ମୈତ୍ରେଯ ଉଵାଚ
ଏଵଂ ନିଶମ୍ଯ କପିଲସ୍ଯ ଵଚୋ ଜନିତ୍ରୀ
ସା କର୍ଦମସ୍ଯ ଦଯିତା କିଲ ଦେଵହୂତିଃ ।
ଵିସ୍ରସ୍ତମୋହପଟଲା ତମଭିପ୍ରଣମ୍ଯ
ତୁଷ୍ଟାଵ ତତ୍ତ୍ଵଵିଷଯାଙ୍କିତସିଦ୍ଧିଭୂମିମ୍ ॥ ୧ ॥
ଏଵଂ ନିଶମ୍ଯ କପିଲସ୍ଯ ଵଚୋ ଜନିତ୍ରୀ
ସା କର୍ଦମସ୍ଯ ଦଯିତା କିଲ ଦେଵହୂତିଃ ।
ଵିସ୍ରସ୍ତମୋହପଟଲା ତମଭିପ୍ରଣମ୍ଯ
ତୁଷ୍ଟାଵ ତତ୍ତ୍ଵଵିଷଯାଙ୍କିତସିଦ୍ଧିଭୂମିମ୍ ॥ ୧ ॥
ଦେଵହୂତିରୁଵାଚ
ଅଥାପ୍ଯଜୋଽନ୍ତଃସଲିଲେ ଶଯାନଂ
ଭୂତେନ୍ଦ୍ରିଯାର୍ଥାତ୍ମମଯଂ ଵପୁସ୍ତେ ।
ଗୁଣପ୍ରଵାହଂ ସଦଶେଷବୀଜଂ
ଦଧ୍ଯୌ ସ୍ଵଯଂ ଯଜ୍ଜଠରାବ୍ଜଜାତଃ ॥ ୨ ॥
ଅଥାପ୍ଯଜୋଽନ୍ତଃସଲିଲେ ଶଯାନଂ
ଭୂତେନ୍ଦ୍ରିଯାର୍ଥାତ୍ମମଯଂ ଵପୁସ୍ତେ ।
ଗୁଣପ୍ରଵାହଂ ସଦଶେଷବୀଜଂ
ଦଧ୍ଯୌ ସ୍ଵଯଂ ଯଜ୍ଜଠରାବ୍ଜଜାତଃ ॥ ୨ ॥
ସ ଏଵ ଵିଶ୍ଵସ୍ଯ ଭଵାନ୍ଵିଧତ୍ତେ
ଗୁଣପ୍ରଵାହେଣ ଵିଭକ୍ତଵୀର୍ଯଃ ।
ସର୍ଗାଦ୍ଯନୀହୋଽଵିତଥାଭିସନ୍ଧିର୍
ଆତ୍ମେଶ୍ଵରୋଽତର୍କ୍ଯସହସ୍ରଶକ୍ତିଃ ॥ ୩ ॥
ଗୁଣପ୍ରଵାହେଣ ଵିଭକ୍ତଵୀର୍ଯଃ ।
ସର୍ଗାଦ୍ଯନୀହୋଽଵିତଥାଭିସନ୍ଧିର୍
ଆତ୍ମେଶ୍ଵରୋଽତର୍କ୍ଯସହସ୍ରଶକ୍ତିଃ ॥ ୩ ॥
ସ ତ୍ଵଂ ଭୃତୋ ମେ ଜଠରେଣ ନାଥ
କଥଂ ନୁ ଯସ୍ଯୋଦର ଏତଦାସୀତ୍ ।
ଵିଶ୍ଵଂ ଯୁଗାନ୍ତେ ଵଟପତ୍ର ଏକଃ
ଶେତେ ସ୍ମ ମାଯା-ଶିଶୁରଙ୍ଘ୍ରିପାନଃ ॥ ୪ ॥
କଥଂ ନୁ ଯସ୍ଯୋଦର ଏତଦାସୀତ୍ ।
ଵିଶ୍ଵଂ ଯୁଗାନ୍ତେ ଵଟପତ୍ର ଏକଃ
ଶେତେ ସ୍ମ ମାଯା-ଶିଶୁରଙ୍ଘ୍ରିପାନଃ ॥ ୪ ॥
ତ୍ଵଂ ଦେହତନ୍ତ୍ରଃ ପ୍ରଶମାଯ ପାପ୍ମନାଂ
ନିଦେଶଭାଜାଂ ଚ ଵିଭୋ ଵିଭୂତଯେ ।
ଯଥାଵତାରାସ୍ତଵ ସୂକରାଦଯସ୍
ତଥାଯମପ୍ଯାତ୍ମପଥୋପଲବ୍ଧଯେ ॥ ୫ ॥
ନିଦେଶଭାଜାଂ ଚ ଵିଭୋ ଵିଭୂତଯେ ।
ଯଥାଵତାରାସ୍ତଵ ସୂକରାଦଯସ୍
ତଥାଯମପ୍ଯାତ୍ମପଥୋପଲବ୍ଧଯେ ॥ ୫ ॥
ଯନ୍ନାମଧେଯଶ୍ରଵଣାନୁକୀର୍ତନାଦ୍
ଯତ୍ପ୍ରହ୍ଵଣାଦ୍ଯତ୍ସ୍ମରଣାଦପି କ୍ଵଚିତ୍ ।
ଶ୍ଵାଦୋଽପି ସଦ୍ଯଃ ସଵନାଯ କଲ୍ପତେ
କୁତଃ ପୁନସ୍ତେ ଭଗଵନ୍ନୁ ଦର୍ଶନାତ୍ ॥ ୬ ॥
ଯତ୍ପ୍ରହ୍ଵଣାଦ୍ଯତ୍ସ୍ମରଣାଦପି କ୍ଵଚିତ୍ ।
ଶ୍ଵାଦୋଽପି ସଦ୍ଯଃ ସଵନାଯ କଲ୍ପତେ
କୁତଃ ପୁନସ୍ତେ ଭଗଵନ୍ନୁ ଦର୍ଶନାତ୍ ॥ ୬ ॥
ଅହୋ ବତ ଶ୍ଵପଚୋଽତୋ ଗରୀଯାନ୍
ଯଜ୍ଜିହ୍ଵାଗ୍ରେ ଵର୍ତତେ ନାମ ତୁଭ୍ଯମ୍ ।
ତେପୁସ୍ତପସ୍ତେ ଜୁହୁଵୁଃ ସସ୍ନୁରାର୍ଯା
ବ୍ରହ୍ମାନୂଚୁର୍ନାମ ଗୃଣନ୍ତି ଯେ ତେ ॥ ୭ ॥
ଯଜ୍ଜିହ୍ଵାଗ୍ରେ ଵର୍ତତେ ନାମ ତୁଭ୍ଯମ୍ ।
ତେପୁସ୍ତପସ୍ତେ ଜୁହୁଵୁଃ ସସ୍ନୁରାର୍ଯା
ବ୍ରହ୍ମାନୂଚୁର୍ନାମ ଗୃଣନ୍ତି ଯେ ତେ ॥ ୭ ॥
ତଂ ତ୍ଵାମହଂ ବ୍ରହ୍ମ ପରଂ ପୁମାଂସଂ
ପ୍ରତ୍ଯକ୍ସ୍ରୋତସ୍ଯାତ୍ମନି ସଂଵିଭାଵ୍ଯମ୍ ।
ସ୍ଵତେଜସା ଧ୍ଵସ୍ତଗୁଣପ୍ରଵାହଂ
ଵନ୍ଦେ ଵିଷ୍ଣୁଂ କପିଲଂ ଵେଦଗର୍ଭମ୍ ॥ ୮ ॥
ପ୍ରତ୍ଯକ୍ସ୍ରୋତସ୍ଯାତ୍ମନି ସଂଵିଭାଵ୍ଯମ୍ ।
ସ୍ଵତେଜସା ଧ୍ଵସ୍ତଗୁଣପ୍ରଵାହଂ
ଵନ୍ଦେ ଵିଷ୍ଣୁଂ କପିଲଂ ଵେଦଗର୍ଭମ୍ ॥ ୮ ॥
ମୈତ୍ରେଯ ଉଵାଚ
ଈଡିତୋ ଭଗଵାନେଵଂ କପିଲାଖ୍ଯଃ ପରଃ ପୁମାନ୍ ।
ଵାଚାଵିକ୍ଲଵଯେତ୍ଯାହ ମାତରଂ ମାତୃଵତ୍ସଲଃ ॥ ୯ ॥
ଈଡିତୋ ଭଗଵାନେଵଂ କପିଲାଖ୍ଯଃ ପରଃ ପୁମାନ୍ ।
ଵାଚାଵିକ୍ଲଵଯେତ୍ଯାହ ମାତରଂ ମାତୃଵତ୍ସଲଃ ॥ ୯ ॥
କପିଲ ଉଵାଚ
ମାର୍ଗେଣାନେନ ମାତସ୍ତେ ସୁସେଵ୍ଯେନୋଦିତେନ ମେ ।
ଆସ୍ଥିତେନ ପରାଂ କାଷ୍ଠାମଚିରାଦଵରୋତ୍ସ୍ଯସି ॥ ୧୦ ॥
ମାର୍ଗେଣାନେନ ମାତସ୍ତେ ସୁସେଵ୍ଯେନୋଦିତେନ ମେ ।
ଆସ୍ଥିତେନ ପରାଂ କାଷ୍ଠାମଚିରାଦଵରୋତ୍ସ୍ଯସି ॥ ୧୦ ॥
ଶ୍ରଦ୍ଧତ୍ସ୍ଵୈତନ୍ମତଂ ମହ୍ଯଂ ଜୁଷ୍ଟଂ ଯଦ୍ବ୍ରହ୍ମଵାଦିଭିଃ ।
ଯେନ ମାମଭଯଂ ଯାଯା ମୃତ୍ଯୁମୃଚ୍ଛନ୍ତ୍ଯତଦ୍ଵିଦଃ ॥ ୧୧ ॥
ଯେନ ମାମଭଯଂ ଯାଯା ମୃତ୍ଯୁମୃଚ୍ଛନ୍ତ୍ଯତଦ୍ଵିଦଃ ॥ ୧୧ ॥
ମୈତ୍ରେଯ ଉଵାଚ
ଇତି ପ୍ରଦର୍ଶ୍ଯ ଭଗଵାନ୍ସତୀଂ ତାମାତ୍ମନୋ ଗତିମ୍ ।
ସ୍ଵମାତ୍ରା ବ୍ରହ୍ମଵାଦିନ୍ଯା କପିଲୋଽନୁମତୋ ଯଯୌ ॥ ୧୨ ॥
ଇତି ପ୍ରଦର୍ଶ୍ଯ ଭଗଵାନ୍ସତୀଂ ତାମାତ୍ମନୋ ଗତିମ୍ ।
ସ୍ଵମାତ୍ରା ବ୍ରହ୍ମଵାଦିନ୍ଯା କପିଲୋଽନୁମତୋ ଯଯୌ ॥ ୧୨ ॥
ସା ଚାପି ତନଯୋକ୍ତେନ ଯୋଗାଦେଶେନ ଯୋଗଯୁକ୍ ।
ତସ୍ମିନ୍ନାଶ୍ରମ ଆପୀଡେ ସରସ୍ଵତ୍ଯାଃ ସମାହିତା ॥ ୧୩ ॥
ତସ୍ମିନ୍ନାଶ୍ରମ ଆପୀଡେ ସରସ୍ଵତ୍ଯାଃ ସମାହିତା ॥ ୧୩ ॥
ଅଭୀକ୍ଷ୍ଣାଵଗାହକପିଶାନ୍ଜଟିଲାନ୍କୁଟିଲାଲକାନ୍ ।
ଆତ୍ମାନଂ ଚୋଗ୍ରତପସା ବିଭ୍ରତୀ ଚୀରିଣଂ କୃଶମ୍ ॥ ୧୪ ॥
ଆତ୍ମାନଂ ଚୋଗ୍ରତପସା ବିଭ୍ରତୀ ଚୀରିଣଂ କୃଶମ୍ ॥ ୧୪ ॥
ପ୍ରଜାପତେଃ କର୍ଦମସ୍ଯ ତପୋଯୋଗଵିଜୃମ୍ଭିତମ୍ ।
ସ୍ଵଗାର୍ହସ୍ଥ୍ଯମନୌପମ୍ଯଂ ପ୍ରାର୍ଥ୍ଯଂ ଵୈମାନିକୈରପି ॥ ୧୫ ॥
ସ୍ଵଗାର୍ହସ୍ଥ୍ଯମନୌପମ୍ଯଂ ପ୍ରାର୍ଥ୍ଯଂ ଵୈମାନିକୈରପି ॥ ୧୫ ॥
ପଯଃଫେନନିଭାଃ ଶଯ୍ଯା ଦାନ୍ତା ରୁକ୍ମପରିଚ୍ଛଦାଃ ।
ଆସନାନି ଚ ହୈମାନି ସୁସ୍ପର୍ଶାସ୍ତରଣାନି ଚ ॥ ୧୬ ॥
ଆସନାନି ଚ ହୈମାନି ସୁସ୍ପର୍ଶାସ୍ତରଣାନି ଚ ॥ ୧୬ ॥
ସ୍ଵଚ୍ଛସ୍ଫଟିକକୁଡ୍ଯେଷୁ ମହାମାରକତେଷୁ ଚ ।
ରତ୍ନପ୍ରଦୀପା ଆଭାନ୍ତି ଲଲନା ରତ୍ନସଂଯୁତାଃ ॥ ୧୭ ॥
ରତ୍ନପ୍ରଦୀପା ଆଭାନ୍ତି ଲଲନା ରତ୍ନସଂଯୁତାଃ ॥ ୧୭ ॥
ଗୃହୋଦ୍ଯାନଂ କୁସୁମିତୈ ରମ୍ଯଂ ବହ୍ଵମରଦ୍ରୁମୈଃ ।
କୂଜଦ୍ଵିହଙ୍ଗମିଥୁନଂ ଗାଯନ୍ମତ୍ତମଧୁଵ୍ରତମ୍ ॥ ୧୮ ॥
କୂଜଦ୍ଵିହଙ୍ଗମିଥୁନଂ ଗାଯନ୍ମତ୍ତମଧୁଵ୍ରତମ୍ ॥ ୧୮ ॥
ଯତ୍ର ପ୍ରଵିଷ୍ଟମାତ୍ମାନଂ ଵିବୁଧାନୁଚରା ଜଗୁଃ ।
ଵାପ୍ଯାମୁତ୍ପଲଗନ୍ଧିନ୍ଯାଂ
କର୍ଦମେନୋପଲାଲିତମ୍ ॥ ୧୯ ॥
ଵାପ୍ଯାମୁତ୍ପଲଗନ୍ଧିନ୍ଯାଂ
କର୍ଦମେନୋପଲାଲିତମ୍ ॥ ୧୯ ॥
ହିତ୍ଵା ତଦୀପ୍ସିତତମମପ୍ଯାଖଣ୍ଡଲଯୋଷିତାମ୍ ।
କିଞ୍ଚିଚ୍ଚକାର ଵଦନଂ ପୁତ୍ରଵିଶ୍ଲେଷଣାତୁରା ॥ ୨୦ ॥
କିଞ୍ଚିଚ୍ଚକାର ଵଦନଂ ପୁତ୍ରଵିଶ୍ଲେଷଣାତୁରା ॥ ୨୦ ॥
ଵନଂ ପ୍ରଵ୍ରଜିତେ ପତ୍ଯାଵପତ୍ଯଵିରହାତୁରା ।
ଜ୍ଞାତତତ୍ତ୍ଵାପ୍ଯଭୂନ୍ନଷ୍ଟେ ଵତ୍ସେ ଗୌରିଵ ଵତ୍ସଲା ॥ ୨୧ ॥
ଜ୍ଞାତତତ୍ତ୍ଵାପ୍ଯଭୂନ୍ନଷ୍ଟେ ଵତ୍ସେ ଗୌରିଵ ଵତ୍ସଲା ॥ ୨୧ ॥
ତମେଵ ଧ୍ଯାଯତୀ ଦେଵମପତ୍ଯଂ କପିଲଂ ହରିମ୍ ।
ବଭୂଵାଚିରତୋ ଵତ୍ସ ନିଃସ୍ପୃହା ତାଦୃଶେ ଗୃହେ ॥ ୨୨ ॥
ବଭୂଵାଚିରତୋ ଵତ୍ସ ନିଃସ୍ପୃହା ତାଦୃଶେ ଗୃହେ ॥ ୨୨ ॥
ଧ୍ଯାଯତୀ ଭଗଵଦ୍ରୂପଂ ଯଦାହ ଧ୍ଯାନଗୋଚରମ୍ ।
ସୁତଃ ପ୍ରସନ୍ନଵଦନଂ ସମସ୍ତଵ୍ଯସ୍ତଚିନ୍ତଯା ॥ ୨୩ ॥
ସୁତଃ ପ୍ରସନ୍ନଵଦନଂ ସମସ୍ତଵ୍ଯସ୍ତଚିନ୍ତଯା ॥ ୨୩ ॥
ଭକ୍ତିପ୍ରଵାହଯୋଗେନ ଵୈରାଗ୍ଯେଣ ବଲୀଯସା ।
ଯୁକ୍ତାନୁଷ୍ଠାନଜାତେନ ଜ୍ଞାନେନ ବ୍ରହ୍ମହେତୁନା ॥ ୨୪ ॥
ଯୁକ୍ତାନୁଷ୍ଠାନଜାତେନ ଜ୍ଞାନେନ ବ୍ରହ୍ମହେତୁନା ॥ ୨୪ ॥
ଵିଶୁଦ୍ଧେନ ତଦାତ୍ମାନମାତ୍ମନା ଵିଶ୍ଵତୋମୁଖମ୍ ।
ସ୍ଵାନୁଭୂତ୍ଯା ତିରୋଭୂତମାଯାଗୁଣଵିଶେଷଣମ୍ ॥ ୨୫ ॥
ସ୍ଵାନୁଭୂତ୍ଯା ତିରୋଭୂତମାଯାଗୁଣଵିଶେଷଣମ୍ ॥ ୨୫ ॥
ବ୍ରହ୍ମଣ୍ଯଵସ୍ଥିତମତିର୍ଭଗଵତ୍ଯାତ୍ମସଂଶ୍ରଯେ ।
ନିଵୃତ୍ତଜୀଵାପତ୍ତିତ୍ଵାତ୍କ୍ଷୀଣକ୍ଲେଶାପ୍ତନିର୍ଵୃତିଃ ॥ ୨୬ ॥
ନିଵୃତ୍ତଜୀଵାପତ୍ତିତ୍ଵାତ୍କ୍ଷୀଣକ୍ଲେଶାପ୍ତନିର୍ଵୃତିଃ ॥ ୨୬ ॥
ନିତ୍ଯାରୂଢସମାଧିତ୍ଵାତ୍ପରାଵୃତ୍ତଗୁଣଭ୍ରମା ।
ନ ସସ୍ମାର ତଦାତ୍ମାନଂ ସ୍ଵପ୍ନେ ଦୃଷ୍ଟମିଵୋତ୍ଥିତଃ ॥ ୨୭ ॥
ନ ସସ୍ମାର ତଦାତ୍ମାନଂ ସ୍ଵପ୍ନେ ଦୃଷ୍ଟମିଵୋତ୍ଥିତଃ ॥ ୨୭ ॥
ତଦ୍ଦେହଃ ପରତଃ ପୋଷୋଽପ୍ଯକୃଶଶ୍ଚାଧ୍ଯସମ୍ଭଵାତ୍ ।
ବଭୌ ମଲୈରଵଚ୍ଛନ୍ନଃ ସଧୂମ ଇଵ ପାଵକଃ ॥ ୨୮ ॥
ବଭୌ ମଲୈରଵଚ୍ଛନ୍ନଃ ସଧୂମ ଇଵ ପାଵକଃ ॥ ୨୮ ॥
ସ୍ଵାଙ୍ଗଂ ତପୋଯୋଗମଯଂ ମୁକ୍ତକେଶଂ ଗତାମ୍ବରମ୍ ।
ଦୈଵଗୁପ୍ତଂ ନ ବୁବୁଧେ ଵାସୁଦେଵପ୍ରଵିଷ୍ଟଧୀଃ ॥ ୨୯ ॥
ଦୈଵଗୁପ୍ତଂ ନ ବୁବୁଧେ ଵାସୁଦେଵପ୍ରଵିଷ୍ଟଧୀଃ ॥ ୨୯ ॥
ଏଵଂ ସା କପିଲୋକ୍ତେନ ମାର୍ଗେଣାଚିରତଃ ପରମ୍ ।
ଆତ୍ମାନଂ ବ୍ରହ୍ମନିର୍ଵାଣଂ ଭଗଵନ୍ତମଵାପ ହ ॥ ୩୦ ॥
ଆତ୍ମାନଂ ବ୍ରହ୍ମନିର୍ଵାଣଂ ଭଗଵନ୍ତମଵାପ ହ ॥ ୩୦ ॥
ତଦ୍ଵୀରାସୀତ୍ପୁଣ୍ଯତମଂ କ୍ଷେତ୍ରଂ ତ୍ରୈଲୋକ୍ଯଵିଶ୍ରୁତମ୍ ।
ନାମ୍ନା ସିଦ୍ଧପଦଂ ଯତ୍ର ସା ସଂସିଦ୍ଧିମୁପେଯୁଷୀ ॥ ୩୧ ॥
ନାମ୍ନା ସିଦ୍ଧପଦଂ ଯତ୍ର ସା ସଂସିଦ୍ଧିମୁପେଯୁଷୀ ॥ ୩୧ ॥
ତସ୍ଯାସ୍ତଦ୍ଯୋଗଵିଧୁତମାର୍ତ୍ଯଂ ମର୍ତ୍ଯମଭୂତ୍ସରିତ୍ ।
ସ୍ରୋତସାଂ ପ୍ରଵରା ସୌମ୍ଯ ସିଦ୍ଧିଦା ସିଦ୍ଧସେଵିତା ॥ ୩୨ ॥
ସ୍ରୋତସାଂ ପ୍ରଵରା ସୌମ୍ଯ ସିଦ୍ଧିଦା ସିଦ୍ଧସେଵିତା ॥ ୩୨ ॥
କପିଲୋଽପି ମହାଯୋଗୀ ଭଗଵାନ୍ପିତୁରାଶ୍ରମାତ୍ ।
ମାତରଂ ସମନୁଜ୍ଞାପ୍ଯ ପ୍ରାଗୁଦୀଚୀଂ ଦିଶଂ ଯଯୌ ॥ ୩୩ ॥
ମାତରଂ ସମନୁଜ୍ଞାପ୍ଯ ପ୍ରାଗୁଦୀଚୀଂ ଦିଶଂ ଯଯୌ ॥ ୩୩ ॥
ସିଦ୍ଧଚାରଣଗନ୍ଧର୍ଵୈର୍ମୁନିଭିଶ୍ଚାପ୍ସରୋଗଣୈଃ ।
ସ୍ତୂଯମାନଃ ସମୁଦ୍ରେଣ ଦତ୍ତାର୍ହଣନିକେତନଃ ॥ ୩୪ ॥
ସ୍ତୂଯମାନଃ ସମୁଦ୍ରେଣ ଦତ୍ତାର୍ହଣନିକେତନଃ ॥ ୩୪ ॥
ଆସ୍ତେ ଯୋଗଂ ସମାସ୍ଥାଯ ସାଙ୍ଖ୍ଯାଚାର୍ଯୈରଭିଷ୍ଟୁତଃ ।
ତ୍ରଯାଣାମପି ଲୋକାନାମୁପଶାନ୍ତ୍ଯୈ ସମାହିତଃ ॥ ୩୫ ॥
ତ୍ରଯାଣାମପି ଲୋକାନାମୁପଶାନ୍ତ୍ଯୈ ସମାହିତଃ ॥ ୩୫ ॥
ଏତନ୍ନିଗଦିତଂ ତାତ ଯତ୍ପୃଷ୍ଟୋଽହଂ ତଵାନଘ ।
କପିଲସ୍ଯ ଚ ସଂଵାଦୋ ଦେଵହୂତ୍ଯାଶ୍ଚ ପାଵନଃ ॥ ୩୬ ॥
କପିଲସ୍ଯ ଚ ସଂଵାଦୋ ଦେଵହୂତ୍ଯାଶ୍ଚ ପାଵନଃ ॥ ୩୬ ॥
ଯ ଇଦମନୁଶୃଣୋତି ଯୋଽଭିଧତ୍ତେ
କପିଲମୁନେର୍ମତମାତ୍ମଯୋଗଗୁହ୍ଯମ୍ ।
ଭଗଵତି କୃତଧୀଃ ସୁପର୍ଣକେତାଵ୍
ଉପଲଭତେ ଭଗଵତ୍ପଦାରଵିନ୍ଦମ୍ ॥ ୩୭ ॥
କପିଲମୁନେର୍ମତମାତ୍ମଯୋଗଗୁହ୍ଯମ୍ ।
ଭଗଵତି କୃତଧୀଃ ସୁପର୍ଣକେତାଵ୍
ଉପଲଭତେ ଭଗଵତ୍ପଦାରଵିନ୍ଦମ୍ ॥ ୩୭ ॥