উদ্ধব উবাচ
অথ তে তদনুজ্ঞাতা ভুক্ত্বা পীত্বা চ বারুণীম্ ।
তযা বিভ্রংশিতজ্ঞানা দুরুক্তৈর্মর্ম পস্পৃশঃ ॥ ১ ॥
অথ তে তদনুজ্ঞাতা ভুক্ত্বা পীত্বা চ বারুণীম্ ।
তযা বিভ্রংশিতজ্ঞানা দুরুক্তৈর্মর্ম পস্পৃশঃ ॥ ১ ॥
তেষাং মৈরেযদোষেণ বিষমীকৃতচেতসাম্ ।
নিম্লোচতি রবাবাসীদ্বেণূনামিব মর্দনম্ ॥ ২ ॥
নিম্লোচতি রবাবাসীদ্বেণূনামিব মর্দনম্ ॥ ২ ॥
ভগবান্ স্বাত্মমাযাযা গতিং তামবলোক্য সঃ ।
সরস্বতীমুপস্পৃশ্য বৃক্ষমূলমুপাবিশত্ ॥ ৩ ॥
সরস্বতীমুপস্পৃশ্য বৃক্ষমূলমুপাবিশত্ ॥ ৩ ॥
অহং চোক্তো ভগবতা প্রপন্নার্তিহরেণ হ ।
বদরীং ত্বং প্রযাহীতি স্বকুলং সংজিহীর্ষুণা ॥ ৪ ॥
বদরীং ত্বং প্রযাহীতি স্বকুলং সংজিহীর্ষুণা ॥ ৪ ॥
তথাপি তদভিপ্রেতং জানন্নহমরিন্দম ।
পৃষ্ঠতোঽন্বগমং ভর্তুঃ পাদবিশ্লেষণাক্ষমঃ ॥ ৫ ॥
পৃষ্ঠতোঽন্বগমং ভর্তুঃ পাদবিশ্লেষণাক্ষমঃ ॥ ৫ ॥
অদ্রাক্ষমেকমাসীনং বিচিন্বন্ দযিতং পতিম্ ।
শ্রীনিকেতং সরস্বত্যাং কৃতকেতমকেতনম্ ॥ ৬ ॥
শ্রীনিকেতং সরস্বত্যাং কৃতকেতমকেতনম্ ॥ ৬ ॥
শ্যামাবদাতং বিরজং প্রশান্তারুণলোচনম্ ।
দোর্ভিশ্চতুর্ভির্বিদিতং পীতকৌশাম্বরেণ চ ॥ ৭ ॥
দোর্ভিশ্চতুর্ভির্বিদিতং পীতকৌশাম্বরেণ চ ॥ ৭ ॥
বাম ঊরাবধিশ্রিত্য দক্ষিণাঙ্ঘ্রি সরোরুহম্ ।
অপাশ্রিতার্ভকাশ্বত্থমকৃশং ত্যক্তপিপ্পলম্ ॥ ৮ ॥
অপাশ্রিতার্ভকাশ্বত্থমকৃশং ত্যক্তপিপ্পলম্ ॥ ৮ ॥
তস্মিন্মহাভাগবতো দ্বৈপাযনসুহৃত্সখা ।
লোকাননুচরন্ সিদ্ধ আসসাদ যদৃচ্ছযা ॥ ৯ ॥
লোকাননুচরন্ সিদ্ধ আসসাদ যদৃচ্ছযা ॥ ৯ ॥
তস্যানুরক্তস্য মুনের্মুকুন্দঃ
প্রমোদভাবানতকন্ধরস্য ।
আশৃণ্বতো মামনুরাগহাস-
সমীক্ষযা বিশ্রমযন্নুবাচ ॥ ১০ ॥
প্রমোদভাবানতকন্ধরস্য ।
আশৃণ্বতো মামনুরাগহাস-
সমীক্ষযা বিশ্রমযন্নুবাচ ॥ ১০ ॥
শ্রী ভগবানুবাচ
বেদাহমন্তর্মনসীপ্সিতং তে
দদামি যত্তদ্ দুরবাপমন্যৈঃ ।
সত্রে পুরা বিশ্বসৃজাং বসূনাং
মত্সিদ্ধিকামেন বসো ত্বযেষ্টঃ ॥ ১১ ॥
বেদাহমন্তর্মনসীপ্সিতং তে
দদামি যত্তদ্ দুরবাপমন্যৈঃ ।
সত্রে পুরা বিশ্বসৃজাং বসূনাং
মত্সিদ্ধিকামেন বসো ত্বযেষ্টঃ ॥ ১১ ॥
স এষ সাধো চরমো ভবানা-
মাসাদিতস্তে মদনুগ্রহো যত্ ।
যন্মাং নৃলোকান্ রহ উত্সৃজন্তং
দিষ্টযা দদৃশ্বান্ বিশদানুবৃত্ত্যা ॥ ১২ ॥
মাসাদিতস্তে মদনুগ্রহো যত্ ।
যন্মাং নৃলোকান্ রহ উত্সৃজন্তং
দিষ্টযা দদৃশ্বান্ বিশদানুবৃত্ত্যা ॥ ১২ ॥
পুরা মযা প্রোক্তমজায নাভ্যে
পদ্মে নিষণ্ণায মমাদিসর্গে ।
জ্ঞানং পরং মন্মহিমাবভাসং
যত্সূরযো ভাগবতং বদন্তি ॥ ১৩ ॥
পদ্মে নিষণ্ণায মমাদিসর্গে ।
জ্ঞানং পরং মন্মহিমাবভাসং
যত্সূরযো ভাগবতং বদন্তি ॥ ১৩ ॥
ইত্যাদৃতোক্তঃ পরমস্য পুংসঃ
প্রতিক্ষণানুগ্রহভাজনোঽহম্ ।
স্নেহোত্থরোমা স্খলিতাক্ষরস্তং
মুঞ্চঞ্ছুচঃ প্রাঞ্জলিরাবভাষে ॥ ১৪ ॥
প্রতিক্ষণানুগ্রহভাজনোঽহম্ ।
স্নেহোত্থরোমা স্খলিতাক্ষরস্তং
মুঞ্চঞ্ছুচঃ প্রাঞ্জলিরাবভাষে ॥ ১৪ ॥
কো ন্বীশ তে পাদসরোজভাজাং
সুদুর্লভোঽর্থেষু চতুর্ষ্বপীহ ।
তথাপি নাহং প্রবৃণোমি ভূমন্
ভবত্পদাম্ভোজনিষেবণোত্সুকঃ ॥ ১৫ ॥
সুদুর্লভোঽর্থেষু চতুর্ষ্বপীহ ।
তথাপি নাহং প্রবৃণোমি ভূমন্
ভবত্পদাম্ভোজনিষেবণোত্সুকঃ ॥ ১৫ ॥
কর্মাণ্যনীহস্য ভবোঽভবস্য তে
দুর্গাশ্রযোঽথারিভযাত্পলাযনম্ ।
কালাত্মনো যত্প্রমদাযুতাশ্রমঃ
স্বাত্মন্রতেঃ খিদ্যতি ধীর্বিদামিহ ॥ ১৬ ॥
দুর্গাশ্রযোঽথারিভযাত্পলাযনম্ ।
কালাত্মনো যত্প্রমদাযুতাশ্রমঃ
স্বাত্মন্রতেঃ খিদ্যতি ধীর্বিদামিহ ॥ ১৬ ॥
মন্ত্রেষু মাং বা উপহূয যত্ত্ব-
মকুণ্ঠিতাখণ্ডসদাত্মবোধঃ ।
পৃচ্ছেঃ প্রভো মুগ্ধ ইবাপ্রমত্ত-
স্তন্নো মনো মোহযতীব দেব ॥ ১৭ ॥
মকুণ্ঠিতাখণ্ডসদাত্মবোধঃ ।
পৃচ্ছেঃ প্রভো মুগ্ধ ইবাপ্রমত্ত-
স্তন্নো মনো মোহযতীব দেব ॥ ১৭ ॥
জ্ঞানং পরং স্বাত্মরহঃপ্রকাশং
প্রোবাচ কস্মৈ ভগবান্ সমগ্রম্ ।
অপি ক্ষমং নো গ্রহণায ভর্ত-
র্বদাঞ্জসা যদ্ বৃজিনং তরেম ॥ ১৮ ॥
প্রোবাচ কস্মৈ ভগবান্ সমগ্রম্ ।
অপি ক্ষমং নো গ্রহণায ভর্ত-
র্বদাঞ্জসা যদ্ বৃজিনং তরেম ॥ ১৮ ॥
ইত্যাবেদিতহার্দায মহ্যং স ভগবান্ পরঃ ।
আদিদেশারবিন্দাক্ষ আত্মনঃ পরমাং স্থিতিম্ ॥ ১৯ ॥
আদিদেশারবিন্দাক্ষ আত্মনঃ পরমাং স্থিতিম্ ॥ ১৯ ॥
স এবমারাধিতপাদতীর্থা-
দধীততত্ত্বাত্মবিবোধমার্গঃ
প্রণম্য পাদৌ পরিবৃত্য দেব-
মিহাগতোঽহং বিরহাতুরাত্মা ॥ ২০ ॥
দধীততত্ত্বাত্মবিবোধমার্গঃ
প্রণম্য পাদৌ পরিবৃত্য দেব-
মিহাগতোঽহং বিরহাতুরাত্মা ॥ ২০ ॥
সোঽহং তদ্দর্শনাহ্লাদবিযোগার্তিযুতঃ প্রভো ।
গমিষ্যে দযিতং তস্য বদর্যাশ্রমমণ্ডলম্ ॥ ২১ ॥
গমিষ্যে দযিতং তস্য বদর্যাশ্রমমণ্ডলম্ ॥ ২১ ॥
যত্র নারাযণো দেবো নরশ্চ ভগবানৃষিঃ ।
মৃদু তীব্রং তপো দীর্ঘং তেপাতে লোকভাবনৌ ॥ ২২ ॥
মৃদু তীব্রং তপো দীর্ঘং তেপাতে লোকভাবনৌ ॥ ২২ ॥
শ্রী শুক উবাচ
ইত্যুদ্ধবাদুপাকর্ণ্য সুহৃদাং দুঃসহং বধম্ ।
জ্ঞানেনাশমযত্ক্ষত্তা শোকমুত্পতিতং বুধঃ ॥ ২৩ ॥
ইত্যুদ্ধবাদুপাকর্ণ্য সুহৃদাং দুঃসহং বধম্ ।
জ্ঞানেনাশমযত্ক্ষত্তা শোকমুত্পতিতং বুধঃ ॥ ২৩ ॥
স তং মহাভাগবতং ব্রজন্তং কৌরবর্ষভঃ ।
বিশ্রম্ভাদভ্যধত্তেদং মুখ্যং কৃষ্ণপরিগ্রহে ॥ ২৪ ॥
বিশ্রম্ভাদভ্যধত্তেদং মুখ্যং কৃষ্ণপরিগ্রহে ॥ ২৪ ॥
বিদুর উবাচ
জ্ঞানং পরং স্বাত্মরহঃপ্রকাশং
যদাহ যোগেশ্বর ঈশ্বরস্তে ।
বক্তুং ভবান্নোঽর্হতি যদ্ধি বিষ্ণো-
র্ভৃত্যাঃ স্বভৃত্যার্থকৃতশ্চরন্তি ॥ ২৫ ॥
জ্ঞানং পরং স্বাত্মরহঃপ্রকাশং
যদাহ যোগেশ্বর ঈশ্বরস্তে ।
বক্তুং ভবান্নোঽর্হতি যদ্ধি বিষ্ণো-
র্ভৃত্যাঃ স্বভৃত্যার্থকৃতশ্চরন্তি ॥ ২৫ ॥
উদ্ধব উবাচ
ননু তে তত্ত্বসংরাধ্য ঋষিঃ কৌষারবোঽন্তিকে ।
সাক্ষাদ্ভগবতাদিষ্টো মর্ত্যলোকং জিহাসতা ॥ ২৬ ॥
ননু তে তত্ত্বসংরাধ্য ঋষিঃ কৌষারবোঽন্তিকে ।
সাক্ষাদ্ভগবতাদিষ্টো মর্ত্যলোকং জিহাসতা ॥ ২৬ ॥
শ্রী শুক উবাচ
ইতি সহ বিদুরেণ বিশ্বমূর্তে-
র্গুণকথযা সুধযাপ্লাবিতোরুতাপঃ ।
ক্ষণমিব পুলিনে যমস্বসুস্তাং
সমুষিত ঔপগবির্নিশাং ততোঽগাত্ ॥ ২৭ ॥
ইতি সহ বিদুরেণ বিশ্বমূর্তে-
র্গুণকথযা সুধযাপ্লাবিতোরুতাপঃ ।
ক্ষণমিব পুলিনে যমস্বসুস্তাং
সমুষিত ঔপগবির্নিশাং ততোঽগাত্ ॥ ২৭ ॥
রাজোবাচ
নিধনমুপগতেষু বৃষ্ণিভোজে-
ষ্বধিরথযূথপযূথপেষু মুখ্যঃ ।
স তু কথমবশিষ্ট উদ্ধবো যদ্ধরি-
রপি তত্যজ আকৃতিং ত্র্যধীশঃ ॥ ২৮ ॥
নিধনমুপগতেষু বৃষ্ণিভোজে-
ষ্বধিরথযূথপযূথপেষু মুখ্যঃ ।
স তু কথমবশিষ্ট উদ্ধবো যদ্ধরি-
রপি তত্যজ আকৃতিং ত্র্যধীশঃ ॥ ২৮ ॥
শ্রী শুক উবাচ
ব্রহ্মশাপাপদেশেন কালেনামোঘবাঞ্ছিতঃ ।
সংহৃত্য স্বকুলং স্ফীতং ত্যক্ষ্যন্দেহমচিন্তযত্ ॥ ২৯ ॥
ব্রহ্মশাপাপদেশেন কালেনামোঘবাঞ্ছিতঃ ।
সংহৃত্য স্বকুলং স্ফীতং ত্যক্ষ্যন্দেহমচিন্তযত্ ॥ ২৯ ॥
অস্মাল্লোকাদুপরতে মযি জ্ঞানং মদাশ্রযম্ ।
অর্হত্যুদ্ধব এবাদ্ধা সম্প্রত্যাত্মবতাং বরঃ ॥ ৩০ ॥
অর্হত্যুদ্ধব এবাদ্ধা সম্প্রত্যাত্মবতাং বরঃ ॥ ৩০ ॥
নোদ্ধবোঽণ্বপি মন্ন্যূনো যদ্গুণৈর্নার্দিতঃ প্রভুঃ ।
অতো মদ্বযুনং লোকং গ্রাহযন্নিহ তিষ্ঠতু ॥ ৩১ ॥
অতো মদ্বযুনং লোকং গ্রাহযন্নিহ তিষ্ঠতু ॥ ৩১ ॥
এবং ত্রিলোকগুরুণা সন্দিষ্টঃ শব্দযোনিনা ।
বদর্যাশ্রমমাসাদ্য হরিমীজে সমাধিনা ॥ ৩২ ॥
বদর্যাশ্রমমাসাদ্য হরিমীজে সমাধিনা ॥ ৩২ ॥
বিদুরোঽপ্যুদ্ধবাচ্ছ্রুত্বা কৃষ্ণস্য পরমাত্মনঃ ।
ক্রীডযোপাত্তদেহস্য কর্মাণি শ্লাঘিতানি চ ॥ ৩৩ ॥
ক্রীডযোপাত্তদেহস্য কর্মাণি শ্লাঘিতানি চ ॥ ৩৩ ॥
দেহন্যাসং চ তস্যৈবং ধীরাণাং ধৈর্যবর্ধনম্ ।
অন্যেষাং দুষ্করতরং পশূনাং বিক্লবাত্মনাম্ ॥ ৩৪ ॥
অন্যেষাং দুষ্করতরং পশূনাং বিক্লবাত্মনাম্ ॥ ৩৪ ॥
আত্মানং চ কুরুশ্রেষ্ঠ কৃষ্ণেন মনসেক্ষিতম্ ।
ধ্যাযন্ গতে ভাগবতে রুরোদ প্রেমবিহ্বলঃ ॥ ৩৫ ॥
ধ্যাযন্ গতে ভাগবতে রুরোদ প্রেমবিহ্বলঃ ॥ ৩৫ ॥
কালিন্দ্যাঃ কতিভিঃ সিদ্ধ অহোভির্ভরতর্ষভ ।
প্রাপদ্যত স্বঃসরিতং যত্র মিত্রাসুতো মুনিঃ ॥ ৩৬ ॥
প্রাপদ্যত স্বঃসরিতং যত্র মিত্রাসুতো মুনিঃ ॥ ৩৬ ॥