শ্রীশুক উবাচ
কালস্তে পরমাণ্বাদির্দ্বিপরার্ধাবধির্নৃপ ।
কথিতো যুগমানং চ শৃণু কল্পলযাবপি ॥ ১ ॥
কালস্তে পরমাণ্বাদির্দ্বিপরার্ধাবধির্নৃপ ।
কথিতো যুগমানং চ শৃণু কল্পলযাবপি ॥ ১ ॥
চতুর্যুগসহস্রং তু ব্রহ্মণো দিনমুচ্যতে ।
স কল্পো যত্র মনবশ্চতুর্দশ বিশাম্পতে ॥ ২ ॥
স কল্পো যত্র মনবশ্চতুর্দশ বিশাম্পতে ॥ ২ ॥
তদন্তে প্রলযস্তাবান্ ব্রাহ্মী রাত্রিরুদাহৃতা ।
ত্রযো লোকা ইমে তত্র কল্পন্তে প্রলযায হি ॥ ৩ ॥
ত্রযো লোকা ইমে তত্র কল্পন্তে প্রলযায হি ॥ ৩ ॥
এষ নৈমিত্তিকঃ প্রোক্তঃ প্রলযো যত্র বিশ্বসৃক্ ।
শেতেঽনন্তাসনো বিশ্বমাত্মসাত্কৃত্য চাত্মভূঃ ॥ ৪ ॥
শেতেঽনন্তাসনো বিশ্বমাত্মসাত্কৃত্য চাত্মভূঃ ॥ ৪ ॥
দ্বিপরার্ধে ত্বতিক্রান্তে ব্রহ্মণঃ পরমেষ্ঠিনঃ ।
তদা প্রকৃতযঃ সপ্ত কল্পন্তে প্রলযায বৈ ॥ ৫ ॥
তদা প্রকৃতযঃ সপ্ত কল্পন্তে প্রলযায বৈ ॥ ৫ ॥
এষ প্রাকৃতিকো রাজন্ প্রলযো যত্র লীযতে ।
অণ্ডকোষস্তু সঙ্ঘাতো বিঘাট উপসাদিতে ॥ ৬ ॥
অণ্ডকোষস্তু সঙ্ঘাতো বিঘাট উপসাদিতে ॥ ৬ ॥
পর্জন্যঃ শতবর্ষাণি ভূমৌ রাজন্ ন বর্ষতি ।
তদা নিরন্নে হ্যন্যোন্যং ভক্ষ্যমাণাঃ ক্ষুধার্দিতাঃ ।
ক্ষযং যাস্যন্তি শনকৈঃ কালেনোপদ্রুতাঃ প্রজাঃ ॥ ৭ ॥
তদা নিরন্নে হ্যন্যোন্যং ভক্ষ্যমাণাঃ ক্ষুধার্দিতাঃ ।
ক্ষযং যাস্যন্তি শনকৈঃ কালেনোপদ্রুতাঃ প্রজাঃ ॥ ৭ ॥
সামুদ্রং দৈহিকং ভৌমং রসং সাংবর্তকো রবিঃ ।
রশ্মিভিঃ পিবতে ঘোরৈঃ সর্বং নৈব বিমুঞ্চতি ॥ ৮ ॥
রশ্মিভিঃ পিবতে ঘোরৈঃ সর্বং নৈব বিমুঞ্চতি ॥ ৮ ॥
ততঃ সংবর্তকো বহ্নিঃ সঙ্কর্ষণমুখোত্থিতঃ ।
দহত্যনিলবেগোত্থঃ শূন্যান্ ভূবিবরানথ ॥ ৯ ॥
দহত্যনিলবেগোত্থঃ শূন্যান্ ভূবিবরানথ ॥ ৯ ॥
উপর্যধঃ সমন্তাচ্চ শিখাভির্বহ্নিসূর্যযোঃ ।
দহ্যমানং বিভাত্যণ্ডং দগ্ধগোমযপিণ্ডবত্ ॥ ১০ ॥
দহ্যমানং বিভাত্যণ্ডং দগ্ধগোমযপিণ্ডবত্ ॥ ১০ ॥
ততঃ প্রচণ্ডপবনো বর্ষাণামধিকং শতম্ ।
পরঃ সাংবর্তকো বাতি ধূম্রং খং রজসাবৃতম্ ॥ ১১ ॥
পরঃ সাংবর্তকো বাতি ধূম্রং খং রজসাবৃতম্ ॥ ১১ ॥
ততো মেঘকুলান্যঙ্গ চিত্র বর্ণান্যনেকশঃ ।
শতং বর্ষাণি বর্ষন্তি নদন্তি রভসস্বনৈঃ ॥ ১২ ॥
শতং বর্ষাণি বর্ষন্তি নদন্তি রভসস্বনৈঃ ॥ ১২ ॥
তত একোদকং বিশ্বং ব্রহ্মাণ্ডবিবরান্তরম্ ॥ ১৩ ॥
তদা ভূমের্গন্ধগুণং গ্রসন্ত্যাপ উদপ্লবে ।
গ্রস্তগন্ধা তু পৃথিবী প্রলযত্বায কল্পতে ॥ ১৪ ॥
গ্রস্তগন্ধা তু পৃথিবী প্রলযত্বায কল্পতে ॥ ১৪ ॥
অপাং রসমথো তেজস্তা লীযন্তেঽথ নীরসাঃ ।
গ্রসতে তেজসো রূপং বাযুস্তদ্রহিতং তদা ॥ ১৫ ॥
গ্রসতে তেজসো রূপং বাযুস্তদ্রহিতং তদা ॥ ১৫ ॥
লীযতে চানিলে তেজো বাযোঃ খং গ্রসতে গুণম্ ।
স বৈ বিশতি খং রাজংস্ততশ্চ নভসো গুণম্ ॥ ১৬ ॥
স বৈ বিশতি খং রাজংস্ততশ্চ নভসো গুণম্ ॥ ১৬ ॥
শব্দং গ্রসতি ভূতাদির্নভস্তমনুলীযতে ।
তৈজসশ্চেন্দ্রিযাণ্যঙ্গ দেবান্ বৈকারিকো গুণৈঃ ॥ ১৭ ॥
তৈজসশ্চেন্দ্রিযাণ্যঙ্গ দেবান্ বৈকারিকো গুণৈঃ ॥ ১৭ ॥
মহান্ গ্রসত্যহঙ্কারং গুণাঃ সত্ত্বাদযশ্চ তম্ ।
গ্রসতেঽব্যাকৃতং রাজন্ গুণান্ কালেন চোদিতম্ ॥ ১৮ ॥
গ্রসতেঽব্যাকৃতং রাজন্ গুণান্ কালেন চোদিতম্ ॥ ১৮ ॥
ন তস্য কালাবযবৈঃ পরিণামাদযো গুণাঃ ।
অনাদ্যনন্তমব্যক্তং নিত্যং কারণমব্যযম্ ॥ ১৯ ॥
অনাদ্যনন্তমব্যক্তং নিত্যং কারণমব্যযম্ ॥ ১৯ ॥
ন যত্র বাচো ন মনো ন সত্ত্বং
তমো রজো বা মহদাদযোঽমী ।
ন প্রাণবুদ্ধীন্দ্রিযদেবতা বা
ন সন্নিবেশঃ খলু লোককল্পঃ ॥ ২০ ॥
তমো রজো বা মহদাদযোঽমী ।
ন প্রাণবুদ্ধীন্দ্রিযদেবতা বা
ন সন্নিবেশঃ খলু লোককল্পঃ ॥ ২০ ॥
ন স্বপ্নজাগ্রন্ন চ তত্ সুষুপ্তং
ন খং জলং ভূরনিলোঽগ্নিরর্কঃ ।
সংসুপ্তবচ্ছূন্যবদপ্রতর্ক্যং
তন্মূলভূতং পদমামনন্তি ॥ ২১ ॥
ন খং জলং ভূরনিলোঽগ্নিরর্কঃ ।
সংসুপ্তবচ্ছূন্যবদপ্রতর্ক্যং
তন্মূলভূতং পদমামনন্তি ॥ ২১ ॥
লযঃ প্রাকৃতিকো হ্যেষ পুরুষাব্যক্তযোর্যদা ।
শক্তযঃ সম্প্রলীযন্তে বিবশাঃ কালবিদ্রুতাঃ ॥ ২২ ॥
শক্তযঃ সম্প্রলীযন্তে বিবশাঃ কালবিদ্রুতাঃ ॥ ২২ ॥
বুদ্ধীন্দ্রিযার্থরূপেণ জ্ঞানং ভাতি তদাশ্রযম্ ।
দৃশ্যত্বাব্যতিরেকাভ্যামাদ্যন্তবদবস্তু যত্ ॥ ২৩ ॥
দৃশ্যত্বাব্যতিরেকাভ্যামাদ্যন্তবদবস্তু যত্ ॥ ২৩ ॥
দীপশ্চক্ষুশ্চ রূপং চ জ্যোতিষো ন পৃথগ্ ভবেত্ ।
এবং ধীঃ খানি মাত্রাশ্চ ন স্যুরন্যতমাদৃতাত্ ॥ ২৪ ॥
এবং ধীঃ খানি মাত্রাশ্চ ন স্যুরন্যতমাদৃতাত্ ॥ ২৪ ॥
বুদ্ধের্জাগরণং স্বপ্নঃ সুষুপ্তিরিতি চোচ্যতে ।
মাযামাত্রমিদং রাজন্ নানাত্বং প্রত্যগাত্মনি ॥ ২৫ ॥
মাযামাত্রমিদং রাজন্ নানাত্বং প্রত্যগাত্মনি ॥ ২৫ ॥
যথা জলধরা ব্যোম্নি ভবন্তি ন ভবন্তি চ ।
ব্রহ্মণীদং তথা বিশ্বমবযব্যুদযাপ্যযাত্ ॥ ২৬ ॥
ব্রহ্মণীদং তথা বিশ্বমবযব্যুদযাপ্যযাত্ ॥ ২৬ ॥
সত্যং হ্যবযবঃ প্রোক্তঃ সর্বাবযবিনামিহ ।
বিনার্থেন প্রতীযেরন্ পটস্যেবাঙ্গ তন্তবঃ ॥ ২৭ ॥
বিনার্থেন প্রতীযেরন্ পটস্যেবাঙ্গ তন্তবঃ ॥ ২৭ ॥
যত্ সামান্যবিশেষাভ্যামুপলভ্যেত স ভ্রমঃ ।
অন্যোন্যাপাশ্রযাত্ সর্বমাদ্যন্তবদবস্তু যত্ ॥ ২৮ ॥
অন্যোন্যাপাশ্রযাত্ সর্বমাদ্যন্তবদবস্তু যত্ ॥ ২৮ ॥
বিকারঃ খ্যাযমানোঽপি প্রত্যগাত্মানমন্তরা ।
ন নিরূপ্যোঽস্ত্যণুরপি স্যাচ্চেচ্চিত্সম আত্মবত্ ॥ ২৯ ॥
ন নিরূপ্যোঽস্ত্যণুরপি স্যাচ্চেচ্চিত্সম আত্মবত্ ॥ ২৯ ॥
ন হি সত্যস্য নানাত্বমবিদ্বান্ যদি মন্যতে ।
নানাত্বং ছিদ্রযোর্যদ্বজ্জ্যোতিষোর্বাতযোরিব ॥ ৩০ ॥
নানাত্বং ছিদ্রযোর্যদ্বজ্জ্যোতিষোর্বাতযোরিব ॥ ৩০ ॥
যথা হিরণ্যং বহুধা সমীযতে
নৃভিঃ ক্রিযাভির্ব্যবহারবর্ত্মসু ।
এবং বচোভির্ভগবানধোক্ষজো
ব্যাখ্যাযতে লৌকিকবৈদিকৈর্জনৈঃ ॥ ৩১ ॥
নৃভিঃ ক্রিযাভির্ব্যবহারবর্ত্মসু ।
এবং বচোভির্ভগবানধোক্ষজো
ব্যাখ্যাযতে লৌকিকবৈদিকৈর্জনৈঃ ॥ ৩১ ॥
যথা ঘনোঽর্কপ্রভবোঽর্কদর্শিতো
হ্যর্কাংশভূতস্য চ চক্ষুষস্তমঃ ।
এবং ত্বহং ব্রহ্মগুণস্তদীক্ষিতো
ব্রহ্মাংশকস্যাত্মন আত্মবন্ধনঃ ॥ ৩২ ॥
হ্যর্কাংশভূতস্য চ চক্ষুষস্তমঃ ।
এবং ত্বহং ব্রহ্মগুণস্তদীক্ষিতো
ব্রহ্মাংশকস্যাত্মন আত্মবন্ধনঃ ॥ ৩২ ॥
ঘনো যদার্কপ্রভবো বিদীর্যতে
চক্ষুঃ স্বরূপং রবিমীক্ষতে তদা ।
যদা হ্যহঙ্কার উপাধিরাত্মনো
জিজ্ঞাসযা নশ্যতি তর্হ্যনুস্মরেত্ ॥ ৩৩ ॥
চক্ষুঃ স্বরূপং রবিমীক্ষতে তদা ।
যদা হ্যহঙ্কার উপাধিরাত্মনো
জিজ্ঞাসযা নশ্যতি তর্হ্যনুস্মরেত্ ॥ ৩৩ ॥
যদৈবমেতেন বিবেকহেতিনা
মাযামযাহঙ্করণাত্মবন্ধনম্ ।
ছিত্ত্বাচ্যুতাত্মানুভবোঽবতিষ্ঠতে
তমাহুরাত্যন্তিকমঙ্গ সম্প্লবম্ ॥ ৩৪ ॥
মাযামযাহঙ্করণাত্মবন্ধনম্ ।
ছিত্ত্বাচ্যুতাত্মানুভবোঽবতিষ্ঠতে
তমাহুরাত্যন্তিকমঙ্গ সম্প্লবম্ ॥ ৩৪ ॥
নিত্যদা সর্বভূতানাং ব্রহ্মাদীনাং পরন্তপ ।
উত্পত্তিপ্রলযাবেকে সূক্ষ্মজ্ঞাঃ সম্প্রচক্ষতে ॥ ৩৫ ॥
উত্পত্তিপ্রলযাবেকে সূক্ষ্মজ্ঞাঃ সম্প্রচক্ষতে ॥ ৩৫ ॥
কালস্রোতোজবেনাশু হ্রিযমাণস্য নিত্যদা ।
পরিণামিনামবস্থাস্তা জন্মপ্রলযহেতবঃ ॥ ৩৬ ॥
পরিণামিনামবস্থাস্তা জন্মপ্রলযহেতবঃ ॥ ৩৬ ॥
অনাদ্যন্তবতানেন কালেনেশ্বরমূর্তিনা ।
অবস্থা নৈব দৃশ্যন্তে বিযতি জ্যোতিষামিব ॥ ৩৭ ॥
অবস্থা নৈব দৃশ্যন্তে বিযতি জ্যোতিষামিব ॥ ৩৭ ॥
নিত্যো নৈমিত্তিকশ্চৈব তথা প্রাকৃতিকো লযঃ ।
আত্যন্তিকশ্চ কথিতঃ কালস্য গতিরীদৃশী ॥ ৩৮ ॥
আত্যন্তিকশ্চ কথিতঃ কালস্য গতিরীদৃশী ॥ ৩৮ ॥
এতাঃ কুরুশ্রেষ্ঠ জগদ্বিধাতু-
র্নারাযণস্যাখিলসত্ত্বধাম্নঃ ।
লীলাকথাস্তে কথিতাঃ সমাসতঃ
কার্ত্স্ন্যেন নাজোঽপ্যভিধাতুমীশঃ ॥ ৩৯ ॥
র্নারাযণস্যাখিলসত্ত্বধাম্নঃ ।
লীলাকথাস্তে কথিতাঃ সমাসতঃ
কার্ত্স্ন্যেন নাজোঽপ্যভিধাতুমীশঃ ॥ ৩৯ ॥
সংসারসিন্ধুমতিদুস্তরমুত্তিতীর্ষো-
র্নান্যঃ প্লবো ভগবতঃ পুরুষোত্তমস্য ।
লীলাকথারসনিষেবণমন্তরেণ
পুংসো ভবেদ্ বিবিধদুঃখদবার্দিতস্য ॥ ৪০ ॥
র্নান্যঃ প্লবো ভগবতঃ পুরুষোত্তমস্য ।
লীলাকথারসনিষেবণমন্তরেণ
পুংসো ভবেদ্ বিবিধদুঃখদবার্দিতস্য ॥ ৪০ ॥
পুরাণসংহিতামেতামৃষির্নারাযণোঽব্যযঃ ।
নারদায পুরা প্রাহ কৃষ্ণদ্বৈপাযনায সঃ ॥ ৪১ ॥
নারদায পুরা প্রাহ কৃষ্ণদ্বৈপাযনায সঃ ॥ ৪১ ॥
স বৈ মহ্যং মহারাজ ভগবান্ বাদরাযণঃ ।
ইমাং ভাগবতীং প্রীতঃ সংহিতাং বেদসম্মিতাম্ ॥ ৪২ ॥
ইমাং ভাগবতীং প্রীতঃ সংহিতাং বেদসম্মিতাম্ ॥ ৪২ ॥
ইমাং বক্ষ্যত্যসৌ সূত ঋষিভ্যো নৈমিষালযে ।
দীর্ঘসত্রে কুরুশ্রেষ্ঠ সম্পৃষ্টঃ শৌনকাদিভিঃ ॥ ৪৩ ॥
দীর্ঘসত্রে কুরুশ্রেষ্ঠ সম্পৃষ্টঃ শৌনকাদিভিঃ ॥ ৪৩ ॥