মৈত্রেয উবাচ
চরমঃ সদ্বিশেষাণামনেকোঽসংযুতঃ সদা ।
পরমাণুঃ স বিজ্ঞেযো নৃণামৈক্যভ্রমো যতঃ ॥ ১ ॥
চরমঃ সদ্বিশেষাণামনেকোঽসংযুতঃ সদা ।
পরমাণুঃ স বিজ্ঞেযো নৃণামৈক্যভ্রমো যতঃ ॥ ১ ॥
সত এব পদার্থস্য স্বরূপাবস্থিতস্য যত্ ।
কৈবল্যং পরমমহানবিশেষো নিরন্তরঃ ॥ ২ ॥
কৈবল্যং পরমমহানবিশেষো নিরন্তরঃ ॥ ২ ॥
এবং কালোঽপ্যনুমিতঃ সৌক্ষ্ম্যে স্থৌল্যে চ সত্তম ।
সংস্থানভুক্ত্যা ভগবানব্যক্তো ব্যক্তভুগ্বিভুঃ ॥ ৩ ॥
সংস্থানভুক্ত্যা ভগবানব্যক্তো ব্যক্তভুগ্বিভুঃ ॥ ৩ ॥
স কালঃ পরমাণুর্বৈ যো ভুঙ্ক্তে পরমাণুতাম্ ।
সতোঽবিশেষভুগ্যস্তু স কালঃ পরমো মহান্ ॥ ৪ ॥
সতোঽবিশেষভুগ্যস্তু স কালঃ পরমো মহান্ ॥ ৪ ॥
অণুর্দ্বৌ পরমাণু স্যাত্ত্রসরেণুস্ত্রযঃ স্মৃতঃ ।
জালার্করশ্ম্যবগতঃ খমেবানুপতন্নগাত্ ॥ ৫ ॥
জালার্করশ্ম্যবগতঃ খমেবানুপতন্নগাত্ ॥ ৫ ॥
ত্রসরেণুত্রিকং ভুঙ্ক্তে যঃ কালঃ স ত্রুটিঃ স্মৃতঃ ।
শতভাগস্তু বেধঃ স্যাত্তৈস্ত্রিভিস্তু লবঃ স্মৃতঃ ॥ ৬ ॥
শতভাগস্তু বেধঃ স্যাত্তৈস্ত্রিভিস্তু লবঃ স্মৃতঃ ॥ ৬ ॥
নিমেষস্ত্রিলবো জ্ঞেয আম্নাতস্তে ত্রযঃ ক্ষণঃ ।
ক্ষণান্ পঞ্চ বিদুঃ কাষ্ঠাং লঘু তা দশ পঞ্চ চ ॥ ৭ ॥
ক্ষণান্ পঞ্চ বিদুঃ কাষ্ঠাং লঘু তা দশ পঞ্চ চ ॥ ৭ ॥
লঘূনি বৈ সমাম্নাতা দশ পঞ্চ চ নাডিকা ।
তে দ্বে মুহূর্তঃ প্রহরঃ ষড্যামঃ সপ্ত নৃণাম্ ॥ ৮ ॥
তে দ্বে মুহূর্তঃ প্রহরঃ ষড্যামঃ সপ্ত নৃণাম্ ॥ ৮ ॥
দ্বাদশার্ধপলোন্মানং চতুর্ভিশ্চতুরঙ্গুলৈঃ ।
স্বর্ণমাষৈঃ কৃতচ্ছিদ্রং যাবত্প্রস্থজলপ্লুতম্ ॥ ৯ ॥
স্বর্ণমাষৈঃ কৃতচ্ছিদ্রং যাবত্প্রস্থজলপ্লুতম্ ॥ ৯ ॥
যামাশ্চত্বারশ্চত্বারো মর্ত্যানামহনী উভে ।
পক্ষঃ পঞ্চদশাহানি শুক্লঃ কৃষ্ণশ্চ মানদ ॥ ১০ ॥
পক্ষঃ পঞ্চদশাহানি শুক্লঃ কৃষ্ণশ্চ মানদ ॥ ১০ ॥
তযোঃ সমুচ্চযো মাসঃ পিতৃণাং তদহর্নিশম্ ।
দ্বৌ তাবৃতুঃ ষডযনং দক্ষিণং চোত্তরং দিবি ॥ ১১ ॥
দ্বৌ তাবৃতুঃ ষডযনং দক্ষিণং চোত্তরং দিবি ॥ ১১ ॥
অযনে চাহনী প্রাহুর্বত্সরো দ্বাদশ স্মৃতঃ ।
সংবত্সরশতং নৃণাং
পরমাযুর্নিরূপিতম্ ॥ ১২ ॥
সংবত্সরশতং নৃণাং
পরমাযুর্নিরূপিতম্ ॥ ১২ ॥
গ্রহর্ক্ষতারাচক্রস্থঃ পরমাণ্বাদিনা জগত্ ।
সংবত্সরাবসানেন পর্যেত্যনিমিষো বিভুঃ ॥ ১৩ ॥
সংবত্সরাবসানেন পর্যেত্যনিমিষো বিভুঃ ॥ ১৩ ॥
সংবত্সরঃ পরিবত্সর ইডাবত্সর এব চ ।
অনুবত্সরো বত্সরশ্চ বিদুরৈবং প্রভাষ্যতে ॥ ১৪ ॥
অনুবত্সরো বত্সরশ্চ বিদুরৈবং প্রভাষ্যতে ॥ ১৪ ॥
যঃ সৃজ্যশক্তিমুরুধোচ্ছ্বসযন্ স্বশক্ত্যা
পুংসোঽভ্রমায দিবি ধাবতি ভূতভেদঃ ।
কালাখ্যযা গুণমযং ক্রতুভির্বিতন্বং-
স্তস্মৈ বলিং হরত বত্সরপঞ্চকায ॥ ১৫ ॥
পুংসোঽভ্রমায দিবি ধাবতি ভূতভেদঃ ।
কালাখ্যযা গুণমযং ক্রতুভির্বিতন্বং-
স্তস্মৈ বলিং হরত বত্সরপঞ্চকায ॥ ১৫ ॥
বিদুর উবাচ
পিতৃদেবমনুষ্যাণামাযুঃ পরমিদং স্মৃতম্ ।
পরেষাং গতিমাচক্ষ্ব যে স্যুঃকল্পাদ্ বহির্বিদঃ ॥ ১৬ ॥
পিতৃদেবমনুষ্যাণামাযুঃ পরমিদং স্মৃতম্ ।
পরেষাং গতিমাচক্ষ্ব যে স্যুঃকল্পাদ্ বহির্বিদঃ ॥ ১৬ ॥
ভগবান্ বেদ কালস্য গতিং ভগবতো ননু ।
বিশ্বং বিচক্ষতে ধীরা যোগরাদ্ধেন চক্ষুষা ॥ ১৭ ॥
বিশ্বং বিচক্ষতে ধীরা যোগরাদ্ধেন চক্ষুষা ॥ ১৭ ॥
মৈত্রেয উবাচ
কৃতং ত্রেতা দ্বাপরং চ কলিশ্চেতি চতুর্যুগম্ ।
দিব্যৈর্দ্বাদশভির্বর্ষৈঃ সাবধানং নিরূপিতম্ ॥ ১৮ ॥
কৃতং ত্রেতা দ্বাপরং চ কলিশ্চেতি চতুর্যুগম্ ।
দিব্যৈর্দ্বাদশভির্বর্ষৈঃ সাবধানং নিরূপিতম্ ॥ ১৮ ॥
চত্বারি ত্রীণি দ্বৈ চৈকং কৃতাদিষু যথাক্রমম্ ।
সংখ্যাতানি সহস্রাণি দ্বিগুণানি শতানি চ ॥ ১৯ ॥
সংখ্যাতানি সহস্রাণি দ্বিগুণানি শতানি চ ॥ ১৯ ॥
সন্ধ্যাসন্ধ্যাংশযোরন্তর্যঃ কালঃ শতসংখ্যযোঃ ।
তমেবাহুর্যুগং তজ্জ্ঞা যত্র ধর্মো বিধীযতে ॥ ২০ ॥
তমেবাহুর্যুগং তজ্জ্ঞা যত্র ধর্মো বিধীযতে ॥ ২০ ॥
ধর্মশ্চতুষ্পান্মনুজান্ কৃতে সমনুবর্ততে ।
স এবান্যেষ্বধর্মেণ ব্যেতি পাদেন বর্ধতা ॥ ২১ ॥
স এবান্যেষ্বধর্মেণ ব্যেতি পাদেন বর্ধতা ॥ ২১ ॥
ত্রিলোক্যা যুগসাহস্রং বহিরাব্রহ্মণো দিনম্ ।
তাবত্যেব নিশা তাত যন্নিমীলতি বিশ্বসৃক্ ॥ ২২ ॥
তাবত্যেব নিশা তাত যন্নিমীলতি বিশ্বসৃক্ ॥ ২২ ॥
নিশাবসান আরব্ধো লোককল্পোঽনুবর্ততে ।
যাবদ্দিনং ভগবতো মনূন্ ভুঞ্জংশ্চতুর্দশ ॥ ২৩ ॥
যাবদ্দিনং ভগবতো মনূন্ ভুঞ্জংশ্চতুর্দশ ॥ ২৩ ॥
স্বং স্বং কালং মনুর্ভুঙ্ক্তে সাধিকাং হ্যেকসপ্ততিম্ ॥ ২৪ ॥
মন্বন্তরেষু মনবস্তদ্বংশ্যা ঋষযঃ সুরাঃ ।
ভবন্তি চৈব যুগপত্সুরেশাশ্চানু যে চ তান্ ॥ ২৫ ॥
ভবন্তি চৈব যুগপত্সুরেশাশ্চানু যে চ তান্ ॥ ২৫ ॥
এষ দৈনন্দিনঃ সর্গো ব্রাহ্মস্ত্রৈলোক্যবর্তনঃ ।
তির্যঙ্নৃপিতৃদেবানাং সম্ভবো যত্র কর্মভিঃ ॥ ২৬ ॥
তির্যঙ্নৃপিতৃদেবানাং সম্ভবো যত্র কর্মভিঃ ॥ ২৬ ॥
মন্বন্তরেষু ভগবান্ বিভ্রত্সত্ত্বং স্বমূর্তিভিঃ ।
মন্বাদিভিরিদং বিশ্বমবত্যুদিতপৌরুষঃ ॥ ২৭ ॥
মন্বাদিভিরিদং বিশ্বমবত্যুদিতপৌরুষঃ ॥ ২৭ ॥
তমোমাত্রামুপাদায প্রতিসংরুদ্ধবিক্রমঃ ।
কালেনানুগতাশেষ আস্তে তূষ্ণীং দিনাত্যযে ॥ ২৮ ॥
কালেনানুগতাশেষ আস্তে তূষ্ণীং দিনাত্যযে ॥ ২৮ ॥
তমেবান্বপিধীযন্তে লোকো ভূরাদযস্ত্রযঃ ।
নিশাযামনুবৃত্তাযাং নির্মুক্তশশিভাস্করম্ ॥ ২৯ ॥
নিশাযামনুবৃত্তাযাং নির্মুক্তশশিভাস্করম্ ॥ ২৯ ॥
ত্রিলোক্যাং দহ্যমানাযাং শক্ত্যা সঙ্কর্ষণাগ্নিনা ।
যান্ত্যূষ্মণা মহর্লোকাজ্জনং ভৃগ্বাদযোঽর্দিতাঃ ॥ ৩০ ॥
যান্ত্যূষ্মণা মহর্লোকাজ্জনং ভৃগ্বাদযোঽর্দিতাঃ ॥ ৩০ ॥
তাবত্ত্রিভুবনং সদ্যঃ কল্পান্তৈধিতসিন্ধবঃ ।
প্লাবযন্ত্যুত্কটাটোপচণ্ডবাতেরিতোর্মযঃ ॥ ৩১ ॥
প্লাবযন্ত্যুত্কটাটোপচণ্ডবাতেরিতোর্মযঃ ॥ ৩১ ॥
অন্তঃ স তস্মিন্ সলিল আস্তেঽনন্তাসনো হরিঃ ।
যোগনিদ্রানিমীলাক্ষঃ স্তূযমানো জনালযৈঃ ॥ ৩২ ॥
যোগনিদ্রানিমীলাক্ষঃ স্তূযমানো জনালযৈঃ ॥ ৩২ ॥
এবংবিধৈরহোরাত্রৈঃ কালগত্যোপলক্ষিতৈঃ ।
অপক্ষিতমিবাস্যাপি পরমাযুর্বযঃ শতম্ ॥ ৩৩ ॥
অপক্ষিতমিবাস্যাপি পরমাযুর্বযঃ শতম্ ॥ ৩৩ ॥
যদর্ধমাযুষস্তস্য পরার্ধমভিধীযতে ।
পূর্বঃ পরার্ধোঽপক্রান্তো হ্যপরোঽদ্য প্রবর্ততে ॥ ৩৪ ॥
পূর্বঃ পরার্ধোঽপক্রান্তো হ্যপরোঽদ্য প্রবর্ততে ॥ ৩৪ ॥
পূর্বস্যাদৌ পরার্ধস্য ব্রাহ্মো নাম মহানভূত্ ।
কল্পো যত্রাভবদ্ব্রহ্মা শব্দব্রহ্মেতি যং বিদুঃ ॥ ৩৫ ॥
কল্পো যত্রাভবদ্ব্রহ্মা শব্দব্রহ্মেতি যং বিদুঃ ॥ ৩৫ ॥
তস্যৈব চান্তে কল্পোঽভূদ্ যং পাদ্মমভিচক্ষতে ।
যদ্ধরের্নাভিসরস আসীল্লোকসরোরুহম্ ॥ ৩৬ ॥
যদ্ধরের্নাভিসরস আসীল্লোকসরোরুহম্ ॥ ৩৬ ॥
অযং তু কথিতঃ কল্পো দ্বিতীযস্যাপি ভারত ।
বারাহ ইতি বিখ্যাতো যত্রাসীচ্ছূকরো হরিঃ ॥ ৩৭ ॥
বারাহ ইতি বিখ্যাতো যত্রাসীচ্ছূকরো হরিঃ ॥ ৩৭ ॥
কালোঽযং দ্বিপরার্ধাখ্যো নিমেষ উপচর্যতে ।
অব্যাকৃতস্যানন্তস্য হ্যনাদের্জগদাত্মনঃ ॥ ৩৮ ॥
অব্যাকৃতস্যানন্তস্য হ্যনাদের্জগদাত্মনঃ ॥ ৩৮ ॥
কালোঽযং পরমাণ্বাদির্দ্বিপরার্ধান্ত ঈশ্বরঃ ।
নৈবেশিতুং প্রভুর্ভূম্ন ঈশ্বরো ধামমানিনাম্ ॥ ৩৯ ॥
নৈবেশিতুং প্রভুর্ভূম্ন ঈশ্বরো ধামমানিনাম্ ॥ ৩৯ ॥
বিকারৈঃ সহিতো যুক্তৈর্বিশেষাদিভিরাবৃতঃ ।
আণ্ডকোশো বহিরযং পঞ্চাশত্কোটিবিস্তৃতঃ ॥ ৪০ ॥
আণ্ডকোশো বহিরযং পঞ্চাশত্কোটিবিস্তৃতঃ ॥ ৪০ ॥
দশোত্তরাধিকৈর্যত্র প্রবিষ্টঃ পরমাণুবত্ ।
লক্ষ্যতেঽন্তর্গতাশ্চান্যে কোটিশো হ্যণ্ডরাশযঃ ॥ ৪১ ॥
লক্ষ্যতেঽন্তর্গতাশ্চান্যে কোটিশো হ্যণ্ডরাশযঃ ॥ ৪১ ॥
তদাহুরক্ষরং ব্রহ্ম সর্বকারণকারণম্ ।
বিষ্ণোর্ধাম পরং সাক্ষাত্পুরুষস্য মহাত্মনঃ ॥ ৪২ ॥
বিষ্ণোর্ধাম পরং সাক্ষাত্পুরুষস্য মহাত্মনঃ ॥ ৪২ ॥