শ্রীভগবানুবাচ
যোগস্য লক্ষণং বক্ষ্যে সবীজস্য নৃপাত্মজে ।
মনো যেনৈব বিধিনা প্রসন্নং যাতি সত্পথম্ ॥ ১ ॥
যোগস্য লক্ষণং বক্ষ্যে সবীজস্য নৃপাত্মজে ।
মনো যেনৈব বিধিনা প্রসন্নং যাতি সত্পথম্ ॥ ১ ॥
স্বধর্মাচরণং শক্ত্যা বিধর্মাচ্চ নিবর্তনম্ ।
দৈবাল্লব্ধেন সন্তোষ আত্মবিচ্চরণার্চনম্ ॥ ২ ॥
দৈবাল্লব্ধেন সন্তোষ আত্মবিচ্চরণার্চনম্ ॥ ২ ॥
গ্রাম্যধর্মনিবৃত্তিশ্চ মোক্ষধর্মরতিস্তথা ।
মিতমেধ্যাদনং শশ্বদ্বিবিক্তক্ষেমসেবনম্ ॥ ৩ ॥
মিতমেধ্যাদনং শশ্বদ্বিবিক্তক্ষেমসেবনম্ ॥ ৩ ॥
অহিংসা সত্যমস্তেযং যাবদর্থপরিগ্রহঃ ।
ব্রহ্মচর্যং তপঃ শৌচং স্বাধ্যাযঃ পুরুষার্চনম্ ॥ ৪ ॥
ব্রহ্মচর্যং তপঃ শৌচং স্বাধ্যাযঃ পুরুষার্চনম্ ॥ ৪ ॥
মৌনং সদাসনজযঃ স্থৈর্যং প্রাণজযঃ শনৈঃ ।
প্রত্যাহারশ্চেন্দ্রিযাণাং বিষযান্মনসা হৃদি ॥ ৫ ॥
প্রত্যাহারশ্চেন্দ্রিযাণাং বিষযান্মনসা হৃদি ॥ ৫ ॥
স্বধিষ্ণ্যানামেকদেশে মনসা প্রাণধারণম্ ।
বৈকুণ্ঠলীলাভিধ্যানং সমাধানং তথাত্মনঃ ॥ ৬ ॥
বৈকুণ্ঠলীলাভিধ্যানং সমাধানং তথাত্মনঃ ॥ ৬ ॥
এতৈরন্যৈশ্চ পথিভির্মনো দুষ্টমসত্পথম্ ।
বুদ্ধ্যা যুঞ্জীত শনকৈর্জিতপ্রাণো হ্যতন্দ্রিতঃ ॥ ৭ ॥
বুদ্ধ্যা যুঞ্জীত শনকৈর্জিতপ্রাণো হ্যতন্দ্রিতঃ ॥ ৭ ॥
শুচৌ দেশে প্রতিষ্ঠাপ্য বিজিতাসন আসনম্ ।
তস্মিন্স্বস্তি সমাসীন ঋজুকাযঃ সমভ্যসেত্ ॥ ৮ ॥
তস্মিন্স্বস্তি সমাসীন ঋজুকাযঃ সমভ্যসেত্ ॥ ৮ ॥
প্রাণস্য শোধযেন্মার্গং পূরকুম্ভকরেচকৈঃ ।
প্রতিকূলেন বা চিত্তং যথা স্থিরমচঞ্চলম্ ॥ ৯ ॥
প্রতিকূলেন বা চিত্তং যথা স্থিরমচঞ্চলম্ ॥ ৯ ॥
মনোঽচিরাত্স্যাদ্বিরজং জিতশ্বাসস্য যোগিনঃ ।
বায্বগ্নিভ্যাং যথা লোহং ধ্মাতং ত্যজতি বৈ মলম্ ॥ ১০ ॥
বায্বগ্নিভ্যাং যথা লোহং ধ্মাতং ত্যজতি বৈ মলম্ ॥ ১০ ॥
প্রাণাযামৈর্দহেদ্দোষান্ধারণাভিশ্চ কিল্বিষান্ ।
প্রত্যাহারেণ সংসর্গান্ধ্যানেনানীশ্বরান্গুণান্ ॥ ১১ ॥
প্রত্যাহারেণ সংসর্গান্ধ্যানেনানীশ্বরান্গুণান্ ॥ ১১ ॥
যদা মনঃ স্বং বিরজং যোগেন সুসমাহিতম্ ।
কাষ্ঠাং ভগবতো ধ্যাযেত্স্বনাসাগ্রাবলোকনঃ ॥ ১২ ॥
কাষ্ঠাং ভগবতো ধ্যাযেত্স্বনাসাগ্রাবলোকনঃ ॥ ১২ ॥
প্রসন্নবদনাম্ভোজং পদ্মগর্ভারুণেক্ষণম্ ।
নীলোত্পলদলশ্যামং শঙ্খচক্রগদাধরম্ ॥ ১৩ ॥
নীলোত্পলদলশ্যামং শঙ্খচক্রগদাধরম্ ॥ ১৩ ॥
লসত্পঙ্কজকিঞ্জল্কপীতকৌশেযবাসসম্ ।
শ্রীবত্সবক্ষসং ভ্রাজত্কৌস্তুভামুক্তকন্ধরম্ ॥ ১৪ ॥
শ্রীবত্সবক্ষসং ভ্রাজত্কৌস্তুভামুক্তকন্ধরম্ ॥ ১৪ ॥
মত্তদ্বিরেফকলযা পরীতং বনমালযা ।
পরার্ধ্যহারবলযকিরীটাঙ্গদনূপুরম্ ॥ ১৫ ॥
পরার্ধ্যহারবলযকিরীটাঙ্গদনূপুরম্ ॥ ১৫ ॥
কাঞ্চীগুণোল্লসচ্ছ্রোণিং হৃদযাম্ভোজবিষ্টরম্ ।
দর্শনীযতমং শান্তং মনোনযনবর্ধনম্ ॥ ১৬ ॥
দর্শনীযতমং শান্তং মনোনযনবর্ধনম্ ॥ ১৬ ॥
অপীচ্যদর্শনং শশ্বত্সর্বলোকনমস্কৃতম্ ।
সন্তং বযসি কৈশোরে ভৃত্যানুগ্রহকাতরম্ ॥ ১৭ ॥
সন্তং বযসি কৈশোরে ভৃত্যানুগ্রহকাতরম্ ॥ ১৭ ॥
কীর্তন্যতীর্থযশসং পুণ্যশ্লোকযশস্করম্ ।
ধ্যাযেদ্দেবং সমগ্রাঙ্গং যাবন্ন চ্যবতে মনঃ ॥ ১৮ ॥
ধ্যাযেদ্দেবং সমগ্রাঙ্গং যাবন্ন চ্যবতে মনঃ ॥ ১৮ ॥
স্থিতং ব্রজন্তমাসীনং শযানং বা গুহাশযম্ ।
প্রেক্ষণীযেহিতং ধ্যাযেচ্ছুদ্ধভাবেন চেতসা ॥ ১৯ ॥
প্রেক্ষণীযেহিতং ধ্যাযেচ্ছুদ্ধভাবেন চেতসা ॥ ১৯ ॥
তস্মিঁল্লব্ধপদং চিত্তং সর্বাবযবসংস্থিতম্ ।
বিলক্ষ্যৈকত্র সংযুজ্যাদঙ্গে ভগবতো মুনিঃ ॥ ২০ ॥
বিলক্ষ্যৈকত্র সংযুজ্যাদঙ্গে ভগবতো মুনিঃ ॥ ২০ ॥
সঞ্চিন্তযেদ্ভগবতশ্চরণারবিন্দং
বজ্রাঙ্কুশধ্বজসরোরুহলাঞ্ছনাঢ্যম্ ।
উত্তুঙ্গরক্তবিলসন্নখচক্রবাল-
জ্যোত্স্নাভিরাহতমহদ্ধৃদযান্ধকারম্ ॥ ২১ ॥
বজ্রাঙ্কুশধ্বজসরোরুহলাঞ্ছনাঢ্যম্ ।
উত্তুঙ্গরক্তবিলসন্নখচক্রবাল-
জ্যোত্স্নাভিরাহতমহদ্ধৃদযান্ধকারম্ ॥ ২১ ॥
যচ্ছৌচনিঃসৃতসরিত্প্রবরোদকেন
তীর্থেন মূর্ধ্ন্যধিকৃতেন শিবঃ শিবোঽভূত্ ।
ধ্যাতুর্মনঃশমলশৈলনিসৃষ্টবজ্রং
ধ্যাযেচ্চিরং ভগবতশ্চরণারবিন্দম্ ॥ ২২ ॥
তীর্থেন মূর্ধ্ন্যধিকৃতেন শিবঃ শিবোঽভূত্ ।
ধ্যাতুর্মনঃশমলশৈলনিসৃষ্টবজ্রং
ধ্যাযেচ্চিরং ভগবতশ্চরণারবিন্দম্ ॥ ২২ ॥
জানুদ্বযং জলজলোচনযা জনন্যা
লক্ষ্ম্যাখিলস্য সুরবন্দিতযা বিধাতুঃ ।
ঊর্বোর্নিধায করপল্লবরোচিষা যত্
সংলালিতং হৃদি বিভোরভবস্য কুর্যাত্ ॥ ২৩ ॥
লক্ষ্ম্যাখিলস্য সুরবন্দিতযা বিধাতুঃ ।
ঊর্বোর্নিধায করপল্লবরোচিষা যত্
সংলালিতং হৃদি বিভোরভবস্য কুর্যাত্ ॥ ২৩ ॥
ঊরূ সুপর্ণভুজযোরধিশোভমানাব্-
ওজোনিধী অতসিকাকুসুমাবভাসৌ ।
ব্যালম্বিপীতবরবাসসি বর্তমান
কাঞ্চীকলাপপরিরম্ভি নিতম্ববিম্বম্ ॥ ২৪ ॥
ওজোনিধী অতসিকাকুসুমাবভাসৌ ।
ব্যালম্বিপীতবরবাসসি বর্তমান
কাঞ্চীকলাপপরিরম্ভি নিতম্ববিম্বম্ ॥ ২৪ ॥
নাভিহ্রদং ভুবনকোশগুহোদরস্থং
যত্রাত্মযোনিধিষণাখিললোকপদ্মম্ ।
ব্যূঢং হরিন্মণিবৃষস্তনযোরমুষ্য
ধ্যাযেদ্দ্বযং বিশদহারমযূখগৌরম্ ॥ ২৫ ॥
যত্রাত্মযোনিধিষণাখিললোকপদ্মম্ ।
ব্যূঢং হরিন্মণিবৃষস্তনযোরমুষ্য
ধ্যাযেদ্দ্বযং বিশদহারমযূখগৌরম্ ॥ ২৫ ॥
বক্ষোঽধিবাসমৃষভস্য মহাবিভূতেঃ
পুংসাং মনোনযননির্বৃতিমাদধানম্ ।
কণ্ঠং চ কৌস্তুভমণেরধিভূষণার্থং
কুর্যান্মনস্যখিললোকনমস্কৃতস্য ॥ ২৬ ॥
পুংসাং মনোনযননির্বৃতিমাদধানম্ ।
কণ্ঠং চ কৌস্তুভমণেরধিভূষণার্থং
কুর্যান্মনস্যখিললোকনমস্কৃতস্য ॥ ২৬ ॥
বাহূংশ্চ মন্দরগিরেঃ পরিবর্তনেন
নির্ণিক্তবাহুবলযানধিলোকপালান্ ।
সঞ্চিন্তযেদ্দশশতারমসহ্যতেজঃ
শঙ্খং চ তত্করসরোরুহরাজহংসম্ ॥ ২৭ ॥
নির্ণিক্তবাহুবলযানধিলোকপালান্ ।
সঞ্চিন্তযেদ্দশশতারমসহ্যতেজঃ
শঙ্খং চ তত্করসরোরুহরাজহংসম্ ॥ ২৭ ॥
কৌমোদকীং ভগবতো দযিতাং স্মরেত
দিগ্ধামরাতিভটশোণিতকর্দমেন ।
মালাং মধুব্রতবরূথগিরোপঘুষ্টাং
চৈত্যস্য তত্ত্বমমলং মণিমস্য কণ্ঠে ॥ ২৮ ॥
দিগ্ধামরাতিভটশোণিতকর্দমেন ।
মালাং মধুব্রতবরূথগিরোপঘুষ্টাং
চৈত্যস্য তত্ত্বমমলং মণিমস্য কণ্ঠে ॥ ২৮ ॥
ভৃত্যানুকম্পিতধিযেহ গৃহীতমূর্তেঃ
সঞ্চিন্তযেদ্ভগবতো বদনারবিন্দম্ ।
যদ্বিস্ফুরন্মকরকুণ্ডলবল্গিতেন
বিদ্যোতিতামলকপোলমুদারনাসম্ ॥ ২৯ ॥
সঞ্চিন্তযেদ্ভগবতো বদনারবিন্দম্ ।
যদ্বিস্ফুরন্মকরকুণ্ডলবল্গিতেন
বিদ্যোতিতামলকপোলমুদারনাসম্ ॥ ২৯ ॥
যচ্ছ্রীনিকেতমলিভিঃ পরিসেব্যমানং
ভূত্যা স্বযা কুটিলকুন্তলবৃন্দজুষ্টম্ ।
মীনদ্বযাশ্রযমধিক্ষিপদব্জনেত্রং
ধ্যাযেন্মনোমযমতন্দ্রিত উল্লসদ্ভ্রু ॥ ৩০ ॥
ভূত্যা স্বযা কুটিলকুন্তলবৃন্দজুষ্টম্ ।
মীনদ্বযাশ্রযমধিক্ষিপদব্জনেত্রং
ধ্যাযেন্মনোমযমতন্দ্রিত উল্লসদ্ভ্রু ॥ ৩০ ॥
তস্যাবলোকমধিকং কৃপযাতিঘোর-
তাপত্রযোপশমনায নিসৃষ্টমক্ষ্ণোঃ ।
স্নিগ্ধস্মিতানুগুণিতং বিপুলপ্রসাদং
ধ্যাযেচ্চিরং বিপুলভাবনযা গুহাযাম্ ॥ ৩১ ॥
তাপত্রযোপশমনায নিসৃষ্টমক্ষ্ণোঃ ।
স্নিগ্ধস্মিতানুগুণিতং বিপুলপ্রসাদং
ধ্যাযেচ্চিরং বিপুলভাবনযা গুহাযাম্ ॥ ৩১ ॥
হাসং হরেরবনতাখিললোকতীব্র-
শোকাশ্রুসাগরবিশোষণমত্যুদারম্ ।
সম্মোহনায রচিতং নিজমাযযাস্য
ভ্রূমণ্ডলং মুনিকৃতে মকরধ্বজস্য ॥ ৩২ ॥
শোকাশ্রুসাগরবিশোষণমত্যুদারম্ ।
সম্মোহনায রচিতং নিজমাযযাস্য
ভ্রূমণ্ডলং মুনিকৃতে মকরধ্বজস্য ॥ ৩২ ॥
ধ্যানাযনং প্রহসিতং বহুলাধরোষ্ঠ-
ভাসারুণাযিততনুদ্বিজকুন্দপঙ্ক্তি ।
ধ্যাযেত্স্বদেহকুহরেঽবসিতস্য বিষ্ণোর্
ভক্ত্যার্দ্রযার্পিতমনা ন পৃথগ্দিদৃক্ষেত্ ॥ ৩৩ ॥
ভাসারুণাযিততনুদ্বিজকুন্দপঙ্ক্তি ।
ধ্যাযেত্স্বদেহকুহরেঽবসিতস্য বিষ্ণোর্
ভক্ত্যার্দ্রযার্পিতমনা ন পৃথগ্দিদৃক্ষেত্ ॥ ৩৩ ॥
এবং হরৌ ভগবতি প্রতিলব্ধভাবো
ভক্ত্যা দ্রবদ্ধৃদয উত্পুলকঃ প্রমোদাত্ ।
ঔত্কণ্ঠ্যবাষ্পকলযা মুহুরর্দ্যমানস্
তচ্চাপি চিত্তবডিশং শনকৈর্বিযুঙ্ক্তে ॥ ৩৪ ॥
ভক্ত্যা দ্রবদ্ধৃদয উত্পুলকঃ প্রমোদাত্ ।
ঔত্কণ্ঠ্যবাষ্পকলযা মুহুরর্দ্যমানস্
তচ্চাপি চিত্তবডিশং শনকৈর্বিযুঙ্ক্তে ॥ ৩৪ ॥
মুক্তাশ্রযং যর্হি নির্বিষযং বিরক্তং
নির্বাণমৃচ্ছতি মনঃ সহসা যথার্চিঃ ।
আত্মানমত্র পুরুষোঽব্যবধানমেকম্
অন্বীক্ষতে প্রতিনিবৃত্তগুণপ্রবাহঃ ॥ ৩৫ ॥
নির্বাণমৃচ্ছতি মনঃ সহসা যথার্চিঃ ।
আত্মানমত্র পুরুষোঽব্যবধানমেকম্
অন্বীক্ষতে প্রতিনিবৃত্তগুণপ্রবাহঃ ॥ ৩৫ ॥
সোঽপ্যেতযা চরমযা মনসো নিবৃত্ত্যা
তস্মিন্মহিম্ন্যবসিতঃ সুখদুঃখবাহ্যে ।
হেতুত্বমপ্যসতি কর্তরি দুঃখযোর্যত্
স্বাত্মন্বিধত্ত উপলব্ধপরাত্মকাষ্ঠঃ ॥ ৩৬ ॥
তস্মিন্মহিম্ন্যবসিতঃ সুখদুঃখবাহ্যে ।
হেতুত্বমপ্যসতি কর্তরি দুঃখযোর্যত্
স্বাত্মন্বিধত্ত উপলব্ধপরাত্মকাষ্ঠঃ ॥ ৩৬ ॥
দেহং চ তং ন চরমঃ স্থিতমুত্থিতং বা
সিদ্ধো বিপশ্যতি যতোঽধ্যগমত্স্বরূপম্ ।
দৈবাদুপেতমথ দৈববশাদপেতং
বাসো যথা পরিকৃতং মদিরামদান্ধঃ ॥ ৩৭ ॥
সিদ্ধো বিপশ্যতি যতোঽধ্যগমত্স্বরূপম্ ।
দৈবাদুপেতমথ দৈববশাদপেতং
বাসো যথা পরিকৃতং মদিরামদান্ধঃ ॥ ৩৭ ॥
দেহোঽপি দৈববশগঃ খলু কর্ম যাবত্
স্বারম্ভকং প্রতিসমীক্ষত এব সাসুঃ ।
তং সপ্রপঞ্চমধিরূঢসমাধিযোগঃ
স্বাপ্নং পুনর্ন ভজতে প্রতিবুদ্ধবস্তুঃ ॥ ৩৮ ॥
স্বারম্ভকং প্রতিসমীক্ষত এব সাসুঃ ।
তং সপ্রপঞ্চমধিরূঢসমাধিযোগঃ
স্বাপ্নং পুনর্ন ভজতে প্রতিবুদ্ধবস্তুঃ ॥ ৩৮ ॥
যথা পুত্রাচ্চ বিত্তাচ্চ পৃথঙ্মর্ত্যঃ প্রতীযতে ।
অপ্যাত্মত্বেনাভিমতাদ্দেহাদেঃ পুরুষস্তথা ॥ ৩৯ ॥
অপ্যাত্মত্বেনাভিমতাদ্দেহাদেঃ পুরুষস্তথা ॥ ৩৯ ॥
যথোল্মুকাদ্বিস্ফুলিঙ্গাদ্ধূমাদ্বাপি স্বসম্ভবাত্ ।
অপ্যাত্মত্বেনাভিমতাদ্যথাগ্নিঃ পৃথগুল্মুকাত্ ॥ ৪০ ॥
অপ্যাত্মত্বেনাভিমতাদ্যথাগ্নিঃ পৃথগুল্মুকাত্ ॥ ৪০ ॥
ভূতেন্দ্রিযান্তঃকরণাত্প্রধানাজ্জীবসংজ্ঞিতাত্ ।
আত্মা তথা পৃথগ্দ্রষ্টা ভগবান্ব্রহ্মসংজ্ঞিতঃ ॥ ৪১ ॥
আত্মা তথা পৃথগ্দ্রষ্টা ভগবান্ব্রহ্মসংজ্ঞিতঃ ॥ ৪১ ॥
সর্বভূতেষু চাত্মানং সর্বভূতানি চাত্মনি ।
ঈক্ষেতানন্যভাবেন ভূতেষ্বিব তদাত্মতাম্ ॥ ৪২ ॥
ঈক্ষেতানন্যভাবেন ভূতেষ্বিব তদাত্মতাম্ ॥ ৪২ ॥
স্বযোনিষু যথা জ্যোতিরেকং নানা প্রতীযতে ।
যোনীনাং গুণবৈষম্যাত্তথাত্মা প্রকৃতৌ স্থিতঃ ॥ ৪৩ ॥
যোনীনাং গুণবৈষম্যাত্তথাত্মা প্রকৃতৌ স্থিতঃ ॥ ৪৩ ॥
তস্মাদিমাং স্বাং প্রকৃতিং দৈবীং সদসদাত্মিকাম্ ।
দুর্বিভাব্যাং পরাভাব্য স্বরূপেণাবতিষ্ঠতে ॥ ৪৪ ॥
দুর্বিভাব্যাং পরাভাব্য স্বরূপেণাবতিষ্ঠতে ॥ ৪৪ ॥