শ্রীভগবানুবাচ
প্রকৃতিস্থোঽপি পুরুষো নাজ্যতে প্রাকৃতৈর্গুণৈঃ ।
অবিকারাদকর্তৃত্বান্নির্গুণত্বাজ্জলার্কবত্ ॥ ১ ॥
প্রকৃতিস্থোঽপি পুরুষো নাজ্যতে প্রাকৃতৈর্গুণৈঃ ।
অবিকারাদকর্তৃত্বান্নির্গুণত্বাজ্জলার্কবত্ ॥ ১ ॥
স এষ যর্হি প্রকৃতের্গুণেষ্বভিবিষজ্জতে ।
অহংক্রিযাবিমূঢাত্মা কর্তাস্মীত্যভিমন্যতে ॥ ২ ॥
অহংক্রিযাবিমূঢাত্মা কর্তাস্মীত্যভিমন্যতে ॥ ২ ॥
তেন সংসারপদবীমবশোঽভ্যেত্যনির্বৃতঃ ।
প্রাসঙ্গিকৈঃ কর্মদোষৈঃ সদসন্মিশ্রযোনিষু ॥ ৩ ॥
প্রাসঙ্গিকৈঃ কর্মদোষৈঃ সদসন্মিশ্রযোনিষু ॥ ৩ ॥
অর্থে হ্যবিদ্যমানেঽপি সংসৃতির্ন নিবর্ততে ।
ধ্যাযতো বিষযানস্য স্বপ্নেঽনর্থাগমো যথা ॥ ৪ ॥
ধ্যাযতো বিষযানস্য স্বপ্নেঽনর্থাগমো যথা ॥ ৪ ॥
অত এব শনৈশ্চিত্তং প্রসক্তমসতাং পথি ।
ভক্তিযোগেন তীব্রেণ বিরক্ত্যা চ নযেদ্বশম্ ॥ ৫ ॥
ভক্তিযোগেন তীব্রেণ বিরক্ত্যা চ নযেদ্বশম্ ॥ ৫ ॥
যমাদিভির্যোগপথৈরভ্যসন্শ্রদ্ধযান্বিতঃ ।
মযি ভাবেন সত্যেন মত্কথাশ্রবণেন চ ॥ ৬ ॥
মযি ভাবেন সত্যেন মত্কথাশ্রবণেন চ ॥ ৬ ॥
সর্বভূতসমত্বেন নির্বৈরেণাপ্রসঙ্গতঃ ।
ব্রহ্মচর্যেণ মৌনেন স্বধর্মেণ বলীযসা ॥ ৭ ॥
ব্রহ্মচর্যেণ মৌনেন স্বধর্মেণ বলীযসা ॥ ৭ ॥
যদৃচ্ছযোপলব্ধেন সন্তুষ্টো মিতভুঙ্মুনিঃ ।
বিবিক্তশরণঃ শান্তো মৈত্রঃ করুণ আত্মবান্ ॥ ৮ ॥
বিবিক্তশরণঃ শান্তো মৈত্রঃ করুণ আত্মবান্ ॥ ৮ ॥
সানুবন্ধে চ দেহেঽস্মিন্নকুর্বন্নসদাগ্রহম্ ।
জ্ঞানেন দৃষ্টতত্ত্বেন প্রকৃতেঃ পুরুষস্য চ ॥ ৯ ॥
জ্ঞানেন দৃষ্টতত্ত্বেন প্রকৃতেঃ পুরুষস্য চ ॥ ৯ ॥
নিবৃত্তবুদ্ধ্যবস্থানো দূরীভূতান্যদর্শনঃ ।
উপলভ্যাত্মনাত্মানং চক্ষুষেবার্কমাত্মদৃক্ ॥ ১০ ॥
উপলভ্যাত্মনাত্মানং চক্ষুষেবার্কমাত্মদৃক্ ॥ ১০ ॥
মুক্তলিঙ্গং সদাভাসমসতি প্রতিপদ্যতে ।
সতো বন্ধুমসচ্চক্ষুঃ সর্বানুস্যূতমদ্বযম্ ॥ ১১ ॥
সতো বন্ধুমসচ্চক্ষুঃ সর্বানুস্যূতমদ্বযম্ ॥ ১১ ॥
যথা জলস্থ আভাসঃ স্থলস্থেনাবদৃশ্যতে ।
স্বাভাসেন তথা সূর্যো জলস্থেন দিবি স্থিতঃ ॥ ১২ ॥
স্বাভাসেন তথা সূর্যো জলস্থেন দিবি স্থিতঃ ॥ ১২ ॥
এবং ত্রিবৃদহঙ্কারো ভূতেন্দ্রিযমনোমযৈঃ ।
স্বাভাসৈর্লক্ষিতোঽনেন সদাভাসেন সত্যদৃক্ ॥ ১৩ ॥
স্বাভাসৈর্লক্ষিতোঽনেন সদাভাসেন সত্যদৃক্ ॥ ১৩ ॥
ভূতসূক্ষ্মেন্দ্রিযমনোবুদ্ধ্যাদিষ্বিহ নিদ্রযা ।
লীনেষ্বসতি যস্তত্র বিনিদ্রো নিরহংক্রিযঃ ॥ ১৪ ॥
লীনেষ্বসতি যস্তত্র বিনিদ্রো নিরহংক্রিযঃ ॥ ১৪ ॥
মন্যমানস্তদাত্মানমনষ্টো নষ্টবন্মৃষা ।
নষ্টেঽহঙ্করণে দ্রষ্টা নষ্টবিত্ত ইবাতুরঃ ॥ ১৫ ॥
নষ্টেঽহঙ্করণে দ্রষ্টা নষ্টবিত্ত ইবাতুরঃ ॥ ১৫ ॥
এবং প্রত্যবমৃশ্যাসাবাত্মানং প্রতিপদ্যতে ।
সাহঙ্কারস্য দ্রব্যস্য যোঽবস্থানমনুগ্রহঃ ॥ ১৬ ॥
সাহঙ্কারস্য দ্রব্যস্য যোঽবস্থানমনুগ্রহঃ ॥ ১৬ ॥
দেবহূতিরুবাচ
পুরুষং প্রকৃতির্ব্রহ্মন্ন বিমুঞ্চতি কর্হিচিত্ ।
অন্যোন্যাপাশ্রযত্বাচ্চ নিত্যত্বাদনযোঃ প্রভো ॥ ১৭ ॥
পুরুষং প্রকৃতির্ব্রহ্মন্ন বিমুঞ্চতি কর্হিচিত্ ।
অন্যোন্যাপাশ্রযত্বাচ্চ নিত্যত্বাদনযোঃ প্রভো ॥ ১৭ ॥
যথা গন্ধস্য ভূমেশ্চ ন ভাবো ব্যতিরেকতঃ ।
অপাং রসস্য চ যথা তথা বুদ্ধেঃ পরস্য চ ॥ ১৮ ॥
অপাং রসস্য চ যথা তথা বুদ্ধেঃ পরস্য চ ॥ ১৮ ॥
অকর্তুঃ কর্মবন্ধোঽযং পুরুষস্য যদাশ্রযঃ ।
গুণেষু সত্সু প্রকৃতেঃ কৈবল্যং তেষ্বতঃ কথম্ ॥ ১৯ ॥
গুণেষু সত্সু প্রকৃতেঃ কৈবল্যং তেষ্বতঃ কথম্ ॥ ১৯ ॥
ক্বচিত্তত্ত্বাবমর্শেন নিবৃত্তং ভযমুল্বণম্ ।
অনিবৃত্তনিমিত্তত্বাত্পুনঃ প্রত্যবতিষ্ঠতে ॥ ২০ ॥
অনিবৃত্তনিমিত্তত্বাত্পুনঃ প্রত্যবতিষ্ঠতে ॥ ২০ ॥
শ্রীভগবানুবাচ
অনিমিত্তনিমিত্তেন স্বধর্মেণামলাত্মনা ।
তীব্রযা মযি ভক্ত্যা চ শ্রুতসম্ভৃতযা চিরম্ ॥ ২১ ॥
অনিমিত্তনিমিত্তেন স্বধর্মেণামলাত্মনা ।
তীব্রযা মযি ভক্ত্যা চ শ্রুতসম্ভৃতযা চিরম্ ॥ ২১ ॥
জ্ঞানেন দৃষ্টতত্ত্বেন বৈরাগ্যেণ বলীযসা ।
তপোযুক্তেন যোগেন তীব্রেণাত্মসমাধিনা ॥ ২২ ॥
তপোযুক্তেন যোগেন তীব্রেণাত্মসমাধিনা ॥ ২২ ॥
প্রকৃতিঃ পুরুষস্যেহ দহ্যমানা ত্বহর্নিশম্ ।
তিরোভবিত্রী শনকৈরগ্নের্যোনিরিবারণিঃ ॥ ২৩ ॥
তিরোভবিত্রী শনকৈরগ্নের্যোনিরিবারণিঃ ॥ ২৩ ॥
ভুক্তভোগা পরিত্যক্তা দৃষ্টদোষা চ নিত্যশঃ ।
নেশ্বরস্যাশুভং ধত্তে স্বে মহিম্নি স্থিতস্য চ ॥ ২৪ ॥
নেশ্বরস্যাশুভং ধত্তে স্বে মহিম্নি স্থিতস্য চ ॥ ২৪ ॥
যথা হ্যপ্রতিবুদ্ধস্য প্রস্বাপো বহ্বনর্থভৃত্ ।
স এব প্রতিবুদ্ধস্য ন বৈ মোহায কল্পতে ॥ ২৫ ॥
স এব প্রতিবুদ্ধস্য ন বৈ মোহায কল্পতে ॥ ২৫ ॥
এবং বিদিততত্ত্বস্য প্রকৃতির্মযি মানসম্ ।
যুঞ্জতো নাপকুরুত আত্মারামস্য কর্হিচিত্ ॥ ২৬ ॥
যুঞ্জতো নাপকুরুত আত্মারামস্য কর্হিচিত্ ॥ ২৬ ॥
যদৈবমধ্যাত্মরতঃ কালেন বহুজন্মনা ।
সর্বত্র জাতবৈরাগ্য আব্রহ্মভুবনান্মুনিঃ ॥ ২৭ ॥
সর্বত্র জাতবৈরাগ্য আব্রহ্মভুবনান্মুনিঃ ॥ ২৭ ॥
মদ্ভক্তঃ প্রতিবুদ্ধার্থো মত্প্রসাদেন ভূযসা ।
নিঃশ্রেযসং স্বসংস্থানং কৈবল্যাখ্যং মদাশ্রযম্ ॥ ২৮ ॥
নিঃশ্রেযসং স্বসংস্থানং কৈবল্যাখ্যং মদাশ্রযম্ ॥ ২৮ ॥
প্রাপ্নোতীহাঞ্জসা ধীরঃ স্বদৃশাচ্ছিন্নসংশযঃ ।
যদ্গত্বা ন নিবর্তেত যোগী লিঙ্গাদ্বিনির্গমে ॥ ২৯ ॥
যদ্গত্বা ন নিবর্তেত যোগী লিঙ্গাদ্বিনির্গমে ॥ ২৯ ॥
যদা ন যোগোপচিতাসু চেতো
মাযাসু সিদ্ধস্য বিষজ্জতেঽঙ্গ ।
অনন্যহেতুষ্বথ মে গতিঃ স্যাদ্
আত্যন্তিকী যত্র ন মৃত্যুহাসঃ ॥ ৩০ ॥
মাযাসু সিদ্ধস্য বিষজ্জতেঽঙ্গ ।
অনন্যহেতুষ্বথ মে গতিঃ স্যাদ্
আত্যন্তিকী যত্র ন মৃত্যুহাসঃ ॥ ৩০ ॥