবিভিন্নচেতসঃ ॥ ৪৩ ॥
যন্নামধেযং ম্রিযমাণ আতুরঃ
পতন্ স্খলন্ বা বিবশো গৃণন্ পুমান্ ।
বিমুক্তকর্মার্গল উত্তমাং গতিং
প্রাপ্নোতি যক্ষ্যন্তি ন তং কলৌ জনাঃ ॥ ৪৪ ॥
পতন্ স্খলন্ বা বিবশো গৃণন্ পুমান্ ।
বিমুক্তকর্মার্গল উত্তমাং গতিং
প্রাপ্নোতি যক্ষ্যন্তি ন তং কলৌ জনাঃ ॥ ৪৪ ॥
পুংসাং কলিকৃতান্ দোষান্ দ্রব্যদেশাত্মসম্ভবান্ ।
সর্বান্ হরতি চিত্তস্থো ভগবান্ পুরুষোত্তমঃ ॥ ৪৫ ॥
সর্বান্ হরতি চিত্তস্থো ভগবান্ পুরুষোত্তমঃ ॥ ৪৫ ॥
শ্রুতঃ সঙ্কীর্তিতো ধ্যাতঃ পূজিতশ্চাদৃতোঽপি বা ।
নৃণাং ধুনোতি ভগবান্ হৃত্স্থো জন্মাযুতাশুভম্ ॥ ৪৬ ॥
নৃণাং ধুনোতি ভগবান্ হৃত্স্থো জন্মাযুতাশুভম্ ॥ ৪৬ ॥
যথা হেম্নি স্থিতো বহ্নির্দুর্বর্ণং হন্তি ধাতুজম্ ।
এবমাত্মগতো বিষ্ণুর্যোগিনামশুভাশযম্ ॥ ৪৭ ॥
এবমাত্মগতো বিষ্ণুর্যোগিনামশুভাশযম্ ॥ ৪৭ ॥
বিদ্যাতপঃপ্রাণনিরোধমৈত্রী-
তীর্থাভিষেকব্রতদানজপ্যৈঃ ।
নাত্যন্তশুদ্ধিং লভতেঽন্তরাত্মা
যথা হৃদিস্থে ভগবত্যনন্তে ॥ ৪৮ ॥
তীর্থাভিষেকব্রতদানজপ্যৈঃ ।
নাত্যন্তশুদ্ধিং লভতেঽন্তরাত্মা
যথা হৃদিস্থে ভগবত্যনন্তে ॥ ৪৮ ॥
তস্মাত্ সর্বাত্মনা রাজন্ হৃদিস্থং কুরু কেশবম্ ।
ম্রিযমাণো হ্যবহিতস্ততো যাসি পরাং গতিম্ ॥ ৪৯ ॥
ম্রিযমাণো হ্যবহিতস্ততো যাসি পরাং গতিম্ ॥ ৪৯ ॥
ম্রিযমাণৈরভিধ্যেযো ভগবান্ পরমেশ্বরঃ ।
আত্মভাবং নযত্যঙ্গ সর্বাত্মা সর্বসংশ্রযঃ ॥ ৫০ ॥
আত্মভাবং নযত্যঙ্গ সর্বাত্মা সর্বসংশ্রযঃ ॥ ৫০ ॥
কলের্দোষনিধে রাজন্নস্তি হ্যেকো মহান্ গুণঃ ।
কীর্তনাদেব কৃষ্ণস্য মুক্তসঙ্গঃ পরং ব্রজেত্ ॥ ৫১ ॥
কীর্তনাদেব কৃষ্ণস্য মুক্তসঙ্গঃ পরং ব্রজেত্ ॥ ৫১ ॥
কৃতে যদ্ধ্যাযতো বিষ্ণুং ত্রেতাযাং যজতো মখৈঃ ।
দ্বাপরে পরিচর্যাযাং কলৌ তদ্ধরিকীর্তনাত্ ॥ ৫২ ॥
দ্বাপরে পরিচর্যাযাং কলৌ তদ্ধরিকীর্তনাত্ ॥ ৫২ ॥