ଶ୍ରୀଭଗଵାନୁଵାଚ
ଯୋଗସ୍ଯ ଲକ୍ଷଣଂ ଵକ୍ଷ୍ଯେ ସବୀଜସ୍ଯ ନୃପାତ୍ମଜେ ।
ମନୋ ଯେନୈଵ ଵିଧିନା ପ୍ରସନ୍ନଂ ଯାତି ସତ୍ପଥମ୍ ॥ ୧ ॥
ଯୋଗସ୍ଯ ଲକ୍ଷଣଂ ଵକ୍ଷ୍ଯେ ସବୀଜସ୍ଯ ନୃପାତ୍ମଜେ ।
ମନୋ ଯେନୈଵ ଵିଧିନା ପ୍ରସନ୍ନଂ ଯାତି ସତ୍ପଥମ୍ ॥ ୧ ॥
ସ୍ଵଧର୍ମାଚରଣଂ ଶକ୍ତ୍ଯା ଵିଧର୍ମାଚ୍ଚ ନିଵର୍ତନମ୍ ।
ଦୈଵାଲ୍ଲବ୍ଧେନ ସନ୍ତୋଷ ଆତ୍ମଵିଚ୍ଚରଣାର୍ଚନମ୍ ॥ ୨ ॥
ଦୈଵାଲ୍ଲବ୍ଧେନ ସନ୍ତୋଷ ଆତ୍ମଵିଚ୍ଚରଣାର୍ଚନମ୍ ॥ ୨ ॥
ଗ୍ରାମ୍ଯଧର୍ମନିଵୃତ୍ତିଶ୍ଚ ମୋକ୍ଷଧର୍ମରତିସ୍ତଥା ।
ମିତମେଧ୍ଯାଦନଂ ଶଶ୍ଵଦ୍ଵିଵିକ୍ତକ୍ଷେମସେଵନମ୍ ॥ ୩ ॥
ମିତମେଧ୍ଯାଦନଂ ଶଶ୍ଵଦ୍ଵିଵିକ୍ତକ୍ଷେମସେଵନମ୍ ॥ ୩ ॥
ଅହିଂସା ସତ୍ଯମସ୍ତେଯଂ ଯାଵଦର୍ଥପରିଗ୍ରହଃ ।
ବ୍ରହ୍ମଚର୍ଯଂ ତପଃ ଶୌଚଂ ସ୍ଵାଧ୍ଯାଯଃ ପୁରୁଷାର୍ଚନମ୍ ॥ ୪ ॥
ବ୍ରହ୍ମଚର୍ଯଂ ତପଃ ଶୌଚଂ ସ୍ଵାଧ୍ଯାଯଃ ପୁରୁଷାର୍ଚନମ୍ ॥ ୪ ॥
ମୌନଂ ସଦାସନଜଯଃ ସ୍ଥୈର୍ଯଂ ପ୍ରାଣଜଯଃ ଶନୈଃ ।
ପ୍ରତ୍ଯାହାରଶ୍ଚେନ୍ଦ୍ରିଯାଣାଂ ଵିଷଯାନ୍ମନସା ହୃଦି ॥ ୫ ॥
ପ୍ରତ୍ଯାହାରଶ୍ଚେନ୍ଦ୍ରିଯାଣାଂ ଵିଷଯାନ୍ମନସା ହୃଦି ॥ ୫ ॥
ସ୍ଵଧିଷ୍ଣ୍ଯାନାମେକଦେଶେ ମନସା ପ୍ରାଣଧାରଣମ୍ ।
ଵୈକୁଣ୍ଠଲୀଲାଭିଧ୍ଯାନଂ ସମାଧାନଂ ତଥାତ୍ମନଃ ॥ ୬ ॥
ଵୈକୁଣ୍ଠଲୀଲାଭିଧ୍ଯାନଂ ସମାଧାନଂ ତଥାତ୍ମନଃ ॥ ୬ ॥
ଏତୈରନ୍ଯୈଶ୍ଚ ପଥିଭିର୍ମନୋ ଦୁଷ୍ଟମସତ୍ପଥମ୍ ।
ବୁଦ୍ଧ୍ଯା ଯୁଞ୍ଜୀତ ଶନକୈର୍ଜିତପ୍ରାଣୋ ହ୍ଯତନ୍ଦ୍ରିତଃ ॥ ୭ ॥
ବୁଦ୍ଧ୍ଯା ଯୁଞ୍ଜୀତ ଶନକୈର୍ଜିତପ୍ରାଣୋ ହ୍ଯତନ୍ଦ୍ରିତଃ ॥ ୭ ॥
ଶୁଚୌ ଦେଶେ ପ୍ରତିଷ୍ଠାପ୍ଯ ଵିଜିତାସନ ଆସନମ୍ ।
ତସ୍ମିନ୍ସ୍ଵସ୍ତି ସମାସୀନ ଋଜୁକାଯଃ ସମଭ୍ଯସେତ୍ ॥ ୮ ॥
ତସ୍ମିନ୍ସ୍ଵସ୍ତି ସମାସୀନ ଋଜୁକାଯଃ ସମଭ୍ଯସେତ୍ ॥ ୮ ॥
ପ୍ରାଣସ୍ଯ ଶୋଧଯେନ୍ମାର୍ଗଂ ପୂରକୁମ୍ଭକରେଚକୈଃ ।
ପ୍ରତିକୂଲେନ ଵା ଚିତ୍ତଂ ଯଥା ସ୍ଥିରମଚଞ୍ଚଲମ୍ ॥ ୯ ॥
ପ୍ରତିକୂଲେନ ଵା ଚିତ୍ତଂ ଯଥା ସ୍ଥିରମଚଞ୍ଚଲମ୍ ॥ ୯ ॥
ମନୋଽଚିରାତ୍ସ୍ଯାଦ୍ଵିରଜଂ ଜିତଶ୍ଵାସସ୍ଯ ଯୋଗିନଃ ।
ଵାଯ୍ଵଗ୍ନିଭ୍ଯାଂ ଯଥା ଲୋହଂ ଧ୍ମାତଂ ତ୍ଯଜତି ଵୈ ମଲମ୍ ॥ ୧୦ ॥
ଵାଯ୍ଵଗ୍ନିଭ୍ଯାଂ ଯଥା ଲୋହଂ ଧ୍ମାତଂ ତ୍ଯଜତି ଵୈ ମଲମ୍ ॥ ୧୦ ॥
ପ୍ରାଣାଯାମୈର୍ଦହେଦ୍ଦୋଷାନ୍ଧାରଣାଭିଶ୍ଚ କିଲ୍ବିଷାନ୍ ।
ପ୍ରତ୍ଯାହାରେଣ ସଂସର୍ଗାନ୍ଧ୍ଯାନେନାନୀଶ୍ଵରାନ୍ଗୁଣାନ୍ ॥ ୧୧ ॥
ପ୍ରତ୍ଯାହାରେଣ ସଂସର୍ଗାନ୍ଧ୍ଯାନେନାନୀଶ୍ଵରାନ୍ଗୁଣାନ୍ ॥ ୧୧ ॥
ଯଦା ମନଃ ସ୍ଵଂ ଵିରଜଂ ଯୋଗେନ ସୁସମାହିତମ୍ ।
କାଷ୍ଠାଂ ଭଗଵତୋ ଧ୍ଯାଯେତ୍ସ୍ଵନାସାଗ୍ରାଵଲୋକନଃ ॥ ୧୨ ॥
କାଷ୍ଠାଂ ଭଗଵତୋ ଧ୍ଯାଯେତ୍ସ୍ଵନାସାଗ୍ରାଵଲୋକନଃ ॥ ୧୨ ॥
ପ୍ରସନ୍ନଵଦନାମ୍ଭୋଜଂ ପଦ୍ମଗର୍ଭାରୁଣେକ୍ଷଣମ୍ ।
ନୀଲୋତ୍ପଲଦଲଶ୍ଯାମଂ ଶଙ୍ଖଚକ୍ରଗଦାଧରମ୍ ॥ ୧୩ ॥
ନୀଲୋତ୍ପଲଦଲଶ୍ଯାମଂ ଶଙ୍ଖଚକ୍ରଗଦାଧରମ୍ ॥ ୧୩ ॥
ଲସତ୍ପଙ୍କଜକିଞ୍ଜଲ୍କପୀତକୌଶେଯଵାସସମ୍ ।
ଶ୍ରୀଵତ୍ସଵକ୍ଷସଂ ଭ୍ରାଜତ୍କୌସ୍ତୁଭାମୁକ୍ତକନ୍ଧରମ୍ ॥ ୧୪ ॥
ଶ୍ରୀଵତ୍ସଵକ୍ଷସଂ ଭ୍ରାଜତ୍କୌସ୍ତୁଭାମୁକ୍ତକନ୍ଧରମ୍ ॥ ୧୪ ॥
ମତ୍ତଦ୍ଵିରେଫକଲଯା ପରୀତଂ ଵନମାଲଯା ।
ପରାର୍ଧ୍ଯହାରଵଲଯକିରୀଟାଙ୍ଗଦନୂପୁରମ୍ ॥ ୧୫ ॥
ପରାର୍ଧ୍ଯହାରଵଲଯକିରୀଟାଙ୍ଗଦନୂପୁରମ୍ ॥ ୧୫ ॥
କାଞ୍ଚୀଗୁଣୋଲ୍ଲସଚ୍ଛ୍ରୋଣିଂ ହୃଦଯାମ୍ଭୋଜଵିଷ୍ଟରମ୍ ।
ଦର୍ଶନୀଯତମଂ ଶାନ୍ତଂ ମନୋନଯନଵର୍ଧନମ୍ ॥ ୧୬ ॥
ଦର୍ଶନୀଯତମଂ ଶାନ୍ତଂ ମନୋନଯନଵର୍ଧନମ୍ ॥ ୧୬ ॥
ଅପୀଚ୍ଯଦର୍ଶନଂ ଶଶ୍ଵତ୍ସର୍ଵଲୋକନମସ୍କୃତମ୍ ।
ସନ୍ତଂ ଵଯସି କୈଶୋରେ ଭୃତ୍ଯାନୁଗ୍ରହକାତରମ୍ ॥ ୧୭ ॥
ସନ୍ତଂ ଵଯସି କୈଶୋରେ ଭୃତ୍ଯାନୁଗ୍ରହକାତରମ୍ ॥ ୧୭ ॥
କୀର୍ତନ୍ଯତୀର୍ଥଯଶସଂ ପୁଣ୍ଯଶ୍ଲୋକଯଶସ୍କରମ୍ ।
ଧ୍ଯାଯେଦ୍ଦେଵଂ ସମଗ୍ରାଙ୍ଗଂ ଯାଵନ୍ନ ଚ୍ଯଵତେ ମନଃ ॥ ୧୮ ॥
ଧ୍ଯାଯେଦ୍ଦେଵଂ ସମଗ୍ରାଙ୍ଗଂ ଯାଵନ୍ନ ଚ୍ଯଵତେ ମନଃ ॥ ୧୮ ॥
ସ୍ଥିତଂ ଵ୍ରଜନ୍ତମାସୀନଂ ଶଯାନଂ ଵା ଗୁହାଶଯମ୍ ।
ପ୍ରେକ୍ଷଣୀଯେହିତଂ ଧ୍ଯାଯେଚ୍ଛୁଦ୍ଧଭାଵେନ ଚେତସା ॥ ୧୯ ॥
ପ୍ରେକ୍ଷଣୀଯେହିତଂ ଧ୍ଯାଯେଚ୍ଛୁଦ୍ଧଭାଵେନ ଚେତସା ॥ ୧୯ ॥
ତସ୍ମିଁଲ୍ଲବ୍ଧପଦଂ ଚିତ୍ତଂ ସର୍ଵାଵଯଵସଂସ୍ଥିତମ୍ ।
ଵିଲକ୍ଷ୍ଯୈକତ୍ର ସଂଯୁଜ୍ଯାଦଙ୍ଗେ ଭଗଵତୋ ମୁନିଃ ॥ ୨୦ ॥
ଵିଲକ୍ଷ୍ଯୈକତ୍ର ସଂଯୁଜ୍ଯାଦଙ୍ଗେ ଭଗଵତୋ ମୁନିଃ ॥ ୨୦ ॥
ସଞ୍ଚିନ୍ତଯେଦ୍ଭଗଵତଶ୍ଚରଣାରଵିନ୍ଦଂ
ଵଜ୍ରାଙ୍କୁଶଧ୍ଵଜସରୋରୁହଲାଞ୍ଛନାଢ୍ଯମ୍ ।
ଉତ୍ତୁଙ୍ଗରକ୍ତଵିଲସନ୍ନଖଚକ୍ରଵାଲ-
ଜ୍ଯୋତ୍ସ୍ନାଭିରାହତମହଦ୍ଧୃଦଯାନ୍ଧକାରମ୍ ॥ ୨୧ ॥
ଵଜ୍ରାଙ୍କୁଶଧ୍ଵଜସରୋରୁହଲାଞ୍ଛନାଢ୍ଯମ୍ ।
ଉତ୍ତୁଙ୍ଗରକ୍ତଵିଲସନ୍ନଖଚକ୍ରଵାଲ-
ଜ୍ଯୋତ୍ସ୍ନାଭିରାହତମହଦ୍ଧୃଦଯାନ୍ଧକାରମ୍ ॥ ୨୧ ॥
ଯଚ୍ଛୌଚନିଃସୃତସରିତ୍ପ୍ରଵରୋଦକେନ
ତୀର୍ଥେନ ମୂର୍ଧ୍ନ୍ଯଧିକୃତେନ ଶିଵଃ ଶିଵୋଽଭୂତ୍ ।
ଧ୍ଯାତୁର୍ମନଃଶମଲଶୈଲନିସୃଷ୍ଟଵଜ୍ରଂ
ଧ୍ଯାଯେଚ୍ଚିରଂ ଭଗଵତଶ୍ଚରଣାରଵିନ୍ଦମ୍ ॥ ୨୨ ॥
ତୀର୍ଥେନ ମୂର୍ଧ୍ନ୍ଯଧିକୃତେନ ଶିଵଃ ଶିଵୋଽଭୂତ୍ ।
ଧ୍ଯାତୁର୍ମନଃଶମଲଶୈଲନିସୃଷ୍ଟଵଜ୍ରଂ
ଧ୍ଯାଯେଚ୍ଚିରଂ ଭଗଵତଶ୍ଚରଣାରଵିନ୍ଦମ୍ ॥ ୨୨ ॥
ଜାନୁଦ୍ଵଯଂ ଜଲଜଲୋଚନଯା ଜନନ୍ଯା
ଲକ୍ଷ୍ମ୍ଯାଖିଲସ୍ଯ ସୁରଵନ୍ଦିତଯା ଵିଧାତୁଃ ।
ଊର୍ଵୋର୍ନିଧାଯ କରପଲ୍ଲଵରୋଚିଷା ଯତ୍
ସଂଲାଲିତଂ ହୃଦି ଵିଭୋରଭଵସ୍ଯ କୁର୍ଯାତ୍ ॥ ୨୩ ॥
ଲକ୍ଷ୍ମ୍ଯାଖିଲସ୍ଯ ସୁରଵନ୍ଦିତଯା ଵିଧାତୁଃ ।
ଊର୍ଵୋର୍ନିଧାଯ କରପଲ୍ଲଵରୋଚିଷା ଯତ୍
ସଂଲାଲିତଂ ହୃଦି ଵିଭୋରଭଵସ୍ଯ କୁର୍ଯାତ୍ ॥ ୨୩ ॥
ଊରୂ ସୁପର୍ଣଭୁଜଯୋରଧିଶୋଭମାନାଵ୍-
ଓଜୋନିଧୀ ଅତସିକାକୁସୁମାଵଭାସୌ ।
ଵ୍ଯାଲମ୍ବିପୀତଵରଵାସସି ଵର୍ତମାନ
କାଞ୍ଚୀକଲାପପରିରମ୍ଭି ନିତମ୍ବବିମ୍ବମ୍ ॥ ୨୪ ॥
ଓଜୋନିଧୀ ଅତସିକାକୁସୁମାଵଭାସୌ ।
ଵ୍ଯାଲମ୍ବିପୀତଵରଵାସସି ଵର୍ତମାନ
କାଞ୍ଚୀକଲାପପରିରମ୍ଭି ନିତମ୍ବବିମ୍ବମ୍ ॥ ୨୪ ॥
ନାଭିହ୍ରଦଂ ଭୁଵନକୋଶଗୁହୋଦରସ୍ଥଂ
ଯତ୍ରାତ୍ମଯୋନିଧିଷଣାଖିଲଲୋକପଦ୍ମମ୍ ।
ଵ୍ଯୂଢଂ ହରିନ୍ମଣିଵୃଷସ୍ତନଯୋରମୁଷ୍ଯ
ଧ୍ଯାଯେଦ୍ଦ୍ଵଯଂ ଵିଶଦହାରମଯୂଖଗୌରମ୍ ॥ ୨୫ ॥
ଯତ୍ରାତ୍ମଯୋନିଧିଷଣାଖିଲଲୋକପଦ୍ମମ୍ ।
ଵ୍ଯୂଢଂ ହରିନ୍ମଣିଵୃଷସ୍ତନଯୋରମୁଷ୍ଯ
ଧ୍ଯାଯେଦ୍ଦ୍ଵଯଂ ଵିଶଦହାରମଯୂଖଗୌରମ୍ ॥ ୨୫ ॥
ଵକ୍ଷୋଽଧିଵାସମୃଷଭସ୍ଯ ମହାଵିଭୂତେଃ
ପୁଂସାଂ ମନୋନଯନନିର୍ଵୃତିମାଦଧାନମ୍ ।
କଣ୍ଠଂ ଚ କୌସ୍ତୁଭମଣେରଧିଭୂଷଣାର୍ଥଂ
କୁର୍ଯାନ୍ମନସ୍ଯଖିଲଲୋକନମସ୍କୃତସ୍ଯ ॥ ୨୬ ॥
ପୁଂସାଂ ମନୋନଯନନିର୍ଵୃତିମାଦଧାନମ୍ ।
କଣ୍ଠଂ ଚ କୌସ୍ତୁଭମଣେରଧିଭୂଷଣାର୍ଥଂ
କୁର୍ଯାନ୍ମନସ୍ଯଖିଲଲୋକନମସ୍କୃତସ୍ଯ ॥ ୨୬ ॥
ବାହୂଂଶ୍ଚ ମନ୍ଦରଗିରେଃ ପରିଵର୍ତନେନ
ନିର୍ଣିକ୍ତବାହୁଵଲଯାନଧିଲୋକପାଲାନ୍ ।
ସଞ୍ଚିନ୍ତଯେଦ୍ଦଶଶତାରମସହ୍ଯତେଜଃ
ଶଙ୍ଖଂ ଚ ତତ୍କରସରୋରୁହରାଜହଂସମ୍ ॥ ୨୭ ॥
ନିର୍ଣିକ୍ତବାହୁଵଲଯାନଧିଲୋକପାଲାନ୍ ।
ସଞ୍ଚିନ୍ତଯେଦ୍ଦଶଶତାରମସହ୍ଯତେଜଃ
ଶଙ୍ଖଂ ଚ ତତ୍କରସରୋରୁହରାଜହଂସମ୍ ॥ ୨୭ ॥
କୌମୋଦକୀଂ ଭଗଵତୋ ଦଯିତାଂ ସ୍ମରେତ
ଦିଗ୍ଧାମରାତିଭଟଶୋଣିତକର୍ଦମେନ ।
ମାଲାଂ ମଧୁଵ୍ରତଵରୂଥଗିରୋପଘୁଷ୍ଟାଂ
ଚୈତ୍ଯସ୍ଯ ତତ୍ତ୍ଵମମଲଂ ମଣିମସ୍ଯ କଣ୍ଠେ ॥ ୨୮ ॥
ଦିଗ୍ଧାମରାତିଭଟଶୋଣିତକର୍ଦମେନ ।
ମାଲାଂ ମଧୁଵ୍ରତଵରୂଥଗିରୋପଘୁଷ୍ଟାଂ
ଚୈତ୍ଯସ୍ଯ ତତ୍ତ୍ଵମମଲଂ ମଣିମସ୍ଯ କଣ୍ଠେ ॥ ୨୮ ॥
ଭୃତ୍ଯାନୁକମ୍ପିତଧିଯେହ ଗୃହୀତମୂର୍ତେଃ
ସଞ୍ଚିନ୍ତଯେଦ୍ଭଗଵତୋ ଵଦନାରଵିନ୍ଦମ୍ ।
ଯଦ୍ଵିସ୍ଫୁରନ୍ମକରକୁଣ୍ଡଲଵଲ୍ଗିତେନ
ଵିଦ୍ଯୋତିତାମଲକପୋଲମୁଦାରନାସମ୍ ॥ ୨୯ ॥
ସଞ୍ଚିନ୍ତଯେଦ୍ଭଗଵତୋ ଵଦନାରଵିନ୍ଦମ୍ ।
ଯଦ୍ଵିସ୍ଫୁରନ୍ମକରକୁଣ୍ଡଲଵଲ୍ଗିତେନ
ଵିଦ୍ଯୋତିତାମଲକପୋଲମୁଦାରନାସମ୍ ॥ ୨୯ ॥
ଯଚ୍ଛ୍ରୀନିକେତମଲିଭିଃ ପରିସେଵ୍ଯମାନଂ
ଭୂତ୍ଯା ସ୍ଵଯା କୁଟିଲକୁନ୍ତଲଵୃନ୍ଦଜୁଷ୍ଟମ୍ ।
ମୀନଦ୍ଵଯାଶ୍ରଯମଧିକ୍ଷିପଦବ୍ଜନେତ୍ରଂ
ଧ୍ଯାଯେନ୍ମନୋମଯମତନ୍ଦ୍ରିତ ଉଲ୍ଲସଦ୍ଭ୍ରୁ ॥ ୩୦ ॥
ଭୂତ୍ଯା ସ୍ଵଯା କୁଟିଲକୁନ୍ତଲଵୃନ୍ଦଜୁଷ୍ଟମ୍ ।
ମୀନଦ୍ଵଯାଶ୍ରଯମଧିକ୍ଷିପଦବ୍ଜନେତ୍ରଂ
ଧ୍ଯାଯେନ୍ମନୋମଯମତନ୍ଦ୍ରିତ ଉଲ୍ଲସଦ୍ଭ୍ରୁ ॥ ୩୦ ॥
ତସ୍ଯାଵଲୋକମଧିକଂ କୃପଯାତିଘୋର-
ତାପତ୍ରଯୋପଶମନାଯ ନିସୃଷ୍ଟମକ୍ଷ୍ଣୋଃ ।
ସ୍ନିଗ୍ଧସ୍ମିତାନୁଗୁଣିତଂ ଵିପୁଲପ୍ରସାଦଂ
ଧ୍ଯାଯେଚ୍ଚିରଂ ଵିପୁଲଭାଵନଯା ଗୁହାଯାମ୍ ॥ ୩୧ ॥
ତାପତ୍ରଯୋପଶମନାଯ ନିସୃଷ୍ଟମକ୍ଷ୍ଣୋଃ ।
ସ୍ନିଗ୍ଧସ୍ମିତାନୁଗୁଣିତଂ ଵିପୁଲପ୍ରସାଦଂ
ଧ୍ଯାଯେଚ୍ଚିରଂ ଵିପୁଲଭାଵନଯା ଗୁହାଯାମ୍ ॥ ୩୧ ॥
ହାସଂ ହରେରଵନତାଖିଲଲୋକତୀଵ୍ର-
ଶୋକାଶ୍ରୁସାଗରଵିଶୋଷଣମତ୍ଯୁଦାରମ୍ ।
ସମ୍ମୋହନାଯ ରଚିତଂ ନିଜମାଯଯାସ୍ଯ
ଭ୍ରୂମଣ୍ଡଲଂ ମୁନିକୃତେ ମକରଧ୍ଵଜସ୍ଯ ॥ ୩୨ ॥
ଶୋକାଶ୍ରୁସାଗରଵିଶୋଷଣମତ୍ଯୁଦାରମ୍ ।
ସମ୍ମୋହନାଯ ରଚିତଂ ନିଜମାଯଯାସ୍ଯ
ଭ୍ରୂମଣ୍ଡଲଂ ମୁନିକୃତେ ମକରଧ୍ଵଜସ୍ଯ ॥ ୩୨ ॥
ଧ୍ଯାନାଯନଂ ପ୍ରହସିତଂ ବହୁଲାଧରୋଷ୍ଠ-
ଭାସାରୁଣାଯିତତନୁଦ୍ଵିଜକୁନ୍ଦପଙ୍କ୍ତି ।
ଧ୍ଯାଯେତ୍ସ୍ଵଦେହକୁହରେଽଵସିତସ୍ଯ ଵିଷ୍ଣୋର୍
ଭକ୍ତ୍ଯାର୍ଦ୍ରଯାର୍ପିତମନା ନ ପୃଥଗ୍ଦିଦୃକ୍ଷେତ୍ ॥ ୩୩ ॥
ଭାସାରୁଣାଯିତତନୁଦ୍ଵିଜକୁନ୍ଦପଙ୍କ୍ତି ।
ଧ୍ଯାଯେତ୍ସ୍ଵଦେହକୁହରେଽଵସିତସ୍ଯ ଵିଷ୍ଣୋର୍
ଭକ୍ତ୍ଯାର୍ଦ୍ରଯାର୍ପିତମନା ନ ପୃଥଗ୍ଦିଦୃକ୍ଷେତ୍ ॥ ୩୩ ॥
ଏଵଂ ହରୌ ଭଗଵତି ପ୍ରତିଲବ୍ଧଭାଵୋ
ଭକ୍ତ୍ଯା ଦ୍ରଵଦ୍ଧୃଦଯ ଉତ୍ପୁଲକଃ ପ୍ରମୋଦାତ୍ ।
ଔତ୍କଣ୍ଠ୍ଯବାଷ୍ପକଲଯା ମୁହୁରର୍ଦ୍ଯମାନସ୍
ତଚ୍ଚାପି ଚିତ୍ତବଡିଶଂ ଶନକୈର୍ଵିଯୁଙ୍କ୍ତେ ॥ ୩୪ ॥
ଭକ୍ତ୍ଯା ଦ୍ରଵଦ୍ଧୃଦଯ ଉତ୍ପୁଲକଃ ପ୍ରମୋଦାତ୍ ।
ଔତ୍କଣ୍ଠ୍ଯବାଷ୍ପକଲଯା ମୁହୁରର୍ଦ୍ଯମାନସ୍
ତଚ୍ଚାପି ଚିତ୍ତବଡିଶଂ ଶନକୈର୍ଵିଯୁଙ୍କ୍ତେ ॥ ୩୪ ॥
ମୁକ୍ତାଶ୍ରଯଂ ଯର୍ହି ନିର୍ଵିଷଯଂ ଵିରକ୍ତଂ
ନିର୍ଵାଣମୃଚ୍ଛତି ମନଃ ସହସା ଯଥାର୍ଚିଃ ।
ଆତ୍ମାନମତ୍ର ପୁରୁଷୋଽଵ୍ଯଵଧାନମେକମ୍
ଅନ୍ଵୀକ୍ଷତେ ପ୍ରତିନିଵୃତ୍ତଗୁଣପ୍ରଵାହଃ ॥ ୩୫ ॥
ନିର୍ଵାଣମୃଚ୍ଛତି ମନଃ ସହସା ଯଥାର୍ଚିଃ ।
ଆତ୍ମାନମତ୍ର ପୁରୁଷୋଽଵ୍ଯଵଧାନମେକମ୍
ଅନ୍ଵୀକ୍ଷତେ ପ୍ରତିନିଵୃତ୍ତଗୁଣପ୍ରଵାହଃ ॥ ୩୫ ॥
ସୋଽପ୍ଯେତଯା ଚରମଯା ମନସୋ ନିଵୃତ୍ତ୍ଯା
ତସ୍ମିନ୍ମହିମ୍ନ୍ଯଵସିତଃ ସୁଖଦୁଃଖବାହ୍ଯେ ।
ହେତୁତ୍ଵମପ୍ଯସତି କର୍ତରି ଦୁଃଖଯୋର୍ଯତ୍
ସ୍ଵାତ୍ମନ୍ଵିଧତ୍ତ ଉପଲବ୍ଧପରାତ୍ମକାଷ୍ଠଃ ॥ ୩୬ ॥
ତସ୍ମିନ୍ମହିମ୍ନ୍ଯଵସିତଃ ସୁଖଦୁଃଖବାହ୍ଯେ ।
ହେତୁତ୍ଵମପ୍ଯସତି କର୍ତରି ଦୁଃଖଯୋର୍ଯତ୍
ସ୍ଵାତ୍ମନ୍ଵିଧତ୍ତ ଉପଲବ୍ଧପରାତ୍ମକାଷ୍ଠଃ ॥ ୩୬ ॥
ଦେହଂ ଚ ତଂ ନ ଚରମଃ ସ୍ଥିତମୁତ୍ଥିତଂ ଵା
ସିଦ୍ଧୋ ଵିପଶ୍ଯତି ଯତୋଽଧ୍ଯଗମତ୍ସ୍ଵରୂପମ୍ ।
ଦୈଵାଦୁପେତମଥ ଦୈଵଵଶାଦପେତଂ
ଵାସୋ ଯଥା ପରିକୃତଂ ମଦିରାମଦାନ୍ଧଃ ॥ ୩୭ ॥
ସିଦ୍ଧୋ ଵିପଶ୍ଯତି ଯତୋଽଧ୍ଯଗମତ୍ସ୍ଵରୂପମ୍ ।
ଦୈଵାଦୁପେତମଥ ଦୈଵଵଶାଦପେତଂ
ଵାସୋ ଯଥା ପରିକୃତଂ ମଦିରାମଦାନ୍ଧଃ ॥ ୩୭ ॥
ଦେହୋଽପି ଦୈଵଵଶଗଃ ଖଲୁ କର୍ମ ଯାଵତ୍
ସ୍ଵାରମ୍ଭକଂ ପ୍ରତିସମୀକ୍ଷତ ଏଵ ସାସୁଃ ।
ତଂ ସପ୍ରପଞ୍ଚମଧିରୂଢସମାଧିଯୋଗଃ
ସ୍ଵାପ୍ନଂ ପୁନର୍ନ ଭଜତେ ପ୍ରତିବୁଦ୍ଧଵସ୍ତୁଃ ॥ ୩୮ ॥
ସ୍ଵାରମ୍ଭକଂ ପ୍ରତିସମୀକ୍ଷତ ଏଵ ସାସୁଃ ।
ତଂ ସପ୍ରପଞ୍ଚମଧିରୂଢସମାଧିଯୋଗଃ
ସ୍ଵାପ୍ନଂ ପୁନର୍ନ ଭଜତେ ପ୍ରତିବୁଦ୍ଧଵସ୍ତୁଃ ॥ ୩୮ ॥
ଯଥା ପୁତ୍ରାଚ୍ଚ ଵିତ୍ତାଚ୍ଚ ପୃଥଙ୍ମର୍ତ୍ଯଃ ପ୍ରତୀଯତେ ।
ଅପ୍ଯାତ୍ମତ୍ଵେନାଭିମତାଦ୍ଦେହାଦେଃ ପୁରୁଷସ୍ତଥା ॥ ୩୯ ॥
ଅପ୍ଯାତ୍ମତ୍ଵେନାଭିମତାଦ୍ଦେହାଦେଃ ପୁରୁଷସ୍ତଥା ॥ ୩୯ ॥
ଯଥୋଲ୍ମୁକାଦ୍ଵିସ୍ଫୁଲିଙ୍ଗାଦ୍ଧୂମାଦ୍ଵାପି ସ୍ଵସମ୍ଭଵାତ୍ ।
ଅପ୍ଯାତ୍ମତ୍ଵେନାଭିମତାଦ୍ଯଥାଗ୍ନିଃ ପୃଥଗୁଲ୍ମୁକାତ୍ ॥ ୪୦ ॥
ଅପ୍ଯାତ୍ମତ୍ଵେନାଭିମତାଦ୍ଯଥାଗ୍ନିଃ ପୃଥଗୁଲ୍ମୁକାତ୍ ॥ ୪୦ ॥
ଭୂତେନ୍ଦ୍ରିଯାନ୍ତଃକରଣାତ୍ପ୍ରଧାନାଜ୍ଜୀଵସଂଜ୍ଞିତାତ୍ ।
ଆତ୍ମା ତଥା ପୃଥଗ୍ଦ୍ରଷ୍ଟା ଭଗଵାନ୍ବ୍ରହ୍ମସଂଜ୍ଞିତଃ ॥ ୪୧ ॥
ଆତ୍ମା ତଥା ପୃଥଗ୍ଦ୍ରଷ୍ଟା ଭଗଵାନ୍ବ୍ରହ୍ମସଂଜ୍ଞିତଃ ॥ ୪୧ ॥
ସର୍ଵଭୂତେଷୁ ଚାତ୍ମାନଂ ସର୍ଵଭୂତାନି ଚାତ୍ମନି ।
ଈକ୍ଷେତାନନ୍ଯଭାଵେନ ଭୂତେଷ୍ଵିଵ ତଦାତ୍ମତାମ୍ ॥ ୪୨ ॥
ଈକ୍ଷେତାନନ୍ଯଭାଵେନ ଭୂତେଷ୍ଵିଵ ତଦାତ୍ମତାମ୍ ॥ ୪୨ ॥
ସ୍ଵଯୋନିଷୁ ଯଥା ଜ୍ଯୋତିରେକଂ ନାନା ପ୍ରତୀଯତେ ।
ଯୋନୀନାଂ ଗୁଣଵୈଷମ୍ଯାତ୍ତଥାତ୍ମା ପ୍ରକୃତୌ ସ୍ଥିତଃ ॥ ୪୩ ॥
ଯୋନୀନାଂ ଗୁଣଵୈଷମ୍ଯାତ୍ତଥାତ୍ମା ପ୍ରକୃତୌ ସ୍ଥିତଃ ॥ ୪୩ ॥
ତସ୍ମାଦିମାଂ ସ୍ଵାଂ ପ୍ରକୃତିଂ ଦୈଵୀଂ ସଦସଦାତ୍ମିକାମ୍ ।
ଦୁର୍ଵିଭାଵ୍ଯାଂ ପରାଭାଵ୍ଯ ସ୍ଵରୂପେଣାଵତିଷ୍ଠତେ ॥ ୪୪ ॥
ଦୁର୍ଵିଭାଵ୍ଯାଂ ପରାଭାଵ୍ଯ ସ୍ଵରୂପେଣାଵତିଷ୍ଠତେ ॥ ୪୪ ॥